ولد حبنا من رحم المعاناة

١١

مرت ايام الأجازه سريعه وصار موعد التحاقي
ضايج شلون اخلي رونق كلشي يصير گمت اخاف عليها من كلشي خاصتا امي تصرفاتها ممعروفه ومحد يعرف شنوو تفكر

وصيت عليها اياد وعمتي ام اياد ووصيت قائد هم
قائد انشغل بالمشاكل الصارت واجل موضوع العقد فتره

بالليل بغرفتي جگارتي بيدي وافكر شلون راح اشتاقلها اخر يوم من الأجازه يخنگ الي مجرب احساسي يفهمني احس روحي مخنوگ وايام الأجازه خلصت بسرعه 
قررت احضر الجنطه مالتي واني جاي اطلع ملابسي من الكنتور
دخلت حبيبتي

..مرحبا

..ابتسمتلها وذبيت الجگاره من ايدي  وطفيتها مراحب.. كل الهلا بنور العين نورتي الغرفه ياب

..منوره بوجودك ..اجيت احضر ملابسك واشوف شنوو تحتاج

..اجيتي بوقتچ ..ممحتاج شي بس شوفتچ
رونق ديري بالچ على نفسچ اي شي تحتاجين بلغيني بالتليفون واني راح اخليهم يتصرفون وصيت عليچ عمتي ام اياد واياد ووصيت قائد هم كلهم ميقصرون

..ان شاءالله مااحتاج شي ..بس راح اشتاقلك هواي

..اني اكثر حبيبتي..صحت رفيف تجي تساعدها مو اقصد المساعده بس مردت نبقه اني وياها بغرفتي واخاف يسوولها مشكله ومردتها تحس بلي افكر بي لأن اذا حست بعد متعتب بابها اعرفها

گلت الرفيف اكويلي البدله بين مارونق ترتب باقي الجنطه
شويه وسمعت صوت جوه جاينه خطار نزلت وبقن هنه ينزلن وراي
اجيت اسلم شفتهم عمي ابو مهند وعائلته وعمو ابو اياد هم هوه وعائلته
  فرحت بجمعتهم صار هواي ممتجمعين مهند صار فتره طويله ميجي حته من يجون اهله يبقه بالبيت من صارت المشكله بينه وبين رونق هسه ماشاءالله شاب بس اني واياد متركناه خاصتا من كبر صادقناه حته ليروح يصادق غيرنه منعرفهم والوقت مو خوش واكثر الشباب بهذي الفتره انجرفوو وي الموجه الي ذبت كثير من الشباب بتهلكه منها عصابات ومنها مجموعات طائفيه تثير الفتن احنه خفنه علي ليروح بالرجلين احتويناه رغم چان عنده خبث ولؤم من هوه طفل بس من كبر وبده يفهم الي يعاشره يشوفه اطيب قلب يمكن الدلا چان مأثر عليه ومن كبر بده يفكر لأن هوه وحيد اهله جان.. قبل خمس سنين يلله اجاه اخ صغير عمو تأخر يلله صار عنده طفل ثاني

گعدت يم الولد وبدينه نضحك ونسولف شويه واجن البنات يسلمن شفت رونق ورفيف اثنينهن بعيونهن نظرة تعجب من شافن مهند مو نظره بيها شي لا بس. مبينات مصدومات سلم عليهن بابتسامه

..والله وكبرانات بنات عمي شلونچن اخبارجن
رونق..ههههه الحمدلله بخير قابل بس انت تكبر يعني معقوله أنت المزعج نفسك خو مو باقي على نفس الأزعاج

مهند ..ههههههه هذا اول لقاء بعد سنين والقطيعه كانت بسببچ وذكرتيني بالذي مضا اكيد اني مو مزعج شتگول مهيوب (هذا اللقب يطلقونه اولاد عمه واخوته المهاب )