ولد حبنا من رحم المعاناة

١٣

يمه ليش تتحسسين منه تره والله مالنه غنا عنچ
بس أنتي مجاي تفهمينه وكتنه هذا غير ..المفروض تفرحين ناخذ الي نحبهم

..الله يفرحكم شرايده اني

..حبيبتي ويحفظچ النا ويخليچ ..زين اني مشتاق اخلي راسي بحضنچ من سنين ممسويها تنطيني مجال هسه لو حضنچ ميستقبلنه

ضحكت هذا منوو لك انت الدوام مغيرك وصاير عاطفي وياي شكوو عندك شي

..شعندي قابل مشتاق وبس ابتسمتلها واجيت خليت راسي بحضنها  شفت البنات طلعن حاچيتها
..يمه فدوه ديري بالچ على ابويه تره تعب خطيه انتي مچنتي هيچ ليش من كبرنه تغيرتي عليه

..ابوك هوه الي تغيير وبعد نفسه

..مجاي يشوف اهتمام منچ وممقصر وياچ بشي يمه ارتاحي وريحينه فدوه اروحلچ تره ابويه تعب واحنه تعبنه
والله اجي من الدوام بس اريد ارتاح كلش اتعب واجبات من غير القلق والوضع يخوف اجي اريد ارتاح من اشوف المشاكل ودي اگطع الأجازه وارجع اداوم
هوه احنه شعدنه غيرچ انتي والوالد اذا منشوفكم مرتاحين شلون نرتاح ..يمه انتي ارتاحي ريحي دماغچ عيشي حياتچ ليش قاهره نفسچ بنفسچ
يعني من تشوفيني احب رونق معناها مااحبچ ونسيت انتي امي ليش يمه مأذيتچ البنيه اذا تأذيچ گليلي ومن تصير الي وزوجتي هم اغيرها
زين قائد معقوله مفرحانتله بهذا اليوم قائد حبيبچ هذا يعني لو يتزوج من بنات اختچ لو تزعلين عليه مو هيچ ياحبيبتي تره لتشوفينه طول بعرض ولحيه وشوارب بعد بداخلنه طفل محتاجج محتاج تبينيله اهتمامچ ومشاعرچ
چنت احچي ومخلي راسي بحضنها بس مچنت اشوفها رفعت نظري الها شفتها مدمعه
عدلت گعدتي مسحت دموعها وبستها
هيه محچت شي عرفتها متريد تبيين هيه متأثره
كتلها ارتاحي اني هم وراي كومه اشغال

طلعت منها رحت الغرفة رونق

..دگيت الباب حبيبتي ادخل

..هلو مهاب اي فوت الباب مفتوح

..شنو شعور جمارتي وعقدها بعد يومين على الشخص الي يموت بيها هههه

..الهسه ممصدگه ومااعرف شنو احضر وشنو اسوي

..باچر تجيچ عمتي ام اياد الصبح روحي وياها انتي والبنات وشنو تردين اني حاضر احتمال اخذكم اني

..وعمتي أم قائد تروح

..تنهدت بكيفها تحب تجي بعد احسن متريد تجي على راحتها انتي لتفكرين بشي فكري بنفسچ وبيه غمزتلها وضحكت
يلله حبيبتي اخذي راحتچ اني طالع هسه يم أياد ومهند بالليل ارد اشوفچ قبل ماانام

قائد..

انطيت حبيبتي خبر انو باچر جايين نمشي عليهم  ونگطع مهر والحفله غير يوم لأن ممحضره واهلها طبيعتهم يعقدون بنفس اليوم الي يمشون عليهم العالم
وگتلها شنو تردون اني حاضر
الحمدلله الفرحه الحسيتها بصوتها توازي فرحتي بيها
بهذا اليوم منزلت من غرفتي بس اتصل بيها وهيه هم انشغلت وي وامها يحضرون الباچر
خابرت الولد مهاب واياد ورحت وياهم
مناك اخذوني وراحوو للحلاق وبالطريق اياد گال