صباح الخير ، المدير موجود في بيروه
-اي تفظلي شكون نقولو
- وعد عبد الحق الستاجيرة الجديدة
- لحظة بركة اختي
بعد معملت وعد الاكسيدون ولت قرايتها اهم حاجة عندها لاهيا بيها علخر و عندها تو عامين في الجامعة و هي من الاوائل رغم حالتها
-تفضلي اختي المدير يستنا فيك
- عيشو الزين
دخلت وعد للبيرو و قلبها يضرب في 200 يديها ترعش اما كانت واثقت من قرارها
- صباح الخير يا بنتي وينك لباس ليوم
-حمد الله سي عماد
-تفضلي بنتي كفاش نجم نعاونك
- سي عماد نحب نجد اوراقي من عندكم، بصراحة منحبش نعدي في سبيطاركم
تصدم المدير دز الكرسي وراه و وقف بقى انفض في يديه و مشى قدام وعد هبط على ركابو و قعد قدامها
- لا حول و لا قوة الا بالله ، شيبك يا بنتي شكون غششك بيروك معجبكش سكرتيرتك خايبة،، مفهمتش علاش تحب تجبد روحك فهمني عيش بنتي
- سيدي المدير و الله منجم نحكيلك و برك الله فيكوم و في المعاملة الطيبة اما منجمش نعدي عندكم
وقف المدير غزرلها بالقدا و قلها
- منجمش نفرض عليك حاجة انتي متحبهاش، اما تمنيت انو منخسروش بنيا كيفك حاذقة و متميزة، الله غالب
- مرسي سي عماد، سلام
-سلام ربي وفقك
دورت وعد كرساها و خرجت سكرت الباب وراها و مش باش تروح
اما المدير بقى يحكي وحدو كيف المهبول باش يكلب علاش وعد خرجت من سبيطارهم
- غريبة في هالبلاد يزرعولهم ورد في ثنيتهم يفرشولهم تابي روج و شي ميعجبهم،، اما مش بالساهل باش نعديهالك وعد عبد الحق دخول الحمام كيف خروجو هو،، يا تخدمي عندي في سبيطاري يا متخدمي في حتى بلاصة اخرة
أنت تقرأ
ثلوج الماضي
Teen Fictionوعد وعد - واااه تي شبيك يا صخطة خليني نرقد😡 - يا بقرة 🐮 فيقي عندي منحكيلك - خليني امان و الله تاعبة -وعد وعد - اقسم بالله كان نوض تاكلي طريحة اه سمحوني مقدمتلكمش وعد.. وعد هذي ياسيدي بنية مزيانة تفتق بالزين وجه ابيض عليه عينين عسليات و خد...