Note: Gawa to ni B2, gusto niya palagay dito. He's my uncle :)
Siguro nga kailangan ko nang manindigan
Iwasan mo na ako,
Tanggalin mo na ako sa iyong isipan
Alam kong kaya mo sa akin gawin 'to.
Nakakainis ang pakiramdam ng ganito
Hindi ko magawang ika'y pakawalan
Ayaw ko ng mabuhay sa mundo
Kung ako'y iyong tuluyan ng iiwan.
Ngayon ako'y nag- iisa't tumutula
Nagsusulat at nag- iisip ng nakatulala
Ilang minuto akong nag- isip kung ano ang susunod na salita
Subalit puro masasakit at hindi ko kayang ipakita.
Pero kailangan ko pa ring ipagpilitan
Na ako'y kunwaring ayos lang at nasisiyahan
Masaya't nagsisinungaling sa bawat kaibigan
Nagpapakita ng ngiting may nakatagong kalungkutan.
Makisabay nalang sa bawat tawa ng tao
Makisabay tumawa kahit nagmumukha na akong gago
Makisabay nalang sa ulan para hindi halatang lumuluha ako
Gagawa pa ako ng isang talata sa tulang 'to.
Kailangan kong sumabay sa agos ng buhay sa oras na ito
Ngingiti, tatawa nalang sa likod ng tunay na nararamdaman ko
lahat ng tao ay iiwan ka at yun ang napatunayan ko
Pangako ko, mamamatay akong nag- iisa sa mundo.