I'M INLOVE WITH YOUR EX BY : SHERYL FEE ( COMPLETED )

CHAPTER THREE

" I'M INLOVE WITH YOUR EX "
WRITTEN BY : SHERYL FEE

CHAPTER THREE

As the days goes on......

" Anak  nandiyan ang manliligaw mo baka  naman   gusto mong bumaba at harapin  siya?"  Pukaw ni Kaskasera sa anak.

" Nandiyan na po mommy." Tugon Crystalline Jamellah pero nanatiling  nakaupo sa harap ng tokador.

" Anak kung ayaw mong harapin aba'y  deretsuhin  mo na ang tao  kaysa naman umasa  siyang  may  pag-asa  siya  sa iyo." Muli ay aniya  ni Kaskasera ng makitang  hindi umimik  si  Jamellah.

" Si  mommy talaga  oo. Nandiyan  na po." Sagot  ng dalaga saka tumayo at  muling pinasadahan  ang  sarili sa salamin  bago tuluyang lumabas ng kuwarto.

Ilang  buwan na rin simula  ng nakilala nila ito. Although,  dati  na rin nila itong nakilala at nakasama sa  general assembly  ay  muli niya itong nakita  sa  Burnham Park. Doon  niya ito nakadaupang  palad ng husto ang binatang doktor  na kagaya din niyang general surgeon.

Nasa hagdan  pa lamang ang dalaga ay hindi na matanggal-tanggal  ni Johnson  ang paningin sa  dalaga. Ewan  ba niya kung bakit  gano'n  na lamang ang epekto  nito sa kanya. Bihira niya itong makita lalo at sa St. James sa Ilocos Sur siya nakabase samantalang  may sariling  clinic  ang dalaga. Pero ang mundo ay nasa kanyang  panig dahil  sa tuwing  may dinadaluhan  siyang meetings sa Baguio ay  nandoon  ito.

" Hello Johnson magandang gabi." Aniya  ng dalaga na naging dahilan para magulat  ang binata dahil  hindi niya namalayang napalalim pala ang pag-iisip niya kaya naman namalayang nasa tabi na pala niya ito. Gano'n pa man nagawa pa rin niyang ibalik ang sarili sa  tamang  huwisyo.

" Same to you Jamellah good evening. You look so  beautiful  tonight." May paghangang  puri ng binata.

Totoo  naman kasi bukod sa napakapino ng kilos nito  ay bumagay pa dito  ang angkin nitong kagandahan na kahit sinumang  kalahi ni Adan ay  mapapaibig nito.

Sa narinig  ay napangiti  ang dalaga na naging dahilan para lumabas ang magkabilaang biloy  nito na mas nagpalitaw sa ganda nito.

" Thank you Johnson." Sagot  ng dalaga.

Dahil  naipaalam  na rin naman niya ng maayos ang dalaga ay tiwala na rin siyang  makakasama niya ito ng matagal-tagal. He really  love  her kaya kahit malayo ang  Ilocos Sur at Baguio  ay nagagawa  pa rin niyang bumiyahe sa tuwing wala siyang pasok  o duty sa  St. James.

" Shall we go?" Tanong ni  Johnson dito.

" Yes we can Johnson." Sagot  naman nito saka tinanggap ang palad ng  binata na nakalahad upang alalayan siya.

Masayang- masaya siya dahil umaasa siya  na sa gabing  iyun ay makakamit niya ang matamis na oo  ng babaing minamahal niya lalo at special  ang araw na iyun  para sa kanya. Then after few minutes ay tahimik na nilang tinahak ang daan  patungo  sa lugar kung saan  inihanda na ng binata para  sa gabing iyun.

Samantala, pagkaalis ng dalawa. Hindi  man siguro  kaaya-aya pero nagawa pa rin nilang obserbahan ang dalawa.

" Asawa ko ano sa tingin  mo kay  Johnson?" Out of the blue  ay tanong ni G. Mark Joseph.

Dahil  sa tanong na iyun ay lumabas ang pagkapilosopo ng ginang na halos ikasamid ng asawa  ang sagot.

" Ang tingin ko  sa kanya ay isang normal na tao hindi hayop, hindi rin naman siya  bagay dahil tao  siya." Humahagikhik  na sagot nito na labis namang ikinapagtaka ng ginoo pero ng nakuha  na ang ibig  sabihin nito ay napatawa  na rin siya.