مريم

٦٨

#مريم
-68-

السعادة الزوجية ليست منحة مجانية يحصل عليها البعض بالحظ،ويحرم منها آخرون بالصدفة.. وإنما هي جهود متواصلة يبذلها الزوجان عن سابق تصميم وإصرار، حتى تعطي ثمارها..

الكلام دا ☝️حقيقي جدا السعادة الزوجية ابدا ما بالحظ او بالصدفه ، عشان تكون حياتك الزوجيه سعيده افهمي اولا يعني شنو حياة زوجية وشنو هي مقاومات نجاحها .. الحياة الزوجية الناجحة والسعيده مبنية علي الحب والتفاهم والاحترام والتقدير والصدق والثقة المتبادله والصراحه .. ابدا ما مبنية علي الحب بس ذي ما كتير بتخيلوا لانو الحب من غير تفاهم واحترام وتقدير بتلاشي من اول شهور 💔

والتفاهم من اهم العناصر فيها ، وعشان تكوني انتي والطرف الاخر متفاهمين لازم اول حاجه تخلقوا لغه تواصل مناسبه بينكم، لغة التواصل بتخلقوها من شكل شخصياتكم واسلوبكم في التعامل عشان تكون لغة حوار سلسه ومرنه مثلا انا وحسام طريقة التواصل بينا كان من خلال أسلوبنا المرح لانو شخصياتنا كدا .. وثانيا عشان تكونوا متفاهمين لازم تكونوا بتتقبلوا النقاش وراي الطرف الاخر وتكونوا بتقدروا تتنازلوا وتضحوا من اجل بعض .. واياك ثم اياك تختي راسك براس راجلك في حياتك الزوجية لانو ربنا ميزوا عنك وخلي في اختلاف بين شخصية المراه والرجل ، المراه بتميل للعاطفه اكتر من العقل والرجل بميل للعقل اكتر من العاطفه عشان كدا ربنا تعالي قال {وللذكر مثل حظ الانثيين} عشان حمل الرجل مسؤولية اهلو و زوجته ، ودا ما بمنع انك يكون عندك شخصية قويه وراجلك يعمل ليك حساب لكن اعرفي حدك البتقيفي فيهو وين 👌

واعرفي انو الحياة الجنسية مهمه جدا وعندها تاثير كبير علي حياتك الزوجية فرجاءا اتثقفي واهتمي بنظافتك ونظافه شريكك عشان تكون ممتعه بالنسبه ليك وما اداء واجب وبس وما يحصل فتور في العلاقه ، اخجلوا في الاول بس 😅 وبعد داك استلموا الموضوع ذي ناس كدا 🙈 الكلام الكتير عن الحياة الزوجية ما ح اقدر اتكلم عنه كلو هنا لكن رجاءا اتثقفوا عن الحياة الزوجية من اول ما ترتبطي قبل ما تاخدي اي خطوه جاده مع شريكك عشان لما ترتبطوا تقدري تعرفي هل هو دا الشخص المناسب انك تشاركي حياتك ولا لا ، اتثقفوا اول حاجه من الكتب او المقالات البتتكلم عن الحياة الزوجيه حتي تعالوا اتثقفوا من الناس الحولكم واستفيدوا من تجاربهم .. انا شخصيا من حبيت قريت كتير جدا وما سالت زول لكن استفدت من تجربه ماما و بابا الشفتها قدامي ، وبعدما اتزوجت استفدت من تجارب نانا

انا و حسام مثال للحياة الزوجية الناجحه والسعيده😍 عشان كدا حكيت عنها في الرواية ، والسعاده دي ما جات من فراغ جات لاننا قررنا اننا نكون سعداء وتستمر حياتنا ذي ما بدت وشوفنا شنو الحاجات البتسعدنا نحن الاتنين والتزمنا بيها واتعاهدنا اننا نتجنب اي شي ممكن ياثر علي حياتنا او نتعامل معاهو بحكمه ودا قرار ماساهل ابدا لكن حبنا لبعض خلانا نصر ونصمم علي تنفيذوا..