قبلت على الشباك و أنا صارة وشي 😑لحدي ما وصلنا بوابة الجامعة. جيت أنزل. قال لي دقيقة. قلت ليهو خير 😑. قال لي أنا أسف مرة تانية 😔بعرف أنو ما لي دخل بحياتك. قلت ليهو ده شئ واضح جدا. قال لي انتي نهائي ما بتبطلي قطامة مش. قلت ليهو مش كنت بتعتذر أسي ولا غيرت رأييك 😒. ضحك و قال لي أسف يا ستي. و ياريت نبقى أصحاب 😊 و بوعدك ما ادخل في حياتك تأني. ما رديت ليهو كنت بقلب الحكاية في رأسي. يعني بغض النظر عن كل 😒شئ الولد اعتذر بس كمان هو ما مضمون وعلى كل حال هي كلها كم يوم ويسافر و ما أظن اشوفو قبل كم سنة 😏يعني ما خسرانة شئ. قال لي أها اتفقنا. قلت ليهو أوكي اتفقنا. قال يلا عشان تلحقي محاضرتك. نزلت من العربية و لقيت ليك رأفة و هند و علي. قدامي سلموا علي. و عينهم على العربية 🚘هند قالت لي شايفة أنو عرباتك الأيامات دي كترت 😏 ورافة قالت ليها صدقتي. علي أستاذن مننا قال لي عندي زول شايل مني دفاتري الحقو قبل ما ندخل المحاضرة. ومشى خلانا. قلت ليهم يا بنات خلونا نلحق المحاضرة. قالت لي رأفة 😏ما فيها شئ لو عرفتينا على الوجيه السائق العربية ما ماشين 😒نشلبو منك. ده كلو وأنا واقفة جمب عربية متوكل 😱. هند قالت ليها أنا كنت قايلاها بريئة و محتاجة دروس في الجكيس 😔 بس طلعت ما هينة 😒. وااااي أنا 😱اخش وين الليلة لو متوكل سمع الكلام ده. رأفة قالت ليها أيي والله مرة صاحب العربية العجيبة ديك ومرة العربية العجيبة الواقفة جنبنا دي عاد يا مرام طلعتي مافي داعي أقول ليك. 😱وأنا انجلطت. نزل متوكل من العربية وسلم على البنات. و تعالو شوفو الكبكبة و السلام والأدب. بعد ما سلمو عليهو قالو لي ح نسبقك على القاعة. ومشن الواطيات. والله أنا غلبني أتلفت عليهو الإحراج قتلني عديل كده. قال لي صحباتك ظريفات شديد. قلت ليهو شكرا سمعتو بيضحك أتلفت عليهو. قلت ليهو المضحكك شنو؟ قال لي انتي. قلت ليهو كيف يعني. قال شكلك مذكرني بالمرة الفاتت 😂😂. ركب العربية. وأنا كلامو ما واقع لي. وقال لي بتخلصي بتين. قلت ليهو الساعة أتناشر. قال لي خلاص جيبي تلفونك مديت ليهو التلفون. الشئ الغريب أنا كنت بعمل كل حاجة يقولها بدون تفكير. طبز في التلفون و رجعو لي. قال لي الساعة عاملا 8. 😱 أتذكرت المحاضرة وجري ع القاعة خلصنا المحاضرة و بقينا نتونس رأفة وهند بيحكو لي علي ومحمد عن متوكل. بعد ما خلصن شمارات. علي قال لي باين عليهو جادي. محمد قال ليهو شن عرفك انت مش قلت شوفتو وهو جو العربية بس. علي قال ليهو فعلا بس كان بعاين ليها بالطريقة ديك 😒. محمد قال ليهو ياتو طريقة. ؟ علي قال ليهو ياخ بالطريقة ديك 😉انت مالو مخك بقى تخين كده. محمد قال ليهو أااه بالطريقة ديك! !!😏. أنا ورافة وهند بقينا ما فاهمين شئ وهم حلفو كن يشرحو لينا قصدهم. طلعنا من القاعة زي الساعة 11و نص كده جاتني مكالمة من مأب 👩🏻 رديت عليها و كان باين من صوتها أنها بتبكي قالت لي أنا ح إفسخ خطوبتي من مصعب. 😱قلت ليها انتي بتهظري مش قالت لي أنا ما بهظر أخوكي انسان خائن و ما بقدر أكمل معاهو. قلت ليها مأب كيف يعني خائن انتي ناسية أنو في مأمورية ح يخونك كيف يعني وعرفتي كيف انتي. قالت لي وهي بتشهق غزل شافتو مع بت في مطعم اليوم وهي أصلا ما كانت ناويه تكلمني بس لمن سالتني عن مصعب وشغلو حسيت أنو في شئ وأصريت إلا أعرف ف حكت لي. 😱انا خلاص كنت عايزا أجن معقولة غزل تعمل كده. قلت ليها بي صوت هادي كده أنا ذاتي مستغربة جبتو من وين ؟أنا بره البيت و مافاهمة شئ من كلامك ده ح أرجع البيت واتصل عليك بس عليك الله للوقت داك ما تتكلمي مع مصعب نهائي أوعيديني. قالت لي حاضر أصلا ما حيفرق شئ وقفلت. ببحث في سجل الهاتف عايزا اتصل على غزل جاتني منها مكالمة. قالت لي بي صوت فيهو ضحكة كده. مأب اتصلت عليك مش. ما رديت عليها. قالت لي أنا حذرتك بس قلت يمكن ما صدقتيني ف حبيت ءأكد ليك لي أي درجة أنا جادة لمن حذرتك وقلت ليكي تبعدي عن يوسف. بالمناسبة أنا قلت لي مأب تتصل عليك وتتأكد منك لأنو احتمال أكون أنا ظلمتو و أنا عارفة انك ح تقدري. تحلي المشكلة دي بس ما كل مره ح تسلم الجرة. وقفلت. في البداية كنت بحاول استوعب الحصل 😦و مجرد ما فهمت اللعبة القذرة اللعبتها غزل على مأب وكيف كان ممكن تتفركش خطوبة اخوي وده كلو بي سببي 😭دموعي جرت سيل وبقيت ما قادرة اوقف. علي ومحمد ورافة وهند ما كانو فاهمين شئ بقو بحاولو يهدو فيني ويعرفو الحاصل افتكرو زول في بيتنا مات. أنا عمري ما كنت من نوع البنات ألببكو بالساهل بس أي شئ في الدنيا دي إلا عيلتي ما بستحمل فيهم الهبشة ساقوني البنات على الاستراحة. جاتني مكالمة هند شالت التلفون وطلعت برا جات راجعة بعد كم دقيقة قالت لي يا سجم انتي قومي غسلي وشك بقيتي عاملا زي الزومبي 💀. رأفة قالت ليها في شنو. ردت ليها مافي أيي شئ و ناس بيتهم ما حاصلا عليهم حاجة البت شكلها نفسنت 😒. رأفة قالت ليها نفسنت 😏ولا اتشوكشت ؟هند قالت ليها وأنا شن عرفني بس بما أنو ما حتفتح خشمها ده 😑💔اخير نرجعها البيت. أصلا ما كان فيني حيل 😔عشان أرد عليهم مشيت غسلت وشي وجيت راجعة هند قالت لي أعملي بودره. قلت ليها لا أنا عايزا أصل بيتنا بس. قالت لي راحتك بي بسمة خبيثة كده 😒 ما عرفت سببها. اتصلت رأفة على الشباب وطمنتهم و اتفقو انهم يتلاقو في توتي بعد ما يركبوني المواصلات. عاد إحساس ما عندهم أنا في شنو وهم في شنو 😠. طلعنا الشارع جينا نقطع الظلط هند قالت لينا استنو. رأفة قالت ليها في شنو. قالت ليها خلي عندك صبر. رأفة نصبر لمتين لمن الأسطوب يفتح. في وقفتنا ديك وقفت عربية متوكل نزل سلم علينا. استغربت الولد ده الجابو شنو 😳. قال لي أركبي وفتح الباب. هند ما صدقت لزتني طوالي جوا العربية وقعدت تتبسم لي متوكل. ساقت رأفة و مشت. خلوني معاهو. مجرد ما اتحركت العربية قال لي غريبة 😏ما احتجيتي المرة دي دائما عندك اعتراض. ما رديت عليهو لأنو كلامو فعلا كان صح. فجاءة كده وعيت ليهو و قلت انت الجابك شنو. قعد يضحك و قال لي حمدلله ع السلامة. قلت ليهو عرفت كيف اني طالعة. قال لي نسيتي اني سألتك الصباح. قلت ليهو ما نسيت 😑 بس انت عرفت كيف اني ح اطلع أسي أنا قلت ليك ح خلص بتين بس. قال لي صحبتك الظريفة أم شامة كلمتني. قصدو هند. قلت ليهو 😳 بتين و وين لميت في رقمها. ضحك وقال لي اتصلت عليك وهي ردت. وهنا أتذكرت المكالمة الردت عليها هند. قال لي كانت مفتكرة في زول مات من ناس بيتكم أنا زاتي اتفأجات بي كلامها وبعد ما قلت مافي زول مات قالت لي معناها انت اتشاكلت معاها. ضحك وقال افتكرتني حبيبك. 😳. سكت مسافة كده وقال لي الحاصل عليكي شنو. قلت ليهو قصدك شنو ؟😑 قال لي قصدي أمس لمن لاقيتك كنتي بتبكي ولمن جيتي بيتنا ألمسا كنتي سرحانة واليوم برضو كنتي بتبكي مع انك قلت ما عندك حبيب بس أنا شايف أنو الحكاية ليها علاقة بالزول الإسمو يوسف. أتلفت عاينت ليهو 😳مهجومة طبعا عرف يوسف كيف. قال لي شفت اسمو الصباح مش ده برضو الزول الرنا ليك الصباح وأبيتي تردي. قلت ليهو على أساس ما حتدخل في حياتي 😠 بس شايفاك رجعت لي عادتك. ما رد لي. جاتني مكالمة لقيتها أمي. 👵🏼قالت إحنا طالعين مشوار معي مها والمغداد ده طلع رحلة ما ترجعي البيت أمشي لي خالتك فاطمة اقعدي معاها لحدي ما نجي المفاتيح معاي 🔑استنينا لمن نرجع وقفلت التلفون. 😿كان عندي إحساس من الصباح أنو اليوم ده منحوس. قال لي خالتو إنعام مش. قلت ليهو عيونك دائما في أجهزة الناس. قال لي لا بس انتي عارفه انتي محيراني جد كل مرة بكتشف فيك شئ جديد غير القطامة ولسانك المترين 😊. قلت ليهو اكتشفت شنو يعني جديد. قال لي اكتشفت انك بت زي باقي البنات بتنحرج وبتخجل وبتبكي ويمكن كمان بتغير 🤔 سكت مسااااااااافة كده وقال لي بدون أي مقدمات. انتي ليه ما بتطقيني. فأجاني 😳. قلت ليهو كيف يعني. قال لي أنا ملاحظ من اليوم الجيتو سكنتو فيهو جنبنا انتي نهائي ما كنتي بتجي بيتنا مع أنو امك طوالي معانا وكذلك إخوانك إلا انتي وكل ما الاقيكي في الشارع بتحسسيني اين قاتل ليك زول مع اين ما متذكر اني غلطت في حقك يوم. غلبني الأقولو ليهو أحرجني وحسسني بالذنب 😣. قلت ليهو انت فعلا ما غلطت في حقي بس الحكاية ما بيدي.قال لي كيف يعني. قلت ليهو أقول ليك شئ عدييييل كده قلبي ما دارك 😤. ضحك ضحكة وقفت شعر أيديني يأخ ليها نغمة عجيييييبة 😍تدوب الحجر. قال لي حلوة قلبي ما دارك دي😍و مع كده مصدقك أهم شيء ما أكون غلطت في حقك وكده اطمنت 😊. حيرني الولد. قال لي أها الوالده كانت دايرة منك شنو عشان لو حاجة من السوق أقيف ليك تشيليها. قلت ليهو ما عايزا شئ من السوق اتصلت توصيني. قال لي قربنا على البيت أها أنزلك قدام البيت ولا بتخافي من كلام الناس. قلت ليهو أصلا ما فارقة بعد الحصل الصباح. قال لي عندي إحساس اني أحرجتك الصباح. قلت ليهو بالله ياداب انتبهت. أااه أنا من لساني ده 😔نهائي ما بعرف يسكت. قال لي بعتذر من الحصل الصباح بس انت ملاحظة انك نهائي ما بتقدري تقعدي بدون ما تردي لي. مارديت ليهو. قال لي أقول ليك شئ ده اكتر حاجة عاجباني فيك 😊. وصلنا البيت نزلني قدام بيتهم. و أنا لسه ما نزلت من العربية كده خالتو فاطمة جات طالعة من بيتهم قعدت تعاين لي وتعاين لي متوكل.
يتبع.....
