ثلوج الماضي

وعد عبد الحق

وعد وعد  
- واااه تي شبيك يا صخطة خليني نرقد😡
- يا بقرة 🐮 فيقي عندي منحكيلك 
- خليني امان و الله تاعبة
-وعد وعد 
- اقسم بالله كان نوض تاكلي طريحة
اه سمحوني مقدمتلكمش وعد.. وعد هذي ياسيدي بنية مزيانة تفتق بالزين وجه ابيض عليه عينين عسليات و خديهم غمزات شعرها قصير مارون اما متدينة تلبس في الخمار طولها عادي في حدود ميتر و ستين  ههه وزيد دبدوبة شوي هه اما تعرفو احلى حاجة فاها شنية ضحكتها ههه تشبه ياسر للامها الله يرحمها 😇🙏👼
وعد بنية تكره شكون اعاندها على هذاك معندهاش ياسر صحاب
-فقتيش تو 
- هانا ففت شبيك
- ليوم 1 جانفي  😊
-اي و من بعد   
-  يا بهيمة 1 جانفي
فاقت وعد كيف المهبولة تجري لبست روبتها و حطت خمارها  هزت ساكها و هبطت مقربع في مخها تمشي و تتعثر موصلت للباب كما طاحت الف طيحة اه مال ليوم باش تتقابل هي و خطيبها عندها عام و ما شافتوش
اياد بن محمود ولد الحومة احبو بعضهم ملي كانو صغار و كتب المكتوب و خطبها عندو خمسة سنين   اما بعد الخطبة طول مشي للجيش
اياد طفل اعقد في الزين طويل و موهر 💪 شعر اكحل و عينيه زادا  كانت عندو لحية مزياااانة  اما كيف دخل للجيش نحاها 
ليوم عيد ميلاد اياد و وعد عندها مدة ثلاثة شهور تحضر باش تعملو مفاجأة🎉🎁 
اي نرجعو للوعد،  وصلت للباب لبست كبوطها و هي خارجة ندتها مرت بوها
-وعد وعد منسيتي شي
-هههه تا احلام مرسي 
-  حبيبتي رودي بالك على روحك
   - تا احلام متنسيش الماكلة الي حبها اياد،  نعمل عليك 👈  اي حاجة أخرى بوسيلي سراب قولها مرسي فيقتني  الصباح
-هيا امشي فيسع و سايسي  على الكرهبة ماني نعرفك مهبولة   
وعد من عيلة لباس باها بوها يخدم في الخارج و دخل في فلوس كيف الطراب  عكس خطيبها مسكين مافي حلوش و الحمد الله😇🙏👼
اما الحب ميعرفش لا فقير و لا غني كيف اجي ميشورش
-يا ربي وقتاش باش يوصل توحشتو
تقول فاها وتعاود هل جملة صحيح متفهمتش هيا وياه على بلاصة باش يتقابلو فيها ولا وقت لاكن وعد كيف المخابرات ههه نسنست من اختو و عرفت وقتاش باش يخرج  و مشت باش تعرضو و تعملهالو مفاجأة  
قاعدا في كرهبتها حاطت غنى و عاملى كيف تغزر من شباك الكرهبة تستنا فيه
- لا لا ❌⛔ امبوسيبل و الله لا منيش مصدقت
بدات وعد تبكي تبكي بحرقة هزت كرهبتها و شدت الطريق تسوق و عينيها مليانة بالدموع مسكينة و الله لا تستاهل  تسوق في الكرهبة و مهيش عارفة وين تمشي تجري في 180 الشي الي شفتو كان قوي علاها و اثر برشا في حياتها هو السبب الي خلاها تعمل اكسيدون و تقعد على كرسي  اي اي كان مجاتش تموت عليه و الله لا يصير فاها هكا تحبو تعرفو شنوا شافت اي اتوونقوللكم انتم زادا اتو تتصدمو سي اياد طلع مصوحب على خطيبتو بنيا تظهر من زينها انها مش تونسية  بلندا شعرها  اصفر طويل ضعيفة ستيلها يقعر  الحصيلو وعد شبحت سي خطيبها ابوس و حمل في الطفلة و طلع معاها في الكرهبة لا السيد مزال مشبعش من البوس حتى كيف طلع معاها مزال ابوس فاها  اي نعم هذا اياد الي عامل في روحو احب وعد و باش يخوها بعد ميكمل الجيش 
           ** بعد عامين **
اياد سافر للخارج مع مرتو الألمانية الي  حكيتلكم علاها و ما فيبلوش بلي صار للوعد على خاطر و هو السبب في حلتها
اما عهد يسمى تعودت بحالتها الجديدة اي عامين راهم وهي على كرسي  بحكم بوها لباس بيه هزها دار بيها العالم الكل باش اداويها اما الطببا الكل اقولوله في نفس الكلام حلتها ميؤوس منها 
- امان سراب كلميلي سليم شوفيه وينو بطى عليا لازم نمشي للفاك 
- كلميه انتي عيش اختي لاهيا في كوجينة اني تو 
- باهي ايجي مديلي تلفون على قليلى شبيك نسيتي الي اني معاقة 
- اااو سمحيني بربي  
وعد تعودت بحالتها الجديدة اما عائلتها لا  اعلى خاطرها ياسر تتحرك وتعمل في الحس كيف كانت لباس عليها 
هاو سيا سليم خلط ااااه كان تشوفو سليم مشبو زين و عين و طول و وهرة بدر على حالو اما تعرفو شنوا الي مفسدو قلب حجر و يظهر ديما حزين  و ما يضحكش خلاص اما رجلة وين تستحقو وعد في حاجة تلقاه صحيح هو ولد ريف اما مخو بلدي بحكم يخدم في المدينة مع الناس الهاي
- سي سليم شبيك بطيت في جرتك باش ندخل روتار 
- سمحني مديموزال
- شبيك لباس
-لباس 
- سي سليم نجم نسألك 
- تفضل مدموزال
-شبيك ديما جابد روحك كلمة و قص  ديما تظهر مهموم
- عادي 
اي يا سيدي هذا هو سليم عندو عام و شهرين و هو يخدم عند سي عبد الحق بو وعد  ملي شد الخدمة و هو في الحالة هذي من الدار للفاك و من فاك للدار  اهز و جيب في ست الحسن و الدلال المدموزال وعد..
- صباح 🌄🙋 الخير يا ست وعد ازيك النهرد 
- لباس حمد الله 😇🙏👼 مدام
مريا 
-  عملتي اه في المزكرة
- و الله   هاني حظرة شوي و على ربي 
- كويس ربنا اوفقك و يكتبلك النجاح انت بنت منيحة و تستهلي كل خير
- عيشك مدام  ☺ نخليك تو لازم نمشي نحكي مع العميد باش نعدي ستاج
- ماشي يا حبيبتي مع السلامة
مريا استاذة الفلسفة تحب وعد برشا و وعد زادا تحبها و تحترمها مع العلم الي ست مريا اكبر من وعد بخمسة سنين اكهو اصلها من مصر 🇪🇬 مسيحية ⛪ تقري في الجامعة و تعمل في دكتوراة  في تونس قال شني التعليم في تونس خير ههه مسكينة ماهيش فاهمت شني قاعد اصير في الجامعات التونسية 
لا علينا،  حركت وعد الكرسي متعها و كملت ثنيتها خذات الموافقة على الستاج و خرجت من بيرو العميد و هي باش تموت بالفرحة  تعدت لقت سليم يستنا فاها كيفما العادة حملها في حضنو و حطها في الكرهبة و المرة هذي ماهوش باش اهزها للدار..
- سليم؟ 
-تفضل مدموزال
- هزني للصبيطار  الي في طريق التران 🚋🚃🚂 
تحلت عينيه 👀  و قلبو بدي ادق فيسع  تعدا قدام عينيه شريط صغرو الكل لسان تربط و مخو تكونسا 
- سليم سليييم تي سليييييم سمعتني قتلك هزني للصبيطار الي في طريق التران.
- حاضر مدموزال
قالها و في قلبو غصة 
مش ساهل باش ينسا الي صار قبل عشرين سنى 
وصلت وعد للصبيطار هبطها سليم كيف العادة اما مدخلش معاها الطفل مصدوم كفاش الزهر دار بيه  و جابو   قدام البلاصة الي دمرتلو حياتو و بدلتها
-سليم شبيك ماكش عجبني
-عادي مدموزال
-باهي على راحتك نوصل اوراق الستاج و منبطوش. نروحو طول
-حاظر مدموزال
دخلت وعد للصبيطار و بقات حايرة في سليم شبيه مش عادي حتى طرف و هيا ماشيا للبيرو المدير  فكرة 💭 باش تعمل فازة مزيانة تفرحو باها بحكم هو ديما مكشبر و جدي علخر
وصلت وعد للبيرو المدير ركحت امورها و خرجت بالكرسي متاعها تلقى سليم يستنا فاها 
-شبيه اللوز منبوز ههه😅
-بقى سليم يتلفت وراه و قلها
- تحكي معايا مدموزال وعد
- معجبتكش هههه باهي شبيه الفراز ملالاز
-  بقى اشوفلها مستغرب و قال في قلبو   -سترك يا ربي هذي مزال مبدتش تعدي في الستاج
-شبيه ماسط مضحكش  ،، اسمي وعد و نوعدك باش نبدلك هل حالة الى عايش فاها
على فكرة وعد باش تعدي ستاجها في مستشفى 🏥الامراض العقلية
- باهي كيفها النكتة معجبتكش هيا نروحو
- حاظر مدموزال
الصبيطار بعيد برشا على دار وعد يعني تحبلها ساعة ⏰ باش توصل
- نحب نمشي للبحر 🌊
-نعم؟ 
- نحب نمشي للبحر
-لكن.... حاظر مدموزال
- سليم بجاه محمد لعاد تقولي مدموزال نديلي وعد. وعد يزي
استغرب سليم من الطلب الي قتلو عليه وعد و هز راسو و قلها باهي الي ريحك