{الحب الاعمى }
ﺍﻟﺤﻠﻘﻪ7⃣
ﻧﺴﻤﻌﻮ ﺻﻮﺕ ﻋﺎﻟﻲ
ﻣﻮﺳﻲ : ﺍﻧﺘﻲ ﻳﺎﻓﺮﺧﺎ ﺍﻟﻲ ﺍﺳﻤﻚ ﺣﻴﺎﺍﺍﺍﺍﻩ
ﺍﻧﺎ : ﻟﻤﺎ ﺳﻤﻌﺖ ﺍﺳﻤﻲ ﻗﻠﺒﻲ ﺗﻤﺎ ﻳﺪﻟﻒ ﻭﺭﻛﺒﺘﻨﻲ ﻟﻴﺎ ﻣﻦ ﺧﻮﻑ
ﺻﺒﻴﺖ ﻭﻛﺎﻧﻦ ﻓﺎﻃﻤﻪ ﻭﻫﺪﻱ ﺍﻣﺼﺒﻴﺎﺕ ﺟﻨﺒﻲ
ﻭﻳﺨﺶ ﻣﻮﺳﻲ ﻳﻔﺘﺢ ﺑﺎﺏ ﺍﻟﺪﺍﺭ ﺑﻜﻞ ﻗﻮﺗﺎ
ﻣﻮﺳﻲ : ﻓﻴﺶ ﻛﻨﺘﻲ ﺍﺩﻳﺮﻱ ﺍﻣﺲ ﻣﻊ ﻋﺒﺪ ﺍﻟﻠﻪ ﻳﺎﺣﻘﻴﺮﻩ ﻳﺎﻣﺴﺨﺎ
ﺍﻧﺎ : ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﻛﺎﻥ ﻳﺒﻲ ﻃﺮﻳﻖ ﺑﺲ ﺷﻔﺘﻬﺎ ﻟﻪ ﻭﺧﺶ
ﻣﻮﺳﻲ : ﻳﺒﻲ ﻃﺮﻳﻖ ﺻﺎﺭ ﻭﺍﻧﺘﻲ ﻣﺮﺍﺗﺎ ﺑﻴﺶ ﺗﻌﻄﻴﻪ ﺍﻟﻄﺮﻳﻖ ﻭﻻ ﻧﺎﺳﻴﺎ
ﺭﻭﺣﻚ ﺍﻧﻚ ﺍﻃﻠﻘﺘﻲ ﻣﻨﺎ
ﻭﻗﺮﺏ ﻣﻨﻲ ﻭﻛﺮﻧﻲ ﻣﻦ ﻋﻨﺪ ﺷﻌﺮﻱ ﻭﻧﺰﻝ ﻓﻴﺎ ﺿﺮﺏ
ﻭﺍﻧﺎ ﻃﻠﻘﺘﻬﺎ ﺍﻋﻴﺎﻁ
ﻭﻫﺪﻱ ﻭﻓﺎﻃﻤﻪ ﻳﺤﺰﻥْ ﻋﻠﻴﺎ ﻭﻳﺪﻑ ﻓﻴﻬﻦ
ﻭﺟﻦ ﺃﻣﻲ ﻭﻣﺒﺮﻭﻛﻪ ﻭﺗﻤﻦ ﻳﺤﺰﻥ ﺑﺲ ﻣﺎﺣﺪ ﻗﺪﺭ ﻳﻔﻜﻨﻲ ﻣﺎ
ﺍﻧﺎ : ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﻏﻠﻂ ﻭﺍﻟﻠﻪ ﻳﺎﻣﻮﺳﻲ ﻣﺎﻏﻠﻄﺖ
ﻣﻮﺳﻲ : ﻳﺎﻣﺴﺨﺎ ﻳﺎﺣﻴﻮﺍﻧﻪ ﻣﻦ ﺍﻭﻝ ﻗﺘﻠﻬﻢ ﻣﺎﻳﻄﻠﻘﻮﻛﻴﺶ ﻣﻨﺎ ﺑﺲ
ﻋﺎﻧﺪﻭﻧﻲ ﺑﺎﺗﻲ ﻭﻋﻴﺴﻲ
ﺍﺻﻼ ﺍﻧﺖ ﺑﻨﺎﺕ ﺗﺒﻨﺶ ﺍﻻ ﺍﻟﻌﻴﻦ ﺍﻟﺤﻤﺮﺍ
ﺍﺗﻔﻮﻭﻭﻭﻩ ﻋﻠﻴﻚ ﻭﻉ ﺷﻜﻠﻚ ﻳﺎﻭﺳﺨﺎ
ﻭﻃﻠﻘﻨﻲ ﻭﺟﺎ ﻛﻒ ﻟﻬﺪﻱ ﺑﺪﻭﻥ ﻣﺎﺗﺤﺲ
ﻫﺪﻱ: ﺍﻳﻴﻲ ﺷﻦ ﺩﺭﺗﻠﻚ ﺍﻧﺎ ﺷﻦ ﺩﺭﺕ
ﻣﻮﺳﻲ : ﻭﺍﻧﺘﻲ ﻳﺎﺟﺎﻟﻄﻪ ﻳﺎﺣﻴﻮﺍﻧﻪ ﻃﻠﻘﺎ ﻟﺴﺎﻧﻚ ﻉ ﺃﻣﻞ ﻗﺪﺍﻡ ﺍﻟﺒﻨﺎﺕ
ﻭﺍﺣﺮﺟﺘﻴﻬﺎ
ﻫﺪﻱ: ﺗﺒﻜﻲ ﻭﻋﺎﻟﺖ ﺻﻮﺗﻬﺎ ﻉ ﻣﻮﺳﻲ
ﺍﺻﻼ ﻫﻴﺎ ﺍﻟﻲ ﻣﺶ ﺗﻤﺎﻡ ﻭﻋﺎﺑﺎﺕ ﻓﻴﻨﺎ ﺗﺤﺴﺒﻨﺎ ﺻﺎﻳﻌﺎﺕ ﻛﻴﻔﻬﺎ
ﻭﺍﻧﺎ ﻓﻲ ﻋﺰ ﺍﺑﻜﺎﻱ ﻓﺘﺤﺖ ﺍﻋﻴﻮﻧﻲ ﻭﺍﻧﺼﺪﻣﺖ ﻣﻦ ﻛﻠﻤﺔ ﻫﺪﻱ
ﻭﻛﻠﻨﺎ ﻓﻨﺼﻨﺎ
ﻣﻮﺳﻲ : ﺷﻦ ﻗﺎﻟﺘﻲ ﻣﺎﺳﻤﻌﺘﺶ
ﺍﻫﺎ ﺷﻦ ﻗﺎﻟﺘﻲ ﻭﺑﺪﺃ ﻓﻲ ﻫﺪﻱ ﺿﺮﺏ ﻛﺮﺷﻮﺍﺕ ﻉ ﻛﻔﻮﻑ
ﺍﺟﺪﻳﺪﻩ : ﺣﻴﺪ ﻣﻦ ﻋﻠﻲ ﺑﻨﺖ ﻗﺘﻠﺘﻬﺎ ﺣﻮﻝ ﻫﻜﻲ
ﻣﺒﺮﻭﻙ: ﻭﺍﺍﺍﻭ ﻋﻠﻴﻨﺎ ﻭﻭﺍﺍﻭ ﻗﺘﻠﺖ ﺍﻟﺒﻨﺖ ﺣﻮﻝ ﺍﻟﻠﻪ ﻻﻳﺴﺎﻣﺤﻚ ﺍﻟﻠﻪ
ﻻﻳﺴﺎﻣﺤﻚ
ﺗﺒﻌﺪ ﻣﻮﺳﻲ ﻣﻦ ﻉ ﻫﺪﻱ ﺍﻟﻲ ﻛﺎﻥ ﺷﻌﺮﻫﺎ ﻣﺘﻨﺘﺶ ﻭﺟﻬﺎ ﻣﻨﺤﻤﺮ
ﺍﺗﻔﻮﻭﻭﻭﻩ ﻭﺳﺨﺎﺕ ﺍﻗﺴﻢ ﺑﺮﺑﻲ ﻣﺎﻋﺪ ﻓﻲ ﺍﻃﻠﻮﻉ ﻣﻦ ﺣﻮﺵ ﻻﻱ ﻣﻜﺎﻥ
ﺧﻠﻨﻜﻦ ﻫﻨﺎ ﻋﻨﺪ ﻣﺎﺗﺮﺑﻦ ﻳﺎﻣﺴﺨﺎﺕ
ﻭﺍﻧﺘﻲ ﻳﺎﻓﺮﺧﺎ ﺣﻴﺎﻩ ﻗﻌﺪﺗﻚ ﻓﻲ ﺣﻮﺵ ﻣﺶ ﺣﻄﻮﻝ
ﺍﻧﺠﻮﺯﻭﻙ ﻗﺒﻞ ﻣﺎﺗﺮﻛﺒﻴﻨﺎ ﺍﻟﻌﺎﺭ ﻭﻓﻀﺎﻳﺢ ﻣﻊ ﻃﻠﻴﻘﻚ ﻳﺎﺣﻘﻴﺮﻩ
ﻭﻃﻠﻊ ﻭﺍﻧﻬﺮﺕ ﻓﺎﻃﻤﻪ ﺑﻜﺎ
ﻭﺟﺖ ﺍﺟﺪﻳﺪﻩ ﻗﻌﻤﺰﺕ ﻭﺿﺒﻄﺘﻨﺎ
ﺍﺟﺪﻳﺪﻩ : ﻭﺩﻣﻮﻉ ﻓﻲ ﻋﻴﻮﻧﻬﺎ
ﻳﺎﻧﺎ ﻋﻠﻴﺎ ﺍﻧﺎ ﻣﻦ ﺑﺨﺘﻜﻦ ﻭﺣﻈﻜﻦ ﺍﻟﻌﻄﻴﺐ
ﺭﻋﺸﻜﻦ ﻳﺄﺧﺬ ﺳﻮﻛﻦ ﺍﻥ ﺷﺎﺀ ﺍﻟﻠﻪ ﻋﻄﺎ ﻣﺎﻳﻄﻘﺎ ﻫﻮ ﻭﺍﻟﻌﻘﺮﺏ ﺍﻟﻲ ﻋﻨﺪﺍ
ﺧﺰﻱ ﻋﻠﻲ ﺑﻮﻙ ﺗﺮﺑﺎﻳﺎ ﺳﻮﺩﺍ
ﻣﺒﺮﻭﻛﻪ : ﻛﻠﺐ ﻳﻜﻠﺒﺎ ﻛﻠﺒﺘﺎ ﻫﺎﻟﻤﺮﺃ ﺑﺘﺠﻨﻨﺎ ﻭﺍﻟﻠﻪ ﻣﺎﻫﻮ ﺻﺎﻓﻲ ﺍﻟﻌﻴﻞ
ﻣﺴﺤﻮﺭ
ﻭﻛﻨﺖ ﺍﻧﺎ ﻭﻫﺪﻱ ﻭﻓﺎﻃﻤﻪ ﺍﻧﺘﺒﺎﻛﻮ ﻭﻛﻞ ﻭﺣﺪﻩ ﺗﺒﻜﻲ ﻉ ﻋﻴﺸﺘﻨﺎ ﺍﻟﻲ
ﻋﻴﺸﻴﻨﻬﺎ ﻭﻣﺶ ﻭﺧﺬﻳﻦ ﻓﻴﻬﺎ ﺣﻖ ﻣﻦ ﺣﻘﻮﻗﻨﺎ
ﻣﺒﺮﻭﻛﻪ : ﺧﻼﺹ ﻳﺎﺑﻨﺎﺕ ﻧﻮﺿﻦ ﺍﻏﺴﻠﻦ ﻭﺟﻮﻫﻜﻦ ﻭﻣﺎﺗﻌﺪﻟﻨﺶ ﻋﻠﻴﻪ ﺗﻮ
ﻳﺠﻲ ﺑﺎﺗﻜﻦ ﻭﻧﺤﺮﺷﺎ ﻓﻴﻪ
ﺍﻧﺎ : ﺑﺪﻭﻥ ﻣﺎﻧﺤﺲ ﻉ ﺭﻭﺣﻲ ﺗﻤﻴﺖ ﻧﻀﺤﻚ
ﻭﺭﻛﺒﺖ ﻓﻴﺎ ﻫﺴﺘﻴﺮﻳﺔ ﺿﺤﻚ ﺍﺳﺘﻐﺮﺑﻮ ﻓﻴﺎ
ﺍﺟﺪﻳﺪﻩ : ﺑﺴﻢ ﺍﻟﻠﻪ ﻛﺎﻧﻚ ﻳﺎﺑﻨﻴﺘﻲ
ﻣﺒﺮﻭﻛﻪ : ﻛﻨﻬﺎ ﺗﻀﺤﻚ ﻫﻜﻲ
ﻭﺍﻧﺎ ﻛﻨﺖ ﺧﻼﺹ ﻣﻦ ﺿﺤﻚ ﻋﻨﺪ ﺣﺴﻴﺖ ﺑﻄﻨﻲ
ﻭﺗﺒﺤﺖ ﻓﻴﺎ ﻫﺪﻱ ﺍﻟﻲ ﻛﺎﻧﻦ ﺍﻋﻴﻮﻧﻬﺎ ﺣﻤﺮ ﻭﺷﻌﺮﻫﺎ ﻣﺮﺍﻳﺶ ﻭﻓﻴﻬﺎ
ﺗﺨﺒﻴﺶ ﻉ ﺧﺪﻫﺎ
ﻭﺗﺒﺤﺖ ﻓﻴﺎ ﻭﺗﻄﺮﺑﻖ ﺿﺤﻚ ﺍﻣﻌﺎﻳﺎ
ﻭﻓﺎﻃﻤﻪ ﺗﻤﺖ ﻣﺒﺘﺴﻤﻪ ﺍﻣﻌﺎﻧﺎ ﻭﺗﺴﺄﻝ ﻓﻴﻨﺎ ﻛﻨﻜﻦ
ﻭﺍﺟﺪﻳﺪﻩ ﻭﻣﺒﺮﻭﻙ ﻣﺴﺘﻐﺮﺑﺎﺕ ﻭﻣﺶ ﻓﻬﻤﺎﺕ ﺷﻲ
ﺍﻧﺎ : ﺍﻟﻲ ﻛﻨﺖ ﻣﺶ ﻟﻘﻴﺎ ﻧﻔﺲ ﻟﻠﻀﺤﻚ
ﺳﻤﻌﺘﻦ ﺷﻦ ﻗﺎﻟﺖ ﻳﺠﻲ ﺑﺎﺗﻜﻦ ﻧﺤﺮﺷﺎ ﻓﻴﻪ
ﻉ ﺍﺳﺎﺱ ﺑﺎﺗﻲ ﺑﻴﺪﻳﺮ ﺣﺎﺟﻪ ﻭﻫﻮ ﺍﻟﻲ ﻣﺨﻠﻴﻬﻢ ﻫﻜﻲ
ﻭﻛﻨﺖ ﻧﻀﺤﻚ ﻭﺧﻠﻂ ﺍﻟﻀﺤﻚ ﻉ ﺑﻜﻴﺎ ﺑﺎﻟﻌﺒﺮﻩ ﻭﺩﻣﻮﻉ ﺗﻤﻦ ﻛﻴﻒ ﺷﻼﻝ
ﻳﻨﺰﻟﻦ ﻣﻨﻲ
ﻭﺗﻤﻴﺖ ﻧﺒﻜﻲ ﻛﺄﻧﺎ ﻋﻨﺪﻱ ﺣﺪ ﻣﻴﺖ ﻭﻛﺄﻥ ﺍﻟﻤﻴﺖ ﻫﺬﺍ ﻏﺎﻟﻲ ﻋﻠﻴﺎ
ﻭﺑﻜﻴﺖ ﺍﻣﻌﺎﻳﺎ ﺍﺟﺪﻳﺪﻩ ﻭﻣﺒﺮﻭﻛﻪ ﻭﺑﻨﺎﺕ
ﺍﻧﺎ : ﺍﻟﻲ ﻛﻨﺖ ﻧﺤﻜﻲ ﺑﺎﻟﻌﺒﺮﻩ ﻭﻣﺘﻜﻴﺎ ﻉ ﺩﻭﻻﺏ ﻭﻣﻘﻌﻤﺰﺍ ﻭﻟﻤﺎ ﻛﺮﻋﻴﺎ
ﻗﺪﺍﻣﻲ ﻭﻧﺤﻜﻲ ﻭﺣﻄﺎ ﺍﻳﺪﻱ ﻉ ﻓﻤﻲ
ﻟﻴﺶ ﻟﻴﺶ ﺣﻴﺎﺗﻨﺎ ﻫﻜﻲ ﺷﻦ ﺍﻟﻐﻠﻂ ﺷﻦ ﺍﻟﺬﻧﺐ ﺍﻟﻲ ﻧﺤﻨﺎ ﺍﺭﺗﻜﺒﻨﺎﻩ
ﺧﻠﻬﻢ ﻳﻌﻤﻠﻮﻧﺎ ﻫﻜﻲ
ﻋﻠﻴﺶ ﻟﻴﺶ ﻧﺤﻨﺎ ﻧﺘﻌﺎﻣﻠﻮ ﻫﻜﻲ ﺑﺴﺒﺐ ﺍﻥ ﺑﻨﺎﺕ ﻭﻛﻞ ﺫﻧﺒﻨﺎ ﺍﻥ ﺭﺑﻲ
ﺧﻠﻘﻨﺎ ﺑﻨﺎﺕ
ﺷﻦ ﺫﻧﺒﻨﺎ ﻧﺤﻨﺎ ﻛﺎﻥ ﻫﻤﺎ ﻭﺧﺬﻳﻦ ﺻﺒﺎﻳﻬﻢ ﺑﻌﻼﻗﺎﺕ ﻭﻣﻠﺒﺰﻳﻦ ﺍﻣﻌﺎﻫﻦ
ﻭﻗﺒﻠﻬﺎ ﺩﻳﺮﻳﻦ ﻋﻼﻗﺎﺕ ﺏ ﺑﻨﺎﺕ ﻳﺤﺴﺒﻮﻧﺎ ﺣﺘﻲ ﻧﺤﻨﺎ ﻛﻴﻒ ﺍﻟﻲ ﻋﺮﻓﻮﻫﻦ
ﻫﺬﺍ ﺫﻧﺒﻨﺎ ﻧﺤﻨﺎ ﺍﻥ ﻧﺪﻓﻌﻮ ﻓﻲ ﻏﻠﻄﻬﻢ ﻫﻤﺎ ﻭﺗﻠﺒﻴﺰﻫﻢ
ﻟﻴﺶ ﻳﺎﺭﺑﻲ ﻟﻴﺶ
ﺭﺑﻲ ﻳﺄﺧﺬﻧﻲ ﻳﺎﺭﻳﺘﻨﻲ ﺍﻧﺎ ﺍﻟﻲ ﻣﺘﺖ ﻣﺶ ﻣﺎﻣﺎ ﻳﺎﺭﻳﺖ ﺍﻧﺎ ﻭﻫﻴﺎ ﻋﺎﺷﺖ
ﺭﺑﻲ ﻳﺄﺧﺬﻧﻲ ﺭﺑﻲ ﻳﺄﺧﺬﻧﻲ
ﻭﻛﺎﻧﺖ ﺍﺟﺪﻳﺪﻩ ﻭﻣﺒﺮﻭﻛﻪ ﻳﺘﺒﺎﻛﻦ ﻉ ﻛﻼﻣﻲ
ﺍﻟﻲ ﻭﺟﻌﻬﻦ ﺍﻟﻲ ﺣﺴﻨﺎ ﻛﻼ ﺻﺎﺡ
ﺍﻟﻲ ﻛﺎﻥ ﺑﺴﺒﺐ ﺍﻥ ﺧﻮﺗﻲ ﺩﺍﺭﻭ ﻋﻼﻗﺎﺕ ﻭﻛﺎﻧﻮ ﻳﺘﻌﺮﻓﻮ ﻉ ﺑﻨﺎﺕ ﻗﻌﺪ
ﻣﻌﺶ ﻋﻨﺪﻫﻢ ﺛﻘﻪ ﺣﺘﻲ ﻓﻴﻨﺎ ﻭﻣﻦ ﻛﺜﺮ ﺧﻮﻓﻬﻢ ﻋﻠﻴﻨﺎ ﻭﻣﻦ ﻛﺜﺮ ﻣﺎﻫﻤﺎ
ﺧﺎﻳﻔﻴﻦ ﻧﻐﻠﻄﻮ ﺣﺒﺴﻮﻧﺎ ﻭﻗﺴﻮ ﻋﻠﻴﻨﺎ
ﺻﺒﻴﺖ ﻭﻧﺎ ﺍﻧﺤﺲ ﻓﻲ ﺭﻭﺣﻲ ﺩﺍﻳﺨﺎ ﻣﻦ ﻟﺒﻜﺎ ﻭﻣﻦ ﺿﺮﺏ ﺍﻟﻲ ﻣﻦ ﻛﺜﺮ
ﻣﺎﺿﺮﺑﻨﻲ ﻗﻌﺪﺕ ﺍﻧﺤﺲ ﻓﻲ ﺟﺴﻤﻲ ﻛﻼ ﻳﻮﺟﻊ ﻭﻣﺶ ﻋﺎﺭﻓﻪ ﺍﻧﺤﺪﺩ ﻓﻲ
ﺍﻱ ﻣﻜﺎﻥ ﻣﻀﺮﻭﺑﻪ ﻻﻥ ﺟﺴﻤﻲ ﻛﻼ ﻛﺎﻥ ﻳﺴﻄﺮ
ﺧﺸﻴﺖ ﺍﻟﺤﻤﺎﻡ ﻭﺳﻜﺮﺗﺎ ﻋﻠﻴﺎ ﻭﺣﻠﻴﺖ ﺍﻟﺪﺵ ﻭﻗﻌﻤﺰﺕ ﺗﺤﺘﺎ
ﻭﺗﻤﻴﺖ ﻧﺒﻜﻲ
ﻭﺑﻌﺪ ﺳﺎﻋﻪ ﻃﻠﻌﺖ ﻟﻘﻴﺖ ﻓﺎﻃﻤﻪ ﻣﻘﻌﻤﺰﺍ ﻉ ﺳﺮﻳﺮ ﺍﻣﺘﺎﻋﻬﺎ ﻭﺳﺎﺭﺣﺎ
ﻭﻫﺪﻱ ﻟﻤﺎ ﺷﻌﺮﻫﺎ ﻭﻣﺮﺑﻌﺎ ﻛﺮﻋﻴﻬﺎ ﻓﻮﻕ ﺍﻟﺴﺮﻳﺮ ﻭﺗﻘﻠﺐ ﻓﻲ ﻓﻮﻥ
ﺍﻣﺘﺎﻋﻬﺎ
ﻓﺎﻃﻤﻪ : ﻧﻌﻴﻤﺎ
ﺍﻧﺎ : ﺑﺼﻮﺕ ﻭﺍﻃﻲ ﺍﻟﻠﻪ ﻳﻨﻌﻢ ﻋﻠﻴﻚ
ﻫﺪﻱ: ﺑﻨﺼﺒﻲ ﺍﻧﺪﻭﺵ ﺣﺘﻲ ﺍﻧﺎ
ﺍﺍﺍﺍﻫﺎ ﺭﺍﺳﻲ ﻣﺼﺪﻉ ﺑﻜﻞ ﺣﺴﺎ ﻭﺷﻌﺮﻱ ﻳﻮﺟﻊ ﻓﻴﺎ
ﻋﻄﺎ ﻛﺴﺮ
ﺍﻧﺎ : ﺣﺘﻲ ﺍﻧﺎ ﺍﻧﺤﺲ ﻓﻲ ﺷﻌﺮﻱ ﺑﻜﻞ ﻣﻦ ﺗﻨﺘﻴﺶ ﻭﻓﺨﺬﻱ ﻣﻦ ﻫﻨﺎ
ﺷﻮﻓﻦ ﻛﻴﻒ ﻟﻄﻊ ﻭﺗﻤﺖ ﺧﻈﺮ ﻉ ﻣﻮﺭﺍ ﻉ ﺣﻤﺮﺍ
ﻓﺎﻃﻤﻪ : ﻫﻴﻴﻴﻴﻲ ﻋﻠﻴﻚ ﺿﺮﺑﺎ ﻏﺠﺮﻱ ﻟﺤﻤﺎﺭ
ﺍﻧﺎ : ﺍﻫﺎ ﺷﻜﻼ ﻛﺮﺷﻮ ﻫﺬﺍ
ﻫﺪﻱ: ﺍﻧﻌﺪﻱ ﺍﻧﺪﻭﺵ ﺣﺘﻲ ﺍﻧﺎ ﻭﻧﻜﺘﺸﻒ ﺍﻟﻀﺮﺑﺎﺕ ﺍﻟﻲ ﻓﻴﺎ ﻫﻬﻬﻪ
ﻃﻠﻌﺖ ﻫﺪﻱ ﺍﻟﻲ ﻛﻨﺖ ﻣﻨﻘﻬﺮﺍ ﻭﻣﺤﺮﻭﻗﻪ ﻣﻦ ﺟﻮ ﺑﺲ ﺣﺒﺖ ﺍﺗﻤﺸﻲ
ﻛﻞ ﺷﻲ ﺑﻀﺤﻜﺎ ﻭﺟﻮ
ﻭﻻ ﺧﻠﻮﻧﻲ ﺍﻧﻘﻮﻝ ﺍﻥ ﺗﻌﻮﺩﻧﺎ ﻧﻨﻀﺮﺑﻮ ﻭﻧﺄﺧﺬﻭ ﺍﻟﻤﻮﺿﻮﻉ ﺑﻀﺤﻜﻪ ﻭﺑﺼﺎﺭﻩ
ﻭﺗﻌﻠﻴﻖ
ﺻﻠﻴﺖ ﻭﺩﻋﻴﺖ ﺭﺑﻲ ﻳﻔﺮﺟﻬﺎ ﻋﻠﻴﺎ ﻭﻋﻠﻲ ﺧﻮﺍﺗﻲ
ﺧﺸﻴﺖ ﺍﻟﺴﺮﻳﺮ ﻭﺗﻐﻄﻴﺖ ﻭﻣﻌﺶ ﻧﻨﺪﺭﻱ ﻉ ﺷﻲ
~~~~~~~~~~~~
ﻣﺮﺍً ﺍﺳﺒﻮﻋﻴﻦ
ﻭﻓﻲ ﺍﻻﺳﺒﻮﻋﻴﻦ ﻫﺬﻳﻨﺎ ﻣﺎﻛﻨﺶ ﻓﻲ ﺟﺪﻳﺪ ﻓﻲ ﺣﻴﺎﺗﻲ ﻛﻨﺖ ﺍﻧﻀﻢ
ﻭﻧﺤﻮﺱ ﻭﻧﻄﻴﺒﻮ ﻭﻧﻜﺴﺪﻭ ﻭﻧﻬﺪﺭﺯﻭ ﻣﻊ ﺑﻌﻀﻨﺎ
ﺣﺘﻲ ﺟﺎﻧﺎ ﻋﺮﺱ ﻣﺸﻦ ﺍﻣﻲ ﻭﻣﺒﺮﻭﻛﻪ
ﺑﺲ ﺍﻧﺎ ﻭﻫﺪﻱ ﻗﻌﺪﻧﺎ ﻻﻥ ﻣﺤﺮﻭﻣﺎﺕ ﻣﻦ ﻟﻄﻠﻮﻉ ﻭﻓﺎﻃﻤﻪ ﻣﺎﺑﺘﺶ ﺗﻤﺸﻲ
ﻗﻌﺪﺕ ﻣﻌﺎﻧﺎ
ﻭﻣﺒﺮﻭﻛﻪ ﻗﺎﻟﺖ ﻟﺒﺎﺗﻲ ﺍﻥ ﻣﻮﺳﻲ ﺿﺮﺑﻨﺎ ﻭﻛﺎﻧﺖ ﺍﻟﺮﺩﺍ ﻛﺎﻟﻌﺎﺩﻩ
ﺩﺑﻴﻨﺎ ﻣﻮﺳﻲ ﺿﺮﺑﻬﻦ ﻓﺄﻛﻴﺪ ﺩﻳﺮﺍﺕ ﻏﻠﻂ ﻭﻋﺬﺍ ﺧﻮﻫﻦ ﻭﻳﺒﻲ ﻣﺼﻠﺤﺘﻬﻦ
ﻭﺍﻣﺎ ﺑﺎﻟﻨﺴﺒﻪ ﻟﻨﺎ ﻧﺤﻨﺎ ﻋﺎﺩﻱ ﻧﻨﻀﺮﺑﻮ ﻭﻧﻨﻬﺎﻧﻮ ﻇﻠﻢ ﻭﺑﺎﻃﻞ
~~~~~~~~~~
ﻭﻧﺤﻨﺎ ﺍﻣﻘﻌﻤﺰﺍﺕ ﻓﻲ ﺟﻨﺎﻥ ﻭﻃﺮﺣﺎﺕ ﺣﺼﻴﺮ
ﻭﺩﻳﺮﺍﺕ ﺍﺳﺒﻮﻝ ﻭﺷﺎﻫﻲ ﻭﻧﻬﺪﺭﺯ ﺍﻧﺎ ﻭﺑﻨﺎﺕ ﺭﻥ ﻣﻮﺑﺎﻳﻞ ﻓﺎﻃﻤﻪ
ﻓﺎﻃﻤﻪ : ﺍﻟﻮﻭﻭ ﻧﺠﻚ ﻟﻴﺎ ﺷﻦ ﺟﻮﻙ
ﻫﺎﺟﺮ: ﺗﻤﺎﻡ ﺍﻧﺘﻦ ﺷﻦ ﺟﻮﻙ ﺭﺍﻳﻔﺖ ﻋﻠﻴﻜﻦ
ﻓﺎﻃﻤﻪ : ﻧﺤﻨﺎ ﺗﻤﺎﻡ ﺍﻧﺘﻲ ﺍﻟﻲ ﻭﻳﻦ ﻟﻜﻲ ﺷﻬﺮ ﻻﻛﻠﻤﺘﻲ ﻭﻻ ﺳﺄﻟﺘﻲ
ﻳﺎﺣﻨﻪ ﺷﻜﻠﻚ ﻣﺎﺻﺪﻗﺘﻲ ﺍﺯﻭﺟﺘﻲ
ﻫﺎﺟﺮ: ﻫﻬﻬﻬﻬﻪ ﻋﺪﺍ ﺭﻭﺍﺩ ﻭﺍﺧﺬ ﻣﻨﻲ ﺍﻟﻔﻮﻥ ﻭﺳﻜﺮﺍ ﻗﺎﻟﻲ ﻣﺎﺗﻜﻠﻤﻴﺶ
ﺣﺪ ﺍﻻ ﺑﻌﺪ ﺷﻬﺮ ﻏﻴﺮ ﺍﺟﺪﻳﺘﺎ ﻭﺩﺭﺗﻼ ﺍﻃﺮﻭﺡ ﻭﺑﻜﻴﺖ ﻭﻗﺘﻼ ﺑﻨﺴﺄﻝ ﻉ
ﺧﻮﺍﺗﻲ ﺍﻣﺮﺍﻳﻔﺎ ﻋﻠﻴﻬﻦ ﺑﻴﺶ ﺣﻦ ﻋﻠﻴﺎ ﻭﻋﻄﺎﻩ ﻟﻴﺎ
ﻓﺎﻃﻤﻪ : ﺻﺪﻕ ﻭﺍﻟﻠﻪ ﺻﺎﺡ ﻟﻪ
ﻫﺎﺟﺮ: ﻛﻴﻒ ﺣﺎﻝ ﺍﻣﻲ ﻭﺍﻣﻲ ﻣﺒﺮﻭﻙ ﻭﺑﺎﺗﻲ
ﻓﺎﻃﻤﻪ : ﻻ ﻛﻠﻬﻢ ﻛﻮﻳﺴﻴﻦ ﺍﻣﻲ ﻭﻣﺒﺮﻭﻛﻪ ﻓﻲ ﻋﺮﺱ ﻗﻌﺪﺍﺕ ﻭﺑﺎﺗﻲ ﻓﻲ
ﻋﺰﺍﺀ ﻫﻮ ﻭﻟﻌﻴﺎﻝ
ﻫﺎﺟﺮ: ﻋﺰﺍﺀ ﻣﻦ
ﻓﺎﻃﻤﻪ : ﻋﺰﺍﺀ ﻣﺮﺍﺕ ﻋﺒﺪ ﺍﻟﻠﻪ ﻭﺃﻭﻟﻴﺪﺍ ﺍﻟﻠﻪ ﻳﺮﺣﻤﻬﻢ
ﻫﺎﺟﺮ: ﻫﻴﻴﻴﻴﻴﻴﻲ ﻗﺼﺪﻙ ﻣﺎﺗﺖ ﻣﺮﺍﺗﺎ
ﻓﺎﻃﻤﻪ : ﺍﻫﺎ ﻣﺴﻜﻴﻦ
ﻫﺎﺟﺮ: ﻻ ﺍﻟﻪ ﺍﻻ ﺍﻟﻠﻪ ﺑﺎﻫﻲ ﺣﻴﺎﻩ ﺷﻦ ﺩﺍﺭﺕ
ﻓﺎﻃﻤﻪ : ﺷﻲ ﻋﺎﺩﻱ
ﻫﺎﺟﺮ: ﺟﻨﺒﻚ ﺍﻟﺒﻨﺎﺕ
ﻓﺎﻃﻤﻪ : ﺍﻫﺎ ﻗﻌﺪﺍﺕ ﻣﻘﻌﻤﺰﺍﺕ ﻓﻲ ﺟﻨﺎﻥ
ﻫﺎﺟﺮ: ﺍﻟﻠﻪ ﺭﺍﻳﻔﺖ ﻋﺎﻟﺠﻮ ﺍﻣﺘﺎﻋﻨﺎ
ﻓﺎﻃﻤﻪ : ﻻ ﺍﻓﺘﻜﻴﺘﻲ ﻣﻨﺎ ﺍﺻﻼ ﺍﻣﺲ ﺣﺼﻠﻨﺎ ﻃﺮﻳﺤﻪ ﻫﻬﻬﻪ
ﻫﺎﺟﺮ: ﻻﻻ ﻋﻠﻴﺶ
ﻓﺎﻃﻤﻪ : ﺗﻲ ﺗﻮ ﻓﻮﺗﻲ ﻣﺄﺳﺎﺗﻨﺎ ﻧﺤﻨﺎ ﺍﻧﺘﻲ ﺍﺣﻜﻴﻠﻨﺎ ﺷﻦ ﺟﻮﻙ
ﻫﺪﻱ: ﻫﺎﺗﻲ ﻧﺒﻲ ﺍﻧﻜﻠﻤﻬﺎ
ﻓﺎﻃﻤﻪ : ﻫﺎﻛﻲ ﺗﺒﻴﻚ ﻫﺪﻱ
ﻭﻛﻠﻤﺖ ﻫﺎﺟﺮ ﻫﺪﻱ ﻭﺑﻌﺪﻫﺎ ﻛﻠﻤﺘﻨﻲ ﺍﻧﺎ ﻭﻫﺪﺭﺯﻧﺎ ﻣﻊ ﺑﻌﻀﻨﺎ ﻭﻋﻄﺘﻨﺎ
ﺍﺧﺒﺎﺭﻫﺎ ﻋﺎﻟﺴﺮﻳﻊ ﻭﻗﺎﻟﺘﻠﻨﺎ ﺍﻻﻳﺎﻡ ﻫﺬﻳﻨﺎ ﺗﻮ ﺍﻧﺠﻲ ﺍﻧﺪﻳﺮﻟﻜﻢ ﺯﻳﺎﺭﻩ
~~~~~~~~~~~~~~
ﻣﻨﺬﺭ: ﺍﻣﻲ ﻳﺎ ﺃﻣﻲ
ﺳﺎﻟﻤﻪ : ﻧﻌﻢ ﻛﻨﻚ
ﻣﻨﺬﺭ: ﻛﻠﻤﻨﻲ ﻳﻮﺳﻒ ﻭﻗﺎﻝ ﺟﺎﻱ ﺍﻟﻴﻮﻡ ﺍﻟﻠﻴﻞ ﺭﺍﻩ
ﺳﺎﻟﻤﻪ : ﺻﺎﺡ ﺑﻪ ﺍﻟﺤﻤﺪ ﺍﻟﻠﻪ ﺑﺎﻟﻲ ﺍﻟﻲ ﻳﺒﻲ ﻳﺮﻭﺡ
ﻣﻨﺬﺭ: ﺍﻫﺎ ﺩﻳﺮﻱ ﺟﻮﻛﻢ ﻋﺎﺩﺍ
ﺍﻧﺎ ﻃﺎﻟﻊ ﻃﺎﻕ ﻓﻲ ﺟﻤﺎﻋﺎ ﻫﻨﺎ ﻭﺗﻮ ﺍﻧﺠﻲ ﺑﻌﺪﻳﻦ
ﺳﺎﻟﻤﻪ : ﺑﺎﻫﻲ
~~~~~~~~~
ﺍﺭﻭﻱ: ﻓﻴﺼﻞ ﺑﻴﺶ ﺍﺗﺠﻴﺒﻠﻲ ﻣﻌﺎﻙ ﺑﺎﻣﺒﺮﺯ ﻟﻠﺒﻨﺎﺕ ﻳﺒﻲ ﻳﻜﻤﻞ
ﻓﻴﺼﻞ : ﺑﻪ ﻭﺷﻦ ﺍﺧﺮﻩ
ﺍﺭﻭﻱ: ﻻ ﻫﻜﻲ ﺑﺲ
ﻓﻴﺼﻞ : ﺣﺎﻇﺮ ﺍﻧﺎ ﺍﺷﻮﻳﻪ ﻭﻧﻜﻤﻞ ﺍﻟﺤﺎﻻﺕ ﺍﻟﻲ ﻋﻨﺪﻱ
ﺍﺭﻭﻱ: ﻣﺎﺷﻲ ﺭﺩ ﺑﺎﻟﻚ ﻉ ﺭﻭﺣﻚ
~~~~~~~~~~
ﺍﺑﺮﺍﻫﻴﻢ : ﻳﺎﺣﺎﺝ ﻳﻮﺳﻒ ﻗﺎﻝ ﺟﺎﻱ ﺍﻟﻴﻮﻡ
ﻋﻠﻲ : ﺑﺎﻫﻲ ﺑﺎﻫﻲ ﻳﺠﻲ ﻃﻴﺐ
ﺍﺑﺮﺍﻫﻴﻢ : ﺯﻋﻤﻚ ﺷﻦ ﻳﻜﻮﻥ ﻓﻜﺮ
ﻋﻠﻲ : ﺍﻛﻴﺪ ﻳﻮﺳﻒ ﻋﺎﻗﻞ ﻭﻳﻌﺮﻑ ﻳﻔﻜﺮ ﻭﺍﻛﻴﺪ ﻓﻜﺮ ﻓﻲ ﻛﻼﻣﻨﺎ ﻭﺗﻮ
ﺍﺗﺸﻮﻑ ﻭﻳﻘﻮﻟﻠﻨﺎ ﻗﻮﻟﻮ ﻻﻣﻲ ﺍﺩﻭﺭﻟﻲ ﻉ ﻋﺮﻭﺱ
ﺍﺑﺮﺍﻫﻴﻢ : ﺍﻥ ﺷﺎﺀ ﺍﻟﻠﻪ ﻭﺍﻟﻠﻪ ﻫﺬﺍ ﺍﻟﻲ ﺍﻧﺘﻤﻨﺎﻩ
ﻋﻠﻲ : ﻭﻳﻦ ﺟﻤﺎﻝ
ﺍﺑﺮﺍﻫﻴﻢ :ﻓﺎﻟﺤﻮﺵ ﺳﻴﺒﺘﺎ ﻗﺎﻟﻲ ﻋﻨﺪﻱ ﺑﺮﺩ ﻭﺍﻧﺤﺲ ﻓﻲ ﺭﻭﺣﻲ ﺑﻨﻤﺮﺽ
ﻋﻠﻲ : ﺍﻫﺎ ﺑﻪ ﺗﻤﺸﻮ ﺍﻧﺸﻮﻓﻮﻩ ﻛﻨﺎ
ﺍﺑﺮﺍﻫﻴﻢ : ﻫﻴﺎ
ﻭﺻﺒﻮ ﺍﻟﺤﺎﺝ ﻋﻠﻲ ﻭﺍﺑﺮﺍﻫﻴﻢ ﺑﺎﺕ ﻳﻮﺳﻒ ﺍﻳﺸﻮﻓﻮ ﻓﻲ ﺳﻴﺪ ﻳﻮﺳﻒ ﺟﻤﺎﻝ
~~~~~~~~~~
ﺭﻭﺣﻦ ﺍﺟﺪﻳﺪﻩ ﻭﻣﺒﺮﻭﻛﻪ ﻣﻦ ﺍﻟﻌﺮﺱ ﻭﻫﺪﺭﺯﻟﻠﻨﺎ ﻋﻠﻴﻪ
ﻭﺟﻮ ﺑﺎﺗﻲ ﻭﻟﻌﻴﺎﻝ ﻭﺩﺭﻧﺎ ﻋﺸﺎﺀ ﻭﺗﻌﺸﻴﻨﺎ ﻭﺧﺸﻴﻨﺎ ﻏﺴﻠﻨﺎ ﻟﻤﻮﺍﻋﻴﻦ ﻭﺑﻌﺪﻫﺎ
ﺧﺸﻦ ﺑﻨﺎﺕ ﻳﺸﻠﻄﻦ ﻭﺍﻧﺎ ﺧﺬﻳﺖ ﻣﺼﺤﻒ ﻭﻗﻌﺪﺕ ﻧﻘﺮﺃ ﻓﻲ ﻗﺮﺁﻥ ﻓﻲ
ﻣﺮﺑﻮﻋﺎ
ﻫﺪﻱ: ﺍﻣﺘﺎ ﺑﻄﻠﻊ ﺍﻟﻌﺮﺱ
ﺍﻳﻤﻦ : ﻫﻬﻬﻬﻬﻪ ﻣﺎﻫﻮ ﻗﻠﻨﺎ ﺳﻨﻪ ﺍﻟﺠﺎﻳﻪ
ﻫﺪﻱ: ﺍﻫﺎ ﻭﺗﻨﻬﺪﺕ
ﺍﻳﻤﻦ : ﻛﻨﻚ
ﻫﺪﻱ: ﺷﻲ
ﺍﻳﻤﻦ : ﺍﻧﺘﻲ ﻣﻦ ﺍﻣﺲ ﻧﺴﺄﻝ ﻓﻴﻚ ﻭﺗﻘﻮﻟﻴﻠﻲ ﺷﻲ ﻛﻨﻚ ﻳﺎﻫﺪﻱ ﺻﻮﺗﻚ
ﻣﺶ ﻋﺠﺒﻨﻲ ﻓﻴﻚ ﺣﺎﺟﻪ
ﻫﺪﻱ: ﺗﻤﺖ ﺗﺒﻜﻲ . ﻣﻠﻴﺖ ﻣﻠﻴﺖ ﻧﺒﻴﻚ ﻭﺑﻨﻘﻌﺪ ﺍﻧﻜﻮﻥ ﺟﻨﺒﻚ ﻭﺑﻨﻌﻴﺶ
ﺍﻣﻌﺎﻙ ﻧﺒﻴﻚ ﺗﺤﻤﻴﻨﻲ ﻣﻦ ﻛﻞ ﺷﻲ ﻭﺗﺤﺎﻓﻆ ﻋﻠﻴﺎ ﺍﻧﺖ ﺍﻟﻲ ﺍﻧﺤﺲ ﺍﻣﻌﺎﻩ
ﺑﺎﻻﻣﺎﻥ ﻳﺎ ﺍﻳﻤﻦ
ﺍﻳﻤﻦ : ﻛﻨﻚ ﻳﺎﻋﻤﺮﻱ ﺍﻧﺎ ﻣﻌﺎﻙ ﻭﻣﺶ ﻣﺴﻴﺒﻚ ﻭﻋﻠﻴﺶ ﻟﺒﻜﺎ ﻳﺎﻫﺒﻼ
ﻣﻌﻘﻮﻟﻪ ﻫﺬﺍ ﻛﻼ ﻉ ﻋﺮﺱ ﻭﺍﻟﻠﻪ ﻛﺎﻥ ﺗﺒﻲ ﺑﻜﺮﻩ ﻧﺠﻮﺯﻭ ﺑﺲ ﺍﻧﺎ ﻧﺒﻲ ﻛﻞ
ﺷﻲ ﻳﻜﻮﻥ ﻛﺎﻣﻞ ﻭﻣﻴﻪ ﺍﻟﻤﻴﻪ
ﻫﺪﻱ: ﻋﺎﺭﻓﻪ ﻳﺎﺭﻭﺣﻲ ﻭﺍﻧﺎ ﺑﺲ ﻻﻥ ﻣﻀﺎﻳﻘﻪ ﻭﻣﺨﻨﻮﻗﻪ ﺣﻜﻴﺖ ﻣﻌﺎﻙ
ﻫﻜﻲ ﺍﺳﻔﻪ
ﺍﻳﻤﻦ : ﻣﻌﺶ ﺗﺄﺳﻔﻲ ﺑﺎﻟﻌﻜﺲ ﻛﻠﻤﺎ ﺍﺗﺤﺴﻲ ﺭﻭﺣﻚ ﻣﻀﺎﻳﻘﻪ ﺗﻌﺎﻟﻴﻠﻲ
ﻭﺍﺷﻜﻴﻠﻲ ﻭﺍﻧﺘﻲ ﻣﻄﻤﻨﺎ ﻳﺎﺭﻭﺣﻲ
ﺑﻌﺪﻳﻦ ﺍﻧﺎ ﻋﺎﺭﻓﻚ ﻋﻠﻴﺶ ﺗﺒﻲ ﺗﺠﻮﺯﻱ
ﻫﺪﻱ: ﺑﺼﻮﺕ ﺩﻟﻊ ﻭﻫﺎﺩﻱ ﻭﺍﻃﻲ . ﻋﻠﻴﺶ
ﺍﻳﻤﻦ : ﻋﻠﺸﺎﻥ ﺯﺭﺗﻲ ﻟﻜﻲ ﺍﻣﺲ ﺗﺤﺖ ﺷﺠﺮﻩ ﺷﻜﻠﻬﺎ ﻋﺠﺒﺎﺗﻚ
ﻫﺪﻱ: ﻫﻬﻬﻬﻬﻬﻪ ﺳﻤﺎﻁ ﻭﺍﻟﻠﻪ ﻣﺶ ﻋﻠﺸﺎﻥ ﻫﻜﻲ
ﺍﻳﻤﻦ : ﺑﺲ ﻣﻦ ﺑﻌﺪﻫﺎ ﻭﺍﻧﺘﻲ ﺗﻐﻴﺮﺗﻲ ﻭﻗﻠﺘﻴﻠﻲ ﺑﻨﺠﻮﺯ ﺍﻋﺘﺮﻓﻲ ﻳﺎﻋﻤﺮﻱ
ﻋﺎﺩﻱ ﺭﺍﻩ ﺍﻧﺎ ﺭﺍﺟﻠﻚ
ﻫﺪﻱ: ﻭﺍﻟﻠﻪ ﺍﻻ ﻋﻘﻠﻚ ﻣﺴﻮﺱ
ﺍﻳﻤﻦ : ﻳﺎﻧﺎ ﻋﻠﻴﺎ ﺗﻮ ﺍﻧﺤﻮﻝ ﺍﻧﺼﺪﻗﻚ ﻭﻧﻤﺸﻴﻬﺎ
ﻫﺪﻱ: ﻫﻬﻬﻪ ﺑﺎﻫﻲ ﺑﺎﻫﻲ ﺗﻮ ﺗﺸﻮﻑ ﻛﺎﻥ ﻗﺮﺑﺖ ﻣﻨﻲ ﻣﺮﻩ ﺍﺧﺮﻩ ﻫﺬﺍ
ﻭﺟﻬﻲ
ﺍﻳﻤﻦ : ﺗﻲ ﺍﻧﻘﺮﺏ ﻣﻨﻚ ﻭﻏﺼﺒﻦ ﻋﻨﻚ ﺍﺧﺮﻩ ﻣﺎﺗﻬﺪﺩﻳﻨﻴﺶ ﺭﺍﻩ ﺍﻧﺠﻴﻚ ﺗﻮﺍ
ﻫﺪﻱ: ﻻ ﺧﻼﺹ ﺍﻧﺒﺼﺮ
ﺍﻳﻤﻦ : ﺍﻳﻮﺍ ﻧﺎﺱ ﻣﺎﺗﺠﻴﺶ ﺍﻻ ﺑﺎﻟﻌﻴﻦ ﺍﻟﺤﻤﺮﺍ
ﻫﺪﻱ: ﻫﻬﻬﻬﻬﻪ
ﺍﻳﻤﻦ : ﺍﻳﻮﺍ ﻳﺎﻋﻴﻮﻧﻲ ﺍﺿﺤﻜﻲ ﺩﻳﻤﺎ ﻫﻜﻲ ﻭﻣﻌﺶ ﻧﺒﻴﻚ ﺗﺒﻜﻲ ﻭﻻ
ﺗﺰﻋﻠﻲ ﺭﻭﺣﻚ ﺑﺎﻫﻲ
ﻫﺪﻱ: ﺑﺎﻫﻲ
ﺍﻳﻤﻦ : ﺍﻧﺤﺒﻚ
ﻫﺪﻱ: ﻭﺍﻧﺎ ﺍﻧﻤﻮﺕ ﻓﻴﻚ
~~~~~~~~~~~~~
ﻣﻔﺘﺎﺡ: ﻫﻴﺎ ﻧﺮﺟﺎ ﻣﻦ ﺑﺪﺭﻱ ﻣﺎﺯﻟﺘﻲ ﻣﻄﻮﻻ
ﻓﺎﻃﻤﻪ : ﻣﻔﺘﺎﺡ ﻛﻨﻚ ﺍﻧﺖ ﺍﻟﻴﻮﻡ
ﻣﻔﺘﺎﺡ: ﺷﻲ ﺯﻧﺖ ﻓﻲ ﺭﺍﺳﻲ ﻭﻧﺒﻲ ﺑﻮﺳﻪ ﻣﻦ ﺣﻼﻟﻲ ﻋﻨﺪﻙ ﻣﺎﻧﻊ
ﻓﺎﻃﻤﻪ : ﻣﻨﺤﺮﺟﺎ ﻻ ﺍﻧﺖ ﻣﺶ ﻃﺒﻴﻌﻲ
ﻣﻔﺘﺎﺡ: ﻫﻴﺎ ﻳﺎ ﺗﺎﻣﺘﻲ ﻣﺎﺗﺨﻠﻴﻨﻴﺶ ﻧﺮﻗﺪ ﺯﻋﻼﻥ ﻣﻨﻚ
ﻓﺎﻃﻤﻪ : ﻭﺍﻟﻠﻪ ﻣﺎﻧﻌﺮﻑ
ﻣﻔﺘﺎﺡ: ﺗﻮ ﺍﻧﻌﻠﻤﻚ ﺩﻳﺮﻱ ﻛﻴﻒ ﻣﺎ ﺍﻧﺎ ﺍﻧﺪﻳﺮ ﻫﻜﻲ ﻫﺎ
ﺍﻣﻤﻤﻤﻤﻤﻮﻭﻭﻭﻭﻭﻩ
ﻓﺎﻃﻤﻪ : ﺳﺎﺣﺖ ﻣﻦ ﺻﻮﺕ ﺑﻮﺳﺔ ﻣﻔﺘﺎﺡ
ﻣﻔﺘﺎﺡ: ﺍﻣﻌﺎﻳﺎ ﺍﻧﺘﻲ
ﻓﺎﻃﻤﻪ : ﺍﻫﺎ ﻣﻌﺎﻙ
ﻣﻔﺘﺎﺡ: ﻫﻴﺎ ﺑﺎﻫﻲ
ﻓﺎﻃﻤﻪ : ﻗﻌﻤﺰﺕ ﻭﺳﻘﻤﺖ ﺭﻭﺣﻬﺎ ﻛﻮﻳﺲ ﻭﻛﺎﻧﺖ ﻫﺪﻱ ﺍﺗﺒﺤﺖ ﻓﻴﻬﺎ
ﻭﻣﺴﺘﻐﺮﺑﻪ ﻛﻨﻬﺎ
ﻭﻗﺪﻣﺖ ﻓﺎﻃﻤﻪ ﺍﻟﻔﻮﻥ ﻣﻦ ﻓﻤﻬﺎ
ﻭﻋﻄﺖ ﺍﻟﺒﻮﺳﻪ ﻟﻤﻔﺘﺎﺡ
ﻣﻔﺘﺎﺡ: ﻳﺎﻧﺎ ﻋﻠﻴﺎ ﺍﻧﺎ ﻧﻮﻋﻴﺘﻚ ﻣﺴﺮﻉ ﻣﺎﺗﻌﻠﻤﻲ ﺩﺭﺗﻴﻬﺎ ﺧﻴﺮ ﻣﻨﻲ ﺣﺘﻲ
ﺍﻧﺎ
ﻓﺎﻃﻤﻪ : ﻫﻬﻬﻬﻬﻬﻬﻪ ﻻ ﺍﻧﺖ ﺍﺣﻼ
ﻣﻔﺘﺎﺡ: ﺍﻧﺤﺒﻚ
ﻓﺎﻃﻤﻪ : ﺣﺘﻲ ﺍﻧﺎ ﺍﻧﺤﺒﻚ
ﻣﻔﺘﺎﺡ: ﺍﻧﻌﺪﻭ ﻧﺮﻗﺪﻭ
ﻓﺎﻃﻤﻪ : ﺑﺎﻫﻲ ﻳﺎﺭﻭﺣﻲ ﺧﻼﺹ ﺗﻐﻄﺎ ﻭﺭﺩ ﺑﺎﻟﻚ ﻉ ﺭﻭﺣﻚ
ﻣﻔﺘﺎﺡ: ﺣﺎﻇﺮ ﻳﺎﻋﻴﻮﻧﻲ
ﻓﺎﻃﻤﻪ : ﺗﺼﺒﺢ ﻉ ﺧﻴﺮ
ﻣﻔﺘﺎﺡ: ﻭﺍﻧﺘﻲ ﻣﻦ ﻫﻠﻲ ﺍﻥ ﺷﺎﺀ ﺍﻟﻠﻪ
ﻓﺎﻃﻤﻪ : ﻫﻬﻬﻬﻪ ﺑﺎﻱ
ﻭﺳﻜﺮﺕ ﻓﺎﻃﻤﻪ ﻣﻦ ﻣﻔﺘﺎﺡ ﻭﺭﻗﺪﺕ ﻟﻮﺭﺍ ﻭﺣﻀﻨﺖ ﻓﻮﻧﻬﺎ ﻻﻥ ﻣﻔﺘﺎﺡ
ﺍﻟﻴﻮﻡ ﻛﺎﻥ ﻣﻌﻬﺎ ﺭﻭﻣﺎﻧﺴﻲ ﺑﻜﻞ
ﻭﺍﺗﺠﻴﻬﺎ ﻫﺪﻱ ﺍﺗﻨﻄﺮ ﻉ ﺳﺮﻳﺮﻫﺎ
ﻫﺪﻱ: ﻭﻳﻦ ﺍﻟﻲ ﺷﻔﺘﺎ ﺣﻘﻴﻘﻪ
ﻓﺎﻃﻤﻪ : ﻫﻴﻴﻴﻲ ﻓﺠﻌﺘﻴﻦ ﻣﻨﻴﻦ ﻃﻠﻌﺘﻲ ﺍﻧﺘﻲ
ﻫﺪﻱ: ﺑﺎﻫﻲ ﻳﺎﻃﺮﻭﺡ ﺷﻦ ﺣﺴﻴﺖ ﻓﻴﺎ ﺟﻮ ﺭﻭﺗﺎﻧﺎ ﺳﻴﻨﻴﻤﺎ ﻉ ﺳﺮﻳﺮ ﻫﺬﺍ
ﻓﺎﻃﻤﻪ : ﺍﺳﻜﺘﻲ ﻳﺎﻧﺎ ﻋﻠﻴﺎ ﺫﻭﺑﻨﻲ ﻭﺧﻼﺹ
ﻫﺪﻱ: ﺍﺣﻜﻲ ﺷﻦ ﺻﺎﺭ
ﻓﺎﻃﻤﻪ : ﺗﻲ ﺣﻮﻟﻲ ﻋﻦ ﺩﺍ ﻉ ﺍﺳﺎﺱ ﺍﻧﺘﻲ ﺗﺤﻜﻴﻠﻲ ﺍﻳﻤﻦ ﺷﻦ ﻗﺎﻟﻚ
ﻫﺪﻱ: ﻭﻳﻦ ﻣﺎﺷﻴﺎ ﻳﺎﺣﻴﻮﺍﻧﻪ ﺧﺰﻳﻪ ﺍﺣﻜﻴﻠﻲ
ﻓﺎﻃﻤﻪ : ﺑﻨﺸﻮﻑ ﺣﻴﻮﺗﺎ ﻭﻳﻨﻬﺎ
ﻫﺪﻱ: ﻣﻨﻌﻜﻔﺎ ﻓﻲ ﻣﺮﺑﻮﻋﺎ ﻭﺗﻘﺮﺃ ﻓﻲ ﻗﺮﺁﻥ
ﻓﺎﻃﻤﻪ : ﺑﺎﻫﻲ ﺑﻌﺪﻱ ﺑﻨﺸﻮﻓﻬﺎ
~~~~~~~~~~~~~~~
ﺭﻭﺡ ﻳﻮﺳﻒ ﻭﻧﺰﻝ ﻣﻦ ﻃﻴﺎﺭﻩ ﻭﺭﻛﺐ ﺍﻟﺴﻴﺎﺭﻩ ﻭﺭﻭﺡ ﻟﻠﻔﻴﻼ
ﻭﻃﺒﻌﺎ ﻻﻥ ﻋﺎﺭﻓﻴﻦ ﺍﻥ ﻫﻮ ﺟﺎ ﻓﺎﺍﻟﺘﻤﻮ ﻛﻠﻬﻢ ﻓﻲ ﺣﻮﺵ ﻫﻼ
ﺑﺲ ﻛﺎﻧﺖ ﻟﻤﺎ ﻫﺬﻱ ﻻﻧﻬﻢ ﺑﻴﻌﺮﻓﻮ ﻗﺮﺍﺭ ﻳﻮﺳﻒ ﺷﻨﻮ
ﻧﺰﻝ ﻳﻮﺳﻒ ﻭﺧﺶ ﻟﻠﺤﻮﺵ ﺳﻠﻢ ﻋﻠﻴﻬﻢ
ﻭﺻﺒﺎ ﻓﻢ ﺍﻟﺒﺎﺏ
ﻳﻮﺳﻒ: ﺟﻴﺒﻠﻜﻢ ﺍﻣﻌﺎﻳﺎ ﻣﻔﺠﺄﻩ ﺍﺳﺘﻨﻮ ﺍﻧﺨﺸﺸﻬﺎ ﻭﺍﻧﺠﻴﻜﻢ ﻣﺎﺣﺪ ﻳﺘﺤﺮﻙ
ﻭﻃﻠﻊ ﻳﻮﺳﻒ ﻭﻧﺰﻝ ﻣﻔﺠﺄ ﻣﻦ ﺳﻴﺎﺭﻩ ﻭﺧﺶ ﺑﻴﻬﺎ
ﻭﺍﻭﻝ ﻣﺎﺧﺶ
ﻛﻠﻬﻢ ﺍﻧﺼﺪﻣﻮ
ﻳﻮﺳﻒ:
.
.
.
.
.
.
.
.
.
.
.
#
اسفه ع التأخر يا غوالي واللهي ضغط امتحانات ❤
