تخبيط عالباب ...
سليم: ادخل !
دخلوا مريم ولمى وآسيا ووجدان ،منهارين وفيهم الى بيعيط
سليم: ايه ده فيه ايه ( اتخض)
العسكرى : ياباشا هما مصممين يدخلولك وانا قولتلهم لو فيه بلاغ ولا حاجه قدموه للأمين النوباتشى
مريم : الحقنا ياسليم !!!
سليم: خلاص اطلع انت ... فيه ايه ؟
آسيا: سليم انت لازم تاخد قوة وتدور عليها دلوقتي حالا
سليم : ادور على مين انا مش فاهم حاجه
وجدان : تبارك اتخطفت !
سليم: ايه ده ازاى الكلام ده ...فهمونى واحدة واحدة
لمى : يا كابتن سليم حضرتك احنا كنا بالسينما فحفلة ٣
طلعنا سوا احنا الخمسه انا وآسيا ومريم ووجدان وتبارك
كنا بنتكلم وبنضحك سوا ،فجاة فى ست صوتت ابنها تاه
سليم: أيوة
مريم :(بتعيط) والناس اتعلمت حواليها وهى بتصوت ،احنا كنا بنبص عادى زييهم
وبعدها بشوية حد جاب لها ابنها
لمى: وانفضت اللمة بنبص ع تبارك ملاقينهاش
سليم: جايز تكون راحت حتة مثلا ،متوصلش لخطف
وجدان: يعنى راحت لحته بسرعة كده لدقيقتين ! كانت بتحكى معانا وباصه عالست دى
وبعدين اتبخرت ياجماعة
سليم: كلمتوها عالموبايل؟
آسيا: كلمناها ...مقفول
سليم: انا مش هينفع اتصرف ف اى حاجه الا لما يعدى ٢٤ ساعة على غيابها لولا م اقدر اتحرك
جايز تكون راحت حتة وموبايلها فصل وزمانها رجعت البيت وانتو فاكرين انها اتخطفت
أصل هتتخطف ليه ايه الداعي
مريم: يعنى ايه ياسليم ٢٤ساعة !!
هتفضل يوم بحالة فحته منعرفهاش مع ناس ممكن يأذوها
سليم: مريم ...ده قانون ولازم نمشى عليه،متبنيش حاجه مسبقآ استنى شويه
وجدان: نسنتى لما يموتوها ؟ قانون ايه ده
سليم : يموتوها ليه ؟ اعتقد ان أهل تبارك واخوها ناس ملتزمة وفحالهم مالهمش أعداء
هى لابسة اى مصوغات دهبية معاها حاجه غالية ؟
وجدان: لأ
لمى: حتى تبارك مش ملفته ،لبسها ملتزم عبايات وطرح ومفيش حاجه دهب غير خاتم بس
وموبالها فون نوعه عادى يعنى مش مطمع
سليم: عشان كده بقول تروحوا وان شاء الله مفيش حاجه وهتلاقوها روحت كمان ...
مريم طلعت زعلانه من مكتب سليم ،ومعاها البنات
， '·，'·，'·，'·，'·，'·，'·，'·，'·，'·，'·，
وصلوا البيت وراحوا شافوها وملاقوهاش فالشقة بتاعتهم ..!
أنت تقرأ
رواية نوتيلا ♥
Любовные романыحكاوى البنات مبتخلصش ، وان كنت فاكر انهم مجرد كائنات! لا طبعا دول نص الدنيا واحلى م فى الدنيا هما النوتيلا❤
