الخطيئه

الخامس عشر

نغم..ارجوك دريد ابتعد عني خليني اروح ويا فاطمه صح فقيره بس لمتني وحسستني بالامان نمت بيتهم مرتاحه
دريد..نغم انطيني فرصه ارجوك مفاهم الي كاعد يصير شفتي عصام تهجم عليا يتهمني بقتل رزكار
نغم..دريد حالتي النفسيه تعبانه الكل تطردني ومتريدني اولهم عمتي طردتني تكلي فكر جبتي المصايب وتبجي بحركه يتقدم دريد يحضنها
تبده ترتاح وتتذكر الليله الي قضتها وياه تخلي راسها على كتفه وتبجي
فاطمه..هسه قررو وين نروح
نغم..ماعرف عفيه
دريد..تعالو يمي عندي بيت فارغ اكعدوه بيه لحد ما شوف شلون تصير
نغم..وامك اكيد ترفض وراح تطردني كافي دريد تعبت
دريد..نغم صدكي ماتخلى عنك حاولو قتلي وخطفوج من بيتي واعرفهم وان شاء الله اخذ حقك لاتنسين هسه احنا بكردستان اكو حكومه وامان هنا حتى لو متزوجيني راح اتكفل بمصاريفك واحميج.
فاطمه...يلا حددو والدتي تعبت واكفين بنص الشارع
دريد ..اصعدو ويايه هسه ونسولف بالطريق
يصعدون وياه لدريد
....
البيبيه ...اول متصحى تسئل عن نغم عصام وين بنت اخوك
عصام..ماما ماعرف اني تلخبط عندي كلشي اكيد دريد هو قتل رزكار او كان السبب لازم اخبر الضابط
البيبيه..لا ابني متوصل لهل الدرجه دريد موقاتل انتضر لاتستعجل بس روح دور على بنت اخوك
عصام..ماما ماكدر فاتحة رزكار واختي كل شويا تتخربط خليني يمكم
البيبيه ..كتلك روح شوف بنت اخوك متندل وين تروح
عصام..صار بس خلي اطمئن عليكم
البيبيه ..روح هسه بلكي راجعين للبيت وخابرني
عصام..هسه اخذ رقم فاطمه ونغم من نرجس لان هي كانت تتصل بيهم رزكار كلي
.....
جمال ..لازم اتخلص من هاي العار منين اجتي ماطول فاتحة رزكار راح يجون كل ولد عمي واجتمع بيهم ونشوف صرفه الها منكس اسم عائلتنا ونخليها عايشه
ام رزكار..جمال شفتها جابت الفكر وياها بس دخلت علينا
جمال..اليوم من نخلص العزا بالليل احجي ويا ولد عمك هم يخلصونا منها
ام رزكار..اي راح تدمر سمعتنا امك خرفت جمال متفكر بحجي الناس
جمال..اي الضاهر خرفت
...
عصام..نرجس انطيني رقم نغم وفاطمه
نرجس..هاك خالو نغم ماعدها موبايل رقم فاطمه كنا نتواصل عليه
عصام ..اوك بنتي يتصل
فاطمه..رقم غريب الووو
عصام..فاطمه
فاطمه..البقاء لله بس ليش هيج تهمت الولد واختك طردتنا
عصام..اسف ساعة عصبيه بس من حقي اشك ومازلت
فاطمه..الولد اصلا تفاجئ ميعرف شنو السالفه
عصام..نغم وين امي راح طك عليها بس طمنيني انتو وين
فاطمه..احنا ويا دريد راح يودينا لبيت لان اختك بقت تعيط علينا
عصام ..اوك المهم انتو بخير لاتنتقلون لمكان اخر
فاطمه ..من ننتقل عود انطيك خبر
عصام..اكون ممنون لحضرتك باي
فاطمه ..باي
....
عصام..ماما خابرتهم موجودين دريد ماخذهم لبيت
البيبيه ..غيره سز شلون تقبل تروح ترجعهم لبيتي هسه
عصام..صار ماما هسه رايح اجيبهم
...
جمال ..عمامي اريد احجيلك موضوع مهم واريد رايك بيه
بنت سيروان لكيناها بس حامل طفل غير شرعي وكانت تشتغل عاهره
وانتو احكمو بعد
نشمرها بالنهر ونكول غركت  لو من جبل ونخلص من عارها لان راح تلوث اسم العشيره كلها
واحد من العمام..هي وين هسه
جمال...بيت امي امي خرفت ميهمها شرفنا وسمعتنا
اوك خلي نتفق الافضل نشمرها بنهر ونكول تزحلكت وتغرك بالليل تروحون تجيبوها وتسون بلاغ فقدانها