{الحب الاعمى }
ﺍﻟﺤﻠﻘه 🔟
ﻭﺻﺒﺎ ﻣﻮﺳﻲ
ﻭﻋﺪﺍ ﻭﺑﻌﺪﻫﺎ ﺟﺎﻧﺎ
ﻣﻮﺳﻲ : ﺣﻴﺎﻩ ﺗﺮﺍ ﺻﺒﻴﻠﻨﺎ ﻗﻬﻮﻩ ﻛﺎﻥ ﻓﻲ ﻭﺣﻄﻴﻠﻨﺎ ﻛﻴﻜﻪ
ﺍﻧﺎ : ﻻﻥ ﻛﺎﻧﺖ ﺍﻟﺴﻠﻪ ﺟﻨﺒﻲ .. ﺣﺎﻇﺮ ﺑﺎﻫﻲ
ﻭﻃﻠﻌﺖ ﻛﺒﺎﻳﺎﺕ ﻭﺻﺒﻴﺘﻠﻬﻢ ﻗﻬﻮﻩ ﻭﺣﻄﻴﺘﻼ ﺍﻣﻌﺎﻫﺎ ﻛﻴﻜﻪ ﻭﺣﻄﻴﺘﻬﻦ
ﻓﻲ ﺳﻔﺮﻩ ﻭﻋﻄﻴﺘﻬﺎ ﻟﻪ
ﻭﻋﺪﺍ ﺑﻴﻬﺎ ﻣﻮﺳﻲ
ﻭﻧﺤﻨﺎ ﺗﻤﻴﻨﺎ ﺍﻧﻬﺪﺭﺯﻭ ﻭﻧﺤﻜﻮ
ﺇﻳﻤﺎﻥ: ﺍﻧﺘﻲ ﺍﻣﺘﺎ ﻋﺮﺳﻚ ﻳﺎﻓﺎﻃﻤﻪ
ﻓﺎﻃﻤﻪ : ﻣﺎﺯﺍﻝ ﺍﻟﺴﻨﻪ ﺍﻟﺠﺎﻳﻪ ﺍﻥ ﺷﺎﺀ ﺍﻟﻠﻪ
ﺇﻳﻤﺎﻥ: ﻭﺍﻧﺘﻲ ﻳﺎﻫﺪﻱ
ﻫﺪﻱ: ﺣﺘﻲ ﺍﻧﺎ ﺍﻟﺴﻨﻪ ﺍﻟﺠﺎﻳﻪ
ﺇﻳﻤﺎﻥ: ﺑﺎﻫﻲ ﺭﺑﻲ ﻳﺘﻤﻤﻠﻜﻦ ﻉ ﺧﻴﺮ ﺍﻥ ﺷﺎﺀ ﺍﻟﻠﻪ
ﻓﺎﻃﻤﻪ ﻭﻫﺪﻱ: ﺍﻥ ﺷﺎﺀ ﺍﻟﻠﻪ
ﺇﻳﻤﺎﻥ: ﻭﺍﻧﺎ ﻭﻳﺎﻙ ﻳﺎﺣﻴﺎﻩ ﺍﻧﻤﺼﻮ ﺍﻟﻠﻴﻢ ﺧﻠﻴﻨﺎ
ﺍﻧﺎ : ﻫﻬﻬﻬﻪ ﻣﺶ ﻏﻴﺮ
ﺍﻳﻤﺎﻥ: ﺧﻠﻴﻠﻨﺎ ﺍﻧﻄﻴﺤﻮﻟﻨﺎ ﺷﻲ ﻃﺮﻑ ﻣﻦ ﺍﻟﻲ ﻫﻨﺎ
ﺍﻧﺎ : ﺑﻴﺶ ﺍﻳﺠﻴﻚ ﻣﻮﺳﻲ ﻳﻄﻴﺤﻚ ﺑﻌﺪﻫﺎ
ﺍﻳﻤﺎﻥ: ﺗﻌﺪﻟﻴﺶ ﻋﻠﻴﻪ ﺍﻟﺒﻨﺖ ﺍﻟﻲ ﻓﻲ ﺭﺍﺳﻬﺎ ﺍﺩﻳﺮﺍ ﺍﻥ ﺷﺎﺀ ﺍﻟﻠﻪ ﻳﺒﻘﻮ
ﺧﻮﺗﻬﺎ ﺷﻨﻮ
ﻫﺪﻱ: ﺑﺲ ﻧﺤﻨﺎ ﻋﻨﺪﻧﺶ ﻓﻴﻪ ﺍﻟﺠﻮ ﻫﺬﺍ ﺷﻦ ﻧﺒﻮ ﻧﺴﺘﻔﻴﺪﻭ
ﺍﻳﻤﺎﻥ: ﻫﻮ ﺍﻧﺘﻲ ﻭﻓﺎﻃﻤﻪ ﺭﻭﺍﺩﺍ ﺻﺎﺡ
ﻫﺪﻱ: ﺍﻫﺎ
ﺍﻳﻤﺎﻥ: ﻳﻌﻨﻲ ﻓﻴﻜﻨﺶ ﻭﺣﺪﻩ ﺩﺍﺭﺕ ﺟﻮ ﻭﻋﺎﺷﺖ ﺣﻴﺎﺗﻬﺎ
ﺍﻧﺎ : ﻻ ﻭﺷﻦ ﻓﻴﻬﺎ ﻣﻦ ﺟﻮ ﺑﻌﺪ ﺍﺩﻳﺮﻱ ﻋﻼﻗﻪ
ﺍﻳﻤﺎﻥ: ﻳﻜﻔﻲ ﺍﻧﻚ ﺗﺄﺧﺬﻱ ﺍﻟﻲ ﺍﺗﺤﺒﻴﻪ ﻣﺶ ﻳﺠﻴﻚ ﻭﺍﺣﺪ ﻉ ﻋﻤﺎﻙ
ﻭﻣﺎﺗﻌﺮﻓﻲ ﺷﻲ ﻋﻠﻴﻪ ﻭﺗﺄﺧﺬﻳﻪ ﻏﺼﺒﻦ ﻋﻨﻚ
ﻓﺎﻃﻤﻪ : ﺑﺲ ﻧﺤﻨﺎ ﺧﺬﻳﻨﺶ ﻏﺼﺒﻦ ﻋﻨﺎ ﺗﻌﺮﻓﻨﺎ ﻋﻠﻴﻬﻢ ﻭﺣﺒﻴﻨﺎﻫﻢ
ﺧﻄﺒﻴﻨﺎ
ﺍﻳﻤﺎﻥ: ﻧﺤﻨﺎ ﺍﻟﺨﻄﺒﻪ ﻫﺬﻱ ﻧﺤﺒﻮﻫﺶ ﺍﻧﺎ ﺧﻮﺍﺗﻲ ﻛﻠﻬﻦ ﺧﺬﻥ ﺍﻟﻲ
ﻳﺒﻨﻬﻢ ﺣﺘﻲ ﺃﻣﻞ ﻳﺎﻣﺎ ﺩﺍﺭﺕ ﻋﻠﻲ ﻣﻮﺳﻲ ﻭﻳﺎﻣﺎ ﺿﺮﺑﻮﻫﺎ ﺧﻮﺗﻲ ﺑﺲ
ﺳﻜﺮﺕ ﺭﺍﺳﻬﺎ ﻭﺧﺬﺗﺎ ﻫﻮ
ﻫﺪﻱ: ﻭﺍﻟﻠﻪ ﻛﻞ ﻭﺍﺣﺪ ﻭﺷﻦ ﻳﺮﻳﺤﻬﺎ
ﺍﻳﻤﺎﻥ: ﻭﺍﻧﺘﻲ ﻳﺎﺣﻴﺎﻩ ﻗﻠﺘﻠﻲ ﺃﻣﻞ ﻛﻨﺘﻲ ﻣﺨﻄﻮﺑﻪ ﺑﺲ ﺍﻃﻠﻘﺘﻲ ﺻﺎﺡ
ﺍﻧﺎ : ﺧﻨﻘﺘﻨﻲ ﺍﻟﻌﺒﺮﻩ ﻭﺟﻌﺘﻨﻲ ﺍﻟﻄﺮﻳﻘﻪ ﺍﻟﻲ ﺗﺤﻜﻲ ﺑﻴﻬﺎ ﻭﺍﻻﺳﺘﻬﺰﺍﺀ
ﺍﻣﺘﺎﻋﻬﺎ ..
ﺍﻧﺎ : ﺍﻫﺎ ﺻﺎﺡ ﺩﺑﻴﻨﺎ ﻗﺎﻟﺘﻬﺎ ﻟﻜﻲ ﺃﻣﻞ ﻣﻌﻨﺎﻫﺎ ﺻﺎﺡ
ﺍﻳﻤﺎﻥ: ﻋﻠﻴﺶ ﺧﺎﻧﻚ ﻫﻮ
ﻫﺪﻱ: ﻻﻥ ﻣﺎﻳﺴﺘﻬﻠﻬﺶ ﻭﻻﻥ ﺧﺴﺎﺭﻩ ﻓﻴﻪ ﺭﺑﻲ ﺑﻌﺪﺍ ﻋﻠﻴﻬﺎ
ﺍﻧﺎ : ﻋﺠﺒﻨﻲ ﺩﻓﺎﻉ ﻫﺪﻱ ﻭﻻﻥ ﻫﺪﻱ ﻣﺎﺗﻌﺪﻟﺶ ﻉ ﺣﺪ ﻭﻟﺴﺎﻧﻬﺎ ﻃﻮﻳﻞ
ﻭﺗﺄﺧﺬ ﻓﻲ ﺣﻘﻨﺎ
ﺍﻳﻤﺎﻥ: ﺳﻜﺘﺖ ﺑﺎﻫﻲ ﺭﺑﻲ ﻳﺠﻴﺒﻠﻚ ﺍﻟﻲ ﺧﻴﺮ ﻣﻨﺎ ﻣﻊ ﺍﻧﻚ ﻳﻌﻨﻲ ﺣﻠﻮ ﻉ
ﺷﻦ ﺑﻴﺨﻮﻥ ﻳﻌﻨﻲ
ﻓﺎﻃﻤﻪ : ﺗﻐﻴﺮ ﻓﻲ ﺟﻮ .. ﺯﻋﻤﻚ ﻳﺒﻮ ﻳﺪﻳﺮﻭ ﺷﻮﺍﻳﺎﺕ ﻭﻻ ﺷﻨﻮ
ﺍﻧﺎ : ﻣﺶ ﻋﺎﺭﻑ ﺑﺲ ﺍﻧﻈﻨﻲ ﺑﻴﺸﻮ
ﻫﺪﻱ: ﻳﺎﻋﻴﺴﻲ ﻳﺎﻋﻴﺴﻲ
ﻋﻴﺴﻲ : ﻫﺎ ﻛﻨﻚ
ﻫﺪﻱ: ﺗﺒﻮ ﺍﺩﻳﺮﻭ ﺍﺷﻮﺍﻳﺎﺕ
ﻋﻴﺴﻲ : ﺍﻫﺎ ﺍﻥ ﺷﺎﺀ ﺍﻟﻠﻪ ﻏﻴﺮ ﻳﺠﻲ ﻣﻮﺳﻲ ﻣﻦ ﺻﺎﺣﺒﺎ ﻭﻧﺸﻮﻓﻮ ﺷﻦ
ﻳﺼﻴﺮ
ﺍﻧﺎ : ﻟﻤﺎ ﺍﺫﻛﺮﺕ ﺍﻥ ﻳﻮﺳﻒ ﻗﺎﻋﺪ ﻫﻨﺎ ﻓﺮﺣﺖ ﻭﻛﻨﺖ ﺧﺎﻃﺮﻱ ﺍﻧﺸﻮﻓﺎ
ﺑﺲ ﻣﺎﻋﺮﻓﺘﺶ ﻛﻴﻒ
ﻓﺎﻃﻤﻪ : ﻃﺒﺴﺖ ﻋﻠﻴﺎ ﻛﻨﺖ ﻣﻘﻌﻤﺰﺍ ﺍﻧﺎ ﻓﻲ ﻧﺺ ﻭﻣﻦ ﺟﻨﺒﻲ ﺍﻟﻴﻤﻴﻦ
ﻓﺎﻃﻤﻪ ﻭﺍﻟﻴﺴﺎﺭ ﻫﺪﻱ ﻭﺟﻨﺐ ﻫﺪﻱ ﻣﻦ ﻏﺎﺩﻱ ﺇﻳﻤﺎﻥ ﻭﻛﺎﻧﺖ ﻋﻄﻴﺎ
ﺑﻈﻬﺮﻫﺎ ﻟﻸﻣﻞ ﻭﻛﺮﻳﻤﻪ ﺍﻟﻲ ﻣﻘﺒﻼﺕ ﺑﻌﻀﻬﻦ ﻭﻳﻬﺪﺭﺯﻥ ﻭﺟﻨﺒﻬﻦ ﻣﻦ
ﻏﺎﺩﻱ ﺍﺟﺪﻳﺪﻩ ﻭﻣﺒﺮﻭﻛﻪ ﻭﻳﺎﻟﻬﻢ ﻣﻮﺳﻲ ﻭﻛﻨﺎ ﺩﻳﺮﻥ ﺩﺍﺋﺮﻩ ﻭﻣﻘﺎﺑﻠﻴﻦ ﺍﻟﺒﺤﺮ
ﻭﺷﻤﺴﻴﻪ ﻓﻲ ﻧﺺ ﺣﻄﻴﻨﻬﺎ ﻭﻣﻘﻌﻤﺰﻳﻦ ﻟﻮﻃﺎ ﻋﺎﻟﺮﻣﻠﻪ ﻭﻟﻌﻴﺎﻝ ﻳﻠﻌﺒﻮ
ﻋﺎﻟﺸﻂ ﻗﺪﺍﻣﻨﺎ
ﻓﺎﻃﻤﻪ : ﻃﺒﺴﺖ ﻋﻠﻴﺎ ﻋﺎﺭﻓﺎ ﺍﻟﺒﺤﺮ ﺷﻦ ﻳﺒﻲ
ﺍﻧﺎ : ﺷﻨﻮ ﻳﺎﻫﺪﻱ ﺗﻮ
ﻓﺎﻃﻤﻪ : ﻫﻬﻬﻬﻬﻪ ﺍﺻﺪﻗﺖ ﻫﺪﻱ
ﺍﻟﺒﺤﺮ ﻳﺒﻲ ﻣﻔﺘﺎﺡ ﻳﺎﺭﻳﺘﺎ ﺍﻣﻌﻴﺎ ﺍﻧﺨﺶ ﺑﻴﻪ ﺟﻮﺍ ﺑﻜﻞ
ﺍﻧﺎ : ﺗﺒﻲ ﺗﻘﺘﻠﻲ ﺭﺍﺟﻞ ﺍﻧﺘﻲ
ﻓﺎﻃﻤﻪ : ﺍﻫﻮ ﺩﻳﺮﻭﺣﻨﻲ ﺭﻭﻣﺎﻧﺴﻴﻪ
ﺍﻧﺎ : ﻫﻬﻬﻬﻬﻪ ﻧﻨﻘﻨﺎ ﺍﻟﺒﺤﺮ ﺟﻮﺍ ﺭﻭﻣﺎﻧﺴﻲ ﺑﺬﺍﺕ ﻓﻲ ﻟﻴﻞ ﻣﺶ ﻋﺎﺩﻱ
ﻳﻘﻌﺪ
ﻓﺎﻃﻤﻪ : ﺣﻲ ﻋﻠﻴﺎ ﺍﺳﻜﺘﻲ ﻣﺎﺗﺨﻄﺮﻳﺶ ﻋﻠﻴﺎ ﺭﺍﻧﻲ ﺍﻧﺘﻬﻮﺭ ﻭﻧﻜﻠﻢ
ﺍﻟﺮﺍﺟﻞ ﻭﻧﻔﺠﻌﺎ ﺑﻌﺪﻙ ﺭﺍﻳﺢ ﺍﻻﻳﺎﻡ ﻫﺬﻳﻨﺎ ﻣﻨﻜﻠﺐ ﻣﻔﺘﺎﺡ
ﺍﻧﺎ : ﺣﻲ ﺣﻲ ﺷﻦ ﺟﺪ ﻋﻠﻴﻪ
ﻓﺎﻃﻤﻪ : ﻭﺍﻟﻠﻪ ﻣﺎﻧﻲ ﻋﺎﺭﻓﺎ ﺭﺍﻳﺢ ﺑﻜﻞ ﺍﻧﺎ ﻋﻨﺪ ﺍﺳﺘﻐﺮﺑﺖ ﻓﻴﻪ ﻳﻌﻨﻲ ﻫﻮ
ﻗﺒﻞ ﻋﺎﺩﻱ ﺟﻮ ﻣﻌﺎﻳﺎ ﻳﺤﻜﻴﺶ ﻭﻻ ﻫﻜﻲ ﺑﺲ ﺗﻮ ﺭﺍﻳﺢ ﻳﻌﺒﺮ ﺯﻳﺎﺩﻩ ﻋﺎﻟﺰﻭﻡ
ﺍﻧﺎ : ﺭﺍﺟﻞ ﻣﻞ ﺧﻼﺹ ﻣﺎﺻﺒﺮ ﺍﻻ ﻭﺍﺟﺪ ﻟﻜﻢ ﺳﻨﻪ ﻣﺨﻄﻮﺑﻴﻦ
ﻓﺎﻃﻤﻪ : ﻫﻬﻬﻬﻪ ﺣﺘﻲ ﺍﻧﺎ ﻣﻠﻴﺖ ﻣﺶ ﻏﻴﺮ ﻫﻮ ﺑﺲ ﺧﻼﺹ ﻫﺎﻧﺖ
ﻛﻠﻬﺎ ﻛﻢ ﺷﻬﺮ ﻳﻤﺮﺍً ﻭﻧﻠﻘﻮ ﺭﻭﺣﻨﺎ ﻣﺠﻮﺯﻳﻦ
ﺍﻧﺎ : ﺍﻥ ﺷﺎﺀ ﺍﻟﻠﻪ
~~~~~~~~~~~~~~~~~~~~
ﻣﻮﺳﻲ : ﺍﻧﺰﻳﺪﻙ ﻗﻬﻮﻩ
ﻳﻮﺳﻒ: ﻻ ﻭﺍﻟﻠﻪ ﺗﻤﺎﻡ ﺑﻜﻞ ﻣﺎﻋﻨﺪﻳﺶ ﻋﻠﻴﻬﺎ ﻭﺍﺟﺪ ﺭﺍﻩ
ﻣﻮﺳﻲ : ﺑﺎﻫﻲ ﺷﻦ ﺟﻮﻙ ﺍﻧﺖ ﺷﻦ ﺩﺍﻳﺮ
ﻳﻮﺳﻒ: ﻣﻴﻪ ﺍﻟﻤﻴﻪ ﻭﺍﻟﻠﻪ
ﻣﻮﺳﻲ : ﻭﺍﻟﻠﻪ ﻳﺎﻳﻮﺳﻒ ﻣﺎﻧﻲ ﻋﺎﺭﻑ ﻛﻴﻒ ﻧﺸﻜﺮﻙ ﻉ ﺗﺼﺒﺎﻳﺘﻚ ﻓﻲ
ﻣﻮﺿﻮﻉ ﺍﻟﺸﺎﻳﺐ
ﻳﻮﺳﻒ: ﺗﻲ ﻋﻴﺐ ﻳﺎﺭﺍﺟﻞ ﻣﺎﺗﻘﻮﻟﺶ ﻫﻜﻲ ﻣﺎﺩﺭﺕ ﺷﻲ ﺍﻧﺎ
ﻣﻮﺳﻲ : ﻻ ﻭﻳﻦ ﺩﺭﺕ ﻭﺯﻳﺎﺩﻩ ﺍﺧﺮﻩ ﺟﻤﻴﻠﻚ ﻫﺬﺍ ﺷﺎﻳﻼ ﻓﻮﻕ ﺭﺍﺳﻲ ﻃﻮﻝ
ﻋﻤﺮﻱ
ﻳﻮﺳﻒ: ﻣﺎﺗﻘﻮﻟﺶ ﻫﻜﻲ ﻧﺎﺱ ﻟﺒﻌﻀﻬﺎ ﻳﺎﺭﺍ
ﻣﻮﺳﻲ : ﺑﺎﻫﻲ ﺗﻌﺎﻝ ﻧﻘﻌﻤﺰﻭ ﻉ ﺷﻂ ﻭﺗﺸﻮﻑ ﺧﻮﻳﺎ ﻋﻴﺴﻲ ﺑﺎﻟﻤﺮﻩ ﻏﻴﺮ
ﻫﻠﻲ ﻏﺎﺩﻱ ﻣﺎﻧﺒﻮﺵ ﺍﻧﺴﻴﺒﻮﻫﻢ ﺑﺮﻭﺣﻬﻢ
ﻳﻮﺳﻒ: ﻻ ﻭﺍﻟﻠﻪ ﺗﻮ ﻧﻀﺎﻳﻘﻜﻢ ﻳﺎﺭﺍﺟﻞ ﺍﻧﺎ ﺑﻨﺮﻭﺡ
ﻣﻮﺳﻲ : ﻭﺍﻟﻠﻪ ﻣﺎﻧﻚ ﻣﺮﻭﺣﻬﺎ ﺍﻟﻴﻮﻡ ﺍﻻ ﺑﻌﺪ ﺗﻌﺸﺎ ﻫﻨﺎ ﻭﺍﻧﺎ ﺣﻠﻔﺖ
ﻭﻣﺎﺗﻜﺜﺮﺵ ﺩﻱ ﺍﻣﻌﺎﻳﺎ
ﻳﻮﺳﻒ: ﻫﻬﻬﻪ ﺍﻧﺖ ﺩﻳﻤﺎ ﻫﻜﻲ ﺗﺤﻠﻒ
ﻣﻮﺳﻲ : ﻓﻴﺶ ﻧﻨﻬﻲ ﻓﻲ ﻣﻮﺍﺿﻴﻊ
ﻫﻴﺎ ﺻﺒﻲ ﺧﻮﺫ ﻛﺮﺳﻲ ﻓﻲ ﻳﺪﻙ
ﻳﻮﺳﻒ ﻫﺎ ﺑﺲ ﺍﺳﻤﻊ ﺭﺍﻧﻲ ﺍﻧﺎ ﺟﺎﻳﻚ ﺣﺘﻲ ﻋﻠﻲ ﻣﺮﺿﻮﻉ ﺍﺧﺮﻩ
ﻣﻮﺳﻲ : ﺍﻟﻲ ﻛﺎﻥ ﻳﻤﺸﻲ ﻫﻮ ﻭﻳﻮﺳﻒ ﺷﻮﺭ ﺍﻟﺸﻂ ﻭﺧﺬﻳﻦ ﻛﺮﺍﺳﻲ
ﺍﻣﻌﺎﻫﻢ
ﻣﻮﺳﻲ : ﺷﻨﻮ ﻳﺎﻃﻴﺮﻱ ﺧﻴﺮ
ﻳﻮﺳﻒ: ﺧﻴﺮ ﺍﻥ ﺷﺎﺀ ﺍﻟﻠﻪ ﺧﻠﻴﻨﺎ ﺑﻌﺪ ﺍﻧﻘﻌﻤﺰﻭ ﻧﺤﻜﻴﻠﻚ
ﻣﻮﺳﻲ : ﺗﻢ
ﻭﺻﻠﻮ ﻳﻮﺳﻒ ﻭﻣﻮﺳﻲ ﻭﺗﺒﺎﻋﺪﻭ ﻋﻠﻴﻨﺎ ﺑﻤﺴﺎﻓﻪ ﻭﺣﻄﻮ ﺍﻟﻜﺮﺍﺳﻲ ﻭﻗﻌﻤﺰﻭ
ﻭﺟﻮ ﻓﻲ ﺟﻴﻬﺔ ﺍﻣﺘﺎﻋﻲ ﺍﻧﺎ ﻭﺍﻟﺒﻨﺎﺕ ﻭﻗﺎﺑﻠﻮﻧﺎ ﺑﺲ ﺑﻌﻴﺪﻳﻦ ﻋﻠﻴﻨﺎ ﻛﺎﻧﻮ
ﻗﻌﻤﺰ ﻳﻮﺳﻒ ﻉ ﻛﺮﺳﻲ ﻭﻣﻮﺳﻲ ﺣﻂ ﻛﺮﺳﻲ ﺟﻨﺒﺎ ﻭﺻﺒﺎ ﻭﺟﺎ ﻓﻲ
ﺟﻴﻬﺘﻨﺎ ﻭﻃﺒﺲ ﻉ ﻋﻴﺴﻲ ﻭﻗﺎﻻ ﺗﻌﺎﻝ ﺳﻠﻢ ﻉ ﻳﻮﺳﻒ
ﻭﺻﺒﻮ ﻭﺳﻠﻢ ﻋﻴﺴﻲ ﻋﻠﻴﻪ ﻭﺍﻧﺎ ﻛﻨﺖ ﺍﻧﺒﺤﺖ ﻓﻲ ﺷﻜﻞ ﻳﻮﺳﻒ
ﺍﻟﻲ ﻛﺎﻥ ﻟﺒﺲ ﺗﻴﺸﺮﺕ ﺑﻴﻀﺎ ﻧﺺ ﻛﻢ ﻭﻛﻢ ﺍﻣﺘﺎﻋﻬﺎ ﺿﺎﻏﻂ ﻉ ﻋﻀﻼﺗﻪ
ﻭﺷﻮﺭﺕ ﺑﺮﻣﻮﺩﺍ ﺍﻣﺮﻳﻜﻲ ﺗﺤﺖ ﺍﻟﺮﻛﺒﻪ ﻭﺷﺒﺸﺐ ﺍﺻﺒﻊ ﻟﻮﻧﺎ ﺍﺳﻮﺩ
ﻭﻻﺑﺲ ﻧﻈﺎﺭﺍﺕ ﻣﺮﺍﻳﻪ ﻟﻮﻧﻬﻦ ﺍﺯﺭﻕ .
( ﺭﻳﺒﺎﻥ ﺍﻟﻨﻈﺎﺭﺍﺕ ﺑﺲ ﺣﻴﺎﻩ ﻣﻦ ﻃﺒﻘﻪ ﻣﺎﺭﻛﺎﺕ ﺗﻔﻬﻤﺶ ﻓﻴﻬﻦ ﻭﺍﺟﺪ
ﻭﻻ ﺗﻌﺮﻓﻬﻦ ﻓﺎﺣﻴﻜﻮﻥ ﺍﻟﻮﺻﻒ ﺑﻄﺮﻳﻘﻪ ﻫﺬﻱ )
ﻭﻛﺎﻥ ﻣﻨﻈﺮﻩ ﻭﺷﻜﻼ ﻳﺠﻨﻦ ﺑﻜﻞ ﻭﺑﺎﻳﻦ ﺷﺨﺼﻴﻪ ﺣﻠﻮﻩ
ﻭﻛﻠﻨﺎ ﺯﺭﻗﻨﺎ ﺍﻋﻴﻮﻧﺎ ﻭﺗﻤﻴﻨﺎ ﺍﻧﺒﺤﺘﻮ
ﺃﻣﻞ: ﻫﺬﺍ ﻳﺎﺑﻨﺎﺕ ﺻﺎﺣﺐ ﻣﻮﺳﻲ ﻳﻬﺒﻞ ﺑﻜﻞ ﺷﻦ ﺭﺍﻳﻜﻦ ﻓﻴﻪ ﻣﺸﺎﺀ
ﺍﻟﻠﻪ ﻋﻠﻴﻪ ﺣﻘﻨﺎ ﻣﻨﻈﺮﺍ ﻭﺷﻜﻼ
ﻧﺤﻨﺎ ﺩﻓﻴﻨﺎ ﺍﻟﺤﻮﻻ ﻻﻧﻬﺎ ﺍﺗﺠﺲ ﻓﻲ ﻧﺒﺾ ﻭﺍﺗﺒﺺ ﻭﺩﻳﺮ ﻓﻲ ﺣﺮﻛﺎﺕ
ﻫﺬﻳﻨﺎ ﺑﻴﺶ ﺗﻌﺮﻑ ﺭﺍﻳﻨﺎ ﺷﻨﻮ ﺑﺲ ﻭﺗﺒﺺ ﻋﻠﻴﻨﺎ ﻣﻮﺳﻲ ﺑﻌﺪﻫﺎ
ﻫﺪﻱ: ﺗﺴﺘﻌﺒﻂ ... ﻛﻨﺎ ﺍﻧﺒﺤﺘﻮ ﻓﻲ ﺭﺍﺟﻞ
ﻓﺎﻃﻤﻪ : ﺍﺗﻐﻴﺮ ﻓﻲ ﺍﻟﺠﻮ ... ﺗﻲ ﺍﻟﺒﺤﺮ ﻫﻮ ﺍﻟﻲ ﻳﻬﺒﻞ ﺧﺎﻃﺮﻱ ﺍﻧﻌﻮﻡ
ﺍﻧﺎ : ﻧﻨﻘﻨﻚ ﺻﺪﻗﺘﻲ ﺍﻣﺘﺎ ﻳﺠﻲ ﺑﻜﺮﻩ ﻭﻧﻌﻮﻣﻮ
ﺃﻣﻞ: ﺗﻮ ﻉ ﺍﺳﺎﺱ ﻣﺎﺷﻔﺘﻨﺶ ﺍﻟﺮﺍﺟﻞ
ﻫﺪﻱ: ﻭﻋﻠﻴﺶ ﺑﻨﺸﻮﻓﻮﻩ ﻳﺎﺃﻣﻞ ﻭﻧﺤﻨﺎ ﻣﺨﻄﻮﺑﺎﺕ ﻭﻓﻮﺍﺗﺤﻨﺎ ﻣﻘﺮﻳﺎﺕ
ﻭﺣﻴﺎﻩ ﻋﺎﺭﻓﺘﻴﻬﺎ ﻋﻨﺪﻫﺶ ﻋﺎﻟﺠﻮ ﻫﺬﺍ ﻭﻓﻜﻴﻨﺎ ﻣﻦ ﻣﺸﺎﻛﻞ ﺧﻠﻲ ﺟﻮ
ﻳﻤﺸﻲ ﺳﻤﺢ ﺍﻟﻠﻪ ﻳﺮﺑﺤﻚ
ﺃﻣﻞ: ﺻﺒﻲ ﻳﺎ ﺇﻳﻤﺎﻥ ﻃﻴﺤﻴﻪ ﺍﻧﺘﻲ ﺩﻳﺮﻱ ﺭﻭﺣﻚ ﺑﺘﺠﻴﺒﻲ ﻭﺍﺣﺪ ﻣﻦ
ﻟﻌﻴﺎﻝ ﻣﻦ ﺷﻂ ﻭﺧﻠﻴﻪ ﻳﺸﻮﻓﻚ
ﻫﺪﻱ: ﻫﻴﻴﻴﻴﻴﻲ ﺗﺒﻲ ﻣﻮﺳﻲ ﻳﻔﻄﻨﻠﻬﺎ ﺗﺒﻲ ﺩﻳﺮﻳﻠﻨﺎ ﻣﺸﻜﻠﻪ ﻓﻜﻴﻨﺎ
ﻳﺎﺃﻣﻞ
ﺃﻣﻞ: ﻣﺎﺩﺧﻠﺶ ﺑﻴﻬﺎ ﻣﻮﺳﻲ ﺇﻳﻤﺎﻥ ﻋﻨﺪﻫﺎ ﺧﻮﺕ ﻭﺑﺎﺕ ﻳﺤﻜﻢ ﻓﻴﻬﺎ
ﻣﺎﻋﻨﺪﺵ ﻋﻠﻴﻬﺎ ﻛﻠﻤﻪ
ﻫﻴﺎ ﺻﺒﻲ ﺍﻧﺘﻲ ﺣﺮﻛﻲ ﺭﻭﺣﻚ ﻭﺳﻘﻤﻲ ﻭﺷﺎﺣﻚ
ﻭﺍﻧﺎ ﻭﻓﺎﻃﻤﻪ ﻭﻫﺪﻱ : ﻛﻨﺎ ﺍﻧﺒﺤﺘﻮ ﻭﻣﺼﺪﻭﻣﺎﺕ ﻭﻣﺶ ﻣﺼﺪﻗﺎﺕ ﺍﻟﻲ
ﻗﺎﻋﺪ ﻳﺼﻴﺮ ﻭﻓﻲ ﻓﻌﻼ ﻫﻜﻲ ﻭﻻ ﺣﻠﻢ ﺍﻟﻲ ﺍﻧﺎ ﻓﻴﻪ
ﻭﻣﺶ ﻋﺎﺭﻑ ﻟﻴﺶ ﻟﻤﺎ ﺻﺒﺖ ﺇﻳﻤﺎﻥ ﺣﺴﻴﺖ ﺑﺰﻱ ﺍﻟﻐﻴﺮﺍ ﻉ ﻳﻮﺳﻒ
ﻭﻛﺎﻥ ﺧﺎﻃﺮﻱ ﺍﻧﻘﻮﻟﻠﻬﺎ ﻗﻌﻤﺰﻱ
ﺑﺲ ﻓﺘﺖ ﻛﻞ ﺷﻲ ﻭﺳﺮﺣﺖ ﻓﻲ ﺍﻟﺒﺤﺮ ﻭﻓﻲ ﻟﻮﻧﺎ ﻭﻓﻲ ﺷﻜﻞ ﺍﻟﺸﻤﺲ
ﺍﻟﻲ ﺑﺪﺕ ﺗﻨﺰﻝ ﻓﻲ ﻧﻬﺎﻳﺔ ﺍﻟﺒﺤﺮ
ﻭﺍﻧﺎ ﺳﺎﺭﺣﺎ ﻭﻧﻔﻜﺮ
ﻭﻳﻘﻄﻊ ﺗﻔﻜﻴﺮﻱ ﺻﻮﺕ ﺍﻋﻴﺎﻁ
ﻭﺻﺒﻮ ﺍﻟﻨﺎﺱ ﻛﻠﻬﻢ ﺍﻟﻲ ﻋﺎﻟﺸﻂ ﻭﺧﺸﻮ ﺷﺒﺎﺏ ﻳﺠﺮﻭ ﻟﻠﺒﺤﺮ ﻭﻛﻠﻨﺎ
ﺻﺒﻴﻨﺎ ﺗﻤﻴﻨﺎ ﺍﻧﺘﻔﺮﺟﻮ
ﺍﻧﺎ : ﺣﻄﺎ ﻳﺪﻱ ﻉ ﻓﻤﻲ ﺣﻲ ﻋﻠﻴﻬﻢ ﻏﺎﺭﻗﻮ ﻳﺎﻧﺎ ﻋﻠﻴﺎ
ﻓﺎﻃﻤﻪ : ﺭﺑﻲ ﻳﺴﺘﺮ ﺍﻥ ﺷﺎﺀ ﺍﻟﻠﻪ ﻳﻨﻘﺬﻭﻫﻢ
ﻭﻣﺼﻴﻒ ﻛﻼ ﺗﻤﺎ ﻳﺘﻌﺎﻳﻂ ﺷﺒﺎﺏ ﻗﺪﻣﻮ
ﻭﻳﻮﺳﻒ ﻭﻣﻮﺳﻲ ﻭﻋﻴﺴﻲ ﺧﺸﻮ ﻋﻨﺪ ﺍﻟﺸﻂ ﻭﺗﻤﻮ ﻳﺒﺤﺘﻮ
ﻓﻲ ﺍﻟﺒﻨﺘﻴﻦ ﻭﻣﻌﺎﻫﻦ ﺷﺎﺏ ﺍﻟﻲ ﻏﺮﻗﻮ
ﻭﺧﺸﻮ ﺷﺒﺎﺏ ﻭﺍﻧﻘﺎﺫ ﻳﻨﻘﺬﻭ ﻓﻴﻬﻢ ﻭﻣﺼﻴﻒ ﻛﻼ ﺍﻧﻘﻠﺐ ﻋﻠﻴﻬﻢ
ﻭﻫﻠﻬﻢ ﻳﺘﻌﺎﻳﻄﻮ ﺑﺮﺍ ﻭﺩﻧﻴﺎ ﺣﺎﺳﺖ ﻭﺍﻟﻲ ﻋﻨﺪﺍ ﻋﻴﺎﻝ ﻭﻻ ﺑﻨﺖ ﻃﻠﻌﺎ ﻣﻦ
ﺍﻟﺒﺤﺮ
ﻭﻧﺤﻨﺎ ﻓﻲ ﻋﺰ ﺧﻮﻓﻨﺎ ﻭﻧﺪﻋﻮ ﺍﻧﻬﻢ ﻳﻄﻠﻌﻮ ﺑﺤﺘﺖ ﻟﻘﻴﺖ ﻳﻮﺳﻒ ﺍﻣﻮﺧﺮ
ﻭﻳﺒﺤﺖ ﻓﻴﺎ ﻭﺟﺖ ﻋﻴﻨﻲ ﻓﻲ ﻋﻴﻨﺎ ﻣﻦ ﺑﻌﻴﺪ
ﺍﻧﺤﺮﺟﺖ ﻭﺧﻔﺖ ﻣﻮﺳﻲ ﻳﺸﻮﻓﻨﻲ ﻳﻘﻌﺪﻟﻲ ﺍﺧﺮ ﻳﻮﻡ ﻓﻲ ﻋﻤﺮﻱ
ﻭﺑﻌﺪ ﺍﺷﻮﻳﻪ ﻃﻠﻌﻮ ﺍﻟﺒﻨﺘﻴﻦ ﻭﺷﺎﺏ ﻭﺍﻟﺘﻤﻮ ﻳﺤﻤﺪﻭﻟﻬﻢ ﻉ ﺳﻼﻣﻪ ﻭﺭﺩﻭ
ﻛﻞ ﻭﺍﺣﺪ ﻓﻲ ﻣﻜﺎﻧﻪ ﻭﻗﻌﻤﺰﻧﺎ ﻧﺤﻨﺎ
ﻭﺗﻤﻴﻨﺎ ﺳﺎﻋﻪ ﻭﻧﺤﻨﺎ ﻧﺤﻜﻮ ﻓﻲ ﻗﺼﺔ ﺍﻟﻐﺮﻓﺎ ﻭﻓﺠﻌﺘﻨﺎ
ﻭﻃﺎﺣﺖ ﺍﻟﺸﻤﺲ ﻭﻗﻌﺪﺕ ﺍﺗﻤﻐﺮﺏ ﻋﻠﻴﻨﺎ ﻃﻠﻌﻨﺎ ﻭﺻﺒﻴﻨﺎ ﺷﺎﻫﻲ ﻭﺣﻄﻴﻨﺎ
ﺍﻟﺒﻴﺘﺰﺍ ﻭﻣﻜﺴﺮﺍﺕ ﻭﻋﻄﻴﻨﺎ ﻣﻨﻬﻦ ﻟﻤﻮﺳﻲ ﻭﻋﻴﺴﻲ ﻭﻳﻮﺳﻒ
ﻭﻗﻌﻤﺰﻧﺎ ﻧﺤﻨﺎ ﻛﻠﻨﺎ ﻭﻗﻌﺪﻧﺎ ﺍﻧﻬﺪﺭﺯﻭ ﻟﻌﻨﺪ ﻣﺎﺟﺎﻧﺎ ﻋﻴﺴﻲ ﻭﻗﺎﻟﻠﻨﺎ ﻫﻴﺎ
ﻧﻤﺸﻮ ﻟﻠﺸﺎﻟﻴﻪ ﺍﻧﻮﺗﻮ ﻟﻠﺸﻮﺍﻳﺎﺕ
ﻟﻤﻴﻨﺎ ﺍﺭﻭﺣﻨﺎ
ﻭﻣﺸﻴﻨﺎ ﻟﻠﺸﺎﻟﻴﻪ ﻭﺑﺪﻳﻨﺎ ﺍﻧﻮﺗﻮ ﺍﻧﺎ ﻭﺑﻨﺎﺕ ﻓﻲ ﺣﺎﺟﺎﺕ ﺍﻟﺸﻮﺍﻳﺎ
ﻭﻃﺮﺣﻮ ﻋﻴﺴﻲ ﻭﻣﻮﺳﻲ ﺣﺼﻴﺮﺍ ﺑﺮﺍ ﻭﺷﻠﺘﺎﺕ ﻭﺟﺎﺑﻮ ﺍﻟﻜﺎﻧﻮﻥ ﻭﻟﻌﻮ ﺍﻟﻨﺎﺭ
ﻭﻗﻌﻤﺰﻭ ﻭﻗﻌﻤﺰ ﻳﻮﺳﻒ ﻭﻃﻠﻊ ﻋﻠﻴﻬﻢ ﺑﺎﺗﻲ ﺗﻌﺮﻑ ﻋﻠﻲ ﻳﻮﺳﻒ ﻭﻫﺪﺭﺯ
ﻫﻮ ﻭﻳﺎﻩ ﻭﻧﺤﻨﺎ ﻗﻌﺪﻧﺎ ﺟﻮﺍ ﻧﻬﺪﺭﺯﻭ ﻧﺮﺟﻮ ﻓﻴﻬﻢ ﻳﻜﻤﻠﻮ ﻟﺸﻮﺍﻳﺎ ﻭﻟﻌﻴﺎﻝ
ﻳﻠﻌﺒﻮ ﺑﺮﺍ
~~~~~~~~~~~~~~
ﻓﻴﺼﻞ : ﺑﺎﻫﻲ ﻫﻮ ﻭﻳﻨﺎ ﺗﻮﺍ
ﺳﺎﻟﻤﻪ : ﻣﺶ ﻋﺎﺭﻓﺎ ﻃﻠﻊ ﻭﻗﺎﻝ ﺗﻮ ﺍﻧﺠﻲ ﺑﻌﺪﻳﻦ ﻭﻟﻌﻨﺪ ﺗﻮ ﺍﺫﻥ ﻟﻌﺸﺎﺀ
ﻭﻣﺎﺟﺶ
ﻓﻴﺼﻞ : ﺗﻮ ﺍﻧﺮﻥ ﻋﻠﻴﻪ ﺍﻧﺸﻮﻓﺎ
ﺳﺎﻟﻤﻪ : ﻳﻌﻨﻲ ﺍﻟﻌﻴﻞ ﻫﺬﺍ ﺣﺘﻲ ﺑﻌﺪ ﻳﺠﻮﺯ ﻳﺒﻲ ﻳﺠﻴﺒﻠﻲ ﺍﻟﺒﻐﺪﺩ ﻣﺎﻧﻲ
ﻋﺎﺭﻓﺎ ﻋﻠﻴﺶ ﺍﻳﺪﻳﺮ ﻫﻜﻲ
ﻓﻴﺼﻞ : ﺧﻼﺹ ﻳﺎﺃﻣﻲ ﻣﺶ ﺗﺒﻮﻩ ﻳﺠﻮﺯ ﺍﻫﻮ ﻳﺒﻲ ﻳﺠﻮﺯ ﺗﻘﻌﺪﻳﺶ ﺗﺤﻜﻲ
ﻗﺪﺍﻣﺎ ﻫﻜﻲ ﺭﺍﻩ ﻳﻄﻠﻊ ﻓﻜﺮﻩ ﻣﻦ ﺭﺍﺳﺎ ﻻﻥ ﻉ ﺳﺒﻼ ﻗﺎﻋﺪ
ﺳﺎﻟﻤﻪ : ﺍﻧﺎ ﺑﻨﻌﺮﻑ ﻭﻳﻦ ﻟﻘﺎﻫﺎ ﺍﻟﻌﻴﻼ ﻫﺬﺍ ﻭﻳﻦ ﻃﺎﺡ ﻓﻴﻬﺎ ﺍﻟﻲ ﻳﺒﻲ
ﻳﺠﻮﺯ ﻣﻨﻬﺎ
ﻓﻴﺼﻞ : ﻳﺎﺃﻣﻲ ﺧﻼﺹ ﻭﺍﻧﺘﻲ ﺗﺤﺮﻗﻲ ﻓﻲ ﺩﻣﻚ ﺩﻳﻤﺎ ﺗﻨﺪﺭﻱ ﻋﻠﻴﻬﺎ
ﻣﺮﺍﺕ ﺗﻄﻠﻊ ﺍﻟﺒﻨﺖ ﻛﻮﻳﺴﺎ
ﺳﺎﻟﻤﻪ : ﻣﺎﺗﻘﻨﻌﻨﻲ ﺑﻜﻞ ﺍﻟﻲ ﻣﺶ ﻣﺘﺮﺑﻲ ﻋﺎﻟﻌﺰ ﻳﻘﻌﺪ ﻃﻮﻝ ﻋﻤﺮﺍ
ﻣﺴﺘﺠﻌﺶ ﻉ ﻛﻞ ﺷﻲ ﻭﺍﻛﻴﺪ ﻻﺍﺳﻠﻮﺏ ﻭﻻ ﻣﻨﻄﻖ ﻭﻻ ﺷﻜﻞ ﻭﻻﺷﻲ
ﺍﻧﺎ ﻣﺠﺮﺩ ﻣﺎﻧﺘﺨﻴﻠﻬﺎ ﺧﻼﺹ ﺭﺍﺳﻲ ﻳﺼﺪﻉ ﻭﻗﻠﺒﻲ ﻳﻮﺟﻌﻨﻲ ﺍﻣﺎﻻ ﺑﻌﺪ
ﺍﺗﺠﻴﻨﻲ ﻫﻨﺎ ﻭﻧﺸﻮﻓﻬﺎ ﻗﺪﺍﻣﻲ ﺍﻧﺎ ﺷﻦ ﻳﺼﻴﺮ ﻓﻴﺎ
ﻳﻘﻌﺪ ﻫﻮ ﻣﻦ ﺩﻭﻧﻜﻢ ﻛﻠﻜﻢ ﻣﺮﺍﺗﺎ ﺍﻗﻞ ﻣﻨﻜﻢ ﻣﺴﺘﻮﺍ ﻫﻮ ﺑﺮﻭﺣﺎ ﺑﻌﺪﻳﻦ
ﺣﻴﺤﺲ ﺑﺎﻟﻨﻘﺺ ﻭﻳﻘﻌﺪ ﻳﻘﺎﺭﻥ ﻓﻴﻬﺎ ﻣﻊ ﺻﺒﺎﻳﻜﻢ
ﻓﻴﺼﻞ : ﻭﺍﺍﺍﺍﻭ ﻳﺎﺃﻣﻲ ﺗﻮ ﺩﻳﻤﺎ ﺗﺴﺒﻘﻲ ﻓﻲ ﺍﻻﺣﺪﺍﺙ ﻏﻴﺮ ﺧﻠﻴﻪ ﺍﻳﺠﻴﺒﻬﺎ
ﻭﺳﺎﻫﻞ ﺑﻌﺪﻫﺎ ﻭﺍﻧﺘﻲ ﺧﻄﻄﺘﻲ ﻭﺭﺳﻤﺘﻲ ﻛﻞ ﺷﻲ
ﺳﺎﻟﻤﻪ : ﻣﻦ ﻗﻬﺮﻱ ﻳﺎﻓﺼﻮﻻ ﻣﺶ ﻣﻨﻲ ﻣﻦ ﻗﻬﺮﻱ ﺧﻮﻙ ﻳﻘﻬﺮ ﻓﻴﺎ
ﺑﺤﺮﺍﻛﺘﺎ ﻭﻋﻨﺎﺩﺍ ﻭﻋﻤﺘﻚ ﺣﻠﻴﻤﻪ ﺗﻮ ﺗﺸﻤﺖ ﻓﻴﻨﺎ ﻫﻴﺎ ﻭﺑﻨﺘﻬﺎ
ﻓﻴﺼﻞ : ﻓﻮﺗﻲ ﻳﺎﺃﻣﻲ ﻛﻼﻡ ﺍﻟﻨﺎﺱ ﻭﻓﻮﺗﻲ ﻋﻤﺘﻲ ﻭﺑﻨﺎﺗﻬﺎ ﻭﻣﺎﺗﻔﻜﺮﻱ
ﻓﻲ ﺣﺪ ﻭﻻﺗﻔﻜﺮﻱ ﺍﻟﻨﺎﺱ ﻓﻲ ﺷﻨﻮ ﻳﻘﻮﻟﻮ ﺍﻟﻤﻬﻢ ﻭﻟﺪﻙ ﻭﺭﺍﺣﺘﺎ ﻭﻫﻮ
ﻳﺒﻲ ﻫﻜﻲ ﺧﻠﻴﻪ ﻫﻜﻲ ﺧﻴﺮ ﻣﺎﻳﻀﻴﻊ ﻣﻨﺎ ﻭﻻ ﺗﺒﻴﻪ ﻳﺮﺩ ﻳﺴﺎﻓﺮﻟﻚ ﺍﺧﺮﻩ
ﻭﻣﺎﺗﻌﺮﻓﻲ ﻋﻠﻴﻪ ﺷﻲ ﻭﺗﻘﻌﺪﻱ ﺍﺗﺸﻮﻓﻴﻪ ﻓﻴﻪ ﻓﻲ ﺍﺳﺒﻮﻉ ﻣﺮﻩ
ﺳﺎﻟﻤﻪ : ﻻﺧﻼﺹ ﺍﻟﻠﻪ ﻏﺎﻟﺐ ﻋﻠﻴﺎ ﺍﻧﺘﺤﻤﻞ ﻭﻧﺴﻜﺖ ﺍﻟﻤﻬﻢ ﻫﻮ ﺟﺎﻧﺒﻲ
ﻓﻴﺼﻞ : ﺍﻳﻮﺍ ﺍﻟﻤﻬﻢ ﻭﻟﺪﻙ ﻭﺗﻔﻜﺮﻳﺶ ﻓﻲ ﺣﺪ
ﺳﺎﻟﻤﻪ : ﺑﺎﻫﻲ ﺷﻦ ﺻﺎﺭ ﻛﻨﺎ ﻣﺎﺭﺩﺵ ﻋﻠﻴﻚ
ﻓﻴﺼﻞ : ﺭﻧﻴﺖ ﻣﻮﺑﺎﻳﻼ ﺧﺎﺭﺝ ﺍﻟﺘﻐﻄﻴﻪ ﺗﻮ ﺍﻧﺎ ﻣﺎﺷﻲ ﺑﻨﺘﺮﻳﺢ ﺍﺷﻮﻳﻪ ﺗﻮ
ﺍﻧﺮﻥ ﻋﻠﻴﻪ ﺍﺷﻮﻳﻪ ﺍﺧﺮﻩ ﻭﺍﻧﺸﻮﻓﺎ
ﺳﺎﻟﻤﻪ : ﺑﺎﻫﻲ
ﻓﻴﺼﻞ : ﺻﺒﺎ ﻭﺣﺐ ﻉ ﺭﺍﺱ ﺃﻣﺎ . ﺧﻼﺹ ﻳﺎﺳﻠﻮﻣﺎ ﻣﻌﺶ ﺍﺗﻔﻜﺮﻱ ﻓﻲ
ﺷﻲ ﻭﺗﺸﻐﻠﻴﺶ ﺑﺎﻟﻚ
ﺳﺎﻟﻤﻪ : ﺍﻥ ﺷﺎﺀ ﺍﻟﻠﻪ
ﻓﻴﺼﻞ : ﺗﺒﻲ ﺷﻲ ﻣﻨﻲ
ﺳﺎﻟﻤﻪ : ﻻ ﺳﻼﻣﺘﻚ ﻋﺪﻱ ﺗﺮﻳﺢ ﺍﻧﺖ
ﻓﻴﺼﻞ : ﻫﻴﺎ ﺑﺎﻱ
~~~~~~~~~~~~~
ﻫﻨﺪ : ﺃﺭﻧﻮﺑﺘﻲ ﻣﺎﺯﺍﻝ ﻣﺶ ﻣﺮﻭﺡ ﺗﻮﺍ
ﻣﻨﺬﺭ: ﻻ ﻳﺎﺗﻮﻳﺘﻲ ﺍﺷﻮﻳﻪ ﺍﺧﺮﻩ ﻭﻣﺮﻭﺡ
ﻫﻨﺪ : ﺑﺼﻮﺕ ﻭﺍﻃﻲ ﻭﻓﻴﻪ ﺍﺗﺠﻌﻮﻳﻦ .. ﺍﺻﻠﻚ ﻭﺣﺸﺘﻨﻲ ﻳﺎﻋﻴﻮﻧﻲ
ﻣﻨﺬﺭ: ﺑﺎﻫﻲ ﺧﻼﺹ
ﻫﻨﺪ : ﺗﺠﻌﻮﻥ . ﻛﻨﻚ ﻳﺎﺭﻭﺣﻲ ﺗﻘﻮﻝ ﺧﻼﺹ
ﻣﻨﺬﺭ: ﺍﻫﺎ ﺑﺎﻫﻲ ﺗﻢ ﺗﻮ ﺍﺷﻮﻳﻪ ﻭﻧﺮﻭﺡ
ﻫﻨﺪ : ﺍﻫﺎ ﺟﻮ ﺟﻨﺒﻚ ﺍﻟﺸﺒﺎﺏ
ﻣﻨﺬﺭ: ﺍﻳﻮﺍ ﺗﻔﻬﻢ ﻋﺎﻟﻄﺎﻳﺮ
ﻫﻨﺪ : ﺗﻬﻤﺴﻼ ﻫﻤﺲ . ﺍﻧﺤﺒﻚ ﺍﻧﺤﺒﻚ ﻳﺎﺃﺭﻧﻮﺑﺘﻲ
ﻣﻨﺬﺭ: ﺍﺣﻤﻤﻢ
ﻫﻨﺪ : ﻧﺮﺟﺎ ﻓﻴﻚ ﻃﻮﻟﺶ ﻉ ﺗﻮﻳﺘﻲ ﺑﺎﻫﻲ
ﻣﻨﺬﺭ: ﻭﺭﺍﺱ ﺃﻣﻚَ ﺧﻼﺹ ﺗﻮ ﻗﺘﻠﻚ ﺍﻣﺮﻭﺡ ﻳﺎﻣﻌﺘﺼﻢ
ﻫﻨﺪ : ﻫﻬﻬﻬﻬﻪ ﺧﻼﺹ ﺗﻮ ﻧﺴﻜﺖ ﺑﻌﺪ ﺍﻧﻲ ﻗﻌﺪﺕ ﻣﻌﺘﺼﻢ
ﻣﻨﺬﺭ: ﻫﻬﻬﻪ ﻫﻴﺎ ﺍﻭﻛﻲ ﺍﺣﺴﺒﻨﺎ ﺑﻌﺪﻳﻦ
ﻫﻨﺪ : ﺣﺒﻴﺒﻲ ﺍﺭﺟﺎ
ﻣﻨﺬﺭ: ﻧﻌﻢ
ﻫﻨﺪ : ﻗﺮﺑﺖ ﻓﻮﻥ ﻣﻦ ﻓﻤﻬﺎ . ﺍﻣﻤﻤﻤﻤﻤﻮﻭﻭﻭﻭﻭﻩ ﻭﻋﻄﺖ ﻣﻨﺬﺭ ﺑﻮﺳﻪ
ﺑﺼﻮﺕ ﻳﻬﺒﻞ ﻟﻌﻨﺪ ﻫﻮ ﺧﻼﺹ
ﻣﻨﺬﺭ: ﺑﺎﻫﻲ ﺍﺳﺘﻤﺮ ﻓﻲ ﺣﺮﻛﺎﺕ ﻫﺬﻳﻨﺎ ﺧﻼﺹ ﺗﻮﺍ ﺗﺒﻲ ﺷﻲ
ﻫﻨﺪ : ﺍﻧﻼ ﺧﻼﺹ ﻧﺒﻴﻚ ﺍﻧﺖ ﻭﻧﺮﺟﺎ ﻓﻴﻚ
ﻣﻨﺬﺭ: ﻣﺎﺷﻲ ﺑﺎﻱ
ﻭﺳﻜﺮﺕ ﻫﻨﺪ ﻭﻫﻴﺎ ﻣﻴﺘﺎ ﻣﻦ ﺿﺤﻚ ﻉ ﻣﻨﺬﺭ ﺍﻟﻲ ﺫﻭﺑﺎﺗﺎ ﻭﻫﻮ ﻛﺎﻥ
ﻣﺎﻳﻘﺪﺭﺵ ﺍﻳﺪﻳﺮ ﺷﻲ ﻻﻥ ﻣﻊ ﺍﺻﺤﺎﺑﺎ ﻗﺎﻋﺪ
ﺑﺎﻟﻨﺴﺒﻪ ﻟﻤﻨﺬﺭ ﺳﻜﺮ ﻭﻫﻮ ﻗﻌﻤﺰ ﻣﻊ ﺻﺤﺎﺑﺎ ﻭﻳﻔﻜﺮ ﻓﻲ ﻫﻨﺪ ﺍﻟﻲ
ﺷﻴﻄﺖ ﺍﻟﻨﺎﺭ ﻓﻴﻪ
~~~~~~~~~~~~~~
ﻫﻴﺜﻢ : ﻳﺴﻮﻕ ﻓﻲ ﺳﻴﺎﺭﻩ ﻭﻣﻌﺎﻩ ﻣﻌﺘﺼﻢ ﻣﺮﻭﺣﻴﻦ ﻟﻠﺤﻮﺵ ﻻﻧﻬﻢ ﻛﺎﻧﻮ
ﻣﻜﺴﺪﻳﻦ ﺑﺮﺍ
ﺍﻧﺖ ﺷﻔﺘﻬﺎ ﺳﻤﺤﺎ ﺑﻜﻞ ﻟﺨﺮﺍ
ﻣﻌﺘﺼﻢ : ﺗﻲ ﺣﻲ ﻋﻠﻤﺎ ﻧﻨﻘﻨﺎ ﻣﺶ ﻋﺎﺩﻳﻪ ﺍﻟﺴﻴﺎﺭﻩ ﻣﺎﺿﻴﻌﻬﺶ
ﻫﻴﺜﻢ : ﻧﻨﻘﻨﻲ ﻭﺧﺬﻫﺎ ﻣﺎﺷﻲ ﺗﻮ ﻧﺤﻜﻲ ﻋﻠﻴﻬﺎ ﻟﺒﺎﺗﻲ
ﻣﻌﺘﺼﻢ : ﻃﺒﻌﺎ ﺟﺪﻱ ﺗﻮ ﻳﻘﻮﻟﻚ ﺑﻼ ﺷﺮﺍﺀ ﺳﻴﺎﺭﺍﺕ ﻭﺍﺟﻮﺯﻟﻚ ﺣﺘﻲ ﺍﻧﺖ
ﻫﻴﺜﻢ : ﻳﺎﺭﺍ ﻧﺒﻴﺶ ﻳﻔﺘﺤﻠﻲ ﺟﺪ ﺍﻡ ﺍﻟﻤﻮﺿﻮﻉ ﻫﺬﺍ
ﻣﻌﺘﺼﻢ : ﻭﺍﻧﺖ ﻛﻨﻚ ﺻﺎﺡ ﺗﻔﻜﺮﺵ ﻓﻴﻪ ﻛﺒﺮﺕ ﺭﺍﻙ
ﻫﻴﺜﻢ : ﺗﻲ ﻛﻴﻒ ﺟﺎﻱ ﻳﺎﺭﺍ ﻏﻴﺮ ﻧﺴﺘﻘﺮ ﺗﻮ ﻧﺸﻮﻓﻠﻲ ﺑﻨﺖ ﺗﻘﻌﺪ ﻛﻮﻳﺴﺎ
ﻣﻌﺘﺼﻢ : ﻳﺎﺭﻳﺖ ﺍﻧﺎ ﻳﻔﺘﺤﻮ ﻣﻌﺎﻳﺎ ﺍﺯﺡ ﺍﻟﻤﻮﺿﻮﻉ ﻫﺬﺍ ﻓﻴﺶ ﺣﺪ ﻳﻘﻮﻟﻲ
ﻳﺎﻣﻌﺘﺼﻢ ﺗﻌﺎﻝ ﻭﺍﺟﻮﺯ ﻭﻳﺰﺭﻭﻧﻲ ﻉ ﺯﻭﺍﺝ
ﻫﻴﺜﻢ : ﻫﻬﻬﻬﻬﻬﻪ ﺍﺻﻼ ﻋﺮﻓﻴﻨﻚ ﻣﺶ ﻣﻘﺼﺮ ﺍﻧﺖ
ﻣﻌﺘﺼﻢ : ﻻ ﺗﻮ ﻧﺒﺪﺃ ﻧﻠﻌﺒﻠﻬﻢ ﻓﻲ ﺩﻭﺭ ﺍﻧﻲ ﻛﺮﻩ ﺍﻟﺰﻭﺍﺝ ﻭﺍﻟﺒﻨﺎﺕ ﺑﺎﻟﻜﻲ
ﺟﺪﻱ ﻳﺠﻲ ﻭﻳﺰﺭﻧﻲ
ﻫﻴﺜﻢ : ﻭﺍﻟﻠﻪ ﺍﻧﺎ ﻭﺟﻌﻨﻲ ﺣﺎﻟﻚ ﻳﺎﻭﻟﺪ ﺧﻮﻳﺎ
ﻣﻌﺘﺼﻢ : ﺷﻔﺖ ﻛﻴﻒ ﻧﻮﺟﻊ ﺧﺸﻠﻨﺎ ﻭﺳﻄﺎ ﻳﺎﺳﻴﺪﻱ ﻭﺍﻧﺖ ﻣﺎﻓﻴﻚ ﻓﺎﻳﺪﺍ
ﻣﻦ ﻓﻮﺍﻳﺪ ﺭﺑﻲ
ﻫﻴﺜﻢ : ﺗﻲ ﻳﺎ ﻭﺳﺦ ﺍﻧﺎ ﺑﺮﻭﺣﻲ ﻧﺒﻲ ﻣﻦ ﻳﺨﺸﻠﻲ ﻭﺳﻄﺎ ﻓﻲ ﺑﺎﺗﻲ
ﺑﻴﺶ ﻧﺸﺮﻱ ﺍﻟﺴﻴﺎﺭﻩ
ﻣﻌﺘﺼﻢ : ﻣﺎﻋﻠﻴﻚ ﻓﻴﻬﺎ ﻫﺬﻱ ﺧﻠﻴﻬﺎ ﺷﻮﺭﻱ
ﻫﻴﺜﻢ : ﺣﻲ ﻛﺎﻥ ﻋﺒﺎﻙ ﻉ ﺑﻨﻲ ﻏﺎﺯﻱ .. ﺍﻛﻤﻞ ﺍﻟﻤﺜﻞ
ﻣﻌﺘﺼﻢ : ﻳﻘﻌﺎﺩﻙ ﻓﻲ ﺍﻟﺤﻮﺵ ﺍﺗﻬﺰﻱ
ﻫﻴﺜﻢ : ﺍﻳﻮﺍ ﻫﺬﺍ ﺍﻧﺖ ﻧﻌﺒﺎ ﻋﻠﻴﻚ ﻧﻠﻘﺎ ﺭﻭﺣﻲ ﻋﺮﻡ
ﺗﻮ ﻧﺼﺮﻑ ﺑﺮﻭﺣﻲ ﻣﺎﻟﻲ ﻭﻣﺎﻟﻚ
ﻣﻌﺘﺼﻢ : ﻉ ﺍﺳﺎﺱ ﺍﻧﻲ ﻣﻌﺒﺮﻙ ﺍﺻﻼ ﻭﺑﻌﺪﻳﻦ ﺍﻧﺎ ﻣﻔﺘﻦ ﺟﺪﻱ ﺗﻮ
ﺍﺗﺸﻮﻑ ﺍﻟﻤﻌﻴﻼ ﺍﻟﻲ ﺍﻧﺪﻳﺮﻫﺎ ﻟﻜﻲ
ﻫﻴﺜﻢ : ﺣﻲ ﻋﻠﻤﻚ ﺑﻌﺪﻫﺎ ﻭﺣﻖ ﺭﺑﻲ ﺍﻧﺘﻌﺒﻚ ﻳﺎﻣﻌﺘﺼﻢ ﻛﺎﻥ ﺑﺼﺮﺕ ﻓﻲ
ﻣﻮﺿﻮﻉ ﻫﺬﺍ
ﻣﻌﺘﺼﻢ : ﺗﻮ ﺍﺗﺸﻮﻑ ﺍﻟﻤﻌﻴﻼ ﻭﺍﻟﻠﻪ ﻣﺨﺮﺑﻬﺎ
ﻫﻴﺜﻢ : ﻭﻗﻒ ﺍﻟﺴﻴﺎﺭﻩ
ﻣﻌﺘﺼﻢ : ﻛﻨﻚ
ﻫﻴﺜﻢ : ﻣﺶ ﻋﺎﺭﻑ ﺍﻟﻌﺠﻠﻪ ﺷﻜﻠﻬﺎ ﺍﻧﻔﻠﻘﺖ ﻋﺎﺭﻑ
ﻣﻌﺘﺼﻢ : ﺗﻲ ﺯﻛﺮﻱ ﺗﻮﺍ ﻣﺶ ﻭﻗﺖ ﺍﻣﻬﺎ
ﻫﻴﺜﻢ : ﻋﺎﺭﻑ ﺗﺮﺍ ﺍﻧﺰﻝ ﺷﻮﻓﻬﺎ ﻭﺭﺍﺱ ﻋﺼﻮﻣﻲ
ﻣﻌﺘﺼﻢ : ﺍﻭﻭﻭﻑ ﻧﺰﻝ ﻭﻫﻮ ﺭﻗﻴﻼ ﻭﻳﺸﻮﻑ ﻓﻲ ﺍﻟﻌﺠﻠﻪ
ﻫﻴﺜﻢ : ﺿﻐﻂ ﻉ ﺷﺮﺗﻮﻟﻲ ﻭﻋﺪﺍ ﺑﺎﻟﺴﻴﺎﺭﻩ ﻭﺳﻴﺐ ﻣﻌﺘﺼﻢ ﻳﻌﻴﻂ ﻭﻳﺠﺮﻱ
ﻭﺭﺍﻩ
ﻭﻛﺎﻥ ﻫﻴﺜﻢ ﻣﺎﻳﺠﺮﻳﺶ ﻭﺍﺟﺪ ﻳﻤﺸﻲ ﻟﻌﻨﺪ ﻃﻖ ﻓﻴﻪ ﻣﻌﺘﺼﻢ ﺍﻟﻲ ﻛﺎﻥ
ﻳﻬﺮﻭﻝ ﻭﺩﻫﺶ
ﻫﻴﺜﻢ : ﻓﺘﺢ ﻗﺰﺍﺯ ﺍﻟﺴﻴﺎﺭﻩ . ﻫﺎ ﺗﺒﻲ ﺍﺗﺨﺶ ﻣﺤﻈﺮ ﺧﻴﺮ ﻭﻻ ﻻ
ﻣﻌﺘﺼﻢ : ﻭﻫﻮ ﺩﺍﻫﺶ ﺗﻲ ﻭﺍﻗﻒ ﻳﺎﺭﺍ ﺍﻟﺴﻴﺎﺭﻩ ﻓﻜﻨﺎ ﻣﻦ ﺍﻟﻤﻌﻴﻼ ﻧﺎﺱ
ﺍﺗﺒﺤﺖ ﻓﻴﻨﺎ
ﻫﻴﺜﻢ : ﻣﺶ ﻣﻮﻗﻒ ﻋﻨﺪ ﺍﺗﻘﻮﻟﻲ ﺷﻦ ﻣﺤﻈﺮ ﺧﻴﺮ ﺑﺘﺨﺶ ﻭﻻ ﺷﺮ
ﻣﻌﺘﺼﻢ : ﻭﺍﻟﻠﻪ ﻋﻠﻴﻚ ﻣﻌﻴﻼ ﺍﺯﻑ ﻭﺍﻗﺴﻢ ﺑﺮﺑﻲ ﻣﺎﻧﻲ ﺩﺍﻭﻱ ﺑﻜﻞ ﺳﺎﻛﺖ
ﻫﻴﺜﻢ : ﻗﻮﻝ ﺍﺳﻒ ﻳﺎﻫﻴﺜﻢ ﻭﻣﺶ ﺣﻨﺤﻜﻲ ﻟﺠﺪﻱ ﺷﻲ ﻋﻠﻴﻚ
ﺍﻧﺮﻛﺒﻚ ﻓﻲ ﺳﻴﺎﺭﻩ
ﻣﻌﺘﺼﻢ : ﺗﻲ ﻋﺪﻱ ﺣﻞ ﻭﺍﻟﻠﻪ ﻣﺮﻭﺡ ﺗﺸﻴﻴﺮ
ﻭﻗﻒ ﻣﻌﺘﺼﻢ ﻭﻫﻴﺜﻢ ﺯﺭ ﻉ ﺳﻴﺎﺭﻩ ﻭﻋﺪﺍ ﻭﺳﻴﺐ ﻣﻌﺘﺼﻢ ﻓﻲ ﺷﺎﺭﻉ ﻭﻫﻮ
ﻣﻴﺖ ﺿﺤﻜﻚ
ﻭﻣﻌﺘﺼﻢ ﻳﺴﺐ ﻓﻲ ﻫﻴﺜﻢ ﻉ ﺣﺮﻛﺎﺕ ﺍﻟﻲ ﺍﻳﺪﻳﺮ ﻓﻴﻬﻦ
~~~~~~~~~~~~~~~~
ﻣﻌﺘﺼﻢ : ﻭﻳﻨﻚ ﺍﻧﺖ
ﻣﻨﺬﺭ: ﻣﺮﻭﺡ ﺗﻮ ﻣﻦ ﺟﻤﺎﻋﺎ
ﻣﻌﺘﺼﻢ : ﺑﺎﻫﻲ ﺍﺗﺠﻴﻨﻲ
ﻣﻨﺬﺭ: ﺗﻲ ﻭﻳﻦ ﻗﺎﻋﺪ ﺍﻧﺖ ﻭﻛﻨﻚ ﻓﻲ ﺷﻲ
ﻣﻌﺘﺼﻢ : ﺗﻲ ﻛﻨﺖ ﻣﻊ ﺳﻴﺪﻙ ﺍﻝ ..... ﺍﻳﺪﻳﺮ ﻓﻲ ﺟﻮ ﺷﻴﻦ ﻭﺣﺮﻛﺎﺕ
ﻓﺮﻭﺥ ﺷﺤﻮﺭ ﺍﻣﻲ ﺍﺯﻑ ﻭﻋﺪﺍ ﻭﺳﻴﺒﻨﻲ
ﻣﻨﺬﺭ: ﺗﻤﺎ ﻣﻴﺖ ﺿﺤﻚ
ﻣﻌﺘﺼﻢ : ﺗﻲ ﻧﺤﻜﻲ ﻣﻌﺎﻙ ﺍﻧﺎ ﻳﺎ .....
ﻣﻨﺬﺭ: ﻭﻫﻮ ﺯﺭﺗﺎ ﺍﻟﻀﺤﻜﺎ ﺑﺎﻫﻲ ﺑﺎﻫﻲ ﺗﻮ ﺍﻧﺠﻴﻚ ﻫﻬﻬﻬﻬﻬﻪ
ﻣﻌﺘﺼﻢ : ﺍﻭﻛﻲ ﻳﺎ ...... ﺍﻧﺖ ﻭﺳﻴﺪﻙ ﺍﻟﻲ .....
~~~~~~~~~~~
ﻛﻤﻠﻮ ﺍﻟﺸﺒﺎﺏ ﺍﺷﻮﺍﻳﺎﺕ ﻭﻏﺴﻠﻨﺎ ﻟﻤﻮﺍﻋﻴﻦ ﻭﺑﺪﺃﺕ ﺍﺟﺪﻳﺪﻩ ﺍﺗﺸﻮﻫﻲ ﻓﻲ
ﺷﺎﻫﻲ ﺍﻣﺘﺎﻋﻬﺎ
ﻭﺷﺒﺎﺏ ﻳﻬﺪﺭﺯﻭ ﺑﺮﺍ ﻭﻋﻄﻴﻨﻬﻢ ﺷﺎﻫﻲ ﻭﺷﺮﺑﻮﻩ ﻭﻋﺪﺍ ﻳﻮﺳﻒ ﺭﻭﺡ ﻭﻧﺤﻨﺎ
ﺧﺸﻮ ﺷﺒﺎﺏ ﻋﻠﻴﻨﺎ
ﺑﺎﺗﻲ : ﻣﺸﺎﺀ ﺍﻟﻠﻪ ﻋﻠﻴﻪ ﻋﻠﻴﻚ ﺍﻭﻟﻴﺪ ﻛﻼﻣﺎ ﻭﺍﺧﻼﻗﺎ ﺭﺑﻲ ﻳﺤﻔﻈﺎ
ﻋﻴﺴﻲ : ﻭﺍﻟﻠﻪ ﺍﺗﺤﻘﺎ ﺍﺗﻘﻮﻝ ﻓﺸﺎﻙ ﻭﺷﺎﻳﻒ ﺭﻭﺣﺎ ﺑﺲ ﺗﺤﻜﻲ ﺍﻣﻌﺎﻩ
ﻳﺨﺶ ﺍﻟﺨﺎﻃﺮ ﻓﻌﻼ ﻣﺶ ﻛﻞ ﺷﻲ ﻣﻈﺎﻫﺮ
ﻣﻮﺳﻲ : ﺗﻲ ﻛﺎﻥ ﺷﺎﻳﻒ ﺭﻭﺣﺎ ﺭﺍﻩ ﻣﺎﻋﺒﺮﺵ ﻣﻮﺿﻮﻉ ﺑﺎﺗﻚ ﻭﺟﺮﺍﻩ ﻋﻠﻴﻪ
ﺑﺎﺗﻲ : ﺑﺎﺭﻙ ﺍﻟﻠﻪ ﻓﻴﻪ ﺟﻤﻴﻼ ﻓﻮﻕ ﺭﺍﺳﻲ ﻭﻧﺤﺮﺟﺖ ﺍﻟﻴﻮﻡ ﺍﻣﻌﺎﻩ ﻧﻨﻘﻨﻚ
ﺍﻋﺰﻣﺎ ﻉ ﻋﺸﺎﺀ ﺳﻤﺢ ﺑﻌﺪ ﺍﻧﺮﻭﺣﻮ ﻳﺎﻣﻮﺳﻲ ﻟﺸﻮﺍﻳﺎﺕ ﻫﺬﻳﻨﺎ ﻣﺶ ﺣﺎﺟﻪ
ﻣﻮﺳﻲ : ﺍﻥ ﺷﺎﺀ ﺍﻟﻠﻪ ﻳﻘﻌﺪ ﻳﻤﺸﻲ ﻭﻳﺠﻲ ﻋﻠﻴﻜﻢ ﻫﻮ ﻳﺄﺫﻥ ﺍﻟﻠﻪ ﺩﻳﻤﺎ
ﺑﺎﺗﻲ : ﻛﻴﻒ
ﻣﻮﺳﻲ : ﻃﻠﺐ ﺣﻴﺎﻩ ﻣﻨﻲ ﻭﻗﺎﻟﻲ ﺷﺎﻭﺭ ﻫﻠﻚ ﻭﺭﺩ ﻋﻠﻴﺎ ﺍﻟﻴﻮﻣﻴﻦ ﻫﺬﻳﻨﺎ
ﻋﻄﻴﻨﻲ ﻣﻮﺍﻓﻘﺎ
ﺍﻧﺎ : ﻟﻤﺎ ﺳﻤﻌﺖ ﺍﺳﻤﻲ ﺍﻧﺼﺪﻣﺖ ﻣﺎﻛﻨﺘﺶ ﻣﺘﻮﻗﻌﺎ ﻳﻄﻠﺒﻨﻲ ﻓﻬﻤﺘﺶ
ﻭﻣﺎﻋﺮﻓﺘﺶ ﻧﻮﺻﻒ ﺷﻌﻮﺭﻱ ﻭﺍﺣﺴﺎﺳﻲ ﻭﻗﺘﻬﺎ
ﻭﺑﻨﺎﺕ ﻛﻠﻬﻦ ﺑﺤﺘﻦ ﻓﻴﺎ ﻭﺍﻧﺼﺪﻣﻦ
ﻭﺍﻣﻞ ﻭﺇﻳﻤﺎﻥ ﻋﻄﻨﻲ ﻧﻈﺮﺓ ﺣﻘﺪ ﻭﻣﻜﺮ ﻭﺟﻮﻫﻦ ﺗﻐﻴﺮﻥ
ﺑﺎﺗﻲ : ﻭﺷﻦ ﻗﺘﻼ
ﻣﻮﺳﻲ : ﻫﻮ ﻗﺎﻟﻲ ﺍﻧﺎ ﻧﺒﻲ ﻧﺠﻮﺯ ﻭﺗﺒﻲ ﺍﻟﺤﻖ ﺍﻧﺎ ﻧﺒﻲ ﻧﺴﺒﻜﻢ
ﺑﺎﺗﻲ : ﺑﺎﻫﻲ
ﻣﻮﺳﻲ : ﺧﻼﺹ ﻗﺘﻼ ﻭﺍﻟﻠﻪ ﻫﻴﺎ ﺑﻨﺖ ﺍﻟﻲ ﻋﻨﺪﻧﺎ ﻭﻫﻴﺎ ﺍﻟﺼﻐﻴﺮﺍ ﻭﺭﺍﻩ
ﻛﺎﻧﺖ ﻣﺨﻄﻮﺑﻪ ﻭﻣﻘﺮﻳﺎ ﻓﺘﺤﺘﻬﺎ ﺑﺲ ﺑﻌﺪﻫﺎ ﻣﺎﺻﺎﺭﺵ ﻧﺼﻴﺐ ﻭﻃﻠﻘﺖ
ﺑﺎﺗﻲ : ﺑﺎﻫﻲ
ﻣﻮﺳﻲ : ﺍﻧﺎ ﺣﻜﻴﺘﻼ ﻫﻜﻲ ﻉ ﺍﺳﺎﺱ ﻗﻠﺖ ﻛﺎﻥ ﺑﻴﺮﻓﺾ ﺑﺲ ﺗﻮﻗﻌﺘﺶ
ﺭﺩﺍ ﻗﺎﻟﻲ ﻣﺎﻳﻬﻤﻨﻴﺶ ﻣﺎﺿﻲ ﺍﻟﻤﻬﻢ ﻧﺒﻲ ﺑﻨﺖ ﻧﺎﺱ ﻭﺗﻜﻮﻥ ﻛﻮﻳﺴﺎ
ﻭﺍﻧﺎ ﻣﻮﺍﻓﻖ ﻉ ﻛﻞ ﺷﻲ ﻭﺭﺍﻱ ﻋﻨﺪﻛﻢ ﺷﺎﻭﺭﻭ ﺑﻌﻀﻜﻢ ﻭﻋﻄﻮﻧﻲ ﺭﺩﻛﻢ
ﺑﺎﺗﻲ : ﺑﺎﻫﻲ
ﻣﻮﺳﻲ : ﺧﻼﺹ ﻗﺘﻼ ﻧﻠﻘﻮﺵ ﺧﻴﺮ ﻣﻨﻚ ﻭﺍﻧﺎ ﻧﺸﻮﻑ ﺍﻟﺸﺎﻳﺐ ﻭﻧﺮﺩ
ﻋﻠﻴﻚ ﺧﻼﻝ ﻫﺎﻟﻴﻮﻣﻴﻦ
ﺑﺎﺗﻲ : ﺭﺍﺟﻞ ﻣﺸﺎﺀ ﺍﻟﻠﻪ ﻋﻠﻴﻪ ﻭﻣﻦ ﻣﺎﻳﺘﻤﻨﻬﺶ ﻳﻜﻮﻥ ﻧﺴﻴﺒﺎ
ﻣﻮﺳﻲ : ﺑﺎﻟﻨﺴﺒﻪ ﻟﻴﺎ ﻣﻮﺍﻓﻖ ﻭﺍﻧﺎ ﺍﻧﺰﻛﻴﻪ ﻟﻜﻢ
ﻋﻴﺴﻲ : ﻭﺍﻧﺎ ﻣﻮﺍﻓﻖ
ﺑﺎﺗﻲ : ﺧﻼﺹ ﺑﻌﺪ ﺷﻴﻔﻴﻦ ﺍﻥ ﻫﻮ ﻛﻮﻳﺲ ﺣﺘﻲ ﺍﻧﺎ ﻣﻮﺍﻓﻖ ﻧﺸﻮﻓﻮ ﺭﺍﻱ
ﺣﻴﺎﻩ
ﻣﻮﺳﻲ : ﻭﻋﻠﻴﺶ ﺑﺘﺮﻓﺾ ﺗﺤﻤﺪ ﺭﺑﻬﺎ ﺟﺎ ﻭﺍﺣﺪ ﻭﺍﻓﻖ ﻋﻠﻴﻬﺎ ﻭﻫﻴﺎ ﻣﻄﻠﻘﺎ
ﻗﺎﻋﺪﺍ ﻣﻦ ﺑﻴﻮﺍﻓﻖ ﻋﻠﻴﻬﺎ ﻭﻣﺶ ﺍﻱ ﻋﺮﻳﺲ ﺟﺎﻳﻬﺎ ﻛﺎﻣﻞ ﻣﻦ ﻛﻞ ﻧﻮﺍﺣﻲ
ﺗﻘﻌﺪ ﻃﻮﻝ ﻋﻤﺮﻫﺎ ﻣﺎﺗﺤﻠﻢ ﻳﺠﻴﻬﺎ ﻭﺍﺣﺪ ﻛﻴﻔﺎ ﻧﺤﻨﺎ ﻋﺠﺒﻨﺎ ﻭﺭﺍﺟﻞ
ﻣﺎﻳﺮﺗﻔﻀﺶ ﻭﻧﺤﻨﺎ ﻣﻮﺍﻓﻘﻴﻦ ﻓﺎ ﻣﺶ ﻻﺯﻡ ﺭﺍﻱ ﺑﻨﺎﺕ ﻭﻃﺮﻭﺡ ﺯﺍﻳﺪﺍﺕ
ﺍﻧﺎ : ﻭﺟﻌﻨﻲ ﺍﻻﻫﺎﻧﺎﺕ ﻭﺗﺠﺮﻳﺢ ﺍﻟﻲ ﻗﺎﻻ ﻟﻴﺎ ﻣﻮﺳﻲ ﻭﻗﺪﺍﻡ ﺍﺧﺮﻩ ﺍﺧﺖ
ﺃﻣﻞ ﻣﻬﻤﺎ ﻛﺎﻥ ﺗﻌﺘﺒﺮ ﺑﻨﺖ ﺑﺮﺍﻧﻴﺎ ﺳﻜﺘﺖ ﻭﻣﺎﺑﻴﺘﺶ ﺍﻧﻘﻮﻝ ﺷﻲ ﻭﺩﻣﻮﻉ
ﺟﻤﻌﻦ ﻓﻲ ﻋﻴﻮﻧﻲ ﻭﺍﻟﻌﺒﺮﻩ ﺧﻨﻘﺘﻨﻲ ﻟﺪﺭﺟﺔ ﻛﺮﻫﺖ ﺍﻥ ﻳﻮﺳﻒ ﺟﺎ ﻭ
ﺧﻄﺒﻨﻲ
ﻣﻮﺳﻲ : ﺧﻼﺹ ﻳﻌﻨﻲ ﻳﺎﺑﺎﺗﻲ ﺍﻧﺮﺩ ﺍﻧﻘﻮﻻ ﻣﻮﺍﻓﻘﻴﻦ
ﺑﺎﺗﻲ : ﺍﻥ ﺷﺎﺀ ﺍﻟﻠﻪ
ﻣﻮﺳﻲ : ﺧﻼﺹ ﻣﻌﻨﺎﻫﺎ ﺗﻢ
ﻭﺣﺎﻭﻟﺖ ﺍﻧﻤﺸﻲ ﺟﻮ ﻋﺎﺩﻱ ﻣﻊ ﺍﻧﻲ ﻛﻨﺖ ﺧﺎﻃﺮﻱ
ﺍﻧﺨﺶ ﻟﻠﺪﺍﺭ ﻭﻧﺒﻜﻲ ﻭﻧﻔﺶ ﻋﺒﺮﺗﻲ ﻭﻧﻄﻠﻊ ﺟﻤﻴﻊ ﺍﻟﻲ ﻓﻲ ﺧﺎﻃﺮﻱ
ﻳﻌﻨﻲ ﻫﻜﻲ ﻳﺒﻴﻌﻮ ﻭﻳﺸﺮﻭ ﻓﻴﺎ ﻭﻳﺤﻜﻮ ﻉ ﻟﺴﺎﻧﻲ ﻭﺑﺠﻮﻫﻢ ﻭﺑﺪﻭﻥ ﻣﺎﻳﺄﺧﺬﻭ
ﺭﺍﻱ ﻓﻲ ﺷﻲ ﻭﻛﺄﻧﻲ ﻣﺶ ﺍﻧﺎ ﺻﺤﺒﺖ ﺍﻟﺸﺄﻥ ﻭﻛﺄﻧﻲ ﺑﻴﻨﻬﻢ ﺻﻨﻢ ﻣﺶ
ﻣﻮﺟﻮﺩﺍ ﻓﻲ ﻗﺴﺎﻭﻩ ﻟﻠﺪﺭﺟﻪ ﻫﺬﻱ ﻟﻴﺶ ﺣﻴﺎﺗﻨﺎ ﻫﻜﻲ ﻟﻴﺶ ﺧﻮﺗﻲ ﻫﻜﻲ
ﻟﻴﺶ ﻧﺪﻓﻌﻮ ﻓﻲ ﺛﻤﻦ ﺍﺧﻄﺄﻫﻢ ﻫﻤﺎ ﻭﺻﻴﻌﺘﻬﻢ ﻣﻊ ﺑﻨﺎﺕ ﺍﺗﺤﻲ ﻉ ﺭﻭﺳﻨﺎ
ﻧﺤﻨﺎ
ﻳﻌﻨﻲ ﺣﺘﻲ ﺑﻌﺪ ﻧﻨﺨﻄﺐ ﻧﻔﺮﺣﺶ ﻛﻴﻒ ﺍﻟﺒﻨﺎﺕ ﻻﻧﻨﺨﻄﺐ ﺑﺎﻻﻫﺎﻧﻪ
ﻭﺗﺠﺮﻳﺢ ﻭﻗﺪﺍﻡ ﺍﻟﻨﺎﺱ ﺑﺮﺍﻧﻴﺎ
ﻻﺯﻡ ﻧﻨﻜﺴﺮﻭ ﻭﻻﺯﻡ ﻓﺮﺣﺘﻨﺎ ﻣﺎﺗﻜﻤﻠﺶ ﻭﺗﻜﻮﻥ ﻧﺎﻗﺼﻪ
ﻟﻮ ﻛﺎﻧﺖ ﺍﻣﻲ ﻋﺎﻳﺸﺎ ﻛﻨﺖ ﻣﺸﻴﺖ ﺑﻜﻴﺖ ﻓﻲ ﺣﻀﻨﻬﺎ ﺭﺍﻩ ﺩﺭﺩﺑﺖ ﻋﻠﻴﺎ
ﻭﻃﺒﻄﺒﺖ ﻭﺭﺍﻩ ﺍﺳﺎﺳﺎً ﻣﺎﻛﻨﺶ ﺻﺎﺭ ﻫﻜﻲ ﻭﻻ ﺣﺪ ﻃﻖ ﻓﻴﺎ ﻭﺩﻭﺍﺀ ﻋﻠﻴﺎ
ﺑﺲ ﻗﺪﺭﻱ ﻧﺼﻴﺒﻲ ﻧﺮﺿﺎ ﺑﻴﻪ ﺍﻥ ﺭﺑﻲ ﺑﺎﻟﻨﺎ ﺑﺨﻮﺕ ﻗﺴﻴﻴﻦ ﻭﺑﺎﺕ ﺍﻧﺎﻧﻲ
ﻫﻤﺎ ﻋﻴﺎﻻ ﻭﺑﺲ
~~~~~~~~~~~~
ﻭﺻﻠﻮ ﻣﻨﺬﺭ ﻭﻣﻌﺘﺼﻢ ﻭﻧﺰﻝ ﻣﻌﺘﺼﻢ ﺭﻗﻴﺎﻻ ﻭﻣﻨﺬﺭ ﻣﻴﺖ ﻣﻦ ﺿﺤﻚ ﻟﻘﻮ
ﻫﻴﺜﻢ ﻭﻓﻴﺼﻞ ﻣﻘﻌﻤﺰﻳﻦ ﻭﻣﻌﻬﻢ ﻋﻴﺎﻝ ﺳﻴﺪﻫﻢ ﺟﻤﺎﻝ ﺍﻻﺛﻨﻴﻦ
ﺻﺒﺎ ﻫﻴﺜﻢ ﻳﺠﺮﻱ ﻭﻛﺮﺱ ﻭﺭﺃ ﺍﻟﻌﺮﺻﺎ ﻭﺗﻤﺎ ﻳﺤﻜﻲ ﻟﻠﻤﻌﺘﺼﻢ ﻣﻦ ﺑﻌﻴﺪ
ﻭﻳﻀﺤﻚ
ﻭﺷﺒﺎﺏ ﻳﻀﺤﻜﻮ ﻭﻣﺶ ﻓﻬﻤﻴﻦ ﺷﻲ ﻭﻣﻨﺬﺭ ﻳﻔﻬﻢ ﻓﻴﻬﻢ ﻭﻳﻀﺤﻚ
ﻣﻌﺘﺼﻢ : ﻭﺍﻟﻠﻪ ﻛﻨﻚ ﺭﺍﺟﻞ ﺗﻄﻠﻊ ﻣﻦ ﻭﺭﺃ ﺍﻟﻌﺮﺻﺎ ﻣﻌﻘﻮﻟﻪ ﺍﻟﻤﻌﻴﺎﻻ ﻫﺬﻱ
ﻳﺎﺭﺍ ﻣﺶ ﺣﺮﻛﺎﺕ ﺭﺟﺎﻻ ﺭﺍﻩ
ﻫﻴﺜﻢ : ﻣﻌﺶ ﻗﺪﺭ ﻳﻤﺴﻚ ﺭﻭﺣﺎ ﻣﻦ ﺍﻋﺼﺎﺏ ﻣﻌﺘﺼﻢ ﻭﺗﻤﺎ ﻳﻀﺤﻚ
ﻭﺷﺒﺎﺏ ﻳﺮﻛﺒﻮ ﻋﻠﻴﻪ ﻭﻳﺰﻳﺪﻭ ﻓﻲ ﻣﻌﺘﺼﻢ
ﻣﻊ ﺟﻴﺖ ﻳﻮﺳﻒ ﺩﺭﺱ ﺳﻴﺎﺭﻩ ﻭﻧﺰﻝ ﻭﻟﻘﺎ ﺳﻴﺪﺍ ﻫﻴﺜﻢ ﻛﺎﺭﺱ ﻭﺭﺍﺃ
ﺍﻟﻌﺮﺻﺎ ﻭﻣﻌﺘﺼﻢ ﻣﺼﺒﻲ ﻗﺪﺍﻣﺎ ﻳﻬﺪﺩ ﻓﻴﻪ ﻭﻳﻘﻮﻻ ﺍﻃﻠﻊ ﻭﺷﺒﺎﺏ ﻣﻘﻌﻤﺰﻳﻦ
ﻉ ﻛﺮﺍﺳﻲ ﻭﻳﻀﺤﻜﻮ ﻉ ﻣﻨﻈﺮﻫﻢ
ﻳﻮﺳﻒ: ﺳﻼﻡ ﻋﻠﻴﻜﻢ ﻳﺎﺭﺍﻳﻘﻴﻦ
ﺷﺒﺎﺏ : ﻭﻋﻠﻴﻜﻢ ﺍﻟﺴﻼﻡ
ﻳﻮﺳﻒ: ﻭﻫﻮ ﻳﻘﻌﻤﺰ ﺟﻨﺐ ﻣﻨﺬﺭ ﻭﻳﺒﺤﺖ ﻓﻲ ﻣﻌﺘﺼﻢ ﻛﻨﺎ ﻫﻴﺜﻢ ﻭﺭﺃ
ﺍﻟﻌﺮﺻﺎ ﻭﺍﻟﻬﺒﻞ ﻫﺬﺍ ﻛﻨﺎ ﻣﺼﺒﻴﻼ ﻫﻜﻲ
ﻣﻨﺬﺭ: ﻫﻴﺜﻢ ﻣﻌﻴﻞ ﺑﻤﻌﺘﺼﻢ ﻭﺳﻴﺒﺎ ﻓﻲ ﻧﺺ ﻃﺮﻳﻖ ﻭﺭﻭﺡ ﻫﻬﻬﻬﻬﻬﻪ
ﻭﻣﻌﺘﺼﻢ ﺭﻥ ﻋﻠﻴﺎ ﺭﻭﺣﺖ ﺑﻴﻪ ﺍﻧﺎ
ﻳﻮﺳﻒ: ﻫﻬﻬﻬﻬﻬﻬﻪ ﻳﺴﺘﻬﻠﻬﺎ ﻭﻋﻠﻴﺶ ﻫﺬﺍ ﻛﻼ
ﻣﻨﺬﺭ: ﻫﻴﺜﻢ ﺑﻴﺸﺮﻱ ﺳﻴﺎﺭﻩ ﻭﻣﻌﺘﺼﻢ ﻗﺎﻻ ﺍﻧﺨﺮﺏ ﻋﻠﻴﻚ ﻭﻧﻘﻮﻝ ﻟﺠﺪﻱ
ﻣﺎﻳﺸﺮﻳﻬﺶ
ﻋﺪﺍ ﻧﺰﻻ ﺩﻳﺮﻭﺣﺎ ﺍﻟﻌﺠﻠﻪ ﺍﻧﻔﻠﻘﺖ ﻭﻟﻊ ﻭﻋﺪﺍ ﻫﻬﻬﻬﻬﻪ
ﻳﻮﺳﻒ: ﺧﻬﻬﻬﻬﻬﻬﻪ ﺻﺎﺡ ﻟﻪ ﺧﻠﻴﻪ ﺍﻟﻜﻠﺐ ﺑﻴﺶ ﻳﺘﺄﺩﺏ
ﻣﻌﺘﺼﻢ : ﻭﺍﻟﻠﻪ ﻣﺎﻧﻲ ﻣﺘﺤﺮﻙ ﻭﺍﻗﻌﺪ ﻟﻠﺼﺒﺢ ﻭﺭﺍﻩ ﺍﻟﻌﺮﺻﺎ
ﻫﻴﺜﻢ : ﻋﺎﺩﻱ ﺍﻧﺎ ﺟﻮﻱ ﻣﻴﻪ ﺍﻟﻤﻴﻪ ﻧﻬﺪﺭﺯ ﻣﻌﺎﻛﻢ ﻣﻦ ﻭﺭﺍ ﺍﻟﻌﺮﺻﺎ
ﻣﻌﺘﺼﻢ : ﺧﻼﺹ ﺍﻗﻌﺪ ﻭﻳﻘﻌﺎﺩﻙ . ﻭﺟﺪﻱ ﻭﺍﻟﻠﻪ ﻗﻴﺎﻟﻬﺎ ﻟﻪ ﻭﻣﺨﺮﺑﻬﺎ
ﻋﻠﻴﻚ ﺗﻮ ﺗﺸﻮﻑ
ﻭﺗﺒﺎﻋﺪ ﻣﻌﺘﺼﻢ ﻭﺟﺎ ﻗﻌﻤﺰ ﺟﻨﺐ ﺍﻟﺸﺒﺎﺏ ﻭﻫﻮ ﺭﻗﻴﺎﻻ ﻭﻃﻠﻊ ﺳﺒﺴﻲ
ﻭﺑﺪﺃ ﻳﺪﺧﻦ ﻭﻳﺒﺤﺖ ﻓﻲ ﺟﻴﻬﺔ ﻫﻴﺜﻢ ﻻﻥ ﻧﻮﻳﻼ
ﻭﻫﻤﺎ ﻳﻬﺪﺭﺯﻭ ﺟﺘﻬﻢ ﻋﻤﺘﻬﻢ ﺃﺣﻼﻡ ﺍﻟﻤﻄﻠﻘﻪ
ﻭﻫﻴﺎ ﺍﺻﻐﺮ ﻭﺣﺪﻩ ﻓﻲ ﺍﻟﻌﺎﻳﻠﻪ
ﻭﻣﻊ ﺍﻟﺤﻠﻘﺎﺕ ﺣﺘﻌﺮﻓﻮ ﻉ ﻗﺼﺘﻬﺎ ﺷﻨﻮ
ﺍﺣﻼﻡ: ﺧﻴﺮ ﻋﻠﻴﻜﻢ ﻳﺎﺷﺒﺎﺏ
ﺷﺒﺎﺏ : ﺧﻴﺮﺍﺕ
ﻳﻮﺳﻒ: ﺗﻌﺎﻟﻲ ﻳﺎﻣﻜﻠﺒﺰﺍ ﺭﺍﻳﻔﺖ ﻋﻠﻴﻚ
ﺃﺣﻼﻡ: ﻋﻮﻳﻨﺎﺗﻲ ﻭﺳﻴﻔﺘﻲ ﺳﻤﻌﺖ ﺍﺧﺒﺎﺭ ﻋﻠﻴﻚ ﻭﻏﻤﺰﺗﻼ
ﻳﻮﺳﻒ : ﺗﻌﺎﻟﻲ ﻧﺤﻜﻴﺎﻟﻚ ﺍﺧﺮ ﺗﻄﻮﺭﺍﺕ
ﺍﺣﻼﻡ: ﺻﺒﻲ ﻫﻴﺎ ﺍﻧﺘﻤﺸﻮ ﻣﻠﻴﺖ ﻣﻦ ﺗﻘﻌﻤﻴﺰ
ﻭﺻﺒﺎ ﻳﻮﺳﻒ ﻳﺘﻤﺸﺎ ﻫﻮ ﻭﻋﻤﺘﺎ
ﺍﺣﻼﻡ: ﺍﺣﻜﻲ
ﻳﻮﺳﻒ:
.
.
.
.
.
.
.
.
.
.
# ﻳﺘﺒﻊ
اسفه ع التأخير
