ثلوج الماضي

على خاطرك سليم

الكرسي متع ماما تكونسا بحكم قديم و كيف بابا بدأ ادز فيه بالقوي طاحت ماما في وسط الشارع و جا الكرسي فوقها كيفما صار معاك انتي مبكري
- اي تو فهمت انت علاش بقيت تبكي..  اي و من بعد
- انا بقيت مصدوم في بلاصتي  و نغزر بعينيا و ماني منجم نتحرك من جا بابا اقيم في ماما لكن هي مقمتش الضربة كانت قوية و توفت على البلاصة و بعدها بشهر  توفى بابا منجم اعيش مع تأنيب الضمير كان احس الي هو قتلها و زيد ماك تعرف العيشة في تونس و العباد كيف تحكي و تزيد و تنقص
-حممتلي قلبي سليم
وعد بنية حساسة برشة و تأثرت بكلام سليم و حكايتو و بعد معرفت عليه الماضي متاعو زادت شدت الصحيح باش تعاونوا و تخرجو من الحال الي عايشها
- الله يرحمهم و إن شاء الله يكونوا من اهل الجنة 
- الله يرحمهم
- انا منتفكر شي على ماما الله يرحمها كيف توفت عمري كان وقتها جمعتين ماني فاهمت شي مالدنيا.. اما اقولوتي تشبهلك
هز راسو و غزرلها .. حس روحو اول مرة يشوفها بنية تحفونة مزيانة عينيها عسليات كبار ،غمزات،  خدود ههه 
برسمي اول مرة اثبت فيها رغم الي هو عندو قرابة العامين يخدم شوفير عند سي عبد الحق و لا عمرو نهار خمم باش يغزر لبناتو اما ليوم شداتو وعد ليها خاصة كيف فكت لكلام من فمو و خلاتو يحكي اول مرة في حياتو على ماضيه و على امو و بوه
بقاو الزوز ساكتين حتى واحد فيهم ما قال كلمة و حتى واحد فيهم مكلي حاجة  بقى كل واحد اخمم في حياتو السابقة
- هيا نقومو
- شبيك مكليتش وعد
هزت كتافهاالفوق و حركت راسها يمين و يسار اي اي بضبت كيفما عملتو تو هههه ... فهم الي معينها في ماكلة
حملها و حطها فوق الكرسي و هزها للكرهبة و روح باها للدار
-  تا احلام، سراب، وينكم انا جيت
- عسلامة جيتي لالا العروسة 👰
- سراب نقصتيش مالبلادة
- اي كفاش قلتيلي مشيتي للبحر و عشاء في رستو
- تا احلام ايجي هزاها عليا
- وينو وينو الخاتم 💍
-تا احلاااااام  
- شبيكم لبنات
-قلها تنقص مالتكوليف و الريق الماصط
- يزي سراب سيبي اختك.. ههه خلي توريلنا الخاتم
- امان انتي زادا تا 😡
تغششت وعد وجت قد قد و هما يتبهنسو علاها و متين بضحك اعلخاطرها اول مرة تخرج تتعشى البرا مع طفل بعد خطيبها اياد و زيد اعلى خاطرها دخلت تغني و تضحك و هي تنادي على سراب و مرت بوها
- وعد
- اطفي الضو وخرجي عليا
- وعد سمحيني اختي نفدلك عليك
وعد في لحظتها مكنتش متغششت من سراب اما كانت تخمم كيفاش باش تعاون سليم و تخرجو من حالتو
- باهي هاني خارجت على خير
- سراااااااب
-شبي عزاك مش قلتيلي اخرجي و طفي الضو
- من وقتاش تخرجي ترقدي و متبوسينيش
- ههههه
رجعت باستها و خرجت. سراب الاخت الكبيرة الوعد ديما يتعاركو و يتنابزو اما متعلقين ببعضهم برشا
- يا ربي لعمال عليك ليوم اول نهار في ستاج و ربي اعديه على خير
- لباس لباس نعرفك مهفة و تسلكاها
- و انتي سراب شعملتي مع خطيبك حداتوش وقت العرس
-ليوم باش نتقابلو و نافاهمو
- ربي يسهل وخيتي
كملو لبنات فطورهم لمت سراب الطاولة و غسلت الماعون و وعد بقت تكلم في سليم باش اوصلها للصبيطار
- لبنات متبطوش في الرجوع اليلة ماكم عارفين بوكم راجع من السفر و حب يلقاكم الكل في الدار
- حاضر تا احلام
-سراب شوفي شكون في الباب
- خلي عليك اتو نشوف انا اكيد هذا سليم جا باش اهزني
خرجت وعد من الكوجينة بالكرسي متعها و مشات تحل في الباب اي طلع سليم جاي باش اهزها  كيفما العادة حملها و حطها في الكرهبة و قصدوا ربي ثنية كاملة منطق ب حتى حرف خاصة و هو ماشي الأكثر بلاصة يكرها
تفكررت وعد لحكاية متع مبارح الي حكاهالها سليم و قررت باش تعمل خطوة كبيرة في تنفيذ الوعد الي عطاتو الروحها باش تغير من حياة سليم للاحسن