رواية نوتيلا ♥

الحلقة 41

لمى ف اوضتها هى واسيا ، نايمه على رجل اختها وبتعيط من غير صوت
وهى بتتكلم
بتفضفض عن الى جواها
عن كل الخنقه الى ماسكاها والى زودها عقاب باباها ليها
وبقى قاعدتها فالبيت شبه سجن !

لمى : ع فكره أنا
لسہ هبله
ولسہ طفله
،ولسہ بحكى للناس ع حآجه تخصنى حتى لو مش صحآبى
لسہ مبقتش خبيثه
ولسہ بتعلق بآلكلام آلحلو بسرعه
ولسہ بفرح بيه آوى
ولسہ بثق ف النآس اوى
ولسہ بتخدع فيهم
ولسہ بعيط وبضعف لما يحصل اي موقف وعارفه ان ف ناس جمبى عاملين اصحابى واحبابى وهما بيتمنولى الشر من كل قلبهم
لسہ بتظلم وباجى ع نفسى عشان الناس
ولسہ ف ناس لما بيسمعواا عني حاجہ بيصدقوها
ولسہ لما بسمع عنهم حاجه بقول لا مستحيل
لسہ مافيش حد بيقف جمبى بس لو لاقيت حد محتاجلى مقدرش اسيبه

آسيا( بتمسح ع شعرها ) حبيبتى ...الى حصل خلاص عدى
مشس هقولك زى اى حد ياما حذرناكى ياما كلمناكى عشان الاسلوب ده انا مبحبوش
لكن هقولك بكرة جاى واحلى من الى فات ان شاءالله

لمى قامت من ع رجل اختها وهى بتمسح دموعها

لمى: انا خلاص بقيت مطلقه فسنى ده ، لا لبست فستان ولافرحت زيكم
ولاحد زغردلى

اسيا: ياحبيبى م انتى الى طفيتى فرحتك وفرحتنا معاكى

لمى: وبابا بيكدب عالناس كل الى يساله عنى يقولهم انى اتخطبت وسافرت اسوان
عند عمتو اجيب حجات لجهازى..
وهيفضل فالكدبة دى لحد م يجوزنى ويطلقنى ومحدش يشوفنى ولا اشوف حد!

اسيا: تفتكرى كان هيعمل ايه ، الخبطه كانت توجع
ودول خبطتين يالمى
سليم يقبض عليكى فوضع مشبوه
وجوازك العرفى
انا مش عارفه ازاى مقولتليش !
كل البنات بتأمنتى ع سرها وانتى اختى ...لأ !!

لمى سكتت وعيطت بحرقه فحضن اسيا

اسيا: عارفه الى اتظلم فكل الموضوع ده ،هى مراته
مرات احمد
وولاده
الى حبوكى وقربوا منك وقربتى منهم ..
ذنبها ايه هما وهى يصحوا ع كابوس زى الى عمله احمد

لمى: طب وانا هعملها ايه نسمه دلوقتى ...اذا كنت انا فمصيبه زيي زيها

اسيا: لا يالمى انتى مش زيها ، هى اتصدمت بعد عشرة السنين فجوزها وابو ولادها
دى حاجه توجع اوى
انما انتى خلاص علاقتك بيه انتهت وممكن يبقى لك علاقه جديدة مع حد تانى
لكن هى لا

لمى : تفتكرى كنت السبب( بندم)

اسيا: بصراحه اه ...كل الى حكتيه عن طريقتها معاكى وولاده كمان
يقول انها ست كويسه وطيبه متستاهلش ده منك
وزمان البيت مقلوب حريقة من يوم الى حصل
وكده بقيتى شايله ذنب ٤اشخاص مش شخص واحد

لمى : انا مكنتش متخيله كل ده

اسيا: هو ده الى كنا بنحاول نفهمهولك وانتى مكنتيش مقتنعه
ودلوقت جه دورك تصلحى غلطك