فى المساء
توجهت أميره لمنزل نيره لاطمئنان عليها .. وعند وصولها قابلتها والده نيره بالترحاب
والده نيره : اهلا اهلا بحبيبتى .. اخبارك ايه يا أميره وماما اخبارها ايه ؟
أميره : اهلا بحضرتك يا طنط .. بخير وبتسلم على حضرتك اوى
والده نيره : الله يسلمك ويسلمها يارب
أميره : هى نيره فين يا طنط ؟
والده نيره بحزن : ف اوضتها معرفش مالها البت دى الايام دى غلبتنى
أميره : طيب انا هدخلها يا طنط
والده نيره : اتفضلي يا حبيبتى البيت بيتك
دخلت أميره غرفه نيره فوجدت نيره نائمه على فراشها تبكي وتكتم صوتها كى لا يسمعها أحد
أميره بحزن : ولحد أمتى هتفضلي كده علشان واحد مايستاهلش ؟
نيره ببكاء : هو ليه عمل كده ...أشمعنى انا يا أميره ؟؟
جلست أميره بجانب صديقتها وظلت تربط على ظهرها
أميره بحزن : والله مايستاهل يا نيره ده بنى ادم زباله لازم تنسي وتقفى على رجلك تانى
نيره بدموع : بتتكلمى كانها حاجه سهله انا حبيته بجد يا أميره
أميره : لا مش حاجه سهله بس لازم تكون قويه وتثبتيله انه مش فارق معاكى
نيره بدموع : ادعيلي يا أميره
أميره بحزن : ربنا يقويكى يا حبيبة قلبي وانا معاكى مش هسيبك
نيره بدموع : يارب
أميره بحذر : على فكره هو سال عليكى النهارده بس انا هزقته وقولتله يبعد عنك
نيره : احسن انا مش عايزه اشوف وشه تانى اصلا
ظلت نيره وأميره يتبادلون اطراف الحديث وأميره تحكى لنيره ما حدث بالجامعه كى تخرجها من ما هي به وتخفف عنها وبعد فتره استاذنت أميره بعوده الى منزلها وتركت نيره ف حال احسن قليل من ذي قبل
************************************
بعد مرور اسبوع
قررت نيره ان تذهب الى الجامعه وتعود لدراستها التى اهملتها مره اخري .. فذهبت برفقه أميره وعندما وصلت الى الجامعه
أميره بحماس : ايه ما وحشتكيش الكليه ؟
نيره بفتور بعض الشئ : اه وحشتنى اوى
أميره : والله ده منظر واحده وحشها اى حاجه .. فوقى كده واقفى على رجلك .. البنات جايين علينا بلاش يحسوا بحاجه
أنت تقرأ
نوفيلا حب حتى إشعار أخر
Historia Corta" كل بنت نفسها تحب وتتحب ، كل بنت نفسها تعيش قصه حب ، بس قبل ما تفكرى تعيشى القصه دى .. فكرى أنتى إختارتى مين يشاركك فيها وإسألى نفسك سؤال واحد .. هو فعلا يستاهل ولا لا ؟ ، خافى على قلبك لأن محدش فى الدنيا هيخاف عليه من الوجع غيرك " بقلم \ هدير الص...
