نغم..انتقلنا لاربيل ويايه فاطمه وامها متخلن عليا وخايفات عليا بس نرجس اخت رزكار طمني رزكار داير مدايري مخلاني ابد ومهتم بيا بس ما انسى بالمستشفى من سمع حامل شلون اتخلى عني
نرجس..حياتي نغم محتاجه شي
نغم..لاحبي مرتاحه هنا وياكم بس اخاف ترجع فاطمه وامها وانتي متباتين بمي ابقى بحدي
نرجس..معليج اني اجيب بيبيتي هنا واخلي خوالي كدام امر الواقع
نغم..خايفه بيبيتي متتقبلني مثل امك وتطردوني
فاطمه..رقمي يمك نغم بس يسووها والله اجي اكلب الدنيا على رزكار واخذج ماتركج ابد
نغم..تسلميلي يا احلى اخت واحلى ام وصديقه ويتحاضنن
ام فاطمه..نغومه يمه منتركج وياج وياج
نغم..احلى ام والله اني تيتمت صغيره بس لكيتكم انتم اهلي وحسيت وياكم بالسعاده والامان جنت اخاف انام افز بالليل كوابيس
ام فاطمه..يمه انتي وفاطمه بناتي وتحضنهن
نرجس.. اني اترخص ساعه وراجعتلكم
نغم..عفيه مو تتاخرين اخاف
نرجس ..لاحياتي يمج فاطمه وخالتي و رزكار
ساعه ما اتاخر وراجعتلكم
رزكار..نغم اني موجود يمج
نغم..ممكن تطلع علمود نغير ملابسنا ونرتب
رزكار..اوك كاعد بالصاله
نغم..لا عيني بره ماريدك وتدفعه وتضحك
رزكار..تطرديني ويضحك يلا اروح بس بسيطه نغم
نغم..بره بره تتخلون عني وتريد انسى
رزكار..حقك نغم بس لازم تتفهمين تصرفي
نغم..ماريد افهم شي ارجوك
...
نرجس ..اروح لبيبيتي واخذها اسويلها مفاجئه نغم واعرفها بعد خوالي ميكدرون ينكرون نغم
بيبي عندي مفاجئه الك بدلي اخذك ويايه
البيبيه ..وين بنتي نروح مابيا حيل ومالي واهس
نرجس ..عفيه بيبي والله تفرحين بس تشوفين المفاجئه بدلي بسرعه اهم شي محد يدري خصوصا امي
البيبيه..شكو كوليلي خايفه من مفاجئتك تره اكتلج اذا ماكو شي
نرجس..تضحك ميخالف موافقه بس تعالي
البيبيه ..يلا ناوشيني الملابس اشوف تاليها وياج
نرجس..فديت البيبيات الحلوات كلما تكبرين تصيرين احلى عندي عريس الج
البيبيه..صدك اخاف جايبتلي عريس علمود اخلي خوالك يكطعوج تالي عمري يجون خطابه
نرجس..شفايتلي اجيبلك عريس بس همه الرجال عميان ميشوفون الحلوات مثلج
البيبيه ..تضحك لوكيه وكذابه صايره تالي وياج وتبدل
نرجس ..يلا بيبي بسرعه والله تفرحين وتجر بايد بيبيتها
البيبيه ..اوكفي ولج راح توكعيني خلي البس نضاراتي
نرجس..تحضنها وتبوس ايدها احلى بيبيه بس تعالي
البيبيه..لوكيه على امج طالعه
....
يوصلون لبيت نغم
نرجس.فتحت الباب وطبت البيبيه مستغربه
البيبيه ..تعالي شنو دخلتي حتى مدكيتي الجرس
نرجس..تعالي بيبي معليج غمضي واني الزم ايدج وامشي
البيبيه..يلا خلي نشوف اخرتها وياج وتغمض وتمشي تفوتها للبيت
نرجس..اوكفي بيبي هنا دقيقه مو تفتحين ويا نفسها خلي اجيب نغم اوكفها كدامها تروح تجيب نغم وتوكفها فتحي عيونك
البيبيه ..اول مافتحت شفت عيون سيروان كدامي سبحان الله تشبه نرجس وماخذه عيون سيروان
انتي منو
نرجس ..هاي نغم سيروان عزيز
البيبيه ..تدوخ وتكعد على القنفه
نرجس..شبيج بيبي اسم الله
البيبيه ..شنو انتي منو جيبولي مي وخرو خلي اتنفس وتعالي يمي انتي
نرجس..روحي لبيبيتج لاتخافين
نغم..تتقدم بس خايفه تتمنى تحضنها وتبوسها بس خايفه اذا تسمع حامل وتاريخها
البيبيه ...لزمت اديها وجريتها لحضني اشم بيها ريحة سيروان اه بيبي شكد دورت عليج صدك انتي بنت سيروان وين جنتي بيبي تعالي خلي اشبع منج وابوسج وتبجي
نغم..اه شكد اتمنى يطول حضنها وابقى يمها هيج ومحد يبيع بيا ويذلني واحضنها اني هم بقوه
البيبيه..وين جنتي حبيبتي شكد دورت عليج مخليت خوالج يكعدون مل شهر ادزهم لبغداد يدورون والحله والجنوب كله مخليت محافظه نرجس وين لكيتيها
نرجس..مو اني رزكار لكاها وهاي جنسيتها
البيبيه ..اقره اسمها وعيوني دمع واخيرا سيروان لكيت بنتك وراح ترتاح بقبرك تعبتني كلش تزوجت بدون رضانا ومتت انت شاب ولجمت كلبي وخلفت بنيه منعرف وين عايشه
نغم..اتمنى تبقى حاضنتني بس لازم تعرف هسه كلشي عني حتى اذا تطردني ارجع ويا فاطمه
نغم..بيبي لازم اكلج شي
نرجس..مووكتها نغم بعدين خلي ترتاح بيبيتي
البيبيه ..شكو شنو ضامات عليا احجن
نرجس ..ماكو شي بيبي
نغم..لازم تعرف بيبي اني جانت خالتي نرجس تلزم حلك نغم خالتها ميته
نغم..كافي نرجس بعد ماخاف اني بيبي اني حامل وماعرف منو ابو ابني
البيبيه ..شنو وشلون وليش ومنين
نغم..بيبي خالتي كانت تبيعني للزلم يغتصبوني
البيبيه..ياساتر ياربي وتختنك وتبجي شلون ياربي شلون مصيبه عمامك يذبحوج ياربي سترك
نغم..بيبي تبهذلت باعوني واشتروني وضربوني واغتصبوني مافي تعبت متريدوني اكتل نفسي
فاطمه..شنو وتحضنها وتبجي لاماخليج اخذج ويايه احنا اهلج
البيبيه..ياربي جنت ادور عليها ومن الكاها تطلع حامل شسوي هسه اني تعالي بنتي انتي طفله مالك ذنب الله ينتقم من خالتج من الاول نصحنا ابوج بس ابوج حب امج وراد يخلصها من خالتج
نغم..كافي بيبي اني راح الم هدومي وارجع ويا فاطمه انتو تخافون من عاري واني حامل تعبت ماعرف شنو ذنبي بهل الدنيا حتى الكل يبيع بيا والغريب يرحمني فاطمه صح فقيره بس حسستني اني انسانه واعتبرتني اختها ولمتني بعد ماردت ارجع للشارع ومخافت من الناس
البيبيه ..بنتي اني اريدك بس خايفه عليج من عمامك
شلون راح يصير موقفهم لازم نرتب ماتخلى عنك سنين اني ابجي وادور عليج
نغم ..بيبي خلي ارجع ويا فاطمه اذا عمامي ميردوني عفيه خايفه ماريد ارجع للشارع الكل يضربني ويبيع بيا
البيبيه ..اؤف شلون احلها ويا عمامها بنتي ابقي هنا واني مراح اتركج ابقى وياج وياويله الي يتقربلج
نغم..بيبي ابقى بس بشرط متركيني عفيه ابوس ايدك
فاطمه..اني باقيه يمج والله ماخليهم يمسوج وتحضن نغم
نغم..اي فاطمه انتي اختي لاتركيني عفيه
ام فاطمه..بنتي وياج احنا كلنا منتركج ابد
نرجس..اني هم وياكم ابد منتخلى عنها لنفرض اني مكانها كان صار بيا نفس الشي هي مالها ذنب هي مااختارت تبيع جسدها همه باعو واشارو بيها وكل واحد ضعيف معرض لهيج حاله
نغم..من سمعت كلامهم اطمئنيت بس بعدني خايفه يجبروني اطرح الطفل
...
رزكار..نغم مالها ذنب لازم اساعدها وماتخلى عنها حتى لو اسمي الطفل باسمي معليهم خوالي وامي هاي حياتي واني حر بيها ومد يدخل بيها نغم طفله واني احبها ارجعها تدرس اعوضها عن كلشي شافته
...
ام رزكار..تجي لبيت امها ماكو تتصل بيها
الوماما وينك
البيبيه ..اني مو امك وماريدك تكلميني بعصبيه
ام رزكار..ليش ماما شسويت
البيبيه..هيج انتي قاسيه تشوفين بنت سيروان وتتخلين عنها مو حرام عليج مو عندج بنيه
ام رزكار...شنوو بنت سيروان وين منو كلج رزكار يكذب عليج مشايفتها
البيبيه ..اسكتي بعدك تكذبين متخافين الله يطلعها بنتك شنو من قلب بنت اخوج تشمريها للشارع طفله كان استحيتي اتقي الله وتبجي
ام رزكار..تنهار وتبجي
نرجس..بيبي على كيفك ماما كانت خايفه عليكم
البيبيه ..اسكتي كافي هاي بنتنا حرام
نغم..كافي بيبي نرجس خطيه متخلت عني
البيبيه..هسه اتصل بعمامك كلهم يجون وياويله الي يحجي
رزكار..لازم اروح اشوف شكو شصار
رزكار ..السلام عليكم ونزلت ابوس ايد بيبيتي
البيبيه..ليش ابني هيج تضم عليا نغم مو حرام
رزكار..بيبي متخليت وبس عرفت هي بنت خالي جبتها وحتى ابنها مستعد اسجله باسمي
نغم..احس بدوخه والدنيا تفتر بيا وبعد محسيت بشي وكعت
البيبيه ..نغم بنتي
فاطمه..نغم اسم الله عفيه
البيبيه ..لازم نوديها للمستشفى رزكار جيب السياره يلا وناخذها للمستشفى الحمدلله ماكو شي اجهاد.عصبي لازم اخذها لطبيبه نسائيه تكشف عن الطفل يلا رزكار اخذنا للطبيبه ابني اخذنا سونار وكشفت عليها الطبيبه كالت حامل بالشهر الثالث
نغم..متاكده دكتوره اني بالشهر الثالث
الطبيبه اي بنتي انتي بالثالث اكيد هذا تكوين الطفل يكول هيج
نغم..ويا نفسها الحمدلله عرفت ابن منو اني بقيت شهرين عنده قبل ميخطفوني منه هو نام ويايه وبعدها محد لمسني بس مستحيل اكوللهم او اكله حتى لو تشاوفنا بيوم
......
نرجع لخلود وسهى
سهى ..هاي خوش تجاره ونسه اجيب الطالبات المحتاجات لخلود والي ترفض نكسر عينها وهم متونسه اني وياهن
خلود..لومو سهى جان اني شغلي راح محد يدور عجايز خلي اتصل بالحجي اشو مختفي ميريد نسويله حفلات لو لكه غيرنا
....
نغم..اه طلعت حامل من دريد بس لا لازم اعاقبه اخاف بيوم نلتقي ابد ماكوله هذا ابنك اني المهم عرفت منو
رزكار..نغم اني اريد اسجل الطفل باسمي ونربيه سوه
نغم..لا اسفه ماعندي ثقه بيك ما انسى بالمستشفى من سكتت وامك تحجي عليا باقي بس تضربني
البيبيه ..يمه ميخالف لاتهلين قلبك قاسي انسي
....
ام دريد ..ابني لازم تجي ويايه نخطب نرجس الك
دريد..ماما ماريد نرجس اريد نغم
ام دريد..عزه شنو تتزوج عاهره وحامل اموتك واموت نفسك تالي عمري يكولون معرفت تربي
دريد..هاي حياتي واني حر ونرجس ماتزوجها لو اموت اني طالع ادور على نغم راجع ادور عليها ومارجع الا الكاها
ام دريد..بس تطلع انت لا ابني ولا اعرفك
دريد..نغم حامل مني متاكد اني
ام دريد..شنو ووو منك لا تكذب انت شراح يكولون الناس
.....
للحديث تتمه
أنت تقرأ
الخطيئه
Storie d'amoreيتيمه تربيها خالتها على الخطيئه لحد ما تبيعها لرجل ثري وبعدها يخطفوها وتنتقل من يد ليد
