(11) والاخيره ♥♥
فى الطياره مروه وساره راجعين مصر مع باقى الجروب الا ممدوح
مروه شايفه ساره الابتسامه مبتغبش عن وش ساره وانها هتطير من السعاده : نمسك الخشب ولا ايه
ساره ضحكت: مروه بجد مش كنت اعرف ان دا معنى السعاده دا الاحساس بيه غير الكلام عنه ...
مروه : انتى كنتى بتقاوحى نفسك يا ساره ..داانتى هتطيرى
ساره وملامح السعاده : دا هديه ربنا ليا لل شوفته واجمل هديه
رجعت ساره مصر هى ومروه لكن ممدوح فضل موجود بسبب شغل وكان هيرجع بعديهم بااسبوعين واتفق مع ساره اول ما هيرجع هيروح يتقدملها ع طول ..اول ما وصلت الشركه موظف الاستقبال قابل ساره
موظف الاستقبال: انسه ساره فى واحد جه سئل عليكى كذا مره
ساره: اسمه ايه
موظف الاستقبال : مش قال اسمه بس قال هيكلمك
طلعت ساره ع مكتبها وقعدت جتلها ماسج من ممدوح (وحشتينى )ردت عليه وبعدها بثوانى تليفونها رن وكان رقم فردت
ساره: الو
احمد: صوتك لسه جميل زى ماهو
تنحت ساره من الصوت شبهت عليه : مين
احمد: ايووووووه نستينى بسرعه كده
ساره : احمد
احمد: ساره عاوز اشوفك ضرورى
ساره :,,,,,
ساره تنحت ومش ردت
احمد: الو ... ساره روحتى فين
ساره فضلت متنحه وبصت ع الموبيل لاقت ممدوح داخل ع الويتنج
راحت فاقت من سرحانها : اسفه جداا مش هينفع وياريت متتصلش تانى
وقفلت السكه ساره ف وش احمد وردت ع ممدوح
ساره عدلت صوتها : يا هلا
ممدوح : وحشتينى وحشتينى وحشتينى
ساره : لالا بلاش لتعود واخنقك انا
ممدوح: اتعودى لانك هتتعودى ع الاكتر من كده
ساره بتضحك : ايه مش عندك شغل ولا فرق التوقيت
ممدوح: انا كنت رايح انام شويا
وقلت اكلمك قبل ماانام علشان احلم بيكى
ساره اتحرجت: ممدوح بس بقى علشان بتكسف
ممدوح: حبيببه قلبى وحياتى وقريب مراتى فبراحتى بقى
ساره: لما بقى اكون نبقى نشوف
ممدوح ضحك: صحيح كنتى مع مين ع الموبيل ودخلت ويتنج
ساره تنحت واتلجلجت: لا ..مفيش عادى حد من اصحابى
ممدوح : مال صوتك تحسى انى قفشتك اوعى تكونى بتخونينى يا ساره
هنط انتحر ع السجاده
ضحكت ساره اوى : يخرب بيت فقرك روح نام انا ف الشركه والناس سمعت ضحكتى
ممدوح: انا كنت عاوز اسمع كده يلا هكلمك لما اصحى
ساره : اوك احلام سعيده
ممدوح: بقولك وحشتينى
ساره : ياراجل هو انا لحقت
ممدوح: بين الثانيه والثانيه بتوحشينى اعمل ايه
ساره اتكسفت: روح ناااااااااام بقى
ممدوح ضحك: اوك يلا لااله الا الله
ساره بسعاده ع وشها: سيدنا محمد رسول الله
قفلت ساره وكانت مبسوطه من مكالمه ممدوح وهى سرحانه فى المكالمه ..احمد اتصل تانى وساره مااخدتش بالها لانه رقم تانى وردت
ساره: الو
احمد: ساره متقفليش السكه والله لو قفلتيها هتلاقينى ف وشك
ساره ساكته واحمد كمل كلامه: ساره انا عاوز 10 دقايق من وقتك
ارجوكى بجد .. بدل ما تلاقينى قدامك واجبرك نتكلم مع بعض وتسمعينى
ساره بصوت جامد: هنتكلم فى ايه يا مستر احمد
مفيش حاجه هنتكلم فيها خلاص يبقى ملوش لازمه وكل واحد يشوف حياته
احمد: ارجوكى ياساره 10 دقايق بس
ساره: انا هقفل دلواقتى لان عندى شغل
قفلت ساره التليفون وبعد ما كانت مبسوطه من مكالمه ممدوح اتكدرت لما سمعت احمد دخلت مروه المكتب شافت ساره متحوله
مروه: فى ايه يا سو ..
اوعى يكون الواد ممدوح زعلك والله اسافرله اضربه وارجع
ساره ضحكت نص ضحكه: هو فى زى ممدوح ..متحطيش ف بالك موضوع سخيف وخلص
مروه : مش دايما المواضيع السخيفه بتخلص بسرعه ساعات بتبقى تنحه يااختى
تنحت ساره لكلام مروه وفضلت تفكر : ايه ال رجع احمد تانى وخلاه يكلمنى ايه ال عاوزنى فيه انا خلاص قفلت ع كل ال فات وابتديت من جديد مع ممدوح خلاص ....
خلصت ساره شغل ورجعت ع البيت قعدت مع مامتها شويا
ممدوح اتصل عليها واتكلموا شويا ودخلت تنام
_______________________
تانى يوم ف الشركه وساره داخله الشركه وكانت بتكلم ممدوح ع الموبيل وف منتهى السعاده وهى ماشيه دخلت المكت فتحت الباب وداخله بتضحك وبتص ع مكتبها لاقت شخص قاعد ع الكرسى قدام مكتبها
واول ما دخلت وقفلت الباب وقف الشخص دا وكان احمد ... اتلجلجت بعد ما كانت بتضحك ومن غير ما تحس قفلت ف وش ممدوح من الخضه وبصت لااحمد
ساره بعصبيه: ايه ال جابك هنا
احمد باصصلها وع وشه ابتسامه: 7 شهور اغيب عنك تحلوى كده يا سو
راحت ساره بعصبيه قعدت ع مكتبها : خير حضرتك ايه جابك هنا
احمد: علشان نتكلم انا طلبت منك وقلتلك ردى عليا
ووافقى بدل ما تلاقينى فى وشك ف الشركه ..واضح انك استهترى من كلامى وانى مقدرش اعمل كده
ساره بتضحك بسخريه: لا انت مفيش حاجه متقدرش تعملها كله متاح عندك
احمد قعد: ممكن بقى 10 دقايق نتكلم بره لان مينفعش نتكلم هنا ف الشغل ولا عاوزانا نتكلم هنا انا معنديش مشاكل
ساره اضايقت من كلامه : اعتقد مفيش حاجه تربطنا علشان نتكلم
احمد بنظره غباء : ياريت توفقى ع الساعه 4 فى الكافيه ال ع اول الشارع هتلاقينى مستنيكى ودا لو مش حابه ازعاج ف الشركه
تنحت ساره لهجه ال بيتكلم بيها وان ممكن يعملها مشاكل ف الشركه
ومع ممدوح كمان ودا اهم من الشغل اصلا ... خرج احمد وهو بياكد ع ساره وهو خارج وماشى كانت مروه بتقرب وشبهت عليه
دخلت المكتب لاقت ساره متنحه : انا بشبه ع الاخ ال خرج دا ممكن يكون اح....
ساره وهى متنحه: احمد
مروه اندهشت: نعم .. ودا ايه جابه هنا وعاوز ايه
ساره بصت ل مروه وهى متنحه: مش عارفه ايه ال جابه انما عاوز ايه عاوز يقعد معايا عاوز يتكلم معايا وانا رفضت قبل كده فعمل زى ما شفتيه راح نط هنا
مروه بنرفزه : هو ناوى ع مشاكل ولا ايه ..
دا ال عمله ميخليش حد يشوفه
ساره : انا قلقانه ع ممدوح مش عاوزه حوارات قديمه تهز موضوعنا
مروه بتفكر : اممممممم خلاص شوفيه عاوز ايه واقفلى الموضوع خالص
وهو اكيد عنده دم هيلاقيكى بتصدى هيفكه منك
ساره باصه ل مروه: هى شكلها مينفعش الا كده
انا مش عاوزه ممدوح يرجع ويشوفه او يقابله صدفه اصلا ...
راحت ساره ف الميعاد الكافيه لاقت احمد طالب قهوه وقاعد
اخدت نفس تهدى من نفسها وقربت منه شافها جايه رسم ع وشه ابتسامه
احمد: الميعاد مظبوط طول عمرك مواعيدك مظبوطه
ساره بصتله : اتربيت ع كده احترم حتى ال مش بيحترمنى
احمد حس بانها بتخبط : تشربى ايه .. نسكافيه صح ..لو سمحت
ساره قطعته : لا دا كان زمان ..لو سمحت اى عصير فريش
احمد: داانتى كنتى مدمناه
ساره: ماانا قلتلك زمان بقى ..المهم خير عاوز ايه
احمد باصص ل ساره باابتسامه: وحشتينى
ساره ولا اتهزت وفضلت زى ماهى وردت عليه عادى : وبعدين
احمد بصوت مكسور : انا عارف ان انتى كده بسبب ال عملته معاكى ..انتى استحملتى كتير وصبرتى عليا اكتر ... والموقف ال حصل ارجوكى افهمينى
ساره متكلمتش وسابته يتكلم لااخر
احمد: انا الجوازه ال حصلت دى كانت مصلحه وكده كده كنت هفركش بعد شهرين دى اخت شريكى واشترط عليا اتجوز اخته علشان فى صفقه كبيره هو شريكى فيها بنسبه كبيره ولو مكنش حصل الجواز كنت هخسر كل حاجه وكنت هتحبس بسبب قرض البنك بعد تفكير ملقتش غير حل كده فلاقيت دا الحل ال قدامى ومش كان ينفع اقولك كده ..لانك مش هتوافقى وهتسبينى بس كنت هعرفك بعدين
ساره رسمت ضحكه نص ع وشها : كمل
احمد: انا عارف انى واطى وندل وزباله بسبب الموقف ال اتحطيتى فيه
بس انا مش كنت اعرف انك جايه انا مش كنت عاوز احطك ف الموقف دا
انا جوازى مكملش شهرين واتطلقنا معرفتش اعيش مع واحده ال رابطنا الفلوس والشغل بس.. انا دايما عايز واحده تعيش معايا بتحبنى تفهمنى تهتم بيا مش تحب نفسها وطز ف اى حد ...
ساره اخدت نفس : احمد انت عاوز ايه بالظبط
احمد باصص ل ساره: عاوزك ..عاوزك تسامحينى ع ال حصل زى ما كنتى بتسامحينى دايما انت قلبك ابيض وانسانه طيبه وانا خسرت كتير لما خسرتك .. افتقدت احلى حاجات ف حياتى .. ساره انا اكتشفت انى بحبك بجد طول الوقت ف بالى كنت متردد انى اكلمك بس حبى ليكى شجعنى واكيد صعب تكرهينى انتى شايله منى وانا مستعد اصلح الغلطه دى واروح لطنط وعمو واتقدملك وكل طلباتك موجابه وشقه ف القاهره جنب اهلكوال انتى عاوزه متسبينيش يا ساره انا بحبك
ساره وهى قاعده فكرت بعقلها وهو بيتكلم وحست انه بيستهتر بمشاعرها وكرامتهوبيقل من كرامتها انه يدوس عليها ويرجع عادى وعاوزها عادى منطقتش ساره خالص
خلص كلام احمد: انا مش هاخد رد دلواقتى انا قاعد يومين ف القاهره فكرى وردى عليا
ساره : ان شاء الله انا هقوم علشان مش هتاخر
وقفت ساره وجت تمشى احمد مسك ايديها : هكلمك اطمن عليكى
ساره ضحكت نص ضحكه باستهزاء وهى مدياله ضهرها وشالت ايدها بهدوء ومشيت ورجعت البيت وقررت تكلمه تقوله ردها انه مرفوض ويبعد عنها لكن افتكرت طريقه تعامله معاها قبل كده واهماله وبروده وانه داس ع كبريائها وكرامتهاوطريقه كلامه لما قابلته وانه شافها سهله تيجى بالكلام قفلت موابيلها وفضلت تفكر طول اليل
________________________________________
تانى يوم احمد فضل يتصل ب ساره كتير وهى مبتردش راح الشركه وقابلها
ساره اتخضت لما شافته: انت ايه جابك
احمد: وحشتينى وطول ماانتى مبترديش هتلاقينى ف وشك
ساره بنرفزه: مينفعش تنطلى ف مكان شغلى كده
احمد : يبقى ردى ع مكالماتى ومش تتجاهلينى
ساره بصت ل احمد: تهديد دا
احمد: لا دا حب ردى ع مكالماتى ومش هتلاقينى ناطط قدامك
دخلت مروه المكتب : صباح الخير يا ساره
ساره ووشها مقلوب : صباح الخير يا مروه
احمد باابتسامه: انا هستاذن دلواقتى وهستنى ردك ع مكالماتى يا سو
خرج احمد وساره ع اخريها ومروه راحت ناحيه ساره
مروه: ايه الكائن دا يا بنتى
ساره : بجد مش عارفه اعمل ايه مش قادر يفهم انه مينفعش اصلا نرجع
مبردش ع مكالماته بلاقيه ناطط هنا .. انا لازم اعرف مين ال بيدخله المكتب يقعد جوه كده
مروه: انا هكلم بتوع الامن واسئلهم استنى
نزلت مروه راحت سئلت مين من ال فى الامن دخل احمد المكتب ويقعد جوه رجعت وشها مقلوب ومش عارفه تقول ل ساره ايه
ساره شافت مروه متغيره: مالك عرفتى مين وقلتلهم ميحصلش تانى
مروه متكدره : اصل .. مش عارفه اقولك ايه
ساره: فى ايه يابنتى
مروه بعصبيه: استغفر الله العظيم الاستاذ احمد لما جه الشركه اول مره ودخل المكتب قالهم .. قالهم ..
ساره : ايه قال ايه
مروه: قالهم انه خطيبك وكان مسافر وعاوز يفاجئك
ساره تنحت : ايه بتقولى ايه
مروه: والله موظف الامن قالى كده علشان كده دخلو تانى
ساره متنحه مش عارفه تنطق لاقت موابيلها بيرن وكان ممدوح : ممدوح
مروه اتخضت: اوعى تقولى حاجه لممدوح وهو مسافر كده استنى لما يرجع علشان تتكلموا براحه وو بعيد عن الصوره اخويا عصبى وغيور اوى مش هيفكر كويس
ساره: ولو وصل ل ممدوح الكلام
مروه: مفيش حاجه هتوصله المهم اقطعى مع احمد دا اى سكه نهائى
قابليه واتكلمى معاه وفهميه مش هينفع ال بيعمله دا قبل ما ممدوح يرجع
ساره : اكيد انا مش عاوزه افشل لتالت مره واخسر الحب ال ربنا بعتهولى
ردت ع ممدوح ساره : حبيبى وحشتنى
ممدوح: انت اكتر ومفتقدك جداااااا حاسس انى لوحدى ف الدنيا
ولا الاكل ليه طعم ولاالشرب ولا اى حاجه كله الا عاوزه دلواقتى وع طول ساره
ساره باابتسامه: والله وحشتنى جداا ومستنيه يخلص شغلك وترجع
ممدوح: كلها 8 ايام وهكون عندك وبعدها مش هسيبك ابدا
ساره : وانا هستناك
ممدوح: بحبك
ساره: بحبك
قفلت ساره مع ممدوح وهى ف منتهى السعاده وقررت تقفل موضوع احمد وتصده نهائى علشان تحافظ ع حبها
_____________________________________
تانى يوم اتصلت ساره ب احمد تقابله فى كافيه جنب الشركه
ساره وصلت الكافيه قعدت لاقت احمد وصل بسرعه
احمد: انا فى منتهى السعاده اخيرا اتصلتى بيا وعاوزه تقابلينى
انا كنت واثق انك بتحبينى و .....
ساره قطعته ف الكلام: احمد مترسمش احلام من دماغك وخيالاات احنا موضوعنا انتهى من زمان من قبل ما تتجوز وتطلق يعنى متحاولش خلاص مينفعش نكون مع بعض انا جايه اقولك الكلمتين دول ونقفل الصفحه دى
جت تقوم ساره امسك مسك ايدها وقعدها تانى وفضل ماسك ايدها
احمد: ساره انا اتغيرت وعرفت قيمتك سامحينى انا بحبك
ومش هعرف اعيش من غيرك ..انتى اهم حد ف حياتى واتاكدت من كده
بعد ال حصل فراقك كسرنى والفلوس مش كل حاجه
فالحظه ال خرجت ساره من الشركه وصل ممدوح الشركه وكان عاوز يفاجئ ساره دخل المكتب مش لاقاها ولا لاقى مروه ..وهو خارج من المكتب قابل موظف الامن بيسلم عليه
موظف الامن: مستر ممدوح حمد الله ع الله
ممدوح: الله يسلمك ..قولى صح فين مروه وساره هما هنا ولا لا
موظف الامن : الانسه مروه فى اداره العلاقات والانسه ساره مع خطيبها
ممدوح تنح : بتقول ايه خطيب مين
موظف الامن: انا كنت فى مشوار جنب كافيه ال ااخر الشارع وانا راجع شفت الانسه ساره داخله مع خطيبها دا جالها مرتين هنا وقال انه خطيبها وكان مسافر
ممدوح اتحول وملامح غضب: انت متاكد انها ساره
موظف الامن : ايوه والله
خرج ممدوح وهو غضبان ومش شايف قدامه غير غضبه راح الكافيه ع وصف موظف الامن ودخل يبص ع الترابيزات وبيتمنى مش تكون ساره وفاجاءه شاف ساره قاعده مع شخص ماسك ايدها وهى باصاله
قرب منهم لاقاه احمد اندهش وملامحه كانت فى قمه الغضب قرب منهم
ممدوح : ساره انتى هنا
ساره لافت ع الصوت : ممدوح
شدت ايديها من ايد احمد وقامت مفزوعه ولسه هتتكلم
ممدوح: اسف ع الازعاج ..انا كنت بشبهه وطلعتى انتى قلت اسلم عموما كملوا كلامكم انا ماشى
ومشى ممدوح بسرعه وساره اتصلبت فى مكانها وبصت ل احمد : متكلمنيش تانى
خرجت ساره تلحق ممدوح ملحقتهوش كلمت مروه وقابلتها ف الشركه
ساره منهاره: ممدوح فين يا مروه
مروه : انا لسه سامعه انه جه ومش شغل موبيله اصلا فى ايه
ساره بتعيط: انا قابلت احمد علشان انهى الكلام معاه خالص واحمد ف وسط الكلام حب يأثر عليا ومسك ايدى فى اللحظه دى ممدوح لقيته قدامى وقمت الحقه افهمه مش لاقيته
مروه مصدومه: يانهار ملوش معالم اكيد فهم غلط
ساره: انا مش عارفه اعمل ايه
مروه عملت كام تليفون عرفت مكان ممدوح قالت ل ساره وساره راحت لمكان دخلت المكان لاقته قاعد اول ما شافها قام وقف
ساره: ممدوح اسمعنى انت فاهم غلط
ممدوح بعصبيه ونرفزه: فهمت غلط ..
انا مش عاوز افهم حاجه يا ساره مش عاوز اشوفك
ومشى ممدوح من غير ما يسمع ل ساره كلام واحمد عمال يتصل ب ساره وهى تكنسل عليه رجعت البيت ومش عارفه ساره تعمل ايه لاقت مروه بتكلمها
مروه: ساره ممدوح مرجعش البيت انا هفهمه الموضوع كله
ساره بحزن: متتكلميش معاه يا مروه لو ممدوح مسمعش منى مش هرضى انه يسمع من حد تانى
مروه: ايه يابنتى هو عصبى والموقف كان صعب
ساره : ممدوح اكتر شخص عارفنى ..
يعاملنى كده ومش يسمعنى بالرغم انه اكتر انسان يسمعنى ..انا هحاول تانى
قفلت ساره مع مروه وهى بتحاول توصل لممدوح ومش عارفه
تانى يوم كان ف الشركه فى مكتبه عرفت ساره راحت مكتبه
خبطت ع الباب ودخلت
ساره: ممدوح
ممدوح مش مديها اهتمام : لو فى حاجه مهمه اتفضلى قوليها لو تخص الشغل
ساره: ممدوح عاوزه اتكلم معاك
ممدوح بعصبيه: لو ف حاجه تخص الشغل اتفضلى اتكلمى
ساره: لا تخصنا
ممدوح: احنا يا انسه فى مكان شغل منتكلمش على حاجات شخصيه هنا
اضايقت ساره من الاسلوب وهتخرج رجعت ليه وقالت : مش هطول عليك
لاننا فى شغل انا هستناك فى الكافيه الى بنقعد فيه دايما لو مش جيت هعتبر كل حاجه انتهت بينا فعلا انا اسفه ع الازعاج يا مستر ممدوح
خرجت ساره وممدوح رمى الورق ال فى ايده وقعد يفكر ويفتكر المنظر والكلام ال سمعه راحت ساره ف المعاد المكان وفضلت قاعده اكتر من 3 ساعات مستنيه ..وصل ممدوح المكان بس لما شافها من بعيد مقدرش يدخل لانه مش ناسى المنظر فرجع وساره مش شافته ففهمت انه خلاص ..رجعت البيت فتحت ساره فى العياط وانهارت وحست ان الزمان مش بيصالحها ودى صدمتها التالته
ونامت بتعيط وموجوعه اوى من صدمتها ف ممدوح اكتر شخص قريب ممدوح مش راضى يفهم ولا يسمع
تانى يوم عرفت ان ممدوح سافر فتاكدت انه خلاص فعلا
______________________________________
احمد راح يوم الشركه يسئل ع ممدوح فعرف انه صاحب الشركه وكان ف مشروع خطوبه مع ساره فصمم انه يلحق قبل ما يحصلل حاجه ويخسرها تانىى ...احمد كان بيزن ع ساره اتصالاات وساره كانت مش بترد ففى مره ردت بعصبيه
ساره: فى ايه يااحمد انا قلتلك خلاص مينفعش يكون حاجه بينا
احمد: وانا مش هسيبك ياساره انا بحبك
ساره : متتصلش هنا تانى ممكن
وقفلت السكه فى وشه وفى يوم رجعت ساره من الشغل دخلت البيت لاقت احمد قاعد مع باباها
ساره متنحه: احمد
باباها : حمد الله ع السلامه يا سوو تعالى
دخلت ساره متنحه ليهم : خير يا بابا فى ايه
باباها : احمد جى يتقدم ليكى رسمى
وحكالنا ع علاقتكم مع بعض وبيحبك وشاريكى ايه رائيك
ساره تنحت لاقت مامتها جايه بحاجه ساقعه والسعاده ع وشها هى وباباها : يتقدم
ماماتها: هو جى يعرفنا بنفسه ..
وع اخر الاسبوع هيجيب اهله ويتقدم رسمى
ساره اتصلبت ف مكانها ومعرفتش ترد
مامتها: السكوت علامه الرضا مستنينك يااحمد يوم الخميس
احمد : ان شاء الله ف المعاد هنكون عندكم
ساره متنحه وشايفه الكل مبسوط ومش عارفه تعمل ايه وخصوصا بعد موقف ممدوح ...مشى احمد ودخلت ساره اوضتها تنام لاقت رساله من احمد (وحشتينى بحبك )
رمت نفسها ع السرير مش فاهمه حاجه وتايهه
راحت الشركه تانى يوم قابلت مروه وحكتلها
مروه تنحت: وانتى موافقه يا ساره
ساره: انا مش فاهمه ليه بيحصلى كده بجد
مروه: نسيتى ممدوح بالشكل دا
ساره: ممدوح ال نسينى وسابنى لوحدى يا مروه القدر مش بيتصالح معايا وانا افتكرت انه خلاص بس انا اخدت قرارى
مروه : هتعملى ايه طيب هتوافقى
ساره بصت ل مروه : انا عاوزاكى تحضرى معايا تعالى يوم الخميس
مروه تنحت من اصرار ساره ووافقت
_________________________________
مروه حاولت تتصل بممدوح معرفتش توصل ليه كانت عاوزه توضحله الامور ويلحق قبل ما الخطوبه تتم وساره تدبس نفسها مع شخص مش بتحبه وتكرر ال عملته هروب علشان تنساه لكن صعب معرفتش توصله .. جه يوم الخطوبه والبيت عند ساره هايص وفرحان وهى بتجمع الاحداث
مروه معاها بتحضر فى الحاجات والبيت وقرب الميعاد واهل احمد وصلوا ودخلوا قعدوا ساره شدت مروه وقالتاها تحضر القاعده وتكون شاهده ع ال بيحصل
مامت ساره باابتسامه: اهلا وسهلا بيكم نورتوا القاهره
مامت احمد: النور نور عروستنا ال زى القمر
بابا احمد: احنا مش هنطول عليكم احنا جايين نطلب ايد بنتكم ساره ل ابننا احمدوكل طلباتكم مجابه
احمد: كل طلباتكم وطلبات ساره شقه هنا وهتفضل ف الشغل او لا براحتها غير شقه اسكندريه وشبكه بمبلغ ال عاوزاه
بابا ساره: احنا يهمنا بنتنا تكون مرتاحه مش بالفلوس
احمد: ان شاء الله ياعمو هخليها اسعد الناس
مامت احمد: نقرا الفاتحه بقى يا جماعه خلينا نفرح
ابو ساره: نقرا بسم ...
ساره قاطعتهم باابتسامه وهدوء :
مش تسئلوا طيب قبل الفاتحه راى العروسه
ضحكوا كل القاعدين احمد: هيكون ايه يعنى اكيد موافقه
ساره باابتسامه: لا مش موافقه اسفه
الكل تنح ل ساره مامتها : ساره مش هزار دا
ساره : انا مش بهزر انا بتكلم بجد وبال حساه ....انا مش موافقه
قربت ساره من مامت احمد وباباه : انا اسفه انى حطيتكم ف الموقف ��ا بجد انا اسفه ..بس انا اقصد الموقف والرفض هو ابنكم ... ابنكم عيشنى فتره انى ملكه متوجه مفيش غيرى خلاانى استغنى عن ال معايا وحولينا علشانه.. قلتله مليش غيرك وعلقنى بيه اغلى ناس اعرفهم ماتوا وكنت لوحدى وقلتله متسبنيش وسابنى واهملنى وحسسنى بغربه سنتين
واستحملت وصبرت وقلت بلاش اظن وحش فيه .. وقررت افاجئه لاقيته فاجئنى هو واتجوز وحضرت فرحه وشفته بعينى ويقولى مكنش قصدى ...
انا عاوزه شخص احس معاه بالامان مش شخص كل ما يتزنق يجى عليا وتبقى مصلحته فى الاول ويبعنى بسهوله ..اسفه جدا كرامتى ال اداس عليها مره مش هسمح تداس عليها تانى انا اسفه مش هنفع اعيش مع ابنكم ممكن واحده غيرى مش فاهمه بس انا لا اسفه ..
ااسفه يا طنط اسفه يا عمو وانت يااحمد جيت العنوان الغلط وكده وصلك الرد النهائى ال مفيش رجوع فيه حاولت اقولك وانت مش فاهم
تنح احمد وكل الموجودين راحت ساره سلمت ع مامت احمد: اسفه يا طنط ع الموقف بس ابنك هو الى عمل كده
دايما بيفكر ف نفسه وبعدين يفكر ف غيره مش كنت حابه كده اسفه
مامت احمد: احنا ال اسفين يا بنتى ال معرفناش نربى ابننا صح واتعامل بتساهل مع بنات الناس
باستها مامت احمد وخرجوا ومامتها بصتلها : عملتى ال يريحك يا ساره
ساره: عملت ال انا شايفاه صح يا ماما
مروه واقفه متنحه مش كانت مستوعبه حاجه ..دخلت الاوضه ل ساره
مروه: ايه ال عملتيه دا يابنتى
ساره بتنهيده : مكنش ينفع ارتباطى بااحمد مستحيل
مروه: طيب ليه الموقف دا احراج لااهله وليه
ساره بصتلها: عمل كتير وكان لازم يفوق
ومش كان ينفع اكرر غلطتى تان..انا بحب ممدوح يا مروه
مروه تنحت: ممدوح ..
ساره: ممدوح ومصطفى اكتر اتنين حبونى وعرفونى يعنى ايه حب ويعنى ايه دقه قلب مصطفى عرفنى باحاسيس صادقه لكن مش كان لينا نصيب مع بعض وكان حب مش مكتمل ورضيت وبقى ذكرى جميله
ممدوح يا مروه عايشنى اللحظات والاحاسيس دى انك تعيشى مع شخص يبادلك نفس الاحساس ويكون همه انتى ويسعدك ازاى بعيد عن الظروف وتحت اى ظروف ..تحس انك مالكه الدنيا من لمسه ايده بااحساسك ال ملوش وصف وهو جنبك واى صعاب ف الدنيا يهون طاب تهون بوجوده ....ممدوح صححلى وفهمى يعنى ايه حب وخلاانى احبه جدااااا
مروه: يااااه انتى بتحبى ممدوح كده
ساره: ممدوح كان مصالحه الدنيا ليا لل شفته لكن من قادره استوعب ال عملاه عموما هى نصيب واقدار وانا راضيه بكل حاجه
مروه متنحه ولما سمعت ساره قررت توصل لممدوح وتسافر ليه
خرجت من عند ساره كلمت مازن حجزلها وسافرت ل ممدوح
وصلت مروه ل ممدوح وكان رافض يتكلم معاها
مروه: انت لازم تسمعنى لااخر
ممدوح: مفيش كلام يتقال
مروه: فعلا خساره فيك حب ساره ليك
ممدوح: حب ..حب دا تخليه لخطيبها
مروه: انت فعلا مبتفهمش يا ممدوح .. ساره اصلا كانت
(وحكتله ع الموضوع كله سبب مقابله ساره ل احمد وال حصل يوم الخطوبه وكلام ساره )
ممدوح تنح من الكلام وال حصل : ساره عملت كل دا
مروه : وانت بغيرتك وغضبك عماك وسبتها لوحدها
ممدوح بملامح زعل: انا غبى انا غى
مروه: انا جيت اقولك الموضوع والقرار معاك
ممدوح: انا راجع معاكى مصر
رجع ممدوح مصر مع مروه وراح ع الشركه ودخل مكتب ساره وحاول يتكلم معاها ساره شافت ممدوح داخل من الباب تنحت
ممدوح: مش هعطلك كتير ممكن 5 دقايق من وقتك
ساره اتجاهلته : اسفه انا ورايا شغل
ممدوح: ساره انا بحبك
ساره بصتله: احنا ف مكان شغل بعد اذنك
ممدوح: بحبك
ساره مشيت تخرج من المكتب : بعد اذنك تدخل المكتب بأذن
ممدوح مسكها من دراعها: انا اسف ع سؤ الفهم غضبى وغيرتى عمتى مش خلتنى اسمعلك
ساره بصتله: غضبك وغيرتك تهد علاقتنا بسهوله كده ..انا ال اسفه
شدت ايدها وخرجت وممدوح حاسسس بندم ع ال عمله
ومش عارفه يصالحها ويراضيها ازاى ... مروه قابلت ساره وهى ماشيه وبتمسح دموعها
مروه: فى ايه حصل
ساره: ممدوح
مروه: هو عك تانى
ساره: مش قادره انسى انه سابنى بسهوله كده
سابتها ساره ومشيت ودخلت المكتب اتخضت لاقت ممدوح واقف متصلب ف مكانه
مروه مخضوضه: ايه دا هقطع الخلف واقف كده ليه
ممدوح : ساره لازم ترجع ليا
مروه: انت بتكلم نفسك.. وبعدين شيل نتيجه اعمالك
ممدوح بص ل مروه: ساره هترجع ليا وهتشوفى
خرج ممدوح ومروه مش فاهمه حاجه ..
وفضل ممدوح يكلم ساره ومش بترد عليه
___________________________________
فى يوم وساره ف الشركه هى ومروه ف المكتب سمعت صوت دوشه بره فمدققتش وهى قاعده سمعت اسمها بيتنادى من مكبر صوت قدام الشركه
مروه: ساره مش اسمك دا
ساره: هو انا ال اسمى ساره مافى مليون ساره بس ايه دا
مروه: تعالى نشوف كده
راحوا ناحيه الشباك وبيبصوا واتفاجائوا لاقوا معمول قلب بورد احمر كبير قدام الشركه وممدوح قاعد مربع فيه ع الارض وماسك ميكرفون يره متغطيه وعمال يقول (ساره ال بتشتغل فى العلاقات العامه مع مروه اختى تنزل حالا ) تنحت ساره من ال شايفاه ومروه : يخربيتك جنانك ايه دا تعالى ننزل نشوفه دا
ساره مصدومه من ال شايفاه وانه الناس اتلمت عليه نزلت هى ومروه بسرعه واول ما خرجت من البوابه لاقت مرسومه طريق بالورد ع الارض من باب الشركه لغايه ممدوح و الالعاب ناريه اشتغلت فى السماء وورود وبلونات وممدوح قاعد مربع فى وسط قلب
ممدوح باابتسامه: ممكن تيجى هنا يا ساره
مروه زقتها ومشيت وهى مش فاهمه حاجه ودخلت جوه القلب الكبير ال قاعد فيه ممدوح ممدوح قعدع ركبه ومسك ورده بايده وماسك ميكرفون : انا اسف يا ساره ..انا اسف ع ال عملته ومش هيتكرر تانى .. سامحينى ارجوكى انا بحبك
ساره متنحه ومش عارفه تعمل ايه متفاجئه لدرجه انها اتصلبت
ممدوح: انا بحبك ومش حبيت ولا هحبك غيرك وحياتى من غيرك مش ليها طعم انتى اول دقه قلب حقيقيه وومستحيل استغنى عنك انا غبى غبى غبى ع ال عملته ارجوكى سامحينى انا اسف اسف واقبلى الورده كعربون صلح
الناس والموظفين صفروا وهيصوا وطلبوا منها بصوت عالى تسامحه وتقبل الورده ساره لاقت نفسها بتمسك الورده وفاجاءه اللوحه الكبيره ال وراه ممدوح اتشال عليها الغطا وكان مكتوب فيها بالورد
(ساره انا بحبك تتجوزينى )
من المفاجاءه ساره دمعت من الفرحه ومن ال عمله ممدوح
ممدوح ف الميكروفون: توافقى تكونى مراتى قدام ربنا والناس دى كلها يااحلى مخلوقه شفتها
ساره من السعاده والمفاجئه هزت راسها بالقبول فقام ممدوح حضنها وداخ بيها والناسوالموظفين صفروا ليهم وهيصوا وكان عرض جواز ساره مش تتخيله ومن المنظر من حبها لممدوح حست انها بتحلم
ولانه اعتذر ع غلطه وانه محاولش يفهم واتسرع ف الحكم وسامحته
راح اتقدم ممدوح لاااهل ساره وحددوا ميعاد لفرح وكان فرح فى النهار لانهم مسافرين
ساره : هبقى زى الافلاام عروسه بفستان فرح ف المطار
ممدوح: علشان هنخلص هنا وتحضرى فرح تانى فى اوروبا لما نوصل هناك
ساره: ليه الشحطتته كده انا راضيه بفرح واحد|
ممدوح : لا انتى ليكى ف زمتى فرحين واصحابى ال هناك عاوزين يحتفلوا بيا وانا لابس بدله وانتى عروسه
ساره: ليه الغلب دا هفرفر كده
ممدوح بيضحك: متقلقيش لو فرفرتى هشيلك
سااره: واغنى زى شاديه لرشدى اباظه وعليه قوه تهد جبال
ممدوح ضحك: بحبك
ساره اتكسفت : وانا كمان
ممدوح مسك ايد ساره وباسها: تعرفى ان انا حبيتك من قبل ما اشوفك ولما شفتك حسيت انك مكتوبالى عارفه من امتى
ساره من امتى
ممدوح: ومن يوم عيد ميلاد مروه لما جيتى مع مصطفى
ساره: يااااااااااااه بتتكلم بجد
ممدوح: انا حاسس ان ربنا رتبلنا ال حصلنا ف حياتنا علشان نتجمع
ساره : وانا كمان حاسه بال حصلى وصبرى ربنا عوضنى خير عوضنى باحلى راجل واغلى شخص حبيبى وجوزى وابو عيالى
ممدوح باس ايدها تانى: انا اسف ع اى وقت زعلتك فيه ..اسف ع اى سؤ فهم حصلاسف لانى مش عرفت اسيطر ع غضبى ..اسف اسف اسف
ساره : متتأسفش احنا بشر وبنغلط بس الاهم اننا نسامح بعض
انا لو مكانك كنت هعمل كده واكتر بس علشان بحبك مش شك فيك
ممدوح: انا من حبى ليكى غيرتى بتجننى بجد
ساره: انا معاك وليك لااخر العمر لانى عاوزه اكون معاك وف حضنك
ممدوح: وانا مش هسيبك ابدا يا حب عمرى يااغلى دقه قلب حصلتلى
حضرت ساره الفستان وعملوا فرح وحضر اهلها واهله والجميع كان فرحان وخلصوا الفرح ولحقوا طيارتهموكان ملفت ف المطار فستانها وشكلهم ركبوا الطياره وقبل ما ينزلوا غمض عينها بشريط ستان
ساره: ايه ال عملته دا
ممدوح: علشان مش تشوف المكان الا وقته
ساره بتضحك: انت محسسنى انى حافظه اوروبا انا بوصل بيتنا من الشغل بالعافيه
ممدوح بيضحك: وغلاتك عندى لاخليكى تلفيها وتحفظيها يلا بينا
ساره : طيب براحه علشان متكعبلش وابقى عروسه المضحكه
ممدوح: يلا انتى لو وقعتى انا اشيلك انا ليا مين غيرك
نزلوا من الطياره ل مطار وركبوا لموزين كبير ونزلوا لمكان معين
ساره: وصلنا ولا لسه هى الحفله فين
ممدوح: متستعجليش انزلى براحه بس
نزلت ساره ودخلوا المكان وقف ممدوح ورا ساره وشال من عنيها فتحت عينها اشتغل الالعاب الناريه وموسيقى لاقت نفسها ف محطه القطر ال شافته لما سافروا فيه العروسه والعريس
وفيها زينه واضاءه وورود وشموع زى الاحتفال داخل المحطه
ساره متفاجئه : ايه دا اوعى تكون
ممدوح باابتسامه: مش كان نفسك تلفى اوروبا بالقطر وانتى لابسه فستان فرح زى العروسه ال شفتيها وتتصورى فى كل مدينه وانتى عروسه
ساره مش مصدقه ال عمله ممدوح:
ايوه قلت كده ومع الشخص ال بحبه ..بس انت بتتكلم جد ولا انا بحلم
ممدوح حضنها من ضهرها ووشوشها:
انا ليا مين غيرك يتمنى وانفذله طلباته الفرق الوحيد انك احلى من العروسه ال شفناها
ساره وهى فى حضن ممدوح وهو ضاممها ليه
: مش عارفه بجد اتكلم مش عارفه اقول ايه
ممدوح : متقوليش انتى اتمنى وانا انفذ ..انتى اغلى من نفسى ولو اطول اجبلك العالم كله هجيبه انتى عمرى ال جى والنفس ال بتنفسه وعايش بيه ..انتى اغلى حد ف حياتى ولا تتقدرى بكنور الدنيا
انتى ملكه قلبى وحياتى وطلباتك وامنياتك اوامر انتى اول واغلى دقه قلب حصلتلى خلتنى احس بطعم الحياه روحى اكتملت بيكى
ساره هتطير من السعاده: انت ال اجمل دقه قلب ليا اكدتلى ان الحب اروع حاجه فى الدنيا .. انا مش كنت اعرف يعنى ايه سعاده غير لما قابلتك لانى عشتها معاك وبيك انت اجمل هديه ربنا بعتها ليا يا احلى حبيب وصديق وزوج واب لعيالنا ان شاء الله ..بحبك
ممدوح:بعشـــــــــــــــــــقك
سمعوا صفاره ممدوح: يلا بينا يا مولاتى علشان نبدا الرحله ونبدا حياتنا
ساره باابتسامه سعاده: يلا بينا يا عمرى وحياتى
__________________________
#ملحوظة للتوضيح
اغلبيه الآحداث الرئيسيه بهآ حقيقية ...
___________________________
تمت بحمد الله (دقه قلب )
لــ يارا سمير
اتمنى تكون عجبتكم
_______________
انا كنت عاوزه اقول القصد من القصه دى
1_ الحب الاول
مش شرط يكون هو الحب الاخير ولا الدايم كتير بيكون ذكرى
2_ غلط اننا نهرب من حب نتوهم بحب تانى مش صح
3_ع نيتكم ترزقون ..
يعنى متستعجلش الحب لان الحب رزق هيجيلك ف وقته الحب الحلال
والثقه ف الله اكيده انه هيعوضها ويرزقنا الافضل لينا بدل التسرع والغلط والندم
4_الغضب والغيره الزايده والاهمال وعدم تقدير وتحميل طرف اكتر من الطبيعى من الاسباب فشل كتير من العلاقات
5_ الحب الحقيقى هو حب ال بيتثبت من مواقف مش بكلام
6_ الحب الحقيقى والاحساس بالحب والشخص الصح عاستحاله يتساوا مع الفلوس ولا المصلحه الشخصيه والانا
اخيرا _ #الحب مش تعويض نقص الحب اكتمال روح
___________
