{الحب الاعمى }
الحلقه 6⃣
ﺟﺪﻩ : ﺧﺶ ﺧﺶ
ﻳﻮﺳﻒ: ﻫﻮ ﻣﺼﺒﻲ ﻓﻢ ﺍﻟﺒﺎﺏ ﻛﻨﻚ ﻳﺎﺣﺎﺝ ﺷﻐﻠﺘﻨﻲ ﺷﻦ ﻓﻲ
ﺟﺪﻩ : ﺧﺶ ﺗﻌﺎﻝ ﻭﻗﻌﻤﺰ
ﻳﻮﺳﻒ: ﻗﻌﻤﺰ ﻭﻗﺎﺑﻞ ﺟﺪﻩ
ﺍﻟﻲ ﻛﺎﻥ ﻣﻘﻌﻤﺰ ﻉ ﺻﺎﻟﻮﻥ ﻭﻣﺎﺳﻚ ﺳﺒﺤﺎ
ﺟﺪﻩ : ﺷﻦ ﺟﻮ ﺍﻟﺸﻐﻞ ﻣﻌﺎﻙ
ﻳﻮﺳﻒ: ﺗﻤﺎﻡ ﻭﺍﻟﻠﻪ ﻋﻨﺪﻱ ﻳﻮﻡ ﺍﻟﺴﺒﺖ ﺭﺣﻠﻪ ﻟﺘﺮﻛﻴﺎ
ﺟﺪﻩ : ﺍﻫﺎ ﺑﺎﻫﻲ ﺗﻤﺸﻲ ﻭﺗﺠﻲ ﻃﻴﺐ
ﻳﻮﺳﻒ: ﺍﻥ ﺷﺎﺀ ﺍﻟﻠﻪ ﻭﻛﺎﻥ ﻣﺘﻮﺗﺮ ﻭﺷﻐﻞ ﺑﺎﻻ ﺟﺪﻩ ﺷﻦ ﻳﺒﻲ ﻓﻴﻪ
ﺟﺪﻩ : ﻃﺒﻌﺎ ﺍﻛﻴﺪ ﻣﺴﺘﻐﺮﺏ ﺷﻦ ﻧﺒﻲ ﻓﻴﻚ
ﻳﻮﺳﻒ: ﺍﻫﺎ ﺷﻐﻠﺘﻨﻲ ﻗﻠﺖ ﻓﻲ ﺷﻲ ﺻﺎﻳﺮ ﻣﺸﻜﻠﻪ ﺣﺎﺟﻪ
ﺟﺪﻩ : ﻻ ﻓﻴﺶ ﻣﺸﺎﻛﻞ ﻭﺭﺑﻲ ﻣﺎﻳﺠﻴﺒﻬﻦ
ﻟﻜﻦ ﻓﻲ ﻣﺸﻜﻠﻪ ﻋﻨﺪﻧﺎ ﻓﻲ ﺍﻟﺤﻮﺵ ﻫﻨﺎ ﻭﻻﺯﻡ ﺍﻧﺤﻠﻮﻫﺎ
ﻳﻮﺳﻒ: ﺷﻦ ﻳﺎﺟﺪﻱ ﺍﺣﻜﻲ
ﺟﺪﻩ : ﺍﻧﺖ ﻋﺎﺭﻑ ﻣﻌﺰﺗﻚ ﻋﻨﺪﻱ ﺩﻭﻥ ﺧﻮﺗﻚ ﻛﻠﻬﻢ ﻭﻋﺎﺭﻓﻨﻲ ﺩﻳﻤﺎ
ﻣﺼﺒﻲ ﻣﻌﺎﻙ ﻓﻲ ﻛﻞ ﺷﻲ ﻭﻣﻊ ﺍﻧﻚ ﺗﻐﻠﻂ ﻭﺍﺟﺪ ﻭﻧﻤﺸﻴﻠﻚ ﻓﻲ ﺣﺎﺟﺎﺕ
ﻛﺎﻥ ﺩﻳﺮﻳﻨﻬﻦ ﺧﻮﺗﻚ ﻭﻻ ﻭﺍﺣﺪ ﻣﻦ ﺍﻋﻴﺎﻝ ﺳﻴﺪﻙ ﺭﺍﻩ ﺍﻧﻔﺼﻠﺖ ﻋﻠﻴﻬﻢ
ﻟﻜﻦ ﺍﻧﺖ ﻧﺴﺘﺜﻨﻲ ﻓﻴﻚ ﻣﻦ ﺩﻭﻧﻬﻢ ﻛﻠﻬﻢ
ﻳﻮﺳﻒ: ﻋﺎﺭﻑ ﻳﺎﺟﺪﻱ
ﺟﺪﻩ : ﺗﻮ ﻧﺒﻴﻚ ﺍﺗﻜﻮﻥ ﻣﻌﺎﻳﺎ ﺻﺮﻳﺢ ﻭﺑﻼﺵ ﻟﻒ ﻭﺩﻭﺭﺍﻥ ﻭﺗﻘﻮﻟﻲ ﺷﻦ
ﺍﻟﺴﺮ ﺍﻟﻲ ﻣﺨﻠﻴﻚ ﺭﺍﻓﺾ ﺗﺠﻮﺯ
ﻳﻮﺳﻒ: ﺳﻜﺖ ﺍﺷﻮﻳﻪ
ﻳﺎﺟﺪﻱ ﻣﺎﻓﻲ ﺷﻲ ﻣﺨﻠﻴﻨﻲ ﺭﺍﻓﺾ ﺍﻟﻔﻜﺮﻩ ﺑﺲ ﻗﺼﻪ ﻭﻣﺎﻓﻴﻬﺎ ﺍﻧﺎ
ﺷﻐﻠﻲ ﻳﺮﺑﻂ ﻓﻴﻬﺎ ﻭﻧﺴﺎﻓﺮ ﻭﺍﺟﺪ ﻭﻧﺒﻴﺶ ﺍﻧﺠﻴﺐ ﻣﺮﻩ ﻭﻧﻈﻠﻤﻬﺎ ﺍﻣﻌﺎﻳﺎ
ﻭﻧﻘﻌﺪ ﻃﻮﻝ ﺍﻟﻮﻗﺖ ﻣﺶ ﻓﺎﺿﻴﻠﻬﺎ
ﺟﺪﻩ : ﺭﻳﺖ ﻗﺼﺔ ﺷﻐﻠﻚ ﻣﺤﻠﻮﻻ ﺍﻧﺖ ﺗﺨﺪﻡ ﻣﻌﺎﻳﺎ ﻓﻲ ﺷﺮﻛﻪ ﻫﺬﻱ
ﺣﺎﺟﻪ ﻭﻛﻨﻚ ﻉ ﻃﻴﺮﺍﻥ ﺍﻧﺖ ﺍﺳﺎﺳﺎ ﺧﺸﻼ ﻛﻬﻮﺍﻳﻪ ﻟﻜﻲ ﻣﺶ ﺷﻐﻞ
ﺍﻃﻠﻊ ﻣﻨﺎ ﺭﺯﻗﻚ ﻳﻌﻨﻲ ﺑﺠﻮﻙ ﻭﻫﻮ ﺍﺳﺎﺳﺎ ﺍﻧﺖ ﻓﻲ ﺍﻻﺳﺒﻮﻉ ﻋﻨﺪﻙ
ﺭﺣﻠﺘﻴﻦ ﻏﻴﺮ ﺍﻧﺖ ﺍﻟﻔﺘﺮﻩ ﻫﺬﻱ ﻭﺧﺬ ﺍﺳﺒﻮﻉ ﻋﻤﻞ ﻭﺍﺳﺒﻮﻉ ﺭﺍﺣﻪ ﻭﻻ
ﺗﺤﺴﺒﻨﻲ ﻧﻨﺪﺭﻳﺶ ﻋﻠﻴﻚ ﻭﻣﺎﻧﺴﺄﻟﺶ ﺍﻣﺘﺒﻊ ﺍﺧﺒﺎﺭﻙ ﻛﻠﻬﻦ
ﻳﻮﺳﻒ: ﺍﻧﺼﺪﻡ ﻣﻦ ﺟﺪﻩ ﺍﻟﻲ ﻃﻠﻊ ﻋﺎﺭﻑ ﻛﻞ ﺣﺎﺟﻪ ﻋﻠﻲ ﺷﻐﻼ
ﺟﺪﻩ : ﻫﺎ ﺗﺒﻴﺶ ﺍﺗﻘﻮﻟﻲ ﺳﺒﺐ ﺍﻟﺤﻘﻴﻘﻲ
ﻳﻮﺳﻒ: ﻣﺎﻓﻴﺶ ﺳﺒﺐ ﻳﺎﺟﺪﻱ ﻫﺬﻱ ﺍﻟﻘﺼﻪ
ﻭﺗﻨﻬﺪ ﻳﻮﺳﻒ ﻭﺗﻤﺎ ﻳﻔﻚ ﻓﻲ ﺑﻄﻤﺖ ﺍﻟﺴﻮﺭﻳﻪ ﺍﻣﺘﺎﻋﺎ
ﺟﺪﻩ : ﻃﻮﻝ ﻋﻤﺮﻱ ﺩﻳﻤﺎ ﺍﻧﻘﻮﻝ ﻳﻮﺳﻒ ﻫﺬﺍ ﻧﺴﺨﺘﻲ ﻭﺫﻛﺮ ﻓﻴﺎ ﺑﺮﻭﺣﻲ
ﺍﻳﺎﻡ ﻣﺎ ﻛﻨﺖ ﺷﺎﺏ
ﻭﺍﻧﺖ ﻣﻦ ﺩﻭﻥ ﺧﻮﺗﻚ ﻃﻠﻌﻠﻲ ﻭﺍﺟﺪ ﺣﺘﻲ ﻋﻴﺎﻟﻲ ﻣﺎﻃﻠﻌﻮﻟﻴﺶ
ﺑﺲ ﻧﺤﺴﺒﺶ ﺗﻔﻜﻴﺮﻙ ﻳﻄﻠﻊ ﻣﺮﺍﻫﻖ
ﻳﻮﺳﻒ: ﺍﻧﺼﺪﻡ ﻣﻦ ﻛﻠﻤﺔ ﺟﺪﻩ
ﻋﻠﻴﺶ ﻳﺎﺟﺪﻱ ﺷﻦ ﻓﻲ
ﺟﺪﻩ : ﺍﻧﺖ ﻋﺎﺭﻑ ﺷﻦ ﻓﻲ ﺗﺤﺴﺒﻨﻲ ﻧﻌﺮﻓﺶ ﻋﻠﻴﺶ ﺭﺍﻓﺾ ﺯﻭﺍﺝ ﻣﺶ
ﻋﻠﺸﺎﻥ ﺍﻣﻴﺮﻩ ﺑﻨﺖ ﻋﻤﺘﻚ
ﻳﻮﺳﻒ: ﺯﻣﻂ ﺭﻳﻘﺎ ﻭﻧﺤﺮﺝ ﻣﻦ ﺟﺪﻩ ﻭﺳﻜﺖ ﻣﺎﺑﺶ ﻳﺮﺩ ﺑﻜﻠﻤﻪ
ﺟﺪﻩ : ﻣﺶ ﻋﻠﺸﺎﻥ ﻫﻜﻲ ﺍﺣﻜﻴﻠﻲ
ﻳﻮﺳﻒ: ﻣﺴﺢ ﺑﻴﺪﺍ ﺗﺤﺖ ﺍﻋﻴﻮﻧﺎ ﻭﻧﺰﻝ ﻣﺴﺢ ﻉ ﻟﺤﻴﺘﺎ ﻭﺣﻂ ﻳﺪﺍ ﺗﺤﺖ
ﺣﻨﻜﺎ ﻭﺗﻤﺎ ﻳﻤﺴﺢ ﻓﻴﻪ ﺑﻴﺪﺍ ﻭﻳﺒﺤﺖ ﻓﻲ ﺟﺪﺍ
ﺟﺪﻩ : ﺍﻟﻲ ﺩﺭﺕ ﺍﻟﺤﺮﻛﻪ ﻫﺬﻱ ﻣﻌﻨﺎﻫﺎ ﻛﻼﻣﻲ ﺻﺎﺡ
ﻳﻮﺳﻒ: ﺑﺎﻫﻲ ﺷﻦ ﻣﻄﻠﻮﺏ ﻣﻨﻲ ﻳﺎﺟﺪﻱ
ﺟﺪﻩ : ﻣﻄﻠﻮﺏ ﻣﻨﻚ ﺗﺰﻭﺝ
ﻳﻮﺳﻒ: ﻭﺍﻧﺎ ﺭﺍﻓﻀﻬﺎ ﺍﻟﻔﻜﺮﻩ
ﺟﺪﻩ : ﻭﺑﺎﻟﻨﺴﺒﻪ ﻟﻴﺎ ﻫﻴﺎ ﻫﺬﻱ ﺍﺧﺮ ﻛﻠﻤﻪ ﻗﺪﺍﻣﻚ ﺷﻬﺮ ﻓﻜﺮ ﻓﻴﻪ
ﻭﻗﻮﻟﻠﻨﺎ ﺍﻣﻚ ﺍﺗﺸﻮﻓﻠﻚ ﻋﺮﻭﺱ
ﻭﻋﺮﺳﻚ ﻣﻊ ﺧﻮﻙ ﻣﻨﺬﺭ
ﻳﻮﺳﻒ: ﻳﺎﺟﺪﻱ ﺍﻧﺎ ﻣﺶ ﻋﻴﻞ ﺍﺻﻐﻴﺮ ﺑﻴﺶ ﺍﺗﻘﺮﺭﻭﻟﻲ ﺣﻴﺎﺗﻲ ﻭﺯﻭﺍﺝ
ﻣﺶ ﻣﺠﻮﺯ ﻭﻫﺬﺍ ﺍﺧﺮ ﻛﻼﻡ
ﺟﺪﻩ : ﻻ ﺍﻧﺖ ﻋﻴﻞ ﺍﺻﻐﻴﺮ ﻃﻠﻌﺖ ﺑﺘﻔﻜﻴﺮﻙ ﺍﻟﻤﺮﺍﻫﻖ ﺑﺎﻟﺤﺐ ﻭﺍﻟﻜﻼﻡ
ﺍﻟﻔﺎﺿﻲ
ﻭﺍﻧﺎ ﻗﺘﻠﻚ ﻉ ﻃﻼﻕ ﻋﺮﺳﻚ ﻣﻊ ﻣﻨﺬﺭ ﻭﻛﻼﻡ ﻣﻨﺘﻬﻲ
ﻳﻮﺳﻒ: ﻋﺾ ﻉ ﻓﻤﺎ
ﻭﺻﺒﺎ ﻭﻫﻮ ﺭﻗﻴﺎﻻ ﻣﺎﺷﻲ ﻣﺎﺷﻲ ﺗﻢ ﻳﺎﺟﺪﻱ
ﻭﻃﻠﻊ ﻭﻫﻮ ﺭﻗﻴﺎﻻ ﻭﻣﺎﻳﺤﻘﺶ ﻗﺪﺍﻣﺎ
ﺟﺪﻩ : ﻳﻌﻴﻂ ﻳﺎ ﻳﻮﺳﻒ ﻳﺎﻳﻮﺳﻒ
ﻳﻮﺳﻒ: ﻣﺎﺑﺶ ﻳﻌﺪﻝ ﻉ ﺟﺪﻩ ﻭﻃﻠﻊ ﺗﻠﻘﺎ ﻣﻊ ﺟﺪﺗﺎ
ﺟﺪﺗﺎ ﻋﺰﻳﺰﻩ: ﻳﻮﺳﻒ ﺟﺪﻙ ﻳﻀﺒﺢ ﻋﻠﻴﻚ
ﻳﻮﺳﻒ: ﺗﻌﺮﻓﻮ ﺍﺗﺨﻄﻮﻧﻲ
ﻭﻃﻠﻊ ﺑﺴﺮﻋﻪ
ﻭﻟﻊ ﺍﻟﺴﻴﺎﺭﻩ ﻭﻃﻠﻊ ﻳﺤﺮﻕ ﻓﻲ ﻋﺠﻠﻬﺎ ﻭﺩﺭﺱ ﻋﻨﺪ ﺑﺎﺏ ﺍﻟﻔﻴﻼ ﻭﺑﻴﺐ
ﻟﻠﺒﻮﺍﺏ ﺑﻴﺶ ﻳﻔﺘﺢ ﺍﻟﺒﺎﺏ ﻭﻓﺘﺤﻼ ﺍﻟﺒﻮﺍﺏ ﻭﻃﻠﻊ ﺑﺎﻟﺠﻨﺐ ﻣﻦ ﻓﻴﻼ
( ﺑﺎﻟﺠﻨﺐ ﻳﻌﻨﻲ ﻃﻠﻊ ﻳﻤﺘﻊ ﻓﻴﻬﺎ )
ﻭﻃﻠﻊ ﻳﻮﺳﻒ ﻳﺠﺮﻱ ﻭﻫﻮ ﻣﺶ ﻋﺎﺭﻑ ﻭﻳﻦ ﻳﻤﺸﻲ
~~~~~~~~~
ﻫﺪﻱ: ﻫﺬﺍ ﺍﻟﻄﺮﻑ ﺍﻟﻲ ﻓﻲ ﺍﻟﻤﺴﺘﺸﻔﻲ ﻳﺤﻜﻮ ﻋﻠﻴﻪ
ﺍﻧﺎ : ﻭﺍﻻﺑﺘﺴﺎﻣﻪ ﻋﻠﻲ ﻭﺟﻬﻲ . ﺍﻫﺎ ﻫﻮ
ﻫﺪﻱ: ﺑﺤﺘﺖ ﻓﻲ ﻣﻼﻣﺢ ﻭﺟﻬﻲ ﻟﻘﺘﻨﻲ ﻣﺒﺘﺴﻤﻪ . ﺣﻲ ﺣﻘﻲ ﻛﻴﻒ
ﺗﻀﺤﻚ ﺑﻪ ﺭﺍﻩ ﻣﺶ ﺭﺍﺟﻠﻚ ﺍﻟﻲ ﻳﺤﻜﻮ ﻋﻠﻴﻪ ﻭﺍﻧﺘﻲ ﺗﻀﺤﻜﻲ ﻣﻦ ﺟﺪﻙ
ﺍﻧﺎ : ﺧﺒﻄﺘﻬﺎ ﻉ ﻛﺘﻔﻬﺎ . ﺧﺰﻳﻪ ﺍﺳﻜﺘﻲ ﺧﻠﻴﻨﻲ ﻧﺘﺨﺎﻳﻞ ﺣﺮﺍﻡ
ﻫﺪﻱ: ﺑﺎﻫﻲ ﻳﺎﺣﻨﻪ ﺗﺨﺎﻳﻠﻲ ﺷﻜﻠﻚ ﻛﺒﺪﺗﻲ ﻓﻲ ﺍﻟﻌﻄﻴﺐ
ﺍﻧﺎ : ﻣﺶ ﻋﺎﺭﻑ ﺷﻜﻠﻲ ﻫﻬﻬﻬﻬﻪ
ﻫﺪﻱ: ﻭﻫﻲ ﺗﻔﺘﺢ ﻓﻲ ﺩﻭﻻﺏ ﻭﻃﻠﻊ ﺳﻄﻞ
ﺗﻲ ﻭﻳﻦ ﺍﻟﺨﺮﺍ ﺍﻟﻜﻌﻚ
ﻓﺎﻃﻤﻪ : ﻭﻫﻴﺎ ﺗﻤﺴﺢ ﻓﻲ ﻟﻤﻮﺍﻋﻴﻦ ﻭﺗﺮﺩ ﻓﻴﻬﻦ . ﺍﺳﺄﻟﻲ ﺃﻣﻲ ﻭﻻ
ﻣﺒﺮﻭﻛﻪ
ﻫﺪﻱ: ﺍﻭﻭﻭﻭﻑ ﻋﻠﻴﻚ ﺣﻮﺵ ﺣﺘﻲ ﺍﻟﻲ ﻳﺒﻲ ﺣﺎﺟﻪ ﻳﺸﻴﺐ ﻭﻫﻮ ﻳﺪﻭﺭ
ﻭﻳﺴﺄﻝ
ﺍﻧﺎ : ﺍﻧﻘﺮﺽ ﻓﻲ ﻣﻌﺪﻭﻧﺲ ﻭﻧﻀﺤﻚ ﻉ ﻋﺼﺒﻴﺖ ﻫﺪﻱ ﺍﻟﻲ ﻣﻦ ﺻﺒﺢ .
ﻫﺪﻱ: ﺻﺒﺖ ﻉ ﺑﺎﺏ ﺍﻟﻤﻄﺒﺦ ﻻﻥ ﻛﺎﻧﻮ ﻣﻘﺎﺑﻠﻴﻨﻬﺎ ﻭﻣﻘﻌﻤﺰﻳﻦ ﻣﻮﺳﻲ
ﻭﺑﺎﺗﻲ ﻭﺍﺟﺪﻳﺪﻩ ﻭﻣﺒﺮﻭﻛﻪ
ﻫﺪﻱ: ﺧﻴﺮ
ﻛﻠﻬﻢ : ﺧﻴﻴﺮ
ﻫﺪﻱ: ﺍﻣﻲ
ﺍﺟﺪﻳﺪﻩ : ﻧﻌﻢ ﻳﺎﺃﻣﻲ
ﻫﺪﻱ: ﻭﻳﻦ ﺍﻟﻜﻌﻚ
ﺍﺟﺪﻳﺪﻩ : ﺍﻫﻮ ﻋﻨﺪﻙ ﻓﻲ ﺳﻄﻞ
ﻫﺪﻱ: ﻻ ﻛﺎﻣﻞ
ﺍﺟﺪﻳﺪﻩ : ﻓﻲ ﺳﻄﻞ ﺍﻟﻜﺒﻴﺮ ﺍﻟﺤﻤﺮ ﺗﻠﻘﻴﻪ ﻭﺭﺍﻩ ﺍﻟﺒﺎﺏ ﺧﻮﺫﻱ ﻣﻨﺎ ﻭﻋﺒﻲ
ﻓﻲ ﺳﻄﻞ ﺍﻟﺼﻐﻴﺮ
ﻫﺪﻱ: ﺑﺎﻫﻲ
ﺍﻧﺎ : ﻟﻘﻴﺘﻴﻪ ﻳﺎﺯﻣﺎﻗﺎ
ﻫﺪﻱ: ﺍﻧﺘﻲ ﺍﺳﻜﺘﻲ ﻭﺍﻟﻬﻲ ﻓﻲ ﻣﺤﺸﻴﻜﻲ
ﺍﻧﺎ : ﻫﻬﻬﻬﻪ ﺧﺰﻳﻪ ﺯﻣﺎﻗﺎ
ﻫﺪﻱ: ﺣﻴﺎﻩ ﺍﺻﺒﺤﻲ ﺭﺍﻩ ﺻﺒﺢ
ﻓﺎﻃﻤﻪ : ﺣﻲ ﻋﻠﻴﻚ ﺍﺳﻜﺘﻲ ﺭﺍﻩ ﺍﺗﺠﻲ ﺍﺗﻨﺘﺶ ﺷﻌﺮﻙ
ﺍﻧﺎ : ﺣﻲ ﻛﺎﻥ ﻳﺸﻮﻓﻬﺎ ﺍﻳﻤﻦ ﺑﺤﺎﻟﺘﻬﺎ ﺍﻟﻤﺰﺍﺟﻴﻪ ﻫﺬﻱ
ﻓﺎﻃﻤﻪ : ﺍﺳﻤﻼ ﻋﻠﻴﻪ ﺍﻟﺮﺍﺟﻞ ﺗﻮ ﺍﻧﻘﻮﻻ ﻓﻲ ﺻﺒﺢ ﻣﺎﺗﺤﻮﻟﺶ ﺍﺗﺠﻲ
ﺷﻮﺭﻫﺎ ﺑﻜﻞ
ﻫﺪﻱ: ﻭﻫﻴﺎ ﻣﻘﻌﻤﺰﺍ ﻋﻠﻲ ﺭﻛﺒﻴﻬﺎ ﻭﺗﻌﺒﻲ ﻓﻲ ﺳﻄﻞ ﻟﺼﻐﻴﺮ ﻓﻲ ﻛﻌﻚ
ﺍﻣﺎﻻ ﺗﺤﺴﺒﻦ ﺻﺒﺎﺣﻲ ﻓﻲ ﺍﻳﻤﻦ ﻛﻴﻒ ﺻﺒﺎﺣﻲ ﻋﻠﻴﻜﻦ ﺗﻲ ﻳﺎﻧﺎ ﻋﻠﻴﺎ
ﺍﻣﻌﺎﻩ ﻫﻮ ﻏﻴﺮ ﻧﺼﺒﺢ ﻉ ﺑﻮﺳﻪ ﻭﻉ ﻭﺟﻪ ﻭﻉ ﻛﻼﻡ ﻳﻬﺒﻞ
ﻣﺶ ﻣﺼﺒﺤﺎ ﻓﻲ ﻭﺣﺪﻩ ﺍﺗﻘﺮﺽ ﻓﻲ ﻣﺤﺸﻲ ﻭﺭﺧﺮﺍ ﺗﻐﺴﻞ ﻓﻲ ﻣﻮﺍﻋﻴﻦ
ﻭﺗﻤﺴﺢ ﻭﺗﺮﺩ ﻓﻴﻬﻦ ﻭﻭﺟﻮﻫﻦ ﻳﺠﺒﻦ ﻋﺸﺮ ﺍﻳﺎﻡ ﻗﺒﻠﻲ
ﻓﺎﻃﻤﻪ : ﻓﻲ ﻫﺬﻱ ﻣﻌﺎﻙ ﺍﻟﺤﻖ ﺍﻛﻴﺪ ﺻﺒﺎﺣﻚ ﻓﻲ ﺭﺍﺟﻠﻚ ﻣﺶ ﻛﻴﻔﻨﺎ
ﻧﺤﻨﺎ ﺑﺲ ﻓﻲ ﻭﺟﻮﻫﻨﺎ ﻳﺠﻴﺒﻦ ﻓﻲ ﻋﺸﺮﻩ ﺍﻳﺎﻡ ﻗﺒﻠﻲ ﻓﻲ ﻫﺬﻱ ﻛﺬﺍﺑﻪ
ﺑﺪﻋﺎ
ﺍﻧﺎ ﻭﺣﻴﺎﻩ ﻭﺟﻮﻫﻨﺎ ﺍﺟﻤﻞ ﻣﻦ ﺍﻳﻤﻦ ﺍﻟﻲ ﺷﻴﻴﻦ
ﻫﺪﻱ: ﺷﻴﻦ ﻣﺎﻗﻠﺖ ﺷﻲ ﺑﺲ ﻗﻠﺒﺎ ﻣﻐﻄﻲ ﻉ ﻭﺟﻬﻲ ﻭﺭﻭﻣﺎﻧﺴﻴﺘﺎ
ﻣﺬﻭﺑﺘﻨﻲ ﻓﻴﻪ
ﻣﺶ ﻛﻴﻒ ﻧﺎﺱ ﻭﺟﻪ ﺳﻤﺢ ﻭﻳﻜﻤﻠﻮ ﻓﻴﻬﺎ ﻓﻲ ﻧﺼﺎﺋﺢ ﺩﻳﻨﻴﻪ
ﺭﺍﻳﺤﺎ ﺍﺗﻘﻮﻝ ﺗﺤﻜﻲ ﻣﻊ ﻋﻤﺮﻭ ﺧﺎﻟﺪ
ﻓﺎﻃﻤﻪ : ﻫﻴﻴﻴﻴﻲ ﻋﻠﻲ ﻣﻦ ﺗﺤﻜﻲ ﻗﺼﺪﻙ ﻣﻔﺘﺎﺡ
ﻫﺪﻱ: ﻭﻓﻲ ﻏﻴﺮﺍ
ﺍﻧﺎ : ﺧﺨﺨﻬﻬﻬﻬﻬﻪ .. ﺍﺱ ﺍﺱ ﻣﻮﺳﻲ ﺟﺎ
ﺳﻜﺘﻦ ﺍﻟﺒﻨﺎﺕ
ﻫﺪﻱ: ﺻﺒﺖ ﺳﻜﺮﺕ ﺍﻟﺴﻄﻞ ﻭﻓﺎﻃﻤﻪ ﺻﺒﺖ ﻟﻠﻬﺪﻱ ﻛﺒﺎﻳﺎﺕ ﺷﺎﻫﻲ
ﻭﺣﻠﻴﺐ
ﻣﻮﺳﻲ : ﻭﻫﻮ ﺟﺎﻳﺐ ﻃﺎﺳﺔ ﺍﻟﺸﺎﻫﻲ ﻭﺧﺎﺵ ﻟﻠﻤﻄﺒﺦ
ﺣﻴﺎﻩ ﺷﻦ ﺩﻳﺮﻳﻦ ﻏﺪﺍﺀ
ﺍﻧﺎ : ﻓﺎﺻﻮﻟﻴﺎ ﻭﻓﻠﻔﻞ ﻣﺤﺸﻲ
ﻣﻮﺳﻲ : ﺑﺎﻫﻲ ﺑﻴﺶ ﺗﺤﺴﺒﻮﻧﻲ ﻓﻴﻬﻦ
ﻫﺪﻱ: ﺍﻧﺘﻢ ﺷﻦ ﻏﺪﺍﻛﻢ
ﻣﻮﺳﻲ : ﺃﻣﻞ ﻣﺶ ﻣﻄﻴﺒﺎ ﺍﻟﻴﻮﻡ ﺷﻴﻠﻬﺎ ﻋﻨﺪ ﻫﻠﻬﺎ
ﻫﺪﻱ: ﺑﺘﻜﺸﻴﺨﺎ ﻭﻫﻴﺎ ﺗﺸﺮﺏ ﻓﻲ ﺷﺎﻫﻲ ﻭﺣﻠﻴﺐ
ﺑﺎﻫﻲ ﺗﻮ ﻧﻌﻘﺒﻮﻟﻚ
ﻓﺎﻃﻤﻪ : ﺍﻧﺪﺯﻭﻩ ﻟﻜﻲ ﻓﻮﻕ ﻭﻻ ﻟﻮﻃﺎ ﺗﺒﻴﻪ
ﻣﻮﺳﻲ : ﻓﻮﻭﻕ ﺭﻛﺒﻨﺎ ﻟﻴﺎ
ﺍﻧﺎ : ﺑﺎﻫﻲ ﺣﺎﻇﺮ
ﻭﻋﺪﺍ ﻣﻮﺳﻲ ﻭﺭﻛﺐ
ﻫﺪﻱ: ﻫﺎﻟﻤﺨﻤﺠﺎ ﺍﻟﺒﺎﻳﺮ ﺗﻮ ﻓﻲ ﻭﺣﺪﻩ ﺍﺗﺴﻴﺐ ﺭﺟﻠﻬﺎ ﻳﻮﻡ ﺟﻤﻌﻪ ﺑﺪﻭﻥ
ﻏﺪﺍﺀ ﻭﺗﻌﺪﻱ ﻟﻬﻼ
ﺍﻧﺎ : ﻭﺍﻧﺘﻲ ﺷﻦ ﺩﺧﻠﻚ ﻛﻞ ﻭﺍﺣﺪ ﺣﺮ ﻓﻲ ﺣﻴﺎﺗﺎ
ﻫﺪﻱ: ﻣﺎﻧﻲ ﻋﺎﺭﻑ ﻣﻮﺳﻲ ﻟﻴﺶ ﺍﺟﻮﺯ ﺑﻌﺪ ﺍﻥ ﻏﺪﺍﻩ ﻭﻋﺸﺎﻩ ﻋﻨﺪﻧﺎ
ﻳﺮﻗﺪ ﺑﺲ ﻓﻮﻕ ﻟﻜﻦ ﻣﻦ ﺻﺒﺤﺖ ﺍﻟﺼﺒﺢ ﻋﻨﺪﻧﺎ
ﻓﺎﻃﻤﻪ : ﻭﺍﻃﻲ ﺣﺴﻚ ﺭﺍﻩ ﻳﺴﻤﻌﻚ
ﻭﻫﻴﺎ ﻳﺎﺣﻴﺎﻩ ﻧﺤﺸﻲ ﻣﻌﺎﻙ
ﺍﻧﺎ : ﺍﻫﺎ ﺍﺣﺸﻲ ﻣﻌﺎﻳﺎ ﺑﻴﺶ ﺍﻧﺤﻂ ﺍﻟﻔﺎﺻﻮﻟﻴﺎ
ﻫﺪﻱ: ﻭﺍﻧﺎ ﻧﻌﺪﻱ ﻧﺒﺮﻡ ﻋﺎﻟﺤﻮﺵ
~~~~~~~~~~
ﺍﺑﺮﺍﻫﻴﻢ ﺑﺎﺕ ﻳﻮﺳﻒ : ﺑﺎﻫﻲ ﻳﺎﺣﺎﺝ
ﻋﻠﻲ ﺟﺪ ﻳﻮﺳﻒ : ﺯﺭﻳﺖ ﻋﻠﻴﻪ ﻭﺣﻠﻔﺘﻼ ﺑﻄﻼﻕ ﺍﻥ ﻋﺮﺳﺎ ﻣﻊ ﻣﻨﺬﺭ ﺧﻮﻩ
ﺍﺑﺮﺍﻫﻴﻢ : ﺷﻦ ﻗﺎﻟﻚ
ﻋﻠﻲ : ﻣﺎﺭﺩﺵ ﻃﻠﻊ ﻭﻫﻮ ﺭﻗﻴﻼ ﺣﺘﻲ ﻋﻴﻄﺘﻼ ﻣﺎﺑﺶ ﻳﺮﺩ ﻋﻠﻴﺎ ﻭﻃﻠﻊ
ﻳﻤﺘﻊ ﻓﻲ ﺳﻴﺎﺭﻩ
ﺍﺑﺮﺍﻫﻴﻢ : ﺗﻮ ﻳﻔﻜﺮ ﻓﻲ ﻛﻼﻣﻚ ﻭﻧﺤﻨﺎ ﻣﺎﻧﺪﻳﺮﻭﺵ ﻓﻲ ﺣﺎﺟﻪ ﻏﻠﻂ ﻫﺬﺍ
ﻛﻼ ﻓﻲ ﻣﺼﻠﺤﺘﺎ ﺩﺭﻧﻪ
ﻋﻠﻲ : ﺍﺻﻼ ﻗﺎﻋﺪ ﻳﻀﻴﻊ ﻓﻲ ﺭﻭﺣﺎ ﻓﻲ ﺣﺐ ﻭﻗﻄﺎﻑ ﻓﺎﺿﻲ
ﺍﻟﺒﻨﺖ ﺍﺟﻮﺯﺕ ﻭﻋﺎﺷﺖ ﺣﻴﺎﺗﻬﺎ ﻋﻠﻴﺶ ﻣﻌﻠﻖ ﺭﻭﺣﺎ ﻋﻠﻴﻬﺎ ﺷﻦ ﻣﺎﺯﺍﻝ
ﻓﻲ ﻋﻘﻼ ﺷﻦ ﻳﺒﻲ ﻳﺒﻴﻬﺎ ﺗﻄﻠﻖ ﻣﺜﻼ ﻭﻳﺄﺧﺬﻫﺎ
ﺍﺑﺮﺍﻫﻴﻢ : ﻭﺍﻟﻠﻪ ﻳﺎﺣﺎﺝ ﻣﺎﻋﺪ ﻋﺮﻓﺖ ﺍﻟﻌﻴﻞ ﻫﺬﺍ ﻓﻴﺶ ﻳﻔﻜﺮ
ﻋﻠﻲ : ﻋﺎﺭﻑ ﺗﻔﻜﻴﺮﺍ ﺍﻧﺎ ﻭﻫﺬﺍ ﻋﻠﻴﺶ ﺣﻠﻔﺘﻼ ﺑﻄﻼﻕ ﻟﻤﺎ ﻟﻘﻴﺖ ﻛﻼﻡ
ﻣﻨﺘﻬﻲ ﺍﻣﻌﺎﻩ ﻭﻣﻦ ﺭﺩﺍ ﻋﻠﻴﺎ ﻟﻘﻴﺘﺎ ﻳﺒﻲ ﻳﺴﻜﺮ ﺭﺍﺳﺎ ﻭﺑﻴﻤﺸﻲ ﺍﻟﻲ ﻳﺒﻴﻪ
ﻭﺍﻧﺎ ﻗﺒﻞ ﻧﺒﻲ ﻧﺤﻜﻲ ﺍﻣﻌﺎﻩ ﻧﺒﻴﺶ ﺍﻧﺰﺭ ﻋﻠﻴﻪ ﻻﻥ ﻏﺎﻟﻲ ﻋﻠﻴﺎ ﻣﻦ ﺩﻭﻥ
ﺧﻮﺗﺎ ﻭﺍﻋﻴﺎﻝ ﺧﻮﻙ ﺟﻤﺎﻝ
ﺍﻧﻌﺰﺍ ﻣﻌﺰﺍ ﺧﺎﺻﻪ
ﺑﺲ ﻟﻘﻴﺖ ﻻﺯﻡ ﺍﻧﺸﺪ ﻋﻠﻴﻪ ﻭﻧﻜﻮﻥ ﺍﻣﻌﺎﻩ ﺻﺎﺭﻡ ﻭﻗﺮﺍﺭ ﻓﻲ ﻣﺼﻠﺤﺘﺎ
ﺍﺑﺮﺍﻫﻴﻢ : ﺧﻴﺮ ﻣﺎﺩﺭﺕ ﻳﺎﺣﺎﺝ ﻭﻛﻴﻒ ﻣﺎﻗﺘﻠﻚ ﻳﻮﺳﻒ ﻳﻌﺎﻧﺪ ﻓﻲ ﺍﻻﻭﻝ ﺑﺲ
ﺑﻌﺪ ﻳﻘﻌﺪ ﺑﺮﻭﺣﻪ ﻭﻳﻔﻜﺮ
ﻳﻠﻘﺎ ﻛﻼﻣﻨﺎ ﺻﺎﺡ ﻭﺗﻮ ﻳﻘﺘﻨﻊ ﺑﻪ
ﻋﻠﻲ : ﺧﻠﻴﻪ ﻓﺘﺮﻩ ﻫﺬﻱ ﻋﻨﺪﺍ ﺷﻬﺮ ﻳﻔﻜﺮ ﻓﻴﻪ ﻭﺗﻮ ﻳﺮﺩ ﻉ ﺗﻠﻴﺎﺕ ﻋﻘﻼ
ﻭﻳﺠﻲ ﻳﻘﻮﻟﻠﻨﺎ ﺑﻨﺠﻮﺯ
ﺍﺑﺮﺍﻫﻴﻢ : ﺍﻥ ﺷﺎﺀ ﺍﻟﻠﻪ
ﺭﺑﻲ ﻳﻄﻮﻟﻠﻨﺎ ﻓﻲ ﻋﻤﺮﻙ ﻳﺎﺣﺎﺝ ﻭﺳﻤﺤﻨﻲ ﻛﺎﻥ ﻗﻠﻞ ﺍﺩﺑﺎ ﻋﻠﻴﻚ
ﻋﻠﻲ : ﻳﻮﺳﻒ . ﻣﻌﺘﺒﺮﺍ ﻭﻟﺪﻱ ﻭﺻﺎﺣﺒﻲ ﻣﺶ ﺣﻔﻴﺪﻱ
ﻳﺎ ﺍﺑﺮﺍﻫﻴﻢ
ﺍﺑﺮﺍﻫﻴﻢ : ﺑﺎﻫﻲ ﺍﻧﺎ ﻣﺎﺷﻲ ﺍﻧﻐﻴﺮ ﺩﺑﺸﻲ
ﻋﻠﻲ : ﺑﺎﻫﻲ ﻋﺠﻞ ﺑﻴﺶ ﻧﻤﺸﻮ ﻟﻠﺠﺎﻣﻊ ﺍﻧﺼﻠﻮ ﺍﻟﺠﻤﻌﻪ
ﺍﺑﺮﺍﻫﻴﻢ : ﻣﺎﺷﻲ
~~~~~~~~~~~~~~
ﺍﺭﻭﻱ: ﻓﻴﺼﻞ
ﻓﻴﺼﻞ : ﻧﻌﻢ
ﺍﺭﻭﻱ: ﻫﻴﺎ ﻳﺎﻋﻤﺮﻱ ﺟﺪﻙ ﺭﻥ ﻋﻠﻴﻚ ﻭﺭﺩﻳﺖ ﻋﻠﻴﻪ ﻗﺎﻟﻚ ﻧﺮﺟﻮ ﻓﻴﻚ ﺑﻴﺶ
ﺗﻤﺸﻮ ﻟﻠﺠﺎﻣﻊ
ﻓﻴﺼﻞ : ﻫﻴﺎ ﻫﻴﺎ ﺍﻧﻲ ﻃﺎﻟﻊ
ﻭﺗﺒﻌﺪﺕ ﺍﺭﻭﻱ ﻣﻦ ﺑﺎﺏ ﺍﻟﺤﻤﺎﻡ ﻭﺧﺸﺖ ﻟﻠﺪﺍﺭ
ﻭﻫﻴﺎ ﺗﻔﺘﺢ ﺍﻟﺪﻭﻻﺏ ﺍﻃﻠﻊ ﻟﻠﻔﻴﺼﻞ ﻓﻲ ﺟﻼﺑﻴﻪ ﺍﻣﺘﺎﻋﺎ
ﺍﺭﻭﻱ: ﻭﻫﻴﺎ ﺍﺗﻤﺘﻢ
ﻣﺶ ﻋﺎﺭﻑ ﻟﻤﺎ ﻳﺨﺶ ﺍﻟﺤﻤﺎﻡ ﻣﻌﺶ ﻳﻌﺮﻑ ﻳﻄﻠﻊ ﺩﻳﻤﺎ ﻣﺄﺧﺮﻫﻢ
ﻓﻴﺼﻞ : ﻭﻫﻮ ﻃﺎﻟﻊ ﺑﺪﻳﺸﻤﺒﺮ ﺍﻟﺤﻤﺎﻡ
ﻭﻳﺤﻀﻦ ﺍﺭﻭﻱ ﻣﻦ ﻟﻮﺭﺍ
ﻣﻦ ﺍﻟﻲ ﻳﺨﺶ ﻣﻌﺶ ﻳﻄﻠﻊ
ﺍﺭﻭﻱ: ﻫﻴﻴﻴﻲ ﺍﻧﺖ ﻫﻨﺎ
ﻓﻴﺼﻞ : ﺍﺗﻘﺮﻣﻲ ﻓﻴﺎ ﺻﺎﺭ
ﺍﺭﻭﻱ: ﺍﺻﻠﻚ ﺍﻃﻮﻝ ﻓﻲ ﺍﻟﺤﻤﺎﻡ
ﻓﻴﺼﻞ : ﻓﻲ ﺣﻤﺎﻡ ﺑﺲ
ﺍﺭﻭﻱ: ﺑﺘﺒﺪﺃ ﺍﻧﺖ
ﻓﻴﺼﻞ : ﻫﻬﻬﻬﻪ ﻻﻻ ﻏﻴﺮ ﺑﻨﻤﺸﻲ ﺍﻧﺼﻠﻲ ﺑﻌﺪ ﺍﻧﺮﻭﺡ ﺗﻮ ﻧﺒﺪﺃ
ﺍﺭﻭﻱ: ﻫﻬﻬﻬﻪ ﺑﺎﻫﻲ ﻫﻴﺎ ﺍﻟﺒﺲ ﻭﺍﻧﺎ ﺍﻧﺸﻮﻑ ﺍﻟﺒﻨﺎﺕ ﺑﻴﺶ ﻧﻨﺰﻟﻮ ﻣﻊ
ﺑﻌﻀﻨﺎ ﻻﻥ ﺟﺪﻙ ﻳﺮﺟﺎ ﻓﻴﻨﺎ
ﻓﻴﺼﻞ : ﺑﺎﻫﻲ
~~~~~~~~~~
ﻣﻌﺘﺼﻢ : ﻳﺎﻧﻌﻦ ﺟﺪ ﺍﻡ ﺍﻟﺤﻮﺵ ﻫﺬﺍ ﺍﺯﻑ
ﺷﻤﺮﻱ ﻳﺎﺷﻤﺮﻱ
ﺷﻤﺮﻱ ﺍﻟﺸﻐﺎﻻ: ﻧﻌﻢ
ﻣﻌﺘﺼﻢ : ﻭﻳﻦ ﻣﺎﻣﺎ ﺳﺎﻟﻤﻪ
ﺷﻤﺮﻱ : ﻣﺎﻣﺎ ﺳﺎﻟﻤﻪ ﺍﻧﺪ ﺑﻴﺖ ﺑﺎﺑﺎ ﺍﻟﻜﺒﻴﺮ
ﻣﻌﺘﺼﻢ : ﻭﻫﻮ ﺭﻗﻴﻼ ﺑﺎﻫﻲ ﺍﻭﻛﻲ ﺍﻃﻠﻌﻲ
ﻣﻨﺬﺭ: ﺧﺶ ﻉ ﻣﻌﺘﺼﻢ ﻓﻲ ﺩﺍﺭ
ﻟﻘﺎﻩ ﻟﺒﺲ ﻛﻨﺎﺗﻴﺮﺍ ﻭﺷﺮﺕ ﻟﻮﻧﺎ ﺃﺧﻀﺮ
ﺗﻲ ﺍﻧﺖ ﻳﺎﺧﺮﺍ ﻣﺎﺯﻟﺖ ﻣﺎﻟﺒﺴﺖ ﺍﺯﺡ
ﻣﻌﺘﺼﻢ : ﺗﻲ ﺧﺸﻴﺖ ﺍﺩﻭﺷﺖ ﻭﻃﻠﻌﺖ ﺍﻧﺪﻭﺭ ﻓﻲ ﺟﻠﺒﻴﺎ ﻣﺎﻟﻘﻴﺘﺶ ﺍﻣﻬﺎ
ﻟﺒﺴﺖ ﺍﻟﺸﺮﺕ ﻫﺬﺍ ﻻﻥ ﺍﻧﻜﻠﻢ ﻓﻲ ﺷﻤﺮﻱ
ﻭﺍﻣﻲ ﺍﺯﻑ ﻣﺶ ﻋﺎﺭﻑ ﻭﻳﻦ ﻋﺎﺯﻗﺎ ﺍﻣﻬﺎ ﺟﻠﺒﻴﺎ
ﻣﻨﺬﺭ: ﺑﻪ ﻳﺎ ﺗﻴﺲ ﻣﺎﻫﻮ ﻓﻲ ﺍﺧﺘﺮﻉ ﺍﺳﻤﺎ ﻣﻮﺑﺎﻳﻼ ﺭﻥ ﺍﺳﺄﻟﻬﺎ
ﻣﻌﺘﺼﻢ : ﺗﻲ ﺍﺭﺗﺒﻜﺖ ﻭﺣﻤﻴﺖ ﺍﺯﺡ
ﻣﻨﺬﺭ: ﺭﻥ ﺍﺳﺄﻟﻬﺎ ﻭﺍﻧﺎ ﺗﻮ ﻧﺮﺟﺎﻙ ﻟﻮﻃﺎ ﺟﺪﻱ ﻳﺮﻥ ﻋﻠﻴﻨﺎ
ﻣﻌﺘﺼﻢ : ﻫﻴﺎ ﺍﻧﺮﻥ ﻗﺎﻋﺪ
ﻭﺭﻥ ﻣﻌﺘﺼﻢ ﻉ ﺍﻣﺎ ﻭﺭﺗﺎ ﻣﻜﺎﻥ ﺟﻠﺒﻴﻪ ﺍﻣﺘﺎﻋﺎ ﻭﻳﻦ ﻭﻟﺒﺴﻬﺎ ﻭﻧﺰﻝ ﻭﻣﺸﺎ
ﻫﻮ ﻭﻣﻨﺬﺭ ﻟﻔﻴﻠﺖ ﺟﺪﻫﻢ
ﺧﺸﻮ ﻣﻨﺬﺭ ﻭﻣﻌﺘﺼﻢ: ﺳﻼﻡ ﻋﻠﻴﻜﻢ
ﺟﺪﻫﻢ ﻭﺑﺎﺕ ﻳﻮﺳﻒ ﻭﻓﻴﺼﻞ ﻭﺳﻴﺪﻫﻢ ﺟﻤﺎﻝ ﻭﺍﻋﻴﺎﻻ ﺍﻻﺛﻨﻴﻦ ﺯﻛﺮﻳﺎ
ﻭﺃﺳﺎﻣﻪ : ﻭﻋﻠﻴﻜﻢ ﺍﻟﺴﻼﻡ
ﺟﺪﻫﻢ : ﻫﻴﺎ ﻳﺎﺟﻤﺎﻋﺎ ﺍﻧﺘﻮﻛﻠﻮ
ﻃﻠﻌﻮ ﺭﺟﺎﻻ ﻛﻠﻬﻢ ﻭﻣﺸﻮ ﻟﻠﺠﺎﻣﻊ ﻣﻊ ﺑﻌﻀﻬﻢ
~~~~~~~~~~~~
ﺩﺭﺱ ﻳﻮﺳﻒ ﺳﻴﺎﺭﻩ ﻭﻛﺎﻥ ﻣﻘﻌﻤﺰ ﻓﻴﻬﺎ ﻭﺩﺭﺳﻬﺎ ﻉ ﻭﺍﺩﻱ ﺍﻟﻜﻮﻑ ﻭﻛﺎﻥ
ﻳﺘﻔﺮﺝ ﻋﻠﻲ ﺷﻜﻞ ﺍﻟﺠﺒﻞ
ﻭﺍﺗﻜﺎ ﺭﺍﺳﺎ ﻟﻮﺭﺍ ﻉ ﻣﺴﻨﺪ ﺍﻟﻜﺮﺳﻲ ﻭﺣﻂ ﻣﺮﻓﻖ ﻳﺪﺍ ﻉ ﺭﻭﺷﻦ ﺍﻟﺴﻴﺎﺭﻩ
ﻭﺣﻂ ﻳﺪﺍ ﻉ ﻓﻤﺎ ﻭﻏﻤﺾ ﺍﻋﻴﻮﻧﺎ
ﻭﺗﻤﺎ ﻳﻔﻜﺮ ﻓﻲ ﻛﻼﻡ ﺟﺪﺍ ( ﻋﻠﻲ ) ﺍﻟﻲ ﺯﺭﺍ ﺑﺎﻟﻐﺼﺐ ﺍﻥ ﻳﺠﻮﺯ ﻭﻳﻔﻜﺮ
ﻓﻲ ﺣﺒﺎ ﻟﻼﻣﻴﺮﻩ ﺍﻟﻲ ﻣﻘﺪﺭﺵ ﻳﻨﺴﺎﻫﺎ ﺣﺘﻲ ﻭﻫﻲ ﻣﺠﻮﺯﺍ
ﻭﺑﻌﺪ ﺗﻔﻜﻴﺮ ﻭﺍﺍﺍﺟﺪ ﻓﻲ ﻣﻮﺍﺿﻴﻊ ﻛﻠﻬﻦ ﺍﻟﻲ ﺩﺍﻡ 3 ﺳﺎﻋﺎﺕ ﻭﻫﻮ ﻣﻘﻌﻤﺰ
ﻓﻲ ﻧﻔﺲ ﺍﻟﻤﻜﺎﻥ
ﻓﺘﺢ ﺍﻋﻴﻮﻧﺎ ﻭﻟﻊ ﺳﻴﺎﺭﻩ ﻭﺭﺩ ﻟﺒﻨﻐﺎﺯﻱ
~~~~~~~~~~~
ﺍﺟﺪﻳﺪﻩ : ﻫﻴﺎ ﻳﺎﺑﻨﺎﺕ ﺍﻟﻴﻮﻡ ﺍﺧﺮ ﻟﻴﻠﻪ ﺍﻟﺪﻧﻴﺎ ﺍﻛﻴﺪ ﺯﺣﻤﻪ ﻋﻨﺪﻫﻢ ﺑﺴﺮﻋﻪ
ﺍﻧﺎ : ﺧﻼﺹ ﻭﺗﻴﻨﺎ ﻳﺎﺃﻣﻲ
ﻫﺪﻱ: ﻫﻴﺎ ﻫﻴﺎ ﺍﻧﺤﻂ ﺍﻛﺮﻳﻤﻪ ﺑﺲ
ﻓﺎﻃﻤﻪ : ﺗﻮ ﻭﻗﺖ ﺍﻛﺮﻳﻤﺎﺕ
ﻫﺪﻱ: ﻭﻫﻴﺎ ﺗﻄﻠﻊ ﻭﻃﻔﻲ ﺿﻲ ﺍﺩﺍﺭ ﻻﺯﻡ ﺍﻧﺮﻃﺐ ﺍﻳﺪﺍﻳﺎ ﻳﺎﺣﻨﻪ ﻭﻻ ﺗﺒﻲ
ﺍﻳﻤﻦ ﻟﻤﺎ ﻳﻤﺴﻜﻬﻦ ﻳﺒﻘﺎ ﺍﺗﻘﻮﻝ ﻣﺎﺳﻚ ﺣﻮﺗﺎ ﻓﻲ ﻳﺪﺍ ﻣﻦ ﺧﺸﻮﻧﺘﻬﻦ
ﺍﺟﺪﻳﺪﻩ : ﻭﻫﻴﺎ ﺯﺭﺗﻬﺎ ﺿﺤﻜﺎ . ﻭﺍﻧﺘﻲ ﻳﺎﻧﻮﻃﺎﺭﺍ ﻋﻠﻴﺶ ﺍﺗﺨﻠﻲ ﻓﻴﻪ
ﻳﻤﺴﻚ ﻓﻲ ﻳﺪﻳﻚ
ﻫﺪﻱ: ﺗﻤﺖ ﺗﻨﺪﺏ ﻭﻫﻴﺎ ﻭﺭﺃ ﺍﺟﺪﻳﺪﻩ ﻭﺗﻌﺾ ﻉ ﻓﻤﻬﺎ
ﻋﻠﻴﻚ ﻓﻀﺎﻳﺢ
ﺍﻧﺎ : ﺑﺼﻴﺘﻲ ﻉ ﺭﻭﺣﻚ
ﻭﺍﺗﺠﻴﻨﻲ ﺧﺒﻄﺎ ﻉ ﻛﺘﻔﻲ ﻣﻦ ﻟﻮﺭﺍ . ﺍﻫﺎ
ﻓﺎﻃﻤﻪ : ﻋﺪﺍ ﺭﺟﺎﻟﻬﺎ ﻳﺎ ﺃﻣﻲ
ﺍﺟﺪﻳﺪﻩ : ﻫﺎﺑﺎ ﻋﻠﻴﻜﻦ ﻋﺮﻓﺘﻜﻦ ﺍﻧﺎ ﻭﺯﺭﻗﺎ ﻋﻠﻴﻜﻦ ﺍﻣﻐﻴﺮ ﺳﻜﺘﺎ ﻻﻥ
ﻋﺮﻓﺘﻬﻦ ﺭﺟﺎﻟﺘﻜﻢ ﺑﺲ
ﺍﻧﺎ : ﻃﻠﻌﺘﻲ ﻣﺶ ﺳﺎﻫﻼ ﻳﺎﺣﻮﻳﺠﺎ
ﺍﺟﺪﻳﺪﻩ : ﻫﻬﻬﻬﻬﻬﻪ ﻳﺎﻣﺎ ﺩﺭﻧﻬﻦ ﻟﻄﺮﻭﺡ ﻫﺬﻳﻨﺎ ﻭﻋﻴﺸﻦ ﺣﻴﺎﺗﻜﻦ
ﻫﺪﻱ: ﺑﻪ ﻳﺎ ﺃﻣﻲ ﻗﻠﺘﻲ ﻟﺒﺎﺗﻲ ﻉ ﺍﻳﻤﻦ
ﺍﺟﺪﻳﺪﻩ : ﻗﺘﻼ ﻭﻗﺎﻟﻲ ﺑﺎﻫﻲ
ﻫﺪﻱ: ﻳﺎﻧﺎ ﻋﻠﻴﺎ ﻧﺠﻚ ﻟﻴﺎ ﻳﺎ ﺃﻏﻼ ﻭﺍﺣﺴﻦ ﺍﻡ ﻓﻲ ﺩﻧﻴﺎ
ﺍﺟﺪﻳﺪﻩ : ﺑﻼﺵ ﻛﻠﺐ ﻳﺎﺑﻨﺖ ﻫﻤﺪﻱ ﻭﺧﺸﻦ ﻟﻠﺨﻴﻤﻪ ﺭﺍﻩ ﻳﺸﻮﻓﻚ ﻣﻮﺳﻲ
ﺍﺗﻨﻄﺮﻱ ﻳﺠﻲ ﻗﺺ ﻛﺮﻋﻴﻚ
ﻭﺧﺸﻴﻨﺎ ﻟﻠﺨﻴﻤﻪ ﻭﺳﻠﻤﻨﺎ ﻉ ﺑﻨﺎﺕ ﻭﻉ ﺟﺮﺍﺕ ﻭﺧﺸﻴﻨﺎ ﻟﻠﻤﻄﺒﺦ ﻣﻊ ﺑﻨﺎﺕ
ﻭﺑﺪﻳﻨﺎ ﻓﻲ ﺣﻮﺳﺎ ﻭﺗﻘﺪﻳﻢ ﺍﻣﻌﺎﻫﻦ
~~~~~~~~~~~~~
ﻣﻌﺘﺼﻢ : ﺗﻲ ﻳﻮﺳﻒ ﻭﻳﻦ ﻣﺎﺷﻔﺘﺶ ﺣﺘﻲ ﺟﺎﻣﻊ ﻣﺎﺟﺎ ﺍﻣﻌﺎﻧﺎ
ﻣﻨﺬﺭ: ﻏﺎﺑﻲ ﻓﻲ ﺟﺪﻱ ﻭﺣﺒﺎ ﻟﻠﻴﻮﺳﻒ ﺣﺘﻲ ﻓﻲ ﺻﻼﻩ ﺩﻳﺮﻻ ﺍﺳﺘﺜﻨﺎﺀ
ﻫﻬﻬﻬﻬﻪ
ﻣﻌﺘﺼﻢ :ﻫﻬﻬﻬﻬﻪ ﻛﻼ ﺍﻟﻔﺮﺥ ﻫﺬﺍ ﻣﺤﻈﻮﻅ
ﻓﻴﺼﻞ : ﻫﻮﻭﻭ ﻳﺎ ﻭﻃﻮ ﺣﺴﻜﻢ ﺭﺍﻩ ﻳﺴﻤﻌﻜﻢ ﺟﺪﻱ ﺍﻳﻬﺰﺑﻜﻢ
ﻣﻌﺘﺼﻢ : ﺍﺯﻑ ﻣﺠﺒﻮﺭﻳﻦ ﻧﺴﻤﻌﻮ ﺧﻄﺒﺔ ﺍﻟﺠﻤﻌﻪ ﺍﻣﺘﺎﻉ ﺟﺪﻱ
ﻣﻨﺬﺭ: ﺍﻟﻠﻪ ﻏﺎﻟﺐ ﺗﺤﻤﻞ ﻫﺎﻟﺴﺎﻋﺘﻴﻦ ﻭﺗﻮ ﻳﺘﻢ ﺍﻻﻓﺮﺍﺝ ﻋﻠﻴﻨﺎ
ﻣﻌﺘﺼﻢ : ﻋﻠﻴﻚ ﺣﺎﻟﻪ ﻣﺶ ﺳﺪﻧﺎ ﺧﻄﺒﺔ ﺍﻟﺠﻤﻌﻪ ﺍﻟﻲ ﻓﻲ ﺟﺎﻣﻊ
ﻓﻴﺼﻞ : ﺍﺳﺴﺴﺲ
ﻣﻨﺬﺭ: ﺗﻲ ﺍﻭﻛﻲ ﺍﻧﺖ ﺣﺴﺴﺘﻨﻲ ﺍﺗﻘﻮﻝ ﺗﺤﻀﺮ ﻓﻲ ﻣﺤﺎﻇﺮﻩ
ﻣﻌﺘﺼﻢ : ﺧﺨﺨﺨﺨﺨﺨﺦ ﺑﺎﻟﺮﺳﻤﻲ ﺍﺗﻘﻮﻝ ﻓﻲ ﻓﺼﻞ
ﻳﺤﺴﺎﺏ ﺭﻭﺣﺎ
ﻓﻴﺼﻞ : ﺯﺭﺍﺗﺎ ﺍﻟﻀﺤﻜﺎ ﻣﻦ ﻛﻼﻡ ﺧﻮﺗﺎ ﺑﺲ ﺳﻜﺖ
ﻻﻥ ﻋﻨﺪﻫﻢ ﺟﺪﻫﻢ ﻳﻘﻌﻤﺰ ﺑﻴﻬﻢ ﻓﻲ ﻣﺮﺑﻮﻋﺎ ﺑﻌﺪ ﺍﻟﻐﺪﺍﺀ ﻭﺟﺪﺗﻬﻢ
ﺍﺩﻳﺮﻟﻬﻢ ﻓﻲ ﻋﺪﺍﻟﺖ ﺍﻟﺸﺎﻫﻲ
ﻭﻫﻤﺎ ﻳﻠﺘﻤﻮ ﻋﻠﻴﻬﺎ ﻭ ﻳﻘﻌﺪ ﺟﺪﻫﻢ ﻳﺤﻜﻴﻠﻬﻢ ﻓﻲ ﻗﺼﺺ ﺻﺎﻳﺮﺍﺕ ﺯﻣﺎﻥ
ﻭﺗﺎﺭﻳﺦ ﻟﻴﺒﻴﺎ ﻭﻗﺒﺎﺋﻞ ﻭﻻﺯﻡ ﻳﺴﻤﻌﻮﻫﻦ ﻭﻣﺎﻳﺤﺒﺶ ﻟﻤﺎ ﻳﻘﻌﺪ ﻳﺤﻜﻲ ﻳﻘﻄﻌﺎ
ﺣﺪ ﺑﺎﻟﻜﻼﻡ ﻭﻻ ﻳﺸﻮﻑ ﺣﺪ ﻳﻬﺪﺭﺯ ﻭﻣﺶ ﻣﻨﺘﺒﻪ ﻟﻜﻼﻣﺎ ﻛﺎﻧﺖ ﺍﺗﺮﻗﻴﺎﻻ
ﻓﻴﻬﺎ ﻭﻛﺎﻥ ﻻﺯﻡ ﻟﻤﺎ ﻳﺤﻜﻲ ﻛﻠﻬﻢ ﻳﺴﻜﺘﻮ ﻭﻳﺴﻤﻌﻮﻩ ﻟﻌﻨﺪ ﻳﻜﻤﻞ ﺍﻟﻘﺼﻪ
ﻭﺑﻌﺪﻫﺎ ﺧﻼﺹ
ﻭﻫﺬﺍ ﻣﻦ ﺿﻤﻦ ﻗﻮﺍﻧﻴﻦ ﺍﻟﺤﺎﺝ ﻋﻠﻲ
~~~~~~~~~~~~~
ﺳﻠﺴﺒﻴﻞ ﺍﺧﺖ ﻋﺒﺪ ﺍﻟﻠﻪ : ﺣﻴﺎﻩ ﻫﺎﻛﻲ ﻧﻴﻠﻮﺍﺕ ﻫﺬﻳﻨﺎ ﻭﺍﺭﺑﻄﻴﻬﻦ ﻉ
ﻗﺼﺎﻋﻲ
ﻭﺍﻧﺎ ﺗﻮ ﻧﻠﺤﻖ ﻋﻠﻴﻚ ﺑﺴﻄﻞ ﺍﻟﻜﻮﺍﺷﻴﻚ
ﺍﻧﺎ : ﻫﺎﺗﻲ
ﻭﻋﻄﺘﻨﻲ ﺳﻠﺴﺒﻴﻞ ﻧﺎﻳﻠﻮ ﺍﻳﺪﻳﺮﻭ ﻓﻴﻪ ﻓﻲ ﺍﻟﻌﺰﻭﺍﺕ ﻣﺨﻄﻂ ﺍﺧﻀﺮ ﻓﻲ
ﺍﻻﺑﻴﺾ
ﻃﻠﻌﺖ ﻓﻲ ﺟﻨﺎﻥ ﻭﻟﻘﻴﺖ ﺍﻟﺼﺒﺎﻳﺎ ﻳﺤﻄﻦ ﻓﻲ ﻗﺼﺎﻋﻲ ﻓﻲ ﺭﺯ ﻭﻟﺤﻢ
ﻭﻣﻌﻬﻦ ﻓﻠﻔﻞ ﺍﺧﻀﺮ ﻭﻳﻐﻄﻨﻬﺎ ﺑﻤﻐﻄﺎ ﻭﺍﻧﺎ ﺧﺬﻳﺖ ﺍﻟﻨﺎﻳﻠﻮ ﻃﺮﺣﺘﺎ
ﻭﺣﻄﻴﺘﺎ ﺍﻟﻘﺼﻬﺎ ﻭﺟﺖ ﺳﻠﺴﺒﻴﻞ ﺣﻄﺖ ﺍﻟﻜﻮﺍﺷﻴﻚ ﻭﻟﻤﻴﺖ ﺍﻧﺎ ﺍﻟﻨﺎﻳﻠﻮ ﻉ
ﻗﺼﻬﺎ ﻭﺭﺑﻄﺘﺎ
ﻭﺗﻤﻴﺖ ﺍﻧﺪﻳﺮﻭ ﻫﻜﻲ ﻭﺑﻨﺎﺕ ﻳﺄﺧﺬﻥ ﻓﻲ ﻗﺼﺎﻋﻲ ﺍﻟﻮﺍﺗﻴﺎﺕ ﻭﻳﻤﺪﻥ ﻓﻴﻬﻦ
ﻟﻠﺮﺟﺎﻻ ﺑﺮﺍ
ﻛﻤﻠﻨﺎ ﻋﺸﺎﺀ ﺍﻟﺮﺟﺎﻻ
ﺑﺪﻳﻨﺎ ﻓﻲ ﻗﺼﺎﻋﻲ ﺍﻟﺼﺒﺎﻳﺎ ﻭﻋﻄﻴﻨﻬﻦ ﻭﻛﻤﻠﻨﺎ ﺧﻼﺹ
ﻭﻻﻥ ﺍﻧﺎ ﻧﺤﺒﺶ ﻭﻛﺎﻝ ﺍﻟﻌﺰﻭﺍﺕ ﻣﺎﺑﻴﺘﺶ ﻧﺎﻛﻞ
ﻭﻗﻌﻤﺰﺕ ﻓﻲ ﺟﻨﺎﻥ ﻉ ﺩﺭﻭﺝ
ﻭﺗﻤﻴﺖ ﻧﺮﺟﺎ ﻓﻲ ﺑﻨﺎﺕ ﺍﻟﻲ ﻛﺎﻧﻦ ﻣﻘﻌﻤﺰﺍﺕ ﻓﻲ ﻣﻄﺒﺦ ﺍﻳﺘﻌﺸﻦ ﺑﻴﺶ
ﻧﻐﺴﻠﻮ ﻣﻮﺍﻋﻴﻦ ﺍﻟﻌﺸﺎﺀ
ﻗﻌﻤﺰﺕ ﻭﺳﺮﺣﺖ ﻓﻲ ﺗﻔﻜﻴﺮ ﻭﻛﻨﺖ ﻟﺒﺴﺎ ﺳﺮﻭﺍﻝ ﺍﻣﺮﻳﻜﻲ ﻟﻮﻧﺎ ﺍﺯﺭﻕ
ﻭﻋﻠﻴﻪ ﺳﻮﺭﻳﺔ ﺑﻴﻀﺎ ﻓﻮﻕ ﻣﻦ ﺭﻛﺒﺎ ﺑﺸﻮﻳﻪ
ﻭﻛﻨﺪﺭﻩ ﺳﻮﺩﺍﺀ
ﻭﻟﻤﺎ ﺷﻌﺮﻱ ﻭﺩﻳﺮﺗﺎ ﻗﺮﻥ ﺣﺼﺎﻥ
ﻭﺍﻧﺎ ﻣﻘﻌﻤﺰﺍ
ﻓﻄﻨﺖ ﻟﺤﺪ ﺧﺎﺵ ﻣﻦ ﺟﻴﻬﺔ ﺍﻟﺨﻴﻤﻪ
ﺑﺤﺘﺖ ﻭﺟﺖ ﻋﻴﻨﻲ ﻓﻲ ﻋﻴﻦ ﻋﺒﺪ ﺍﻟﻠﻪ
ﺍﻟﻲ ﻛﺎﻥ ﻭﺟﻪ ﻣﺮﻫﻖ ﻭﺗﻌﺒﺎﻥ ﻭﻛﺎﻧﺖ ﻟﺤﻴﺘﺎ ﻭﺍﺟﺪﺍ ﻭﻣﻐﻄﻴﺎ ﻭﺟﻬﻲ
ﻭﻋﻴﻮﻧﺎ ﺣﻤﺮ ﻭﺗﻌﺒﺎﻧﺎﺕ ﻭﻛﺄﻧﺎ ﻛﺎﻥ ﻳﺒﻜﻲ ﻭﻻ ﻧﻌﺴﺎﻥ ﻭﻟﻪ ﻛﻢ ﻳﻮﻡ ﻣﺶ
ﺭﺍﻗﺪ
ﻭﺟﺴﻤﺎ ﺭﺍﻕ ﻭﺩﺑﺸﺎ ﻣﺘﺒﻬﺪﻝ
ﻣﺶ ﺯﻱ ﻋﺒﺪ ﺍﻟﻠﻪ ﺍﻟﻲ ﺧﻄﺒﻨﻲ ﻭﻋﺮﻓﺘﺎ ﺯﻣﺎﻥ ﻛﺎﻥ ﻣﺘﻐﻴﺮ ﺑﻜﻞ ﻣﺶ
ﻋﺒﺪ ﺍﻟﻠﻪ ﺍﻟﻮﺳﻴﻢ ﺍﻟﻲ ﻣﻬﺘﻢ ﺑﺮﻭﺣﺎ ﻭﺑﺠﻤﺎﻻ ﻭﻟﺒﺴﺎ
ﺍﻧﺎ : ﺻﺒﻴﺖ ﻭﻛﻨﺖ ﻣﻨﺤﺮﺟﺎ ﻻﻥ ﻣﺶ ﻟﺒﺴﺎ ﺍﻟﻮﺷﺎﺡ ﺍﻣﺘﺎﻋﻲ ﺍﻟﻲ ﻛﻨﺖ
ﺣﻄﺘﺎ ﻋﻨﺪ ﺃﺟﺪﻳﺪﻩ
ﻋﺒﺪﺍﻟﻠﻪ : ﻓﻄﻨﻠﻲ ﻭﻗﺪﻡ ﺍﺷﻮﻳﻪ
ﺧﻴﺮ
ﺍﻧﺎ : ﺧﻴﺮ . ﺑﺮﻛﻪ ﻓﻲ ﺭﺍﺳﻚ
ﻋﺒﺪﺍﻟﻠﻪ : ﺑﺰﻋﻞ ﻭﺍﻟﻌﺒﺮﻩ ﺧﻨﻘﺘﺎ . ﺑﺮﻛﻪ ﻓﻲ ﺳﻴﺪﻧﺎ ﻣﺤﻤﺪ . ﻭﺗﻨﻬﺪ
ﺍﻧﺎ : ﺭﺑﻲ ﻳﺠﻌﻞ ﻣﺜﻮﺍﻫﻢ ﺍﻟﺠﻨﻪ ﻭﺭﺑﻲ ﻳﺼﺒﺮﻙ ﻉ ﻓﺮﺍﻗﻬﻢ
ﻋﺒﺪ ﺍﻟﻠﻪ : ﺍﻣﻴﻦ ﻳﺎﺭﺏ ﺍﻥ ﺷﺎﺀ ﺍﻟﻠﻪ
ﺍﻧﺎ : ﺣﻜﻤﺖ ﺍﻟﻠﻪ ﻭﻻ ﺍﻋﺘﺮﺍﺽ ﻉ ﻗﻀﺎﺀ ﺭﺑﻲ
ﺷﺪ ﺣﻴﻠﻚ ﻳﺎﻋﺒﺪ ﺍﻟﻠﻪ ﻭﺧﻠﻴﻚ ﻗﻮﻱ
ﻋﺒﺪﺍﻟﻠﻪ : ﺍﺩﻋﻴﻠﻲ ﺭﺑﻲ ﻳﺼﺒﺮﻧﻲ ﺑﺲ
ﺍﻧﺎ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺼﺒﺮﻙ ﻭﻫﺬﺍ ﺍﺑﺘﻼﺀ ﻣﻦ ﺭﺑﻲ ﻻﻥ ﺭﺑﻲ ﺍﺫﺍ ﺍﺣﺐ
ﻋﺒﺪ ﺍﺑﺘﻼﻩ
ﻋﺒﺪ ﺍﻟﻠﻪ : ﻭﻧﻌﻢ ﺑﺎﻟﻠﻪ ﺑﺲ ﻫﺬﺍ ﺍﺑﺘﻼﺀ ﻛﺒﻴﺮ ﻋﻠﻴﺎ ﻫﺬﺍ ﻏﻀﺐ ﻣﻦ ﺍﻟﻠﻪ
ﻓﻲ ﺍﻟﻲ ﺩﺭﺗﺎ ﻓﻴﻚ
ﺍﻧﺎ : ﻣﺴﻜﺘﻨﻲ ﺍﻟﻌﺒﺮﻩ . ﻻﻥ ﻭﺟﻌﻨﻲ ﻋﺒﺪ ﺍﻟﻠﻪ ﻭﺷﻜﻼ ﻭﻓﻲ ﻧﻔﺲ ﺍﻟﻮﻗﺖ
ﻧﺪﻣﺖ ﺍﻧﻲ ﺩﻋﻴﺖ ﻋﻠﻴﻪ .. ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﺎﺗﻘﻮﻟﺶ ﻫﻜﻲ ﻫﺬﺍ
ﻧﺼﻴﺒﻚ ﻣﺶ ﺑﺴﺒﺐ ﺍﻟﻲ ﺩﺭﺗﺎ ﻟﻴﺎ ﻻﺷﻲ
ﻋﺒﺪﺍﻟﻠﻪ : ﻋﺎﺭﻓﺎ ﻗﺒﻞ ﻣﺎﺗﻨﻬﻲ ﺧﻄﺒﻪ ﺩﺯﻳﺘﻠﻲ ﻣﺴﺞ ﻭﻟﻌﻨﺪ ﺗﻮ ﺑﻴﻦ ﺍﻋﻴﻮﻧﻲ
ﻭﻗﺘﻴﻠﻲ ﻻﻥ ﺍﻧﺎ ﻛﻨﺖ ﻣﻌﺎﻙ ﻣﺎﺷﻴﺎ ﺑﻨﻴﻪ ﺻﺎﻓﻴﻪ
ﻭﺑﻘﻠﺐ ﺣﺒﻚ ﺑﺠﺪ
ﻭﻋﻠﻲ ﻛﻞ ﻳﻮﻡ ﺿﻴﻌﺘﺎ ﻣﻦ ﻋﻤﺮﻱ ﻋﻠﺸﺎﻧﻚ
ﺭﺑﻲ ﻳﺄﺧﺬ ﺣﻘﻲ ﻣﻨﻚ ﻭﻳﺬﻭﻗﻚ ﺍﻟﻨﺎﺭ ﺍﻟﻲ ﻭﻟﻌﺎ ﻓﻴﺎ ﻭﻳﺒﻜﻴﻚ ﻛﻴﻒ
ﻣﺎﺑﻜﻴﺘﻨﻲ ﻉ ﺍﻏﻼ ﺣﺎﺟﻪ ﺍﺗﺤﺒﻬﺎ
ﻭﺧﺘﻤﺘﻲ ﺭﺳﺎﻟﺘﻚ ﺑﺤﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻚ ﻳﺎﻋﺒﺪ ﺍﻟﻠﻪ ﺩﻧﻴﺎ
ﻭﺍﺧﺮﻩ
ﺍﻧﺎ : ﺍﻧﺼﺪﻣﺖ ﻣﻦ ﻛﻼﻡ ﻋﺒﺪ ﺍﻟﻠﻪ ﻭﺳﻜﺘﺖ ﻻﻥ ﻛﻨﺖ ﻧﺎﺳﻴﺎ ﺭﺳﺎﻟﻪ
ﻫﺬﻱ ﻭﻣﺶ ﻣﺬﻛﺮﺍ ﺍﻣﺘﺎ ﻛﺘﺒﺘﻬﺎ ﻭﻣﻤﻜﻦ ﻛﺘﺒﺘﻬﺎ ﻣﻦ ﺣﺮﻗﺘﻲ ﻉ ﺧﻴﺎﻧﺘﺎ
ﻟﻴﺎ
ﺑﺲ ﻫﻮ ﻛﺎﻥ ﻣﺬﻛﺮ ﻛﻞ ﺣﺮﻑ ﻓﻴﻬﺎ
ﻋﺒﺪﺍﻟﻠﻪ : ﻣﻦ ﻳﻮﻣﻬﺎ ﺍﻧﺎ ﺍﻧﺼﻠﻲ ﻭﺧﺎﻳﻒ ﻭﺩﻳﻤﺎ ﻧﺪﻋﻲ ﻟﺮﺑﻲ ﺍﻧﻚ
ﺍﺗﺴﺎﻣﺤﻴﻨﻲ ﻭﻣﺎﻋﺮﻓﺘﺶ ﻧﻮﺻﻠﻚ ﻭﻧﻘﻮﻟﻚ ﺳﺎﻣﺤﻴﻨﻲ ﻳﺎﺣﻴﺎﻩ
ﻭﻟﻤﺎ ﺩﺭﺕ ﺍﻟﺤﺎﺩﺙ ﻭﻗﺎﻟﻮﻟﻲ ﻣﺮﺍﺗﻚ ﺗﻮﻓﺖ ﻋﺎﻟﻄﻮﻝ ﺟﺖ ﻗﺪﺍﻣﻲ ﺭﺳﺎﻟﺘﻚ
ﻭﺑﻌﺪﻫﺎ ﺑﺸﻮﻳﻪ ﻗﺎﻟﻮﻟﻲ ﻭﻟﺪﻙ ﺗﻮﻓﺎ ﺍﻧﻬﺮﺕ ﻭﺗﺄﻛﺪﺕ ﺍﻧﻚ ﻣﺎﺳﻤﺤﺘﻴﻨﻴﺶ
ﻭﺭﺑﻲ ﺫﻭﻗﻨﻲ ﻧﺎﺭ ﺍﻟﻲ ﻛﻨﺘﻲ ﺍﺗﺤﺴﻲ ﺑﻴﻬﺎ
ﺍﻧﺎ ﺗﻮ ﻧﺤﺲ ﺑﻴﻬﺎ ﻭﻣﻨﻘﻬﺮ ﻭﺑﻜﻴﺖ ﻉ ﺍﻏﻼ ﺣﺎﺟﻪ ﻉ ﻭﻟﺪﻱ ﺍﻟﻲ ﻣﻦ
ﻟﺤﻤﻲ ﻭﺩﻣﻲ ﻭﻉ ﻣﺮﺍﺗﻲ
ﺍﻧﺎ : ﻓﻲ ﻟﺤﻈﺔ ﻏﻀﺐ ﺩﻋﻴﺖ ﻋﻠﻴﻚ ﺑﺲ ﻭﺍﻟﻠﻪ ﻣﺎﻛﺎﻥ ﻗﺼﺪﻱ ﺣﺎﺟﻪ ﻭﻻ
ﺍﻧﺘﻤﻨﺎﻟﻚ ﺍﻟﺸﺮ
ﻋﺒﺪ ﺍﻟﻠﻪ : ﺍﻧﺘﻲ ﺍﻧﺴﻴﺘﻲ ﺑﺲ ﺭﺑﻲ ﻣﺎﻧﺴﺶ ﻭﺍﻧﺎ ﺭﺑﻲ ﻳﺴﻤﺤﻨﻲ
ﻭﻧﺴﺘﺎﻫﻞ ﻻﻥ ﻛﻨﺖ ﺍﻧﺴﺎﻥ ﻧﺬﻝ ﺍﻟﻲ ﻟﻌﺒﺖ ﻋﻠﻴﻚ ﻭﺍﻧﺘﻲ ﺍﻣﻨﺘﻴﻠﻲ ﻉ
ﺭﻭﺣﻚ ﻭﺛﻘﺘﻲ ﻓﻴﺎ ﺑﺪﻝ ﻣﺎﻧﺤﻤﻴﻚ ﻭﻧﻔﺮﺣﻚ ﻛﺴﺮﺗﻚ ﻭﻋﺬﺑﺘﻚ
ﺍﻧﺎ : ﻋﻴﻮﻧﻲ ﺩﻣﻌﻦ ﻣﻦ ﻛﻼﻡ ﻋﺒﺪ ﺍﻟﻠﻪ ﺍﻟﻲ ﺣﺴﻴﺖ ﺍﻧﻲ ﺳﺒﺐ ﻭﺭﺃ
ﻣﻴﺘﺖ ﻣﺮﺍﺗﺎ ﻭﻭﻟﻴﺪﺍ
ﺍﻧﺎ : ﺳﻤﺤﻴﻨﻲ ﻻﻥ ﻭﺍﻟﻠﻪ . ﻗﻄﻊ ﻛﻼﻣﻲ ﻋﺒﺪ ﺍﻟﻠﻪ
ﻋﺒﺪ ﺍﻟﻠﻪ : ﺍﻧﺘﻲ ﺍﻟﻲ ﺳﻤﺤﻴﻨﻲ ﻳﺎﺣﻴﺎﻩ ﻻﻥ ﺍﻟﻲ ﺻﺎﺭﻟﻲ ﺑﺴﺒﺐ ﻇﻠﻤﻲ
ﻟﻜﻲ
ﺍﻧﺎ ﻫﻮ ﺍﻟﻲ ﻧﺒﻲ ﺳﻤﺎﺣﻚ ﻟﻴﺎ ﻭﻳﺎﺭﻳﺖ ﻗﺎﺑﻠﺘﻚ ﻗﺒﻞ ﻫﻜﻲ ﻛﺎﻥ ﻣﺎﺻﺎﺭ
ﺷﻲ ﺑﺲ ﺍﻟﺤﻤﺪ ﺍﻟﻠﻪ ﻉ ﻛﻞ ﺣﺎﻝ
ﺍﻧﺎ : ﺍﻟﻠﻪ ﻳﺴﺎﻣﺤﻚ ﺩﻧﻴﺎ ﻭﺍﺧﺮﻩ ﻭﺭﺑﻲ ﻳﺼﺒﺮﻙ
ﻋﺒﺪ ﺍﻟﻠﻪ : ﺍﻣﻴﻦ ﻳﺎﺭﺏ
ﺍﻧﺎ : ﺟﻴﺖ ﺑﻨﻌﺪﻱ ﺍﻧﺨﺶ
ﻋﺒﺪ ﺍﻟﻠﻪ : ﺣﻴﺎﻩ
ﺍﻧﺎ : ﺍﻟﺘﻔﺘﺖ ﻋﻠﻴﻪ . ﻧﻌﻢ
ﻋﺒﺪ ﺍﻟﻠﻪ : ﺷﻮﻓﻴﻠﻲ ﺍﻟﻄﺮﻳﻖ ﺑﻨﺮﻛﺐ ﻓﻮﻕ
ﺍﻧﺎ : ﺑﺎﻫﻲ
ﻭﺧﺸﻴﺖ ﻗﻠﺖ ﻟﻠﺒﻨﺎﺕ ﺍﻟﻲ ﺍﻧﺼﺪﻣﻦ ﻛﻠﻬﻦ
ﻭﻟﺒﺴﻦ ﻣﺤﺮﻣﻬﻦ
ﻭﺗﻮﺑﻌﺖ ﻋﺒﺪ ﺍﻟﻠﻪ ﻭﻗﺘﻼ
ﻳﺨﺶ
ﻭﻋﺒﺪ ﺍﻟﻠﻪ ﺧﺶ ﻣﻦ ﻫﻨﺎ
ﻭﺍﻧﺎ ﺟﻴﺖ ﺑﻨﺒﺮﻡ ﻭﻧﻔﻄﻦ ﻟﻼ ﺃﻣﻞ ﻣﺮﺍﺕ ﻣﻮﺳﻲ ﺧﺸﺎ ﻣﻦ ﺧﻴﻤﻪ
ﺍﻧﺎ : ﺍﻧﺼﺪﻣﺖ ﻭﻗﻠﺒﻲ ﺗﻤﺎ ﻳﺪﻕ ﺑﺎﻟﻘﻮﻩ ﻭﺧﻔﺖ ﻻﻥ ﻋﺮﻓﺘﻬﺎ ﺑﺼﺎﺻﺎ
ﺍﻣﻞ: ﺑﺮﻓﻌﺖ ﺣﺎﺟﺐ ﻫﻼ
ﺍﻧﺎ : ﺍﻧﻮﻛﻮﻙ ﻭﻣﺶ ﻋﺎﺭﻓﺎ ﻧﻀﺤﻚ ﻭﻻ ﻧﺒﻜﻲ
ﺍﻫﻠﻴﻴﻴﻦ ﺷﻦ ﺟﺎﺑﻚ ﻣﻦ ﻫﻨﺎ ﻗﺼﺪﻱ ﺷﻦ ﺧﺸﺸﻚ ﻛﺎﻧﻚ ﻣﺎ ﺟﻴﺘﻴﺶ
ﻣﻦ ﻏﺎﺩﻱ
ﺍﻣﻞ: ﻛﻨﻚ ﺗﺒﻴﻨﻴﺶ ﺍﻧﺸﻮﻓﻚ ﻣﻊ ﺣﺒﻚ ﺍﻟﻘﺪﻳﻢ ﻭﻻ ﻛﻴﻒ
ﻫﺪﻱ: ﻓﻄﻨﺖ ﺍﻷﻣﻞ ﻭﻧﻄﺖ ﻭﺟﺘﻨﺎ
ﺃﻣﻠﻠﻠﻠﻠﻠﻞ ﺷﻦ ﺟﺎﺑﻚ ﻣﺶ ﻛﻨﺘﻲ ﻋﻨﺪ ﻫﻠﻚ
ﺍﻣﻞ: ﻻ ﻣﺎﺻﺎﺭﺵ ﻣﻦ ﻣﺸﻴﺘﻲ ﻗﻌﺪﺕ
ﻭﺑﻌﺪﻳﻦ ﻛﻨﻚ ﺗﺒﻨﻴﺶ ﺍﻧﺠﻲ ﺧﺎﻳﻔﺎﺕ ﺍﻧﺨﺮﺏ ﻣﻮﺍﻋﻴﺪ ﺣﻴﺎﻩ ﺍﻟﻐﺮﺍﻣﻴﻪ ﻣﻊ
ﻋﺒﺪ ﺍﻟﻠﻪ
ﻫﺪﻱ: ﺍﻓﻄﻨﻲ ﻟﻜﻼﻣﻚ ﻭﺍﻃﻲ ﺣﺴﻚ ﺑﻨﺎﺕ ﻳﺴﻤﻌﻦ ﻓﻴﻚ ﻭﻓﻜﻨﺎ ﻣﻦ
ﺍﻟﻔﻀﺎﻳﺢ
ﻭﺑﻌﺪﻳﻦ ﻋﺒﺪ ﺍﻟﻠﻪ ﺑﻴﺨﺶ ﻭﺣﻴﺎﻩ ﻛﺎﻧﺖ ﺗﺨﺮﻁ ﻓﻲ ﻃﻨﺎﺟﺮ ﺑﺮﺍ ﻭﻋﺒﺪ ﺍﻟﻠﻪ
ﻗﺎﻟﻠﻬﺎ ﺷﻮﻓﻴﻠﻲ ﻃﺮﻳﻖ ﻭﻻ ﺗﻠﻘﻮ ﻣﻊ ﺑﻌﻀﻬﻢ ﻻﺷﻲ
ﺃﻣﻞ : ﻋﻠﻴﻚ ﺻﺪﻓﻪ ﻳﻌﻨﻲ ﻣﻦ ﺑﻨﺎﺕ ﻛﻠﻬﻦ ﻋﺒﺪ ﺍﻟﻠﻪ ﺧﺶ ﻭﻟﻘﺎ ﺣﻴﺎﻩ
ﻫﻴﺎ ﺍﻟﻲ ﺑﺮﺍ
ﻫﺪﻱ: ﺍﻫﺎ ﺗﺒﻲ ﺍﺗﺼﺪﻗﻲ ﺑﺎﻫﻲ ﻣﺎﺗﺒﻴﺶ ﺍﻧﺘﻲ ﺣﺮﻩ
ﻭﺑﻌﺪﻳﻦ ﺍﻟﺮﺍﺟﻞ ﻓﻲ ﺣﺎﻻ ﻏﻴﺮ ﻣﻮﺍﻋﻴﺪ ﻏﺮﺍﻣﻴﺎ ﻭﻫﻮ ﻣﺮﺍﺗﺎ ﻭﻭﻟﺪﺍ ﻣﻴﺘﻴﻦ
ﻭﻟﻬﻤﺎ ﺛﻼﺙ ﺍﻳﺎﻡ ﺣﺘﻲ ﺗﺮﺑﺘﻬﻢ ﻣﺎﺟﻔﺖ
ﺍﻣﻞ: ﺑﺎﻫﻲ ﺣﻮﻟﻦ ﻫﻜﻲ ﺻﺪﻗﺘﻜﻦ
ﻫﺪﻱ: ﺻﺪﻗﺘﻲ ﻭﻻ ﺍﺟﻌﻨﻚ ﻣﺎﺻﺪﻗﺘﻲ ﺍﻧﺤﺮﻗﻲ ﻭﻫﻴﺎ ﻳﺎﺣﻴﺎﻩ ﻋﻨﺪﻙ
ﻋﻠﻴﺶ ﺍﺗﺒﺮﺭﻳﻠﻬﺎ ﺍﻟﻲ ﻣﺶ ﻣﺰﺑﻮﻁ ﻃﻮﻝ ﻋﻤﺮﺍ ﻳﺒﻘﺎ ﻋﻘﻼ ﻣﺴﻮﺱ
ﻭﺧﺸﻴﺖ ﺍﻧﺎ ﻭﻫﺪﻱ
ﻭﺧﺸﺖ ﺍﻣﻞ ﻭﺻﻠﺖ ﻓﻲ ﺑﺎﺏ ﺍﻟﻤﻄﺒﺦ ﺍﻟﺠﻮﺍﻧﻲ ﺍﻟﻲ ﻳﻔﺘﺢ ﻉ ﺣﻮﺵ
ﻭﺍﻟﺘﻔﺘﺖ ﻋﻠﻴﺎ ﺍﻧﺎ ﻭﻫﺪﻱ
ﺍﻣﻞ: ﺳﺎﻫﻞ ﻳﺎﻫﻮﻳﺪﺍ ﻛﻼﻡ ﻓﻲ ﺍﻟﺤﻮﺵ ﻣﻊ ﻣﻮﺳﻲ ﻣﺶ ﻫﻨﺎ
ﻭﺧﺸﺖ
ﺍﻧﺎ : ﺗﻤﻴﺖ ﻧﻨﺪﺏ ﻭﻣﻌﺶ ﻋﺪﻟﺖ ﻉ ﺑﻨﺎﺕ
ﺣﻲ ﻋﻠﻴﻨﺎ ﻭﺣﻲ ﻣﻦ ﻣﻮﺳﻲ
ﻓﺎﻃﻤﻪ : ﻫﺎﻟﺤﻘﻴﺮﻩ ﻋﻠﻴﻚ ﺑﺨﺖ ﻣﺎﺟﺖ ﺍﻻ ﻋﻠﻲ ﺧﺸﺖ ﻋﺒﺪ ﺍﻟﻠﻪ
ﻫﺪﻱ: ﻣﺎﺗﺨﻔﻨﺶ ﺩﺭﻧﺶ ﺷﻲ ﻏﻠﻂ
ﻭﻛﺎﻧﺖ ﻫﺪﻱ ﺗﺮﻋﺶ ﻏﻴﺮ ﺑﺘﺒﻴﻦ ﺭﻭﺣﻬﺎ ﻗﻮﻳﻪ
ﺍﻧﺎ : ﻗﻌﻤﺰﺕ ﻉ ﺍﺭﺽ ﻭﻟﻤﻴﺖ ﻛﺮﻋﻴﺎ ﻭﺣﻄﻴﺖ ﻳﺪﻱ ﻉ ﻭﺟﻬﻲ ﻭﺗﻤﻴﺖ
ﻧﺒﻜﻲ
ﺭﺑﻲ ﻳﺨﺬﻧﻲ ﻳﺎﺭﺏ ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﻏﻠﻂ ﺷﻦ ﻫﺎﻟﻌﻴﺸﺎ ﻫﺬﻱ ﻳﺎﺭﺑﻲ
ﻣﺮﺍﻡ: ﺧﻼﺹ ﻳﺎﺣﻴﺎﻩ ﻛﺎﻥ ﺗﺒﻲ ﻧﻄﻠﻊ ﻟﻤﻮﺳﻲ ﻭﻧﻘﻮﻻ ﺍﻧﺎ ﻣﺎﻓﻴﺶ ﺷﻲ
ﺻﺎﺭ
ﻫﺪﻱ: ﻛﻴﻒ ﺑﺘﻄﻠﻌﻲ ﺗﺤﻜﻴﻼ ﻫﻜﻲ
ﺑﻌﺪﻳﻦ ﻣﺎﻳﻔﻬﻤﺶ ﻣﻮﺳﻲ ﺗﻮ ﻳﺸﻚ ﻭﻳﺼﺪﻕ ﺍﻥ ﺻﺎﻳﺮﺍ ﺣﺎﺟﻪ ﺑﻌﺪﻳﻦ ﻟﻔﻌﺎ
ﻫﺬﻱ ﺗﻘﻠﺐ ﻓﻴﻪ ﺍﻟﺤﻘﻴﺮﻩ
ﺑﻨﺖ ﺧﺎﻟﺔ ﻣﺮﺍﻡ : ﺑﻪ ﺍﻧﺘﻦ ﻛﻨﻜﻦ ﻣﺎﺗﺼﺤﺒﻨﻬﺶ ﻭﺗﺨﻠﻨﻬﺎ ﻓﻲ ﺻﻔﻜﻦ
ﻓﺎﻃﻤﻪ : ﻫﺬﻱ ﻣﻜﻠﻮﺑﻪ ﻣﺮﺃ ﻣﺶ ﻃﺒﻴﻌﻪ ﻣﺎﺗﺼﺤﺎﺑﺶ ﺣﻮﻟﻨﺎ ﺍﻣﻌﺎﻩ
ﻭﻧﺪﻳﺮﻭﻟﻬﺎ ﻓﻲ ﻛﻞ ﺷﻲ ﺑﺲ ﻫﻴﺎ ﻃﺒﻌﻬﺎ ﻫﻜﻲ
ﻣﺮﺍﻡ: ﺗﺤﻜﻲ ﻟﺒﻨﺖ ﺧﺎﻟﺘﻬﺎ . ﺗﻲ ﻫﺬﻱ ﻣﻦ ﺯﻣﺎﻥ ﻫﻜﻲ ﻣﻦ ﺍﻳﺎﻡ ﻭﻧﺤﻨﺎ
ﻓﻲ ﺟﺎﻣﻌﻪ ﻛﺎﻧﺖ ﺍﺗﻌﺎﺭﻙ ﻣﻊ ﺑﻨﺎﺕ ﻭﻣﺸﻜﻠﺠﻴﺎ ﻭﻣﺎﺗﺤﺐ ﺣﺪ ﻭﻻﺗﺤﺐ
ﺍﻟﺨﻴﺮ ﻟﺤﺪ ﻭﻏﻴﺮﻭ ﺑﻜﻞ ﻭﺧﺬﺕ ﻣﻮﺳﻲ ﻉ ﻋﻼﻗﻪ ﻭ ﻋﺪﺍ ﺳﻤﺢ ﻭﻋﻴﻮﻧﺎ
ﺻﻔﺮ ﺧﻼﺹ ﺭﻓﻌﺖ ﺧﺸﻤﻬﺎ ﻭﺗﺤﺴﺎﺏ ﺭﻭﺣﻬﺎ ﺍﻻ ﻭﻳﻦ ﻳﺎﺑﺮﻗﺎ ﻣﺎﻓﻴﻚ
ﺍﻻ ﺍﻧﺎ
ﻫﺪﻱ: ﺍﻳﻮﺍ ﺍﻫﻲ ﻣﺮﺍﻡ ﺣﻜﺘﻠﻚ ﺑﺄﺧﺘﺼﺎﺭ
ﻭﻣﻮﺳﻲ ﻳﺤﺒﻬﺎ ﻭﻣﻜﺒﺪ ﻓﻴﻬﺎ ﻭﻳﺴﻤﻊ ﻓﻲ ﻛﻼﻣﻬﺎ
ﺑﻨﺖ ﺧﺎﻟﺔ ﻣﺮﺍﻡ : ﻧﻨﻘﻨﺎ ﺭﺑﻲ ﻳﻜﻮﻥ ﻓﻲ ﻋﻮﻧﻜﻦ ﺍﻥ ﺷﺎﺀ ﺍﻟﻠﻪ
ﺍﻧﺎ : ﻛﺎﻧﻦ ﻳﺤﻜﻦ ﺑﻨﺎﺕ ﻭﺍﻧﺎ ﻛﻨﺖ ﻧﺒﻜﻲ ﻭﻓﻲ ﻫﻢ ﺑﺮﻭﺣﻲ ﻻﻥ ﻋﺎﺭﻓﻪ
ﻣﻮﺳﻲ ﻣﺶ ﺣﻴﺮﺣﻤﻨﻲ ﻭﺣﻨﻨﻀﺮﺏ ﻭﻧﺘﻜﺴﺮ
~~~~~~~~~~~
ﻭﺻﻞ ﻳﻮﺳﻒ ﻟﻠﺤﻮﺵ ﻭﺧﺶ ﻟﺤﻮﺷﻬﻢ ﻋﺎﻟﻄﻮﻝ ﺑﺪﻭﻥ ﻣﺎﻳﻤﺮ ﻉ ﺣﻮﺵ
ﺟﺪﺍ
ﺭﻛﺐ ﻓﻮﻕ ﻟﻠﺠﻨﺎﺡ ﺍﻣﺘﺎﻋﺎ ﺧﺶ ﺍﺩﻭﺵ ﻭﻃﻠﻊ ﺍﻟﺸﻨﻄﺎ ﺍﻣﺘﺎﻋﺎ ﻭﺣﻂ ﺩﺑﺶ
ﻭﻟﺒﺲ ﺯﻱ ﻛﺎﺑﺘﻦ ﺍﻟﻄﻴﺎﺭﻩ ﻭﻃﻠﻊ ﺣﻂ ﺷﻨﻄﻪ ﻓﻲ ﺳﻴﺎﺭﻩ ﻭﺧﺶ ﻟﻔﻴﻠﺔ
ﺟﺪﻫﻢ
ﺍﻟﻲ ﻛﺎﻧﻮ ﻓﻴﻬﺎ ﻣﻠﺘﻤﻴﻦ ﻛﻠﻬﻢ ﻋﻤﺘﺎ ﻭﺍﺳﻴﺎﺩﺍ ﻭﻋﻴﺎﻟﻬﻢ ﻭﺑﻨﺎﺗﻬﻢ
ﻭﻧﺴﺒﺎﺗﻬﻢ
ﻭﺭﺟﺎﻟﺖ ﺑﻨﺎﺕ ﻋﻤﺘﺎ ﻭﺑﻨﺎﺕ ﺳﻴﺪﺍ
ﻭﺧﺶ ﻭﺟﺖ ﻳﻮﺳﻒ ﻋﻴﻨﺎ ﻓﻲ ﻋﻴﻦ ﺍﻣﻴﺮﻩ ﺍﻟﻲ ﻛﺎﻧﺖ ﻣﻘﻌﻤﺰﺍ ﺟﻨﺐ
ﺭﺟﺎﻟﻬﺎ
ﻳﻮﺳﻒ: ﺳﻼﻡ ﻋﻠﻴﻜﻢ
ﻛﻠﻬﻢ: ﻭﻋﻠﻴﻜﻢ ﺍﻟﺴﻼﻡ
ﻳﻮﺳﻒ: ﻳﺤﻜﻲ ﻭﻫﻮ ﺭﺍﻓﻊ ﺣﺎﺟﺒﺎ ﻭﺑﺎﻳﻦ ﻋﻠﻴﻪ ﺭﻗﻴﻼ ﻭﻳﺤﻜﻲ ﻭﻳﺒﺤﺖ ﻓﻲ
ﺑﺎﺗﺎ ﻭﺃﻣﺎ
ﺍﻧﺎ ﻣﺴﺎﻓﺮ ﻋﻨﺪﻱ ﺭﺣﻼ ﺍﻟﻴﻮﻡ
ﻭﻣﺎﺷﻲ ﺗﻮ ﻣﺘﻮﻛﻞ ﻟﻠﻤﻄﺎﺭ
ﺍﻣﺎ: ﺍﻟﻲ ﻛﺎﻧﺖ ﻋﺎﺭﻓﻪ ﺍﻥ ﻣﺶ ﺍﻟﻴﻮﻡ ﺭﺣﻠﺘﺎ
ﻭﻓﻴﺼﻞ : ﺍﻟﻲ ﺣﺘﻲ ﻫﻮ ﺍﻧﺼﺪﻡ ﻭﻋﺮﻓﻬﺎ ﻣﺶ ﺍﻟﻴﻮﻡ
ﻭﻛﺎﻧﻮ ﻫﻼ ﻳﻮﺳﻒ ﺧﻮﺗﺎ ﻭﺟﺪﻩ ﺍﻟﻲ ﻋﺎﺭﻓﻴﻦ ﻣﺶ ﺍﻟﻴﻮﻡ ﺭﺣﻠﺔ ﻳﻮﺳﻒ
ﻭﺑﻜﺮﻩ ﺭﺣﻠﺘﺎ
ﺑﺲ ﺍﺳﻜﺘﻮ ﺑﻴﺶ ﻣﺎﻳﺒﻴﻨﻮﺵ ﺷﻲ ﻟﻠﺒﺎﻗﻲ ﺍﻟﻌﺎﻳﻠﻪ
ﺟﺪﻩ : ﺑﺎﻫﻲ ﺗﻤﺸﻲ ﻭﺍﺗﺠﻲ ﻃﻴﺐ
ﻭﻓﻜﺮ ﻓﻲ ﻛﻼﻣﻲ
ﻳﻮﺳﻒ: ﺍﻥ ﺷﺎﺀ ﺍﻟﻠﻪ
ﻭﻗﺪﻡ ﻳﻮﺳﻒ ﺣﺐ ﻉ ﺭﺍﺱ ﺟﺪﻩ ﻭﺟﺪﺗﺎ
ﻭﺣﺐ ﻉ ﻳﺪ ﺍﻣﺎ ﻭﺑﺎﺗﺎ
ﻭﺷﻴﺮ ﻟﺒﺎﻗﻲ ﺍﻟﻌﻴﻼ ﻣﻦ ﺑﻌﻴﺪ
ﻭﻃﻠﻊ
ﻭﻟﺤﻘﻮﻩ ﺧﻮﺗﺎ
ﺍﻟﻲ ﻛﺎﻥ ﻳﻮﺳﻒ ﻳﻤﺸﻲ ﻗﺪﻣﻬﻢ
ﻭﻫﻤﺎ ﺛﻼﺛﻪ ﻃﺎﻟﻌﻴﻦ ﻭﺭﺍﻩ
ﻭﻗﻒ ﻳﻮﺳﻒ ﻉ ﺳﻴﺎﺭﻩ
ﻭﺻﺒﻮ ﺧﻮﺗﺎ ﻗﺪﺍﻣﺎ
ﻓﻴﺼﻞ : ﺷﻦ ﺻﺎﻳﺮ ﻛﻨﻚ ﻣﺎﺷﻲ ﻣﻦ ﺗﻮﺍ ﻭﺭﺣﻠﺘﻚ ﺑﻜﺮﻩ
ﻳﻮﺳﻒ: ﺗﻲ ﻳﺎﺭﺍ ﻣﺘﻤﺰﻁ
ﻣﻨﺬﺭ: ﺷﻦ ﻓﻲ ﻳﺎﺭﺍﺟﻞ
ﻳﻮﺳﻒ: ﺟﺪﻱ ﺣﻠﻒ ﺑﻄﻼﻕ ﺍﻥ ﻋﺮﺳﻲ ﻳﻄﻠﻊ ﺍﻣﻌﺎﻙ
ﻣﻨﺬﺭ ﻭﻣﻌﺘﺼﻢ : ﻛﺎﻧﺖ ﺻﺪﻣﻪ ﺗﺮﺳﻢ ﻭﺟﻮﻫﻢ
ﻓﻴﺼﻞ : ﺍﻟﻲ ﻛﺎﻥ ﻋﺎﺭﻑ ﺑﺲ ﻣﺎﺑﻴﻨﺶ ﻻﻥ ﺷﺎﻳﻒ ﻫﺬﺍ ﻓﻲ ﻣﺼﻠﺤﺖ
ﻳﻮﺳﻒ
ﻳﻮﺳﻒ: ﻭﻫﻮ ﻳﻬﺰ ﻓﻲ ﺭﺍﺳﺎ ﻭﺭﻗﻴﻼ ﺷﻦ ﺭﺍﻳﻜﻢ ﺍﻟﻨﺒﻲ
ﺍﻭﻭﻭﻭﻭﻑ
ﻓﻴﺼﻞ : ﻫﺪﻱ ﻭﺭﺍﻩ ﻓﻲ ﻣﺼﻠﺤﺘﻚ ﺍﻟﻜﻼﻡ
ﻳﻮﺳﻒ: ﺗﻲ ﺍﻳﻦ ﻣﺼﻠﺤﻪ ﻳﺎﺭﺍ ﺍﻟﻲ ﺗﺤﻜﻲ ﻋﻠﻲ ﺍﻣﻬﺎ ﻫﺬﻱ
ﺗﻲ ﺍﻧﺎ ﻣﺨﻨﻮﻕ ﻭﺣﻂ ﻳﺪﺍ ﻉ ﺭﻗﺒﺘﺎ
ﻋﺎﺭﻓﻴﻦ ﺷﻦ ﻣﻌﻨﺎ ﻣﺨﻨﻮﻕ ﺍﻧﺎ ﻣﻨﺨﻨﻖ ﻭﻧﺮﻭﺡ ﻫﻨﺎ ﺑﻴﺶ ﺍﻧﺘﺮﻳﺢ ﻣﺎﻧﻠﻘﺎ
ﺍﻻ ﺍﻟﻲ ﻳﺰﻥ ﻉ ﺭﺍﺳﻲ ﺍﻧﻌﺪﻱ ﺍﻧﺴﺎﻓﺮ ﻭﻧﺄﺧﺬ ﻓﻲ ﺭﺣﺎﻻﺕ ﺍﺻﺤﺎﺑﻲ ﺑﻴﺶ
ﻧﻬﺮﺏ
ﻭﻧﺘﺮﻳﺢ ﻣﺎﻳﺼﻴﺮ ﺷﻲ
ﻭﻳﻦ ﺗﺒﻮﻧﻲ ﻧﻤﺸﻲ ﻧﻘﺘﻞ ﺭﻭﺣﻲ ﺑﻴﺶ ﺍﺗﺮﻳﺤﻮ ﺍﻧﺘﻢ ﻭﻻ ﻛﻴﻒ
ﻣﻌﺘﺼﻢ : ﺍﻫﺪﺃ ﺑﺲ
ﻳﻮﺳﻒ: ﺗﻲ ﺍﻳﻦ ﻧﻬﺪﺃ ﺍﻧﻘﻮﻟﻚ ﺣﻠﻔﻮ ﺑﻄﻼﻕ ﺗﻘﻮﻟﻲ ﺍﻫﺪﺃ ﺗﻲ ﺯﺭﻧﻲ ﺯﺭ
ﺟﺪﻙ
ﺑﺲ ﻭﺩﻳﻨﻲ ﻣﺎﻧﻌﺒﺪ ﻭﺍﻟﻠﻪ ﺍﻟﻌﻈﻴﻢ ﻭﺧﺬﻭﻫﺎ ﻣﻨﻲ ﻛﻠﻤﻪ
ﻉ ﺣﻠﻔﺖ ﺟﺪﻱ ﺑﻄﻼﻕ ﻫﺬﻱ
ﺍﻧﺎ ﻣﺠﻮﺯ ﺑﺲ ﻫﻮ ﺷﻬﺮ ﻭﺍﺣﺪ ﻭﻣﻄﻠﻘﻬﺎ ﺍﻟﻤﺮﺃ
ﻭﺍﺧﺬﻫﺎ ﻛﻴﻒ ﻣﺎ ﺍﻧﺎ ﻧﺒﻲ ﻣﺶ ﺣﺘﻲ ﺑﺄﺧﺘﻴﺎﺭﻫﻢ ﻫﻤﺎ
ﻣﺶ ﺑﻴﺠﻮﺯﻧﻲ ﺍﻧﺎ ﺍﻧﺪﻳﺮ ﺍﻟﻲ ﻳﺒﻴﻪ ﺑﺲ ﻓﻲ ﺍﻻﺧﻴﺮ ﺍﻟﻲ ﺍﻧﺎ ﻧﺒﻴﻪ ﻫﻮ ﺍﻟﻲ
ﻳﺼﻴﺮ ﻭﻣﺎﺣﺪ ﺍﻧﺎ ﻳﺠﺒﺮﻧﻲ ﻭﻳﻠﻮﻱ ﺫﺭﺍﻋﻲ
ﻭﻧﺪﻡ ﺟﺪﻱ ﻋﺎﻟﻴﻮﻡ ﺍﻟﻲ ﺧﻼﻩ ﻳﺤﻠﻒ ﻓﻴﻪ ﺑﻄﻼﻕ
ﺳﻜﺘﻮ ﺍﻟﺸﺒﺎﺏ
ﻭﻳﻮﺳﻒ ﻭﺩﻋﻬﻢ ﻭﻋﺪﺍ
ﻭﻗﻌﺪﻭ ﺷﺒﺎﺏ ﻣﺼﺒﻴﻦ ﻓﻲ ﺟﻨﺎﻥ ﻭﺣﻴﺮﻳﻦ
ﻣﻨﺬﺭ: ﻏﻠﻂ ﺟﺪﻱ ﻣﺎﻛﺎﻧﺶ ﻳﺤﻠﻒ ﻟﻴﻮﺳﻒ ﺑﻄﻼﻕ
ﻓﻴﺼﻞ : ﺍﻟﻲ ﻛﺎﻥ ﻳﺤﻜﻲ ﺑﻌﺼﺒﻴﺎ
ﻣﺎﻫﻮ ﺍﺯﻑ ﺣﻮﻟﻨﺎ ﺍﻣﻌﺎﻩ ﺑﺎﻟﻬﺪﺅ ﻭﺩﺭﻧﺎ ﺟﻤﻴﻊ ﺍﻟﻤﺤﺎﻭﻻﺕ ﺑﺲ ﺧﻮﻛﻢ ﺭﺍﺳﺎ
ﻣﺴﻜﺮ
ﻣﻨﺬﺭ : ﺧﻼﺹ ﺑﻌﺪ ﻋﺎﺭﻓﻴﻦ ﺭﺍﺳﺎ ﻣﺴﻜﺮ ﻛﻨﺘﻢ ﺍﺗﻔﺘﻮﻩ ﺑﻜﻞ ﻭﺗﺨﻠﻮﻩ ﺑﺠﻮ
ﻋﻠﻴﺶ ﺳﻜﻨﻴﻼ ﺍﺟﻮﺯ ﺍﺟﻮﺯ
ﺗﻲ ﺭﺍﻩ ﻳﺤﺐ ﻭﺍﻟﺤﺐ ﻣﺶ ﺳﺎﻫﻞ ﻭﺍﻟﻲ ﻳﺤﺒﻬﺎ ﻗﺮﻳﺒﺎ ﻣﻨﺎ ﻭﻣﺶ ﺑﻌﻴﺪ
ﻋﻠﻴﻪ ﻳﻌﻨﻲ ﺣﺘﻲ ﻛﺎﻥ ﻳﺒﻲ ﻳﻨﺴﺎ
ﻟﻤﺎ ﻳﺸﻮﻓﻬﺎ ﻳﺬﻛﺮﻫﺎ ﻭﻣﺸﻜﻠﻪ ﻧﻠﺘﻤﻮ ﻛﻞ ﺟﻤﻌﻪ ﻭﻳﺎﺭﻳﺘﻬﺎ ﻣﻌﺶ ﺍﺗﺠﻲ
ﻭﻧﻔﺘﻜﻮ ﻣﻦ ﻭﺟﻬﺎ
ﻣﻌﺘﺼﻢ : ﻫﺎ ﺗﻮ ﺗﺮﻳﺢ ﺟﺪﻱ ﻳﺒﻲ ﻳﺠﻮﺯ ﺑﺲ ﻳﺒﻲ ﻳﻄﻠﻖ ﻏﻴﺮ ﺑﻴﻈﻠﻢ
ﺍﻟﻤﺴﻜﻴﻨﻪ ﺍﻟﻲ ﺑﻴﺄﺧﺬﻫﺎ ﻭﺧﻼﺹ
ﻣﻨﺬﺭ: ﺍﺻﻼ ﻫﺬﺍ ﻳﻮﺳﻒ ﺩﺑﻴﻨﻚ ﻋﻨﺪﺗﺎ ﺍﻧﺴﺎ ﺍﻟﻲ ﻓﻲ ﺭﺍﺳﺎ ﺍﻳﺪﻳﺮﻫﺎ
ﻭﻣﺎﺣﺪ ﻳﻌﺎﻧﺪﺍ ﻭﻣﺎﻳﺤﺒﺶ ﺣﺪ ﻳﻤﺸﻲ ﻋﻠﻴﻪ ﺭﺍﻱ
ﻣﻌﺘﺼﻢ : ﺧﻼﺹ ﺗﻮ ﺗﻌﺘﻜﻢ ﺍﺗﺮﻳﺤﻮ ﻭﺧﻠﻲ ﺟﺪﻱ ﺗﻨﺒﻂ ﺩﻣﺎﻟﺘﺎ ﻫﻮ ﻭﺑﺎﺗﻲ
ﻭﺧﺶ ﻣﻌﺘﺼﻢ ﻫﻮ ﺭﻗﻴﻼ ﻉ ﻳﻮﺳﻒ ﻭﻭﺟﻌﺎ
ﻓﻴﺼﻞ : ﺗﻨﻬﺪ . ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻣﺶ ﻋﺎﺭﻑ ﺍﻟﻌﻴﻞ ﻫﺬﺍ ﺷﻦ ﺍﻟﺤﻞ ﺍﻣﻌﺎﻩ
ﻣﻨﺬﺭ: ﺍﻟﺤﻞ ﺍﻧﻜﻢ ﺍﺗﻔﺘﻮﻩ ﻫﺬﺍ ﺍﻟﺤﻞ ﻭﻣﻌﺶ ﺍﺗﺰﺭﻭﻩ ﻭﺗﺪﺧﻠﻮ ﻓﻲ ﺣﻴﺎﺗﺎ
ﺭﺍﻩ ﻳﻮﺳﻒ ﻛﺒﻴﺮ ﻭﻣﺶ ﺍﺻﻐﻴﺮ ﻭﻳﻌﺮﻑ ﻣﺼﻠﺤﺘﺎ ﻭﻛﻞ ﺷﻲ ﻭﺍﻧﺎ ﻛﻨﺖ
ﻋﺎﺭﻑ ﻭﻗﺎﻟﻲ ﻧﺒﻲ ﻧﺠﻮﺯ ﺑﺲ ﻧﺒﻲ ﻭﻗﺖ ﻭﻧﺒﻲ ﺳﻨﻪ ﻫﺬﻱ ﺑﺲ ﻭﺑﻌﺪﻫﺎ
ﺑﻨﺠﻮﺯ
ﻟﻜﻦ ﺍﻧﺘﻢ ﺳﻜﻨﺘﻮﻻ ﻭﺍﺳﺘﻌﺠﺎﻟﺘﻮ ﻋﻠﻴﻪ
ﻭﺗﻮ ﺑﺘﺤﻄﻮ ﻓﻲ ﺭﻗﺒﺘﺎ ﻭﺣﺪﻩ ﻣﺎﻳﺒﻴﻬﺶ ﻭﻳﺸﻴﻞ ﺫﻧﺒﻬﺎ ﻣﺴﻜﻴﻨﻪ ﻭﺧﻼﺹ
ﻭﺍﻧﺖ ﻋﺎﺭﻓﺎ ﺑﻌﺪ ﻳﺤﻠﻒ ﺧﻼﺹ ﻭﺳﻜﺮ ﺭﺍﺳﺎ ﻳﻄﻠﻘﻬﺎ ﺑﻌﺪ ﺷﻬﺮ
ﻭﻫﻜﻲ ﺣﺘﻲ ﺗﻔﻜﻴﺮﺍ ﻓﻲ ﺟﻮﺍﺯ ﺑﻌﺪ ﺳﻨﻪ ﻫﺬﻱ ﺣﻴﻠﻐﻴﻪ ﺑﻜﻞ ﺗﻮ ﺍﺗﺸﻮﻑ
ﻭﻋﺰﻕ ﻣﻨﺬﺭ ﺍﻟﺴﺒﺴﻲ ﻭﻋﻔﺲ ﻋﻠﻴﻪ ﺑﻜﺮﺍﻋﺎ
ﻣﻨﺬﺭ : ﻫﻴﺎ ﺍﻧﺨﺸﻮ
ﻓﻴﺼﻞ : ﻭﻫﻮ ﺣﺎﻁ ﺍﻳﺪﻳﻪ ﻓﻲ ﺧﺼﺮﺍ ﻭﺭﻗﻴﻼ
ﻭﻛﺎﻥ ﻣﺶ ﻣﺘﻮﻗﻊ ﺭﺩﺓ ﻓﻌﻞ ﻳﻮﺳﻒ ﻭﻋﻨﺎﺩﺍ ﻳﻮﺻﻞ ﺍﻟﻲ ﻫﻜﻲ
ﻭﻧﺪﻡ ﺍﻥ ﺣﻜﺎ ﻻﻣﺎ ﻭﺯﺭﻭ ﻳﻮﺳﻒ ﻉ ﺯﻭﺍﺝ
~~~~~~~~~~~~~~
ﺭﻭﺣﻨﺎ ﻟﻠﺤﻮﺵ ﻭﻛﻨﺖ ﺧﺎﻳﻔﻪ ﻣﻮﺕ ﻣﻦ ﻣﻮﺳﻲ ﻭﻛﻨﺖ ﻋﺎﺭﻓﻪ ﺍﻥ ﺍﻟﻴﻮﻡ
ﻧﻬﻴﺘﻲ
ﺧﺸﻴﺖ ﻟﻠﺤﻤﺎﻡ ﺗﻮﺿﻴﺖ ﻭﻃﻠﻌﺖ ﻧﺠﺮﻱ ﻟﻠﺪﺍﺭ ﻃﺮﺣﺖ ﺍﻟﺼﻼﻳﺎ ﻭﻗﻌﺪﺕ
ﺍﻧﺼﻠﻲ ﻭﻛﻤﻠﺖ ﺍﻟﺼﻼﻩ
ﻭﺧﺸﻴﺖ ﺍﻟﺴﺮﻳﺮ ﻭﻗﻌﺪﺕ ﺍﻧﺎ ﻭﺍﻟﺒﻨﺎﺕ ﻧﺮﺟﻮ ﻓﻲ ﻣﻮﺳﻲ ﻳﻨﺰﻝ ﻳﻀﺮﺑﻨﺎ
ﻭﻓﺎﺕ ﺍﻟﻮﻗﺖ ﻭﻧﻌﺴﻨﺎ ﻭﺭﻗﺪﻧﺎ
ﻭﻋﻴﺖ ﺍﻟﺼﺒﺢ ﻭﻣﺎﺯﻟﺖ ﺧﺎﻳﻔﻪ
ﻓﺎﻃﻤﻪ : ﻏﺮﻳﺒﻪ ﻣﻮﺳﻲ ﺍﻣﺲ ﻣﺎﻧﺰﻟﻠﻨﺶ
ﺍﻧﺎ : ﻣﺶ ﻋﺎﺭﻑ ﺍﻧﺎ ﻗﻠﺒﻲ ﻣﺎﺯﺍﻝ ﻣﺶ ﻣﺘﺮﻳﺢ
ﻓﺎﻃﻤﻪ : ﺑﺎﻫﻲ ﺍﺯﻋﻤﻚ ﺷﻦ ﺻﺎﺭ ﺯﻋﻤﻚ ﺍﻣﻞ ﻣﺎﺣﻜﺘﺶ ﻟﻤﻮﺳﻲ
ﺍﻧﺎ : ﺍﻥ ﺷﺎﺀ ﺍﻟﻠﻪ ﻳﻜﻮﻥ ﺭﺑﻲ ﻫﺪﻳﻬﺎ ﻣﻊ ﺍﻧﻲ ﻣﺴﺘﻐﺮﺑﻪ ﺍﻧﻬﺎ ﺗﻨﻬﺪﺍ
ﻓﺎﻃﻤﻪ : ﻳﺎﺣﻨﻪ ﻧﺤﻨﺎ ﻭﺧﺬﻳﻦ ﻉ ﺿﺮﺏ ﺧﻠﻴﻨﺎ ﺍﻧﻤﺸﻮ ﺍﻟﻴﻮﻡ ﻭﺍﻣﺘﺎ ﻣﺎﺗﺠﻴﻨﺎ
ﺿﺮﺑﻪ ﺍﺗﺠﻲ
ﺍﻧﺎ : ﻫﻬﻬﻬﻬﻪ ﻭﺍﻟﻠﻪ ﺻﺪﻗﺘﻲ ﺑﻨﺎﺕ ﻳﺮﺟﻦ ﻓﻲ ﻃﺎﻟﻌﺎﺕ ﻓﻲ ﺯﺭﺍﺩﻱ ﻓﻲ
ﻧﺘﻴﺠﻪ ﻭﻧﺤﻨﺎ ﻧﺮﺟﻮ ﻓﻲ ﻃﺮﺍﻳﺢ
ﻭﺗﻤﻴﺖ ﺍﻧﺎ ﻭﻓﺎﻃﻤﻪ ﻧﻀﺤﻜﻮ ﻭﻣﻴﺘﺎﺕ ﻣﻦ ﺿﺤﻚ ﻭﺑﻌﺪﻫﺎ ﺧﻠﻄﺖ
ﺿﺤﻜﺘﻨﺎ ﺏ ﺑﻜﻴﺎ
ﻻﻥ ﻛﻨﺎ ﻣﻦ ﻛﺜﺮ ﺍﻟﻘﻬﺮ ﻧﻀﺤﻜﻮ ﻣﻊ ﺍﻥ ﻓﻴﺶ ﺷﻲ ﻳﻀﺤﻚ ﻭﻟﻤﺎ ﺯﺍﺩ
ﺿﺤﻜﻨﺎ ﺑﻜﻴﻨﺎ ﻻﻥ ﻋﺮﻓﺎﺕ ﻣﺼﻴﺮﻧﺎ ﺷﻨﻮ
ﺿﻤﻴﺖ ﺍﻟﺤﻮﺵ ﻭﺗﻴﻨﺎ ﺍﻟﻐﺪﺍﺀ ﻭﺗﻐﺪﻳﻨﺎ ﻭﻛﺎﻧﺎ ﻃﻮﻝ ﺍﻟﻴﻮﻡ ﻧﺮﺟﻮ ﻓﻲ
ﻣﻮﺳﻲ
ﻭﻫﺪﻱ ﻛﺎﻥ ﺑﻴﺠﻴﻬﺎ ﺍﻳﻤﻦ
ﻭﺭﻛﺒﺖ ﻫﺪﻱ ﻓﻮﻕ ﻭﺟﺘﻨﺎ ﺗﺠﺮﻱ
ﻫﺪﻱ: ﻳﺎﺑﻨﺎﺕ ﻳﺎﺑﻨﺎﺕ
ﺍﻧﺎ ﻭﻓﺎﻃﻤﻪ : ﻧﻄﻴﻨﺎ ﻫﺎ ﻛﻨﻚ
ﻫﺪﻱ: ﻋﻴﺖ ﻣﻮﺳﻲ ﻣﺶ ﻗﺎﻋﺪﻳﻦ ﺍﻃﻤﻨﻦ
ﺍﻧﺎ : ﻛﺬﺍﺑﻪ
ﻫﺪﻱ: ﻭﺍﻟﻠﻪ ﻋﺪﻳﺖ ﺗﺄﻛﺪﺕ ﻭﺩﻗﻴﺖ ﻗﻠﺖ ﺍﻧﺘﺄﺳﻒ ﻣﻦ ﺃﻣﻞ ﻭﻧﻠﻘﻠﻘﻠﻬﺎ
ﺑﻴﺶ ﻣﺎﺗﺒﺼﺶ ﻋﻠﻴﻨﺎ ﻭﻣﺎﺗﺨﺮﺑﺶ ﻋﻠﻴﺎ ﻭﻋﻠﻲ ﺟﻴﺖ ﺃﻳﻤﻦ
ﺑﺲ ﻣﺎﻟﻘﻴﺘﻬﺶ
ﻓﺎﻃﻤﻪ : ﻳﺎﻧﺎ ﻋﻠﻴﺎ ﺍﻟﺤﻤﺪ ﺍﻟﻠﻪ
ﺍﻧﺎ : ﺍﻫﺎ ﻫﻢ ﻭﻧﺰﺍﺡ ﻉ ﻗﻠﺒﻲ
ﻫﺪﻱ: ﺧﻼﺹ ﺍﻧﻌﺪﻱ ﺍﻧﻮﺗﻲ ﺭﻭﺣﻲ ﺩﺑﻴﻨﺎ ﻣﺎﻓﻲ ﺣﺪ ﻭﻧﻜﻠﻢ ﺍﻳﻤﻦ ﻗﺒﻞ
ﻣﺎﻳﺠﻲ ﺑﺎﺗﻲ ﻭﻋﻴﺴﻲ ﻣﻦ ﺍﻟﻌﺰﺍﺀ
ﺍﻧﺎ : ﻫﻴﺎ ﻋﺪﻱ ﻭﻧﺤﻨﺎ ﺗﻮ ﻧﻠﻬﻮ ﻣﺒﺮﻭﻛﻪ ﺍﻻ ﺍﻣﻲ ﻋﺎﺭﻓﺎ
ﻫﺪﻱ: ﺧﻼﺹ ﺗﻢ
ﻭﺧﺸﺖ ﻫﺪﻱ ﺍﺩﻭﺷﺖ ﻭﻃﻠﻌﺖ ﺍﺳﺘﺸﻮﺭﺕ ﺷﻌﺮﻫﺎ ﻭﻃﻠﻘﺘﺎ ﻭﻟﻤﺖ ﻣﻨﺎ
ﺍﺷﻮﻳﻪ ﻭﺩﺍﺭﺕ ﻣﻜﻴﺎﺝ ﺧﻔﻴﻒ ﻭﻟﺒﺴﺖ ﺍﺳﺘﺮﺗﺶ ﺑﻮﺩﺭﻱ ﻭﻋﻠﻴﻪ ﺑﺪﻱ
ﺍﺑﻴﺾ ﻋﻨﺪ ﻧﺺ ﺍﻟﻔﺨﺬ ﻭﻓﻴﺔ ﺧﻴﻂ ﻳﺮﺗﺒﻂ ﻣﻦ ﻟﻮﺭﻩ
ﻭﻛﺎﻥ ﻣﺨﺼﺮ ﻉ ﺟﺴﻤﻬﺎ ﻭﻣﺒﻴﻨﺎ ﻳﻬﺒﻞ ﻭﺩﻛﻨﺖ ﺭﻭﺝ ﻭﺩﺭﺍﺗﺎ ﻟﻮﻧﺎ ﺑﻮﺩﺭﻱ
ﻓﺎﻗﻊ ﻭﺑﺨﺖ ﻋﻄﺮ
ﻭﺗﻤﺖ ﺗﺮﺟﺎ ﻓﻲ ﺍﻳﻤﻦ
ﻟﻌﻨﺪ ﺭﻥ ﻋﻠﻴﻬﺎ ﻭﻗﺎﻟﻠﻬﺎ ﺍﻥ ﺑﺮﺍ
ﻟﺒﺴﺖ ﺩﺑﺶ ﺍﻟﺼﻼﻩ
ﻭﺧﺸﺖ ﻟﻠﻤﺮﺑﻮﻋﺎ ﺩﻳﺮﺍ ﺭﻭﺣﻬﺎ ﺑﺘﺼﻠﻲ ﻭﺳﻠﺤﺖ ﺍﻟﺪﺑﺶ ﻭﻃﻠﻌﺖ ﻣﻦ
ﺟﻴﻬﺔ ﺍﻟﻤﻄﺒﺦ ﻭﻓﺘﺤﺖ ﺑﺎﺏ ﻟﺠﻨﺎﻥ ﻣﻦ ﻟﻮﺭﺍ ﻭﺧﺸﺸﺖ ﺍﻳﻤﻦ
ﻭﻛﺎﻧﺖ ﻓﻲ ﺷﺠﺮﺓ ﺯﻳﺘﻮﻥ ﻛﺒﻴﺮﻩ ﻓﻲ ﺟﻨﺎﻥ ﻗﻌﺪﺕ ﺗﺤﺘﻬﺎ ﻫﻴﺎ ﻭﺍﻳﻤﻦ
ﺍﻳﻤﻦ : ﺧﻴﺮ ﻳﺎﻋﻴﻮﻧﻲ ﺭﺍﻳﻔﺖ ﻋﻠﻴﻚ
ﻫﺪﻱ: ﺣﺘﻲ ﺍﻧﺎ
ﺍﻳﻤﻦ : ﻓﻴﺶ ﺣﺪ ﺷﻜﻼ
ﻫﺪﻱ: ﺍﻫﺎ ﺑﺎﺑﺎ ﻭﻋﻴﺴﻲ ﻣﺸﻮ ﻟﻠﻌﺰﺍﺀ
ﻭﻣﻮﺳﻲ ﻣﺶ ﻋﺎﺭﻑ ﻭﻳﻦ
ﻭﻣﺒﺮﻭﻛﻪ ﺟﻮﺍ ﻭﺻﻴﺖ ﻋﻠﻴﻬﺎ ﺑﻨﺎﺕ ﻳﻠﻬﻨﻬﺎ
ﺍﻳﻤﻦ : ﻣﺶ ﻗﺘﻴﻠﻲ ﺑﺎﺗﻚ ﻭﺍﻓﻖ
ﻫﺪﻱ: ﺍﻫﺎ
ﺍﻳﻤﻦ : ﺑﺎﻫﻲ ﻋﻠﻴﺶ ﺟﻴﺒﺘﻴﻨﻲ ﺑﺎﻟﺴﺮﻗﻪ ﺍﺗﻘﻮﻝ ﺍﻧﺪﻳﺮ ﻓﻲ ﺣﺎﺟﻪ ﻏﻠﻂ
ﻣﺮﺍﺗﻲ ﺭﺍﻛﻲ ﻭﺣﻼﻟﻲ
ﻫﺪﻱ: ﻋﺎﺭﻓﻪ ﻳﺎﻋﻤﺮﻱ ﺑﺲ ﻟﻤﺎ ﻳﻌﺮﻓﻮ ﺍﻧﻚ ﺟﻴﺖ ﻣﺶ ﺣﻴﺴﻴﺒﻮﻧﻲ ﻣﻌﺎﻙ
ﻭﻻ ﻧﺄﺧﺬﻭ ﺭﺍﺣﺘﻨﺎ ﻓﻲ ﻛﻼﻡ
ﺍﻳﻤﻦ : ﻳﺎﻧﺎ ﻋﻠﻴﺎ ﻧﺠﻴﻠﻲ ﺍﻓﻜﺎﺭﻙ ﻳﺎﻛﺮﻓﺖ
ﻫﺪﻱ: ﻫﻬﻬﻬﻬﻬﻪ ﺍﺱ ﻋﻄﻚ ﺍﻟﺨﻴﺮ ﺿﺤﻜﺘﻨﻲ
ﺍﻳﻤﻦ : ﺑﺎﻫﻲ ﻗﻮﻟﻲ ﺗﺒﻴﻨﺎ ﺑﺮﺍﺣﺘﻨﺎ ﻋﻠﻴﺶ ﻋﻠﻲ ﺷﻦ ﻋﺎﺑﻴﺎ ﺍﻧﺘﻲ
ﻭﻏﻤﺰﻟﻬﺎ
ﻫﺪﻱ: ﻭﺍﻟﻠﻪ ﻣﺎﻋﺎﺑﻴﺎ ﻋﻠﻲ ﺣﺎﺟﻪ ﻭﺍﻧﺖ ﻋﻘﻠﻚ ﻣﺴﻮﺱ
ﺑﺲ ﻧﺒﻲ ﻧﺸﺒﻊ ﻣﻦ ﺗﺒﺤﻴﺖ ﻓﻴﻚ ﻣﻊ ﺧﻮﺗﻲ ﻧﻘﺪﺭﺵ ﺣﺘﻲ ﺍﻧﺒﺤﺖ ﻓﻲ
ﻭﺟﻬﻚ
ﺍﻳﻤﻦ : ﺍﻣﻤﻤﻢ ﻗﻨﻌﺘﻴﻨﻲ ﺍﺷﻮﻳﻪ
ﻫﺪﻱ: ﻭﺍﻟﻠﻪ ﺟﺪ ﺑﺎﻫﻲ ﻫﻴﺎ ﺭﻭﺡ ﻭﺍﻧﺎ ﺑﻨﺨﺶ
ﻭﺟﺖ ﻫﺪﻱ ﺩﻳﺮﺍ ﺭﻭﺣﻬﺎ ﺯﻋﻠﺖ ﻭﺑﺘﺨﺶ
ﻛﺮﻫﺎ ﺍﻳﻤﻦ ﻭﺩﻓﻬﺎ ﻉ ﺷﺠﺮﻩ ﺑﺎﻟﻘﻮﻩ ﻭﻗﺮﺏ ﻣﻨﻬﺎ ﺯﻳﻴﻦ ﻭﺗﻤﺎ ﻳﺸﻢ ﻓﻲ
ﺭﻳﺤﺘﻬﺎ
ﻭﻳﺮﻓﻊ ﻓﻲ ﺟﻤﺘﻬﺎ ﻣﻦ ﻋﻠﻲ ﻭﺟﻬﺎ
ﻫﺪﻱ: ﺗﺮﻋﺶ ﻭﺧﻠﻄﺎ ﻋﻨﺪﻫﺎ ﻣﺸﺎﻋﺮ ﻭﺧﻮﻑ
ﻭﺩﻭﺑﻬﺎ ﺗﺤﻜﻲ ﺍﻳﻤﻦ ﺣﻮﻝ ﺭﺍﻩ ﻳﺠﻴﻨﺎ ﺣﺪ
ﺍﻳﻤﻦ : ﻗﺮﺏ ﻣﻦ ﻫﺪﻱ ﻭﻋﻄﻬﺎ ﺑﻮﺳﺎ ﻋﻠﻲ .... ﻗﻮﻳﻪ ﻭﻃﻮﻳﻠﻪ ﻋﻨﺪ
ﻫﺪﻱ ﻗﺒﻞ ﺍﻏﻤﺎ ﻋﻠﻴﻬﺎ
ﻭﻗﺮﺏ ﺍﻳﻤﻦ ﻣﻦ ﻭﺫﻥ ﻫﺪﻱ ﻭﻫﻤﺴﻠﻬﺎ ﻫﻤﺲ ﺍﻧﺤﺒﻚ ﻳﺎﺭﻭﺣﻲ
ﻭﺣﺐ ﻉ ﺭﺍﺳﻬﺎ ﻭﻫﺪﻱ ﻛﺎﻧﺖ ﻣﺮﺗﺨﻴﺎ ﻭﺷﺒﻪ ﻣﻐﻤﺎ ﻋﻠﻴﻬﺎ ﻭﻣﺶ ﻣﺴﻜﺎ
ﺭﻭﺣﻬﺎ
ﺑﺤﺖ ﺍﻳﻤﻦ ﻓﻲ ﻫﺪﻱ ﻭﻋﺮﻑ ﺍﻧﻬﺎ ﺩﺍﻳﺨﺎ
ﺍﻳﻤﻦ : ﻫﻬﻬﻬﻬﻬﻪ ﻋﻴﻮﻧﻲ ﺻﺤﺼﺤﻲ ﻣﺶ ﻫﻜﻲ ﻭﺍﺭﺟﻴﻨﻲ ﺍﻧﺠﻴﺒﻠﻚ
ﺣﺎﺟﻪ ﻣﻦ ﺳﻴﺎﺭﻩ ﻭﺍﻧﺠﻲ
ﻫﺪﻱ: ﺍﻫﺎ ﺍﻣﻤﻤﻤﻢ ﺑﻪ
ﺍﻳﻤﻦ : ﻫﻬﻬﻬﻬﻪ ﺍﺭﺟﻲ ﺍﺷﻮﻳﻪ
ﻭﻃﻠﻊ ﺍﻳﻤﻦ ﻭﺗﻤﺖ ﻫﺪﻱ ﺍﺗﻨﺶ ﻉ ﺭﻭﺣﻬﺎ ﻭﺗﻠﻤﺲ ﻓﻲ ﺧﺪﻭﺩﻫﺎ ﺍﻟﻲ
ﻛﺎﻧﺖ ﺍﺗﺤﺲ ﺑﺄﻥ ﺣﺮﺍﺭﻩ ﺭﻛﺒﺘﻬﺎ
ﻭﺟﺎ ﺍﻳﻤﻦ ﻭﺟﺎﻳﺐ ﺍﻣﻌﺎﻩ ﻛﻴﺲ ﻭﻣﺪﺍ ﻟﻠﻬﺪﻱ
ﺍﻳﻤﻦ : ﻫﺎﻛﻲ ﻳﺎﺭﻭﺣﻲ
ﻫﺪﻱ: ﺷﻦ ﻫﺬﺍ
ﺍﻳﻤﻦ : ﺧﺸﻲ ﻭﺍﻓﺘﺤﻴﻪ ﺟﻮ ﻭﺑﻌﺪﻳﻦ ﺗﻮ ﻧﺤﻜﻮ ﺑﺎﻫﻲ
ﻫﺪﻱ: ﺑﺎﻫﻲ
ﻭﻗﺮﺏ ﺍﻳﻤﻦ ﻉ ﻫﺪﻱ ﻭﻋﻄﻬﺎ ﺑﻮﺳﺎ ﺧﻔﻴﻔﻪ ﻭﺣﻠﻮ ﻋﻠﻲ ﺧﺪﻫﺎ ﻭﺣﺒﻬﺎ ﺟﻮﺍ
ﻓﻲ ﻳﺪﻫﺎ
ﺍﻳﻤﻦ : ﻋﻴﻮﻧﻲ ﺻﺤﺼﺤﺘﻲ ﻭﻻ ﻣﺎﺯﺍﻟﺘﻲ ﺩﺍﻳﺨﺎ
ﻫﺪﻱ: ﺍﻧﺤﺮﺟﺖ ﺑﺎﻫﻲ ﻳﺎﺳﺎﻣﻂ ﻋﺪﻱ
ﺍﻳﻤﻦ : ﻫﻬﻬﻬﻪ ﻳﺎﻧﺎ ﻋﻠﻴﺎ ﻣﻨﻚ ﻟﻮﻻ ﺧﺎﻳﻒ ﺍﻳﺠﻮﻙ ﺧﻮﺗﻚ ﺭﺍﻧﻲ ﺑﻬﺪﻟﺘﻚ
ﻉ ﻫﺎﻟﺸﺠﺮﻩ
ﻫﺪﻱ: ﻫﻬﻬﻬﻬﻪ ﺍﻧﺤﺒﻚ
ﺍﻳﻤﻦ : ﺍﻧﻤﻮﺕ ﻓﻴﻚ ﻫﻴﺎ ﺧﺸﻲ
ﻫﺪﻱ: ﺑﺎﻫﻲ ﺍﺭﻛﺐ ﺍﻧﺖ ﻭﻋﺪﻱ ﻧﻄﻤﻦ ﻋﻠﻴﻚ ﻭﻧﺨﺶ
ﺍﻳﻤﻦ : ﺑﺎﻫﻲ
ﻭﻋﺪﻱ ﺍﻳﻤﻦ ﻭﺧﺸﺖ ﻫﺪﻱ ﺗﺠﺮﻱ ﺟﻮﺍ ﻭﻫﻴﺎ ﻃﺎﻳﺮﺍ ﻣﻦ ﺍﻟﻔﺮﺣﻪ
ﻭﻟﺒﺴﺖ ﺩﺑﺶ ﺍﻟﺼﻼﻩ ﻭﺧﺬﺕ ﺍﻟﺼﻼﻳﺎ ﻭﻟﻔﺖ ﻓﻴﻬﺎ ﺍﻟﻜﻴﺲ
ﻭﻃﻠﻌﺖ ﺗﺠﺮﻱ ﻟﻠﺪﺍﺭ ﺳﻠﺤﺖ ﺩﺑﺶ ﺍﻟﺼﻼﻩ ﻭﺧﺸﺖ ﻟﻠﺤﻤﺎﻡ ﻏﺴﻠﺖ
ﻭﺟﻪ ﻭﻏﻴﺮﺕ ﺩﺑﺸﻬﺎ ﻭﻟﻔﺖ ﺷﻌﺮﻫﺎ
ﻭﺟﻨﻬﺎ ﺍﻟﺒﻨﺎﺕ ﻳﺠﺎﺭﻥ ﺷﻦ ﺻﺎﺭ
ﻫﺪﻱ : ﻭﻫﻴﺎ ﺍﺗﻘﻌﻤﺰ ﻭﺗﺮﺑﻊ ﻛﺮﻋﻴﻬﺎ ﻉ ﺳﺮﻳﺮ ﻭﺗﺄﺧﺬ ﺍﻟﻜﻴﺲ
ﻭﺑﻨﺎﺕ ﻗﻌﻤﺰﻥ ﻗﺒﻠﻨﻬﺎ
ﻫﺪﻱ: ﺣﻲ ﻳﺎﻣﺎ ﺻﺎﺭ
ﻓﺎﻃﻤﻪ : ﻫﺎﺑﺎ ﻋﻠﻴﻚ ﺷﻜﻼ ﻫﻜﻲ ﺯﺍﺭﻙ
ﻫﺪﻱ: ﻳﺎﻧﺎ ﻋﻠﻴﺎ ﻋﺎﻟﺸﺠﺮﻩ ﺍﺧﺮﻩ ﻋﻨﺪ ﻇﻬﺮﻱ ﺗﺨﺒﺶ ﻣﻦ ﻟﻮﺭﺍ ﺍﺷﻮﻳﻪ
ﺍﻧﺎ : ﻫﻴﻴﻴﻴﻲ ﻃﺢ ﺳﻌﺪﻛﻢ
ﻫﺪﻱ: ﺭﺍﺟﻠﻲ ﻣﺶ ﺣﺮﺍﻡ ﺣﻼﻝ
ﺍﻧﺎ : ﺑﺎﻫﻲ ﻳﺎﺟﺎﻟﻄﻪ ﻭﺭﻳﻨﺎ ﺷﻦ ﺟﺎﺑﻠﻚ
ﻭﻓﺘﺤﺖ ﻫﺪﻱ ﺍﻟﻜﻴﺲ ﻟﻘﺘﻬﻦ ﺷﻜﻼﻃﺎﺕ
ﻭﻣﻌﻬﻦ ﺑﺎﻛﻮ ﺍﺻﻐﻴﺮ ﻓﺘﺤﺘﺎ ﻟﻘﺘﺎ ﺧﺎﺗﻢ ﺫﻫﺐ ﻉ ﺷﻜﻞ ﻓﺮﺍﺷﻪ ﺟﻨﺎﺡ ﻟﻮﻧﺎ
ﺍﺳﻮﺩ ﻭﺟﻨﺎﺡ ﺍﺑﻴﺾ
ﺍﻧﺎ : ﺍﻟﻠﻪ ﻳﺠﻨﻦ ﺑﻜﻞ
ﻓﺎﻃﻤﻪ : ﻳﻬﺒﻞ ﻋﻠﻴﻚ ﺫﻭﻕ ﻋﻨﺪﺍ
ﻫﺪﻱ: ﻧﺠﻚ ﻟﻴﺎ ﺩﻳﻤﺎ ﻏﺎﻟﻲ ﻋﻠﻴﻪ ﺍﻟﺤﺎﺟﻪ ﺍﻟﺴﻤﺤﻪ
ﺍﻧﺎ : ﻧﻨﻘﻨﺎ ﻳﻬﺒﻞ ﺳﻠﻤﺎ ﺟﻴﺎﺏ
ﻭﻗﺎﺳﺖ ﻫﺪﻱ ﺍﻟﺨﺎﺗﻢ ﻭﺟﺎ ﻋﻠﻴﻬﺎ ﺑﺲ ﻓﻴﻪ ﺍﺷﻮﻳﺔ ﻭﺳﻌﺎ
ﻭﺳﻠﺤﺖ ﺍﻟﺨﺎﺗﻢ ﻭﺣﻄﺎﺗﺎ ﻓﻲ ﺑﺎﻛﻮ ﺍﻣﺘﺎﻋﺎ ﻭﺯﻋﺖ ﻋﻠﻴﻨﺎ ﺷﻜﻼﻃﻪ ﻭﺩﺯﺕ
ﻣﻮﺷﺤﻪ ﻣﺶ ﺭﺳﺎﻟﻪ ﻃﻮﻳﻠﻪ ﻋﺮﻳﻀﻪ ﻟﻼﻳﻤﻦ
ﻭﻟﻤﺖ ﺍﻟﺤﺎﺟﺎﺕ ﻭﺩﺳﺘﻬﻦ ﻓﻲ ﺩﻭﻟﺐ ﻭﻛﻤﻠﻨﺎ ﺷﻜﻼﻃﻪ ﻭﻗﻌﻤﺰﻧﺎ ﺍﻧﻬﺪﺭﺯﻭ
ﻭﻧﺤﻨﺎ ﺍﻧﻬﺪﺭﺯﻭ ﻭﻧﻀﺤﻜﻮ ﻭﻳﺎﻓﺮﺣﺎ ﻣﺎﺗﻤﺖ
ﻧﺴﻤﻌﻮ ﺻﻮﺕ ﻋﺎﻟﻲ
ﻣﻮﺳﻲ : ﺍﻧﺘﻲ ﻳﺎﻓﺮﺧﺎ
.
.
.
.
.
.
.
.
.
.
.
.
.
# ﻳﺘﺒﻊ
