وفعلا طلعو بيعرفو بعض ليهم سنين أمي وخالتو دنيا أتربو سوا و ما فرقهم شيء غير الزواج. عمر 👳🏻زوج خالتو دنيا طلع كان داير أمي زمان بس جدي 👴🏽الله يديهو العافية قال ليهو خاطبينها لي ود عمتها اللي هو إبوي السر. ووقتها مرت إبوي الأولى كانت متوفية و مصعب عمرو خمسه سنة و إبوي زأتو كان طاشئ و مافي زول عارف مكانو. أمي وخالتو دنيا كان عمرهم 17سنة امتحنو تألتة و ماشين على الجامعة وقدر ما عمو عمر حاول مع جدي. جدي برضو رفض المهم حبوبة مأب مشت خطبت لي ولدها عمر. خالتو دنيا. والوقت داك 😒ما كان في حاجة اسمها الشلب. في حاجة اسمها القسمة بس 😊. خالتو دنيا عرست خالو عمر وساقها وجو الخرطوم. وهنا هم اتفرقو. أمي عرست إبوي بعد خمسة سنة وطبعا ما قرت الجامعة لأنو جدي ضد كلمة العلام دي. أمي كانت شامة إبوي 😑ابوي شديد لأنو كل ما يجي عريس يتقدم يقولو مخطوبة. وهي لا مخطوبة ولا شيء. تمو العرس وكل واحد فيهم ما طايق التاني لأنو إبوي زأتو جبروهو على العرس 😏. وبعد سنة أتولدت أنا. ماتسالوني كيف 😒دي حاجات بعرفوها الكبار براهم.كبرت أنا 👶🏽وبقيت لاصقة في اخوي مصعب لصق محل ما ماشئ أنا معاهو وأمي كانت بتشاكلو بتقول ليهو انت ولد ما مفترض تخلي أختك تمشي معاك كل مكان. و برضو كنت بمشي معاهو. لمن بقى عمري عشرة سنة اخوي مصعب كان في الجامعة في الخرطوم وبجينا الأبيض كل اجازة في الفترة ديك إبوي نقلوهو الخرطوم. وبقينا عايشين أنا وأمي وأخوي المغداد وكان عمرو تلاتة سنة وأمي حامل بي مها ومعانا في البيت جدي 👴🏽 وحبوبتي أم إبوي. في الفترة ديك خالتو دنيا جات راجعة الأبيض لأنو رأجلها سافر امريكا جات هي وبتها مأب و ولدها يوسف👦🏻مأب أصغر مني بي سنة ويوسف أكبر مني بي خمسه سنة ونص كده. وصادف أنو كانت اجازة اخوي. بقيت أنا وماب صحبات شديد وكذلك يوسف و مصعب. وما كنت بدور يوسف وحاسا بيهو زي الشال مني اخوي. وبقو يطلعو براهم ما بيسوقوني 😡وطوالي هو معانا في البيت. طبعا اخوي كان وجيه والبنات كلهم جاريات وراهو. وكل ما أمشي الدكان بتلاقاني واحدي بتديني ورقة بتقول لي وديها لي أخوك وكنت برفض بيقومو بيرشوني بي شوكلاتة وحلاوة🍫🍭🍬برجع البيت ماليه خشمي ويديني وبدسهم تحت سريري عشان مافي زول يعرف 😊وبعد ما ادسهم بجري لي اخوي في الحوش التاني بديهو الورقة وبرجع أكل حاجاتي ديلك وطوالي بالحالة دي. مرة مصعب قبضني بأكل في شوكلاتة سألني جبتيها من وين لمن حكيت ليهو شاكلني ودي كانت أول مرة يشاكلني فيها وفكيت ليك دموعي مطر بس 😭وقعد ساعة يحنس فيني. ويوم جانا يوسف ومشى لي اخوي بي هناك كانو طالعين وقال لي اخوي ما تقول لي مرام عشان ما تلصق فيك وأنا طبعا سمعتو 😠. وزعلت منو. لمن جانا راجع المسا فتحت ليهو الباب وضربتو ليك بي كل قوتي فب رجل😏و و قفلت الباب في وشو وجريت جوا. وبقيت كل ما اشوفو أحمر ليهو. وبعديها بي كم شهر إبوي رسل لينا وجينا الخرطوم. وسمعنا أنو ناس مأب سافرو امريكا لحقو أبوهم. وطبعا ما أتذكرت الكلام دا كلو إلا بعد ما أمي وخالتو دنيا قعدو يحكي عن زمان. و سبحان الله طلعت ريدتي لي مأب ما ساي وفعلا بنعرف بعض. في عز ونستنا ديك جا ولد داخل الصالة شايل شنطة سفر في أيدو 👳🏻وعليهو حبة حلاة مبااااااالغة😒 😍😍شفتو شبهو ماشي لي ياش بطل مسلسل فرصة ثانية طبعا كلكم بتعرفو. عليهو حلاقة تهبل ما تقولو ببالغ انا جادة. المهم من دخل كده مأب جرت عليهو وحضنتو 🤗وقالت ليهو ما قلت انك جاي اليوم. قال ليها عملتها مفاجأة. خلى الشنطة في مكانها ومشى على خالتو دنيا سلم عليها وحضنه وباس رأسها. وهي قالت ليهو حمدلله ع سلامتك يوسف 😳انا اتخلعت 😱وقرب يغمى علي معقولة دا ياهو زأتو يوسف المزعمط داك مافي أيي شبه خاااالص 😭. أتلفت على أمي وسلم عليها. أمو قالت ليهو عرفت دي منو ؟. قال ليها خالتو إنعام مستحيل تتنسي وتاني رجع سلم عليها و أمي ما صدقت حضنتو طوالي زي التقول ولدها 😒 أتلفت علينا أنا ومها أمي قالت ليهو بتعرفهم. قال ليها المقلعة عيونها دي أكيد مرام 😅. وقعدو يضحكو فيني. لأني كنت لسه مصدومة. أمي عرفتو على مها وجى سلم علينا. وقعدنا نتونس وأنا كل دقيقة أرفع عيني إعاين ليهو يا ربي أنا بحلم. معقولة دا يوسف. إذن العصر. ساقتنا مرام عرفتها عشان نصلي وأمي مشت مع خالتو دنيا ويوسف مشى على غرفتو. غرفة مأب 🎆هي حلم كل بت سودانية بالمختصر كده😍🎇واااو. المهم صلينا ومن غرفتها مشينا طوالي على صالة تأنية فيها سفره الغدا. الأكل عجيب بس خاتينا صينية ما صفرة. كنا بناكل وبنتونس رفعت عيني لقيت يوسف بعاين لي 👳🏻قلت يمكن صدفة تأني رفعت عيني لقيتو مبحلق عديل كده قلت الولد يمكن سرحان المرة التالتة لمن عاينت ليهو غمز لي😉انا 😱اتخلعت وقلبي ❤وقع بين كورعيني. أجي يا يمة ده شنو معقولة ده حقيقة 😳. غايتو تأني ما رفعت عيني من الصينية ولا أتلفت عليهو نهائي. لمن خلصنا الأكل وشربنا الشاي. وطلعنا أنا عيني ما ختيتها في عينو تأني. ركبنا الامجاد وبعد نص ساعة كده جاتني رسالة في الواتس. مكتوب فيها. أنا يوسف. رجعت ليهو وكتبت؟؟؟؟رجع لي قال لي بالله 😏. معقولة البت الخجلانة الكانت قاعدة جمبي أسي دي ياها زاتها البت الكانت بتخت لي الشوك في جزمتي وبتكشحني بي مويه العده وما خلت ترابة كده في الأرض ما كتحتني بيها. ؟😳سبحان الله مغير الأحوال من حال الى حال 😏. ورسل لي 😂😂😂. أنا ما عرفت أمشي وين. و وين لقى تلفوني معقولة شالو من مأب بالسرعة دي
يتبع.....
