{الحب الاعمى }
الحلقه 9⃣
ﻭﺍﻧﺎ ﻣﻘﻌﻤﺰﺍ ﻉ ﻛﺮﺍﺳﻲ ﺍﻟﻲ ﻓﻲ ﻣﻤﺮ ﻣﺘﺎﻉ ﺍﻟﺪﺍﺭ ﺍﻟﻲ ﺭﺍﻗﺪﺍ ﻓﻴﻬﺎ
ﻫﺪﻱ ﻭﻧﻔﻄﻨﺶ ﺍﻻ ﻭﺍﺣﺪ ﻣﺼﺒﻲ ﻋﻠﻴﺎ
ﺍﻧﺎ : ﺭﻓﻌﺖ ﺭﺍﺳﻲ ﻭﻧﺸﻮﻑ ﺩﻛﺘﻮﺭ ﺍﻣﺘﺎﻋﻲ ﻣﺼﺒﻲ ﻋﻠﻴﺎ
ﻓﻴﺼﻞ : ﺧﻴﺮ
ﺍﻧﺎ : ﺧﻴﺮ
ﻓﻴﺼﻞ : ﺍﻧﺘﻲ ﺣﻴﺎﻩ ﻛﻨﺘﻲ ﻣﺮﻳﻀﻪ ﻋﻨﺪﻱ ﻗﺒﻞ ﻭﻻ ﺍﻧﺎ ﻣﺸﺒﻪ ﻋﻠﻴﻚ
ﺍﻧﺎ : ﻛﻨﺖ ﻋﺮﻓﺘﺎ ﻫﻮ . ﺍﻫﺎ ﺍﻧﺎ ﻫﻴﺎ
ﻓﻴﺼﻞ : ﺷﻦ ﺣﺎﻟﺘﻚ ﺗﻮ ﺗﺄﺧﺬﻱ ﻓﻲ ﺍﺩﻭﻳﻪ ﺍﻣﺘﺎﻋﻚ
ﺍﻧﺎ : ﺍﻫﺎ ﻣﺄﺧﺬ ﻓﻴﻬﻦ
ﻓﻴﺼﻞ : ﺗﻤﺎﻡ ﻛﻮﻳﺲ ﻣﺎﺗﺴﻴﺒﻴﻬﻨﺶ ﻋﻨﺪ ﺍﺗﻜﻤﻠﻴﻬﻦ ﻛﻠﻬﻦ ﻭﻛﻮﻟﻲ
ﻓﻮﺍﻛﻪ ﻭﺧﻀﺮﻩ ﻭﺍﺟﺪ
ﺍﻧﺎ : ﺍﻥ ﺷﺎﺀ ﺍﻟﻠﻪ
ﻓﻴﺼﻞ : ﺷﻦ ﺍﺧﺘﻚ ﺭﺍﻗﺪﻩ ﺍﻟﻲ ﻃﺎﻟﻌﺎ ﺑﺮﺍ
ﺍﻧﺎ : ﺍﺭﺗﺒﻜﺖ ﺍﻫﺎ ﺍﻩ ﻻ ﻫﻴﺎ ﺍﻣﻌﺎﻫﺎ ﺭﺟﺎﻟﻬﺎ ﻗﺼﺪﻱ ﺧﻄﻴﺒﻬﺎ ﻗﺎﺭﻱ
ﻓﺘﺤﺘﻬﺎ
ﻓﻴﺼﻞ : ﺯﺭﺗﺎ ﺿﺤﻜﺎ ﻉ ﻛﻼﻣﻲ ﻭﺍﺭﺗﺒﺎﻛﻲ . ﺍﻫﺎ ﺑﺎﻫﻲ ﺍﻧﺎ ﻗﺒﻞ ﺟﺎﻱ
ﺑﻨﻤﺮ ﻋﻠﻴﻬﺎ ﻻﻥ ﺧﻼﺹ ﺍﺧﺮ ﻣﺮﻳﻀﻪ ﻋﻨﺪﻱ ﻭﻧﺒﻲ ﻧﺮﻭﺡ
ﺍﻧﺎ : ﺗﻔﻀﻞ ﻳﺎﺩﻛﺘﻮﺭ
ﻓﻴﺼﻞ : ﺑﺎﻫﻲ
ﻭﺻﺒﻴﺖ ﺩﻗﻴﺖ ﺍﻟﺒﺎﺏ ﺍﺻﻼ ﺧﻔﺖ ﻫﺪﻱ ﻭﺍﻳﻤﻦ ﻣﺎﻳﺮﻳﺤﻮﺵ ﻓﻲ ﺍﺭﻭﺣﻬﻢ
ﻭﻗﺎﻟﻲ ﺍﻳﻤﻦ ﺧﺸﻲ
ﻭﺧﺸﻴﻨﺎ ﺍﻧﺎ ﻭﺩﻛﺘﻮﺭ
ﻛﺎﻧﺖ ﻫﺪﻱ ﻣﺘﻤﺪﺩﺍ ﻉ ﺳﺮﻳﺮ ﻭﺍﻳﻤﻦ ﻣﻘﻌﻤﺰ ﻉ ﻛﺮﺳﻲ
ﻓﻴﺼﻞ : ﻛﻴﻒ ﺣﺎﻟﻚ ﻳﺎﻫﺪﻱ ﺗﻮﺍ ﺷﻦ ﺍﺗﺤﺴﻲ
ﻫﺪﻱ: ﺍﻟﺤﻤﺪ ﺍﻟﻠﻪ ﻛﻮﻳﺴﺎ
ﻭﻗﺮﺏ ﻓﻴﺼﻞ ﻳﻘﻴﺲ ﻓﻲ ﺿﻐﻂ ﻫﺪﻱ
ﻭﻛﺎﻥ ﺍﻳﻤﻦ ﻳﺒﺤﺖ ﻓﻴﻬﻢ ﻭﻏﺎﻳﺮ ﺍﻥ ﺩﻛﺘﻮﺭ ﺭﻓﻊ ﻛﻢ ﺍﻟﺒﺎﺩﻱ ﺍﻣﺘﺎﻋﻬﺎ
ﻭﺷﺎﻑ ﻳﺪﻫﺎ
ﻓﻴﺼﻞ : ﻻﺗﻤﺎﻡ ﺑﻜﻞ ﺿﻐﻄﻚ ﺗﻌﺪﻝ
ﺍﻳﻤﻦ : ﻛﻮﻳﺲ ﻳﺎﺩﻛﺘﻮﺭ
ﻓﻴﺼﻞ : ﺍﻫﺎ ﺭﺩ ﺿﻐﻄﻬﺎ ﻃﺒﻴﻌﻲ
ﻭﺑﻜﺮﻩ ﺍﻧﺸﻮﻓﻮ ﻧﺒﻀﺎﺕ ﻗﻠﺒﻚ ﺷﻨﻮ ﺭﺩﺍً ﻃﺒﻴﻌﻲ ﺍﻭ ﻻ
ﻭﺣﺎﻭﻟﻲ ﻗﺪﺭ ﺍﻻﻣﻜﺎﻥ ﺗﺒﺘﻌﺪﻱ ﻋﻦ ﻣﺸﺎﻛﻞ ﻭﺍﺿﻄﺮﺑﺎﺕ ﺍﻟﻨﻔﺴﻴﻪ
ﻭﺗﺮﻗﺪﻳﺶ ﻭﺍﻧﺘﻲ ﺯﻋﻼﻧﻪ ﺭﺍﻩ ﻣﺶ ﻛﻮﻳﺲ ﻭﺍﺣﺪ ﻳﺮﻗﺪ ﻭﻫﻮ ﺯﻋﻼﻥ ﺍﻳﺄﺛﺮ
ﻋﻠﻲ ﻗﻠﺐ ﻫﺬﺍ ﻛﻼ
ﻫﺪﻱ: ﺍﻥ ﺷﺎﺀ ﺍﻟﻠﻪ
ﻓﻴﺼﻞ : ﺗﺒﻮ ﺷﻲ ﻣﺤﺘﺎﺟﻴﻦ ﺷﻲ
ﺍﻳﻤﻦ : ﺍﺳﺘﻐﺮﺏ . ﻻ ﻳﺎﺩﻛﺘﻮﺭ ﺑﺎﺭﻙ ﺍﻟﻠﻪ ﻓﻴﻚ
ﻓﻴﺼﻞ : ﺍﻧﺎ ﺗﻮ ﺑﻨﺴﻠﻢ ﻭﻧﺮﻭﺡ ﻭﻓﻲ ﺩﻛﺘﻮﺭ ﺍﻟﻤﻨﻮﺍﺏ ﺍﻟﻲ ﺑﺪﺍﻟﻲ ﺗﻮ ﻧﻮﺻﻴﻪ
ﻋﻠﻴﻜﻢ ﻟﻮ ﺍﺣﺘﺠﺘﻮ ﺷﻲ
ﺍﻳﻤﻦ : ﻣﺎﺯﺍﻝ ﻣﺴﺘﻐﺮﺏ ﺍﻫﺘﻤﺎﻡ ﺍﻟﺪﻛﺘﻮﺭ ﺑﻄﺮﻳﻘﻪ ﻫﺬﻱ ﻭﺑﺪﺃ ﻳﺸﻚ
ﻭﺗﺮﻗﺎﻻ
ﺷﻜﺮﺍً ﻳﺎﺩﻛﺘﻮﺭ ﻉ ﺍﻫﺘﻤﺎﻣﻚ
ﻓﻴﺼﻞ : ﻻ ﻫﺬﺍ ﻭﺍﺟﺒﻲ ﺑﻌﺪﻳﻦ ﺍﻧﺎ ﺟﻴﺘﻨﻲ ﺗﻮﺻﻴﺎ ﻋﻠﻴﻜﻢ
ﺍﻧﺎ ﻭﻫﺪﻱ: ﺍﻧﺼﺪﻣﻨﺎ ﻣﻦ ﺑﻴﻮﺻﻲ ﻋﻠﻴﻨﺎ ﻳﻌﻨﻲ
ﺍﻳﻤﻦ : ﺭﻓﻊ ﺣﺠﺒﺎ . ﻣﻦ ﻣﻦ ﺍﻟﺘﻮﺻﻴﻪ
ﻓﻴﺼﻞ : ﺧﻮ ﻫﺪﻱ ﻳﻜﻮﻥ ﺻﺎﺣﺐ ﺧﻮﻳﺎ ﻭﺍﺟﺪ ﻭﺻﺎ ﻋﻠﻴﻜﻢ
ﺍﻳﻤﻦ : ﻟﻤﺎ ﻋﺮﻑ ﺍﻟﻤﻮﺿﻮﻉ ﻫﻜﻲ ﺍﺯﻟﻂ ﻻﻥ ﻛﺎﻥ ﻳﺤﻜﻲ ﻣﻊ ﻓﻴﺼﻞ
ﺑﻌﺼﺒﻴﺎ ﻭﻣﻦ ﺭﺍﺱ ﺧﺸﻤﺎ
ﺍﻫﺎ ﺻﺎﺣﺐ ﻣﻮﺳﻲ ﺑﻪ ﺑﺎﺭﻙ ﺍﻟﻠﻪ ﻓﻴﻚ ﻣﺎﻗﺼﺮﺗﺶ ﻳﺎﺩﻛﺘﻮﺭ
ﻓﻴﺼﻞ : ﻭﻓﻴﻚ ﺑﺎﺭﻙ ﺍﻟﻠﻪ ﺍﻧﺎ ﻧﺴﺘﺄﺫﻥ ﻣﻨﻜﻢ ﻭﺑﻜﺮﻩ ﺍﻧﺠﻲ ﻟﻮ ﻟﻘﻴﻨﺎ ﻭﺿﻌﻚ
ﺗﻤﺎﻡ ﻳﺎﻫﺪﻱ ﻧﺪﻳﺮﻭﻟﻚ ﺧﺮﻭﺝ
ﻫﺪﻱ: ﺍﻥ ﺷﺎﺀ ﺍﻟﻠﻪ
ﻓﻴﺼﻞ : ﺗﺼﺒﺤﻮ ﻉ ﺧﻴﺮ ﻭﻃﻠﻊ ﻭﻃﻠﻊ ﻭﺭﺍﻩ ﺍﻳﻤﻦ
ﻗﺮﺑﺖ ﻣﻦ ﻫﺪﻱ
ﻫﺪﻱ: ﻋﺴﻞ ﺍﻟﺪﻛﺘﻮﺭ ﺑﻜﻞ ﻭﻳﻬﺒﻞ
ﺍﻧﺎ : ﺣﻲ ﻋﻠﻴﻨﺎ ﻛﻨﻚ ﺍﻧﺘﻲ ﺗﺒﻲ ﺍﻳﻤﻦ ﻳﺴﻤﻌﻚ
ﻫﺪﻱ: ﺗﻲ ﻻ ﻋﻠﻴﻚ ﺍﻧﺘﻲ ﻧﺤﻜﻴﻠﻚ ﺣﺮﻛﻲ ﺭﻭﺣﻚ ﻭﺍﻧﺘﻲ ﻣﺎﺩﺍ ﻭﺟﻬﻚ
ﻭﺍﺧﺮﻩ ﻳﻌﺮﻑ ﻣﻮﺳﻲ ﻭﻣﻮﺳﻲ ﺍﻻﺟﺮﺏ ﻫﺬﺍ ﻣﻦ ﻭﻳﻦ ﻳﻌﺮﻓﻬﻢ ﺍﻻﺷﻜﺎﻝ
ﻫﺬﻳﻨﺎ
ﺍﻧﺎ : ﺗﻲ ﻫﺒﻼ ﺍﻧﺘﻲ ﻫﺬﺍ ﺧﻮﻩ ﻳﺒﻘﺎ ﻳﻮﺳﻒ ﺍﻟﻲ ﺩﺍﺭ ﺗﻘﺮﻳﺮ ﺑﺎﺑﺎ
ﻫﺪﻱ: ﺗﻜﺬﺑﻲ
ﺍﻧﺎ : ﻭﺭﺍﺳﻚ ﺍﻧﺘﻲ
ﻫﺪﻱ: ﻭﻛﻴﻒ ﻋﺮﻓﺘﻲ ﺍﻧﺘﻲ
ﺍﻧﺎ : ﺍﻣﺒﺪﺭﻱ ﺗﻠﻘﻴﻨﺎ ﻣﻊ ﻳﻮﺳﻒ ﻧﺤﻨﺎ ﻃﺎﻟﻌﻴﻦ ﻭﻫﻮ ﺧﺎﺵ ﻭﻫﺪﺭﺯ ﻣﻊ
ﻣﻮﺳﻲ ﻭﺑﻌﺪﻫﺎ ﻣﻮﺳﻲ ﻟﻤﺎ ﺭﻛﺐ ﻓﻲ ﺳﻴﺎﺭﻩ ﻗﺎﻟﻠﻨﺎ ﻭﺻﻴﺘﺎ ﻉ ﻫﺪﻱ
ﻭﻗﺎﻟﻲ ﺗﻮ ﻧﻮﺻﻲ ﻋﻠﻴﻬﺎ ﺧﻮﻳﺎ ﺍﻟﺪﻛﺘﻮﺭ
ﺍﻫﺪﻱ: ﻭﻛﻴﻒ ﻋﺮﻓﺘﻲ ﺍﻧﺘﻲ ﻫﺬﺍ ﺧﻮﻩ
ﺍﻧﺎ : ﻋﻠﻴﻚ ﺫﻛﺎﺀ ﻣﺎﻫﻮ ﻗﺎﻟﻚ ﺧﻮﻳﺎ ﺻﺎﺣﺐ ﺧﻮﻙ ﻭﺍﻧﺎ ﺭﺑﻄﺖ ﺍﻻﺣﺪﺍﺙ
ﺑﺲ ﻛﻨﺘﺶ ﻧﻌﺮﻑ ﺩﻛﺘﻮﺭ ﻓﻴﺼﻞ ﻳﺒﻘﺎ ﺧﻮ ﻳﻮﺳﻒ
ﻫﺪﻱ: ﻭﺗﻌﺮﻓﻲ ﺍﺳﻤﺎ ﻣﻦ ﻭﻳﻦ ﻳﺎﺣﻨﻪ ﺍﻧﺘﻲ
ﺍﻧﺎ : ﺗﻲ ﻳﺎﺣﻤﺎﺭﻩ ﻣﺎﻫﻮ ﻋﻼﺟﻨﻲ ﺍﻟﻤﺮﻩ ﺍﻻﻭﻟﻪ ﻫﻮ ﻟﻤﺎ ﺟﻴﺖ ﻫﻨﺎ
ﻫﺪﻱ: ﺍﻫﺎ ﻋﻠﻴﻚ ﺻﺪﻓﻪ ﺳﺒﺤﺎﻥ ﺍﻟﻠﻪ
ﺍﻧﺎ : ﺍﻫﺎ ﻏﺮﻳﺒﻪ ﺻﺎﺡ
ﻫﺪﻱ: ﺑﻜﻞ ﺯﻋﻤﻚ ﺻﺪﻓﻪ ﻫﺬﻱ ﻛﻠﻬﺎ ﻋﻠﻴﺶ ﺷﻦ ﻭﺭﻫﺎ
ﺍﻧﺎ : ﻛﻞ ﺷﻲ ﺭﺑﻚ ﻓﻲ ﻭﺭﺍﻩ ﺣﻜﻤﻪ
ﻫﺪﻱ: ﺍﻳﻮﺍ ﺍﻟﻠﻪ
ﺍﻧﺎ : ﺑﺎﻫﻲ ﻟﻤﻲ ﺭﻭﺣﻚ ﺍﻧﺘﻲ ﺍﻧﺎ ﻟﻤﺎ ﻗﺎﻟﻲ ﺑﻨﺸﻮﻓﻬﺎ ﺍﺧﺘﻬﺎ ﻗﻠﺒﻲ ﺗﻤﺎ
ﻳﺪﻕ ﻗﻠﺖ ﺗﻮ ﻧﺨﺶ ﻋﻠﻴﻜﻢ ﻓﻲ ﻭﺿﻊ ﻣﺶ ﺗﻤﺎﻡ
ﻫﺪﻱ: ﻫﻬﻬﻬﻬﻬﻬﻬﻪ ﻋﻄﻚ ﺍﻟﺨﻴﺮ ﻻ ﻣﺶ ﻟﺪﺭﺟﺔ ﻋﺪﺍ
ﺍﻧﺎ : ﻋﺪﺍ ﺍﻧﺘﻢ ﻣﻦ ﻗﺒﻞ ﻭﺣﺼﻠﺘﻮ ﻓﺮﺻﻪ ﻭﺟﻮ ﻓﻀﻴﻠﻜﻢ ﺗﻘﻨﻌﻴﻨﻲ ﻣﺶ
ﺣﺘﺤﺼﻠﻲ ﺗﺼﺒﻴﺮﺍﺕ
ﻫﺪﻱ: ﻻ ﻣﺎﺯﺍﻝ ﻋﻨﺪ ﺗﻮﺍ ﻛﻼﻡ ﺑﺲ ﻣﺎﺯﺍﻝ ﻣﺎﻧﻔﻌﻠﻨﺶ
ﺍﻧﺎ : ﻻ ﺭﻳﺖ ﻣﺎﺯﺍﻝ ﺗﺒﻲ ﺗﻨﻔﻌﻞ
ﻫﺪﻱ: ﻫﺎ ﺗﺒﻴﻨﻲ ﻧﺤﻘﺎ ﻭﻣﺎﻧﺪﻳﺮ ﺷﻲ
ﺍﻧﺎ : ﻻﺩﻳﺮﻱ ﻳﺎﻓﺎﻧﺺ
ﻫﺪﻱ: ﻛﻨﺎ ﺍﻳﻤﻦ ﻃﻮﻝ
ﺍﻧﺎ : ﻣﺶ ﻋﺎﺭﻑ
~~~~~~~~~~~~~~
ﺷﺒﺎﺏ ﻛﺎﻧﻮ ﻣﻘﻌﻤﺰﻳﻦ ﺟﻨﺐ ﺍﻟﺤﻮﺽ ﻭﻳﻬﺪﺭﺯﻭ ﻣﻊ ﺑﻌﻀﻬﻢ
ﻣﻌﺘﺼﻢ : ﺷﻦ ﺟﻮ ﺩﺭﻗﺎﺕ ﺍﻟﻲ ﻏﺎﺩﻱ
ﻫﻴﺜﻢ : ﺍﺳﻜﺖ ﺳﺎﻛﺖ ﺗﻲ ﻭﻳﻦ ﻣﺎﺗﻤﺸﻲ ﺍﺗﻘﺎﺑﻠﻚ ﻭﺣﺪﻩ ﺳﻤﺤﻪ
ﺗﻤﻨﻴﺖ ﺍﻧﺸﻮﻑ ﻭﺣﺪﻩ ﺷﻴﻨﻪ ﻳﺎﺭﺍ ﻣﺎﻓﻴﺶ ﺑﻜﻞ
ﻣﻌﺘﺼﻢ : ﻛﻨﻚ ﻣﺎﺟﺒﺘﻠﻨﺶ ﺷﻲ ﻃﺮﻑ ﻣﻌﺎﻙ
ﻫﻴﺜﻢ : ﺧﻠﻴﻚ ﻉ ﺍﻟﻮﻃﻨﻲ ﻣﺎﻟﻚ ﻭﻣﺎﻝ ﺍﻟﻤﺴﺘﻮﺭﺩ
ﻣﻨﺬﺭ: ﺗﻲ ﻫﺬﺍ ﻻ ﻣﺨﻠﻲ ﻭﻃﻨﻲ ﻻﻣﺴﺘﻮﺭﺩ ﺑﻨﺎﺕ ﻟﻴﺒﻴﺎ ﻛﻠﻬﻦ ﺗﻌﺮﻑ
ﻋﻠﻴﻬﻦ
ﻫﻴﺜﻢ : ﻫﻬﻬﻬﻬﻪ ﻣﺎﺯﺍﻟﺖ ﺍﺯﺡ ﺍﻋﻘﻞ ﻭﺃﻛﺒﺮ ﻭﺍﺛﺒﺘﻠﻚ ﻉ ﻭﺣﺪﻩ
ﻣﻌﺘﺼﻢ : ﻭﺍﻟﻠﻪ ﺍﻟﺤﺎﺟﻪ ﻫﺬﻱ ﺗﺠﺮﻱ ﻓﺎﻟﻌﺮﻭﻕ ﻣﺎﻋﻨﺪﻱ ﻣﺎﻧﺪﻳﺮﻟﻬﺎ
ﻟﻌﻨﺪ ﻣﺎ ﺍﺗﺠﻲ ﺑﻨﺖ ﺍﻟﺤﻼﻝ ﺍﻟﻲ ﺗﻤﻠﻚ ﻗﻠﺒﻲ ﻭﺛﺒﺘﺎ ﻋﻠﻴﻬﺎ ﻫﻴﺎ
ﻫﻴﺜﻢ : ﻫﻮ ﺍﻛﻴﺪ ﻓﻲ ﺑﻨﺎﺕ ﺣﻼﻝ ﺑﺲ ﺍﻧﺖ ﻫﻮ ﺍﻟﻲ ﻗﻠﺒﻚ ﻣﺶ ﺗﻤﺎﻡ
ﻣﻨﺬﺭ: ﻫﻬﻬﻬﻬﻬﻪ ﻫﻴﺎ ﻫﺬﻱ
ﻣﻌﺘﺼﻢ : ﺑﺎﻫﻲ ﺗﻮ ﺍﻧﺘﻢ ﻣﻜﺴﺪﻳﻦ ﺑﺘﻜﺴﺪﻭ ﻋﻠﻴﺎ ﻣﺜﻼ ﻭﻻ ﻛﻴﻒ
ﻫﻴﺜﻢ : ﺗﻲ ﻭﻳﻦ ﺍﻟﻜﺎﺑﺘﻦ ﻳﻮﺳﻒ
ﻣﻨﺬﺭ: ﺗﻲ ﻳﻮﺳﻒ ﻣﺴﻜﻴﻦ .. ﻭﻃﻠﻊ ﺩﺧﺎﻥ ﻣﻦ ﺟﻴﺒﺎ
ﻫﻴﺜﻢ : ﺑﺴﺘﻐﺮﺍﺏ . ﻛﻨﺎ
ﻣﻌﺘﺼﻢ : ﻳﻤﺪ ﻳﺪﺍ ﻟﻠﻤﻨﺬﺭ . ﻋﻄﻴﻨﻲ ﺳﺒﺴﻲ
ﻣﻨﺬﺭ: ﻫﻮ ﻳﻤﺪ ﺳﺒﺴﻲ ﻟﻠﻤﻌﺘﺼﻢ . ﺟﺪﻱ ﺟﺒﺮﺍ ﺍﻥ ﻳﺰﻭﺝ ﻭﻋﺮﺳﺎ ﻣﻌﻴﺎ
ﺍﻧﺎ ﻳﻄﻠﻊ ﻭﻋﻄﻴﻪ ﺍﻟﺸﻬﺮ ﻫﺬﺍ ﻳﻔﻜﺮ ﻓﻴﻪ
ﻫﻴﺜﻢ : ﻛﻴﻒ ﻭﻳﻮﺳﻒ ﻭﺍﻓﻖ
ﻣﻨﺬﺭ: ﻫﻮ ﻳﻮﻟﻊ ﻓﻲ ﺳﺒﺴﻲ . ﻳﻮﺳﻒ ﻋﺎﻧﺪ ﻣﺎﻧﻚ ﻋﺎﺭﻓﺎ ﻭﻋﺎﺭﻑ ﻟﻌﻨﺎﺩ
ﺍﻟﻲ ﻋﻨﺪﺍ ﺑﺲ ﺟﺪﻱ ﺣﻠﻔﻼ ﺑﻄﻼﻕ ﻟﻤﺎ ﻳﻮﺳﻒ ﺳﻜﺮ ﺭﺍﺳﺎ
ﻫﻴﺜﻢ : ﺑﺎﻫﻲ ﻭﺷﻦ ﺻﺎﺭ ﻳﻌﻨﻲ ﺗﻮﺍ ﻉ ﺷﻨﻮ ﺭﺳﺖ
ﻣﻨﺬﺭ: ﻭﻫﻮ ﻳﻨﻔﺦ ﻓﻲ ﺩﺧﺎﻥ . ﺭﺳﺖ ﻉ ﻳﻮﺳﻒ ﻳﺠﻮﺯ ﺑﺲ ﺣﻠﻒ ﺍﻥ ﻳﻄﻠﻖ
ﺍﻟﻤﺮﺃ ﺑﻌﺪ ﺷﻬﺮ ﻣﻦ ﺟﻮﺍﺯ ﺑﻴﺶ ﻣﺎﺣﺪ ﻳﻤﺸﻲ ﻛﻼﻣﺎ ﻋﻠﻴﻪ ﻭﺍﻟﺒﻨﺖ
ﺣﺘﻜﻮﻥ ﻣﻦ ﺍﺧﺘﻴﺎﺭﺍ ﻫﻮ ﻣﺶ ﺣﺘﻲ ﻣﻦ ﺍﺧﺘﻴﺎﺭ ﻫﻠﻲ
ﻫﻴﺜﻢ : ﻭﻫﻮ ﻳﻤﺴﺢ ﺑﻴﺪﺃ ﻉ ﺷﻌﺮﺍ . ﺗﺆ ﺗﺆ ﻟﻴﺶ ﺑﺎﺗﻲ ﺷﻦ ﺩﺧﻼ ﻣﺎﻫﻮ
ﻋﺎﺭﻑ ﻳﻮﺳﻒ ﻳﻤﺸﻴﺶ ﺑﺎﻟﻌﻨﺎﺩ ﻛﺎﻥ ﻳﺄﺧﺬﺍ ﺑﺎﻟﻤﺴﻴﺴﺎ
ﻣﻨﺬﺭ: ﻭﻫﺬﺍ ﺍﻟﻲ ﻣﺮﻗﻴﻬﺎ ﻟﻴﺎ ﺍﻧﺎ ﻣﺶ ﻋﺎﺭﻑ ﺷﻦ ﺩﺧﻠﻬﻢ ﺑﻴﻪ ﻫﻮ ﻗﺎﻟﻲ
ﻗﺒﻠﻬﺎ ﺑﻜﻢ ﻳﻮﻡ ﺍﻥ ﺳﻨﻪ ﻫﺬﻱ ﻭﺑﻌﺪﻫﺎ ﻳﺒﻲ ﻳﺸﻮﻑ ﺣﺎﻻ ﻭﻳﺰﻭﺝ
ﻟﻜﻦ ﻫﻤﺎ ﺍﺳﺘﻌﺠﻠﻮ ﻭﺯﺭﻭ ﻋﻠﻴﻪ
ﻣﻌﺘﺼﻢ : ﻣﺶ ﻭﺟﻌﺘﻨﻲ ﺍﻻ ﺭﺍﻗﺪﺕ ﺍﻟﺮﻳﺢ ﺍﻟﻲ ﺑﻴﺠﻴﺒﻬﺎ ﻭﺑﻴﻄﻠﻘﻬﺎ ﺑﻌﺪ
ﺷﻬﺮ
ﻫﻴﺜﻢ : ﻋﻠﻴﻚ ﺷﺮﻣﻮﻟﻪ ﺑﺘﺼﻴﺮ
ﻣﻨﺬﺭ: ﺍﻗﺴﻤﻠﻚ ﺑﺎﻟﻠﻪ ﺍﻧﻔﻜﺮ ﻓﻲ ﻳﻮﺳﻒ ﻣﻦ ﻳﻮﻣﺘﻬﺎ ﻭﺭﻗﻴﻠﻲ ﻭﺣﺎﻳﺮ ﻣﻦ
ﺟﻮ ﺍﻟﻲ ﻳﺒﻲ ﻳﺼﻴﺮ
ﻫﻴﺜﻢ : ﺣﺘﻲ ﻫﻮ ﻋﻨﺪﺵ ﺣﻆ ﺍﻟﻌﻴﻞ ﻫﺬﺍ
ﻣﻌﺘﺼﻢ : ﻣﺸﻜﻠﺔ ﻳﻮﺳﻒ ﺍﻳﻮﺩﺭ ﻓﻲ ﺭﻭﺣﺎ ﺑﻌﻨﺎﺩﺍ ﻣﺎﻳﺘﻨﺰﻟﺶ ﺑﻜﻞ
ﻫﻴﺜﻢ : ﺑﺎﻫﻲ ﻗﻮﻟﻮﻟﻲ ﻫﻮ ﻣﺎﺯﺍﻝ ﻳﺒﻲ ﺃﻣﻴﺮﻩ ﻻﻥ ﺍﻧﺎ ﻣﺎﺑﻴﺘﺶ ﻧﺤﻜﻴﻼ
ﻋﻠﻴﻬﺎ
ﻣﻨﺬﺭ: ﺗﻲ ﺍﻟﻲ ﻫﻮ ﻓﻴﻪ ﻫﺬﺍ ﻛﻼ ﺑﺴﺒﺐ ﻣﻦ ﻣﺎﻫﻮ ﺑﺴﺒﺒﻬﺎ ﻫﻴﺎ ﺍﺯﺡ
ﻫﻴﺜﻢ : ﺑﺎﻫﻲ ﺍﻟﺒﻨﺖ ﺍﺟﻮﺯﺕ ﻛﻨﺎ ﻣﺎﺯﺍﻝ ﻋﺎﻟﻖ ﺍﻣﻌﺎﻫﺎ
ﻣﻨﺬﺭ: ﻳﺎﺳﻴﺪﻱ ﻫﺬﺍ ﺣﺐ ﻃﻔﻮﻟﻪ ﻭﻛﺒﺮ ﺍﻣﻌﺎﻩ ﻭﺑﺪﺃ ﻳﻜﺒﺮ ﺍﻣﻌﺎﻩ ﻟﻌﻨﺪ
ﻭﺻﻞ ﻋﻤﺮﺍ 30 ﺳﻨﻪ ﻭﺍﻛﺜﺮ ﻭﺍﻟﺤﺐ ﻫﺬﺍ ﻣﺎﺯﺍﻝ ﻳﻜﺒﺮ ﻋﻨﺪﺍ ﻓﺎ ﻣﻦ
ﻃﺒﻴﻌﻲ ﻣﺎﻳﻨﺴﺶ ﺑﺎﻟﺴﺎﻫﻞ ﻭﻳﺎﺭﻳﺖ ﺣﺘﻲ ﻣﺎﻳﺸﻮﻓﺶ ﻓﻴﻬﺎ ﻣﺸﻜﻠﻪ
ﻗﺪﺍﻣﺎ ﻭﻳﺴﻤﻊ ﻓﻲ ﺍﺧﺒﺎﺭﻫﺎ ﺍﻟﻮﻗﺖ ﻛﻼ ﺣﺘﻲ ﻛﺎﻥ ﻳﺒﻲ ﻳﻨﺴﺎﻫﺎ ﻣﺎﻳﺼﻴﺮ
ﺷﻲ
ﻫﻴﺜﻢ : ﺍﻭﻭﻭﻭﻭﻑ ﻧﻨﻘﻨﺎ ﻋﻠﻴﻚ ﻗﺼﻪ ﺗﻮ ﺷﻦ ﺍﻟﺤﻞ
ﻣﻨﺬﺭ: ﻣﺎﻓﻴﺶ ﺣﻞ ﻟﻬﺎ ﻏﻴﺮ ﺍﻥ ﻳﺠﻮﺯ ﻭﺑﺎﻟﻜﻲ ﺍﻟﻲ ﻳﺠﻴﺒﻬﺎ ﺍﺗﻨﺴﻴﻪ
ﺍﻣﻴﺮﻩ
ﻣﻌﺘﺼﻢ : ﺗﻲ ﺍﻧﺖ ﺗﻔﻬﻢ ﻣﻦ ﻭﻳﻦ ﺗﻲ ﺣﻠﻒ ﺍﻥ ﺑﻌﺪ ﺷﻬﺮ ﻳﻄﻠﻘﻬﺎ
ﻭﺗﻘﻮﻟﻲ ﺗﻮ ﺍﺗﻨﺴﻴﻪ ﺗﻲ ﺣﺘﻲ ﺗﺒﺤﻴﺖ ﻣﺶ ﺣﻴﺒﺤﺖ ﻓﻴﻬﺎ ﻫﺬﻱ
ﻫﻴﺜﻢ : ﺑﺎﻫﻲ ﺷﻦ ﺫﻧﺒﻬﺎ ﺑﺎﻟﻲ ﻳﺒﻲ ﻳﺼﻴﺮ ﺍﻟﻲ ﺗﺒﻲ ﺍﺗﺠﻲ ﻫﺬﻱ
ﻣﺴﻜﻴﻨﻪ ﻋﻠﻴﺶ ﻳﻈﻠﻢ ﻓﻴﻬﺎ ﺍﻣﻌﺎﻩ ﺑﻴﻌﺎﻭﺩ ﻗﺼﺔ ﺃﺧﺘﻲ ﺃﺣﻼﻡ
ﻣﻌﺘﺼﻢ : ﺷﻜﻼ ﺑﻴﻌﺎﻭﺩ ﻗﺼﺔ ﻋﻤﺘﻲ
ﻣﻨﺬﺭ: ﻭﺍﻟﻠﻪ ﻣﺎﻋﺎﺩ ﻋﺮﻓﺖ ﻛﻴﻒ . ﺷﻦ ﺍﻧﺪﻳﺮﻭﻻ ﻣﻦ ﺣﻞ ﻳﻌﻨﻲ
ﻫﻴﺜﻢ : ﺧﻠﻮﻩ ﺷﻮﺭﻱ ﺗﻮﺍ ﻧﺤﻜﻲ ﺍﻣﻌﺎﻩ ﻭﻳﻔﻜﻨﺎ ﻣﻦ ﺗﻬﻮﺭ ﻭﻟﻌﻨﺎﺩ ﺍﻣﺘﺎﻋﺎ
ﻣﻨﺬﺭ: ﻧﻨﺼﺤﻚ ﺗﺤﻜﻴﻠﺶ ﺣﻴﺰﻳﺪ ﺍﻳﻌﺎﻧﺪ ﺍﺧﺮﻩ ﻭﻳﺮﻛﺐ ﺭﺍﺳﺎ ﻓﻮﺗﺎ ﻭﺗﻮ
ﻧﻤﺸﻮﻩ ﺑﺎﻟﻤﺴﻴﺴﺎ ﻭﻛﻠﻨﺎ ﺍﻧﺪﻳﺮﻭ ﺍﺭﻭﺣﻨﺎ ﺍﻣﻌﺎﻩ ﻣﺶ ﺿﺪﺍ ﻭﻧﺄﺧﺬﻭﻩ
ﺑﺎﻟﺸﻮﻳﺶ ﺗﻮ ﻳﻠﻴﻦ ﺍﻣﻌﺎﻧﺎ ﺧﻮﻳﺎ ﻭﻧﻌﺮﻓﺎ ﻃﺒﻌﺎ ﻫﻜﻲ
ﻣﻌﺘﺼﻢ : ﺻﺎﺡ ﻛﻼﻡ ﻣﻨﺬﺭ ﻧﺄﺧﺬﻭﻩ ﺑﺎﻟﻬﺪﻭﺃ
ﻫﻴﺜﻢ : ﻻ ﺍﻧﺎ ﻣﺎﻧﻴﺶ ﺍﻣﻌﺎﻧﺪﺍ ﺑﺲ ﺑﻨﺤﻜﻴﻼ ﻉ ﺑﻨﺖ ﺍﻟﻲ ﺑﻴﺠﻴﺒﻬﺎ
ﻣﺎﻳﻈﻠﻤﻬﺶ ﺍﻣﻌﺎﻩ ﻭﻳﺄﺧﺬ ﺫﻧﺒﻬﺎ ﻭﻳﻐﻠﻂ
ﻣﻨﺬﺭ: ﻻ ﺍﻭﻛﻲ ﻉ ﺍﻟﺒﻨﺖ ﺧﻠﻴﻪ ﻳﻘﺮﺭ ﻫﻮ ﺑﺲ ﻭﺗﻮ ﻧﻘﻌﺪﻭ ﻧﺤﻜﻮﻻ ﻋﻠﻴﻬﺎ
ﺑﺸﻮﻳﺎ ﻟﻌﻨﺪﺍ ﻳﻘﺘﻨﻊ ﻏﻴﺮ ﺧﻠﻴﻪ ﻳﺠﻴﺒﻬﺎ ﻭﺳﺎﻫﻞ
ﻣﻌﺘﺼﻢ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻫﻴﺜﻢ : ﺍﻥ ﺷﺎﺀ ﺍﻟﻠﻪ
~~~~~~~~~~~~~
ﺍﻳﻤﻦ : ﺧﻼﺹ ﺣﺒﻴﺒﻲ ﺗﺒﻴﺶ ﺷﻲ
ﻫﺪﻱ: ﻻﻻ ﺳﻼﻣﺘﻚ ﺑﺲ ﻟﻤﺎ ﺗﻮﺻﻞ ﻃﻤﻨﻲ ﻋﻠﻴﻚ
ﺍﻳﻤﻦ : ﺣﺎﻇﺮ ﻭﺍﻧﺘﻲ ﺭﺩﻱ ﺑﺎﻟﻚ ﻉ ﺭﻭﺣﻚ ﺑﺎﻫﻲ ﺗﺸﻐﻠﻴﻨﻴﺶ ﻋﻠﻴﻚ
ﻫﺪﻱ: ﺣﺎﻇﺮ
ﺍﻳﻤﻦ : ﻃﺒﺲ ﻋﻠﻲ ﻫﺪﻱ ﻭﺑﺎﺱ ﻉ ﺭﺍﺳﻬﺎ ﻭﺣﺐ ﻉ ﻳﺪﻫﺎ . ﺍﻧﺤﺒﻚ
ﻫﺪﻱ: ﺣﺘﻲ ﺍﻧﺎ
ﺍﻳﻤﻦ : ﺧﻼﺹ ﺧﻠﻴﻨﻲ ﻧﻄﻠﻊ ﺭﺍﻩ ﺍﻧﺒﺎﺕ ﻫﻨﺎ ﻭﺣﻴﺎﻩ ﻣﻘﻄﻤﺮﻳﻨﻬﺎ ﺑﺮﺍ
ﻣﺴﻜﻴﻨﻪ ﻣﻦ ﺑﺪﺭﻱ
ﻫﺪﻱ: ﻫﻬﻬﻬﻬﻪ ﺧﻼﺹ ﻳﺎﺭﻭﺣﻲ ﺑﺎﻱ
ﺍﻳﻤﻦ : ﺑﺎﻱ
ﻭﻃﻠﻊ ﺍﻳﻤﻦ ﻭﺻﺎﻧﻲ ﻉ ﻫﺪﻱ ﻭﺭﻭﺡ ﻭﺍﻧﺎ ﺧﺸﻴﺖ ﻉ ﻫﺪﻱ ﺳﻠﺤﺖ
ﻋﺒﺎﻳﺘﻲ ﻭﺍﻳﺸﺎﺭﺑﻲ ﻭﺍﺗﻜﻴﺖ ﺟﻨﺒﻬﺎ ﻉ ﺳﺮﻳﺮ
ﻫﺪﻱ: ﺯﻋﻤﻚ ﺑﺎﺗﻲ ﻣﺎﺳﻤﻌﺶ
ﺍﻧﺎ : ﻻﻻ ﻣﺎﻫﻮ ﺑﺎﻳﺖ ﺑﺮﺍ ﻣﺴﻜﻮﻩ ﺍﻟﻌﺮﺏ ﻗﺎﻟﻮﻻ ﻃﺮﻳﻖ ﻃﻮﻳﻼ ﻭﺍﻟﻠﻴﻞ
ﻭﺍﻟﻠﻪ ﻣﺎﻧﻚ ﻣﺮﻭﺡ ﻟﺒﻨﻐﺎﺯﻱ ﺍﻟﻴﻮﻡ ﺑﺎﺕ ﻫﻨﺎ
ﻫﺪﻱ : ﺍﻫﺎ ﺍﺻﻼ ﻛﺎﻥ ﻣﺎﻫﻀﺎ ﺟﺎ ﺭﺍﻩ
ﺍﻧﺎ : ﺍﻫﺎ ﺭﺍﻩ ﺟﺎ ﻭﺑﻜﺎ ﺍﺷﻮﻳﻪ ﻭﺭﻭﺡ ﻣﺎﺩﺍﺭ ﺷﻲ
ﻫﺪﻱ: ﻣﻌﺎﻙ ﺍﻟﺤﻖ ﺍﻥ ﺑﺎﺗﻲ ﻗﺎﺳﻲ ﻭﻫﻜﻲ ﻭﺍﻟﻲ ﻳﻬﻤﻮﻩ ﻟﻌﻴﺎﻝ ﺍﻛﺜﺮ
ﻣﻨﺎ ﺑﺲ ﻣﺎﻋﻨﺪﻧﺎ ﻣﺎﻧﺪﻳﺮﻭ ﻭﺍﻟﺪﻳﻨﺎ ﻭﻻﺯﻡ ﻧﺤﺘﺮﻣﻮﻩ
ﺍﻧﺎ : ﺷﻦ ﺍﺗﺤﻘﻲ ﻓﻴﺎ ﺿﺮﺑﺘﺎ ﻗﺎﻋﺪﺍ ﻣﺤﺘﺮﻣﺘﺎ ﻭﻣﻬﻤﺎ ﻳﻜﻮﻥ ﺑﺎﺗﻲ ﻉ ﻋﻴﻨﻲ
ﻭﺭﺍﺳﻲ ﺑﺲ ﻭﺟﻌﺘﻨﻲ ﻣﻨﺎ ﻣﺎﻳﻔﻜﺮﺵ ﻓﻴﻨﺎ ﻭﺍﺟﺪ ﻭﻻ ﻣﻬﺘﻢ ﺑﻴﻨﺎ
ﻫﺪﻱ: ﺍﻟﻠﻪ ﻏﺎﻟﺐ ﺭﺑﻲ ﻳﻌﻮﺿﻨﺎ ﺑﺨﻴﺮ ﺍﻥ ﺷﺎﺀ ﺍﻟﻠﻪ ﻭﺭﺑﻲ ﻛﺮﻳﻢ
ﺍﻧﺎ : ﻭﻧﻌﻢ ﺑﺎﻟﻠﻪ
ﻫﺪﻱ: ﻫﻮ ﻋﻴﺴﻲ ﺷﺎﻳﻞ ﺑﺎﺗﻲ ﺻﺎﺡ
ﺍﻧﺎ : ﺍﻫﺎ ﻳﺎﺭﻳﺘﺎ ﺷﺎﻻ ﻣﻮﺳﻲ ﺍﻟﺒﻬﻴﻢ ﻫﺬﺍ ﻉ ﺍﻗﻞ ﻋﻴﺴﻲ ﻣﺮﻩ ﻣﺮﻩ ﻳﺤﻦ
ﺍﺷﻮﻳﻪ
ﻫﺪﻱ: ﻣﺎﻓﻲ ﻟﺨﺮﺍ ﺧﻴﺮﺍ
ﺍﻧﺎ : ﺻﺪﻗﺘﻲ . ﻫﻬﻬﻬﻪ
ﻫﺪﻱ: ﻫﻬﻬﻬﻬﻪ ﺧﻼﺹ ﺧﻠﻴﻨﺎ ﺍﻧﺮﻗﺪﻭ ﺑﻴﺶ ﻧﻄﻠﻌﻮ ﺑﻜﺮﻩ ﻧﻜﺮﻩ
ﻣﺴﺘﺸﻔﻲ
ﺍﻧﺎ : ﺧﻼﺹ ﺗﺼﺒﺤﻲ ﻉ ﺧﻴﺮ
ﻫﺪﻱ: ﻛﻨﻚ ﻣﺴﺘﻌﺠﻼ ﺑﺘﺤﻠﻤﻲ ﺏ ﺑﻮ ﻋﻴﻮﻥ ﺳﻮﺩ
ﺍﻧﺎ : ﻫﻬﻬﻬﻬﻪ ﻣﺎﺗﺨﻄﺮﻳﻬﺶ ﻋﻠﻴﺎ ﺍﺳﻜﺘﻲ
ﻫﺪﻱ: ﺣﻲ ﻛﺒﺪﻧﺎ ﺷﻜﻠﻨﺎ
ﺍﻧﺎ : ﻳﻬﺒﻞ ﺍﺻﻼ ﺷﻔﺘﻴﺶ ﻋﻴﻮﻧﺎ ﻭﺗﺒﺤﻴﺘﺎ ﺍﻟﻲ ﻳﺪﻳﺮ ﻓﻴﻬﺎ ﻭﻃﻮﻻ ﻭﻋﺮﺿﺎ
ﻫﺪﻱ: ﺣﻲ ﻳﺎﺣﻲ ﺗﺨﻄﺮﻳﺶ ﻋﻠﻴﺎ ﺍﻳﻤﻦ ﺭﺍﻧﻲ ﺍﻧﻘﻮﻻ ﺭﺩ ﺍﺳﻜﺘﻲ
ﺍﻧﺎ : ﺧﺰﻳﻪ ﺻﺎﻳﻌﺎ ﺣﻖ ﻓﻴﺶ ﺍﺗﻔﻜﺮ
ﻫﺪﻱ: ﻳﺎﻧﺎ ﻋﻠﻴﺎ ﻣﻨﺎ ﺗﻤﻨﻴﺘﺎ ﻣﺎﻳﺮﻭﺣﺶ ﺑﻜﻞ ﺣﻨﻮﻥ ﻭﻃﻴﺐ ﻋﻠﻴﺎ ﻭﺧﺎﻑ
ﻭﺍﻟﺨﻮﻑ ﻓﻲ ﻋﻴﻮﻧﺎ ﺑﺎﻳﻦ
ﺍﻧﺎ : ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ ﺍﻥ ﺷﺎﺀ ﺍﻟﻠﻪ
ﻫﺪﻱ: ﺍﻥ ﺷﺎﺀ ﺍﻟﻠﻪ ﻳﺎﺭﺏ ﻭﻳﺴﺨﺮﻟﻚ ﺣﺘﻲ ﺍﻧﺘﻲ ﺍﻟﻲ ﻳﺤﺒﻚ ﻭﻳﻜﺒﺪ
ﺍﻧﺎ : ﺧﻼﺹ ﺍﺳﺴﺲ ﻧﺒﻲ ﻧﺮﻗﺪ ﺗﻤﺮﻗﺪﻱ
ﻫﺪﻱ: ﺑﺎﻫﻲ
ﻭﻏﻤﻀﺖ ﺍﻋﻴﻮﻧﻲ ﻭﺍﻧﺎ ﺍﻧﻔﻜﺮ ﻓﻲ ﻳﻮﺳﻒ ﻭﻓﻲ ﻋﻴﻮﻧﺎ ﻭﻣﺶ ﻋﺎﺭﻑ ﻟﻴﺶ
ﺗﻤﻴﺖ ﺍﻧﻔﻜﺮ ﻓﻴﻪ ﻭﻧﺘﺨﺎﻳﻞ ﻓﻴﻪ ﻭﻟﻤﺎ ﻧﺴﻤﻊ ﺍﺳﻤﺎ ﻭﻻ ﺣﺎﺟﻪ ﻋﻠﻴﻪ
ﻧﺒﺘﺴﻢ ﻭﻧﺤﺲ ﻓﻴﻪ ﻛﺄﻥ ﻳﻬﻤﻨﻲ ﻭﻳﻌﻨﻴﻠﻲ
ﻓﻬﻤﺘﺶ ﺍﻻﺣﺴﺎﺱ ﻭﺍﻟﺸﻌﻮﺭ ﺍﻟﻐﺮﻳﺐ ﺍﻟﻲ ﺻﺎﻳﺮﻟﻲ ﻣﻦ ﻧﺤﻴﺘﺎ ﺍﻭﻝ ﻣﺮﻩ
ﻳﺠﻴﻨﻲ
~~~~~~~~~~~~~~
ﻳﻮﺳﻒ: ﺍﻟﺴﻼﻡ ﻋﻠﻴﻜﻢ
ﺍﻟﺸﺒﺎﺏ : ﻭﻋﻠﻴﻜﻢ ﺍﻟﺴﻼﻡ
ﻳﻮﺳﻒ: ﻗﻌﻤﺰ ﺟﻨﺐ ﻣﻌﺘﺼﻢ ﻭﻗﺎﺑﻞ ﻫﻴﺜﻢ ﻭﻣﻨﺬﺭ
ﺷﻦ ﺟﻮﻛﻢ ﺷﻦ ﺍﻻﻣﻮﺭ
ﻫﻴﺜﻢ ﻭﻣﻨﺬﺭ: ﺗﻤﺎﻡ
ﻳﻮﺳﻒ: ﻛﻴﻒ ﻓﻴﺼﻞ ﻣﺎﺯﺍﻝ ﻣﺎﺟﺎ
ﻣﻨﺬﺭ: ﻻ ﺷﻜﻼ ﻣﺎﺯﺍﻝ ﻓﻲ ﺍﻟﻌﻴﺎﺩﻩ
ﻫﻴﺜﻢ : ﺷﻦ ﺟﻮﻙ ﺍﻧﺖ ﻭﻏﻤﺰ ﻟﻴﻮﺳﻒ
ﻳﻮﺳﻒ: ﻭﺍﻟﻠﻪ ﻣﺎﺷﻲ ﺍﻟﺤﺎﻝ ﺗﻤﺎﻡ ﻛﻨﻚ
ﻫﻴﺜﻢ : ﺳﻤﻌﺖ ﻋﺮﺳﻚ ﻣﻊ ﻣﻨﺬﺭ
ﻳﻮﺳﻒ: ﺣﻂ ﻣﻔﺎﺗﻴﺢ ﺍﻟﺴﻴﺎﺭﻩ ﻭﺍﻟﻔﻮﻥ ﻭﺩﺧﺎﻥ ﻉ ﻃﺎﻭﻟﻪ
ﺍﻫﺎ ﺍﻥ ﺷﺎﺀ ﺍﻟﻠﻪ
ﻫﻴﺜﻢ : ﻭﻛﻴﻒ ﺷﻦ ﺻﺎﺭ
ﻳﻮﺳﻒ: ﻭﻫﻮ ﻳﻮﺧﺮ ﻭﻳﺤﻂ ﺍﻳﺪﻳﻪ ﻭﺭﺍﻩ ﺭﺍﺳﺎ ﻭﻳﺘﻜﻲ ﻟﻮﺭﺍ
ﻣﺎﺻﺎﺭ ﺷﻲ ﺑﺲ ﺃﻭﺍﻣﺮ ﻋﻠﻴﺎ ﻣﻦ ﺍﻟﺤﺎﺝ ﻋﻠﻲ ﻭﺍﻧﺎ ﻭﺍﻓﻘﺖ ﻣﺒﺪﺋﻴﻦ ﻻﻥ
ﺣﻠﻒ ﺑﻄﻼﻕ ﺑﺲ ﺑﻌﺪﻫﺎ ﺍﻧﺪﻳﺮ ﺍﻟﻲ ﺍﻧﺎ ﻧﺒﻴﻪ
ﻫﻴﺜﻢ : ﻭﺷﻦ ﺑﺪﻳﺮ ﺍﻧﺖ
ﻳﻮﺳﻒ: ﺷﻲ ﻣﺶ ﻳﺒﻴﻨﻲ ﻧﺠﻮﺯ ﺣﻨﺠﻮﺯ ﺑﺲ ﺍﻧﺨﻠﻴﻬﻢ ﻳﻨﺪﻣﻮ ﻋﺎﻟﻴﻮﻡ ﺍﻟﻲ
ﺟﻮﺯﻭﻧﻲ ﻓﻴﻪ
ﻫﻴﺜﻢ : ﺑﺎﻫﻲ ﺷﻦ ﺑﺪﻳﺮ ﻳﺎﺭﺍ ﺍﺣﻜﻲ
ﻳﻮﺳﻒ: ﻛﻞ ﺷﻲ ﻓﻲ ﻭﻗﺘﺎ ﺣﻠﻮ ﻭﺍﻧﺎ ﺭﺍﻧﻲ ﻧﻌﺴﺎﻥ ﻭﻫﻠﻜﺎﻥ ﺑﻜﻞ ﺑﻜﺮﻩ
ﻧﺤﻜﻮ ﻭﻣﻮﺿﻮﻉ ﻫﺬﺍ ﻳﻤﺰﻁ ﻓﻴﺎ ﻋﻨﺪﻳﺶ ﻧﻴﻪ ﺣﺘﻲ ﻧﺤﻜﻲ ﻓﻴﻪ
ﻫﻴﺜﻢ : ﻣﺎﺷﻲ ﺗﻢ ﺑﺲ ﺭﺍﻩ ﺑﻜﺮﻩ ﺑﻴﻨﺘﻨﺎ ﻛﻼﻡ ﺍﻧﺎ ﻭﺍﻧﺖ
ﻳﻮﺳﻒ: ﺍﻥ ﺷﺎﺀ ﺍﻟﻠﻪ . ﻭﺻﺒﺎ ﺧﺬﺍ ﺣﺎﺟﺎﺗﺎ ﻣﻦ ﻋﺎﻟﻄﻮﻻ
ﻳﻮﺳﻒ: ﻫﻴﺎ ﻳﺎﺟﻤﺎﻋﺎ ﺗﺼﺒﺤﻮ ﻉ ﺧﻴﺮ
ﺷﺒﺎﺏ : ﻗﺪﺍﻣﻚ ﺍﻟﺨﻴﺮ
ﻭﻋﺪﺍ ﻳﻮﺳﻒ ﻭﺷﺒﺎﺏ ﺗﻤﻮ ﻣﻘﻌﻤﺰﻳﻦ
ﻣﻨﺬﺭ: ﻣﺶ ﻗﺘﻠﻚ ﻳﺎﻫﻴﺜﻢ ﺧﻠﻲ ﻛﻞ ﺷﻲ ﻛﻴﻒ ﻣﺎﻫﻮ ﻭﺧﻠﻴﻨﺎ ﺍﻧﺴﻴﺴﻮﻩ
ﻻﻥ ﻫﻮ ﺗﻮ ﻣﺴﻜﺮ ﺭﺍﺳﺎ ﻭﺍﻧﺖ ﻋﺎﺭﻑ ﻳﻮﺳﻒ ﻳﺤﺒﺶ ﺣﺪ ﻳﻤﺸﻴﻪ ﻉ ﺟﻮﺍ
ﻫﻴﺜﻢ : ﻧﻨﻘﻨﺎ ﺑﻜﻞ ﻓﻲ ﻟﻌﻨﺎﺩ ﺍﻟﻲ ﻣﻦ ﺟﻴﺒﺎ
ﻣﻌﺘﺼﻢ : ﺗﻲ ﺷﺎﻙ ﻓﻴﻪ ﻭﻻﺩ ﺣﺮﺍﻡ
ﻣﻨﺬﺭ: ﺗﻲ ﺍﺳﻜﺖ ﻳﺎﻓﺮﺥ ﺗﻐﻠﻂ ﻓﻲ ﺍﻣﻚ
ﻫﻴﺜﻢ : ﻫﻬﻬﻬﻬﻪ ﻣﺴﺦ ﺍﻟﻌﻴﻞ ﻫﺬﺍ
ﻣﻨﺬﺭ: ﻫﻬﻬﻪ ﺗﺎﻓﻪ
ﻣﻌﺘﺼﻢ : ﺍﺻﻼ ﻃﺒﻌﺎ ﻏﺮﻳﺐ ﻏﺎﻣﺾ ﺧﻮﻳﺎ ﻳﻮﺳﻒ ﺻﻌﺐ ﺍﺗﺨﺶ ﻓﻴﻪ
ﻫﻴﺜﻢ : ﺣﻲ ﻋﻠﻴﻚ ﺍﻟﺒﻨﺎﺕ ﻏﺎﻟﻲ ﻋﻠﻴﻬﻦ ﺍﻟﻐﺎﻣﺾ ﺭﺍﻩ
ﻭﻏﻤﺰ ﻫﻴﺜﻢ ﻟﻤﻨﺬﺭ
ﻣﻌﺘﺼﻢ : ﻭﺍﻟﻠﻪ ﺟﺪﻳﺎﺕ
ﻣﻨﺬﺭ: ﺍﻫﺎ ﺟﺪﻳﺎﺕ ﺻﺎﺡ ﻳﺤﺒﻨﺶ ﺍﻟﻌﻴﻞ ﺍﻟﻲ ﺳﺎﻫﻞ
ﻣﻌﺘﺼﻢ : ﺧﻼﺹ ﻣﻦ ﺑﻜﺮﻩ ﻧﻠﻌﺐ ﺩﻭﺭ ﻳﻮﺳﻒ ﻭﺩﻳﺮﻭﺣﻨﻲ ﻏﺎﻣﺾ ﻭﻧﺪﻳﺮ
ﺟﻮ ﻟﺮﻭﺣﻲ
ﻫﻴﺜﻢ ﻭﻣﻨﺬﺭ: ﻫﻬﻬﻬﻬﻬﻬﻬﻬﻬﻬﻬﻪ
ﻣﻌﺘﺼﻢ : ﻋﻠﻴﺶ ﺗﻀﺤﻜﻮ
ﻣﻨﺬﺭ: ﺗﻲ ﺷﻜﻠﻚ ﺯﻧﺤﺖ ﺭﺳﻤﻲ ﻭﺍﻟﺒﻨﺎﺕ ﻫﺬﻳﻨﺎ ﻳﺒﻦ ﻳﺠﻨﻨﻚ ﺍﻋﻘﻞ
ﻳﺎﺭﺍﺟﻞ ﻭﺗﻘﻌﺪﺵ ﻫﻜﻲ
ﻫﻴﺜﻢ : ﻧﻨﻘﻨﻚ ﺑﻜﻞ ﻣﺎﺗﺤﻤﻠﺶ ﻣﺶ ﻣﻌﻘﻮﻟﻪ ﻫﻜﻲ
ﻣﻌﺘﺼﻢ : ﻧﺸﻬﺪ ﺑﺎﻟﻠﻪ ﺍﻥ ﻣﻊ ﺍﻟﺠﻨﺲ ﺍﻟﻠﻄﻴﻒ ﻧﻀﻌﻒ ﺍﻧﺎ ﻭﻣﺎﻋﻨﺪﻱ
ﻣﻌﻬﻦ ﺭﻭﺡ ﺑﻜﻞ
ﻫﻴﺜﻢ : ﺭﺑﻲ ﻳﻬﺪﻳﻚ ﻭﺧﻼﺹ ﻣﺎﻋﻨﺪﻱ ﻣﺎﻧﻘﻮﻟﻚ
ﻣﻌﺘﺼﻢ : ﺍﺩﻋﻴﻠﻲ ﺭﺑﻲ ﻳﻄﻴﺤﻨﻲ ﻓﻲ ﻃﺮﻑ ﺳﻤﺢ ﻣﺶ ﻣﻔﻬﻮﻡ ﻣﺶ
ﻳﻬﺪﻳﻨﻲ
ﻣﻨﺬﺭ: ﻻ ﻓﺎﻳﻚ ﺭﺳﻤﻲ ﺍﻟﻌﻴﻞ
ﻫﻴﺜﻢ : ﺭﺳﻤﻲ ﺭﺳﻤﻲ ﺍﺧﺮﻩ ﻃﺮﺷﻖ
ﻣﻌﺘﺼﻢ : ﺗﻲ ﺑﺎﻫﻲ ﺍﻭﻛﻲ ﺧﻼﺹ ﺣﺴﺴﺘﻮﻧﻲ ﺗﺤﺒﻮﺵ ﺍﻟﺒﻨﺎﺕ ﺗﻮ ﺍﻧﺘﻢ
ﻫﻴﺜﻢ : ﻻ ﻧﺤﺒﻮﻫﻦ ﻣﻦ ﺍﻟﻲ ﻳﻜﺮﻫﻦ ﺑﺲ ﻣﺶ ﺑﻄﺮﻳﻘﺘﻚ ﺍﻧﺖ
ﻣﻨﺬﺭ: ﻛﻼ ﺍﻧﺎ ﻋﻨﺪﻱ ﻭﺣﺪﻩ ﻏﻨﻴﺘﻨﻲ ﻋﻠﻴﻬﻦ ﻛﻠﻬﻦ
ﻣﻌﺘﺼﻢ : ﻛﻼ ﺍﻧﺎ ﻭﺣﺪﻩ ﺗﻐﻨﻴﻨﻴﺶ ﺑﻨﻘﻌﺪ ﻛﻞ ﻳﻮﻡ ﻭﺣﺪﻩ
ﻫﻴﺜﻢ : ﺗﺤﻜﻲ ﺍﻧﺖ ﻳﺠﻴﻚ ﻳﻮﻡ ﻭﺗﺜﺒﺖ ﻉ ﻭﺣﺪﻩ ﻭﺧﺎﻃﺮﻱ ﻧﻌﺮﻑ ﻣﻦ ﺍﻟﻲ
ﺑﻨﺖ ﺍﻣﻬﺎ ﺍﻟﻲ ﺑﺘﺴﻴﻄﺮ ﻋﻠﻴﻚ
ﻣﻌﺘﺼﻢ : ﻣﺎﻓﻴﺶ ﺑﺲ ﻳﺎﺭﻳﺘﻬﺎ ﺍﺗﺠﻲ ﻛﻨﻬﺎ ﻃﻮﻟﺖ ﺍﻟﻐﻴﺒﺎ
ﻫﻴﺜﻢ : ﻫﻬﻬﻬﻬﻬﻪ ﻻ ﺍﻧﻌﺪﻱ ﻧﺮﻗﺪ ﺧﻴﺮ ﻣﺎﻧﺒﺮﻙ ﻋﻠﻴﻚ ﺍﻧﻌﺠﻨﻚ ﺗﺤﺘﻲ
ﻣﻌﺘﺼﻢ : ﻏﻴﺮ ﺧﻒ ﻋﻠﻴﻨﺎ ﻳﺎﺟﻮﻥ ﺳﻴﻨﺎ
ﻣﻨﺬﺭ: ﻫﻬﻬﻪ ﺗﻢ ﺗﺼﺒﺢ ﻉ ﺧﻴﺮ
ﻫﻴﺜﻢ : ﻗﺪﺍﻣﻜﻢ ﺍﻟﺨﻴﺮ ﺍﻭﻛﻲ
ﻣﻨﺬﺭ: ﻭﺍﻧﺖ ﺗﺒﻴﺶ ﺍﺗﻬﻮﻳﻨﺎ
ﻣﻌﺘﺼﻢ : ﻛﻨﻲ ﻣﻘﻌﻤﺰ ﻉ ﻗﻠﺒﻚ ﺍﺗﺤﻖ ﻓﻴﺎ
ﻣﻨﺬﺭ: ﺑﻨﻜﻠﻢ
ﻣﻌﺘﺼﻢ : ﻭﻣﻦ ﻣﺎﺳﻜﻚ ﻛﻠﻢ
ﻣﻨﺬﺭ: ﺍﻓﻬﻢ ﺍﻟﺠﻮ
ﻣﻌﺘﺼﻢ : ﻗﺎﻋﺪﺍ ﺍﺭﺽ ﺍﻟﻠﻪ ﻭﺍﺳﻌﺎ ﻣﺎﻓﻴﺶ ﺍﻟﻲ ﻳﺎﻻ ﻭﺟﻬﻲ ﺍﺗﻜﻠﻢ ﺍﺭﻛﺐ
ﻟﺪﺍﺭﻙ ﻭﻛﻠﻢ ﻉ ﻛﻴﻔﻚ ﻛﻼ ﺍﻧﺎ ﻣﺶ ﻣﺘﺤﺮﻙ
ﺻﺒﺎ ﻣﻨﺬﺭ ﻭﻛﺎﻥ ﻓﻲ ﻛﺎﺱ ﺍﻣﻴﺎ ﺧﺬﻫﺎ ﻛﺒﺎ ﻋﻠﻲ ﻣﻌﺘﺼﻢ
ﻣﻨﺬﺭ: ﺍﻗﻌﺪ ﻓﻴﻬﺎ ﻳﺎ ...
ﻣﻌﺘﺼﻢ : ﻳﺎﻧﻌﻦ ﺟﺪ ﻓﺎﻳﺘﻚ ﻳﺎﻓﺮﺥ ﺍﻟﺤﺮﺍﻡ
ﻣﻨﺬﺭ: ﻫﻬﻬﻬﻪ ﻭﻋﺪﺍ ﺍﻳﺰﺭ
ﻭﻟﺤﻘﺎ ﻣﻌﺘﺼﻢ ﺍﻳﺰﺭ ﻭﺭﺍﻩ
~~~~~~~~~~~~~
ﺍﺭﻭﻱ: ﻛﻨﻚ ﻃﻮﻟﺖ
ﻓﻴﺼﻞ : ﻭﺍﻟﻠﻪ ﻋﻨﺪﻱ ﻣﺮﺿﺎ ﻭﺍﺟﺪ ﺍﻟﻴﻮﻡ
ﺍﺭﻭﻱ: ﺑﺎﻫﻲ ﺧﺶ ﺩﻭﺵ ﻋﻠﻲ ﻣﺎ ﺩﺭﺗﻠﻚ ﻋﺸﺎﺀ
ﻓﻴﺼﻞ : ﻻﻻ ﻣﺎﻋﻨﺪﻳﺶ ﻧﻴﻪ ﻧﺒﻲ ﺍﻧﺪﻭﺵ ﻭﻧﺮﻗﺪ ﻫﻠﻜﺎﻥ ﺑﻜﻞ ﺍﻟﻴﻮﻡ
ﺍﺭﻭﻱ: ﺑﺎﻫﻲ ﻳﺎﺭﻭﺣﻲ
ﻓﻴﺼﻞ : ﺑﻨﺎﺕ ﺭﻗﺪﻥ
ﺍﺭﻭﻱ: ﺍﻫﺎ ﻣﺤﻮﺗﻚ ﺑﻴﺶ ﺭﻗﺪﻥ ﻳﺎﻣﺎ ﺗﻌﻨﻴﺖ ﺍﻧﺎ ﻭﻳﺎﻫﻦ
ﻓﻴﺼﻞ : ﻣﺮﺍﻳﻒ ﻋﻠﻴﻬﻦ ﺷﻔﺘﻬﻨﺶ ﺍﻟﻴﻮﻡ ﻛﺎﻥ ﺧﻠﻴﺘﻴﻬﻦ ﻭﺍﻋﻴﺎﺕ ﻟﻌﻨﺪ
ﺷﻔﺘﻬﻦ ﻭﺭﻗﺪﺗﻴﻬﻦ
ﺍﺭﻭﻱ: ﻣﺎ ﻳﺎﻋﻤﺮﻱ ﻗﻠﺖ ﺗﻮ ﺍﺗﺠﻲ ﺗﻌﺒﺎﻥ ﻭﻫﻨﺎ ﻳﻘﻌﺪﻥ ﻳﺘﻌﻴﻄﻦ ﻭﺍﻧﺖ
ﺣﺘﻲ ﺭﺍﺱ ﻣﺎﻋﻨﺪﻙ ﻳﻘﻌﺪ ﻟﻬﻨﺎ
ﻓﻴﺼﻞ : ﻻ ﺑﻨﺎﺗﻲ ﻫﺬﻳﻨﺎ ﻳﻘﻌﺪ ﻋﻨﺪﻱ ﻟﻬﻨﺎ ﺭﺍﺱ ﻫﻨﺎ ﻭﺍﻣﻬﻦ
ﺍﺭﻭﻱ: ﺍﺑﺘﺴﻤﺖ ﺭﺑﻲ ﻳﺨﻠﻴﻚ ﻟﻨﺎ
ﻓﻴﺼﻞ : ﻗﺮﺏ ﻣﻦ ﺍﺭﻭﻱ ﻭﻋﻄﻬﺎ ﺑﻮﺳﺎ ﺧﻔﻴﻔﻪ ﻉ ...
ﺍﺭﻭﻱ: ﺧﻼﺹ ﺧﺶ ﻟﻠﺤﻤﺎﻡ
ﻓﻴﺼﻞ : ﺑﺎﻟﻜﻲ ﺗﺒﻴﻨﻲ ﻓﻲ ﺣﺎﺟﻪ
ﺍﺭﻭﻱ: ﻫﻬﻪ ﻻﻻ ﻧﺒﻴﻜﺶ ﻓﻲ ﺷﻲ
ﻓﻴﺼﻞ : ﻏﻴﺮ ﺣﻠﻔﺘﻠﻚ
ﺍﺭﻭﻱ: ﻫﻬﻬﻬﻬﻪ ﻫﻴﺎ ﻳﺎﺳﺎﻣﻂ
ﻭﺧﺶ ﻓﻴﺼﻞ ﺩﻭﺵ ﻭﻃﻠﻊ ﻣﻦ ﺍﻟﺤﻤﺎﻡ ﻭﻋﺰﻕ ﺍﻟﻤﻨﺸﻒ ﻭﺭﻗﺪ ﻉ ﺳﺮﻳﺮ ﻉ
ﺑﻄﻨﺎ ﻭﻏﻤﺾ ﺍﻋﻴﻮﻧﺎ
ﻭﺑﺮﻣﺖ ﺍﺭﻭﻱ ﻉ ﺣﻮﺵ ﻭﻃﻔﺖ ﺍﻟﻀﻮﺍﻳﺎ ﺍﻣﺘﺎﻋﺎ ﻭﺳﻜﺮﺕ ﺑﺎﺏ ﺍﻟﺤﻮﺵ
ﻭﺗﻠﻔﺰﻳﻮﻥ ﻭﺧﺸﺖ ﻉ ﺑﻨﺎﺕ ﺷﻔﺘﻬﻦ ﻭﺭﺩﺕ ﻋﻠﻴﻬﻦ ﺑﺎﺏ ﺍﻟﺪﺍﺭ ﻭﺧﺸﺖ
ﻟﻠﺪﺍﺭ ﻟﻘﺖ ﻓﻴﺼﻞ ﺭﺍﻗﺪ ﻉ ﺳﺮﻳﺮ ﻭﻋﺎﺯﻕ ﺍﻟﻤﻨﺸﻒ ﻭﺿﻲ ﺍﻟﺪﺍﺭ ﻭﺍﻟﻊ
ﻭﺩﺑﺸﺎ ﻃﺎﻳﺢ ﻉ ﺍﺭﺽ
ﻟﻤﺖ ﺍﻟﺪﺑﺶ ﻭﺧﺬﺕ ﺍﻟﻤﻨﺸﻒ ﻧﺸﺮﺍﺗﺎ ﻭﻃﻔﺖ ﺿﻲ ﺍﻟﺪﺍﺭ ﻭﻟﻌﺖ
ﺍﻟﻮﻧﺎﺳﻪ
ﻭﺧﺸﺖ ﻟﻠﺴﺮﻳﺮ ﺟﻨﺐ ﻓﻴﺼﻞ
ﺍﺭﻭﻱ: ﺑﺼﻮﺕ ﻭﺍﻃﻲ . ﺣﺒﻴﺒﻲ
ﻓﻴﺼﻞ : ﻫﻤﻤﻤﻢ
ﺍﺭﻭﻱ: ﻭﻫﻲ ﺍﺗﻤﻠﺲ ﻉ ﺷﻌﺮ ﻓﻴﺼﻞ . ﺭﻗﺪﺕ
ﻓﻴﺼﻞ : ﻻﻻ ﻭﺍﻋﻲ ﺑﺲ ﺟﺴﻤﻲ ﻣﺘﻜﺴﺮ ﻭﺍﻟﺪﻭﺵ ﺭﺧﺎﻧﻲ
ﺍﺭﻭﻱ: ﺍﻧﺪﻳﺮﻟﻚ ﻣﺴﺎﺝ ﻳﺎﺭﻭﺣﻲ
ﻓﻴﺼﻞ : ﻳﺎﺭﻳﺖ
ﺻﺒﺖ ﺍﺭﻭﻱ ﻭﻗﻌﻤﺰﺕ ﻉ ﺭﻛﺒﻴﻬﺎ ﻭﺗﻤﺖ ﺍﺩﻳﺮ ﻓﻲ ﻣﺴﺎﺝ ﻟﻜﺘﻮﻑ ﻓﻴﺼﻞ
ﻭﻇﻬﺮﺍ ﻭﻣﺮﺍ ﻣﺮﺍ ﺍﻃﺒﺲ ﻋﻨﺪ ﻭﺫﻧﺎ ﻭﺗﻌﻄﻲ ﻓﻴﻪ ﻓﻲ ﺑﻮﺳﺎ ﺧﻔﻴﻔﻪ
ﻭﺗﻬﻤﺴﻼ ﻓﻲ ﻭﺫﻧﺎ ﺍﻧﺤﺒﻚ ﻭﺣﺸﺘﻨﻲ
ﻭﻓﻴﺼﻞ ﺗﺤﻤﻠﺶ ﺣﺮﻛﺎﺕ ﺍﺭﻭﻱ
ﻓﻴﺼﻞ : ﺗﺮﺍ ﺍﺷﻮﻳﻪ
ﺍﺭﻭﻱ: ﻛﻨﻚ
ﻓﻴﺼﻞ : ﺣﻮﻟﻲ ﻳﺪﻙ ﺑﺲ ﺍﺷﻮﻳﻪ
ﺍﺭﻭﻱ: ﻫﺎ
ﺍﻟﺘﻔﺖ ﻓﻴﺼﻞ ﻭﺻﺒﺎ ﻗﻌﻤﺰ ﻉ ﺭﻛﺒﻴﻪ ﻭﻗﺎﺑﻞ ﺍﺭﻭﻱ
ﺍﺭﻭﻱ: ﻓﻬﻤﺘﺶ ﻟﻘﻄﺖ ﻓﻴﺼﻞ ﺍﻟﻲ ﻛﺎﻥ ﻟﺒﺲ ﺷﺮﺕ ﻭﻣﻦ ﻓﻮﻕ ﻋﺮﻳﺎﻥ
ﺍﺭﻭﻱ: ﻛﻨﻚ
ﻓﻴﺼﻞ : ﻛﺎﻥ ﻣﻘﻌﻤﺰ ﻉ ﺭﻛﺒﻴﻪ ﻭﺍﺭﻭﻱ ﻣﻘﺒﻠﺘﺎ ﺍﻣﻘﻌﻤﺰﺍ ﻉ ﺭﻛﺒﻴﻬﺎ
ﻓﻴﺼﻞ : ﺍﻧﺎ ﻗﺘﻠﻚ ﺗﻌﺒﺎﻥ ﻭﺩﻳﺮﻳﻠﻲ ﻣﺴﺎﺝ
ﻭﺍﻧﺘﻲ ﺩﻳﺮﺗﻴﻠﻲ ﺑﺲ ﻟﻴﺶ ﺍﻟﺸﻴﻄﺎﻧﻪ ﺍﻟﻲ ﺍﺩﻳﺮﻱ ﻓﻴﻬﺎ ﺍﻩ
ﺍﺭﻭﻱ: ﺯﺭﺗﻬﺎ ﺍﻟﻀﺤﻜﺎ ﻭﻟﻌﺒﺖ ﺩﻭﺭ ﺍﻟﻌﺒﻴﻄﺎ . ﻣﺎﺩﺭﺕ ﺷﻲ ﻳﺎﺭﻭﺣﻲ
ﻋﺎﺩﻱ
ﻓﻴﺼﻞ : ﺍﻫﺎ ﻋﺎﺩﻱ ﺻﺎﺭ ﺍﻩ
ﺗﺒﻲ ﻫﻜﻲ ﺍﻧﺘﻲ ﺻﺎﺡ
ﻭﺯﻗﺐ ﻉ ﺍﺭﻭﻱ ﻃﻴﺤﻬﺎ ﻉ ﻇﻬﺮﻫﺎ ﻭﺟﺎ ﻓﻮﻗﻬﺎ
ﻳﻌﻨﻲ ﺍﻧﺘﻲ ﺻﺤﺼﺤﺘﻴﻨﻲ ﺗﺒﻲ ﻫﻜﻲ ﺻﺎﺡ
ﺍﺭﻭﻱ: ﺗﻀﺤﻚ . ﺍﻫﺎ ﻻﻥ ﺭﺍﻳﻔﺖ ﻋﻠﻴﻚ
ﻓﻴﺼﻞ : ﺣﺘﻲ ﺍﻧﺘﻲ ﻭﺣﺸﺘﻴﻨﻲ ﺑﺲ ﻛﻨﺖ ﺗﻌﺒﺎﻥ ﻟﻜﻦ ﻣﺎﻗﺪﺭﺗﺶ ﺍﻧﻘﺎﻭﻣﻚ
ﻳﺎ ﺷﻴﻄﺎﻧﺘﻲ
ﺍﺭﻭﻱ: ﺍﻧﺤﺒﻚ
ﻓﻴﺼﻞ : ﻧﻤﻮﺕ ﻋﻠﻴﻚ
ﻭﻧﺰﻝ ﻓﻴﺼﻞ ﻉ ﺭﻗﺒﺖ ﺍﺭﻭﻱ ﺗﻤﺎ ﻳﺒﻮﺱ ﻓﻴﺎ ﻭﻳﺮﻗﺎ ﻟﻌﻨﺪ ﻭﺻﻞ ﻓﻲ ﻓﻤﻬﺎ
ﻭﻧﺰﻝ ﻋﻠﻴﻬﺎ ﻭﻋﻄﻬﺎ ﺑﻮﺳﻪ ﻃﻮﻳﻠﻪ
ﻭﺭﺍﺣﻮ ﻓﻲ ﺧﺒﺮ ﻛﺎﻧﺎ ........
~~~~~~~~~~~~~
ﻣﺮﺍً ﻳﻮﻣﻴﻦ ﻭﻃﻠﻌﻨﺎ ﻫﺪﻱ ﻣﻦ ﻣﺴﺘﺸﻔﻲ ﺑﻌﺪ ﻣﺎﻃﻤﻨﻮﻧﺎ ﻋﻠﻴﻬﺎ ﻭﻗﺎﻟﻮ
ﺍﻧﻬﺎ ﻛﻮﻳﺴﺎ ﻭﻋﻠﻤﻬﺎ ﺑﺎﺗﻲ ﻭﺧﺎﻑ ﻋﻠﻴﻬﺎ
ﻭﺍﻭﻝ ﻣﺮﻩ ﻧﺴﺘﻐﺮﺑﻮ ﻓﻲ ﺑﺎﺗﻲ ﻳﺪﻳﺮ ﻣﻮﻗﻒ ﻛﻴﻒ ﻫﻜﻲ ﻭﻳﻜﻠﻢ ﻣﻮﺳﻲ
ﻭﻳﻬﺰﺑﺎ ﻭﻳﻘﻮﻻ ﻣﻌﺎﺵ ﺍﺗﻤﺪ ﻳﺪﻙ ﻉ ﺧﻮﺍﺗﻚ ﻻﻧﻬﺎ ﻣﺎﻻﺵ ﺣﻖ ﻳﻤﺪ ﻳﺪﺍ
ﻋﻠﻴﻬﻦ ﻻﻧﻬﻦ ﻉ ﺫﻣﺖ ﺭﺟﺎﻻ ﻭﻋﺎﻳﺒﺎ ﻓﻲ ﺣﻖ ﺑﺎﺗﻲ ﺍﻳﻤﻦ ﻳﻌﻠﻢ ﺍﻥ ﻫﺪﻱ
ﺍﻧﻀﺮﺑﺖ ﻭﺑﺴﺒﺐ ﺍﻟﻀﺮﺑﺎ ﻗﻠﺒﻬﺎ ﻭﺟﻌﻬﺎ ﻭﺧﺸﺖ ﺍﻟﻤﺴﺘﺸﻔﻲ ﻭﻫﻲ
ﺧﻼﺹ ﻉ ﺫﻣﺖ ﺭﺍﺟﻞ ﻭﺍﻳﻤﻦ ﻳﻜﻮﻥ ﺭﺍﺟﻠﻬﺎ
ﻭﻣﺮﺍً ﺍﻟﻴﻮﻣﻴﻦ ﻋﻠﻴﻨﺎ ﻋﺎﺩﻱ ﻻﺟﺪﻳﺪ ﻭﻻ ﺗﻄﻮﺭ ﺍﻟﺤﻴﺎﻩ ﻋﻨﺪﻧﺎ ﺗﻤﺸﻲ ﺑﻤﻠﻞ
ﻭﺭﻭﺗﻴﻦ ﻋﺎﺩﻱ
ﻻﻃﻠﻌﺎ ﻭﻻ ﺧﺸﺎ
ﻛﻨﺖ ﻣﻘﻌﻤﺰﺍ ﺍﻧﺎ ﻭﻫﺪﻱ ﻭﻓﺎﻃﻤﻪ ﻓﻲ ﺟﻨﺎﻥ ﻭﻃﺎﺭﺣﻴﻦ ﺣﺼﻴﺮ ﻭﺷﻠﺘﺎﺕ
ﻭﺟﻨﺒﻨﺎ ﺍﻣﻲ ﺍﺩﻳﺮ ﻓﻲ ﻋﺪﺍﻻ ﻭﻳﺎﻻﻫﺎ ﻣﺒﺮﻭﻛﻪ ﻭﺑﺎﺗﻲ ﻛﺎﻥ ﻃﺎﺭﺡ ﺍﻟﺼﻼﻳﺎ
ﻭﺑﻌﻴﺪ ﻋﻠﻴﻨﺎ ﻭﻳﺼﻠﻲ ﻓﻲ ﻟﻌﺸﺎﺀ
ﻭﻣﻊ ﺧﺸﺖ ﻣﻮﺳﻲ ﻭﻋﻴﺴﻲ
ﻭﻣﻌﻬﻢ ﻋﻴﺎﻟﻬﻢ ﺍﻟﻲ ﺍﻧﻄﻠﻘﻮ ﻓﻲ ﻟﺠﻨﺎﻥ ﻭﻗﻠﺒﻮ ﺍﻟﺪﻧﻴﺎ
ﻭﻧﺰﻟﻦ ﺍﻣﻞ ﻭﻛﺮﻳﻤﻪ ﻣﺮﺍﺕ ﻋﻴﺴﻲ ﺍﻟﻲ ﻛﺎﻧﺖ ﻃﻴﺒﻪ ﻭﻓﻲ ﺣﺎﻟﻬﺎ
ﻧﻮﻋﻴﺘﻬﺎ ﺳﺎﻟﺒﻴﻪ
ﻣﻮﺳﻲ : ﺧﻴﺮ ﻋﻠﻴﻜﻢ ﻳﺎﺟﻤﺎﻋﺔ ﺍﻟﺨﻴﺮ
ﻧﺤﻨﺎ : ﺧﻴﺮ
ﻭﺳﻠﻤﻮ ﻋﻠﻴﻨﺎ ﻭﻗﻌﻤﺰﻭ ﻭﺻﺒﺖ ﻓﺎﻃﻤﻪ ﺟﺎﺑﺖ ﺷﻠﺘﺎﺕ ﺍﺯﻳﺪﺍ ﻟﻬﻤﺎ ﺑﻴﺶ
ﻳﻘﻌﻤﺰﻭ
ﻋﻴﺴﻲ : ﺗﻘﺒﻞ ﺍﻟﻠﻪ ﻳﺎﺑﺎﺗﻲ
ﺑﺎﺗﻲ : ﻣﻨﻚ ﻭﻣﻨﻚ
ﻛﻠﻨﺎ : ﺗﻘﺒﻞ ﺍﻟﻠﻪ
ﺑﺎﺗﻲ : ﻣﻨﺎ ﻭﻣﻨﻜﻢ ﺻﺎﻟﺢ ﺍﻻﻋﻤﺎﻝ
ﻣﻮﺳﻲ : ﻗﻌﻤﺰ ﻳﺎﺑﺎﺗﻲ ﻫﻨﺎ ﻧﺒﻲ ﻧﺤﻜﻴﻠﻚ ﻓﻲ ﺣﺎﺟﻪ
ﺑﺎﺗﻲ : ﻭﻫﻮ ﻳﻘﻌﻤﺰ ﻳﺎﻟﻠﻪ . ﺧﻴﺮ ﺍﻥ ﺷﺎﺀ ﺍﻟﻠﻪ
ﻣﻮﺳﻲ : ﺣﺼﻠﺖ ﺷﺎﻟﻴﻪ ﻭﻗﺮﺭﻧﺎ ﻧﻤﺸﻮ ﺑﻜﺮﻩ ﻟﻠﺒﺤﺮ ﺍﻧﻐﻴﺮﻭ ﺟﻮﻧﺎ ﻳﻮﻣﻴﻦ
ﺷﻦ ﺭﺍﻳﻚ
ﻧﺤﻨﺎ : ﻓﺮﺣﻨﺎ ﻗﺒﻞ ﻃﺮﻧﺎ ﻻﻥ ﺧﻄﺮﻧﺎ ﺍﻧﻐﻴﺮﻭ ﺟﻮﻧﺎ ﺍﺷﻮﻳﻪ
ﺑﺎﺗﻲ : ﻭﺍﻟﻠﻪ ﻳﻘﻮﻟﻮ ﺍﻟﻌﺮﺏ ﻟﻮﻻ ﺍﻳﺠﻴﻚ ﻃﺮﺏ ﻣﺎﺗﺒﺪﻻ ﺑﻐﻀﺐ
ﻛﺎﻥ ﻋﻠﻴﺎ ﻣﻮﺍﻓﻖ ﺷﻦ ﻳﺎﺣﻮﻳﺠﺎ ﺗﻤﺸﻲ
ﺍﺟﺪﻳﺪﻩ : ﻭﻫﻴﺎ ﺭﻓﻌﺎ ﺑﺮﺍﺩ ﺍﻟﺸﺎﻫﻲ ﻭﺍﺗﺼﺐ ﻓﻲ ﻟﻘﻤﺎ ﻭﺗﺮﺩ ﺍﺗﺤﻂ ﻓﻲ
ﺍﻟﺒﺮﺍﺩ ﻭﺗﻔﺘﺢ ﻓﻲ ﺍﻟﻤﻐﻄﺎ ﻭﺗﺮﻓﻊ ﻓﻲ ﻟﻘﻤﺎ ﻭﺗﺮﺩ ﻓﻲ ﺷﺎﻫﻲ ﻓﻲ ﻟﺒﺮﺍﺩ
ﺑﻴﺶ ﺍﺩﻳﺮ ﻟﻠﻄﺎﺳﻪ ﺷﺎﻫﻲ ﺭﻏﻮﻩ ﻭﻳﺠﻲ ﺳﻤﺢ ﻭﺍﺗﺠﻲ ﻃﺎﺳﻪ ﺍﻣﻘﻨﻄﺎ
ﺍﺟﺪﻳﺪﻩ : ﻭﺍﻟﻠﻪ ﺍﻧﺎ ﻋﺎﺩﻱ ﻧﻤﺸﻲ ﻭﺍﻟﺘﻔﺘﺖ ﻋﻠﻴﻨﺎ ﻟﻘﺖ ﺍﻟﻔﺮﺣﻪ ﻓﻲ ﻋﻴﻮﻧﺎ
ﻭﺍﻓﻘﺖ ﻋﺎﻟﻄﻮﻝ
ﻣﻮﻳﺴﻲ : ﺗﻢ ﻣﻌﻨﺎﻫﺎ ﺑﻜﺮﻩ ﻭﺍﺗﻮ ﺍﺭﻭﺣﻜﻢ ﻃﺎﻟﻌﻴﻦ ﺍﻟﺼﺒﺢ ﺳﺎﻋﻪ ﺳﺒﻌﻪ
ﺗﻘﻌﺪﻭ ﻭﺍﺗﻴﻦ ﻻﻥ ﺷﺎﻟﻴﻪ ﻭﺍﺧﺬﺍ ﻣﻦ ﺍﻭﻟﻴﺪ ﺻﺎﺣﺒﻲ
ﻫﺪﻱ: ﻭﻳﻨﺎ ﺍﻟﺸﺎﻟﻴﻪ ﻳﺎﻣﻮﺳﻲ
ﻣﻮﺳﻲ : ﻓﻲ ﻧﺨﻴﻞ ﺣﺼﻠﺘﺎ
ﺍﻧﺎ ﻭﻓﺎﻃﻤﻪ ﻭﻫﺪﻱ: ﺗﻤﻦ ﻋﻴﻮﻧﺎ ﺍﻗﻠﻮﺏ ﺷﺎﻟﻴﻪ ﻭﺑﺤﺮ ﻭﻓﻲ ﻧﺨﻴﻞ
ﺍﺧﺮﻩ ﻋﻠﻴﻚ ﺟﻮ
ﺍﺻﻼ ﻗﺒﻞ ﺩﻳﻤﺎ ﻳﺸﻴﻠﻮ ﻓﻴﻨﺎ ﻟﻠﻘﻤﻴﻨﺲ ﻭﻻ ﺑﺤﺮ ﺗﻴﻜﺎ ﻭﻣﻜﺎﻥ ﺑﻌﻴﺪ
ﻭﻓﺎﺿﻲ ﻭﻣﺎﻓﻴﻪ ﺣﺪ ﻭﻧﻤﺸﻮ ﺑﻌﺪ ﻭﻳﻦ ﻭﻳﻦ ﻭﻣﺶ ﺩﻳﻤﺎ
ﻓﻜﺎﻥ ﺑﺎﻟﻨﺴﺒﻪ ﻟﻨﺎ ﺣﺎﺟﻪ ﻛﺒﻴﺮﻩ ﺍﻥ ﻧﻤﺸﻮ ﻟﺒﺤﺮ ﺍﻟﻨﺨﻴﻞ ﺩﻳﻤﺎ ﻧﺴﻤﻌﻮ
ﻋﻠﻴﻪ ﻣﻦ ﺟﻴﺮﺍﻧﺎ ﻭﻣﻦ ﺭﺟﺎﻻﺕ ﻓﺎﻃﻤﻪ ﻭﻫﺪﻱ ﻭﻫﺎﺟﺮ ﻫﻠﻬﻢ ﻳﻤﺸﻮﻻ
ﺑﺲ ﻧﺤﻨﺎ ﺍﻭﻝ ﻣﺮﻩ ﻟﻨﺎ ﺍﻧﺎ ﻭﺑﻨﺎﺕ ﻧﻤﺸﻮﻻ ﺍﻻ ﻋﻴﺴﻲ ﻭﻣﻮﺳﻲ ﻳﺄﺧﺬﻭ
ﻓﻲ ﺻﺒﺎﻳﻬﻢ ﻭﻳﻜﺴﺪﻭ ﻋﻠﻴﻪ ﻓﻲ ﺍﻟﻌﺸﻴﻪ ﻛﻢ ﻣﺮﻩ
ﻣﻮﺳﻲ : ﺧﻼﺹ ﺍﺗﻔﻘﻨﺎ ﺷﻴﺎﻟﻮ ﺩﺑﺶ ﺍﻣﻌﺎﻛﻢ ﻭﻓﺮﺍﺷﺎﺕ ﻭﺍﻣﺨﺎﺩ ﻭﺗﻮ ﻧﺄﺧﺬ
ﻣﺼﺮﻑ ﺍﻧﺎ ﻭﻋﻴﺴﻲ ﺗﻮ ﻧﻄﻠﻌﻮ ﻧﺸﺮﻭﻩ ﻭﺑﻜﺮﻩ ﺳﺎﻋﻪ ﺳﺒﻌﻪ ﺗﻜﻮﻧﻮ ﻭﺍﺗﻴﻦ
ﻧﺤﻨﺎ : ﺑﺎﻫﻲ ﺍﻥ ﺷﺎﺀ ﺍﻟﻠﻪ
ﻭﻣﻦ ﺍﻟﻔﺮﺣﺎ ﺧﺸﻴﺖ ﻧﺠﺮﻱ ﺩﺭﺗﻠﻬﻢ ﺍﻟﻌﺸﺎﺀ ﻣﻜﺮﻭﻧﻪ ﺟﺎﺭﻳﻪ ﻭﺗﻌﻴﺸﻨﺎ
ﻛﻠﻨﺎ ﻣﻊ ﺑﻌﻀﻨﺎ ﻭﺧﺸﻴﺖ ﺍﻧﺎ ﻭﺍﻟﺒﻨﺖ ﻏﺴﻠﻨﺎ ﻟﻤﻮﺍﻋﻴﻦ ﻭﺭﻛﺒﻦ ﺍﻣﻞ
ﻭﻛﺮﻳﻤﻪ ﺑﺎﻟﻌﻴﺎﻝ ﻓﻮﻕ ﺭﻗﺪﻥ ﻭﻟﻤﻴﺖ ﺍﻧﺎ ﻭﺑﻨﺎﺕ ﺣﻮﺳﺖ ﻟﺠﻨﺎﻥ
ﻭﺍﺗﻴﻨﺎ ﺍﻓﺮﺷﺎﺕ ﻭﻣﺨﺪﺍﺕ ﻭﻟﻔﻮﺍﻁ ﻭﺭﺑﻄﻨﻬﻦ ﺑﺨﻴﻂ ﻭﺗﻴﻨﺎ ﺳﻜﻮ ﺣﻄﻴﻨﺎ
ﻓﻴﻪ ﺩﺑﺸﻨﺎ ﻭﺣﺎﺟﺎﺗﻨﺎ ﻭﺧﺸﻦ ﺍﻟﺒﻨﺎﺕ ﻳﺸﻠﻄﻦ ﺑﻴﺶ ﻳﻘﻮﻟﻨﻬﺎ ﻟﺨﻄﺒﻴﻨﻬﻢ
ﻭﺍﻧﺎ ﺧﺸﻴﺖ ﺗﻮﺿﻴﺖ ﺑﻴﺶ ﺍﻧﺼﻠﻲ ﻗﻴﺎﻡ ﺍﻟﻠﻴﻞ
ﻭﺍﺟﺪﻳﺪﻩ ﺧﺸﺖ ﺭﻗﺪﺕ
ﻭﺧﺸﻮ ﺑﺎﺗﻲ ﻭﻣﺒﺮﻭﻛﻪ ﺭﻗﺪﻭ ﻭﻗﻌﺪﺕ ﺍﻧﺎ ﻭﻫﺪﻱ ﻭﻓﺎﻃﻤﻪ ﻭﻋﻴﺎﺕ ﻣﻦ
ﻓﺮﺣﺎ
~~~~~~~~~~~~~
ﺍﺑﺮﺍﻫﻴﻢ : ﻛﺎﻥ ﻣﺎﺯﺍﻝ ﺭﺍﻗﺪ
ﺳﺎﻟﻤﻪ : ﻻ ﻧﺎﺽ ﻭﻗﺎﻟﻲ ﺗﻮ ﺍﻧﺠﻴﻜﻢ ﺍﺭﺟﻮﻧﻲ
ﺍﻟﺤﺎﺝ ﻋﻠﻲ: ﺍﻛﻴﺪ ﻓﻲ ﺣﻤﺎﻡ ﻧﺮﺟﻮ ﻧﺤﻨﺎ ﻣﺶ ﺧﺎﺳﺮﻳﻦ ﺷﻲ
ﺧﺶ ﻳﻮﺳﻒ ﻫﻮ ﻭﺳﻴﺪﺍ ﻫﻴﺜﻢ ﻟﻠﻤﺮﺑﻮﻋﺎ ﺍﻣﺘﺎﻉ ﺣﻮﺷﻬﻢ ﻭﻟﻘﺎ ﺟﺪﺍ ﻭﺑﺎﺗﺎ
ﻭﺃﻣﺎ ﻣﻘﻌﻤﺰﻳﻦ ﻳﺮﺟﻮ ﻓﻴﻪ ﻻﻥ ﻫﻮ ﻛﻠﻢ ﺃﻣﺎ ﻭﻗﺎﻟﻠﻬﺎ ﻗﻮﻟﻲ ﻟﺒﺎﺗﻲ ﻳﻜﻠﻢ
ﺟﺪﻱ ﻋﻨﺪﻱ ﻣﻮﺿﻮﻉ ﺑﻨﺤﻜﻴﻠﻬﻢ ﻓﻴﻪ
ﻳﻮﺳﻒ ﻭﻫﻴﺜﻢ: ﺳﻼﻡ ﻋﻠﻴﻜﻢ
ﻛﻠﻬﻢ: ﻭﻋﻠﻴﻜﻢ ﺍﻟﺴﻼﻡ
ﻭﻗﻌﻤﺰ ﻳﻮﺳﻒ ﻣﻘﺎﺑﻞ ﺟﺪﻩ ﻭﺑﺎﺗﺎ ﻭﺃﻣﺎ ﻭﻫﻴﺜﻢ ﻗﻌﻤﺰ ﺑﻌﻴﺪ ﻋﻠﻴﻬﻢ
ﻳﻮﺳﻒ: ﻃﺒﻌﺎ ﻋﺎﺭﻓﻴﻦ ﺍﻟﻤﻮﺿﻮﻉ ﺷﻨﻮ ﺍﻟﻲ ﺣﻜﻴﺘﻠﻲ ﻓﻴﻪ ﻳﺎ ﺟﺪﻱ ﻗﺒﻞ
ﻣﺎﻧﺴﺎﻓﺮ
ﺟﺪﻩ ﻋﻠﻲ : ﺑﺎﻫﻲ
ﻳﻮﺳﻒ: ﻭﺍﻧﺎ ﻭﺍﻓﻘﺖ ﻋﻠﻴﻪ ﻻﻥ ﺣﻠﻔﺖ ﺑﻄﻼﻕ
ﺟﺪﻩ : ﺑﺎﻫﻲ
ﻳﻮﺳﻒ: ﺧﻼﺹ ﻗﺮﺭﺕ ﻧﺠﻮﺯ ﺑﺲ ﺑﻨﺖ ﺑﺨﺘﻴﺎﺭﻱ ﺍﻧﺎ ﺣﺘﻜﻮﻥ
ﺃﻣﺎ ﻭﺑﺎﺗﺎ : ﻓﺮﺣﻮ
ﺟﺪﻩ : ﺍﻛﻴﺪ ﺷﻲ ﻫﺬﺍ ﺑﺮﺣﺘﻚ ﺍﻧﺖ
ﻳﻮﺳﻒ: ﻭﺍﻧﺎ ﻟﻘﻴﺘﻬﺎ ﺍﻟﺒﻨﺖ ﻣﻦ ﻭﺍﻟﻴﻮﻡ ﺑﻨﺤﻜﻲ ﻣﻊ ﻫﻠﻬﺎ ﻭﻟﻮ ﻭﺍﻓﻘﻮ
ﺗﻤﺸﻮ ﺍﻧﺘﻢ ﺗﺨﻄﺒﻮﻫﺎ ﻟﻴﺎ
ﺟﺪﻩ : ﺑﺎﻫﻲ ﺗﻤﺎﻡ ﺑﻨﺖ ﻣﻦ ﻭﻟﻌﻴﺖ ﻣﻦ ﻭﻳﻦ ﻳﺴﻜﻨﻮ
ﻳﻮﺳﻒ: ﻳﺤﻜﻲ ﻭﻫﻮ ﺭﺍﻓﻊ ﺧﺸﻤﺎ ..
ﻫﻤﺎ ﻣﺶ ﻣﻦ ﻋﺎﻳﻠﻪ ﻣﻌﺮﻭﻓﻪ ﻭﺍﻟﻌﺎﻳﻠﻪ ﻉ ﻗﺪ ﺣﺎﻟﻬﺎ ﺑﺲ ﻧﺎﺱ ﻣﺤﺘﺮﻣﻪ
ﻭﻣﺸﺎﺀ ﺍﻟﻠﻪ ﻋﻠﻴﻬﺎ
ﺳﺎﻟﻤﻪ : ﺑﺎﻫﻲ ﻛﺎﻥ ﺧﻠﻴﺘﻨﻲ ﺷﻔﺘﻠﻚ ﻣﻦ ﺑﻨﺎﺕ ﻋﺎﺋﻼﺕ ﺍﻟﻲ ﻧﻌﺮﻓﻮﻫﻢ
ﻳﻮﺳﻒ: ﻫﺬﺍ ﺍﻟﻲ ﻋﻨﺪﻱ ﺍﻧﺎ ﺗﺒﻮ ﺑﺎﻫﻲ ﺗﺒﻮﺵ ﺍﺗﻮﻓﺮﻭ ﻋﻠﻴﺎ ﻭﺍﻧﺎ ﻧﺒﻲ
ﺍﻟﺒﻨﺖ ﻫﺬﻱ ﻛﺎﻥ ﻣﺎﻫﻀﺎ ﻣﺶ ﻣﺠﻮﺯ ﺑﻜﻞ
ﺟﺪﻩ : ﻻﻻ ﺧﻼﺹ ﻳﺎﺳﺎﻟﻤﻪ ﺷﻦ ﻓﻴﻬﺎ ﺍﻟﻤﻬﻢ ﻳﻜﻮﻧﻮ ﻧﺎﺱ ﻛﻮﻳﺴﻴﻦ
ﻭﺍﻟﻔﻘﺮ ﻣﺶ ﻋﻴﺐ ﻣﺎﻓﻴﺶ ﺣﺪ ﻃﻠﻊ ﻣﻦ ﺑﻄﻦ ﺃﻣﺎ ﻏﻨﻲ
ﻳﻮﺳﻒ: ﻭﺍﻟﻐﻨﻲ ﺍﻟﻠﻪ ﻓﻲ ﺍﻻﺧﻴﺮ ﺣﺘﻲ ﻧﺤﻨﺎ ﻓﻘﺮﺃ
ﺟﺪﻩ : ﻭﻧﻌﻢ ﺑﺎﻟﻠﻪ ﻧﺤﻨﺎ ﻣﺶ ﻣﻌﺘﺮﺿﻴﻦ ﻉ ﻣﺴﺘﻮﻫﻢ ﺍﻟﻤﻬﻢ ﺍﻧﺖ ﺍﺗﻜﻮﻥ
ﻣﺘﺮﻳﺢ
ﻳﻮﺳﻒ: ﺭﻓﻊ ﺣﺎﺟﺒﺎ ﻭﻗﺎﻟﻬﺎ ﺑﻬﺰﻭﺃ . ﺍﻳﻮﺍ ﺍﻟﻤﻬﻢ ﺍﻧﺎ ﻣﺘﺮﻳﺢ
ﻫﻴﺜﻢ : ﺯﺭﺗﺎ ﺿﺤﻜﺎ ﻣﻦ ﻛﻼﻡ ﻳﻮﺳﻒ ﻭﺗﺤﺪﻳﻪ ﻟﻠﺠﺪﻩ ﻭﻟﺒﺎﺗﺎ ﻭﻻﻥ ﺍﻟﻲ
ﻳﺪﻳﺮ ﻓﻴﻪ ﻫﺬﺍ ﻛﻼ ﺑﻴﺶ ﻳﻘﻬﺮﻫﻢ ﻭﻳﺮﺍﺿﻲ ﻏﺮﻭﺭﻩ ﻭﻋﻨﺎﺩﺍ ﺑﺲ ﻣﺶ
ﻋﻠﺸﺎﻥ ﺷﻲ ﺍﺧﺮﻩ ﻭﻋﻠﺸﺎﻥ ﻳﻤﺸﻲ ﺍﻟﻲ ﻓﻲ ﺭﺍﺳﺎ ﻭﺍﻟﻲ ﻳﺒﻴﻪ ﻫﻮ
ﺟﺪﻩ : ﺧﻼﺹ ﺷﻮﻑ ﺷﻦ ﻳﺼﻴﺮ ﺍﻣﻌﺎﻙ ﻳﻮﺍﻓﻘﻮ ﻭﻻ ﻻ ﻭﻗﻮﻟﻠﻨﺎ ﺍﻣﺘﺎ ﺍﻧﺠﻮ
ﻧﺨﻄﺒﻮ
ﺳﺎﻟﻤﻪ : ﻭﻋﻠﻴﺶ ﺑﻴﺮﻓﻀﻮﻩ ﺟﺎﻳﻬﻢ ﻋﺮﻳﺲ ﻛﻠﻬﻢ ﻳﺘﻤﻨﻮﻩ ﻟﺒﻨﺎﺗﻬﻢ
ﻳﻮﺳﻒ: ﻣﺎﻋﺪﻟﺶ ﻉ ﻛﻼﻡ ﺃﻣﺎ ﺍﻟﻲ ﻛﺎﻥ ﻋﺮﻓﺎ ﺍﺗﻘﻮﻝ ﻓﻴﻪ ﻣﻦ ﻗﻬﺮﻫﺎ
ﻋﻠﻴﻪ ﻻﻥ ﺗﺒﻴﻼ ﺑﻨﺎﺕ ﻧﺎﺱ ﻣﻌﺮﻭﻓﻪ ﻭﻣﻦ ﻣﺴﺘﻮﺍ ﺍﻟﻲ ﻫﻤﺎ ﻓﻴﻪ
ﻳﻮﺳﻒ: ﺧﻼﺹ ﺗﻢ ﺗﻮ ﻧﺸﻮﻓﻬﻢ ﻭﻧﻘﻮﻟﻠﻜﻢ
ﻭﺻﺒﺎ ﻳﻮﺳﻒ ﻫﻴﺎ ﺗﻮﺍ ﺍﻧﺎ ﻋﻨﺪﻱ ﻣﺸﻮﺍﺭ ﺑﻨﺪﻳﺮﺍ ﻧﺘﻼﻗﻮ ﺑﻌﺪﻳﻦ ﺍﻭﻛﻲ
ﻭﻃﻠﻊ ﻳﻮﺳﻒ ﻫﻮ ﻭﻫﻴﺜﻢ ﺍﻟﻲ ﻟﻤﺎ ﻃﻠﻊ ﻣﻦ ﻣﺮﺑﻮﻋﺎ ﻃﺎﺡ ﻉ ﺭﻛﺒﻴﻪ ﻣﻦ
ﺿﺤﻚ ﻉ ﻳﻮﺳﻒ ﻭﺣﺮﻛﺎﺗﺎ ﺍﻟﻲ ﺳﺒﺒﻬﻦ ﻏﺮﻭﺭﻩ ﻭﻛﺒﺮﻳﺎﺀﻩ ﻭﺍﻥ ﺍﻟﻤﻬﻢ
ﻣﺎﺣﺪ ﻳﻤﺸﻲ ﺭﺃﻱ ﻋﻠﻴﻪ ﻓﺎﻣﺴﺘﻌﺪ ﻳﻘﻬﺮ ﺍﻱ ﺣﺪ
~~~~~~~~~~~~~~~~
ﻋﻨﺪﻧﺎ ﻧﺤﻨﺎ
ﻟﻤﻮ ﻋﻴﺴﻲ ﻭﻣﻮﺳﻲ ﺩﺑﺶ ﻓﻲ ﺳﻴﺎﺭﻩ ﻭﺭﻛﺒﻨﺎ ﻧﺤﻨﺎ ﺧﻤﺲ ﻭﺣﺪﺍﺕ ﻣﻦ
ﻟﻮﺭﺍ ﻭﻻﻥ ﺳﻴﺎﺭﻩ ﺍﺻﻐﻴﺮﻩ ﻣﺎﺗﺴﺪﺵ ﺭﻛﺒﻨﺎ ﻓﻲ ﻛﺘﻮﺭ ﺑﻌﻀﻨﺎ ﻭﺭﻛﺒﺖ ﺍﻧﺎ
ﻓﻲ ﻛﺘﺮ ﻓﺎﻃﻤﻪ ﻭﻣﺘﻨﺎ ﻣﻦ ﺿﺤﻚ ﻉ ﻣﻨﻈﺮﺍ
ﻭﻛﺎﻧﻦ ﺳﻴﺎﺭﺗﻴﻦ ﺑﺲ ﻭﺩﻋﻜﻨﺎ ﻓﻴﻬﻦ ﻛﻠﻨﺎ ﻓﻮﻕ ﺑﻌﻀﻨﺎ
ﻭﻣﻊ ﻫﺬﺍ ﻛﻼ ﻛﻠﻨﺎ ﻧﻀﺤﻜﻮ ﻭﻣﺸﻴﻨﻬﺎ ﺑﺠﻮ ﺳﻤﺢ
ﻛﻨﺖ ﺭﻛﺒﺎ ﻣﻊ ﻋﻴﺴﻲ ﻭﻣﺮﺍﺗﺎ ﻛﺮﻳﻤﻪ ﻟﻘﺪﺍﻡ ﻭﻣﻌﻬﺎ ﺍﻋﻴﺎﻟﻬﺎ ﺍﻻﺛﻨﻴﻦ ﻓﻲ
ﻛﺘﺮﻫﺎ ﻭﻣﻦ ﻟﻮﺭﺍ ﺍﻧﺎ ﻭﻫﺪﻱ ﻭﺍﺟﺪﻳﺪﻩ ﻭﻣﻌﺎﻧﺎ ﻓﺎﻃﻤﻪ ﻭﺍﻧﺎ ﻗﻌﻤﺰﺓ ﻉ ﻛﺘﺮ
ﻓﺎﻃﻤﻪ
ﻭﺳﻴﺎﺭﻩ ﺗﺎﻧﻴﻪ ﻣﻮﺳﻲ ﻭﻣﻘﻌﻤﺰ ﺟﻨﺒﺎ ﺑﺎﺗﻲ ﻭﻣﻦ ﻟﻮﺭﺍ ﺃﻣﻞ ﻭﻣﺒﺮﻭﻛﻪ
ﻭﻣﻌﻬﻢ ﺍﺧﺖ ﺃﻣﻞ ﺍﻟﻲ ﻛﺎﻧﺖ ﻣﻦ ﻛﺒﺮﻧﺎ ﻧﺤﻨﺎ ﺍﺳﻤﻬﺎ ﺇﻳﻤﺎﻥ ﻭﻣﻌﻬﻢ
ﻋﻴﺎﻝ ﻣﻮﺳﻲ ﻣﺤﻤﺪ ﻭﺃﺣﻤﺪ
ﻣﺸﻴﻨﺎ ﻭﻛﺎﻧﺖ ﻃﺮﻳﻖ ﻃﻮﻳﻠﻪ ﻭﻟﻤﺎ ﻧﻮﻗﻔﻮ ﻉ ﺳﻤﺎﻓﺮﻭ ﺍﻧﻤﻮﺗﻮ ﻣﻦ ﺿﺤﻚ
ﻻﻥ ﻧﺎﺱ ﻳﺒﺤﺘﻮ ﻓﻴﻨﺎ ﻭﻛﻔﻮﻧﻲ ﺳﻴﺎﺭﻩ ﻣﻔﺘﻮﺡ ﻭﻃﺎﻟﻌﺎﺕ ﻣﻨﺎ ﺍﻟﻔﺮﺷﺎﺕ
ﻭﻋﻴﺴﻲ ﻣﻮﻟﻊ ﺍﻏﺎﻧﻲ ﻃﺒﻌﺎ ﻻﻥ ﻛﺮﻳﻤﻪ ﺗﺒﻲ ﺍﻻﻏﺎﻧﻲ ﻓﺎﻣﻮﻟﻌﻬﻦ
ﻋﻠﺸﺎﻧﻬﺎ ﻭﻓﺎﺗﺤﻴﻦ ﻋﻠﻲ ﻟﻌﺮﻳﺒﻲ
ﻭﻫﺪﻱ ﻭﻓﺎﻃﻤﻪ ﻣﻴﺘﺎﺕ ﻣﻦ ﺿﺤﻚ ﻉ ﻣﻨﻈﺮﻱ ﻭﺷﻜﻠﻲ ﺍﻟﻲ ﻛﺎﻥ ﺭﺍﺳﻲ
ﻭﺍﺻﻞ ﻓﻲ ﺳﻘﻒ
ﻭﺻﻠﻨﺎ ﺑﻌﺪ ﺭﺣﻠﺔ ﺍﻟﻌﺬﺍﺏ ﺍﻟﻲ ﺍﻛﺜﺮ ﻭﺣﺪﻩ ﻋﺎﻧﻴﺖ ﻓﻴﻬﺎ ﺍﻧﺎ ﻭﻓﺎﻃﻤﻪ ﻻﻥ
ﻛﻨﺖ ﻣﻘﻌﻤﺰﺍ ﻉ ﻛﺮﻋﻴﻬﺎ ﻛﺴﺮﺗﻬﻦ ﻟﻬﺎ ﻭﺍﻧﺎ ﻛﻨﺖ ﻣﺶ ﻃﺎﻟﻘﺎ ﻃﻮﻟﻲ
ﻭﺭﺍﺳﻲ ﻣﻠﺘﻮﻱ ﻭﺍﺻﻞ ﻟﻠﺴﻘﻒ ﻓﻜﺎﻧﺖ ﺑﺎﻟﻨﺴﺒﻪ ﻟﻨﺎ ﺭﺣﻠﺔ ﻋﺬﺍﺏ
ﻧﺰﻟﻨﺎ ﻭﻓﺘﺤﺎﻟﻨﺎ ﻣﻮﺳﻲ ﺍﻟﺸﺎﻟﻴﻪ ﻭﺑﺪﻳﻨﺎ ﺍﻧﻈﻤﻮ ﻓﻴﻪ ﻭﺑﻌﺪ ﻛﻤﻠﻨﺎ ﺿﻢ
ﺍﻣﺘﺎﻋﺎ ﻗﻨﺎﻟﻬﻢ ﻧﺰﻟﻮ ﺍﻟﺪﺑﺶ ﻣﻦ ﺳﻴﺎﺭﺍﺕ ﻭﺗﻤﻮ ﻫﻤﺎ ﻳﻨﺰﻟﻮ ﻭﻧﺤﻨﺎ ﺍﻧﺮﺗﺒﻮ
ﻓﻲ ﺩﺑﺶ ﻭﺍﻧﺎ ﻣﺴﻜﺖ ﺍﻟﻤﻄﺒﺦ ﺍﻧﺎ ﻭﻓﺎﻃﻤﻪ ﻭﺗﻤﻴﻨﺎ ﺍﻧﺴﺘﻔﻮ ﻓﻲ ﻣﺼﺮﻑ
ﻭﺍﻟﺨﻀﺮﺍﺀ ﻭﻟﺤﻢ ﻭﺍﻟﺤﺎﺟﺎﺕ ﻓﻲ ﺗﻼﺟﻪ ﻭﺩﻭﺍﻟﻴﺐ
ﻭﻫﺪﻱ ﻭﺻﺒﺎﻳﺎ ﻟﻌﻴﺎﻝ ﻳﺨﺸﺸﻦ ﻓﻲ ﺳﻜﻮﺍﺕ ﻓﻲ ﺩﻳﺎﺭ
ﻭﻟﻌﻴﺎﻝ ﻳﻠﻌﺒﻮ ﻭﺩﻳﺮﻳﻦ ﻫﺮﺟﺎ ﻭﺑﺎﺗﻲ ﻭﻣﻮﺳﻲ ﻭﻋﻴﺴﻲ ﻳﻬﺪﺭﺯﻭ ﻉ ﺷﺎﻟﻴﻪ
ﻛﻤﻠﻨﺎ ﺍﻟﺤﻮﺳﺎ ﻭﻻﻥ ﻛﺎﻥ ﻇﻬﺮ ﺳﺎﻋﻪ 1 ﺑﺪﻳﻨﺎ ﻓﻲ ﻏﺪﺍﺀ ﻭﻫﺪﻱ ﺟﺖ
ﻭﻋﺠﻨﺖ ﺑﻴﺘﺰﺍ ﺑﻴﺶ ﺍﻧﻜﺴﺪﻭ ﻋﻠﻴﻬﺎ ﻓﻲ ﺍﻟﻌﺸﻴﻪ ﻭﻓﺎﻃﻤﻪ ﺩﺍﺭﺍﺕ ﻛﻴﻜﻪ
ﻭﺍﺟﺪﻳﺪﻩ ﻭﻣﺒﺮﻭﻛﻪ ﻭﻋﻴﺴﻲ ﻭﻣﻮﺳﻲ ﻭﺻﺒﺎﻳﺎ ﻟﻤﻮ ﺍﺭﻭﺣﻬﻢ ﻭﻋﺪﻭ ﻉ ﺷﻂ
ﺑﺎﻟﻌﻴﺎﻝ ﺑﻴﺶ ﻳﻌﻮﻣﻮ ﻭﻧﺤﻨﺎ ﺗﻤﻴﻨﺎ ﺍﻧﻮﺗﻮ ﻓﻲ ﺍﻟﺤﺎﺟﺎﺕ
ﻭﺑﺎﺗﻲ ﺍﺗﻜﺎ ﻳﺄﺧﺬ ﻓﻲ ﻏﻔﻮﻩ
ﻛﻤﻠﻨﺎ ﺍﻟﻐﺪﺍﺀ ﻭﻛﻠﻤﻨﻬﻢ ﻳﺠﻮ ﻳﺘﻐﺪﻭ ﻭﺗﻴﻦ ﺻﻔﺮ ﻭﺍﻟﺤﺎﺟﺎﺕ . ﻭﺗﻐﺪﻳﻨﺎ
ﻭﺩﺭﺗﻠﻬﻢ ﻃﺒﻴﺨﺔ ﺑﻄﺎﻃﻪ
ﻭﺧﺸﻴﺖ ﺍﻧﺎ ﻭﺍﻟﺒﻨﺎﺕ ﻭﺣﻠﻔﺖ ﺍﻳﻤﺎﻥ ﺍﺧﺖ ﺍﻣﻞ ﺗﻐﺴﻞ ﻫﻴﺎ ﻟﻤﻮﺍﻋﻴﻦ
ﻭﻏﺴﻠﺘﻬﻦ ﻫﻴﺎ ﻭﻫﺪﻱ
ﻭﺍﻧﺎ ﻭﻓﺎﻃﻤﻪ ﺣﻄﻴﻨﺎ ﺍﻟﻜﻴﻜﻪ ﻓﻲ ﺣﻔﺎﻇﻪ ﻭﺩﺭﺕ ﺍﺳﺒﻮﻝ ﻭﺣﻄﻴﺖ ﻓﻲ
ﻟﺤﻔﺎﻇﺎ ﻭﻃﻠﻌﻨﺎ ﺍﻟﺒﻴﺘﺰﺍ ﻭﻗﺼﺼﻨﻬﺎ ﻭﺣﻄﻴﻨﻬﺎ ﻓﻲ ﺣﻔﻈﺘﻴﻦ ﻭﻛﺎﻧﻮ ﻟﻌﻴﺎﻝ
ﺟﻴﺒﻴﻦ ﻣﻜﺴﺮﺍﺕ ﺣﺘﻲ ﻫﻨﺎ ﺧﺬﻳﻨﻬﻦ ﻭﺩﺭﻧﺎ ﻗﻬﻮﻩ ﻭﻃﻴﺒﻨﺎ ﺷﺎﻫﻲ
ﻭﺣﻄﻴﻨﺎﻩ ﻓﻲ ﺗﺮﻣﺲ
ﻭﺷﻠﻨﺎ ﻣﻌﺎﻧﺎ ﻃﻮﺍﺳﻲ ﺍﻟﻜﻐﻂ ﻟﻠﻘﻬﻮﻩ ﻭﺍﻟﺸﺎﻫﻲ
ﻭﻟﻤﻴﻨﺎ ﺣﻔﻈﺎﺕ ﻭﺗﺮﺍﻣﺲ ﻭﺣﻄﻴﻨﻬﻦ ﻓﻲ ﺳﻠﻪ ﻭﺷﻠﻨﻬﻦ ﻭﻣﺸﻴﻨﺎ ﺑﻴﻬﻦ
ﻉ ﺷﻂ ﻭﻗﻌﻤﺰﻧﺎ ﺑﻴﺶ ﺍﻧﻜﺴﺪﻭ ﻋﻠﻴﻬﻦ ﻏﺎﺩﻱ
ﻭﻛﺎﻥ ﺍﻟﺠﻮ ﺣﻠﻮ ﺑﻜﻞ ﻭﺷﻂ ﻓﻴﻪ ﻧﺎﺱ ﻣﻘﻌﻤﺰﻳﻦ ﻭﻋﻴﺎﻝ ﺧﻮﺗﻲ ﻳﻠﻌﺒﻮ
ﻋﺎﻟﺸﻂ ﻭﻳﻌﻮﻣﻮ ﻭﻧﺤﻨﺎ ﻣﻘﻌﻤﺰﺍﺕ ﺟﻨﺐ ﺑﻌﻀﻨﺎ ﻭﻧﻬﺪﺭﺯﻭ ﻭﻧﻘﺮﻣﻮ ﻭﻛﺎﻥ ﺟﻮ
ﺳﻤﺢ ﺣﺘﻲ ﺧﻮﺗﻲ ﻣﺎﺩﻗﻘﻮﻳﺶ ﻉ ﺧﻤﺎﺭﺍﺕ ﻭﺧﻠﻮﻧﺎ ﻧﻘﻌﺪﻭ ﺑﻠﻬﻦ
ﻭﻋﻄﻮﻧﺎ ﺍﺷﻮﻳﻪ ﻣﻦ ﺭﺣﺘﻨﺎ ﻭﺧﻠﻮﻧﺎ ﺩﻳﺮﺍﺕ ﺟﻮ ﻭﺗﻌﺪﺭﻳﺰ ﻭﺿﺤﻚ ﻭﺟﻮ
ﻭﻧﺤﻨﺎ ﻣﻘﻌﻤﺰﻳﻦ ﺭﻥ ﻣﻮﺑﺎﻳﻞ ﻣﻮﺳﻲ
ﻣﻮﺳﻲ : ﻫﺎ ﻻ ﻭﺍﻟﻠﻪ ﻣﺶ ﻓﻲ ﺍﻟﺤﻮﺵ ﺗﻌﺎﻟﻲ ﻓﻲ ﻧﺨﻴﻞ ﻗﺎﻋﺪ
ﻭﺍﻟﻠﻪ ﺍﺗﺠﻲ ﻋﻠﻴﺎ ﺍﻟﻄﻼﻕ ﺍﺗﺠﻲ ﻛﺎﻥ ﻣﺎﺟﻴﺘﺶ ﺍﻟﻤﺮﺃ ﺗﻄﻠﻖ ﻳﺎﺭﺍﺟﻞ
ﺗﻌﺎﻝ
ﻫﻬﻬﻬﻬﻬﻬﻬﻪ ﺗﻢ ﺗﻢ ﻧﺮﺟﺎﻙ ﻳﺎﻃﻴﺮﻱ ﻫﻴﺎ ﺍﻭﻛﻲ ﺳﻼﻡ
ﻃﺒﻌﺎ ﻛﻠﻨﺎ ﻛﺎﻧﺖ ﻋﻠﻴﻨﺎ ﻋﻼﻣﺔ ﺍﺳﺘﻔﻬﺎﻡ
ﻋﻴﺴﻲ : ﻣﻦ ﺍﻟﻲ ﺑﻄﻠﻖ ﻋﻠﺸﺎﻧﺎ ﺃﻣﻞ
ﺍﻣﻞ: ﻣﻦ ﺍﻟﻲ ﻃﻠﻘﻲ ﻓﻲ ﺍﻳﺪﻳﻪ ﻫﺬﺍ
ﻣﻮﺳﻲ : ﻫﻬﻬﻬﻪ ﻫﺬﺍ ﺻﺎﺣﺒﻲ ﻳﻮﺳﻒ
ﺍﻧﺎ : ﻟﻤﺎ ﻗﺎﻝ ﻳﻮﺳﻒ ﻗﻠﺒﻲ ﺩﻕ ﻭﻓﺮﺣﺖ
ﻫﺪﻱ: ﻧﺨﺰﺗﻨﻲ . ﻭﻳﻦ ﺟﻤﺎﻋﺎ ﻟﺤﻘﻴﻨﺎ ﻫﻨﺎ
ﺍﻧﺎ : ﺍﺳﻜﺘﻲ ﺭﺍﻩ ﻳﺴﻤﻮﻋﻨﺎ
ﻣﻮﺳﻲ : ﻳﺒﻲ ﻳﺠﻴﻨﻲ ﻳﺤﺴﺎﺑﻨﻲ ﻓﻲ ﺍﻟﺤﻮﺵ ﻭﺍﻧﺎ ﺍﻟﻤﺮﻩ ﺍﻟﻲ ﻓﺎﺗﺖ
ﺟﺎﻧﻲ ﻣﺎﺿﻴﻔﺘﺎ ﺷﻲ ﻭﻗﺘﻼ ﻻﺯﻡ ﺍﺗﺠﻲ ﺗﺸﺮﺏ ﻋﻨﺪﻱ ﺣﺎﺟﻪ ﻭﺗﻮ ﻉ
ﺍﺳﺎﺱ ﺑﻴﺠﻲ ﻳﻜﺴﺪ ﻳﺸﺮﺏ ﺣﺎﺟﻪ ﺷﻮﻑ ﺍﻟﺤﻆ ﻧﺤﻨﺎ ﺟﻴﻨﺎ ﻫﻨﺎ ﻭﻟﻤﺎ
ﻗﺎﻟﺘﻬﺎ ﻗﺎﻟﻲ ﺧﻠﻴﻬﺎ ﻣﺮﻩ ﺍﺧﺮﻩ ﺣﻠﻔﺘﻼ ﻻﺯﻡ ﻳﺠﻲ ﺗﻮﺍ
ﻋﻴﺴﻲ : ﺑﺎﻫﻲ ﺍﻳﺠﻲ ﻣﺮﺣﺒﺘﻴﻦ ﺑﻴﻪ ﺍﻟﺨﻴﺮ ﻭﺍﺍﺍﺟﺪ
ﻣﻮﺳﻲ : ﺑﺎﺗﻲ ﻳﺴﻤﻊ ﻓﻲ ﺍﻻﺧﺒﺎﺭ ﻓﻲ ﺷﺎﻟﻴﻪ
ﻣﺒﺮﻭﻛﻪ : ﺍﻫﺎ ﻗﺎﻝ ﻧﺴﻤﻌﻬﻦ ﻭﻧﺠﻴﻜﻢ
ﻫﺪﻱ: ﺍﻧﺨﺸﻮ ﺍﻧﻌﻮﻣﻮ ﻳﺎﻣﻮﺳﻲ
ﻣﻮﺳﻲ : ﻻ ﺍﻟﻴﻮﻡ ﺗﺤﻠﻤﻨﺶ ﺑﺎﻟﻌﻮﺍﻣﺎ ﺑﻜﺮﻩ ﺍﻟﺼﺒﺢ ﺍﺗﻨﻮﺿﻦ ﻳﻘﻌﺪ ﻓﺎﺿﻲ
ﻣﺎﻓﻲ ﺣﺪ ﺍﺗﺨﺸﻦ ﺍﺗﻌﻮﻣﻦ ﻟﻌﻨﺪ ﺗﻌﺮﻓﻨﻬﺎ ﻋﻮﺍﻣﺎ
ﻧﺤﻨﺎ : ﺍﻥ ﺷﺎﺀ ﺍﻟﻠﻪ
ﻭﺗﻤﻴﻨﺎ ﺍﻧﻬﺪﺭﺯﻭ ﻟﻌﻨﺪ ﺭﻥ ﻓﻮﻥ ﻣﻮﺳﻲ
ﻭﺻﺒﺎ ﻣﻮﺳﻲ
ﻭﻋﺪﺍ ﻭﺑﻌﺪﻫﺎ ﺟﺎﻧﺎ
ﻣﻮﺳﻲ : ﺣﻴﺎﻩ .......
ﺍﻧﺎ :
.
.
.
.
.
#يتبع
