مرت الأيام ومباقي الموعد زواجنه غير أسبوع
حددناه الخميس اليجي ونزلت للبيت يوم الأحد
أول مره افوت للبيت ومو هيه تستقبلني چنت اعرف هيه مموجوده عمتي أم أياد اتصلت بيه وفهمتني راح تاخذها يمهم حته تكمل ترتيباتها وترتاح بهذا الأسبوع وافقت وبقيت على تواصل وياها بس حسيت بوحشه من دخلت البيت وهيه مو بي
أول المره اشوف الفرحه ابيت اهلي هيچ كلهم استقبلوني غير استقبال مو مثل كل مره
كل النواقص قائد مكملها واني وياه على تواصل چنت كل ميتصل بيه ويبلغني شنو جاب وشنو سوه اگله اخدمك بعرسك مرات اضوج عليه لأن هوه المفروض عرسنه سوه يكون بس كلشي بيد الله
اول يوم ارتاحيت چنت تعبان كلش بعدها بديت اجهز نفسي
مرت الأيام بسرعه وصار يوم الحنه
احس مو گاع الأمشي عليها احس نفسي طاير
ومنتظر شوكت اشوف ملاكي وعروستي طگ گلبي عليها ممتعود بالبيت هالگد مااشوفها
بجيتي قبل يومين من الحنه خابرت عمتي ام رونق
وعزمتها ع العرس چانت تعرف لأن هيه متواصله وي رونق بس ردتها تطلع مني احسن عزمتها وبلغتها جيتها هيه وبيبية رونق وخالاتها راح تكون على حسابي والسياره منا ادزها الهم اهم شي يجون ويفرحوها
فرحت هيه بأتصالي وعزيمتي واني فرحتي اكثر اتخيل رونق لو شافتهم شنو فرحتها
بقينه بهالأيام نتواصل ع التليفون بس اشتاقيت الها كلش اريدها اريد قربها يمي زكلشي مااريد بيتنه هوسه وكل الأقارب بي خالاتي وبناتهم وولدهم عمامي وولدهم كلهم موجودين وفرحانين الأغاني والرگص كلها محتفله اني اريد احتفل وياها
بيوم الحنه گلت فرصتي اخذها للصالون واشوفها اتصلت بيها
..الوو
..هلا حبيبي
..ياروح حبيبچ وعمره أنتي شلونچ شوكت اجيچ اخذكم للصالون
..هههه تأخرت قبل اكثر من ساعه قائد وصلنه
..لا والله واني أخر من يعلم وحضرتچ ماخذه راحتچ راح اعديها بعدچ عروس ههههه
..لعد اكو عروس حاجزه صالون تبقه الهالوكت مرايحه
..شمعرفني بسوالفكم اني وشگد تاخذ وقت بعدين شنو يعني اني الهسه مرايح للحلاق قابل شعندچ انتي هوه انتي قمر ميحتاجلج هواي شغل ترتيبات بسيطه وتصيرين توب
..ههههههههه لا والله اجيت بس سره بعد الهسه مواصلني انتو شعدكم قابل مثلنه
..وهذا قائد غير يگلي چان جاي وياه اريد اشوفچ اني شلون هسه ماعندچ شي ناسيته منا منا استغلها واجيج ههههه
..لا والله مناسيه شي كلها شكم ساعه وتشوفني من تجي تحنيني وتشوفني اني هم مشتاقتلك
..يلله اتحمل شسوي حبيبتي كلها ليله وبعد مااحتاج اطلب أذن الشوفتچ حته منچ مااحتاج الأذن
..أن شاءالله يلله حبيبي السره وصل الي
..اخذي راحتچ حبيبتيساعات مرت بين انشغالي وهوسة البيت واجواء الفرح
صار وقت حفلة البنات الي هيه ابيت عمي أياد وبالليل حفلة الشباب
رحت العصر احنيها
احساس مااگدر اوصفه
دخلت وعيني تدورها شفتها جمالها مينوصف مرت اشيل عيني منها..من گالو وصل العريس حسيت گلبي دگاته الف
رفعت عيني اشوفه مبتسم
كشخته ووسامته متقل عن كل مره اشوفه بيها بس هالمره غير احس بي شي يجذب اكثر
بقه مركز عليه ومبتسم سلم ع الموجودين ودخل وهوه على نفس تركيزه وابتسامته عيونه بيها كلام هواي وصلي بدون ميحچي قرب عليه بخطوات واثقه وبطيئه
ممبين عليه ارتباك او خجل
ولا اني صار عندي خوف العروس ورهبة العروس الي تحس بيها اكثر العرايس لأن جنت اعرفه اكثر من روحي لقائنه چان حلوو وهادئ خالي من اضطراب المشاعر عدا الفرحه الي بگلوبنه وعيونه الي تحچي لهفتنه
..شفتها وگفتلي نصيت عليها قبلت جبينها غمضت عيني احس كلشي لهنا وگف حققت حلمي وفيت الها والنفسي
بعدت عنها وركزت بملامحها اكثر حبيبتي كلشي بيها يجذبني
..حبيبتي الف مبروك
..مبروك الي والك
..غمزتلها هاي انتي شطالعه شنو هالجمال
ميصير نسوي الزفه اليوم
..ضحكت لا ميصير كلشي بوقته حلوو
..ألا انتي حلوه بكل وقت ..نوگتي مشتاق اني مشتاق كلها بجهه لهفتي اليوم عرسي وشوقي الچ من چنتي يمي بچفه وغيابچ هذا الأسبوع بچفه راح يصير الأشتياق مضاعف وعليه من يزداد الشوق تزداد اللهفه والبوسه والحضنه وكلشي هههه
... ابتسمت ونصيت راسي خجلانه
..انتي الظاهر ممشتاقه يلله واحد منه يشتاق كلش كافي
..سويت نفسي مااسمع گتله مجاي اسمعك زين من الهوسه وصوت الأغاني
..ضحكت عرفتها تتحجج گتلها ..عادي لتسمعين باچر تشوفين بعينچ
بقيت فتره حنيتها وطلعت ورجعنه للبيت تبدي حفلتي اصدقائي والولد مقصروو گلبوها گلاب
عرفت الفرحه متكمل الا بوجود الأصدقاء والأحباب
خلصت حفلتنه وبقينه بس احنه الأقارب بين الضحط والشقه وجود ابوي وعمامي
اجه والدي وصاني على رونق گتله ميحتاج توصيني هيه روحي وانت تعرف هالشي
ثاني يوم انعاد نفس الروتين الي مر بالحنه بس اليوم اني كلشي عندي يختلف احس الوقت يمشي بطيء واريد بس يجي وقت الزفه
وصار وقت الزفه انطلقت السيارات
اخذت سيارة قائد اني سقتها وهيه يمي بالصدر
خذتها من الصالون واخذنه صور ورجعنه البيتنه للمشتمل صارت الزفه دخلنه وحدنه والأقارب وحته امها وخالاتها ابيت اهلي عشاهم ويباتون
قفلت الباب
احس دنيا جديده انفتحتلي
أنت تقرأ
ولد حبنا من رحم المعاناة
ChickLitبين احقادهم التي عشناها في مرحلة الطفوله وبين اجوائهم العاصفه احيانا والهادئه بعض الأحيان عشنا هذه المرحله بحلاوتها ومرارتها كنا أطفال صغار لانعرف كيف تدار الأمور وكيف هم ينظرون الى المستقبل كنا نمرح ونلعب نحزن ونفرح لايهمنا امرهم فرحو هم ام حزن...