ثلوج الماضي

علاش عملتي هكا

خرجت وعد البرى من السبيطار لقت سليم يستنا فاها استغرب كيف شافها بكري
-شبيك وعد تعركتي معاهم
- اتو في ثنيا نحكيلك
طريق كامل و لا واحد فيهم قال حاجة وعد متنجمش تحكي تحب تخليه سر بينها و بين روحها و سليم محبش يسال كان حابها هي تحكي رغم الي الفضول كان باش يقتلو
وصلو للدار هبطها من الكرهبة و حطها في الكرسيى
دخلت للدار تعدت طول للبيتها بقات قاعدا في الكرسي و هزها التخمام لين رقدت و تا احلام مفيباهاش بلي وعد روحت هاكا علاها كانت تحكي في التلفون و تصيح على طول صوتها لين فيقت وعد
-لا وعد و سراب اني ربيتهم و كنتلهم بمثابة الام مستحين نخليها تهزهم  سي عبد الحق بربي افهمني حتى اني راني كيفها قمت بدور الام
و عملت تك و علقت التلفون
-تا احلام ......
تصدمة المرى و معرفت شني تقول بقات تبكي و هي قاعدة على ركايبخا قدام وعد
دخلت وعد في دوامة مسيكينة و ماهي فاهما شي لحكاية سمعتها بوذنها مقالهالها حتى حد
- تا احلام وعد وينكم .صاي قررنا باش نعرسو الشهر الجاي
دخلت سراب و هيا فرحانة اعلخاطر صاي تفاهو اخيرا على دات العرس اما تصدمت كيف رت مرت بوها في الحالة هاكي مشتلها و بقات تسال فاها شفما شفما و لخرى تبكي و ماهي قادرا تجاوب على اسالت لبنات