الحلقه الســادســه
(6)
__قعدت ساره مع ملك شويا وقررت قوم تمشى
ساره: انا همشى يا ملك واهدى وكله خير
ملك بعد ما هديت : صحيح انا اسفه لاهيتك بنفسى ونسيتك ايه ال خلااكى طايره من السعاده كده ممكن يكون ارتباط حصل
ساره متنحه : اه
ملك بلهفه : مين ؟
ساره قررت تقول ل ملك رسمت ابتسامه ع وشها
ساره مبتسمه وباصه لملك من غير متتكلم لثوانى : احمد
ملك اندهشت : مين .. احمد.. امتى وازاى ؟
ساره حاولت تهزر : هو الحب فيه ازاى بيحصل خبط كده وانا كنت بقاوح بس يلا بقى الى حصل
ملك باصه لساره وحاسه انها مخبيه حاجه : طيب اقعدى واحكيلى
قامت ساره : لا دلواقتى ايه انا هتاخر وبعدين هنرغى
ملك : هستناكى طيب تحكيلى
ساره مبتسمه: ان شاء الله
مشيت ساره ووعدتها انها هتساعدها فى موضوع مصطفى وطمنتها
ومشيت ومش عارفه تعمل ايه وكل ال فكرت فيه خوفها ع صاحبه عمرها
وانها فعلا ممكن يحصلها حاجه لانها سمعت من الدكتور نفسه ان اى زعل هياثر ع حالتها وممكن يدهورها ودا مش زعل بسيط ..وهى ماشيه فى الشارع سرحانه احساسها انها صحيت من حلم ع حاجه غير متوقعه
والى سمعته من مصطفى والى سمعته من ملك وهى مش عارفه ايه الى حصل وصلت لبيت دخلت مسهمه ع اوضتها ع طول مامتها دخلت وراها
ماامتها: فى ايه ياساره
ساره مبتردش وقاعده باصه لنفسها قدام المرايه
مامتها: ساره
ساره : ها نعم فى حاجه
مامتها: انتى فيكى حاجه الى يشوفك الصبح ميشوفكيش دلواقتى
ساره: لا تعبانه بس وعاوزه ارتاح
مامتها: طيب مش هتحكيلى الى حصل انهارده ولا ايه
ساره: بعدين يا ماما انا عاوزه انام
خرجت مامتها وسابتها فى الاوضه لوحدها مش قادره تستوعب الى سمعته وفى نفس الوقت مش عارفه تتصرف ازاى .. دخلت ع سريرها ومش عارفه تنام وعماله تفكر تتصرف ازاى وقلبها واجعها وفى الحظه ديه تليفونها رن بصت لاقته مصطفى
بصت ع الموبيل ومره واحده دموعها نزلت من عنيها وهى عماله تبص ع الاسم وعملت الموبيل سيلنت وحاولت تنام وطول ماهى نايمه دموعها كانت مش بتوقف >>>
_______________________________________
تانى يوم الصبح صحيت ساره لاقت 20 اتصال من مصطفى ورساله منه
بيسئلها ليه مبتردش ولاقت رساله تانيه من احمد بيقولها كل سنه وانتى طيبه اخدت دش ساره وجهزت شنطه فيها هدوم ليها ولبست ومامتها دخلتلها الاوضه وهى بتكمل لبس رايحه عند بنت خالتها
مامتها: على فين ع الصبح كده انتى هتطفشى ولا ايه
ساره باابتسامه: اه زهقت منكم
مامتها: على فين كده وايه الى طق فى دماغك تعملى كده
ساره: بصراحه اتخنقت وقلت اقعد يومين عند خالتو
مامتها: فاجاءه كده من غير ما تقولى
ساره: لا كنت مرتباها من فتره ووعدت نورا لما هاخد الاجازه هروحلها
فقلت هروح اليومين دول قبل ماهى تسافر تانى
مامتها: طيب وهتطولى عندها
ساره : لا يومين وراجعه
مامتها لاحظت ان عين ساره منفوخه : مالها عينك ..هو انتى نمتى بتعيطى
ساره انتبهت لكلام مامتها : لالالا تلاقى دعكتهم وانا نايمه بس يلا انا نازله
مامتها: خلى بالك ع نفسك وطمنينى لما تروحى
ساره: ان شاء الله
نزلت ساره راحت ع الموقف تستنى المينى باص وركبته
وهى قاعده قعدت تراجع الى حصل امبارح وانها لاقت انها لازم تبعد يومين علشان تعرف تفكر وتشوف هتتصرف ازاى .. وفى نفس الوقت قررت متردش ع مصطفى لغايه ماتوصل لقرار
وصلت ساره لخالتها وطمنت مامتها عليها وفى نفس اليوم ع العصر مصطفى راح بيت ساره لانه قلق لان مش من عادتها متردش عليه ولا برساله خبط ع الباب وفتحت مامت ساره
مصطفى: مساء الخير يا طنط
مامتها: مساء الخير يا حبيببى اتفضل
مصطفى: معلش انى جيت من غير اتصال بس كنت عاوز ساره فى حاجه
مامتها: بس ساره مش هنا
مصطفى اتخض: نعم اومال فين
مامتها: راحت عند بنت خالتها نورا تقعد يومين
مصطفى: وهو فى حاجه
مامتها: لا هى وعدتها هتروحلها فراحت يومين
كنت عاوزها فى ايه ؟
مصطفى: انا كنت طلبت منها حاجه وقلتلها تسالى ومردتش عليا فكنت عاوز اعرف قبل مااسافر
مامتها: تابعها ع موبيلها بقى ولما تكلمنى هقولها
مصطفى : شكرا انا همشى دلواقتى
مامتها: انت مش ناسى طبعا الشهر الجى فرح تامر هو نازل اخر الشهر دا
مصطفى: لا طبعا مش ناسى تامر كلمنى
مشى مصطفى وبيجرب ع موبيل ساره مبتردش برضه
______________________________________________
عدى الاسبوع وساره رجعت البيت وكانت بتابع ملك ع الموبيل ونت
وبيتكلموا عادى وكانت بتطمن عليها وااكدت عليها لازم تحضر فرح تامر اخوها ..كل اتصال من مصطفى كان بيقابله تجاهل مره يااما بترد ساره عليه بسرعه وع النت كانت كتير مبتردش عليه
فى يوم تامر اخوها رجع من السفر وانشغلوا فى توضيب الشقه
وكان عذر ساره دايما لمصطفى مش فاضيه لكلام
وفى مره كانوا فى شقه تامر بيودوا حاجات مصطفى طب عليهم وساره مكنتش تعرف الباب خبط وتامر فتح
تامر: اهلا يا مصطفى اتفضل
مصطفى: الحاجه الى طلبتها اهى
ساره تنحت لما شافته لانها كانت بتحاول تتجنبه ع قد ماتقدر
مصطفى سلم ع خطيبه تامر وراح ناحيه ساره : ازيك يا ساره
ساره وهى مش بتبصله : الحمد الله ازيك انت
مصطفى: الحمد الله
تامر : كويس انك جيت يا مصطفى هطلب منك خدمه
مصطفى: خير
تامر: انا واميره رايحين مشوار وكنت لسه هوصل ساره
فخدها فى سكتك روحها ع البيت
ساره اتفزت: لالالالا شكرا انا هركب مواصلاات
مصطفى استغرب من تصرفاتها : لا هوصلك هتروحى لوحدك ازاى
تامر: سبحان مغير الاحوال داانتى كنتى بتعملى براشطوت عليه فى المشاوير دلواقتى هتركبى مواصلاات يلا علشان متتاخريش
ساره حست انها اتزنقت ومفيش قدمها غير انها تروح معاه
نزلت ساره وركبت مع مصطفى العربيه ومصطفى عمال يبصلها ومش فاهم مالها مبقتش بتتكلم ولا بتضحك زى ماكانت معاه ومن اخر مره اتغيرت ففتح كلام
مصطفى: ايه رائيك نروح اعزمك ع ايس كريم
ساره بسرعه من غير ما تبصله: لا شكرا
مصطفى استغرب: طيب انا جعان تعالى نروح ناكل
ساره : لا روحنى وروح كل انت
مصطفى ركن العربيه ع جنب : فى ايه يا ساره
ساره اتجمدت وحاولت تبين انها عادى : هو ايه الى فى ايه انا عادى انت الى مالك
مصطفى: انا مش هروحك الا لما افهم مالك وايه الى غيرك كده
هو انا عملتلك حاجه
ساره : انت مكبر الموضوع ليه يعنى روحنى يا مصطفى علشان متاخرش
انت عارف اننا ملخومين فى فرح تامر والتجهيزات
مصطفى: انتى شايفه دا كده
ساره: ايوه يلا بينا
مصطفى: انتى مردتيش عليا اخر مره
ساره قلبها دق بسرعه : ارد على ايه
مصطفى : انتى نسيتى الى قلته
ساره : يوووه يا مصطفى انجز بقى يا تقول يا تروحنى علشان متاخرش
مصطفى : ساره انا قلتلك انا بحبك واستنيت ردك من وقتها
ساره قلبها كان هيقف من كتر الدق وحاولت تجمع نفسها : اهااا افتكرت
مصطفى : طيب كويس ردك ايه بقى
ساره جمعت نفسها و وبصعوبه : اعتقد انه وصلك الرد تانى يوم
مصطفى : ال هو ايه
جمعت نفسها وبصتله: احنا مينفعش يحصل بينا غير الحدود ال عرفتك بيها اخ وصديق شخص مقرب من العيله .. زى الكل ماعارف اكتر من كده مفيش وعدم ردى عليك كان رد بس مكنتش اعرف انك مفهمتش
مصطفى اتصدم من الكلام : انتى بتقولى ايه
ساره: الى قولتهولك دا
مصطفى: والى بينا والى كان بيحصل دا كله ايه
ساره: عادى انا كنت بتصرف عادى
سكتت لحظه وكملت ساره : مش مسئوله عن خيالاات عندك
مصطفى مش مصدق الى بيسمعه : ساره
ساره: دور حواليك يا مصطفى فى ناس بتحبك بجد وانت مش واخد بالك
الناس ديه امنيه حياتهم يعيشوا معاك ويكونوا جنبك ومش طالبين اى حاجه تانيهالناس ديه احق من اى حد تانى
مصطفى ساكت ومره واحده: بس انا بحبك انتى
ساره قلبها وجعها اوى من الى بتقوله وحاولت تتماسك: وانا بحب شخص تانى فكل واحد يشوف الى بيحبه ويكمل معاه
مصطفى : شخص تانى مين دا
ساره: هتعرف لما يجى وقته يلا لو سمحت عاوزه اروح البيت
مصطفى بعصبيه حرك العربيه ووصلها لبيت وطول السكه ساكته وبتحاول تمسك نفسها واول ما وصلت نزلت وقفلت باب العربيه من غير ما تبص وراها واول مادخلتمدخل العماره دموع نزلت من عنيها فقعدت ع السلم وفتحت فى العياط وعماله تضغط ع صدرها من الوجع الى حساه ومن الى قالتله
_____________________________________
مصطفى راح قعد فى كافيه وقابله ممدوح
ممدوح: مالك صوتك قلقنى فى التليفون
مصطفى بخنقه وتنهيده: مش عارف فى ايه
ممدوح: براحه واحكيلى
حكى مصطفى ل ممدوح كل الى حصل
ممدوح: غريبه معانك كنت متاكد
مصطفى: انا واثق انها بتحبنى انا بس معرفش ايه الى غيرها كده
ممدوح: طيب متفهم منها
مصطفى: مفيش فرصه اسلوبها وطريقتها بقالهم فتره متغييرين
وانهارده قالت كلام مكنتش اتوقعه انا بجد مش فاهم
ممدوح: طيب براحه كده واهدى وكله هيكون بخير
مصطفى: انا بعد فرح تامر هسافر وكنت عامل حسابى هجيب اهلى وانزل مصر اخطبها كده كل تخطيطى فشل
ممدوح: متعرفش ربنا كاتبلك ايه ..اصبر كده
مصطفى : يارب انا بجد تعبان ومش فاهم
ممدوح: ربنا هيعدلها ان شاء الله
___________________________
عدى الوقت وساره بتتكلم مع ملك ع النت
ساره: ملك عاوزه اقولك حاجه
ملك: خير
ساره: متسبيش مصطفى يعنى خليكى ع اتصال دايم معاه
ملك: ماانا قلتلك انا خايفه ليصدنى
ساره: اسمعى الكلام بس استمرى فى التواصل معاه وكلميه وكده
قربى منك علشان يحس بيكى مش هيحس بيكى من بعيد كده
ملك: انتى شايفه كده
ساره: اها ولما تيجى مصر وتحضرى الفرح قربى منه وافتحى كلام
قربى منه بكل الطرق خليه يشوفك بس
ملك: اوك ربنا يسهل
وسمعت ملك كلام ساره واستمرت ع اتصال مع مصطفى يوميا
جه فرح تامر وكانت ساره فى الكوافير مع العروسه
ساره: ماشاء الله يا مرمر زى القمر
اميره: انتى الى قمر عقبالك يارب يا سووو
ساره ضحكه ضحكه خفيفه: لما ربنا يأذن
المهم يلا علشان تامر مستنيكى بره
خرجت ساره وجنبها العروسه والبنات وبيزغرطوا ويهيصوا
شافت مصطفى واقف مع الشباب عملت نفسها مش شيفاه
اخت العروسه طلبت من ساره انها تركب مع العروسه فى العربيه فوافقت
مصطفى: تعالى اركبى فى مكان معايا
ساره بصت حواليها : لا ملك هتركب معاك انا هركب فى العربيه التانيه
راحت ندهت ع ملك وركبتها ومصطفى مستغرب من تصرفها
وصلوا لقاعه والفرح ابتدء وكله هايص وكل ما يحاول يقرب من ساره تبعد عنه وملك لحظت كده فقربت منه
ملك: الفرح حلو اوى عقبالك
مصطفى: عقبالك انتى كمان بس انتى بالحلاوه ديه من زمان ولا ايه
ملك اتكسفت: علشان عنيك حلوه بس
مصطفى: لا ماشاء الله عليكى
ملك: ميرسى ..ساره برضه حلوه
مصطفى باابتسامه: اها جدااا
ملك حست بغيره : بس لو سالتك انا ولا ساره مين احلى هتقول ايه
مصطفى بيبص ع ساره ولسه هيرد لاقى ساره واقفه مع واحد وبيشبه عليه
ملك: ايه دا احمد جه الفرح
مصطفى: احمد بتاع اسكندريه
ملك: اها ساره عزمته كان مسافر ولسه راجع من يومين
بس بصراحه حاسه ان فى حاجه بينهم
مصطفى بيبص ل ملك: حاجه ايه دى
ملك: اعجاب حب مش متاكده بس ساره لمحتلى انها معجبه بشخص وانا حاسه انه هو
مصطفى اتغاظ وقام من جنب ملك راح قرب ل احمد وساره وهما واقفين
مصطفى: احمد ازيك
احمد: ازيك يا مصطفى عقبالك
مصطفى: ان شاء الله عاش من شافك
احمد: كنت مسافر تبع الشغل ورجعت من يومين وساره عزمتنى ومينفعش مجيش
مصطفى بضيقه: اهاا طبعا طبعا
ساره : تعالى يااحمد نقعد لاحسن اتهلكت من الوقفه
احمد: بعد اذنك يا مصطفى
مصطفى : اتفضل
اخدت ساره احمد وقعدوا ع تربيزه
احمد: ايه الجمال دا بس
ساره: اها الفرح جميل جدا والعرايس ماشاء الله عليهم
احمد: لا انا اقصد الجمال الى قدامى دا
ساره بتضحك: بطل بكش
احمد: لا مش بكش لو سالتى اى حد هيقولك
ساره: هعديها لانى عارفه انى زى القمر
احمد : انتى القمر نفسه
مصطفى من بعيد بيراقبهم وشايفهم عمالين يضحكوا واغلب الوقت ساره قاعده معاه جت رقصه سلو وطلبوا الكابلز يقوموا يرقصوا
فكان مصطفى هيقوم يرقص مع ساره لاقى ملك مسكت ايده
ملك: ممكن ترقص معايا الرقصه ديه
اتحرج مصطفى: اها طبعا
بص ع ساره هترقص مع مين لاقاها بترقص مع ابن خالها واحمد قاعد
خلص الفرح واحمد مشى لكن قبل ما يمشى وقف يتكلم مع ساره
احمد: انا قاعد فى القاهره يومين قبل ما ارجع اسكندريه
عاوز اعرف ردك موافقه ع الارتباط ولا
ساره : اها اكيد هتاخد الرد متستعجلش يعنى الله
احمد: هستنى ويارب يكون الى فى بالى
ساره بتضحك: الى فى بالك خليه ليك
وصلته لباب ومشى ومصطفى وملك قربوا منها لفت لاقتهم فى وشها
مصطفى: انا هروح اوصل ملك تيجى معانا
ساره: لا انا هروح معاهم عند تامر وبعدين هروح
ملك: طيب يا حبيببتى الف مبروك
ساره حضنت ملك: الله يبارك فيكى يا حبى وقريب اشوفك عروسه مع الى بتحبيه
ملك: يارررب
مشى مصطفى وملك وساره حست ان قلبها هيقف
________________________________
تانى يوم فتحت ساره النت ودخلت ع صفحه مصطفى ودورت ع ممدوح صاحبهولاقته وبعتتله رساله برقمها يكلمها اول ما يفتح ضرورى
وع الضهر تليفون ساره رن
ساره: الو
ممدوح: ايوه ساره معايا انا ممدوح
ساره: اهاا اهلا بيك سورى ع الازعاج
ممدوح: لا ابدا مفيش مشاكل خير فى حاجه
ساره: لو ينفع عاوزه اقابلك مش هطول عليك علشان عاوزك فى موضوع انت الوحيد الى هتساعدنى
ممدوح: لا مفيش مشاكل عرفينى فين وهتلاقينى عندك انا فاضى
ساره :اوك هبعتلك رساله بالمكان والوقت بس مصطفى ميعرفش انى هقابلك
ممدوح: اوك
قفلت ساره وبعتتله مكان الكافيه الى هيقابلها فيه ووصلت ع الميعاد وكان مستنيها
ساره: سورى ع التاخير
ممدوح: ولا يهمك تشربى ايه
ساره: اى حاجه
ممدوح : طلب ليها عصير
ساره: اولا انا بعتذر ع انى نزلتك ولو عطلتك
ممدوح: لا ابدا انا موريش حاجه
ساره: انا فى موضوع مهما حاولت افكر ملقتش غيرك هتساعدنى
ممدوح: اتفضلى
ساره: عاوزاك تساعدنى ان مصطفى يتجوز ملك
تنح ممدوح: نعم بتقولى ايه
ساره: انا مصطفى كان حكيلى انك تعرف عنه كل حاجه
واكتر واحد بيسمعله هو انت
وانا باارجوك ساعدنى ان مصطفى يتجوز من ملك وقريب
ممدوح: بس ازاى ومصطفى بيحبك انتى
ساره: مش هينفع ومينفعش يحصل اصلا
ممدوح: ينفع اسئلك سؤال
ساره: اتفضل
ممدوح: انتى بتحبيه
ساره سكتت : ملك بتحبه اكتر
ممدوح: انا بسئلك انتى
ساره: وانا رديت مش هتفرق بحبه ولا لا لان مش هينفع غير ان ملك تتجوز من مصطفى
ممدوح: انا مش فاهمك وانتى متوقعه ان مصطفى هيوافق بسهوله
دا جواز مش ارتباط وهو مخطط كل حاجه ليكى انتى
ساره : وانا بترجاك تساعدنى يتقربوا لبعض انا مش هستحمل اشوف
ملك بتتعب وتتأذى ويحصلها حاجه مش هعرف اعيش بعدها
ممدوح لاحظ دموع ساره : طيب اهدى كده
ساره: وضع ملك مختلف لو هتستحمل الصدمه وتقف تانى كنت هقولك اوك بس هى ممكن تروح فيها ملك مريضه بالقلب .. وانا عارفه كده من زمانواى حاجه تاثر عليها هتروح فيها وانا مقدرش اكون السبب
وللعلم لو مصطفى مرتبطش بملك ارتباطى بيه مستحيل
انا هتكلم معاه وانت ارجوك ساعدنى
ممدوح مستغرب من ساره طريقه كلامها والدموع الى بتنزل من عنيها
بتقول انها بتحبه بجد بس تضحى بسعادتها علشان صاحبتها
قامت ساره مشيت وممدوح بيفكر هيعمل ايه
____________________________________
وفى يوم مصطفى قاعده فى بيته تليفونه رن بص لاقى رقم ساره
مصطفى: لا بجد ساره بتكلمنى
ساره بتضحك: لا عفريتها
مصطفى: لا وبتضحكى كمان لا انهارده عيد
ساره: فاضى انهارده ولا وراك حاجه
مصطفى: ليه فى حاجه
ساره: يا لهوى عليا عاوزه اخرج مش قلتلى هتخرجنى لما احب
البيت هنا فاضى وقلت لماما هكلمك ها ولا ارجع فى كلامى
مصطفى: ترجعى ايه نص ساعه وهكون عندك
قفل مصطفى ومش مصدق ان ساره رجعت تضحك وتكلمه عادى زى الاول
قام لابس ولقاها مستنياه قدام العماره
ركبت ساره: يلا يا سواق عاوزه اكل
مصطفى باابتسامه ع وشه : تمام ياهانم ع فين
ساره: اى مكان جعاااااانه
ضحك مصطفى وقالها تمام
مشى مصطفى وطول الطريق هزار وضحك ووصلوا لكافيه ع النيل وقعدوةا
ساره: ياااه الجو جميل اوى
مصطفى: لانك انتى موجوده
ضحكت ساره : ياسلام
كملت ساره كلامها: اخبارك انت وملك ايه ملك الفتره ديه فى منتهى السعاده
مصطفى: بصراحه كتر خيرها دايما بتكلمنى ومش بتسبنى لوحدى
جدعه صحبتك ديه اوى
ساره بصت لمصطفى : وبتحبك
مصطفى بيضحك: ومين مش بيحبنى
ساره: انا بكلمك بجد ملك بتحبك
مصطفى تنح: بتتكلمى بجد
ساره بوش جد: فعلا ملك بتحبك ومن زمان من اول ما شفتك
وتخيلتك الانسان الى هتعيش معاها فى بيت واحد
مصطفى مخضوض من الكلام : براحه عليا ومقولتليش ليه من بدرى كنت اخدت بالى
ساره: ملك حبيت فيك طيبتك واهتمامك ولما سافرت السعوديه ووقفت معاها فى عمليه باباها
مصطفى قاطعها: انا سافرت علشانك علشان اطمنك انتى
ساره: هى شافتها اهتمام ليها تصرفاتك وجدعنتك وشخصيتك خليتها تحبك
مصطفى: والحل ايه
ساره بتجمع نفسها : ارتبط بيها
مصطفى بيبص ل ساره : نعم
ساره: ارتبط ب ملك
مصطفى : وهو دا ازاى هى حقنه بتقوليلى اخدها هاخدها
ساره: ملك يا مصطفى من غيرك ممكن يحصلها حاجه وانا واثقه
مصطفى : ساره انتى مركزه فى كلامك ..انا بحبك انتى
ساره سكتت ثوانى :وانا مش بحبك وملك بتحبك اكتر من اى حد
مصطفى : ساره بلاش هزار
ساره: مصطفى ع قد غلاوتى عندك ولو بتحبنى بجد متسبش ملك
لان لو سبت ملك مش هتعرفنى تانى
مصطفى: انتى ايه الى بتتكلمى فيه دا لو كل واحده بتحب واحد ومرتبطتش بيه هتموت كانوا خلصوا
ساره ببتحاول تتماسك: ملك فعلا ممكن يحصلها حاجه وخصوصا لو انا الى معاك
مصطفى تنح ومش فاهم
ساره: الى هقولهولك دا سر بينى وبينك ملك نفسها متعرفش انى هقولهولك هى نفسها هتبقى تقولك .. ملك مريضه بالقلب بقالها سنين وبتاخد علاج وكورس علاج معين والدكتور انا روحت معاها كذا مره ... عرفت منه ان اى حاجه هتاثر ع نفسيتها زعل او اذى ممكن متستحملش ويحصلها حاجه ... وانا مش هقدر اعيش بذنب انه لو حصلها حاجه
مصطفى: يعنى هتعيشى وانتى شايفانى فى حضن واحده تانيه مع واحده تانيه
ساره بتتمالك نفسها: اماهو مفيش بينا حاجه علشان اضايق انت وهى اغلى اتنين عندى وهفرح ليكم
مصطفى تنح من الكلام الى سامعه
ساره بتكمل كلامها : ملك امنيتها انها لما تموت تموت وهى ع زمتك هى قالت كده امنتيتها الى مش عاوزه غيرك انها تفضل معاك وتكون اخر شخص تشوفه انا وعدتها هساعدها علشان احنا اصحاب ..
مصطفى: اصحاب خايفه تخسرى صاحبتك بس تقدر تضيعينى انا وانتى
ساره اخدت نفس:مصطفى انا قلتلك مفيش حاجه تربطنا
غير صداقه واخوه انت مش هتلاقى حد بيحبك زى ملك صدقنى
مصطفى: بس انا بحبك انتى يا ساره انتى
ساره: بس انا بحب شخص تانى
مصطفى: انتى بتكذبى
ساره :تصدق متصدش حاجه ترجعلك بس الاكيد انا لا قلتلك بحبك ولا وعدتك بحاجه وان احنا مش مكتوب لينا اننا نكون مع بعض غير اخوات واصحاب ودا اخر الكلام
مصطفى: بحبك
تليفون ساره رن بص ل مصطفى : لو بتعزنى وبتحبنى متسبش ملك
لان سواء اتجوزتها او لا مش هنكون لبعض ابدا ...طلبى الاخير ليك يا مصطفى متسبش ملك علشان متخسرناش احنا الاتنين لااابدا ..
وسابت ساره مصطفى ومشيت وهو مش قادر يستوعب الكلام الى سمعه منها فضل قاعد فى مكانه عمال يحاول يجمع
_______________________________________________________
____
اختفى مصطفى يومين وساره لاحظت كده فكانت عاوزه تطمن عليه
بس مش هينفع تكلمه وملك قلقانه لانه مبيردش عليه
فكلمت ممدوح وسالته ع مصطفى
ممدوح: الو
ساره: الو سورى يا ممدوح ع الازعاج
ممدوح : ساره ازيك لا ويهمك
ساره: هو مصطفى مختفى فين متعرفش
ممدوح: فى البيت وانا اصلا كنت رايحله دلواقتى
ساره: طيب ممكن بعد ما ترجع تطمنى بس متقولوش انى كلمتك
ممدوح: اوك
قفلت ساره مع ممدوح وراح ممدوح عند مصطفى فى البيت
ممدوح: ايه يابنى مختفى ليه كده
مصطفى: مفيش عاوز اقعد لوحدى بس شويا
ممدوح: امممم فى حاجه ولا ايه ساره برضه
مصطفى بعصبيه: انا مش فاهم فكره ان واحده تتنازل عن شخص بتحبه لصاحبتهاانا اعرف الاصحاب بياخدوا من بعض هدوم مكياج مش بنادمين كده هو لدرجه ديه انا مسواش حاجه عندها تضحى بيا كده
ممدوح: اهدى بس وبراحه الموضوع مش هيتحل كده
مصطفى: الاستاذه عاوزانى اقرب لصحبتها وكمان ايه اتجوزها
علشان تعذيب الضمير
ممدوح: مش يمكن فعلا مش هتقدر تعمل كده
مصطفى باصلله: انت كمان ايه الى بتقوله دا
ممدوح: مصطفى بهدوء كده انت لو تعرف حد امنيه حياته طلب معين وانت ممكن تساعدوه فيه هتعملوه ليه ولا هتطمع فيه ويتحرق هو
مصطفى تنح : وانت ايه عرفك انها امنيه ملك
ممدوح : بصراحه انا قابلت ساره وحكتلى ع الموضوع وطلبت مساعدتى اتكلم معاك واقنعك
مصطفى : وانت شايف ان دا طلب ان اعرف الطلب خدمه مش احساس ومشاعر انا مش هوجه بالريموت يعنى
ممدوح: حاول تفهم ساره ومشاعرها ..
قدر الى بتعمله لان مفيش حد بيعمل زيها كده ولا هيعمل
مصطفى: يعنى المطلوب اسمع كلامها
ممدوح: مفيش بديل غير كده
مصطفى : لا فى ومش هعمل بكلامها مش هعيش مع واحده مجامله لوحده
ممدوح بص ل مصطفى وهو شايفه هيدخل عند مع ساره
مصطفى: انا حجزت ع بكره هسافر لاااهلى هقعد الاجازه هناك ع الله هى تعقل ويحلها ربنا والى مكتوب هيحصل
ممدوح: ال مكتوب هيحصل __________________________________________________
_______________________________________
سافر مصطفى لاااهله وسافرت ملك لباباها وساره ابتدت الارتباط مع احمد
والفتره ديه قطعت الاتصال مع مصطفى وكانت بتعرف اخباره من ممدوح
ومستمره بالاتصال مع ملك وملك بتكلم مصطفى بااستمرار
وابتدا العام الدراسى وراحت الجامعه ساره لوحدها لااول مره من وقت ما دخلت الكليه قابلت اصحابها
شيماء: سووو وحشتينى يابنت الايه
ساره: وانتى كمان يا شوشو
حسن: نورتى الجامعه يا موزه
ساره: موزه فى عينك
حسن: ماهو انا قلت الاحق قبل ما الحراسه تيجى
شيماء: صحيح مصطفى عامل ايه وملك فينها
ساره سكتت لحظه بتنهيده : ملك جايه بكره من عند باباها ومصطفى كويس
حسن: داانا قلت هيكون قبلك ولا هو خلص وماصدق
ساره بتحاول تتوه : مشغوليات بقى
تليفون ساره رن وكان احمد
احمد: يا صباح الخير
ساره باابتسامه: ياصباح الخير
احمد: انا قلت اصبح عليكى واكون معاكى اول يوم فى الجامعه
ساره: حلو جو المشاركه المعنويه ديه
احمد: وانتى الصادقه والماديه كمان بصى وراكى
لفت ساره لاقت احمد قدامها : ايه دا
احمد: الله كان نفسى اشوفك مخضوضه كده
ساره: انت ايه الى جابك اقصد ايه جابك الصبح كده اقصد
احمد بيضحك: انتى متوتره ليه كده انا فى القاهره من يومين وقلت اجى اشوفك
ساره: كلمتنى امبارح ومقلتش يعنى
احمد قرب منها: وتبقى مفاجاءه ازاى مش تعرفينى
ساره بلجلجه : اعرفكم يا جماعه احمد وحسن وشيماء ورفعت ومى
احمد: اهلا بيكم يا جماعه اعرفكم بنفسى مقدما
انا احمد عزيز ان شاء الله بعد سنتين غير السنادى هكون زوج ساره مستقبلا
اصحابها تنحوا وساره اتوترت: ايه الى بتقوله دا
احمد: ايه بعرفهم علشان ميفتكروش انك فرى يعنى
وبعدين هو انا كدبت انا فعلا هتجوزك لما تخلصى
ساره شدته من ايده وبعدو عن اصحابها
ساره بنرفزه: ايه الى بتعمله دا
احمد: انا قلتلك عاوز اتعرف ع اصحابك وانتى عماله تماطلى
فبما انى عارف مكان ما بتقعدوا فقلت افاجئك واعرفهم
بالمره مغلطتش ولا انا اتكلمت غلط انا قلت اعرفهم علاقتنا من الاول
ساره : ماانا كنت هعرفهم بس مش كده
احمد: هتعرفيهم ازاى وانا مش موجود مش لازم يشوفونى
وبعدين من انتى الى قلتى ان الخطوبه اهلك رفضينها الا لما تخلصى
ساره: احمد انا مبحبش كده
احمد: لا حبى لانى بحبك ومش هسمح لحد يحبك
ساره متنحه ليه وهو باصصلها وبيبتسم
فى الوقت دا مصطفى قرر ينزل كليه ساره ويقابلها ويتكلم معاها تانى راح الكليه وراح لمكان الى بيقعدوا فيه ساره واصحابهم
حسن: مين دا الى جى هناك دا مصطفى
شيماء : اه صح
مصطفى باابتسامه : ازيكم يا شباب عام دراسى سعيد
حسن: ايوه كده ماهو انا قلت مينفعش مشفش مصطفى
مصطفى بيضحك: انا جيت اسلم عليكم وكنت رايح اجيب ورق من كليتى
شيماء: ايوه ياعم اتخرجنا وبقينا مهندسين رسمى
مصطفى بيبص حواليه بيدور ع ساره
حسن: بتدور ع ساره واضح ان رايتك اتاخدت منك
مصطفى تنحله: يعنى ايه
حسن: بص هناك وجه جديد مع ساره وقال انه مرتبط بيها وهيخطبها
فى الحظه ديه شيماء خبط حسن : دا من اصحاب ساره وبيهزر وكده
حسن: بيهزر ايه دا لما قال كده ساره مطلعتش فيه ومسكته من ايده وهناك اهو
مصطفى بيبص ع المكان الى حسن قاله عليه لاقى ساره واقفه مع احمد وبيضحكوا
مصطفى فى سره: احمد ...
وهو واقف احمد لاحظ وجود مصطفى بص ل ساره
احمد: يلا بينا بقى علشان اصحابك بيبصولنا ونسلم ع مصطفى
ساره قلبها اتقبض لما سمعت اسم مصطفى وحاولت تتمالك نفسها
رجعت مع احمد لمكان الى موجودين فيه
احمد: ازيك يا بشمهندس
مصطفى: ازيك يا ااحمد منور الجامعه
احمد بيبص ل ساره: منوره بااصحابها
مصطفى بانت عليه ملامح الضيقه : اها فعلا ازيك يا ساره بقالى فتره معرفش عنك حاجه
احمد : ايه دا متعرفش ان انا وساره ارتبطنا
مصطفى زادت ملامح الغضب: بجد مبروووك مش كنتى تقوليلى
ساره: حصل خير
مصطفى: انا هستاذن يا جماعه بقى انا قلت اعدى اسلم
حسن: الله يسلمك يا درش ابقى تعالى
شيماء : ابقى قابلنى لو عتبها تانى
حسن: ليه يعنى قلتى كده
شيماء : بص لوشهم وهتعرف يا غبى
مصطفى وهو ماشى سلم على الكل ولما جه يسلم ع ساره
فضل ماسك وضاغط ع ايدها وهى بتحاول تتجنب تبصله فى عنيه
احمد: ايه يا بشمهندس انت هتاخدها معاك ولا ايه
مصطفى : ياريت اقدر
احمد بضحك: لا كان زمان دى بتاعتى انا
قام احمد شال ايد مصطفى
ومشى مصطفى وهو توقعاته انه هيلاقى ساره مستنياه وغيرت كلامها
وفى الوقت دا تليفونه رن لاقى ملك بتكلمه
_______________________________________
فى يوم رجعت ملك من السعوديه وقابلت ساره فى الكليه
ساره: وحشتينى يا ملوكتى كنت وحدانيه
ملك: ازاى واحمد راح فين
ساره بتحاول تبتسم : اها صح
المهم اخبارك ايه انا شيفاكى احسن ما سافرتى من شهرين
ملك: تمااام اوى طول ما مصطفى بخير
ساره: علاقتكم عامله ايه اتطورت ولا زى ماهى
ملك: والله مش فاهملها معنى اوقات يبقى كويس واوقات لا بس انا عامله بكلامك ومش سيباه
ساره: كويس ان شاء الله نسمع خبر قريب
ملك: ياررررب
فى الوقت دا مصطفى اتصل ع ملك وردت
ملك: انا همشى دلواقتى مصطفى مستنينى قدام الكليه عاوزنى فى حاجه
ساره : اه ماشى يلا بسرعه متتاخريش
ملك: انتى هتعملى ايه
ساره مكنتش عارفه ترد مع احساس قلبها بيدق : احمد ..احمد هنا فى القاهره وهقابله
ملك: انا مبسوطه اوى ان كل واحده فينا ارتبطت بالشخص الى بتحبه
ساره باابتسامه : اه الحمد الله يلا علشان متتاخريش
ملك: اوك يا حبيببتى هكلمك بليل
مشيت ملك وساره بتبص عليها وهى رايحه لمصطفى وافتكرت ايام ما كان مصطفى بيخرج معاها هى
اتنهدت ولاقت احمد بيكلمها
احمد: ايوه يا سو عامله ايه
ساره: انت بتطلعلى فى اوقات غريبه بس بتبقى صح
احمد بيضحك: ليه فى حاجه
ساره: لا مفيش انت فينك كده
احمد: فى مشوار لشغل وبعده هروح
ساره: اوك نتقابل ع النت بليل بقى
احمد: اوك
سرحت دقيقه ساره وفكرت بجديه تدى فرصه لاااحمد فى علاقتها معاه
________________________________
قابل مصطفى ملك وقعدوا فى كافيه
ملك: مدخلتش الكليه ليه ساره كانت جوه
مصطفى: عادى يعنى انا كنت عاوزك انتى فى موضوع
ملك بسعاده: الايام بتلف من سنه كانت ساره مكانى يا مغير الاحوال
مصطفى بيضحك :انتى معترضه ولا ايه
ملك: لا بالعكس داانا كنت بتمنى اكون زى ساره
مصطفى بنظره ثقه: استحاله ان ساره يبقى حد زيها
ملك اتوترت فغيرت الكلام :
بس غريبه هى حتى مقالتش سلميلى عليك بس انا هسلم عليك نيابه عنها
مصطفى: الله يسلمها وهى لوحدها جوه ولا ايه
ملك بتلقائيه: قالتلى هتقابل احمد
مصطفى : احمد ....
ملك: هو انت مش بتحبه ليه
مصطفى: لانه مش يستاهل ساره
ملك: بس هو بيحبها
مصطفى: بس هى مبتحبوش
ملك استغربت: وانت عرفت منين
مصطفى بملامح جد : انتى لو تعرفى ساره كويس هتعرفى مش احمد الى يستاهلها وانها مش بتحبه وبتحب واحد تانى
ملك اتوترت :تقصد ايه
مصطفى : ...
__________________________
