مصعب اخوي 👮🏽كان بحب ليهو بت قبل ستة سنة ❤. كنت بقرئ في أولى ثانوي في مدرسة علي السيد في الصحافة. و أنا ماكنت عارفا أنو بحب بس عندي صحبتي اسمها سعاد بناديها سوسو 🙆🏻اخوها الكبير صاحب مصعب والبت البحبها مصعب كانت جارتها. المهم في يوم جات قالت لي أنها شافت مصعب مع بت. جيرانهم اسمها عزه. وبقت كل يوم تجيب لي إخبارهم أول ب أول. مصعب كان شغال في الأمن وباين أنو كان جاادي. لأنو كم مرة لمح لي أمي أنو عايز 💍يعرس البت كانت ممتحنة تألتة. وفي يوم جيت راجعة البيت لقيت مصعب زهجان و وشو عامل زي آخر الشهر وما طايق زول عدى يوم الخميس والجمعة ويوم السبت. يوم الأحد جاتني سوسو جاااارية قالت لي. ما شفتي الحصل. ؟😳قلت ليها خير. قالت لي مصعب خلى عزة. قلت ليه كيف الكلام ده ؟قالت لي حصل يوم الخميس وقت البيوت. قلت ليها السبب. قالت لي. مصعب قبضها ورى مدرستهم في وضع مشبوه. قلت ليها كيف يعني مشبوه 🤔 طبعا الوقت داك أنا كنت مسطحة لي آخر شئ وكلمة وضع مشبوه دي أول مرة أسمعها. قالت لي. كانت مع ولد. قلت ليها انتي العرفك شنو. ؟قالت لي مصعب جى لي اخوي يوم الخميس وسمعتهم بيتكلمو. يلا بعد كم يوم طلعت إشاعة في المدرسة أنو اخوي مصعب ساب عزة لأنها شافتو مع واحدة تأنية. الكلام ده وصل لي بنات مدرستي كيف ما بعرف بس الحكاية وجعتني وحلفت إلا أ أدبها على الكلام القالتو في مصعب قلت لي سوسو توديني بيت عزة وفعلا مشيت معاها وعرفت بيتهم. ما حقول ليكم عملت شنو بس بعد كم يوم جاني مصعب و أتكلم معاي سألني ليه عملت كدة. قلت ليهو لأنها قليلة أدب ومحتاجة زول يادبها. وكنت صارة 😑وشي مقبلة بالجنبة كده ومربعة أيديني زي الشافعة الحردانة. قال ماشئ بس أوعى تكرري العملتي ده تأني. قلت ليهو حاضر. فردت وشي شوية كده وقلت ليهو انت زعلان عليها. ضحك وقال لي انتي لسه صغيرة وطلع خلاني. المهم الواطية كسرت قلب اخوي 💔. ومن يومها تأني ما أظنو حب. عشان كده لمن قال لي عايز يعرس. كنت خايفة يكون بحب غزل لأني بعرف أنها بتحب يوسف
لمن سألتو منو العروس. قال لي مأب. فرحت ليهو شديد أولا لأنو مأب تستأهل كل خير وثانيا لأنو لو كان بحب غزل كانت حتبقى مشكلة. قلت ليهو ألف مبروك مأب تستاهل كل خير. قال لي بس في مشكلة انتي عارفه وضع ناس مأب و وضعنا ما أظن أهلها يوافقو. قلت ليهو ليه ما يوافقو ثم لو على موضوع البيت بيتنا في الصحافة قرب يشطب يعني كلها شهر ويكون جاهز. تاني عذرهم شنو لو على الشغل شغلك تمام والحمدلله. ونسب وحسب وألف بت تتمناك. بس كدي قول لي 😏 مأب رأيها شنو. سكت وقال لي ما عندها مانع. 🤗طوالي حضنتو وقلت ليهو ألف ألف مبروك. أمي كانت واقفة في باب الغرفة. وقالت لينا مبروك على شنو. قلت ليها ولدك داير يعرس. باين ما استوعبت سريع. ومجرد ما استوعبت فكت الزغرودة ايووووووي يوووووي. الحلة كلها أظنها سمعت وجات حضنتو 🤗و هي بتقول ليهو ألف مبروك ليك يا ولدي هو بأس رأسها وقال ليها الله يبارك فيك أمي. قلت ليها يا أمي انتي عارفه العروس منو أسي. قالت لي منو. قلت ليها مأب. فكت زعرودة تأنية ايوووووووووووي يووووووي. عقبال زعرودة عرسكن. بعد ما البيت هدى. اتصلت على مأب ومن ما فتحت التلفون قلت ليها انتي لا صحبتي ولا بعرفك. قالت لي بي خلعة كده ليه بتقولي كده حصل شنو. قلت ليها تجكسي اخوي من ورأي ؟ حسيت ب البت إنحرجت وما ردت علي. قلت ليها يا بت ألف ألف مبروك عليك اخوي. أنا متأكدة ما ح يلقى. أحسن منك. قالت لي بي. صوت واطي الله يبارك فيك. قلت ليها عليك الله الكلام ده بتين حصل. وقعدنا نتونس لي مده ساعة وبعديها قفلت منها ومشيت لي أمي لقيتها مبسوطة قلت الفرحة دي عشان مصعب ولا عشان إبوي جاي راجع البيت
حمرت لي أمي وقالت لي اطلعي بره. طلعت وأنا بضحك 😆 المهم ألمسا ختينا صينية العشاء وكلنا قاعدين أنا ومها و مصعب والمغداد إبوي وأمي كانو قاعدين قصاد بعض. أمي قالت لي إبوي ولدك كلمك أنو داير يعرس مش. قال ليها أيي مش البت اسمها مأب أمي قالت ليهو أيي. قال ليها مأب دي مش بت عمر داك 😒. أمي. ولا كضبت قالت ليهو أيي ياهو عمر ذاتو الكان دايرني زمان. مصعب ومها و المغداد نططو عيونهم وبقو يعاينو لي بعض. ما فاهمين شئ إلا أنا كنت 😏متابعة الحدث من البداية. إبوي عاين لي أمي نظرة زعل كده. قالت ليهو فيها شنو يعني لو أبوها كان دايرني زمان ولدك علاقتو شنو بالموضوع. قال ليها ولا شئ. طبعا أنا كنت كاتمة الضحكة 😷لمن حسيت أنو بطني وجعتني. قام قال لي مصعب بس البت مش أصغر من مرام يعني انت أكبر منها بي حداشر سنة مصعب قال ليهو أيي. أمي قالت ما تتحجج بالعمر 😒 انت زاتك لمن عرستني. كنت أكبر مني بي 12سنة ما تقول لي نسيت. إبوي قال ليها ما نسيت 😑. و فجأة كده حسيت ليك الجو بقى متوتر. وفي شرارات طايرة في الجو. لكن غايتو أنا نهائي ما بطلت أكل. كنت بأكل ومتابعة الحاصل الجماعة كلهم نسو الأكل وبقو بعاينو لي بعض. وأنا أشيل و ألهط. مصعب قال لي إبوي انت لو ما موافق العرس ما ببقى إبوي قال ليهو يا ولدي القرار قرارك و لو باقي عليها ربنا يتم ليك على خير. و على كده انتهت الحرب لمن رجعو للأكل لقوني أكلت 🍗الجداد و ما خليت غير الهيكل 😂😂. طبعا مافي زول عرف الأكل الجداد منو. تأني يوم و أنا في الجامعة جاني اتصال من يوسف قال لي عايز اشوفك ضروري 👳🏻. قلت ليهو في شنو. قال لي لمن نتلاقى.
يتبع......
