الحلقــه التــاسـعه
(9)
بعدها بكام يوم اتصل احمد وقال لساره انه فى القاهره وعاوز يقابلها تانى يوم الساعه 10 علشان هيسافر فى قطر الساعه 12 وفى نفس اليوم ممدوح اتصل على ساره
ساره: ايوه يا باشا
ممدوح: بكره الساعه 9 الانترفيو
ساره تنحت : بكره مش انت قلت كمان اسبوع
ممدوح: الى هيعمل الانترفيو مسافر ولو مش جيتى بكره هتستنى شهرين ها قولتى ايه
ساره: انا شامه ريحه تهديد يا كابتن
احنا ابتدينا من اولها كده اومال لما ابدء هتعمل ايه
ممدوح بيضحك: براحتك عاوزه تيجى او لا يلا سلام
ساره: استنى استنى ايه الطريقه ديه وانا ال كنت فاكره طلعت اتاريك
ممدوح بيضحك: ماهو انا مكملتش يا فالحه كنت هقولك سلام هستناكى بكره وهبعتلك عنوان الشركه فى رساله ومتقعديش ع النت لصبح علشان تيجى رايقه
ساره بتضحك: احورجت ...تمام اشوفك بكره
قفلت ساره مع ممدوح مش عارفه تعمل ايه ل احمد كلمته مردش بعتتله انها مش هينفع تقابله علشان مقابله الشغل وكانت قلقانه ليتقمص لاقته باعتلها رساله بالتوفيق مع رسم قلب
______________________________
تانى يوم ساره لبست ونزلت راحت ع الشركه وعملت الانترفيو واتقابلت مع مروه اخت ممدوح واتعرفوا ع بعض واخدوا ارقام بعض وايميلاات بعض وكل واحده فيهم مشيت واتفقوا على انهم هيشوفوا بعض قريب روحت ساره البيت قالت لمامتها الى حصل ودخلت اوضتها غيرت
تليفونها رن جريت على اساس انه احمد لاقته ممدوح :
ساره: الو
ممدوح: نقول مبروك رسمى بقى
ساره: الله يبارك فيك دا كله بسببك وانت عارف
ممدوح: انا وفرتلك فرصه انتى بقى بشغلك ومعاملتك مع الناس الى هتخليكى تكملى ولا لا بس هما قالولك ان انت ممكن تسافرى
ساره متفاجاءه: اسافر فين مش شغلى فى الشركه
ممدوح: اها بس لو فى ايفينت يخص الشركه هتسافروا انتى ومروه تبع الشركه ..السفر مش دايما بس بيبقى لمجموعات وممكن المجموعه ال انتى فيها يجلها سفريه وتسافر حضور ايفنت ولا حاجه
ساره تنحت : انا معرفش الحوار دا وكويس انك قولتلى علشان اقولهم
ممدوح: تمام يلا سلام واشوفك ع اول الاسبوع
ساره: سلام
ممدوح: لااله الا الله
ساره: محمد رسول الله
قفلت ساره وع وشها ابتسامه ومسكت موابيلها تتصل بااحمد تعرفه عملت ايه لانها معبرهاش كالعاده لاقته مش بيرد رمت الموبيل جنبها ونامت
____________________________________
عدت الايام وكانت ساره بتجهز نفسها بليل هتلبس ايه وكده
علشان هتنزل الصبح مامتها دخلت عليها الاوضه
مامتها: ايه ياسو يا حبيببتى مطلعه كل الهدوم ليه كده
هو انتى هتطفشى ؟
ساره ضحكت: اه بفكر اطفش من بكره تيجى معايا ونسيب بابا لوحده
مامتها: لا ياحبيببتى اطفشى لوحدك انا مستغناش عن ابو العيال
ساره: يا سيدى ياسيدى اوعدنى يارررررررب
مامتها : ماهو انتى تستعجلى احمد وربنا هيوعدك وتشوفى بدل القر الى انتى شغاله فيه دا
ساره تنحت وغيرت الموضوع: ماما ايه رائيك ف الطقم دا لبكره
مامتها: جميل انتى لبسك كله جميل يا حبيببتى
ساره: يخليكى ليا يا حبيببتى انا هجهز طقم علشان بكره اول يوم
مامتها: ربنا يوفقك يا حبيببتى ويرزقك خير فى كل خطوه ويسترها عليكى
ويبعد عنك ولاد الحرام ويحبب الناس فيكى
قامت ساره حضنت مامتها : يخليكى ليا يا احلى واطيب ام
مامتها: ويخليكى ليا يا اغلى من نور عنيا واعيش واشوفك بالفستان مع الانسان الى بتحبيه وتعيشى فى هنا مع احمد
ساره وهى فى حضن مامتها تنحنت وكانت مش عارفه تقولها ايه فسكتت ..خرجت مامتها من الاوضه وجهزت ساره الى هتلبسه الصبح ولاقت رساله من مروه انهم يتقابلوا فى الشركه كتاكيد يعنى وحطت الموبيل جنبها وفضلت ع السرير صاحيه
وعماله تفكر تقول لااحمد انها نازله من بكره شغل ولا لا
فقررت مش تكلمه وتبعتله رساله بس ومعانها عارفه انه مش هيرد
___________________________________
تانى يوم الصبح صحيت ساره بدرى اتوضت وصلت وجهزت لاقت مامتها مجهزالها الفطار
ساره: يا صباح الفل
مامتها: صباح الفل والياسمين على حبيببه قلبى يلا انا جهزتلك الفطار
ساره: فطار ايه يا ماما ماانتى عارفه مليش فى نظام اصحى اكل دا
مامتها: كوبايه اللبن وسندوتش بس علشان انتى رايحه شغل مش الكليه
ساره بتضحك: ماهو علشان كده اكيد هعرف اتصرف لما اجوع هناك
مامتها: طيب كوبايه اللبن ديه بس
ساره: حاضر كوبايه اللبن وهنزل علشان متاخرش
مامتها: ربنا يفتحلك فى وشك كل الابواب يارب
ساره راحت حضنت مامتها وباستها ونزلت ركبت المترو ووصلت الشركه
وراحت ع مكتبها وقعدت وبعد 10 دقايق وصلت مروه
مروه: صباح الفل
ساره مبتسمه: صباح الفل ..تاخير كده وانتى منبهه عليا متاخرش
مروه: اصل مرضتش اجى لوحدى فاستنيت ممدوح يوصلنى معاه
ساره: هو ممدوح هنا ااقصد بشمهندس ممدوح لازم نحافظ ع الرسميات
مروه بتضحك وبتوشوشها: ايوه ممدوح هنا
ساره بتضحك وقربت منها بتوشوشها: الفيل فى المنديل
وضحكوا الاتنين وعلى ضحكهم دخل ممدوح المكتب
ممدوح: الله عليكم انتوا فى شركه ولا فى نادى
ساره تنحت ومروه كمان
مروه: ايه القفش دا
ممدوح ضحك: دخل عليكم وش الجد انا قلت اجى اصبح عليكم
مروه: قول انك جى تصبح ع ساره ماانا كنت معاك
ممدوح زغر ل مروه: بس ياام لسان انا بتكلم على شغلكم
ساره: صباحك فل يا بشمهندس
ممدوح باابتسامه: عاوزكم متقصروش رقبتى ها
مروه: متقلقش خالص رقبتك هتقصر اكيد
ساره بتضحك: ليه كده قطع العيش انا اخد شنطتى وامشى
مروه: ولا يهمك يا سو هنلاقى غيرها هو علشان شركته يعمل كده
ممدوح: هو انا لحقت اعمل حاجه يا مفتريه
مروه: ايوه مفيش عزومه ع الفطار كتهنئه اول يوم شغل يصح كده يا بشمهندس
ضحك ممدوح: فطار وغدا يا ستى
يلا هسيبكم انا دلواقتى وهتلاقوا الفطار جيلكم
مروه بحماس: ايوه بقى اهو دا احلى ميزه انى اكون اخت صاحب الشركه
ساره: هو ممدوح صاحب الشركه مش شغال فيها
مروه:لا هو احدى الشركاء هو في اتنين
بس بره مصر فى فرع الشركه بره وممدوح ماسك الفرع الرئيسى هنا
ساره: ماشاء الله ..بس مش معنى كده نتكل على كده
مروه: انا بهزر لا طبعا انا السبب الى خلاانى اشتغل هنا عاوزه اساعده
ممدوح بيشتغل كتير وناسى نفسه فانا عاوزه ابقى ع قلبه فى الشغل والبيت لغايه مااسلمه تسليم اهالى
ساره بتضحك : ماشى يااخت المدير التنفيذى
مروه : لا انا دلواقتى زميله اشطه
ساره: اشطه ..وواضح اننا هنفطر اهو
مروه: يلا نضرب سندوتش ونروح لمستر علاء الى هيعرفنا الشغل ايه
ساره: يلا بينا
قضت ساره اول يوم شغل ورجعت البيت مبسوطه وقعدت حكت لمامتها ودخلت علشان ترتاح افتكرت احمد وانه حتى مش بعت رساله فقررت تعامله بالمثل وتنفضله
_________________________________________
فى يوم ممدوح كان قاعد فى اوضته فى البيت خبطت عليه مروه ودخلت
مروه: هعطلك عن حاجه
ممدوح: لا ابدا
مروه: اصلك ماسك موبيلك فيعنى لو هتعمل مكالمه ممكن اخرج
ممدوح اتوتر : انا ..موبيلى...
لا عادى كنت هعمل مكالمه بس لاقيت ملهاش لازمه
مروه بتغمزله: مكالمه ايه دي بقى ..ايه يا دوحه بتحب من ورايا ازعل وربنا
ممدوح اتوتر اكتر: حب .. مروه اطلعى بره مش طلباكى خالص
مروه: متخفش مش هفتن عليك عرفنى علشان فى حوار ماما بتجهزه هدبسك عرفنى علشان اساعدك
ممدوح تنح ل مروه: حوار تانى هى مبتزهقش انا قلتلها مش عاوز اتجوز
ولما انوى هاجى بنفسى واقولها
مروه: والله قلتللها كده بس هى حاسه انك ناسى نفسك يا ممدوح واى ام هتتصرف كده وهى مش طالبه غير بنت حلال تعيش معاك وتشوف احفادها حقها
ممدوح: وانا حقى اعيش مع الى بحبها
مروه: اقفش ..مين بقى ها قول ها
ممدوح اتلجلج: بحب ..انا
مروه: لا خلاص قفشت متهربش اقولك اول حرف ساره
ممدوح تنح لما سمع اسم ساره : ساره ساره مين وايه
مروه: هى ساره كلامك عنها كتير واهتمامك فى الشغل بيها وانا بفوت بقول اخويا وبيهتم بيا كنت شاكه وبصراحه انا حبيت اتاكد ...
ممدوح: انتى فظيعه انتى مراقبانى ولا ايه
مروه: انت متغير بقاله مده طويله وبصراحه بقيت احسن وبعد وفاه مصطفى انا خفت عليك بس لاقيتك كويس وبتتحسن ولما حكتلى عن ساره شجعتنى اشوفها انت يا ابنى مش بتشوف شكلك وانت بتحكى عليها .. وعموما فيها ايه تحب اكلمهالك انا ها عاوزين نفرح بقى يلا ؟
ممدوح بملامح خيبه رجع بضهره ورا : مش هينفع ومتكلمهاش خالص ولا اكنك تعرفى حاجه
مروه بدهشه: ليه هتكلمها انت يعنى
ممدوح بتنهيده : ساره مرتبطه بواحد من اسكندريه من قبل ما اعرفها
مروه تنحت : ايه ... مرتبطه بواحد تانى بعد مصطفى بسرعه كده ..وانت بتحبها وعارف ؟
ممدوح باابتسامه هاديه : انا حاسس ان ساره ارتبطت هروب واتعودت عليه من ال حصل مع مصطفى وانا معرفش ايه ال حصل غير انى لاقيت نفسى بتقرب ليها وال اكتشفته من كلام مصطفى عليها شدنى ليها وانا عارف انه بيحبها وهى بتحبه ولما شفتها لاقيت نفسى متغير ومع الوقت احساسى اتجاهها بيكبر وعارف انها مرتبطه بس مش قادر ابطل مش احبها ..لو هى مش ليا انا يهمنى انى اشوفها سعيده ومبسوطه
وبعمل ال اقدر عليه ومش عايز منها اى حاجه غير انى اشوفها سعيده وضحكتها متختفيش . انا اول مره قلبى يدق كده كل ما اكلمها او اشوفها بحس بسعاده غريبه.انا راضى بمكانتى صاحب وصديق ليها
انا ببقى مبسوط لما تقولى انا اقرب حد ليها انا راضى بكده ومش طمعان بااكتر طول ماهى مبسوطه ..مروه ..انا اتاكدت انى حبيتها من قبل ما اشوفها واتاكد احساسى لما قابلتها
مروه متنحه: يعنى عارف انها مرتبطه وبتحب واحد تانى وانت مستمر بحبها انت بتظلم نفسك ليه كده وهى عارفه دا ؟
ممدوح: لا متعرفش احساسى اتجاهها غير انى بعزها واقدرها وانها صاحبتى الوحيده هى كمان ومش عاوزها تعرف حاجه يا مروه علشان ممكن نخسر بعض وانا مش عاوز اخسرها .. لانى لو خسرت ساره هبقى خسرت حاجات كتير
مروه: ممدوح انت بتدفن نفسك كده لا هتحب تانى ولا هى هتبقى معاك
ممدوح باابتسامه: انا موافق كده وراضى واقلمت نفسى ع كده
مروه اوعدينى متقوليش لساره حاجه
مروه: انا واثقه ان ساره هتخسر كتير لو مفهمتش احساسك اتجاهها
فى حد يحب حد كده ويسيبه
ممدوح: النصيب الى بيحكم مش احنا وانا راضى بقدرى
مروه: ممدوح حاول تغير الى انت بتعمله دا لانه مش لصالحك
ممدوح: انا ببقى مبسوط لما الاقيها مبسوطه ودا المهم انى مشفهاش زعلانه للحظه وغير كده مش بايدى اعرف اتحكم فى مشاعرى انا لاقيت نفسى بحبها ومعرفش ازاى ومفكرتش ينفع ولا لا بس حصل
مروه: اهااا علشان كده خليتها تشتغل معاك فى الشركه
ممدوح حب يغير الكلام: يلا قومى خلينى اخلص ال فى ايدى ونامى علشان متتاخريش الصبح
مروه: ماشى ماشى ...
مشيت مروه وهى متنحه من الكلام وان اخوها بيحب من طرف واحد
وملامح السعاده الى شافتها وهو بيتكلم على ساره انه بيحبها بجد
وان ساره ازاى محستش ولا لاحظت كده خالص فضلت طول الليل سهرانه مروه تفكر ومش فاهمه حاجه ....تانى يوم فى الشغل فضلت قاعده متنحه ع ساره ودخل ممدوح المكتب
ممدوح: صباح الخير
ساره باابتسامه: صباح الفل يا بشمهندس
ممدوح بص ع مروه لاقها متنحه ع ساره : مروه صباح الخير
مروه : ها .. صباح الخير
ممدوح : منمتيش طول الليل ليه كده ركزى فى شغل علشان مستر امير ميتكلمش
مروه: حاضر
ساره: معلش انا هروح لمستر امير واشوفه عاوز ايه
خرجت ساره من المكتب ممدوح راح ناحيه مروه
ممدوح: مروه انتى فى ايه
مروه: مش مجمعه علاقتكم ببعض بعد ال سمعته
ممدوح بنظره غضب: اياكى تتكلمى معاها فى حاجه فهمتى
مروه: حاضر حاضر انا رايحه لمستر امير انا كمان سلام
_________________________________
عدى اسبوعين على شغل ساره واتاقلمت فيه وبقت علاقتها مع الشركه كويسه جداااا ومفيش اى اتصال ولا رساله من احمد وكانت ساره ابتدى يبان عليها ملامح زعل ولاحظ ممدوح كده فاستغل فرصه مروه مش موجوده واستنى ساره وقت الخروج
وتليفون ساره رن وهى خارجه
ساره: الو
ممدوح: هستناكى كتير انا كده ولا ايه
ساره مخضوضه: هو انا قلتلك استنى بجد
ممدوح بيضحك: لا انا الى مستنيكى يلا اخرجى بسرعه لحسن زهقت
ساره : اوك
خرجت من الشركه لاقت واقف بالعربيه راحت ركبت معاه
ساره: فى حاجه ولا ايه مروه فيها حاجه
ممدوح باابتسامه : متتخضيش كده مش احنا اصحاب قبل ما نبقى زمايل شغل وحقى عليكى وقت مااحب اتكلم معاكى الاقيكى وانا عاوز اتكلم معاكى شويا فقلت اعزمك ع الايس كريم ال بتحبيه ونرغى شويا
ساره بتضحك: تصدق كان نفسى فيه وكنت هستنى مروه بكره واتفق معاها
ممدوح: مروه من اخوها مش فارق يلا بينا
وصلوا لمكان وطلبوا الايس كريم وممدوح لاحظ ملامح ساره متغيره
فحب يبتدى كلام : مش هيبقى حلو لو ساح
ساره: ها هو ايه
ممدوح: الايس كريم..مالك يا سو انا عمال اتكلم وانتى ساكته
فى حاجه مزعلااكى ...اتكلمى خرجى الى جواكى
ساره : مش عارفه ابتدى منين ... بس احمد
ممدوح ملامح وشه اتغيرت لما جابت اسم احمد: ماله احمد فى حاجه حصلت بينكم
ساره اخدت نفس وحكتله ع ال حصل فى علاقتها مع احمد من اهمال ولا مبالااه منه ليها
ممدوح: كان لازم تتكلمى من الاول ..بس مش يمكن يكون مشغول
ساره: يعنى مشغول ال 24 ساعه ..
ساره :اهو انت مشغول اكتر منه ومع ذلك على طول قدامى وبلاقيك لما احب اتكلم ازاى بقى هو المفروض الشخص الى مرتبطه بيه كده واحنا الى اصحاب كده
ممدوح حاول يعدل من ملامحه من كلامها : انتى قولتى اصحاب والاصحاب بيبقوا قريبين لبعض وكلميه يا ساره واستفسرى منه لانى مش عاوز اشوفك كده
ساره: هو الحب ايه يا ممدوح ؟
ممدوح تنح وبعدين رسم ابتسامه على وشه: الحب هو الوجود.. الحياه ..انك تلاقى الجزء الى ناقصك ويكملك ان فرحه فرحك زعله زعلك احتياجه هو احتياجك ليه لا زمن ولا ظروف تبعد هم عن بعض ..الحب احساس ويبان بالافعال مش كلام ... هو محاوله اسعاد الى بحبه حتى لو ع حسابى ..
ساره بصاله وللحظه حست بحاجه غريبه من كلامه ونظرته ليها بالكلام
ممدوح بيكمل كلامه: الحب احلى حاجه ربنا خلقنا بيها واحساسها ملوش وصف لما تكون مع الى بتحبه لا زمن بتحسوا بيه ولا بالناس .... الحب بيعمل معجزات محدش يتخيلها
ساره مركزه فى كلام ممدوح وفاجاءه فوقت نفسها : انا هكلمه يا افهم فى ايه ياانهى الموضوع انا فى البيت فى موقف مش حلو خالص ماما كل فتره تسالنى عليه هيجى امتى انا لازم افهم منه علشان ارتاح
ممدوح: براحه كده وخدى قرارك بس الحوار هو الحل بدل التنجيم
ساره: مرسى اوى ع الايس كريم يا ممدوح ويخليك ليا
ممدوح: ويخليكى ليا
قعدوا شويا وقاموا روحوا البيت كل واحد قعد يفكر فى حاله
ساره بالاحساس الى جالها لما اتكلم ممدوح وهى مش فاهمه هو ايه
وممدوح بزعله علشان ساره مع واحد مش يستاهلها واحساسه ال بيكبر اتجاهها
____________________________________
فى يوم اتصلت ساره بااحمد وبعتتله رساله يكلمها ضرورى
اتصل احمد بيها وكالعاده دخل عليها دخله التثبيت
احمد: وحشتيييييييييينى
ساره: متشوفش وحش
احمد: مالك فى ايه
ساره: لا بجد انت بتسئل كتر خيرك ع سؤالك
احمد: مال اسلوبك فى ايه يا ساره
ساره: احمد لو انت كنت ناوى تنهى ارتباطنا عرفنى مش تتجاهلنى كده وانجم مع نفسى
احمد: ايه الى بتكلمي فيه دا انا مشغول يابنتى تجاهل ايه وبتاع ايه
ساره: لا تجاهل واهمال وعدم تقدير وبتيجى عليا بالاوى
انا استحملت وقلت وتحبنى ... لما الاول كنت معايا كويس واتغيرت قلت معلش ظروف وكده انما تنسانى خالص ولا تعبرنى برساله لما ببعتلك ..ماهو انت مش بتبقى عارف انى بفضل سهرانه استنى رسالتك
ومكالمتك الى مبتجيش ... احمد خلاصه الكلام شوف انت عاوز ايه وبلغنى فيه بكره لانك لو مبعتش ليا رد او كلمتنى هعتبر موضوعنا انتهى وروح لشغلك يلا الى شغلك
احمد: سا,,,
قفلت ساره السكه قبل ما يتكلم ورمت نفسها ع السرير وهى حاسه بخنقه فى صدرها من الى حصل تانى يوم الصبح فى الشركه رايحه ووشها متغير من قله النوم
مروه: صباحو مالك فاصله ليه كده
ساره: منمتش كويس هشرب نسكافيه وهظبط الحياه بعدها
مروه: ليه بتحبى ولا ايه
ساره: وانتى الصادقه كنت بسيب
مروه حست بالفرحه لما سمعت كده وقالت خلاص اخوها مشكلته اتحلت
مروه حاولت تبين زعلها: ليه كده
ساره: اظبط دماغى بس ونتكلم لانى مش فايقه خالص
مروه: تمام يا معلم اظبط الدماغ
شويا وموبيل ساره رن ردت : الو
احمد :ايوه صباح الخير يا ساره
ساره: صباح الخير .. ايه جهزت ردك بسرعه كده
احمد: ايوه جهزته وجيت علشان اقولهولك مش اسمعهولك
انزلى انا مستنيكى قدام الشركه
تنحت ساره وبصت لتليفونها ومروه لاحظت ملامح وشها ال اتغير
مروه: فى ايه يا ساره فى حاجه
ساره : احمد هنا فى القاهره ومستنينى تحت
اضيقت مروه لما سمعت كده : طب كويس الراجل اهو جالك انزلى واتكلموا
ساره: انا مش هغيب نص ساعه ساعه بالكتير تمام
مروه: متقلقيش هغطى عليكى لو حد سئل عليكى يلا علشان مش تتاخرؤى
ساره اخدت شنطتها ونزلت ومروه راحت ناحيه الشباك بتبص عليهم
دخل ممدوح المكتب وشاف مروه لوحدها وعند الشباك
ممدوح بيقرب لم مروه : بتبصى ع ايه يا ميرو
مروه اتخضت : خضيتنى يا ممدوح اتنحنح ياعم
ممدوح بيضحك: احم احم
اهو كده حلو كنتى بتبصى ع مين وصحيح فين ساره
مروه بان ع وشها علامات زعل شاورتله من الشباك راح ممدوح يبص
شاف ساره ماشيه وفضل باصص لغايه ما شاف واحد نزل من عربيه سلم عليها وفتحلها باب العربيه وركبت معاه
ممدوح وهو باصص من الشباك : احمد دا
مروه بضيقه: اه كانت خلاص فشكلت معاه جى وكلمها ونزلت تقابله
ممدوح فضل سرحان لغايه ما العربيه اختفت من قدام عنيه
مروه بتحاول تخف عن اخوها : بس هى ناوياله بصراحه هتديهمله ومتوقعه اكيد هسيسيبوا بعض
ممدوح وهو لسه باصص من الشباك : ال يجى من اسكندريه لقاهره مش واحد جى يسيب دا جى يصلح
وفاجاءه راح ناحيه الباب علشان يخرج: ع العموم ربنا يوفقهم
وخرج من المكتب ومروه لاحظت انه اضايق اوى لما شاف ساره نازله تقابل احمد
مروه: هبله يا ساره تسيبى واحد زى ممدوح بيحبك بالشكل دا ورايحه لواحد ميستلكيش ومطلع عينك هبله واللله هبله
__________________
راحت ساره واحمد ع كافيه وقعدوا وطلبوا حاجه يشربوها
وفضلوا قاعدين 10 دقايق مفيش حد بيتكلم كل واحد مستنى التانى يتكلم احمد فضل باصص ع ساره وساره فضلت باصه فى المج الى ماسكه
احمد: هتفضلى كده كتير
ساره بصتله: انت الى هتقول
احمد: هقول ايه
ساره: الى جى من اسكندريه ل القاهره علشان تسمعهولى
مش قلت كده
احمد : ومالك قافشه ليه كده
ساره: قولى ال عاوز تقوله يااحمد انا عندى شغل ومش هينفع اتاخر
احمد قرب ايده ومسك ايد ساره وهى ماسكه المج :
احمد: ساره انا مش عارف ايه الى حصلل وضايقك كده
انا جيت كل الطريق دا بالرغم انى مشغول علشان اقولك مش اكلمك ف التليفون انا مقدرش استغنى عنك انا بحبك
ساره شالت ايده ورجعت لورا : هو ال انت بتعمله دا حب
اهمالك ولا مبالااه وانى اخر حاجه تفكر فيها دا حب
انا دايما بعزر واقدملك اعزار بس لاقيتك طولت فيها ..احمد انا قلتلك انا مليش غيرك وانا مش لاقياك جنبى زى الاول
احمد باابتسامه: يا حبيببه قلبى انا مستغناش عنك بس الشغل الجديد والظروف بتبقى اقوى منى وانا عارف انك بنت جدعه وهتعزرى وصبرك عليا انا مقدره بس مكنتش اتوقع تقوليلى نسيب بعض
ساره: مش عاوزه اربطك بحاجه واضيع وقت وعمر كل واحد فى ناحيه
احمد باابتسامه: اوعدك انى مش هزعلك تانى ونقفل ع كل ال فات
وانا عارف ان قلبك طيب وبتحبينى فهتسامحينى
ساره بصتله : ماهو دا ال انت شاطر فيه تثبتنى بكلمتين بتوع كل مره
احمد بيضحك: ايوه كده دى ساره حبيببه قلبى الى مقدرش استغنى عنها صدقينى مش هيتكرر ال حصل دا تانى وان حصل ليكى حريه التصرف فى اى حاجه اتفقنا
ساره فضلت ساكته
احمد: ساره انا بحبك ومش هحب ولا حبيت غيرك وانتى اهم حد فى حياتى مش اخر حد
ساره بصتله: اخر انذار ليك ع عاميلك دى وبجد لو رجعت تانى لتجاهل والاهمال دا هننفصل لوانت مهم عندى انا كرامتى اهم وانت مش هتحافظ عليها يبقى مش بتحبنى اساسا
احمد بيضحك: يا ستى انتى وكرامتك ع راسى .. صافى يا لبن بقى
ساره بتضحك: خلاص نعديها المرادى معانها مش اول مره
احمد: خلاص يا حنفى نزلها المرادى
ضحكت ساره: خلاص تنزل المرادى
احمد: ايوه كده ضحكتك ال تخلى الدنيا تضحك
ساره: احمد لو بتحبنى بجد متخلنيش احس انى بعيده كده انت الاول كنت معايا ومفيش اى فرق بلاش التغيير فى شغلك وحياتك العمليه تغيرك عليا
احمد: انا فعلا غلطت نسيت نفسى ف الشغل بس مش هيتكرر تانى
ساره : يارب
احمد: يلا ناكل بقى
ساره بتبص ف الساعه : ناكل ايه انا اتاخرت
احمد مسك موبيله : اتصلى بيهم يدوكى اجازه مش ينفع اجى كل المسافه ديه ومقعدش معاكى
ساره : اشطه
مسكت موابيلها وكلمت مروه وعرفتها انها مش هترجع فهمت مروه انهم اتصالحوا قضت اليوم ساره مع احمد وروحت بليل وكانت مبسوطه ونامت لااول مره من غير ما تفكر
____________________________________________
تانى يوم فى الشركه ساره دخلت المكتب وع وشها ابتسامه وكانت مروه فى المكتب
ساره: صباح الخير ع الجميل
مروه باصه لساره: صباح الخير ع العالم الرايقه
ال يشوفك نازله امبارح ميشوفكيش دلواقتى وانتى داخله
ساره بتضحك: ليه ماانا زى الفل اهو
مروه راحت ناحيتها: ايه الحوار اتصالحتوا ولا ايه
ساره باابتسامه: اها ووعدنى مش هيكرر ال عمله تانى لانه بيحبنى ومش هيستغنى عنى
مروه: وانتى بتحبيه يا ساره
ساره : انتى شايفه ايه
مروه : لا انا شايفه عصفورتين كناريا
خبط ممدوح ع باب المكتب ودخل
ممدوح وهع وشه ايتسامه: صباح الخير ع الناس ال بتهرب من الشغل
ساره بتضحك: لا والله كان مشوار مهم والحمد الله خلص
فهم ممدوح من ابتسامه ساره انها اتصالحت مع احمد
ممدوح راسم ابتسامه : تمام يارب دايما نشوفك مبسوطه
جه يخرج ممدوح من المكتب ندت عليه ساره وبصلها
ساره باابتسامه ع وشها : شكرا اوى ع النصيحه
ابتسم ممدوح ليها وخرج وهو حاسس بضيقه وراح ع مكتبه
__________________________________________________
وابتدا احمد يهتم بساره اكتر من الاول مكالمات كتير اول ما تصحى يكلمها وقبل ما ينام يكلمها ووسط النهار ف الشغل رسايل ومكالمات ومرت فتره ع كده وساره اقتنعت ان احمد اتغير لكن ممدوح مش كان مرتاح
فى يوم كان ممدوح قاعد فى اوضته خبطت ع الباب مروه
ممدوح: ادخل
مروه: مسائو يا دوحه
ممدوح: دوحه ايه دا انتى بتتكلمى مع صاحبك
مروه: ماهو اخويا هو صاحبى ولا ايه
ممدوح: ارغى مش فاضيلك عاوزه ايه
مروه: عاوزه طلب صغنن
ممدوح: خير
مروه: الايفينت ال هيحصل فى اسكندريه
ممدوح: ماله
مروه بسهوكه: عاوزاك تغير الجروب وتحطنى انا وساره
ممدوح: ساره ال طلبت منك تقوليلى
مروه: لا خالص داانا ال قلتلها هقولك وانت هتوافق يا تغير الجروب ويبقى من مكتبنايااما انا وساره ندخل الجروب ال هيسافر من الشركه وهيحضر الايفينت
ممدوح : وانتى ليه مصمم يعنى يا سوسه
ممكن ياترى يكون علشان مازن هناك
مروه بتضحك: بصراحه ايوه
ممدوح : اتكسفى طيب ايه البجاحه دى
مروه: الله مش قارين فاتحه يعنى خطيبى ولا علشان هو مسافر يبقى انساه
ممدوح بيضحك: وانتى رايحه شغل ولا موعد غرامى
مروه: لا رايحه افاجئه هو عارف ان فى ناس تانيه رايحه فهكبس عليه
ممدوح بيضحك: يخرب عقلك شكلك هتطلقى قبل ما تتجوزى
مروه بعينه
ممدوح سكت ثوانى : وساره عاوزه تروح علشان احمد
مروه سكتت وملامح وشها من ضحك قلب زعل : اه بصراحه
احنا كنا بنتكلم سوا فاقترحت عليا انك لو وقفت مش اقول ل مازن واكبس عليه وانا شجعتها تروح تكبس ع احمد
ممدوح: اوك يا مروه بكره هظبط الحوار دا انكم تيجو معانا
مروه لاحظت ممدوح اتغير : انت لسه مش عاوز تنساها بقى وتسيبها لل اختارته
ممدوح: ماهو المشكله هى مش اختارته هى لاقته ف وقت مش كان ف حد جنبها وانا مش بايدى مفكرش فيها
مروه: بس هى مقتنعه بالى بتعمله ويا ممدوح طول ماهى شايفه ومع احمد مش هتشوف غيره انت غاوى توجع قلبك وخلاص
ممدوح: بس احمد ميستهلهاش وانا واثق
مروه بنرفزه : يووووه خليك فى خيالااتك بقى لغايه متحضر فرحهم
__________________________________________
حصل ال مروه طلبته من ممدوح وحطها هى وساره لمجموعه ال هتحضر الايفنت نيابه عن الشركه فى اسكندريه ومروه فرحت جداا وساره كمان
فكلمت ساره احمد ع موبيله مردش راحت بعتتله كلمنى واتصل
ساره: فينك ياعم المهم
احمد: مطحون يا روح المهم
ساره: هو فى اهم منى
احمد: اه اكل العيش
ساره بتضحك: واطى انت يامان
احمد بيضحك: عامله ايه وحشتينى
ساره: وانت كمان اكتر اخبراتك ايه والدنيا معاك فى جديد
احمد: لا والله بس فى صفقه جديده شغلاانا شويا واحتمال كبير هسافر الاسبوع الجى
ساره تنحت لانه نفس الاسبوع ال هتسافر فيه بس مينفعش تقوله انها رايحه لانها عاوزه تكبس عليه
ساره: امتى بالظبط مسافر يوم ايه يعنى
احمد: يا الاتنين يا التلات
ساره تنحت لانها رايحه يوم الاحد بليل يعنى احتمال متعرفش تشوفه
احمد: ساره روحتى فين
ساره : ها معاك هتوحشنى
احمد: كان نفسى اشوفك قبل مااسافر بس مفيش وقت لما ارجع بقى
ساره: ان شاء الله خلى بالك ع نفسك
احمد: وانتى كمان يلا هقفل لانى مشغول
ساره: اوك
قفل احمد وساره متنحه دخلت مروه عليها المكتب لاقتها متنحه
مروه: سو ال واخد عقلك
ساره: الحقينى تخطيطى بينهار
مروه: فى ايه
ساره: هو احنا هنسافر امتى يوم الاحد اصدمينى
مروه: مانا لسه راجعه من مكتب العلاقات ولاقيت الحجزات بدل بليل بقى قطر الساعه 9 الصبح
ساره اتغيرت ملامحها بسعاده: بجد يعنى قدامى اليوم كله اشط\ه
مروه: ليه كده مالك
ساره: اصل احمد كان مسافر الاتنين واحنا كنا هنسافر الاحد فمش كنت هلحقه ولا هكبس عليه
مروه بتضحك: احنا عاملين زى ريا وسكينه بنخطط وندبر
ساره : وممدوح الظابط ال بيقبض عليهم
ضحكوا وخلصوا كلام وشغل وروحوا يجهزوا لسفر
____________________________________________________
جه يوم سفر اسكندريه وسافرت مروه وساره مع المجموعه لكن ممدوح سافر بعربيته وصلوا الاوتيل وطلعوا شنطهم
ساره: انا هطير بقى يا مروه اوك
مروه بصت ع الساعه : ايه يابنتى ارتاحى طيب دى الساعه 1 الضهر
ساره: عندى فضول اشوف وشه وانا بفاجئه كده
مروه: وانتى عارفه المكان كويس
ساره: اها معايا
مروه: طيب عاوزانى معاكى علشان مش تكونى لوحدك
ساره بتضحك: لا متقلقيش لو تهت هروح لعمو العسكرى يرجعنى
مروه بتضحك : طيب خلى بالك ع نفسك وتابعينى بالموبيل
ساره : ان شاء الله يلا سلام
نزلت ساره وهى خارجه من الفندق قابلت ممدوح ف وشها
ممدوح: ع فين مستعجله كده دا الايفنت لسه كمان يومين
ساره بتضحك: لا المرادى رايحه لاايفنت خاص ليا هعمله
ممدوح تنح: نعم
ساره بتضحك: اقصد مشوار ليا ومش هتاخر
ممدوح: هتعرفى تروحى لوحدك تعالى اوصلك
ساره : لا مش لازم اتعبك احنا لسه جايين وانت جى طول الطريق بتسوق
منيبقاش صحراوى وبحراوى كمان هههههههههههه
ممدوح بيضحك: ياستى دا يوم الهنا لما اتعب علشانك
ساره: بجد ملوش لازمه خليكى انا مش هتاخر
ممدوح: لا خلاص انا قررت هوصلك
راح ممدوح شد ساره من ايديها وفتحت باب العربيه وركبت
ساره: حلو الاجبار دا لو الاجبار من دا كتير انا موافقه
ممدوح: اى خدمه قوليلى رايحه فين انا حافظ اسكندريه
ساره ادته العنوان لممدوح وطول الطريق عمالين يتريقوا ع بعض ويهزروا
وصلت لمكان الشركه
ممدوح: العنوان اهو يا ستى بس انتى رايحه فين
ساره بتهمسله: اعمل كبسه
فهم انها شركه ال فيها احمد : اها ماشى ياعم كرومبو استناكى هنا ماشى
ساره: لالالا مش تستنى لانى هقضى اليوم مع احمد بعد ما اكبس عليه
ممدوح بملامح ضيقه وبيداريها بضحكه : اها ماشى ياعم
ساره هو ينفع اسئلك سؤال ؟
ساره اتفضل طبعا
ممدوح: انتى بتحبى احمد ؟
ساره : اممم احمد بيحبنى وقالى كده واتغير بقى كويس وميقدرش يستغنى عنى وانا من الاول قررت اديله فرصه اتعودت عليه عقلى بيقولى كده انه بيحبنى
ممدوح باصص ليها وكلمه واقفه فى زوره بس مسك نفسه : المهم انك مبسوطه
ساره: الحمد الله مش يمكن احمد عوض ع ال خسرته قبل كده ياعالم
ممدوح راح دور وشه علشان يدارى ملامح الضيقه : اها ممكن يلا انزلى علشان متتاخريش
ساره باابتسامه كبيره: تسلم يارب ع التوصيله وعقبالك كده اسمع خبر حلو عنك واردلك جزء من ال بتعمله علشانى صحيح مش ناوى بقى ولا ايه
ممدوح وشه اتغير : لما ربنا ياذن كله بامر ربنا
ساره بتغمز بهزار : بجد يا بختها ال هتكون من نصيبك انت عارف لو مش مرتبطه مش كنت هسيبك
ممدوح تنح لكلمتها : لدرجه دى
ساره: انت ياابنى كنز قومى ومش اى حد يقدرك ربنا يرزقك ببنت الحلال
ممدوح وباصص ل ساره: وتكون زيك
ساره بتضحك: لا معتقدش نسخه واحده كفايه ف الدنيا ربنا يرزقك بالاحسن
ممدوح: لا انا عاوز واحد زيك ساره فى كل حاجه حتى الشكل
ساره بتضحك : لا كده ملهاش حل غير تاخدنى انا لو مصمم
ممدوح بسرعه وبملامح جد : انا موافق و مستعد
ساره تنحت ع كلمته
ساره: تسلم ع التوصيله اراك ليلا
نزلت ساره من العربيه وهى مبسوطه وحست بحاجه غريبه من اخر كلام مركزتش وكانت مستعجله تدخل الشركه وممدوح مرضاش يمشى لغايه ما يطمن عليها حتى لو مع احمد وفضل فى العربيه قدام الشركه مستنى ساره تنزل... ساره دخلت الشركه راحت ع الاستعلامات سالت ع مكتب احمد طلعت الدور ال فيه المكتب دخلت لاقت سكرتيره
ساره: مساء الخير
السكرتيره: مساء النور ياافندم اى خدمه
ساره: مستر احمد عبد العزيز موجود
السكرتيره لا لااسف هو فى ميعاد
ساره:اممم طيب ممكن تكلميه يجى
هو يعرفنى كويس قوليله ساره
السكرتيره: مستر احمد مش موجود ولا جى انهارده لو حضرتك عاوزه سيبى رقم تليفونك
ساره: بس اعرف انه مسافر بكره
السكرتيره: ايوه حضرتك هيرجع بعد الهانى مون
ساره تنحت : هانى مون مين
السكرتيره باابتسامه: مستر احمد عبد العزيز انهارده فرحه وبكره هيسافر الهانى مون يافندم
