نزلت من العربية و جات خالتو فاطمة سلمت علي وقالت لي امك كلمتني قبل ما تطلع انك حتقيلي معانا. وكان باين عليها مبسوطة. قلت ليها أيي. عاينت لي متوكل وقالت ليهو إتلاقيتو وين. قال ليها في السوق العربي 😊 كنت ماري جمب الجامعة صدفة وشفتها. قالت ليهو خير ما عملت أحسن ليها من زحمة المواصلات البتعمل ليها صداع. دخلنا البيت متوكل مشى ع غرفتو. و قعدنا أنا و خالتو فاطمة في الصالة و ديييييك يا ونسة 😍😍 والله المرة دي ظريفة شديد. جى متوكل قعد معانا وطلع زأتو ظريف. المهم جاتني نعسة كده من ماف. و شكلو خالتو فاطمة انتبهت لي. قالت لي عارفه اتجاه غرفتك وين مش. طبعا شفتها ما ظريفة اني أمشي أنوم 😔. و باين هي حست بي اني محروجة قالت لي انتي زي بتي الربنا ما أداني ليها و عايزاكي تعتبرين زي امك و البيت ده بيتك أمشي نومي انتي أمس مساهرة معانا والصباح في الجامعة ما فيها شئ. في حاجتين في الدنيا ما بحتاج ليهم عزومة الأكل 😍 والنوم 😴. أستاذنت من متوكل و طويل ع الغرفة التقول البيت بيتي. فتحت الباب وشفت السرير و حسيت بيهو بيناديني عديل كده وطوالي استلمتو. بس غمضت عيني كده أتذكرت مأب 😨. اتصلت عليها. ردت علي و حسيت من صوتها أنها كانت لسه بتبكي. حكت لي الحصل بالتفصيل الممل. المهم باين أنو القصة بسيطة. قلت ليها أنتي عارفة أنو مصعب شغال في الأمن مش قالت لي أيي. قلت طبيعي ما حيحكي عن شغلو بس أيا كانت البت الشافتها غزل دي أنا متأكده أنها ليها علاقة بي شغلو وقلت ليها الثقة أهم شيء في أيي علاقة و إذا هي حتحكم على كل شئ من المظهر بس ف أخير ما تكمل مع اخوي. طبعا الشئ العملتو ده اسم علم النفس المعاكس. أو داويها بالتي كانت هي الداء. وفعلا كلامي جاب نتيجة ✌. قالت لي أنا بحب 😍مصعب وأنتي عارفة كده بس أنا كمان ما بعرف عنو كل شئ. قلت ليها طالما بتحبي بكيفكي انك تعرفي أنو بحبك وشاريك سكتت مسافة وقالت لي أنتي واعية وفاهمة الدنيا. و أنا جواي بقول يا حليلي 😭ما بعرف للدنيا شئ حدي نظريات في حياة الناس وبس. قالت لي مرام شكرا لأنك صحبتي 💘و وجهت سهم مباشر لي مشاعري. قلت ليها ولا يهمك فائده الصحبه شنو 😊. خلصت مكالمتي مع مأب بي جاي. اتصل علي مصعب 👮🏽. و مجرد ما فتحت قال لي أنا بتصل على مأب ما بترد حاصل شنو. قلت ليهو يخسي على العشرة والخوة 😒خطبت ليك يومين بس ونسيتني. بذل ما تسأل عن حالي بالأول بتسأل عن خطيبتك وبدون سلام كمان 😑. قال لي بطلي عباطة أنتي لاصقة فيني ليك عشرين سنة 😒خلاص كفاك كدي خلصيني من محاضرتك دي مأب حاصل عليها شنو. أبيت أرد عليهو. قال لي يا بت أتكلمي. حسيت في صوتو قلق كده. قلت ليهو ولا شئ أسي كانت بتتكلم معاي يمكن كان التلفون بعيد منها. قال لي العباطة ليك شنو من الصباح ما كان تقولي كده وطوالي قفل التلفون. قعدت أضحك ياربي🤔 في ناس بحبو للدرجة دي. و رجعت أتمديت في سريري. صحيت زي الساعة تلاتة كدة. طلعت ع الصالة. متوكل كان بيحضر في التلفزيون وهو عبارة عن شاشة ضخمة. أتلفت يمين شمال خالتو فاطمة مافي طوالي سحبت نفسي قلبت راجعة الغرفة. قال لي متوكل ما ماشي أكلك أنا 😏 تعالي. ما حبيت أبقى عاملا زي الشفع مشيت قعدت و أنا القعدة زاتها ما عاجباني قلت ليهو خالتو فاطمة وين قال لي نايمه. 😱 طبعا بقيت أتلفت زي الرايحه لي حاجة. قال لي أنتي محسساني اني ممكن اتهجم عليك. وبقيت عاملا كده 😱. فكى متوكل الضحكة 😂و المرة دي شعر رأسي هو القام من الخوف. 😰قلت ليهو أنا راجعة الغرفة. مع قومتي ديك هو قام قال لي اقعدي بي لهجة أمره. طوالي قعدت في كرسيي داك. قال لي أها ؟قلت ليهو أهاا شنو ؟ قال لي يوسف ده منو ؟ قلت ليهو يوسف منو ؟والله من الخوف العلي نسيتو. قال لي إلي اتصل عليك الصباح. قلت ليهو أخو مأب. قال لي مأب دي مش خطيبة مصعب. قلت ليهو إيوا. قال لي يعني أنتو بتحبو بعض. ؟ قلت ليهو انت عايز تعرف ليه الموضوع ده ما بخصك 😑. قال لي أنا لازم ألقى حل لي لسانك الطويل ده ورجع قعد في كرسيهو وخلف و كورعينو. وهو لسه بعاين لي. قلت ليهو انت قبيل مش قلت قطامتي دي عاجباك 😑مالك غيرت رأيك. قبل وشو بالجنبة بس أظنو كان بضحك. رجع عاين لي وقال لي بي صوت جادي كده أسي أنا كن عرستك برضو ب تتلأءمي معاي. 😱.
يتبع....
