الخطيئه

البارت الثامن

الكل تفاجئ بحمل هاي الطفله ...
نتركهم ونرجع لسهى وخلود صارو صديقات بعد ماعرفتها على كرار وكثرة لقائاتهم خلود تريد بنات جديدات تشغلهن تفكر بسهى طالبه جامعيه واكيد وياها طالبات تكدر تجر رجلهن الي محتاجه فلوس والي محتاجه حنان تتصل بسهى حتى يلتقن
خلود..هلو سهى تكدر تجيني
سهى..هلو حياتي اني ناويه اجيج اخصل شعري
خلود..هلا بالخير
دقايق وتوصل سهى لخلود يتباوسن  ويكعدن يسولفن
خلود..سهى اي وحده عندج تريد تقابل حبيبها جيبيها يمي خطيه نسهل امر العشاق وتصحك بعهر
سهى..اي شعدنا غيرج حياتي
خلود..والي تحتاج فلوس تره عندي شغل الهن الساعه ب50 شمحلاتها هم تتونس وهم فلوس
سهى..تضحك واني لعد جنت انطي فلوس لعد شغليني عندج
خلود..ليش الف واحد يتمناج ويبوس اديج بس اشري
سهى..لاحبي مقتنعه بكرار خوش فحل مكفيني
خلود..شوفيلي زميلاتك تره محتاجه ويايه يساعدني بالصالون واعلمهن حلاقه
سهى..بسيطه
.....
نرجع للمفاجئه الكل يسكت من يسمع نغم حامل ام دريد وام رزكار يباعن لنغم صدك حامل ومنو زوجها
ام رزكار ...تباوع لرزكار تستفهم وتروح يمه ابني هي متزوجه ومنو زوجها
رزكار..متفاجئ شلون يفهم امه ان بنت خاله كانت عاهره بحكم مجتمعهم ايضا عشائري وشغلة الشرف جبيره عدهم زين هو ملمسها
رزكار..ماما تعالي اشاورك يشاورها ماما خالتها كانت تكود عليها واني خلصتها
ام رزكار...تبده ترجف شنو مستحيل ليس جبتها ر0عها لخالتها
نغم ..تباوع وتسمع ام رزكار
ام دريد..تباوع على صديقتها ام رزكار تريد تفهم الموضوع
دريد..مصدوم منزل راسه
نغم..من تسمع رجعها لخالتها تتخبل تدوخ وتحس الدنيا تفتر بيها وتوكع
الممرضه تسمع وتشوف مفاهمه الموضوع تركض على نغم تشيلها للسرير تريد واحد يساعدها ام دريد وام رزكار يبتعدن من توكع الطفله وميساعدن الممرضه
الممرضه..تصيح مساعده تشيلها وتصيح الطبيب يفحصها وتنقلها لغير غرفه
نغم..تصحى تبده تبجي الممرضه واكفه على راسها
الممرضه..ليش تبجين بنتي وين زوجك
نغم..ماعندي زوج منو يتزوج وحده مثلي وتبده تحجي للممرضه والممرضه تبجي على هاي الطفله شافت ضيم
....
ام رزكار ..رزكار دير بالك تجيب سيرتها لبيبتك بابا جايب بلوه انت والنوب حامل متخاف على سمعة خواتك الناس من تعرف شراح تسوي
رزكار..يفكر ويا نفسه شلون مصيبه طلعت حامل
ام دريد..لدريد خوما الك علاقه بيها وعيونها تجدح نار
دريد..لا ماما منين الي علاقه ويحجي ويا نفسه شلون ومنين حامل شكول لامي شلون افهمها
....
مجتمعنا صعب يتقبل الزنا وهذه حقيقه مع العلم اكو بنات يجبرن من قبل اقرب الناس الهن او يغتصبن من قبل اقاربهن وهم نفسهم يدفعوهن للحرام وراها يتنكرون الهن الي شفته بحياتي اكو ولد عمهن او ولد خالهن علموهن والغلط يوكع براس الاهل يثقون وميراقبون نرجع لنغم ام رزكار عمتها مو امها حتى تسترها راح تفكر بناتها وسمعتهن
....
دريد بداخله يحبها لازم يشوف فرصه ياخذها بس الجاهل شلون ومن منو
...
نغم .تصحى تبجي على حظها راح ترجع لخالتها لو الحجي وترجع للخوف ربي خلصني وتبجي الممرضه تتعاطف وياها
الممرضه..الطبيب كتبلك خروج هاج فلوس واطلعي هاي كل الي عندي
نغم..لاعفيه خليني هنا شغلوني عدكم منظفه ابوس ايدك ارجع للضيم والقهر يكتلون بيا ويغتصبوني
الممرضه ..شلون لعد ياربي هاي طفله
نغم..عفيه خاله شغليني هنا ابوس ايدك
الممرضه ..احجيلي محد من اهل ابوج يريدج هسه
نغم..موشفتي عمتي تكول لابنها ليش جبتها وتريدني ارجع لخالتي وخالتي تبيع بيا ويضربوني
.....
سهى تكرر زياراتها وتبده تجيب طالبات تغريهن بالفلوس يم خلود وخلود يزدهر شغلها ويزدادون زبائنها من يسهرون يبدون يفتخرون بافعالهم وجرائهم كدام خلود والبنات
الكل يتاجر بالعراق وباهل العراق والجهلاء امثال كرار يستغلوهم
....
الممرضه.. تفكر ويا نفسها تاخذها تكسب اجر بيها وهم داري امها من هي بالشغل بس تخاف من اهلها
الممرضه..نغم راح اخذج ويايه بس ممنوع تطلعين من البيت استري عليا يشوفوج يمي اهلج وابتلي
نغم...عفيه والله شغليني خدامه عندج بس لاترجعيني يم خالتي تبيع بيا
الممرضه ..اني ماعندي خوات والدي توفى وبس امي عندي انتي هم اختي بس تعرفين هسه العشاير واني فقيره اخاف
نغم..ماطلع ابد عفيه بس اني حامل شلون شسوي
الممرضه..اؤؤف الله يعينك
الممرضه تاخذ نغم للبيت بسريه
.....
دريد..يكوم يسئل الممرضات عن نغم عفيه وين البنيه
الممرضه ...طلعها الطبيب وانطيناها فلوس وراحت
دريد..شنو ماعدها اهل شوكت طلعت يكوم من الفراش يريد يبدل يلحكها
الممرضه..وين انت جروحك ممكتسبه الشفاء التام خطر عليك
دريد..عفيه اريد الحكها
الممرضه ..اسفه ماعرف وين راحت انطيناها فلوس وطلعت
.....
رزكار يفكر ميريد يتخلى عنها هي كانت مجبره وضحيه بس شلون امه متقبل ايضا يشوف دريد شلون يدور عليها هو ايضا يكوم يريد يلحكها
رزكار..دريد اخذني وياك بس انتضر ابدل
دريد..وين تجي توكم تبريتو منها
رزكار..لعد انت مو بقيت ساكت خفت من امك تحجي
دريد..يلا بدل خلي نشوف وين راحت
.....
الممرضه تدخل نغم لبيتها
الممرضه..يوم وينك
امها..ها بنتي هنا بالمطبخ
الممرضه..ويايه خطار
امها..هلا بيها تطلع تستقبلها
نغم..شلونج خاله وتريد تبوس ايدها
ام الممرضه..لابنتي وتجر ايدها هلا بيج
تاخذ بنتها لغير غرفه تستفسر منها
الممرضه ..يوم هاي يتيمه ماعدها احد وخفت ابقيها بالشارع
امها ..يوم احنا فقره وماعدتا احد اخاف وراها مصيبه
الممرضه..يوم نسويها لله خطيه لوتعرفين قصتها الا تبجين
امها...اؤف وتالي شلون يمه اخاف عليج هسه يسووها عشاير
الممرضه ..يوم منخليها تطلع وهم تخدمك خطيه يمه وين تروح
امها...يمه اخاف والله عليج ماعندي غيرج
الممرضه..يمه خطيه اسويها اختي
....
دريد ورزكار يطلعون بس ميعرفون وين يروحون ماكو غير خلود نغم متندل غيرها اكيد تروحلها
رزكار..اني اروح للكراجات بلكي الكاها
دريد ..اني اروح لخالتها بلكي هناك
يتبادلون الارقام ويفترقون تمر الايام
...
نغم ..اخيرا يارب لكيت ناس ارتاح وياهم
ام الممرضه..بنتي نغم انتي حالك من حال فاطمه
نغم..تبده تتعلم طبخ وتنضف وتخدم ام فاطمه وتبده ام فاطمه تحبها
فاطمه...هلو اني جيت وتروح للمطبخ الحلو شطابخ النا وتبوس امها
ام فاطمه..هلا يوم طبختلك باميا تجنن ونغم ساعدتني بالتمن
نغم..تبوس فاطمه هلا حياتي تعالي ارتاحي هسه اصبلكم الغده ويكعدون رغم بساطتهم بس الجو عائلي وبيه حب
ام فاطمه ..يمه فاطمه اني اتغده واطلع اتسوك
فاطمه ..اي يمه اني هم انام
نغم..واني اغسل مواعين
فاطمه..لا اتركيهن اني اكعد واغسلهن
نغم..لاعفيه ماعندي شي اسويه انتي تعبانه
....
رزكار يدور على نغم واخيرا يتذكر اكو كامرات بوابة القاعده بلكي يشوف رقم السياره الي صاعدتها
يقنع الضباط ويدخل عليهن يشوف فاطمه ويا نغم
...
نغم بعد ما يتنكر الها رزكار ودريد تنقهر وتقرر تنساهم
...
رزكار بحصل رقم فاطمه ويتصل بيها
رزكار..الوو اني المترجم رزكار حضرتج فاطمه
فاطمه ..اي اتفضل
رزكار..اريد اجيج خطار ممكن عنوانك
فاطمه..ليش
رزكار ..ارجوج عندي شغل وياج
فاطمه..اسفه ماكدر استقبلك بيتي الناس شتكول تعرف بس اني واني بالبيت
رزكار..ارجوج شغله ضروريه
فاطمه ..باجر بالقاعده تدلل اخويا
رزكار..ارجوج عندي امانه يمك
فاطمه..ارجوك كتلك اني المنطقه يعرفون بس اني بالبيت ويا امي ماكدر استقبلك وتقفل الخط
نغم تخاف من تسمع فاطمه تذكر اسم رزكار متريد ترجع لحياتها السابقه باي شكل بيت ام فاطمه رغم بساطتهم وفقر الحال بس حست بالنظافه والحب والحنان حبت فاطمه وامها وتمنت تبقى وياهم على طول
.....
للحديث تتمه
اسف لتاخري بسبب انشغالي بالعمل
اشكر كل واحد يتابع القصه وينطي رأيه بصدق