ولد حبنا من رحم المعاناة

١٧

حچاها بصيغة تهديد ومبينه اعصابه تعبانه جاوبته

..مهاب شلون يعني شمعرفني اني بعدين انت بمنوو شاك
..مشاك بوحده منهن بس اريد اعرف اذا اكو شي گليلي الملم الموضوع يعني انتو بنات بينكم اكيد تعرفين شي عنهن ويحچن يمچ
..والله محاچياتلي شي بس حته لو اعرف تتوقع اگلك خزرني حيل وعيونه مليانه غضب اول مره اشوفه هيچ
..وليش متگولين
..اعرف هالمواضيع مو سهله واخاف تأذيهم واني شنو موقفي
..اذا أئذيهم هذا المصلحتهم موقفچ انو راح تتلاحگينه وتفهميني شلون اتصرف گبل لا توگع مصيبه على روسنه وتنزل روسنه للگاع وبعد هذا حچيچ يارونق اكدتيلي تعرفين شي
..حاچاني وهوه يضغط على أسنانه وبيده الجگاره ترجف اعصاب وجهه وايدي بانن حته رگبته تشنط عصبها چنت اباوعله وعيوني مليانه خوف
..صاح بصوت رونق احچي اول وتالي أعرف لتخليني اخذچ بذنب غيرچ
..رأسا نزلت دموعي وبقيت ارجف مثل السعفه صاح بصوت
..رونق احچي ابقي لتحچين بس الي ردته وصلني
بأعلى صوتي صحت رفيف نور تعالوو هنا
..گتله نور معليها ..ماردتها تعرف الي راح يصير
جاوبني
..أها يعني رفيف عفيه والله ..لچ رفييف صوته حسيته رج دماغي وخوفي زاد
..أجت رفيف وعينها عليه ابالها اني حچيت متعمده بس هوه عرف من خوفي يمكن اني حاولت ابعد عن المشاكل بس هوه جبرني اخاف منه يعرف بعدين وتوگع براسي نصيت راسي ودموعي ينزلن ثواني مرت هادئه بس صوت الجداحه سمعته عرفته رجع يدخن
گال يلله غردن
اني ورفيف وحده تباوع بوجه وحده ..صاح رفيف احچي
..شنو احچي جاوبته وعيوني مليانه دموع واطرافي ترجف هدوئه هذا وراه مصيبه

..احچي يارفعة راسي شنو الي ضامته

..حچايته ذبحتني يمكن لو ضاربني ميأثر بيه الضرب مثل كلامه من گلي يارفعة راسي حسيت بالغلط السويته ونزلت عيني مگدرت اباوع حته الأقدامه
..گتله مضامه شي
..رفيف گوه لازم اعصابي اريد افهم منچ لچ احچي دمرتي اعصابي حچاها بصوت مخنوگ وضاغط على اسنانه دار على رونق انتي الثانيه احچي شنو تعرفين
..من رجع حاجاني بديت أشهگ
لزم رفيف من فكها بقوه ورفع راسها ضربه بالحايط بقوه من شفته غمضت عيني عبالك مو مهاب الي اعرفه تحول الأنسان ثاني شكد ممتوقعه عصبيته بس حمار عيونه ورجفة ايده واعصابه الي واضحه على وجهه غيرت كل ملامحه
گلها رفيف احچي شنوو علاقتچ بهيثم واسعد

..من قوة الضربه احس راسي انرج وعيوني بدت تغوش بس صوته صحاني جاوبته والله مااعرف بس هيثم اخوو صديقتي وناوي يخطبني

..يخطبچ ياثوله يخطبچ ضربتها راشدي بقوه لچ هوه هذا يعرف الأصول الي يخطبچ يندل اهلچ ويطلبچ منهم صح لو لا شكم رجال احنه بالبيت لچ ولد احنه اخوتچ ملعبنه بأعراض العالم اخوچ الجبير حبله وحده وذبح نفسه لما صارت اله واني الي احبها يمي عمري مامديت ايدي ولزمتها الا عقدت وصارت الي يلله والهسه اخاف عليها من نفسي  يحبچ وناوي يخطبچ يعير اخوج وولد عمچ گدام اليسوه والمايسوه
كل مااشوفها تحاول تحمي نفسها مااعرف ليش زدت عليها الضرب المفروض تكسر خاطري بس ابد گلبي مات من يمها دفعتها ع الگاع بقوه وگعت على وجهه تنهدت وجريت نفس قوي اكو نار بصدري مااعرف الهسه ممستوعب شفتها رفعت راسها على رونق وگلتلها
..أرتاحيتي هسه من خليتي يضربني مو انتي الي گلتي ذبي تليفونچ شمري قبل ليشوفوه مو ع اساس ردتي تساعديني وعلمتيني اخلص منه ومحد يعرف هيچ هسه طلعت اني المو زينه وانتي الصح
اني اصلا بعدني الهذي اللحظه ممصدگ ومن گالتلي اخو صديقتها گلت يجوز عن طريق اخته ابد ممتوقع اكو تليفون وعدها ومن هالسوالف بوقتها حته التليفونات مو بكثره
چانت اعصابي فايره وبدون تفكير بديت اضرب بيهن اثنينهن بدون وعي چانت تحاچيني رونق بس مااسمع منها ولا اگدر اركز كل الي توضحلي اني مضحوك عليه من حبيبتي ومن اختي والاثنين متفقات على هالشي مااعرف شگد بقيت اضربهن بس حسيتهن تعبن وماقاومن ابد وسمعت صوت قائد وامي وابوي يصيحون
..يمعود افتح الباب هاي شكوو
..مهاب افتح الباب
فتحت الباب وطلعت أول مره تنزل دموعي اصعب شي على الرجال يوگع بهيچ موقف والله لو شخص ادمي وصدگ رايدها چان گعدت وياها وافتهمت منها واوافق بدون تردد بس وضعها يختلف انطت ثقتها الشخص ميستاهل تباوعله بعينها مو ترخص نفسها اله
وين انطي وجهي وألمن اشكي البيه اذا رونق تربات ايدي هيه تعلمها وتنصحها ع الغلط رفيف بشنوو مقصرين وياها وتجازينه هالشكل