مريم

٦٠

تعلن الخطوط الجوية الاماراتية عن قيام رحلتها المتجهة الي مدينه الخرطوم علي جميع المسافرين التوجهه الي الطائرة عبر البوابه 5 😜

وانطلقت السيرة 😂 الاولاد مسيرين حسام بقياده مهند واحمد ببشروا والباقين بحاكوهم واكيد طبعا انا وايليف وراني وحنين في نص السيره .. وانا مستلمه الهجيج اساسا شكلي ما ظاهر عروس نفس لبسي البلبسوا الحاجه الغريبه بس اني لابسه جونتي وشرابات وطبعا الدخان طلعتوا بحمام مغربي ب اوامر حسام قال ماعندو مراه بتحوم بدخانها 😎 غايتو نحن البهجه بدينها من الطياره وحقيقي شلتي اجمل شله هم عيلتي الكبيره المن مختلف الاجناس لكن لمتهم القلوب المحبه والصادقه وهم واحده من نعم ربنا علي

حسام : مريومتي يا روحي الله يبسط ذي ما قعد تبسطيني انتي وشلتك 😍

انا : اللهم امين يا روحي ☺

حسام : مبسوط وانا شايفك بقيتي ريلاكس خلاص وبطلتي التنشنه .. و ارجوك ما تجنني ذي حركات المره الفاتت خليك مرتاحه وانا بظبط ليك اي شي ذي ما انتي عايزه

انا : تسلم ياقلب انا بقيت ريلاكس عشان ظبطت حاجاتي وحجزت من هناك وهسي عارفه نفسي ح اعمل شنو انت خليك مع نانا لانو عينها طالعه

حسام : انتي جاده 😅 حجزتي كيف ومنو المشي دفع ليك العرابين،،،؟؟

انا : ناصر ود خالة مهند وحكيت ليهو القصة

حسام : امممم طيب ممكن تاني لما تجي تتعاملي مع راجل غريب اعرف

انا : اها خلاص بدينا الحركات

حسام : لا طبعا ما حركات وانا ماعندي اي مشكله في انك تتعاملي مع الغرباء لاني ثقتي فيك ما عندها حدود بس المهم توريني لاني لو سمعت من زول تاني ما حلوه يا مريومتي ومرات بتدخل الزول في احراج يعني مثلا ناصر هسي عندو دور فعال في عرسنا ووقف معاك وانتي اكيد حتعزميهو وانا لما يجي يبارك لي ح اسلم عليهو سلام عادي لاني مابعرفو ولا بعرف هو علاقته بيك شنو ولا ساعدك في شنو لكن لو انا عارف اكيد ح اسلم عليهو سلام عرفه واشكروا علي وقفتو في عرسنا وبكدا ما ح احرجك انتي ذاتك ودا مثال ظريف يا مريومتي لكن مرات بتكون في مواقف بايخه .. وقع ليك ياقلبي 😘.. وان شاء الله اتذكرني جبتي هدية للولد الطلعتني عينو دا ؟

انا : وقع لي يا قلبي 😘 ..اكيد .. جبت ليهو كولكنشن بتاع حلاقه و ريحه ظريف

حسام : ظريفه والله 😅.. علي عموم تمام انك رتبتي امورك عشان تروقي لي 😅

انا : ياحسام شيلتي وينها ماممكن لحدي الان ما داير تديني ليها مش كفايه ابيت توريني حنسافر شهر العسل وين 😢

حسام : مريومتي اثقي فيني ياخ اولا شهر العسل صدقيني حيبهرك وحنمشي اماكن بتحبيها جدا وعايزك تتفاجئ لانو المفاجأة في حد ذاتها متعه... والشيله ماعايز اديك ليها عشان ماتقولي دا ناقص ودا ناقص وتعملي ليك مشاوير تاني انا اشتريت ليك الحاجات المناسبه للسفر وحاجات البيت بما انها لي ح اكون اشتريت ليك الحاجات البحبها