{الحب الاعمي }
ﺍﻟﺤﻠﻘﻪ8⃣
ﻳﻮﺳﻒ: ﺟﻴﺒﻠﻜﻢ ﺍﻣﻌﺎﻳﺎ ﻣﻔﺠﺄﻩ ﺍﺳﺘﻨﻮ ﺍﻧﺨﺸﺸﻬﺎ ﻭﺍﻧﺠﻴﻜﻢ ﻣﺎﺣﺪ ﻳﺘﺤﺮﻙ
ﻭﻃﻠﻊ ﻳﻮﺳﻒ ﻭﻧﺰﻝ ﻣﻔﺠﺄ ﻣﻦ ﺳﻴﺎﺭﻩ ﻭﺧﺶ ﺑﻴﻬﺎ
ﻭﺍﻭﻝ ﻣﺎﺧﺶ
ﻛﻠﻬﻢ ﺍﻧﺼﺪﻣﻮ
ﻳﻮﺳﻒ: ﻳﻀﺤﻚ ﺷﻦ ﺭﺍﻳﻜﻢ
ﻫﻴﺜﻢ : ﻫﻬﻬﻬﻬﻬﻪ ﺷﻦ ﺟﻮﻛﻢ ﻭﻋﺪﺍ ﻳﺴﻠﻢ ﻋﻠﻲ ﺑﺎﺗﺎ
(ﺍﻟﺤﺎﺝ ﻋﻠﻲ )
ﻭﺣﺐ ﻉ ﺭﺍﺳﻪ ﻭﻳﺪﺍ
ﻭﺍﺿﺒﻂ ﺍﻣﻪ ﻭﺗﻤﺖ ﺗﺒﻜﻲ
ﻫﻴﺜﻢ : ﻋﻠﻴﺶ ﻟﺒﻜﺎ ﺍﻧﻲ ﻗﺪﺍﻣﻚ
ﻭﺟﺎ ﺍﺑﺮﺍﻫﻴﻢ ﺍﺿﺒﻄﺎ
ﺍﺑﺮﺍﻫﻴﻢ : ﻳﺎﻣﻌﻔﻦ ﺭﺍﻳﻔﻨﺎ ﻋﻠﻴﻚ
ﻣﻨﺬﺭ: ﺣﻤﺪ ﺍﻟﻠﻪ ﻉ ﺳﻼﻣﺘﻚ ﻭﺳﻠﻢ ﻋﻠﻴﻪ ﺑﺎﻟﺨﺪ
ﻣﻌﺘﺼﻢ : ﻳﺎﻣﺮﺣﺒﺎ ﻭﺳﻠﻢ ﻋﻠﻴﻪ
ﺧﻼﺹ ﺟﻴﺖ ﺍﺳﺘﻠﻢ ﺷﻐﻞ ﻋﻠﻴﻨﺎ ﻣﺎﺗﺮﻳﺤﺖ ﺍﻻ ﻭﺍﺟﺪ
ﻫﻴﺜﻢ : ﻫﻬﻬﻬﻬﻪ ﻏﻴﺮ ﺧﻠﻴﻨﻲ ﻧﺄﺧﺬ ﻧﻔﺴﻲ ﺑﺲ
ﺳﺎﻟﻤﻪ : ﺳﻠﻤﺖ ﻉ ﻫﻴﺜﻢ ﻭﺣﺐ ﻉ ﻳﺪﻫﺎ
ﻭﻗﻌﻤﺰ ﻫﻴﺜﻢ ﻭﻗﻌﻤﺰ ﻳﻮﺳﻒ ﺍﻣﻘﺎﺑﻼ
ﻫﻴﺜﻢ : ﺷﻦ ﺟﻮﻙ ﻭﻳﻦ ﺍﻟﺪﻛﺘﻮﺭ ﻓﻴﺼﻞ
ﺳﺎﻟﻤﻪ : ﻋﻨﺪﺍ ﻋﻴﺎﺩﻩ ﺍﻟﻴﻮﻡ ﺍﻛﻴﺪ ﺍﺷﻮﻳﻪ ﻭﻳﺮﻭﺡ
ﻫﻴﺜﻢ : ﻛﻴﻒ ﺣﺎﻟﻚ ﻳﺎﺣﺎﺝ ﻭﻳﻦ ﺟﻤﺎﻝ ﻭﻟﻌﻴﺎﻝ
ﻋﻠﻲ : ﺗﻤﺎﻡ ﻳﺎﻭﻟﻴﺪﻱ ﺟﻤﺎﻝ ﻋﻨﺪﺍ ﺑﺮﺩ ﺷﻜﻼ ﺑﻴﻤﺮﺽ ﻭﻟﻌﻴﺎﻝ ﻃﺎﻟﻌﻴﻦ
ﻋﺰﻳﺰﻩ ﺍﻡ ﻫﻴﺜﻢ : ﻛﻴﻒ ﻣﻔﺠﺄﻩ ﻫﺬﻱ ﻭﻛﻴﻒ ﺗﺮﻓﻘﺘﻮ ﺍﻧﺖ ﻭﻳﻮﺳﻒ
ﻫﻴﺜﻢ : ﻛﻨﺖ ﻣﺨﻄﻂ ﺍﻧﺎ ﻭﻳﻮﺳﻒ ﻭﻗﺘﻼ ﺍﻧﻲ ﺟﺎﻱ ﻳﻮﻡ ﺍﻻﺣﺪ ﻭﻉ ﺍﺳﺎﺱ
ﺗﺮﻧﺰﻳﺖ ﺍﻣﺘﺎﻋﻲ ﺣﻴﻜﻮﻥ ﻓﻲ ﺗﺮﻛﻴﺎ
ﺍﺷﻮﻳﻪ ﻗﺎﻟﻲ ﺍﻧﺎ ﻋﻨﺪﻱ ﺭﺣﻠﻪ ﺍﻟﺴﺒﺖ ﺍﺣﺠﺰ ﻓﻲ ﺍﻭﺗﻴﻞ ﻭﺍﺭﺟﺎﻧﻲ ﺍﻧﺠﻲ
ﻭﻟﻤﺎ ﻧﺮﻭﺡ ﺍﺗﺮﻭﺡ ﺍﻣﻌﺎﻳﺎ
ﻭﻛﺎﻥ ﻫﺬﺍ ﺍﺗﻔﻘﻨﺎ ﻭﻣﺎﻧﻘﻮﻟﻮﻫﺶ ﻟﺤﺪ ﻭﻧﺨﻠﻮﻫﺎ ﻟﻜﻢ ﻣﻔﺠﺄﻩ
ﻣﻨﺬﺭ: ﺧﺰﻳﻪ ﻛﻨﻚ ﻣﺎﻗﺘﻠﻴﺶ
ﻳﻮﺳﻒ: ﻟﻌﻴﺎﻝ ﺻﻐﺎﺭ ﻧﺤﻜﻮﻟﻬﻤﺶ ﻧﺤﻨﺎ
ﻣﻨﺬﺭ: ﺑﺤﺖ ﻓﻲ ﻳﻮﺳﻒ ﺑﻨﺺ ﻋﻴﻦ
ﺍﻭﻛﻲ ﻣﺎﺷﻲ ﺧﻠﻴﻬﺎ ﻓﻲ ﺑﺎﻟﻚ ﺍﻟﻜﻠﻤﺎ ﻫﺬﻱ
ﻳﻮﺳﻒ: ﻳﺎﻧﺎ ﻋﻠﻴﺎ ﻳﺎﻭﺍﻋﺮ ﺧﻒ ﻋﻠﻴﻨﺎ
ﻭﺗﻤﻮ ﻳﻬﺪﺭﺯﻭ ﻭﺟﺎ ﻓﻴﺼﻞ ﻭﺳﻠﻢ ﻉ ﺳﻴﺪﺍ ﻫﻴﺜﻢ ﻭﻛﻤﻠﻮ ﺍﺗﻬﺪﺭﻳﺰﻫﻢ
ﻃﺒﻌﺎ ﻫﻴﺜﻢ ﻳﻘﻌﺪ ﺳﻴﺪ ﻳﻮﺳﻒ ﻭﻫﻮ ﻣﻮﺍﻟﻴﺪ 80 ﻭﺍﻛﺒﺮ ﻣﻦ ﻳﻮﺳﻒ
ﺑﺜﻼﺙ ﺳﻨﻮﺍﺕ ﻃﺒﻌﺎ ﻳﻜﻮﻥ ﺻﺎﺣﺐ ﻳﻮﺳﻒ ﻭﺍﺍﺍﺟﺪ ﻭﻣﻜﺄﻧﺶ ﺳﻴﺪﺍ
ﻭﻳﻮﻣﺖ ﻓﻲ ﻋﻴﺎﻝ ﺧﻮﻩ ﺍﺑﺮﺍﻫﻴﻢ ﺍﻟﻲ ﻫﻤﺎ ﺧﻮﺕ ﻳﻮﺳﻒ ﻭﺑﺎﻟﻨﺴﺒﻪ ﻻﻡ
ﻳﻮﺳﻒ ﻳﻌﺘﺒﺮ ﻓﻴﻬﺎ ﺍﻣﺎ ﺍﻟﺜﺎﻧﻴﻪ ﻻﻥ ﻟﻤﺎ ﺍﺟﻮﺯ ﺧﻮﻩ ﺍﺑﺮﺍﻫﻴﻢ ﻗﻌﺪﺕ ﻫﻴﺎ
ﺍﺗﻌﺎﻧﻲ ﻓﻴﻪ ﻣﻊ ﻋﻴﺎﻟﻬﺎ ﻓﻴﻌﺘﺒﺮ ﻓﻴﻬﺎ ﺍﻣﺎ ﻣﺶ ﻣﺮﺍﺕ ﺧﻮﻩ
ﻫﻴﺜﻢ ﺟﺬﺍﺏ ﻃﻮﻳﻞ ﻭﺍﺑﻴﺾ ﺍﺷﻮﻳﻪ ﻭﺍﺣﻼ ﺣﺎﺟﻪ ﻓﻴﻪ ﻏﻤﺰﺍﺕ ﺍﻣﺘﺎﻋﺘﺎ
ﺍﻟﻲ ﺣﺘﻲ ﻭﻫﻮ ﻳﺤﻜﻲ ﻳﻄﻠﻌﻦ
ﻣﺶ ﻟﻤﺎ ﻳﻀﺤﻚ ﺑﺲ
ﻧﻮﻋﻴﺘﺎ ﻣﺘﻔﺎﻫﻢ ﻭﻃﻴﺐ ﻭﺭﻭﻣﺎﻧﺴﻲ ﺑﻜﻞ ﺑﺲ ﻣﺎﻳﺤﺒﺶ ﺍﻟﻐﻠﻂ ﻭﺩﻳﻤﺎ ﻣﻊ
ﺍﻟﺤﻖ ﻭﻣﺎﻳﺤﺒﺶ ﻳﻈﻠﻢ ﺣﺪ
ﻫﺎﺩﻱ ﻣﺶ ﻋﺼﺒﻲ ﻳﺼﺮﻑ ﺑﻌﻘﻞ ﻭﺣﻜﻤﺎ ﻣﺮﺡ ﻭﺟﻮﺍ ﻣﻦ ﺍﻻﺧﻴﺮ ﻓﺎﻳﺢ
ﻭﻳﻀﺤﻜﻚ ﻭﺍﻧﺖ ﻓﻲ ﻋﺰ ﺑﻜﺎﻙ
ﻣﺎﻋﻨﺪﺵ ﻋﺎﻟﻮﺟﻴﺞ ﻭﺑﻨﺎﺕ ﻭﻣﺎﻳﺤﺒﺶ ﻳﻀﺤﻚ ﻉ ﺑﻨﺎﺕ ﻭﻻﻋﻤﺮﺍ ﺩﺍﺭ ﻋﻼﻗﻪ
ﻭﻻ ﻋﺪﻝ ﻉ ﺑﻨﺖ ﻻﻥ ﻛﺎﻥ ﻣﻬﺘﻢ ﺑﻘﺮﺍﻳﺘﺎ ﺷﺨﺼﻴﺘﺎ ﻣﻊ ﻧﺎﺱ ﻗﻮﻳﻪ
ﻭﺻﺎﺭﻣﻪ ﺑﺲ ﻣﻊ ﻫﻼ ﻭﺍﻟﻲ ﻳﻌﺮﻓﻬﻢ ﻋﺎﺩﻱ
ﻭﻫﻮ ﻣﺘﺨﺮﺝ ﻣﻦ ﻗﺎﻧﻮﻥ ﻭﺣﺎﻟﻴﺎ ﻫﻮ ﻣﺤﺎﻣﻲ ﻭﻣﺘﻌﻴﻦ ﻣﺤﺎﻣﻲ ﺷﺮﻛﻪ ﻣﺘﺎﻉ
ﺑﺎﺗﺎ
ﻭﻛﺎﻥ ﻣﺴﺎﻓﺮ ﺑﺮﺍ ﻭﻟﻬﺎ 3 ﺷﻬﻮﺭ ﻻﻥ ﺑﻴﺤﻀﺮ ﻟﻠﺪﺭﺳﺎﺕ ﻣﺘﺎﻋﺎ
ﻣﻊ ﺍﻟﺤﻠﻘﺎﺕ ﺗﻌﺮﻓﻮ ﻉ ﻫﻴﺜﻢ ﺍﻛﺜﺮ
~~~~~~~~~
ﺻﺒﺎ ﺟﺪ ﻭﺟﺪﺗﺎ ﻣﺸﻮ ﻟﺤﻮﺷﻬﻢ ﻳﺮﻗﺪﻭ ﻭﻃﻠﻌﺖ ﺳﺎﻟﻤﻪ ﻭﺍﺑﺮﺍﻫﻴﻢ ﺣﺘﻲ
ﻫﻤﺎ ﻳﺮﻗﺪﻭ
ﻭﻗﻌﻤﺰﻭ ﺍﻟﺸﺒﺎﺏ ﻳﻮﺳﻒ ﻭﻫﻴﺜﻢ ﻭﻣﻨﺬﺭ ﻭﻣﻌﺘﺼﻢ ﻳﻬﺪﺭﺯﻭ ﻣﻊ ﺑﻌﻀﻬﻢ
ﻭﺟﺎﻭﻫﻢ ﺍﻋﻴﺎﻝ ﺳﻴﺪﻫﻢ ﺟﻤﺎﻝ
ﻭﺳﻬﺮﻭ ﺷﺒﺎﺏ
ﻭﺳﺘﺄﺫﻥ ﻳﻮﺳﻒ ﻣﻨﻬﻢ ﻻﻥ ﺑﻴﺮﻛﺐ ﻳﻐﻴﺮ ﺍﺩﺑﺸﺎ ﻭﻳﺄﺧﺬ ﺩﻭﺵ
ﻭﻫﻴﺜﻢ ﺣﺘﻲ ﻫﻮ ﻋﺪﺍ ﺑﻴﺶ ﺍﻳﺘﺮﻳﺢ
ﻭﻗﻌﺪﻭ ﺷﺒﺎﺏ ﺳﻬﺮﻳﻦ ﻣﻊ ﺑﻌﻀﻬﻢ ﻭﺭﻛﺐ ﻓﻴﺼﻞ ﻟﺸﻘﺘﺎ ﺑﻴﺶ ﻳﺘﺮﻳﺢ
ﺣﺘﻲ ﻫﻮ
~~~~~~~~~~~~
ﻣﻨﺬﺭ ﺗﻮ ﺍﻧﺠﻴﻜﻢ ﺍﺷﻮﻳﻪ
ﻃﻠﻊ ﻣﻨﺬﺭ ﻭﻗﻌﻤﺰ ﺟﻨﺐ ﺣﻮﺽ ﺍﻟﺴﺒﺎﺣﻪ ﻭﺭﻥ ﻉ ﻫﻨﺪ
ﻫﻨﺪ : ﺑﺼﻮﺕ ﺣﺰﻳﻦ ﻭﺯﻋﻼﻥ . ﺍﻟﻮﻭﻭﻭ
ﻣﻨﺬﺭ: ﺍﻳﻮﺍ ﺧﻴﺮ
ﻫﻨﺪ : ﺧﻴﺮ
ﻣﻨﺬﺭ: ﺷﻦ ﺟﻮﻙ
ﻫﻨﺪ : ﻣﻦ ﺭﺑﻲ ﻛﻮﻳﺴﻪ
ﻣﻨﺬﺭ: ﺍﻫﺎ ﻭﻣﻨﻲ ﻳﻌﻨﻲ ﻣﻨﻜﺶ ﻛﻮﻳﺴﺎ
ﻫﻨﺪ : ﻣﺶ ﻋﺎﺭﻑ
ﻣﻨﺬﺭ: ﺍﻧﺘﻲ ﻋﺎﺭﻓﺎ ﻋﻠﻴﺶ ﺩﺭﺕ ﻫﻜﻲ ﺻﺎﺡ
ﻫﻨﺪ : ﺑﺲ ﺍﻧﺎ ﻣﺎﻏﻠﻄﺘﺶ
ﻣﻨﺬﺭ: ﻣﺎﺯﺍﻟﺖ ﺍﺗﻘﻮﻟﻲ ﻣﺎﻏﻠﻄﺘﺶ ﺍﺳﺒﻮﻋﻴﻦ ﺳﻴﺒﺘﻚ ﻧﺒﻴﻚ ﺗﻌﺮﻓﻲ ﺍﻧﻚ
ﻏﻠﻄﺘﻲ ﻭﺗﻘﻮﻟﻴﻠﻲ ﻣﺶ ﻏﻠﻄﺎ ﻛﻨﺎ ﺭﺍﺳﻚ ﻣﺴﻜﺮ ﺍﻧﺘﻲ
ﻫﻨﺪ : ﻭﺍﻧﺖ ﻋﻠﻴﺶ ﻫﺬﺍ ﻛﻼ ﻣﻌﻘﻮﻻ ﺍﺗﺴﻴﺒﻨﻲ ﺍﺳﺒﻮﻋﻴﻦ ﺍﻧﺮﻥ ﻋﻠﻴﻚ
ﻭﺍﻧﺖ ﻣﺎﺗﺮﺩﺵ ﻭﻣﺎﺑﻴﺘﺶ ﺍﺗﻌﺒﺮﻧﻲ ﻭﺣﺘﻲ ﺗﻔﻬﻴﻢ ﻣﺎﺧﻠﻴﺘﻨﻴﺶ ﺍﻧﻔﻬﻤﻚ
ﻟﻴﺶ ﺍﺩﻳﺮﻟﻲ ﻫﻜﻲ ﻳﺎﻣﻨﺬﺭ ﻟﻴﺶ ﺍﺗﻌﺎﻣﻞ ﻓﻴﺎ ﻫﻜﻲ ﻣﻦ ﺍﺑﺴﻂ ﺣﺎﺟﻪ
ﺍﺗﺴﻜﺮ ﻋﻠﻴﺎ ﻭﺗﺠﺎﻓﻴﻨﻲ ﺑﺎﻻﺳﺎﺑﻴﻊ
ﻭﺍﻧﺖ ﺗﺤﺴﺎﺏ ﺭﻭﺣﻚ ﻫﻜﻲ ﺑﺘﺄﺩﺑﻨﻲ ﻭﺗﺮﺑﻴﻨﻲ ﺑﺎﻟﻌﻜﺲ ﺍﻧﺖ ﻗﺎﻋﺪ
ﺍﺗﺨﻠﻲ ﻓﻴﺎ ﻧﻜﺮﻫﻚ ﻭﻧﺘﺒﺎﻋﺪ . ﻋﻠﻴﻚ ﺑﻄﺮﻳﻘﻪ ﻫﺬﻱ
ﻣﻨﺬﺭ: ﺍﻧﺘﻲ ﻋﺮﻓﺘﻴﻨﻲ ﻣﺎﻧﺤﺒﺶ ﺗﻄﻠﻌﻲ ﻭﺗﺨﺸﻲ ﻭﺗﻤﺸﻲ ﻭﺍﺗﺠﻲ ﻭﺍﻧﺎ
ﻧﻌﺮﻓﺶ ﺷﻲ ﻋﻠﻴﻚ ﻋﺮﻓﺘﻴﻨﻲ ﺍﻧﻐﻴﺮ ﻭﻧﺤﺐ ﻧﻌﺮﻑ ﺣﺒﻴﺒﺘﻲ ﻓﻴﺶ ﺍﺩﻳﺮ
ﺑﺲ ﺣﻀﺮﺗﻚ ﺟﻴﺘﻴﻨﻲ ﻭﺑﻜﻞ ﺑﺮﻭﺩ ﺍﺗﻘﻮﻟﻴﻠﻲ ﻭﺍﻟﻠﻪ ﻣﺎﺧﻄﺮﺗﺶ ﻋﻠﻴﺎ ﺍﻧﺮﻥ
ﻋﻠﻴﻚ ﺑﺘﻠﻔﻮﻥ ﻣﺎﻣﺎ ﻭﺑﺎﺑﺎ
ﺷﻦ ﺗﺒﻴﻨﻲ ﺍﻧﺪﻳﺮ ﻧﺄﺧﺬﻙ ﺑﺎﻻﺣﻀﺎﻥ ﻃﺒﻴﻌﻲ ﺍﻧﺴﻜﺮ ﻣﻨﻚ ﻭﻧﺰﻋﻞ ﻻﻥ
ﺣﺮﻛﻪ ﻣﺶ ﺗﻤﺎﻡ ﻭﻣﺶ ﺍﻭﻝ ﻣﺮﻩ ﺍﺩﻳﺮﻫﺎ ﻟﻴﺎ ﻳﺎﻫﻨﺪ
ﻭﻟﻤﺎ ﺳﻜﺘﺘﻠﻚ ﻣﺮﻩ ﺗﺤﺴﺒﻴﻨﻲ ﺭﺍﺿﻲ ﺑﻴﻬﺎ ﻋﺎﻭﺩﺗﻴﻬﺎ ﺍﺧﺮﻩ ﻓﻜﺎﻥ ﻻﺯﻡ
ﺍﻧﻌﺎﻗﺒﻚ ﺑﻴﺶ ﻣﻌﺶ ﺗﻜﺮﺭ ﻣﺮﻩ ﺛﺎﻧﻴﻪ ﻭﺍﻧﺘﻲ ﻋﺎﺭﻓﺎ ﻃﺒﻌﻲ ﺍﻧﺎ ﺗﻐﻠﻄﻲ
ﻣﺮﻩ ﺍﻧﺴﺎﻣﺢ ﺑﺲ ﺍﺗﻌﻮﺩﻱ ﻧﻔﺲ ﺍﻟﻐﻠﻂ ﻻﺯﻡ ﻧﻌﻄﻴﻚ ﺩﺭﺱ ﻭﻧﻌﺎﻗﺒﻚ ﺑﻴﺶ
ﻣﻌﺶ ﺗﻜﺮﺭ
ﻫﻨﺪ : ﻭﻣﺎﻓﻴﺶ ﻋﻘﺎﺏ ﻋﻨﺪﻙ ﺍﻻ ﺍﻧﻚ ﻣﻌﺶ ﺍﺗﺮﻥ ﻋﻠﻴﺎ ﻭﺗﺠﺎﻓﻴﻨﻲ
ﺍﺳﺒﻮﻋﻴﻦ ﻭﺗﺴﻴﺒﻨﻲ ﻧﺤﺮﻕ ﺑﺮﻭﺣﻲ ﻓﻴﺶ ﻃﺮﻳﻘﻪ ﺍﺧﺮﻩ ﻫﺰﺑﻨﻲ ﺩﻳﺮ ﺍﻱ
ﺷﻲ ﺑﺲ ﻣﺶ ﻣﻌﺶ ﺍﺗﻜﻠﻤﻨﻲ ﻣﻌﻘﻮﻟﻪ ﻫﻨﺖ ﻋﻠﻴﻚ ﻳﺎﻣﻨﺬﺭ
ﻣﻨﺬﺭ: ﻣﺎﻫﻨﺘﻴﺶ ﻭﻣﺶ ﺣﺘﻬﻮﻧﻲ ﺑﺲ ﺍﻧﺘﻲ ﺭﻗﻴﺘﻬﺎ ﻟﻴﺎ ﻭﻋﺮﻓﺘﻴﻨﻲ ﺍﻧﻲ
ﻋﺼﺒﻲ ﻭﻣﺎﻧﺘﺤﻤﻠﺶ ﺭﻗﺎﻟﻲ ﻣﻨﻚ ﻭﺳﻜﺮﺕ ﻻﻥ ﻧﺒﻴﺶ ﻧﺠﺮﺣﻚ ﺑﺎﻟﻜﻼﻡ
ﻭﻣﺎﻧﺒﻴﺶ ﺍﻧﺴﻤﻌﻚ ﻛﻼﻡ ﻳﺠﺮﺣﻚ
ﻭﺍﻧﺎ ﻣﺴﻜﺖ ﺭﻭﺣﻲ ﻋﻠﻴﻚ ﻭﺳﻜﺮﺕ ﻻﻥ ﺧﺎﻳﻒ ﻧﺰﻋﻠﻚ ﻣﻨﻲ ﺑﺲ ﻫﺬﺍ
ﻋﻠﻴﺶ ﺳﻜﺮﺕ ﻋﻠﻴﻚ ﻭﺑﺎﻟﻨﺴﺒﻪ ﻻﺳﺒﻮﻋﻴﻦ ﻭﺍﻟﻠﻪ ﻧﻘﺎﻟﻲ ﻋﺰﻗﺘﺎ ﻓﻲ ﺳﺎﺱ
ﺑﻌﺪ ﺳﻜﺮﺕ ﻣﻨﻚ ﻭﻧﻜﺴﺮ ﻭﺍﻣﺲ ﻛﻴﻒ ﺷﺮﻳﺖ ﻣﻮﺑﺎﻳﻞ ﻭﻟﻌﺖ ﺍﻟﺸﻔﺮﻩ
ﻭﺭﻧﻴﺖ ﻋﻠﻴﻚ ﺗﻮﺍ
ﻫﻨﺪ : ﺑﺼﻮﺕ ﺗﺠﻌﻮﻳﻦ ﻭﺯﻋﻼﻥ . ﺍﻩ ﺻﺪﻗﺘﻚ
ﻣﻨﺬﺭ: ﺑﻌﺼﺒﻴﺎ ﺗﺒﻲ ﺍﺗﺼﺪﻗﻲ ﻭﻻ ﻣﺎﺗﺼﺪﻗﻴﺶ ﺍﻧﺘﻲ ﺣﺮﺍ ﺍﻧﺎ ﻣﺎﻧﻜﺬﺑﺶ
ﻫﻨﺪ :ﺑﻪ ﺧﻼﺹ ﻓﻜﻨﻲ ﻣﻦ ﻃﺮﻭﺡ ﻭﻣﻦ ﻋﺼﺒﻴﺘﻚ ﺍﻟﻲ ﺍﺗﻮﺩﺭ ﻓﻴﻚ ﻣﺎﺯﻟﺖ
ﺯﻋﻼﻥ
ﻣﻨﺬﺭ: ﺯﺭﺗﺎ ﺿﺤﻜﺎ . ﻭﺍﻧﺎ ﻧﻘﺪﺭ ﻧﺰﻋﻞ ﻣﻨﻚ ﻳﺎ ﻭﺗﻨﻬﺪ ﻭﺳﻜﺖ
ﻫﻨﺪ : ﻳﺎ ﺷﻨﻮ ﻳﺎﺧﻮﺍﻓﺎ
ﻣﻨﺬﺭ: ﻫﻬﻬﻬﻪ ﻣﻦ ﻣﻦ ﺑﻨﺨﺎﻑ ﻣﻨﻚ ﺍﻧﺘﻲ ﻳﺎﺗﻮﻳﺘﻲ
ﻫﻨﺪ : ﺍﻫﺎ ﻣﻨﻲ ﺍﻧﺎ ﻳﺎ ﺃﺭﻧﺐ
ﻣﻨﺬﺭ: ﻫﻬﻬﻬﻬﻬﻪ ﺻﺎﺭ ﺍﻧﺎ ﺍﺭﻧﺐ
ﻫﻨﺪ : ﺍﻫﺎ ﺍﻧﺖ ﺍﺭﻧﻮﺑﺘﻲ ﻋﻨﺪﻙ ﻣﺎﻧﻊ
ﻣﻨﺬﺭ: ﻳﺎﻧﺎ ﻋﻠﻴﺎ
ﻫﻨﺪ : ﺑﺎﻫﻲ ﺯﻋﻼﻥ
ﻣﻨﺬﺭ: ﻻ ﻳﺎﺗﻮﻳﺘﻲ ﻣﺶ ﺯﻋﻼﻥ ﻣﻨﻚ
ﻫﻨﺪ : ﺍﻧﺤﺒﻚ ﻳﺎ ﺃﺭﻧﻮﺑﺘﻲ ﻳﺎﻋﺼﺒﻲ ﻳﺎﻣﺘﻌﺒﻨﻲ
ﻣﻨﺬﺭ: ﻫﻬﻬﻬﻬﻪ ﻭﺍﻧﺎ ﺍﻧﻤﻮﺕ ﻓﻴﻚ ﻳﺎ ﻋﻴﻮﻥ ﺃﺭﻧﻮﺑﺘﻚ
ﻋﺠﺒﻨﻲ ﺍﻻﺳﻢ
ﻫﻨﺪ : ﻫﻬﻬﻬﻬﻬﻪ ﺑﺎﻫﻲ ﺷﻦ ﺧﻄﺮ ﻋﻠﻴﻚ ﺍﺳﻢ ﺗﻮﻳﺘﻲ
ﻣﻨﺬﺭ: ﺍﺻﻠﻚ ﺗﺸﺒﻬﻲ ﻟﺘﻮﻳﺘﻲ ﻧﻔﺴﺎ ﺑﺰﺑﻂ
ﻫﻨﺪ : ﺑﺎﻫﻲ ﺑﺎﻫﻲ
ﻣﻨﺬﺭ: ﻭﺷﻦ ﺑﺪﻳﺮﻱ ﻳﻌﻨﻲ ﻳﺎﻭﺍﻋﺮﻩ ﺍﻧﺘﻲ
ﻫﻨﺪ : ﺗﻨﻬﺪﺕ ﻭﺑﺼﻮﺕ ﺗﺠﻌﻮﻳﻦ ﻭﻫﺎﺩﻱ ﻭﺩﻟﻮﻉ . ﻧﻘﺪﺭﺵ ﺍﻧﺪﻳﺮﻟﻚ ﺷﻲ
ﻻﻧﻚ ﺭﻭﺣﻲ
ﻣﻨﺬﺭ: ﺫﺍﺏ ﻣﻦ ﻫﻨﺪ . ﻳﺎﻧﺎ ﻋﻠﻴﺎ ﺷﻜﻠﻨﺎ ﺑﻨﻄﻮﻟﻮ ﻓﻲ ﺳﻬﺮﺍ ﺧﻠﻴﻨﻲ ﻧﻮﺯﻉ
ﺍﻟﺠﻤﺎﻋﺎ ﻭﻧﺮﻛﺐ ﻟﻠﺪﺍﺭﻱ ﻭﻧﺴﻬﺮﻭ ﻉ ﺭﻭﺍﻕ
ﻫﻨﺪ : ﺑﻪ ﻳﺎﻋﻴﻮﻧﻲ ﺧﻼﺹ ﻋﺪﻱ ﻭﻧﺮﺟﺎ ﻓﻴﻚ
ﻣﻨﺬﺭ: ﺍﻧﺤﺒﻚ ﻭﺗﺰﻋﻠﻴﺶ ﻣﻨﻲ ﺑﻪ ﻳﺎﺗﻮﻳﺘﻲ
ﻫﻨﺪ : ﻭﻓﻲ ﺣﺪ ﻳﺰﻋﻞ ﻣﻦ ﺭﻭﺣﺎ
ﻣﻨﺬﺭ: ﺳﻜﺮﻱ ﺭﺍﻩ ﺍﻧﺠﻴﻚ ﺗﻮﺍ ﻫﻴﺎ
ﻫﻨﺪ : ﻫﻬﻬﻪ ﺑﺎﻱ
ﻭﺳﻜﺮ ﻣﻨﺬﺭ ﻭﺧﺶ ﻉ ﺷﺒﺎﺏ ﻭﻛﺬﺏ ﻋﻠﻴﻬﻢ ﻭﻗﺎﻟﻠﻬﻢ ﺍﻥ ﻧﻌﺲ ﺑﻴﺮﻗﺪ
ﻭﺭﻛﺐ ﻳﺠﺮﻱ ﻓﻮﻕ ﻭﻛﻤﻞ ﺑﺎﻗﻲ ﺳﻬﺮﺗﺎ ﻣﻊ ﻫﻨﺪ
~~~~~~~~~~~~~
ﺍﻣﺎ ﺑﺎﻟﻨﺴﺒﻪ ﻟﻴﻮﺳﻒ ﻃﻠﻊ ﻣﻦ ﺣﻤﺎﻡ ﻭﻃﻠﻊ ﻣﻦ ﻓﺮﺍﻧﺪﺍ ﻭﺗﻤﺎ ﻳﺪﺧﻦ
ﻭﻳﻔﻜﺮ ﻓﻲ ﻣﻮﺿﻮﻉ ﺟﻮﺯﺍ ﺍﻟﻲ ﺯﺭﺍ ﻋﻠﻴﻪ ﺟﺪﺍ
ﻭﺍﻟﻲ ﻛﺎﻥ ﻗﻬﺮﺍ ﺍﻥ ﻛﻴﻒ ﻳﻤﺸﻮ ﺭﺃﻳﻬﻢ ﻋﻠﻴﻪ ﻭﻳﺰﺭﻭﻩ ﻫﻜﻲ
ﻭﻛﻴﻒ ﻳﺠﻮﺯ ﻭﻫﻮ ﻣﺎﺯﺍﻝ ﻓﻲ ﻋﻨﺪﺍ ﻣﺸﺎﻋﺮ ﺍﺗﺠﺎﻩ ﺍﻣﻴﺮﻩ
ﻭﺗﻤﺎ ﻳﻔﻜﺮ ﻛﻴﻒ ﻳﺠﻮﺯ ﻭﺑﻌﺪ ﺷﻬﺮ ﻳﻄﻠﻖ ﺍﻟﺒﻨﺖ ﻭﻛﻴﻒ ﺍﻳﻤﺸﻲ ﺭﺍﻱ
ﻫﻮ ﻭﻣﻦ ﺍﻟﻲ ﺑﻨﺖ ﺍﻟﻲ ﻳﺄﺧﺬﻫﺎ
ﻭﻫﻮ ﻳﻔﻜﺮ
ﻏﻤﺾ ﺍﻋﻴﻮﻧﺎ ﻭﺷﺎﻑ ﺍﻋﻴﻮﻧﻬﺎ ﻭﺷﻜﻠﻬﺎ ﻗﺪﻣﺎ ﻓﺘﺢ ﺍﻋﻴﻮﻧﺎ
ﻭﺧﺶ ﺟﻮ ﻟﻠﺪﺍﺭ ﻭﺍﺗﻜﺎ ﻉ ﺳﺮﻳﺮ ﻭﻫﻮ ﻋﺎﺭﻑ ﺷﻦ ﻳﺒﻲ
ﻭﺷﻦ ﻗﺮﺭ . ﻭﺭﻗﺪ
~~~~~~~~~~~~
ﺍﻧﺎ : ﻫﺪﻱ ﻳﺎﻫﺪﻱ ﺗﻲ ﺷﻨﻮ ﻫﺬﺍ ﺍﻧﻮﻋﻲ ﻓﻲ ﻣﻴﺖ ﺍﻧﺎ
ﺧﺸﺖ ﻓﺎﻃﻤﻪ ﻟﻠﺪﺍﺭ ﻟﻘﺖ ﻫﺪﻱ ﺭﺍﻗﺪﻩ ﻭﻣﻐﻄﻴﺎ ﻭﺟﻬﺎ ﻭﺣﻴﺎﻩ ﻣﺼﺒﻴﺎ
ﻋﻠﻴﻬﺎ ﺍﺗﻮﻋﻲ ﻓﻴﻬﺎ
ﻓﺎﻃﻤﻪ : ﻛﻨﻚ
ﺍﻧﺎ : ﺍﻧﻮﻋﻲ ﻓﻲ ﻫﺪﻱ ﺗﺒﻴﺶ ﺍﺗﻨﻮﺽ
ﻓﺎﻃﻤﻪ : ﺣﻮﻟﺖ ﺍﻟﻮﺭﻏﺎﻥ ﻣﻦ ﻋﻠﻲ ﻫﺪﻱ ﻭﺗﻤﺖ ﺍﺗﻮﻋﻲ ﻓﻴﻬﺎ ﻭﻫﺪﻱ
ﺗﺒﻴﺶ ﺍﺗﻨﻮﺽ
ﺍﻧﺎ : ﺣﻲ ﻋﻠﻴﻨﺎ ﻣﺎﺗﺖ ﻭﻻ ﺷﻨﻮ ﺣﻲ ﻋﻠﻴﻨﺎ ﻫﺪﻱ ﻳﺎﻫﺪﻱ
ﻓﺎﻃﻤﻪ : ﻫﺪﻱ ﻫﺪﻳﻴﻴﻴﻲ ﺣﻲ ﻋﻠﻴﻨﺎ ﻳﺎ ﺃﻣﻴﻴﻴﻴﻲ
ﺍﻧﺎ : ﻃﻠﻌﺖ ﻧﺠﺮﻱ ﻭﻣﻌﺶ ﻋﺮﻓﺖ ﻟﻌﻴﺎﻝ ﻣﺶ ﻗﺎﻋﺪﻳﻦ ﻭﺑﺎﺗﻲ ﻣﺶ ﻗﺎﻋﺪ
ﻃﻠﻌﺖ ﻟﻠﺸﺎﺭﻉ ﺗﺒﻮﻋﺖ ﻟﻘﻴﺖ ﺟﺎﺭﻧﺎ ﻋﻤﻲ ﻣﺨﺘﺎﺭ ﺑﺎﺕ ﻋﺒﺪ ﺍﻟﻠﻪ ﻣﻘﻌﻤﺰ
ﺑﺮﺍ
ﺍﻧﺎ : ﻳﺎﻋﻤﻲ ﻫﺪﻱ ﻣﺮﻳﻀﻪ ﺧﻮﺗﻲ ﻣﺶ ﻗﺎﻋﺪﻳﻦ
ﻋﻤﻲ : ﻫﻴﺎﻫﻴﺎ ﻟﺒﺴﻴﻬﺎ ﻭﺗﻮ ﺍﻧﺸﻠﻮﻫﺎ
ﺍﻧﺎ : ﺧﺸﻴﺖ ﻧﺠﺮﻱ ﻗﻠﺖ ﻟﻔﺎﻃﻤﻪ ﻟﺒﻠﺴﻨﻬﺎ
ﻭﻟﺒﺴﺖ ﺍﻣﻲ ﻭﻃﻠﻌﺖ ﺑﻴﻬﺎ ﺍﻧﺎ ﻭﺍﻣﻲ ﻻﻥ ﻓﺎﻃﻤﻪ ﺗﻘﺪﺭﺵ ﺗﻤﺸﻲ
ﻣﻔﺘﺎﺡ ﻳﻬﺰﺑﻬﺎ
ﻧﺤﻨﺎ ﻓﻲ ﺳﻴﺎﺭﻩ ﻭﺷﻴﻠﻨﺎ ﻋﻤﻲ ﻣﺨﺘﺎﺭ
ﺍﻧﺎ : ﻫﻮﻳﺪﺍ ﻛﻨﻚ
ﻫﺪﻱ: ﻗﻠﺒﻲ ﺍﻧﺤﺲ ﻓﻴﻪ
ﻛﺎﻥ ﻭﺟﻪ ﺍﺻﻔﺮ ﻭﻛﺮﻋﻴﻬﺎ ﻭﺍﻳﺪﻳﻬﺎ ﻣﺮﺗﺨﻴﺎﺕ ﻭﻣﺶ ﻗﺎﺩﺭﻩ ﺍﺗﺤﺮﻛﻬﻦ
ﻭﻟﺴﺎﻧﻬﺎ ﺛﻘﻴﻞ ﻭﻣﺎﺣﻮﺗﻚ ﺑﻴﺶ ﺗﺤﻜﻲ
ﻭﺻﻠﻨﺎ ﻣﺴﺘﺸﻔﻲ ﻭﺧﺶ ﻋﻤﻲ ﻣﺨﺘﺎﺭ ﺟﺒﻠﻨﺎ ﻛﺮﻭﺳﻪ ﻭﺧﺸﻮ ﺑﻴﻬﺎ ﻫﺪﻱ
ﺟﻮﺍ ﻻﻥ ﻛﺎﻧﺖ ﺗﻘﺪﺭﺵ ﺗﻤﺸﻲ
ﻭﺧﺸﺸﻮﻫﺎ ﻭﺧﺶ ﺩﻛﺘﻮﺭ
ﻭﺗﻤﻴﻨﺎ ﻧﺤﻨﺎ ﻧﺮﺟﻮ ﻓﻴﻬﺎ ﺑﺮﺍ
~~~~~~~~~~~~
ﻓﺎﻃﻤﻪ : ﺍﻟﻮ ﻫﺎ ﻳﺎﻣﻮﺳﻲ ﺑﺎﻟﻲ ﺭﺩﻳﺖ
ﻣﻮﺳﻲ : ﻛﻨﻚ ﺷﻦ ﻓﻲ
ﻓﺎﻃﻤﻪ : ﻫﺪﻱ ﻣﺮﺿﺖ ﻣﺶ ﻋﺎﺭﻑ ﻛﻨﻬﺎ ﻭﺷﺎﻟﻬﺎ ﻋﻤﻲ ﻣﺨﺘﺎﺭ ﻫﻴﺎ
ﻭﺣﻴﺎﻩ ﻭﺍﻣﻲ ﻟﻠﻤﺴﺘﺸﻔﻲ
ﻣﻮﺳﻲ : ﻳﺎﻧﻌﻦ ﺟﺪ ﺑﻮﻛﻦ ﻭﺟﺪ ﺍﻡ ﺳﺮﻳﺒﺎﺗﻜﻦ ﻭﻃﺮﻭﺣﻜﻢ ﺍﺯﺡ ﻭﺍﻧﺘﻦ ﻛﻞ
ﻣﺮﻩ ﻣﺮﻳﻀﺎﺕ ﻭﺷﻴﻠﻴﻨﻜﻦ ﻧﺴﻌﻔﻮ ﻓﻲ ﺍﻣﻜﻦ ﺍﺗﻔﻮﻭﻭﻩ ﻭﺍﻟﻮﺳﺨﺎ ﺣﻴﺎﻩ ﺷﻦ
ﻃﻠﻌﻬﺎ ﻣﺶ ﻗﺘﻠﻬﺎ ﻓﻴﺶ ﺍﻃﻠﻮﻉ ﺍﻧﺎ ﻣﻦ ﺍﻟﺤﻮﺵ
ﻓﺎﻃﻤﻪ : ﻛﻨﺖ ﺗﺴﻤﻊ ﻓﻲ ﻛﻼﻡ ﻭﺳﻜﺘﺎ ﻭﺗﺒﻜﻲ ﺑﻼ ﺻﻮﺕ ﻻﻥ ﻭﺟﻌﺘﻬﺎ
ﺭﺩﺕ ﻓﻌﻞ ﻣﻮﺳﻲ ﺑﺪﻝ ﻣﺎﻳﻨﺸﻐﻞ ﻋﻠﻴﻨﺎ ﻛﺎﻥ ﻛﻞ ﻫﻤﺎ ﻟﻴﺶ ﺍﻧﺎ ﻃﻠﻌﺖ
ﻭﻫﺪﻱ ﻟﻴﺶ ﺗﻤﺮﺽ ﻭﺍﻥ ﻫﺬﻳﻨﺎ ﻃﺮﻭﺡ ﻭﺧﻼﺹ
ﻣﻮﺳﻲ ﺳﻜﺮ ﻓﻲ ﻭﺟﻪ ﻓﺎﻃﻤﻪ ﻭﻋﺪﺍ ﻟﻠﻤﺴﺘﺸﻔﻲ
~~~~~~~~~~~~
ﻳﻮﺳﻒ: ﺗﻲ ﻭﻳﻨﻚ ﻣﻦ ﺑﺪﺭﻱ ﻭﺍﻧﺮﻥ ﻋﻠﻴﻚ
ﻓﻴﺼﻞ : ﻋﻨﺪﻱ ﺣﺎﻟﻪ ﺍﻧﻌﺎﻳﻦ ﻓﻴﻬﺎ ﻛﻨﺖ ﻛﻨﻚ
ﻳﻮﺳﻒ: ﺟﺎﻳﻚ ﺗﻮﺍ ﻧﺒﻲ ﻧﺄﺧﺬ ﻣﻨﻚ ﺍﻟﻮﺭﻗﻪ ﺍﻣﺘﺎﻉ ﺗﻔﻮﻳﺾ ﺍﻟﻲ ﺩﺭﺗﻬﺎ
ﻟﺼﺎﺣﺒﻲ
ﻓﻴﺼﻞ : ﺍﻫﺎ ﺗﻤﺎﻡ ﺗﻌﺎﻟﻲ
ﻳﻮﺳﻒ: ﺗﻢ ﺍﻭﻛﻲ
ﺳﻜﺮ ﻳﻮﺳﻒ ﻭﻋﺪﺍ ﺷﻮﺭ ﻣﺴﺘﺸﻔﻲ
~~~~~~~~
ﻣﻮﺳﻲ : ﻃﺎﻟﻌﺎ ﻫﻜﻲ ﻳﺎﻣﺴﺨﺎ ﺑﻼ ﺧﻴﻤﺎﺭ ﻭﻃﻠﻌﺘﻲ ﻭﻣﺸﻴﺘﻲ ﻛﻠﻤﺘﻚ ﻭﺍﻧﺎ
ﻗﺘﻠﻚ ﺗﻄﻠﻌﻴﺶ
ﺍﻧﺎ : ﻧﺮﻋﺶ ﻭﺑﺨﻮﻑ . ﻣﺎﻫﻮ ﻫﺪﻱ ﻣﺮﺿﺖ ﺷﻦ ﺍﻧﺪﻳﺮ ﻭﻓﺎﻃﻤﻪ ﻣﻔﺘﺎﺡ
ﻣﺶ ﺣﻴﺨﻠﻴﻬﺎ ﻭﺍﻧﺎ ﻛﻨﺖ ﻣﺮﺗﺒﻜﺎ ﺍﻧﺴﻴﺖ ﻧﻠﺒﺲ ﺍﻟﺨﻤﺎﺭ
ﻣﻮﺳﻲ : ﺻﺎﺭ ﺍﻧﺴﻴﺘﻲ ﺗﻲ ﺍﻧﺘﻦ ﻫﺎﺑﺎ ﻋﻠﻴﻜﻦ ﺗﻨﺴﻦ ﺣﺎﺟﻪ ﺑﺲ ﺑﺠﻮﻛﻦ
ﻳﺎﻓﻨﺺ
ﻭﺻﺎﺭ ﻓﺎﻃﻤﻪ ﺭﺍﺟﻠﻬﺎ ﻳﻬﺰﺑﻬﺎ ﻋﺪﺍ ﺍﻧﺘﻲ ﻣﻄﻠﻮﻗﺎ ﺍﺑﻌﻠﻲ ﻣﺎﻓﻴﺶ ﻣﻦ
ﻳﺤﻜﻤﻚ ﺑﺲ ﻟﺤﺴﺎﺏ ﻓﻲ ﺍﻟﺤﻮﺵ ﻣﺶ ﻫﻨﺎ ﺳﺎﻫﻞ ﻳﺎﺣﻴﺎﻩ
ﺍﻧﺎ : ﺑﺎﻫﻲ ﺷﻮﻑ ﺩﻛﺘﻮﺭ ﻧﺨﺸﻮ ﻉ ﻫﺪﻱ ﻋﺎﺩﻱ
ﻣﻮﺳﻲ : ﺳﻜﺮﻱ ﺧﺎﺭﺑﻚ ﻭﻣﺎﺗﺤﻜﻴﺶ ﺍﻣﻌﺎﻳﺎ ﻓﻬﻤﺎ
ﺍﻧﺎ : ﺳﻜﺘﺖ ﻭﻛﺎﻧﺖ ﺧﻨﻘﺘﻨﻲ ﺍﻟﻌﺒﺮﺍ
ﺑﻌﺪ ﺍﺷﻮﻳﻪ ﺟﺎﻧﺎ ﻧﻔﺲ ﺍﻟﺪﻛﺘﻮﺭ ﺍﻟﻲ ﻛﺸﻒ ﻋﻠﻴﺎ ﺍﻟﻤﺮﻩ ﺍﻟﻲ ﻓﺎﺗﺖ
ﻓﻴﺼﻞ : ﻛﺎﻥ ﻧﺎﺳﻲ ﺑﺲ ﺣﺲ ﻭﺟﻬﻲ ﻣﺎﺭ ﻋﻠﻴﻪ ﻟﻜﻦ ﻣﺎﻋﺪﻟﺶ ﻭﺍﺟﺪ
ﻣﻮﺳﻲ : ﺷﻦ ﻋﻨﺪﻫﺎ ﻳﺎﺩﻛﺘﻮﺭ
ﻓﻴﺼﻞ : ﻋﻨﺪﻫﺎ ﺍﻧﻘﺒﺎﺽ ﻓﻲ ﻧﺒﻀﺎﺕ ﺍﻟﻘﻠﺐ ﻭﺿﻴﻖ ﻓﻲ ﺗﻨﻔﺲ ﺩﺭﺗﻠﻬﺎ
ﺟﻬﺎﺯ ﺍﻟﻘﻠﺐ ﻭﺣﺘﻘﻌﺪ ﺗﺤﺖ ﻣﺮﺍﻗﺒﻪ ﻟﻤﺪﺓ 24 ﺳﺎﻋﻪ ﻭﺿﻐﻄﻬﺎ ﻧﺎﺯﻝ
ﻋﻄﻴﺘﻬﺎ ﺍﺑﺮﻩ ﺑﻴﺶ ﻳﺮﺩ ﻃﺒﻴﻌﻲ
ﻣﻮﺳﻲ : ﻳﻌﻨﻲ ﺣﺘﺒﺎﺕ ﺍﻟﻴﻮﻡ
ﻓﻴﺼﻞ : ﺍﻥ ﺷﺎﺀ ﺍﻟﻠﻪ
ﻣﻮﺳﻲ : ﻣﺎﺷﻲ
ﻓﻴﺼﻞ : ﻣﺮﺍﻓﻖ ﻭﺍﺣﺪ
ﻣﻮﺳﻲ : ﺍﻫﺎ ﻋﺎﺭﻓﻴﻦ
ﻓﻴﺼﻞ : ﺗﻘﺪﺭﻭ ﺍﺗﺨﺸﻮ ﻋﻠﻴﻬﺎ
ﻣﻮﺳﻲ : ﺷﻜﺮﺍ ﻳﺎﺩﻛﺘﻮﺭ
ﻓﻴﺼﻞ : ﺍﻟﻌﻔﻮ
ﻭﺑﺤﺖ ﻓﻴﺎ ﻓﻴﺼﻞ ﻛﻴﻒ ﺍﻟﻲ ﺷﺒﻪ ﻋﻠﻴﺎ ﻭﻋﺪﺍ
ﻭﺧﺸﻴﻨﺎ ﻉ ﻫﺪﻱ ﻛﺎﻧﺖ ﺭﺍﻗﺪﺍ
ﻣﻮﺳﻲ : ﻫﻴﺎ ﺍﻧﺘﻲ ﺷﻔﺘﻴﻬﺎ ﺍﻃﻠﻌﻲ ﻗﺪﺍﻣﻲ
ﺍﺟﺪﻳﺪﻩ : ﻭﻣﻦ ﺑﻴﻘﻌﺪ ﻣﻊ ﺍﺧﺘﻚ
ﻣﻮﺳﻲ : ﺗﻮ ﺍﺗﺠﻲ ﻓﺎﻃﻤﻪ
ﺍﺟﺪﻳﺪﻩ : ﻻﻓﺎﻃﻤﻪ ﺭﺍﺟﻠﻬﺎ ﻫﺰﺑﻬﺎ ﺍﻟﻤﺮﻩ ﺍﻻﻭﻟﻪ ﻣﺎﺗﺴﺒﺒﺶ ﻻﺧﺘﻚ
ﻣﺸﻜﻠﻪ ﺍﺧﺮﻩ
ﻣﻮﺳﻲ : ﻭﺍﻟﻔﺮﺧﺎ ﻫﺬﻱ ﻣﺶ ﺣﺘﻘﻌﺪ ﻫﻨﺎ ﺍﻧﺴﻴﺒﻬﺎ ﺍﺑﺮﻭﺣﻬﺎ ﺍﺩﻳﺮﻟﻲ
ﺍﻟﻌﺎﺭ
ﺍﺟﺪﻳﺪﻩ : ﺍﻣﺎﻻ ﻣﻦ ﺑﻴﻘﻌﺪ
ﻣﻮﺳﻲ : ﺍﻗﻌﺪﻱ ﺍﻧﺘﻲ
ﺍﺟﺪﻳﺪﻩ : ﺍﻧﺎ ﻧﻘﻌﺪ ﻟﻜﻦ ﺩﻭﺍ ﺍﻟﺴﻜﺮ ﺍﻣﺘﺎﻋﻲ ﻭﺩﺑﺸﻲ ﻣﺶ ﺍﻣﻌﺎﻳﺎ
ﺍﻧﺎ : ﻧﺤﻜﻲ ﻭﺧﺎﻳﻔﺎ ﻣﻦ ﻣﻮﺳﻲ
ﺍﻧﺎ ﺍﻣﻲ ﺗﻘﺪﺭﺵ ﺍﺗﻌﺎﻧﻲ ﻫﺪﻱ ﻳﺎﻣﻮﺳﻲ ﻫﻴﺎ ﺑﺮﻭﺣﻬﺎ ﺗﺒﻲ ﻣﻦ ﻳﺴﺎﻋﺪﻫﺎ
ﺍﻧﺎ ﺗﻮ ﻧﻘﻌﺪ ﻭﻧﻮﻋﺪﻙ ﻭﻧﺤﻠﻔﻠﻚ ﻣﺎﻧﻄﻠﻊ ﻣﻦ ﺩﺍﺭ ﺑﻜﻞ ﺍﻻ ﻟﻤﺎ ﺍﺗﺠﻮ
ﺗﺄﺧﺬﻭﻧﺎ
ﻣﻮﺳﻲ : ﺳﻜﺖ ﻭﺗﻤﺎ ﻳﻔﻜﺮ ﻻﻥ ﺷﺎﻑ ﺍﻥ ﺍﺟﺪﻳﺪﻩ ﻛﺒﻴﺮﻩ ﻭﻳﺎﻻ ﺍﺗﺴﺎﻋﺪ
ﺭﻭﺣﻬﺎ ﻭﻓﺎﻃﻤﻪ ﻣﻔﺘﺎﺡ ﻳﻬﺰﺑﻬﺎ ﻭﻫﻮ ﻛﻞ ﺷﻲ ﺍﻻ ﻧﻄﻠﻘﻮ ﻻﻥ ﻛﺎﻥ ﻳﻠﻘﺎ
ﻳﻔﺘﻚ ﻣﻨﺎ
ﻭﺑﻌﺪ ﺳﻜﻮﺕ ﻃﻮﻳﻞ
ﻣﻮﺳﻲ : ﻫﻴﺎ ﺭﻭﺣﻲ ﺍﻣﻌﺎﻳﺎ ﺍﻧﺘﻲ ﻭﺍﻣﻲ ﺟﻴﺒﻲ ﺣﺎﺟﺎﺕ ﻭﻧﺮﺩ ﺑﻴﻚ
ﺍﻧﺎ : ﻓﺮﺣﺖ ﺑﺎﻫﻲ ﻫﻴﺎ
ﺍﺟﺪﻳﺪﻩ : ﻭﻫﺪﻱ ﺷﻦ ﻳﺼﻴﺮ ﻓﻴﻬﺎ
ﻣﻮﺳﻲ : ﺗﻘﻌﺪ ﻧﺺ ﺳﺎﻋﻪ ﺑﺮﻭﺣﻬﺎ ﻭﺗﻮ ﻳﺮﺩﺍً ﺑﺎﻟﻬﻦ ﻣﻨﻬﺎ ﺍﻟﻤﻤﺮﺿﺎﺕ
ﻋﻨﺪ ﺍﻧﻮﺻﻠﻜﻢ ﻭﻧﺮﺩ ﺑﺎﻟﺨﺮﺍ ﻫﺬﻱ ﺗﻘﻌﺪ ﺍﻣﻌﺎﻫﺎ
ﺍﺟﺪﻳﺪﺍ : ﺑﺎﻫﻲ ﻫﻴﺎ
ﻭﻃﺒﺴﺖ ﺍﺟﺪﻳﺪﺍ ﺣﺒﺖ ﻉ ﺭﺍﺱ ﻫﺪﻱ ﻭﺩﻣﻮﻋﻬﺎ ﻳﻨﺰﻟﻦ ﻭﻃﻠﻌﻨﺎ
ﻣﻮﺳﻲ : ﻃﺒﺴﻲ ﺭﺍﺳﻚ ﻟﻮﻃﺎ ﺍﻧﻌﻦ ﻓﺎﻳﺘﻚ
ﻭﻃﻠﻌﻨﺎ ﻭﻧﺤﻨﺎ ﻃﺎﻟﻌﻴﻦ
ﺍﻧﺘﻼﻗﻮ ﻣﻊ ﻳﻮﺳﻒ
ﻣﻮﺳﻲ : ﻛﻤﻠﺖ ﻳﺎﻧﻌﻨﺠﺪﻙ ﺑﻜﻞ
ﺗﺒﺎﻋﺪﻥ ﺍﻣﺸﻦ ﻏﺎﺩﻱ
ﻭﻛﺎﻥ ﻳﻮﺳﻒ ﺟﺎﻱ ﺷﻮﺭﻧﺎ ﻭﻧﺤﻨﺎ ﻛﻨﺎ ﻧﻤﺸﻮ ﺟﻨﺐ ﻣﻮﺳﻲ ﻟﻜﻦ ﻣﻮﺳﻲ
ﻗﺎﻟﻠﻨﺎ ﺗﺒﺎﻋﺪﻥ ﺍﻧﺎ ﻭﺍﺟﺪﻳﺪﻩ ﺗﺒﻌﺪﻧﺎ ﺍﺷﻮﻳﻪ ﻭﻳﻮﺳﻒ ﺍﻣﺼﺒﻲ ﻭﻣﻘﺒﻠﻨﺎ
ﻭﻣﻮﺳﻲ ﻋﻄﻴﻨﺎ ﺑﺎﻟﻈﻬﺮ
ﻭﺑﺤﺖ ﻳﻮﺳﻒ ﻓﻴﻨﺎ
ﺑﻌﺪﻫﺎ ﻛﺎﻧﻮ ﻓﻲ ﺷﺒﺎﺏ ﺍﻣﺨﻄﻤﻴﻦ ﻭﺟﻴﺒﻴﻦ ﺍﻣﻌﻬﻢ ﺷﻜﺎﻳﺮ ﻭﻳﻄﻴﺤﻦ
ﻭﺣﺪﻩ ﻣﻦ ﺷﻜﺎﻳﺮ ﻳﺘﻜﺴﺮ ﺍﻟﻲ ﻓﻴﻬﻦ
ﺍﻟﺘﻔﺘﻮ ﻣﻮﺳﻲ ﻭﻳﻮﺳﻒ ﻭﻋﻴﻄﻠﻬﻢ ﻣﻮﺳﻲ : ﺧﻴﺮ ﺍﻥ ﺷﺎﺀ ﺍﻟﻠﻪ ﺳﺎﻫﻼ
ﺷﺒﺎﺏ : ﺷﻴﺮﻭ ﻟﻤﻮﺳﻲ ﺍﻣﺘﺎﻉ ﺍﻟﻲ ﺍﻭﻛﻲ
ﻭﻟﻤﻮ ﺍﻟﺤﺎﺟﺎﺕ ﻭﻋﺪﻭ
ﻳﻮﺳﻒ: ﺷﻦ ﺟﻮ ﻭﺳﻠﻢ ﻋﻠﻴﻪ
ﻣﻮﺳﻲ : ﺗﻤﺎﻡ ﻛﻴﻒ ﺣﺎﻟﻚ ﺍﻧﺖ ﺍﻣﺘﺎ ﺍﻟﺠﺎﻳﺎ
ﻳﻮﺳﻒ: ﻭﺍﻟﻠﻪ ﺍﻣﺲ ﺍﻟﻠﻴﻞ ﺟﻴﺖ
ﻣﻮﺳﻲ : ﺣﻤﺪ ﺍﻟﻠﻪ ﻉ ﺳﻼﻣﺘﻚ
ﻳﻮﺳﻒ : ﺍﻟﻠﻪ ﻳﺴﻠﻤﻚ
ﻭﺍﻟﻠﻪ ﺟﺎﻱ ﻫﻨﺎ ﻋﻠﺸﺎﻥ ﺍﻟﻮﺭﻗﻪ ﻣﺘﺎﻉ ﺗﻔﻮﻳﺾ
ﻣﻮﺳﻲ : ﺗﻌﺒﺘﻚ ﺳﻤﺤﻨﻲ ﻳﺎﺭﺍﺟﻞ
ﻳﻮﺳﻒ: ﻻ ﻣﺎﻓﻴﻬﺶ ﺗﻌﺐ
ﺍﻧﺖ ﻛﻨﻚ ﺧﻴﺮ ﺷﻦ ﻓﻲ
ﻣﻮﺳﻲ : ﻻ ﻏﻴﺮ ﺍﻟﺒﻨﺖ ﻣﺮﻳﻀﻪ ﻭﺟﺎﻳﺒﻬﺎ ﻫﻨﺎ ﻭﺍﻟﻴﻮﻡ ﻣﺴﻜﻴﻨﻬﺎ ﺍﺗﺒﺎﺕ
ﻭﺍﻧﺎ ﻃﺎﻟﻊ ﺍﻧﺠﻴﺐ ﺩﺑﺶ ﻭﻧﺮﺩ
ﻳﻮﺳﻒ: ﺍﻫﺎ ﻻﺑﺎﺱ ﻋﻠﻴﻬﺎ ﻗﻮﻟﻲ ﻓﻲ ﻏﺮﻓﻪ ﻛﻢ ﺍﻧﻮﺻﻲ ﻋﻠﻴﻬﺎ ﺧﻮﻳﺎ
ﺩﻛﺘﻮﺭ ﻫﻨﺎ
ﻣﻮﺳﻲ : ﻻ ﻭﺍﻟﻠﻪ ﺑﺎﺭﻙ ﺍﻟﻠﻪ ﻓﻴﻚ ﻣﺎﻗﺼﺮﺗﺶ ﺍﻣﻌﺎﻳﺎ
ﻳﻮﺳﻒ: ﻓﻴﻬﺶ ﺷﻲ ﻳﺎﺭﺍ ﻏﺮﻓﻪ ﻛﻢ ﺑﺲ
ﻣﻮﺳﻲ : ﻏﺮﻓﻪ 102
ﻳﻮﺳﻒ: ﻣﺎﺷﻲ ﺗﻢ ﻭﺑﻌﺪ ﺍﻧﻚ ﻫﻨﺎ ﻣﻌﻨﺎﻫﺎ ﻧﻌﻄﻴﻚ ﺍﻟﻮﺭﻗﻪ ﺑﻌﺪ ﺍﺗﺠﻲ ﺍﺗﺮﺩ
ﻣﻮﺳﻲ : ﻻ ﻭﺍﻟﻠﻪ ﻣﺎﺗﺼﻴﺮ ﺍﻟﻤﺮﻩ ﺍﻟﻲ ﻓﺎﺗﺖ ﻃﻠﻘﺘﻚ ﻭﻋﺪﺗﻨﻲ ﺍﺗﺠﻲ
ﺗﺸﺮﺏ ﺣﺎﺟﻪ ﻣﺮﻩ ﺍﻟﺠﺎﻳﻪ ﻭﺗﻮ ﺗﺒﻲ ﺗﻬﺮﺏ ﻣﺎﻳﺼﻴﺮﺵ
ﻭﺭﻗﻪ ﻧﺄﺧﺬﻫﺎ ﻣﻨﻚ ﺑﺲ ﺍﺗﺠﻴﻨﻲ ﻓﻲ ﺣﻮﺵ ﻭﺗﺸﺮﺏ ﺣﺎﺟﻪ ﻋﻨﺪﻱ ﺳﺎﺩ
ﺍﻟﻤﺮﻩ ﺍﻟﻲ ﻓﺎﺗﺖ ﻃﻠﻘﺘﻚ ﻭﺍﻧﺖ ﻣﺎﺷﺮﺑﺘﺶ ﺷﻲ
ﻳﻮﺳﻒ: ﻫﻬﻬﻬﻪ ﺧﻼﺹ ﻣﻌﻨﺎﻫﺎ ﺍﺗﻔﻘﻨﺎ
ﻣﻮﺳﻲ : ﺗﻢ ﻧﺘﻠﻘﻮ ﺗﺒﻲ ﺷﻲ
ﻳﻮﺳﻒ: ﻻ ﺻﺤﻴﺖ ﻫﻴﺎ ﺍﻭﻛﻲ
ﻣﻮﺳﻲ : ﺍﻭﻛﻲ
ﻭﺑﺤﺖ ﻓﻴﻨﺎ ﻳﻮﺳﻒ ﻣﻦ ﺑﻌﻴﺪ ﻭﻋﺮﻓﻨﻲ ﺍﻧﻲ ﺍﻧﺎ ﻧﻔﺴﻬﺎ ﺑﻨﺎﺕ ﺍﻟﻲ ﺧﺒﻂ
ﻓﻴﻬﺎ ﻓﻲ ﻣﺴﺘﺸﻔﻲ ﻭﻟﻤﺎ ﺟﺎ ﻟﻠﺤﻮﺵ ﻭﺷﺎﻓﻨﻲ ﺗﻮ ﺍﺧﺮﻩ
ﻋﺪﻳﻨﺎ ﻧﺤﻨﺎ ﻭﺭﻛﺒﻨﺎ ﺍﻟﺴﻴﺎﺭﻩ ﻭﺧﺶ ﻳﻮﺳﻒ ﻟﻠﻤﺴﺘﺸﻔﻲ
~~~~~~~~~~~
ﻓﻴﺼﻞ : ﻫﺎﻙ ﻫﺬﻱ ﺍﻟﻮﺭﻗﻪ ﻗﻮﻻ ﺣﺠﺰ ﺗﻮ ﺑﺲ
ﻳﻮﺳﻒ: ﺗﻢ ﺍﻧﺼﺒﻮﻟﻚ ﻓﻲ ﺍﻻﻓﺮﺍﺡ
ﻗﺘﻠﻚ ﻓﻲ ﻣﺮﻳﻀﻪ ﻓﻲ ﻏﺮﻓﻪ 102 ﺭﺩ ﺑﺎﻟﻚ ﻣﻨﻬﺎ
ﻓﻴﺼﻞ : ﺍﺳﺘﻐﺮﺏ ﻭﺷﻦ ﺗﻌﺮﻓﻬﺎ
ﻳﻮﺳﻒ: ﺗﻘﻌﺪ ﺍﺧﺖ ﺻﺎﺣﺒﻲ ﺍﻟﻲ ﺩﺭﺗﻼ ﺍﻟﺘﻔﻮﻳﺾ
ﻓﻴﺼﻞ : ﻭﺍﻟﻠﻪ
ﻳﻮﺳﻒ: ﻭﺍﻟﻠﻪ
ﻓﻴﺼﻞ : ﺗﻮ ﻛﻨﺖ ﻋﻨﺪﻫﻢ . ﻭﻧﻄﻤﻦ ﻓﻴﻬﺎ ﻋﻠﻴﻬﻢ
ﻳﻮﺳﻒ: ﺍﻫﺎ ﺑﺎﻫﻲ ﺣﺎﻟﺘﻬﺎ ﻛﻮﻳﺴﺎ ﻫﻴﺎ
ﻓﻴﺼﻞ : ﻋﻨﺪﻫﺎ ﺿﻐﻂ ﻧﺎﺯﻝ ﻭﺩﻗﺎﺕ ﻗﻠﺐ ﺻﻴﺮﻟﻬﻦ ﻗﺒﺾ ﻳﻌﻨﻲ ﻣﺶ
ﻃﺒﻴﻌﻴﺎﺕ ﻭﺳﺒﺒﻬﺎ ﻣﺸﺎﻛﻞ ﻭﻧﻔﺴﻴﻪ
ﻳﻮﺳﻒ: ﺍﻫﺎ
ﻓﻴﺼﻞ : ﺑﺲ ﻋﺎﺭﻑ ﻣﻌﻨﺎﻫﺎ ﺻﺎﺣﺒﻚ ﺗﺒﻘﺎ ﺗﻌﺮﻓﺎ ﻛﺎﻥ ﺗﺬﻛﺮ ﻟﻤﺎ ﺟﻴﺘﻨﻲ
ﻫﻨﺎ ﻭﺧﺸﺖ ﻣﻤﺮﺿﻪ ﻭﻛﻨﺎ ﻧﺤﻜﻮ ﻉ ﺍﺳﻢ ﻣﺮﻳﻀﻪ ﻭﻗﻠﻨﺎ ﻏﺮﻳﺐ ﺍﻟﻲ
ﺍﺳﻤﻬﺎ ﺣﻴﺎﻩ ﻭﻗﺘﻠﻚ ﺍﻧﺎ ﺳﻤﺤﻪ ﺍﻟﺒﻨﺖ ﺑﻜﻞ
ﻳﻮﺳﻒ: ﺍﻫﺎ ﺫﻛﺮﺕ ﺍﺳﻤﻬﺎ ﺣﻴﺎﻩ ﻫﻴﺎ ﻭﺍﺑﺘﺴﻢ
ﻓﻴﺼﻞ : ﻣﻌﻨﺎﻫﺎ ﺗﻌﺮﻓﺎ ﻻﻥ ﺣﺘﻲ ﺗﻮ ﺷﻔﺘﻬﺎ ﺍﻣﻌﺎ ﺻﺎﺣﺒﻚ
ﻳﻮﺳﻒ: ﺍﻫﺎ ﺍﻛﻴﺪ ﺍﺧﺘﺎ ﻻﻥ ﺣﺘﻲ ﻣﻮﺳﻲ ﻋﻴﻮﻧﺎ ﻣﻠﻮﻧﺎﺕ
ﻓﻴﺼﻞ : ﻛﻴﻒ ﺷﻔﺘﻬﺎ ﺍﻧﺖ
ﻳﻮﺳﻒ: ﺷﻔﺘﻬﺎ 3 ﻣﺮﺍﺕ
ﺗﺬﻛﺮ ﻳﻮﻡ ﻫﺬﻛﻲ ﻗﺘﻠﻚ ﺧﺒﻄﺖ ﻓﻲ ﺑﻨﺖ ﻭﻗﻌﺪﺕ ﺍﺗﻌﻠﻖ
ﻓﻴﺼﻞ : ﺍﻫﺎ
ﻳﻮﺳﻒ: ﻫﻴﺎ ﻫﺬﻱ ﻭﻳﻮﻣﺘﻬﺎ ﺟﻴﺘﻬﻢ ﻓﻲ ﺍﻟﺤﻮﺵ ﺗﻠﻘﻴﺖ ﺍﻣﻌﺎﻩ ﻭﺷﻔﺘﻬﺎ
ﺗﻮﺍ
ﻓﻴﺼﻞ : ﺷﻦ ﺍﻟﻘﺼﻪ ﻳﺎﻃﻴﺮ
ﻳﻮﺳﻒ: ﺍﺑﺘﺴﻢ ﻻ ﻓﻴﺶ ﺷﻲ ﺑﺲ ﻋﻴﻮﻧﻬﺎ ﺧﻴﺎﻝ ﺍﻟﺒﻨﺖ
ﻓﻴﺼﻞ : ﻧﻘﻨﺎ ﻣﺸﺎﺀ ﺍﻟﻠﻪ ﻋﻠﻴﻬﺎ
ﻳﻮﺳﻒ: ﺑﺎﻫﻲ ﻭﺍﻧﺖ ﻣﺎﺻﺪﻗﺖ ﺭﺍﻙ ﻣﺠﻮﺯ ﻭﻋﻨﺪﻙ ﺑﻨﺘﻴﻦ
ﻓﻴﺼﻞ : ﺗﻲ ﺍﻭﻛﻲ ﺍﺭﻭﻱ ﻣﺎﻧﺒﺪﻟﻬﺶ ﻭﻛﻼﻡ ﻫﺬﺍ ﻧﺤﻜﻴﻪ ﺣﺘﻲ ﻗﺪﺍﻣﻬﺎ
ﻳﻮﺳﻒ: ﺍﻭﻛﻲ ﺻﺪﻗﺘﻚ ﺍﻧﺖ ﻗﺪﺍﻣﻬﺎ ﺗﻘﻌﺪ ﻛﻴﻒ ﺍﻻﺭﻧﺐ ﺍﻟﻄﻴﺐ
ﻓﻴﺼﻞ : ﻧﻨﻘﻨﻚ ﺗﺎﻓﻪ
ﻳﻮﺳﻒ: ﻃﻠﻌﻠﻚ ﻳﺎﻧﺰﻳﻚ
ﻓﻴﺼﻞ : ﻫﻬﻬﻪ ﺑﺎﻫﻲ ﻭﺟﻬﻚ ﻫﻴﺎ ﻭﺭﺍﻳﺎ ﺷﻐﻞ ﻣﺶ ﻛﻴﻔﻚ
ﻳﻮﺳﻒ: ﺗﻢ ﺍﻧﺘﻼﻗﻮ ﻓﻲ ﺣﻮﺵ ﺑﺎﻱ
ﻭﻃﻠﻊ ﻳﻮﺳﻒ ﺑﺮﺍ ﻣﺴﺘﺸﻔﻲ ﻟﺒﺲ ﻧﻈﺮﺍﺗﺎ ﺷﻤﺴﻴﻪ ﻭﺭﻛﺐ ﺍﻟﺴﻴﺎﺭﻩ
ﻭﺗﻤﺎ ﻳﻔﻜﺮ
~~~~~~~~~~~~~~~~~
ﺍﻧﺎ ﺧﺬﻳﺖ ﺩﺑﺶ ﻟﻴﺎ ﻭﻟﻬﺪﻱ ﻭﻋﺪﻳﻨﺎ ﻭﻃﻮﻝ ﻃﺮﻳﻖ ﻃﺒﻌﺎ ﻭﻣﻮﺳﻲ ﻳﺴﺐ
ﻭﻳﻠﻌﻦ ﻓﻲ ﺍﻟﻴﻮﻡ ﺍﻟﻲ ﺟﻴﻨﺎ ﻓﻴﻪ ﻭﺍﻧﺎ ﺧﻨﻘﺘﻨﻲ ﺍﻟﻌﺒﺮﻩ ﻭﻧﺒﻜﻲ ﺑﻼ ﺻﻮﺕ
ﻣﻦ ﺗﺤﺖ ﺍﻟﺨﻤﺎﺭ
ﻭﺻﻠﻨﺎ ﻣﺴﺘﺸﻔﻲ ﻭﺧﺸﻴﺖ ﻟﻠﻬﺪﻱ
ﻭﻣﻮﺳﻲ ﻗﻌﺪ ﺍﻣﻌﻨﺎ ﻭﻫﺰﺏ ﻫﺪﻱ ﺑﺪﻝ ﻣﺎﻳﻘﻮﻟﻠﻬﺎ ﺣﻤﺪ ﺍﻟﻠﻪ ﻉ ﺳﻼﻣﺘﻬﺎ
ﻭﻻﻳﺒﻴﻦ ﺣﺘﻲ ﺍﻥ ﺧﺎﻳﻒ ﻋﻠﻴﻬﺎ ﺑﺎﻟﻜﺬﺏ
ﻗﻌﺪ ﺍﻣﻌﻨﺎ ﻭﺑﻌﺪﻫﺎ ﺭﻭﺡ
ﻭﺗﻤﻴﺖ ﺍﻧﺎ ﻭﻫﺪﻱ ﻣﻊ ﺑﻌﻀﻨﺎ
ﻫﺪﻱ: ﺟﺒﺘﻴﻠﻲ ﻓﻮﻧﻲ
ﺍﻧﺎ : ﺍﻫﺎ ﺍﻫﻮ ﻫﺎﻛﻴﻪ ﻣﻘﻔﻞ ﺭﺍﻩ
ﻫﺪﻱ: ﺍﻳﻤﻦ ﺍﻛﻴﺪ ﻳﺮﻥ ﻭﻣﻨﺸﻐﻞ
ﺍﻧﺎ : ﺍﻛﻴﺪ
ﻫﺪﻱ : ﻫﻴﻴﻴﻴﻲ 20ﻣﺮﻩ ﺭﺍﻥ ﻭﻋﺸﺮ ﺭﺳﺎﻳﻞ ﺩﺍﺯ
ﻭﻣﺎﻛﻤﻠﺘﺶ ﻫﺪﻱ ﻛﻠﻤﺘﻬﺎ ﺍﻻ ﺍﻳﻤﻦ ﺭﺍﻥ ﺍﺧﺮﻩ
ﻫﺪﻱ: ﺑﺼﻮﺕ ﺗﻌﺒﺎﻥ . ﺍﻟﻮﻭ
ﺍﻳﻤﻦ : ﻳﺤﻜﻲ ﺭﻗﻴﻼ ﺗﻲ ﻭﻳﻨﻚ ﻣﻌﻘﻮﻝ ﻣﻘﻔﻞ ﻣﻌﻘﻮﻻ ﺍﻧﺎ ﻗﺎﻋﺪ ﻧﺒﺮﻡ ﻓﻲ
ﺷﺎﺭﻋﻜﻢ ﻣﺶ ﻋﺎﺭﻑ ﺷﻦ ﺍﻧﺪﻳﺮ ﻗﺒﻞ ﻗﻠﺖ ﻛﺎﻥ ﺗﻮ ﻓﺘﺤﺘﺶ ﻧﺒﻲ ﻧﻨﺰﻝ
ﺍﻧﺮﻥ ﻉ ﺣﻮﺷﻜﻢ
ﻫﺪﻱ: ﺍﻧﺎ ﻓﻲ ﻣﺴﺘﺸﻔﻲ
ﺍﻳﻤﻦ : ﺷﻨﻮﻭﻭﻭﻭ ﻣﺴﺘﺸﻔﻲ ﺷﻨﻮ
ﻫﺪﻱ: ﻣﺴﺘﺸﻔﻲ ....
ﺍﻳﻤﻦ : ﺟﺎﻳﻚ ﺗﻮﺍ
ﻫﺪﻱ: ﻻ ﻳﺎ ﺍﻳﻤﻦ ﻃﻮﻁ ﻃﻮﻁ ﻃﻮﻁ
ﺍﻧﺎ : ﻛﻨﺎ
ﻫﺪﻱ: ﺑﻴﺠﻲ ﻭﺍﻧﺎ ﺟﻴﺖ ﺑﻨﻘﻮﻻ ﻣﺎﺗﺠﻴﺶ ﺭﺍﻩ ﺍﻳﺠﻲ ﻣﻮﺳﻲ ﻳﺸﻮﻓﻨﺎ
ﺳﻜﺮ ﻗﺒﻞ ﻣﺎﻳﺴﻤﻌﻨﻲ
ﺍﻧﺎ : ﺭﺍﺟﻠﻚ ﺣﺘﻲ ﻛﺎﻥ ﺟﺎ ﻣﻮﺳﻲ ﻭﺷﺎﻓﻚ ﻗﻮﻟﻬﺎ ﻟﻪ ﻗﻮﻟﻴﻼ ﺭﺍﺟﻠﻲ ﻓﻲ
ﺷﺮﻉ ﻭﺩﻳﻦ
ﻭﺗﻤﻴﻨﺎ ﺍﺷﻮﻳﻪ ﺍﻧﻬﺪﺭﺯﻭ ﻭﻗﺎﻟﺘﻠﻲ ﻫﺪﻱ ﻧﻤﺸﻄﻠﻬﺎ ﺷﻌﺮﻫﺎ ﻭﺑﺮﻣﺖ
ﻋﻠﻴﻬﺎ ﻉ ﺳﺮﻳﻊ
ﻭﻗﻌﺪﻧﺎ ﺍﺷﻮﻳﻪ ﻭﻳﺪﻕ ﺑﺎﺏ ﺍﻟﺪﺍﺭ
ﻭﻳﺨﺶ ﺍﻳﻤﻦ
ﺳﻠﻢ ﻋﻠﻴﻨﺎ
ﺍﻧﺎ : ﺑﻨﻘﻌﻤﺰ ﺑﺮﺍ ﻻﻥ ﻣﻠﻴﺖ ﻣﻦ ﺩﺍﺭ
ﻭﻛﺎﻧﺖ ﺳﺒﻼ ﺑﻴﺶ ﺍﻧﺴﻴﺒﻬﻢ ﺑﺮﺍﺣﺘﻬﻢ
ﻭﺍﻧﺎ ﻣﻘﻌﻤﺰﺍ ﻉ ﻛﺮﺍﺳﻲ ﺍﻟﻲ ﻓﻲ ﻣﻤﺮ ﻣﺘﺎﻉ ﺍﻟﺪﺍﺭ ﺍﻟﻲ ﺭﺍﻗﺪﺍ ﻓﻴﻬﺎ
ﻫﺪﻱ ﻭﻧﻔﻄﻨﺶ ﺍﻻ ﻭﺍﺣﺪ ﻣﺼﺒﻲ ﻋﻠﻴﺎ
ﺍﻧﺎ :
.
.
.
.
.
.
.
.
.
.
.
# ﻳﺘﺒﻊ
