الخطيئه

البارت السابع

احب اقره توقعاتكم اشكركم جدا فعلا مثل ماتوقعتم راح يجتمعون كلهم بالمشفى نغم ودريد ورزكار
....
تصحى نغم تلكه نفسها بالمشفى متعرضه لجروح بسيطه براسها ورضوض
نغم...اه ماما لحكيلي
الممرضه..الحمدلله على سلامتك
نغم..اني وين  رزكار وينه
الممرضه..لاتخافين هو بخير التفتي على يمينك متمدد
نغم..تلتفت تشوف رزكار غايب عن الوعي ومضمدين راسه ومجبرين اديه
الممرضه ..تقدملها سوب هاج بنتي اكلي
نغم ..تكعد بس دايخه وجسمها يوجعها تاكل شويا سوب وترجع تتمدد تسمع صوت مو غريب عنها
صوت دريد يكلم الممرضه تكوم تكعد
نغم..عمو دريد يلتفت الها
دريد..يتفاجى شجابج نغم وليش مضمده
نغم..اؤف قصه طويله اجوي للبيت خطفوني وكالو عليك متت وبقيت ابجي تنزل من السرير وتتمشى لدريد
دريد..حبيبتي خوما بيج شي منو خطفج تعرفيهم شفتي شكلهم
نغم..انت زين وتبجي كالو متت
دريد... اني زين وجروحي بدت تطيب
رزكار ...يبده يصحى اه اني وين
نغم ..تلتفت لرزكار ها حبيبي الحمدلله على سلامتك
رزكار..نغم وينها
نغم ...اني هنا وتتمشى عليه
دريد..يشعر بالغيره منو هذا تعالي يمي
رزكار..اه تعالي حبيبتي
نغم ..محتاره تروح لرزكار تتمشى تطمئن شلونك حبي انت بخير
رزكار..اي اني بخير تعالي خلي ايدك بيدي
دريد..منو هذا تعالي يمي نغم
نغم..هسه حبي جايتك تترك ايد رزكار وتروح لدريد
دريد..منو هذا تعالي خلي ايدك بيدي
نغم..هذا الي خلصني من العصابه
رزكار..اه نغم تعالي يمي
دريد..لاحبيبتي ابقي يمي محتاجج
رزكار..اني عطشان تعالي شربيني مي نغم
نغم..تحتار بينهم تروح لرزكار تنطيه مي
رزكار..منو هذا
نغم..هذا الي خلصني من خالتي خلود
رزكار..خلي يولي ابقي يمي ممنوع تروحين يمه
دريد..اسكت لك معليك انت نغم احبها وتحبني اسئلها
رزكار..انجب سافل نغم بنت خالي واحبها وتحبني اجي اكسر راسك
نغم..تصيح كافي اني احبكم الاثنين
...
نرجع لكرار وسهى تكررت لقائاتهم
سهى ..اه صدك انت مريح كافي حبيبي متعبت ومشبعت يحاول يبوسها ويحضنها تنهزم منه للحمام
كرار..عمت عينه الي يشبع منك ويتعب
سهى ..بعد ماهدك وماخليك تبتعد عني اتصل بابويا يخليك بالبيت يمنا حبيبي
كرار..يتغير لونه للصفار يتذكر الحجي اويلي لو يعرف الا يسلخ جلدي ويثرمني يسويني علف للسمج
سهى..تعال حبيبي احضني
كرار..يتقدملها اكلج ابوج اذا عرف يطيح حظي
سهى..لاتخاف ماعنده غيري ويخاف على زعلي
كرار..ايبااه يخاف على زعلها ابوج المجاهد والبطل واني انام ويا بنته
سهى..تفكر كرار نام وياها بعد ميكدر يفضحها ليش ماخليه يتعلق بيا ويتزوجني هو يخاف من ابويا
راح اكدر اخش واطلع
سهى ..اني من زمان جنت احبك كرار
كرار..القروي يصدك صدك سهى تحبيني
سهى..وداعت جاسم دنكه وتضحك
كرار..من  جاسم دنكه
سهى..هذا سيد يشور بالمكان دير بالك تزعلني
كرار ..فطير يصدك لاعمي دخيل السيد اني
سهى ...ماطول نمت ويايه لازم تتزوجني
كرار..ايباااه واروح اخطبج من الحجي علمود يربطني بالعبوه ويفجرنا على الامريكان الكفار
سهى..معليك اني اقنع امي وهي تقنعه
كرار..حبي لاتستعجلين
....
نرجع لنغم وحيرتها بين دريد وبين رزكار وشنو رزكار يكول بنت خالي
نغم ..رزكار ليش كلت بنت خالي
رزكار..لان فعلا انتي بنت خالي سيروان
نغم..صدك والله
رزكار...هسه اتصل بامي واسمعي كلامي
دريد..نغم تعالي يمي
رزكار ..اسكت لك شنو تجي يمك نغم ابقي يمي
نغم..كافي راح ارجع اتمدد اني احبكم اثنينكم
رزكار..اسكتي لج شنو تحبيه عيب
نغم..دريد ماذاني وخلصني من خالتي خلود واني احبه
رزكار..شنو تحبيه تعالي يمي
تدخل الممرضه تشوف نغم واكفه
الممرضه..ليش كايمه من فراشك ارجعي تمددي
نغم ..تحس بدوخه ولعبان نفس ترجع تتمدد على الفراش
دريد ..نغم شبيج خوما بيج شي حبي
رزكار..لك لاتكول حبي نغم بيج شي
الممرضه..كافي اسكتو انتو بمستشفى وياكم مرضى
يسكتون
دريد.. يفكر صدك هو يحب نغم ليش لا هي كانت مجبره
رزكار..هذا منو لازم ابعدها عنه هي بنت خالي طبيعي اغار عليها اقاربي موشرط احبها لا ليش واذا احبها هي جانت مجبره على هل الشي بس لازم افهمها
رزكار..نغم كاعده لازم تسمعيني
نغم..نعم اسمعك احجي
رزكار..راح يجون اهلي ديري بالج تحجيلهم شلون وين لكيتج راح اكول قريت اسمك كان عدنا مداهمه لمنطقه وقريت هويتك وسئلتك انتي بنت خالي امي عمتك اخت ابوج
نغم ..صدك والله الله واخيرا صار عندي اهل
دريد..شنو ووو منين انت اني خلصتها من خلود نغم حبي هسه راح يجون اهلي واعرفج عليهم لاتكولين جنت يم خالتج خلود وجبتج وتروحين وياهم همه يداروج
رزكار..شبيك انت مخبل شتحجي موبكيفك هاي بنت خالي انت شنو
دريد..لاتكول انت شنو احترم نفسك اني تاج راسك
رزكار..ولك  لاتغلط اني لومنايم اجي اخلي راسك بالطين
دريد..يلاكوم شوفني بطولاتك نغم هذا جذاب يريد يخطفك ويشغلج مثل خلود
رزكار..نغم حبي يجذب اني اذيتك مو داريتك وحميتك
نغم..انت
دريد..نغم منو خلصج من خلود ومخلى جاسم ياذيج
نغم..انت
رزكار..نغم اني احبج
نغم..اني هم احبك
دريد.. نغم اني احبك
نغم..اني هم احبك
......
نرجع لسهى وكرار
كرار..سهى يلا كومي بدلي خلي اوصلج
سهى..خلينا حبيبي مرتاحه وياك
كرار..لا هسه ابوج يحتاجني اكيد
سهى..معليك راح احجي ويا ابويا يخليك يمنا سايق
كرار..لاخليني ويا ابوج احسن يلا اتاخرت كومي البسي ملابسك
سهى..تكوم تحضنه وتغير ملابسها يوصلها للبيت تشوفها امها
زوجة الحجي..هاي مو سيارة ابوج وهذا كرارشلون وين لكاج وجابج
سهى ..يوم شافني طالعه من الصالون وكفلي وصلني تعبانه اريد انام
....
يجون اهل دريد للمشفى زياره يطمئنون عليه تجي امه واخته
دريد..ماما اقدملكم نغم  يلتفتون نغم مضمده ومتمدده على سريرها يتقربون عليها
ام.دريد..اوي فدوه لعابه تخبل
اخت دريد..فدوه هاي شصاير بيج
طب ام رزكار واخوه يروحون لرزكار يبوسوه
رزكار..ماما عندي الج مفاجاه
ام رزكار..اسكت ارتاح الحمدلله على سلامتك
ام دريد..هاي منو زاهده  تلتفت لام رزكار
ام رزكار..هاي شجابج ناهده وتكوم تسلم عليها ويتباوسن
دريد...شنو ومنو زاهده ؟؟؟
رزكار...شنو ومنو ناهده؟؟؟
رزكار ..ماما منو هاي ياشر على ام دريد ماما عندي مفاجاه يمعوده امه مشغوله تبوس وتحجي ويا ام دريد جبتلج بنت اخوج سيروان يفجاه يسكتن ويلتفتن لرزكار
ام رزكار..شنو بنت سيروان
ام دريد..شنو بنت سيروان وينها
رزكار..ياشر على نغم هاي بنت سيروان يركضن عليها يبوسنها
اكوم نغم توكف تسلم عليهن وهن يبوسن بيها
تدخل الممرضه ..تصيح بنغم ليش واكفه موكتلج ممنوع تتحركين انتي حامل
ام رزكار ..شنووووو
ام دريد..شنوووو
دريد...شنوووو
رزكار...شنوووو
انتو ..شنووووو
.....
وللحديث تتمه احب اسمع ارائكم بصدق وامانه يسعدني اقراهن
#امجد