I'M INLOVE WITH YOUR EX BY : SHERYL FEE ( COMPLETED )

CHAPTER FOUR

" I'M INLOVE WITH YOUR EX "
WRITTEN BY : SHERYL FEE

CHAPTER FOUR

Sa paglipas ng panahon ay mas napapansin ni Johnson ang pagbabago ng nobya niya. Nandiyan iyong time na lagi itong inaantok, minsan parang wala sa sarili, minsan nahuhuli niya itong umiiyak pero hindi naman umaamin kung ano ang dahilan. Pero binalewala niya ang lahat dahil hindi naman sa lahat ng oras ay nasa tabi niya ito at hindi niya nababantayan o wala siyang nalalaman sa mga where abouts nito. Hindi naman kasi siya iyong uri ng kasintahan na maraming bawal saka isa pa ay may tiwala naman siya sa kanyang nobya kaya labis siyang nagtataka kung bakit bigla na lamang itong nagbago.

" Diyos ko ano po ba ang pagkukulang ko sa kanya at bigla na lamang siyang nagbago?" Bulong ng binata isang gabing nasa balkonahe siya ng kanyang kuwarto.

Sa lalim ng kanyang pag-iisip ay hindi na niya namalayan ang pagpasok ng butihin niyang ina maski ang paglapit nito sa kinatatayuan niya na nakatanaw sa kawalan ay hindi na rin niya naramdaman. Laking gulat na lamang niya ng nagsalita ito.

" Alam kung nahihirapan ka sa ngayon anak. Tahimik kang tao pero hindi ibig sabihin niyan na hindi ko nararamdaman ang paghihirap mo. Ina mo ako anak kaya ramdam ko iyan kahit amininin mo man ito o hindi. " Makahulugang aniya nito dahilan para napalingon ang binatang doktor.

" Inay?" Ang tanging nasambit ni Johnson.

" Simula't sapul ramdam ko na anak na hindi kayo ang magkakatuluyan. Patawarin mo ang nanay anak pero nitong huling pagdalaw niya dito ay alam kung may mali pero ayaw kung makialam dahil alam kung kayang-kaya mo iyan pero parang ibang Johnson ang nakikita ko ngayon. Sumusuko ka na ba anak? Hindi mo ba gagawin ang dapat mong gawin?" Patuloy na aniya ni Aling Anita.

Ika-nga nila mother knows the best. Alam ng mga magulang ang nararapat para sa mga anak nila. Kagaya ni Aling Anita hindi dahil nanahimik siya ay wala na siyang pakialam sa anak. Hinayaan lang niya ito para matuto itong tumayo sa sariling mga paa na gaya ng ipinamulat niya dito na kahit siya lamang ang nagtaguyod dito ay naging mabait at makatao ito.

" Iyan ang plano ko inay ang puntahan siya sa Baguio para kausapin dahil hindi ko alam kung ano nga ba ang pagkakamali ko dahil bigla na lamang siyang umiwas sa akin. Kahit text o tawag ko'y hindi na niya sinasagot." Animo'y bata na nakahanap ng kakampi na aniya ni Johnson sa ina habang nakayakap dito.

" Iyan na iyong sinasabi ko anak na alam kung hindi kayo ang para sa isa't-isa. Maganda ang npakikitungo niya sa akin sa tuwing niyaya mo siya dito pero papunta pa lamang kayo samantalang ako'y pabalik na. Tandaan mo anak kapag para sa iyo ang isang tao kahit ano pa ang mangyari kung kayo ang nakatadhana kayo pa rin hanggang sa huli. Sa ngayon ihanda mo ang iyong sarili dahil maaring maayos ang relasyon ninyo at maari ding tuluyan na kayong maghiwalay. You're old enough anak at masasabi kung matatag kang tao dahil sa dami ng pinagdaanan nating mag-ina ay heto pa rin tayo. At pinagmamalaki kung naitaguyod kita kahit ako lang ang bumuhay sa iyo na kahit isang kusing nila sa pera ng ama mong hudas ay wala kang nakuha. Kaya ngayon anak gawin mo ang tama, kung ano man ang magiging resulta ng lakad mo'y isipin mong pagsubok iyan ng Panginoon sa iyo." Mahiwagang aniya ni Aling Anita.

Kailanman ay hindi nagsalita ang ina niya tungkol sa kanyang ama. Nais niyang malaman ang tungkol dito pero nandoon pa rin ang takot at respeto niya sa kanyang ina. Tama naman kasi ito na wala siyang mapapala kung hindi niya ito kausapin ng maayos.

" Bukas na bukas inay magfile ako ng leave ko para kahit ilang araw ako sa Baguio ay walang maapektuhan. Sama po kayo inay?" Nakangiti man pero banaag naman sa mukha nito ang kalungkutan.

" Sa ibang araw na lang anak. Moment mo iyan kaya ikaw na lang muna. Hayaan mo sasama din ako sa ibang pagkakataon para makilala ko ang mga bata. Kung papayag sila puwedi mo naman silang ilipat dito. Taga San Vicente iyong sekretarya nila doon baka maari natin silang kausapin para mailipat ang mga bata sa Paratong. Pero sa ngayon ang problemang puso mo muna ang asikasuhin mo." Saad nito.