مريم

٧٠ (٢)

{ الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلا }

اصبح صباح جديد بنكهه الامومه😍 بالرغم من وجود فتون جنب اولادي واني خاته اللابتوب جنبي و كل مره اتقلب اشوفهم لكن ابدا ما كنت مرتاحه والليل كلو ماشه جايا منهم حتي وهم نايمين ، لحدي ما فتون شاكلتني وقالت هي ما قادره تنوم بسببي 😅 طوالي قلت ليها خليني مع اولادي وامشي نومي مع ايليف ..

بالرغم من مشاعر الحب الجميلة العشتها في حياتي لكن شعور الامومه دا شعور براهو .. شعور لا يوازي ولا يضاهي اي شعور تاني .. شعور بخليك تحسي انك اسعد واحده في الكون 😍 ربنا يرزق كل محروم ان شاءالله 😘 الامومه مزيج من الحب والرهبه والخوف علي اولادك واحساسك بالمسؤولية اتجاه الكائن الصغير الهو حته منك .. ربنا اخد مني اهلي الانا حتة منهم و عوضني باولادي الحته مني الحاجه دي خلتني احس بالرضا من اعماقي ، احساس الانكسار الجواي اتلاشي 😍 نسيت الاسبيكر في غرفه النوم وصوت بكاء واحده من التومات خلي حسام جاء جاري 😂 لقاني شايلاها وبرضع فيها في البزه جاء طوالي قعد جنبنا

حسام: مريومتي دي منو ياخ بتشابهوا شديد بتفرزيهم كيف ؟؟؟

انا: هههه دي فرح عندها غمازه واحده ومريم عندها غمازتين اي نعم لسه ما واضحين لكن بظهروا شديد وهم برضعوا البزه ، وفرح عندها شامه فوق خشمها ومريم لا ، وكمان مريم عندها وحمه صغيره في ظهرها وفرح لا .. وكيتا ليك فرح بغمازتها الواحده دي حتكون بتشبهني اكتر من مريم 😜 اما محمد دا صاري ومركب وش ذكرني بيك زمان 🙊 الله يستر ما يطلع بشبهك😜 الله يصبرني لحدي ما ملامحهم تظهر كويس ونشوف الشبه الاكيد

حسام : ههههه ان شاءالله يطلع زي ابوه ، ابوه مالو ماكسر بت النصري وجاب اخرها 😉لكن برضو مريم بكري وحبيبه ابوها 😍 وخطيره يا مريومتي عليك الله لاحظتي ليهم كيف؟

انا: في الاول لما شفتهم في الحضانة ما قدرت افرقهم قمت قريت الليبل الفي يدهم الفيهو اسمهم وفتشتهم حته حته انا والممرضه وكتبت الفروقات في الموبايل 😂 .. يلا شيل فرح رقدها في سريرها .. قام شالها وشماها و رقدها زي العجب ما علمتو في بت الالعاب اجي كمان 😅 اي نعم كان خايف لكن لازم يتعود.. وجاء قعد جنبي في الكنبه

حسام: مريومتي حاسس اني طاير من الفرحه لمن ما قادر اعبر ياخ الابوه دي احساس كدا عجيب 😍 وحضني جات ايليف داخله لقتني قاعده في حضن حسام و بوصف ليهو في احساسي

ايليف: 🙉 بتقلوا ادبكم قدام اولادكم ما بتخجلوا 😉

حسام: حضن برئ يلا اتخارجي دي جلسه عائلية 👪💑

ايليف : زحتنا بعيد من بعض وقعدت في نصنا 😂 وبقت تردح لحسام

جات ناهد اوغلو سكتتهم الاتنين قالت ليهم ماتعملوا ازعاج للاولاد وهم نايمين وعايزه اتكلم مع مريم يا تسكتوا يا تطلعوا 😅 ايليف عارفه نفسها ما بتسكت طوالي طلعت 😅 وحسام سكت