{الحب الاعمى }
ﺍﻟﺤﻠﻘﻪ 5⃣
ﺍﻧﺎ : ﺟﺖ ﻋﻴﻨﻲ ﻓﻲ ﻋﻴﻨﺎ ﻭ ﻣﻦ ﺻﺪﻣﻪ ﻳﻄﻴﺢ ﺻﻨﺪﻭﻕ ﻃﻮﺍﺳﻲ ﻭﻳﺘﻜﺴﺮ
ﻣﻨﻲ ﻧﺰﻟﺖ ﺣﻄﻴﺖ ﺻﻨﺎﺩﻳﻖ 3 ﺭﺧﺮﺍﺕ ﻭﻗﻌﺪﺕ ﺍﻧﻠﻢ ﻓﻲ ﻃﻮﺍﺳﻲ
ﺍﻟﻤﻜﺴﻮﺭﻩ ﻭﻣﻨﺼﺪﻣﻪ
ﺷﺎﺏ : ﺑﺤﺖ ﻓﻴﺎ ﻭﻛﺎﻥ ﻋﻠﻲ ﻭﺟﻪ ﻋﻼﻣﺎﺕ ﺍﺳﺘﻐﺮﺍﺏ ﻭﺧﺶ ﻟﻠﻤﺮﺑﻮﻋﺎ
ﻭﺍﻧﺎ ﻛﻨﺖ ﺍﻧﻠﻢ ﻭ ﻛﻨﺖ ﻣﻨﺼﺪﻣﻪ ﻭﻣﺶ ﻋﺎﺭﻓﻪ ﻟﻴﺶ ﻓﺮﺣﺖ ﻭﺧﻠﻄﻦ
ﻋﻠﻴﺎ ﻣﺸﺎﻋﺮ ﻓﺮﺡ ﻉ ﺧﻮﻑ ﻣﻦ ﻭﺍﺣﺪ ﻣﻦ ﻟﻌﻴﺎﻝ ﺍﻳﺠﻲ ﻭﻳﺸﻮﻓﻨﻲ
ﻣﻮﺳﻲ : ﺍﻧﺘﻲ ﻳﺎﻓﺮﺧﺎ ﻓﻴﺶ ﺍﺩﻳﺮﻱ ﻫﻨﺎ
ﺍﻧﺎ : ﻧﺮﻋﺶ ﻣﻦ ﺧﻮﻑ ﺍﻫﺎ ﻛﻨﺖ ﺍﻧﻄﻠﻊ ﻓﻲ ﻃﻮﺍﺳﻲ ﻭﻃﺎﺣﻦ ﻣﻨﻲ
ﻭﻗﺎﻋﺪﺍ ﺍﻧﻠﻢ ﻓﻴﻬﻦ
ﻣﻮﺳﻲ : ﺷﺎﻓﻚ ﺻﺎﺣﺒﻲ
ﺍﻧﺎ : ﻣﻦ ﺧﻮﻑ ﻛﺬﺑﺖ ﻻﻻ ﻣﺎﺷﻔﺖ ﺣﺪ ﻭﻣﺎﺣﺪ ﺷﺎﻓﻨﻲ
ﻣﻮﺳﻲ : ﻟﻤﻲ ﻟﺨﺮﻭﺍﺕ ﻭﺍﻧﺘﻠﻔﻲ ﺑﺴﺮﻋﻪ ﻭﻳﻦ ﺑﺎﻗﻲ ﺍﻟﻔﺮﺧﺎﺕ
ﺍﻧﺎ : ﻓﻲ ﺍﻟﻌﺰﺍﺀ ﻗﺎﻋﺪﺍﺕ
ﻣﻮﺳﻲ : ﺑﺎﻫﻲ ﻫﻴﺎ ﺑﺴﺮﻋﻪ
ﻭﺧﺶ ﻣﻮﺳﻲ ﻟﺼﺎﺣﺒﺎ ﻭﺍﻧﺎ ﻛﻤﻠﺖ ﺍﻟﻠﻢ ﻭﺧﺬﻳﺖ ﺑﺎﻗﻲ ﺍﻟﻄﻮﺍﺳﻲ
ﻭﻃﻠﻌﺖ
ﻭﻋﻄﻴﺘﻬﻦ ﻟﺒﻨﺎﺕ ﻭﻛﻨﺖ ﻃﻮﻝ ﺍﻟﻮﻗﺖ ﺳﺎﺭﺣﺎ ﻭﻧﻔﻜﺮ
ﻫﺪﻱ: ﻫﻴﺎ ﻳﺎﺣﻨﻪ ﻭﻳﻦ ﺭﺍﻳﺤﺎ
ﺍﻧﺎ : ﺍﻫﺎ
ﻫﺪﻱ: ﻻ ﺳﺮﺣﺎﻥ ﻫﺬﺍ ﻣﺶ ﻃﺒﻴﻌﻲ ﻛﻨﻚ ﺷﻦ ﻓﻲ ﻣﻦ ﻟﻤﺎ ﺟﻴﺘﻲ
ﻭﺍﻧﺘﻲ ﻓﻲ ﻋﺎﻟﻢ ﺑﺮﻭﺣﻚ
ﺍﻧﺎ : ﻓﻄﻨﺖ ﻟﺮﻭﺣﻲ ﻭﻛﻨﺖ ﻻﺯﻡ ﻧﺤﻜﻲ ﻭﻧﻌﺒﺮ ﺑﺲ ﺳﻜﺘﺖ ﻻﻥ ﻗﻌﺪﻳﻦ
ﻓﻲ ﻋﺰﺍﺀ ﻭﻣﺶ ﻭﻗﺖ ﺩﻭﺍ
ﺍﻧﺎ : ﺷﻲ ﺗﻮ ﻧﺤﻜﻴﻠﻜﻦ ﺑﻌﺪﻳﻦ
ﻫﺪﻱ: ﻻ ﺍﻟﻔﻀﻮﻝ ﻗﺘﻠﻨﻲ ﻫﻮ ﻣﻮﺿﻮﻉ ﺳﻤﺢ ﻭﻻ ﻧﻜﺪ
ﺍﻧﺎ : ﻣﺶ ﻋﺎﺭﻑ ﺣﻠﻮ ﻭﺷﻴﻦ
ﻫﺪﻱ: ﺷﻦ ﻫﺬﺍ ﻟﻐﺰ
ﺍﻧﺎ : ﻫﻬﻬﻬﻬﻪ ﺧﻼﺹ ﺍﺳﻜﺘﻲ ﻭﺧﻠﻴﻨﺎ ﺍﻧﺴﺎﻋﺪﻭ ﺑﻨﺎﺕ
~~~~~~~~~~~~~~~~
ﻓﺎﻃﻤﻪ : ﺍﻳﻮﺍ ﻓﺘﻮﺡ
ﻣﻔﺘﺎﺡ: ﺧﻴﺮ ﺷﻦ ﺟﻮ
ﻓﺎﻃﻤﻪ : ﺗﻤﺎﻡ ﺍﻧﺖ ﻛﻴﻒ ﺣﺎﻟﻚ
ﻣﻔﺘﺎﺡ: ﺗﻤﺎﻡ . ﺍﻧﺘﻲ ﻓﻲ ﻋﺰﺍﺀ ﻣﺎﺯﺍﻟﺘﻲ
ﻓﺎﻃﻤﻪ : ﺍﻫﺎ ﻳﺎﺭﻭﺣﻲ
ﻣﻔﺘﺎﺡ: ﺍﻫﺎ ﺑﺎﻫﻲ ﻏﻴﺮ ﺭﻧﻴﺖ ﻧﻄﻤﻦ ﻋﻠﻴﻚ
ﻓﺎﻃﻤﻪ : ﻧﺠﻚ ﻟﻴﺎ . ﺍﻧﺖ ﻭﻳﻦ
ﻣﻔﺘﺎﺡ: ﺍﻧﺎ ﻗﺎﻋﺪ ﻓﻲ ﻣﻜﺘﺐ
ﻓﺎﻃﻤﻪ : ﻣﻜﺴﺪ ﺷﻜﻠﻚ
ﻣﻔﺘﺎﺡ: ﺍﻫﺎ ﺍﻟﻴﻮﻡ ﻓﻴﺶ ﺯﺑﺎﻳﻦ ﻭﺍﺟﺪ ﻭﻗﻠﻖ ﺑﻜﻞ
ﻓﺎﻃﻤﻪ : ﻋﻠﻴﺶ ﻛﻨﻚ
ﻣﻔﺘﺎﺡ: ﻣﻠﻞ ﺑﻜﻞ ﻭﺗﻤﺰﻃﺖ
ﻓﺎﻃﻤﻪ : ﻣﻌﻠﻴﺶ ﺗﺤﻤﻞ ﻳﺎﻋﻤﺮﻱ ﺑﺸﻮﻳﻪ ﺑﺸﻮﻳﻪ ﻭﺗﻮ ﺍﻳﺠﻮﻙ ﺯﺑﺎﻳﻦ ﻭﺗﺒﺪﺃ
ﺗﺸﺘﻐﻞ ﻃﺒﻴﻌﻲ ﻫﺬﺍ ﻻﻧﻚ ﻛﻴﻒ ﻓﺎﺗﺢ
ﻣﻔﺘﺎﺡ: ﺍﻥ ﺷﺎﺀ ﺍﻟﻠﻪ ﻭﺍﻧﺎ ﻋﻠﻴﺶ ﻣﺘﺤﻤﻞ ﺍﻻ ﻋﻠﺸﺎﻧﻚ ﺍﻧﺘﻲ ﻳﺎﻏﻼﻳﺎ
ﻓﺎﻃﻤﻪ : ﺍﻧﺤﺒﻚ
ﻣﻔﺘﺎﺡ: ﺍﻧﺎ ﺍﻧﻤﻮﺕ ﻓﻴﻚ
ﻓﺎﻃﻤﻪ : ﺑﻪ ﺧﻼﺹ ﻳﺎﺭﻭﺣﻲ ﺧﻠﻴﻨﻲ ﺍﻧﺴﺎﻋﺪ ﺍﻟﺒﻨﺎﺕ ﻭﺍﻧﺖ ﻋﺪﻱ ﻭﺑﻌﺪﻳﻦ
ﺑﻌﺪ ﺍﻧﺮﻭﺡ ﺍﻧﻜﻠﻤﻚ
ﻣﻔﺘﺎﺡ: ﺑﺎﻫﻲ ﺗﻌﺒﻴﺶ ﺭﻭﺣﻚ ﻭﺍﺟﺪ ﻋﺎﺭﻓﻚ ﺍﻧﺎ ﻣﺎﺗﺮﻳﺤﻴﺶ ﻓﻲ ﺭﻭﺣﻚ
ﻓﺎﻃﻤﻪ : ﻫﻬﻬﻬﻬﻪ ﺣﺎﻇﺮ
ﻣﻔﺘﺎﺡ: ﺧﻼﺹ ﺭﺩﻱ ﺑﺎﻟﻚ ﻉ ﺭﻭﺣﻚ
ﻓﺎﻃﻤﻪ : ﺣﺘﻲ ﺍﻧﺖ
ﻣﻔﺘﺎﺡ: ﺗﻢ ﻫﻴﺎ ﺑﺎﻱ
ﻓﺎﻃﻤﻪ : ﺑﺎﻱ
ﺳﻜﺮﺕ ﻓﺎﻃﻤﻪ ﻭﺧﺸﺖ ﻟﻠﺒﻨﺎﺕ ﺍﻳﻮﺗﻮ ﻟﻠﻌﺸﺎﺀ
ﻃﺒﻌﺎ ﻣﻔﺘﺎﺡ ﻭﻓﺎﻃﻤﻪ ﻣﺨﻄﻮﺑﻴﻦ ﻟﻬﻤﺎ ﺳﻨﻪ ﻭﺳﺒﺐ ﺧﻄﺒﺘﻬﻢ ﺭﻭﺍﺩ ﺭﺍﺟﻞ
ﻫﺎﺟﺮ ﺍﺧﺘﻬﺎ ﻳﻘﻌﺪ ﻣﻔﺘﺎﺡ ﺻﺎﺣﺒﺎ ﻭﺍﺟﺪ ﻭﻟﻤﺎ ﻣﻔﺘﺎﺡ ﺟﺎ ﻳﺒﻲ ﻳﺨﻄﺐ ﺭﻭﺍﺩ
ﺩﻻ ﻋﻠﻲ ﻓﺎﻃﻤﻪ ﻭﻓﻌﻼ ﺟﺎ ﻭﺗﻘﺪﻣﻠﻬﺎ ﻭﺧﻮﺗﻬﺎ ﻭﺍﻓﻘﻮ ﻋﻠﻴﻪ
ﻭﺧﻄﺒﻬﺎ ﺭﺳﻤﻲ ﻭﻗﺮﺃ ﻓﺘﺤﺘﻬﺎ ﻭﺑﺪﺕ ﻗﺼﺔ ﻓﺎﻃﻤﻪ ﻭﻣﻔﺘﺎﺡ ﻣﻊ ﺑﻌﻀﻬﻢ
ﻣﻔﺘﺎﺡ ﻳﻘﺮﻱ ﻓﻲ ﻣﻌﻬﺪ ﺍﻧﺠﻠﻴﺰﻱ ﻭﻓﺎﺗﺢ ﻣﻜﺘﺐ ﻋﻘﺎﺭﺍﺕ ﻟﻪ ﺛﻼﺙ ﺷﻬﻮﺭ
ﻭﻋﻨﺪﺍ ﺷﻘﻪ ﻓﻮﻕ ﻫﻼ ﻭﻗﺎﻋﺪ ﻳﺸﻄﺐ ﻓﻴﻬﺎ ﻭﻟﻤﺎ ﻳﻜﻤﻞ ﺍﻟﺸﻘﻪ ﻳﻄﻠﻊ
ﺍﻟﻌﺮﺱ ﻭﻫﺬﺍ ﺳﺒﺐ ﺗﺄﺧﻴﺮ ﺯﻭﺍﺟﻬﻢ
ﻣﻔﺘﺎﺡ ﻣﻮﺍﻟﻴﺪ 87 ﻭﻃﻮﻳﻞ ﺍﺳﻤﺮ ﻭﺟﺬﺍﺏ ﻭﺷﺨﺼﻴﺘﺎ ﻣﺮﺡ ﻭﺟﻮﺍ ﺣﻠﻮ
ﻭﻣﺘﻔﺎﻫﻢ ﻭﻳﺤﺐ ﻓﺎﻃﻤﻪ ﻭﻫﻴﺎ ﻧﻔﺲ ﺍﻟﺸﻲ
~~~~~~~~~~
ﻣﻮﺳﻲ : ﺑﺎﺭﻙ ﺍﻟﻠﻪ ﻓﻴﻚ ﻣﺶ ﺣﻨﻨﺴﺎﻫﺎ ﻟﻜﻲ ﻭﻣﺶ ﻋﺎﺭﻑ ﻧﺸﻜﺮﻙ ﻛﻴﻒ
ﻉ ﺧﺪﻣﺘﻚ ﻟﻴﺎ ﻳﺎﻃﻴﺮﻱ
ﺷﺎﺏ : ﺗﻲ ﻣﻌﻘﻮﻟﻪ ﻳﺎﺭﺍﺟﻞ ﻣﺎﻫﻴﺶ ﺣﺎﺟﻪ ﻛﺒﻴﺮﻩ
ﻧﺨﺪﻡ ﻓﻲ ﺑﺮﺍﻧﻴﺎ ﻧﺒﻴﺶ ﻧﺨﺪﻣﻚ ﺍﻧﺖ
ﻣﻮﺳﻲ : ﺗﺒﻲ ﺍﻱ ﺷﻲ ﻣﻦ ﺍﻟﻤﻴﻨﺎ ﻗﻮﻟﻲ ﺑﺘﻨﺰﻝ ﺳﻴﺎﺭﻩ ﺑﺘﺨﺸﺶ ﺍﻱ
ﺷﻲ ﻣﺎﻳﻬﻤﻜﺶ
ﺷﺎﺏ : ﻋﺎﺭﻑ ﻭﺍﻟﻠﻪ ﻭﻣﺎﻗﺼﺮﺗﺶ ﻓﻲ ﺳﻴﺎﺭﻩ ﺍﻻﻭﻟﻪ
ﻣﻮﺳﻲ : ﺷﺎﻫﻲ ﻭﻻ ﻗﻬﻮﻩ
ﺷﺎﺏ : ﻻﻭﺍﻟﻠﻪ ﺑﻨﺮﻭﺡ
ﻣﻮﺳﻲ : ﻭﺍﻟﻠﻪ ﻛﻴﻒ ﻣﺎﺗﺠﻴﺶ ﻻﺯﻡ ﺗﺸﺮﺏ ﺣﺎﺟﻪ
ﺷﺎﺏ : ﺗﻮ ﺍﻧﺠﻲ ﻣﺮﻩ ﺍﺧﺮﻩ ﻭﻧﺸﺮﺏ
ﺗﻮ ﻋﻨﺪﻛﻢ ﻋﺰﺍﺀ ﺍﺧﺮﺗﻚ ﻋﻠﻲ ﻭﺍﺟﺒﻚ ﻭﻋﻈﻢ ﺍﻟﻠﻪ ﺍﺟﺮﻙ ﻏﻴﺮ ﻗﻠﺖ ﺍﻧﺠﻲ
ﺍﻧﻘﻮﻟﻬﺎ ﻟﻜﻲ ﻻﻧﻲ ﻛﻨﺖ ﻣﺨﻄﻢ ﻣﻦ ﻫﻨﺎ
ﻣﻮﺳﻲ : ﺍﺟﺮﻙ ﻭﺍﺟﺮﻧﺎ ﻉ ﺍﻟﻠﻪ ﺑﺎﺭﻙ ﺍﻟﻠﻪ ﻓﻴﻚ ﻭﺑﻴﺶ ﺍﺗﺠﻲ ﺭﺍﻩ ﻣﺶ
ﻧﺎﺳﻴﻬﺎ ﻧﺮﺟﺎ ﻓﻴﻚ ﺗﺸﺮﺏ ﻗﻬﻮﻩ ﻋﻨﺪﻱ
ﺷﺎﺏ : ﺍﻥ ﺷﺎﺀ ﺍﻟﻠﻪ ﻭﺍﻟﻠﻪ ﺣﺎﻇﺮ
ﻭﻃﻠﻊ ﻣﻮﺳﻲ ﻫﻮ ﻭﺻﺎﺣﺒﺎ ﻋﻨﺪ ﺑﺮﺍ ﺧﻠﻪ ﻳﺮﻛﺐ ﺳﻴﺎﺭﺗﺎ ﻭﻋﺪﺍ ﺻﺎﺣﺐ
ﻣﻮﺳﻲ ﻭﻣﻮﺳﻲ ﻣﺸﺎ ﻟﻠﻌﺰﺍﺀ ﻟﺨﻴﻤﺔ ﺍﻟﺮﺟﺎﻻ
ﻛﻤﻠﻨﻬﺎ ﻓﻲ ﺍﻟﻌﺰﺍﺀ ﺍﻧﺴﺎﻋﺪﻭ ﻓﻲ ﺑﻨﺎﺕ ﻭﺧﺸﻴﻨﺎ ﻏﺴﻠﻨﺎ ﻟﻤﻮﺍﻋﻴﻦ ﻭﻃﻠﻌﻨﺎ
ﻛﺴﺪﻧﺎ ﻓﻲ ﺧﻴﻤﻪ ﺑﺮﺍ ﻭﻫﺪﺭﺯﻧﺎ
ﻭﺑﻌﺪﻳﻦ ﻟﻤﻴﻨﺎ ﺍﺭﻭﺣﻨﺎ ﻭﺟﻴﻨﺎ ﺑﻨﺮﻭﺣﻮ
ﻣﺮﺍﻡ ﺍﺧﺖ ﻋﺒﺪ ﺍﻟﻠﻪ : ﺍﻧﺼﺒﻮﻟﻜﻦ ﻓﻲ ﺍﻻﻓﺮﺍﺡ ﺗﻌﺒﻨﺎﻛﻦ ﺍﻣﻌﺎﻧﺎ
ﻓﺎﻃﻤﻪ : ﻻ ﻣﺎﻓﻴﻬﺎ ﺗﻌﺐ ﺍﻟﻨﺎﺱ ﻟﺒﻌﻀﻬﺎ ﻣﻌﺶ ﺗﺤﻜﻲ ﻫﻜﻲ
ﻣﺮﺍﻡ: ﻭﺍﻟﻠﻪ ﺻﺒﻴﺘﻦ ﻣﻌﺎﻧﺎ ﺗﺼﺒﺎﻳﺎ ﺣﺘﻲ ﺍﻟﻲ ﻳﻘﺮﺑﻮﻟﻨﺎ ﻣﺎﻭﻗﻔﻮﻫﺎ ﻟﻨﺎ
ﻣﻊ ﺍﻥ ﻋﺎﺭﻓﺎﺕ ﺍﻟﻲ ﺻﺎﻳﺮ ﺑﻴﻨﺎ ﻭﻋﺒﺪ ﺍﻟﻠﻪ ﺣﺸﻤﻨﺎ ﻣﻌﺎﻛﻢ
ﻓﺎﻃﻤﻪ : ﻣﺎﻓﻴﻬﺎ ﺷﻲ ﻭﻧﺤﻨﺎ ﺟﻴﺮﺍﻥ ﻟﻨﺎ ﺳﻨﻮﺍﺕ ﻭﻣﺎﻳﺄﺛﺮ ﻋﻠﻴﻨﺎ ﺷﻲ ﻭﻛﻞ
ﺷﻲ ﻧﺼﻴﺐ ﻫﺬﺍ ﻧﺼﻴﺒﻬﻢ ﺣﻴﺎﻩ ﻭﻋﺒﺪ ﺍﻟﻠﻪ
ﺍﻧﺎ : ﺗﻔﻜﺮﻳﺶ ﻫﻜﻲ ﻳﺎﻣﺮﺍﻡ ﻭﻧﺤﻨﺎ ﻣﻦ ﻗﺒﻞ ﻣﺎﻳﺨﻄﺒﻨﻲ ﻋﺒﺪ ﺍﻟﻠﻪ ﻛﻨﺎ
ﺧﻮﺍﺕ ﻭﺟﻴﺮﺍﻥ ﻉ ﺣﻠﻮﻩ ﻭﺍﻟﻤﺮﺍ ﻭﻟﻤﺎ ﻓﺴﺨﺖ ﺧﻄﺒﺘﻲ ﻣﺎﺯﻟﻨﺎ ﻛﻴﻒ
ﻣﺎﻧﺤﻨﺎ ﺟﻴﺮﺍﻥ ﻭﺍﺻﺤﺎﺏ ﻭﻣﺘﻐﻴﺮ ﺷﻲ ﻭﻛﻞ ﺣﺪ ﻭﻧﺼﻴﺒﺎ ﻓﻲ ﺩﻧﻴﺎ
ﻣﺮﺍﻡ: ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﺷﻦ ﺍﻧﻘﻮﻟﻠﻜﻦ ﺑﺠﺪ ﺍﻧﻜﻦ ﺑﻨﺎﺕ ﺍﺻﻞ ﻭﺳﻠﻤﻬﺎ
ﺭﺑﺎﻳﺎ ﺍﻟﻤﺮﺣﻮﻣﻪ ﻓﻴﻜﻦ
ﻫﺪﻱ: ﺧﻼﺹ ﻳﺎﻣﺮﻭﻣﺎ ﻋﻠﻴﻚ ﺩﺭﺍﻣﺎ ﺩﺭﺗﻴﻬﺎ ﻟﻨﺎ ﻗﺒﻞ ﻣﺎﻧﺮﻭﺣﻮ
ﻣﺮﺍﻡ: ﻫﻬﻬﻬﻬﻬﻪ ﺧﺰﻳﻪ ﻋﺪﺍ ﺍﻧﺘﻲ ﻟﺴﺎﻧﻚ ﺩﻳﻤﺎ ﻣﺎﺗﺒﺮﻱ ﻣﻨﻚ
ﻓﺎﻃﻤﻪ : ﻣﺎﻧﻲ ﻋﺎﺭﻓﻪ ﻣﺶ ﻋﺎﺭﻑ ﻣﻨﻴﻦ ﺍﺗﺠﻴﺐ ﻓﻴﻪ ﺍﻟﻜﻼﻡ
ﻣﺮﺍﻡ: ﺑﻜﻞ ﻛﻼ ﺑﻨﺖ ﻫﺬﻱ ﻣﺶ ﻋﺎﺭﻑ ﺷﻦ ﺩﺍﻳﺮ ﺍﻣﻌﻬﺎ ﺍﻳﻤﻦ
ﺍﻧﺎ : ﺍﺳﻤﻼ ﻋﻠﻴﻪ ﻣﺘﺤﻤﻞ ﻃﺮﺷﻴﻘﻬﺎ
ﻫﺪﻱ: ﻭﻫﻮ ﻳﻄﻮﻝ ﻭﺣﺪﺍ ﻛﻴﻒ ﺍﺻﻼ ﻳﺤﻤﺪ ﺭﺑﺎ ﻟﻠﻴﻞ ﻭﻧﻬﺎﺭ ﺍﻥ ﺧﺬﺍﻧﻲ
ﻓﺎﻃﻤﻪ : ﻻ ﺧﻠﻮﻧﺎ ﺍﻧﺮﻭﺣﻮ ﻗﺒﻞ ﻣﺎﺗﻨﻔﺼﻞ ﻋﻠﻴﻪ ﻭﻃﻠﻊ ﻋﻴﻮﺏ ﺍﻟﺮﺍﺟﻞ
ﻣﺴﻜﻴﻦ ﺍﻟﻲ ﻣﺎﻳﻨﺪﺭﻱ ﻉ ﺷﻲ
ﻣﺮﺍﻡ: ﻫﻬﻬﻬﻪ ﻣﻊ ﺳﻼﻣﻪ
ﻧﺤﻨﺎ : ﺍﻭﻛﻲ ﺗﺼﺒﺤﻲ ﻉ ﺧﻴﺮ ﻭﺑﻜﺮﻩ ﺗﻮ ﺍﻧﺠﻮ
ﻣﺮﺍﻡ: ﺍﻥ ﺷﺎﺀ ﺍﻟﻠﻪ ﻗﺪﺍﻣﻜﻦ ﺍﻟﺨﻴﺮ
ﻣﺮﺍﻡ ﺍﺧﺖ ﻋﺒﺪ ﺍﻟﻠﻪ ﻣﻮﺍﻟﻴﺪ 88 ﻣﺘﺠﻮﺯﺍ ﻭﻣﺎﺯﻟﺖ ﻣﺎﺟﺎﺑﺖ ﻭﻫﻴﺎ ﻛﺒﻴﺮﺓ
ﺧﻮﺍﺗﻬﺎ ﻭﻋﻨﺪﻫﺎ ﺍﺛﻨﻴﻦ ﺍﺻﻐﺮ ﻣﻨﻬﺎ ﺗﺆﺍﻡ ﻣﻮﺍﻟﻴﺪ 95
~~~~~~~~~~~~~~~
ﻓﻴﺼﻞ : ﻳﺎ ﺃﻣﻲ ﻻﺯﻡ ﺍﺩﻳﺮﻱ ﺣﻞ ﻟﻠﻤﻮﺿﻮﻉ ﻫﺬﺍ ﺍﻧﺎ ﺣﺎﻻ ﻣﺶ ﻋﺠﺒﻨﻲ
ﻧﻬﺎﺋﻲ
ﺳﺎﻟﻤﻪ ﺍﻡ ﻓﻴﺼﻞ: ﻋﺎﺭﻓﺎ ﻭﻻ ﺍﻧﺎ ﻭﺑﺎﺗﻚ ﻋﺠﺒﻨﺎ ﻭﺿﻌﺎ ﺑﺲ ﺍﻧﺖ ﻋﺎﺭﻑ
ﺭﺍﺳﺎ ﻭﺗﺴﻜﻴﺮﺍ ﻭﻛﺎﻥ ﺯﺭﻳﻨﺎ ﻋﻠﻴﻪ ﺍﻧﺨﻔﻮ ﺍﻳﻠﻢ ﺩﺑﺸﺎ ﻭﻳﺴﺎﻓﺮ ﺑﺮﺍ
ﻓﻴﺼﻞ : ﺭﻳﺘﻲ ﻳﺎﺃﻣﻲ ﻓﻴﺶ ﺍﻻ ﺗﻌﻄﻴﻪ ﻗﻠﺔ ﺍﻟﺮﺑﺢ ﻭﻫﻮ ﻳﻮﺳﻒ ﻳﺨﺎﻑ
ﻣﻨﻬﺎ ﻗﻮﻟﻴﻼ ﻣﺶ ﺭﺍﺿﻴﺎ ﻋﻠﻴﻚ ﻛﺎﻥ ﻣﺎﺟﻮﺯﺗﺶ ﻭﺍﺣﻜﻲ ﺍﻧﺘﻲ ﻭﺑﺎﺗﻲ
ﻟﺠﺪﻱ ﻳﺤﻜﻲ ﺍﻣﻌﺎﻩ ﺍﻧﺘﻲ ﻋﺎﺭﻓﻪ ﺍﻥ ﻳﻮﺳﻒ ﻳﺨﺎﻑ ﻣﻦ ﺟﺪﻱ
ﻭﻣﺎﻳﻨﺰﻟﺶ ﻓﻲ ﻛﻼﻣﺎ ﻣﻌﺶ ﻓﻴﻬﺎ ﺍﻟﻲ ﺍﻧﺤﺮﺷﻮ ﺟﺪﻱ ﻭﻧﺨﺸﺸﻮﻩ ﻓﻲ
ﺍﻟﻤﻮﺿﻮﻉ ﻫﺬﺍ ﻳﺼﺮﻑ ﻣﻊ ﺍﻋﻨﺎﺩ ﺍﻟﻌﻴﻞ ﻫﺬﺍ
ﺳﺎﻟﻤﻪ : ﻭﺍﻧﺎ ﻫﺬﻱ ﺍﻟﻲ ﺍﻣﺲ ﻭﺍﻟﻠﻪ ﻛﻨﺖ ﻧﺤﻜﻲ ﻓﻴﻪ ﻟﺒﺎﺗﻚ ﻗﺘﻼ ﻻﺯﻡ
ﺍﻧﻘﻮﻟﻮ ﻟﻌﻤﻲ ﻉ ﻳﻮﺳﻒ ﻫﻮ ﺍﻟﻲ ﻳﻌﺮﻑ ﻳﻘﻨﻂ ﺑﺮﺍﺭﻳﻤﺎ ﻭﻳﻄﺒﺒﺎ ﻟﻠﻄﺮﻳﻖ
ﻓﻴﺼﻞ : ﺧﻼﺹ ﺍﻧﺘﻲ ﺷﺎﻭﺭﻱ ﺑﺎﺗﻲ ﻭﺍﺣﻜﻮ ﺍﻟﻤﻮﺿﻮﻉ ﻭﻗﻮﻟﻴﻠﻲ ﺷﻦ
ﻳﺼﻴﺮ ﻭﺯﺭﻭﻩ ﻣﺎﻋﺶ ﻓﻴﻬﺎ ﺍﻻ ﻫﻚ ﺑﻌﺪ ﺍﻥ ﻫﻮ ﻓﺮﺥ ﻣﺶ ﻋﺎﺭﻑ ﻣﺼﻠﺤﺘﺎ
ﺳﺎﻟﻤﻪ : ﺍﻳﺼﻴﺮ ﺧﻴﺮ ﻭﺍﻧﺎ ﺑﻌﺪ ﻧﻨﻬﻲ ﺍﻟﻤﻮﺿﻮﻉ ﺗﻮ ﻧﻘﻮﻟﻚ
ﻓﻴﺼﻞ : ﺧﻼﺹ ﺍﻧﺎ ﺭﺍﻛﺐ ﺗﺒﻲ ﺷﻲ
ﺳﺎﻟﻤﻪ : ﻻ ﺳﻼﻣﺘﻚ ﻋﺪﻱ ﺍﺭﺑﺢ
ﻓﻴﺼﻞ : ﺣﺐ ﻉ ﺭﺍﺱ ﺍﻣﺎ . ﺗﺼﺒﺤﻲ ﻉ ﺧﻴﺮ
ﺳﺎﻟﻤﻪ : ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ
~~~~~~~
ﺟﺪ ﻓﻴﺼﻞ ﺍﺳﻤﺎ ﻋﻠﻲ ﻫﻮ ﺷﺎﻳﺐ ﻛﺒﻴﺮ ﻓﻲ ﺍﻟﻌﻤﺮ ﻭﻋﻤﺮﺍ 70 ﺳﻨﻪ
ﺷﺨﺼﻴﺘﺎ ﻗﻮﻳﻪ ﻭﺍﻋﺮﻩ ﻭﺭﺍﺟﻞ ﻣﺎﻳﺤﺒﺶ ﺍﻟﻐﻠﻂ ﻭﺍﻣﺘﺎﻉ ﺣﻖ ﺩﺍﻳﺮ ﻓﻴﻼ
ﻛﺒﻴﺮﻩ ﻭﻣﺴﻜﻦ ﺍﻋﻴﺎﻻ ﺟﻨﺒﺎ ﻛﻠﻬﻢ ﻭﻋﻴﺎﻝ ﺍﻋﻴﺎﻻ ﻭﻋﻨﺪﺍ ﺷﺮﻛﺔ ﻣﺸﻐﻞ
ﻓﻴﻬﺎ ﺍﻟﻌﺎﻳﻠﻪ ﻛﻠﻬﺎ
ﻭﺭﺍﺟﻞ ﻣﻌﺮﻭﻑ ﺑﻜﻞ ﺑﻴﻦ ﺍﻟﻨﺎﺱ
ﻭﻋﻨﺪﺍ ﻗﻮﺍﻧﻴﻦ ﻣﺎﺣﺪ ﻳﺨﻠﻔﻬﻦ ﻓﻲ ﺍﻟﻌﺎﻳﻠﻪ
ﻭﻣﻦ ﺿﻤﻦ ﺍﻟﻘﻮﺍﻧﻴﻦ ﺍﻥ ﻋﻴﺎﻻ ﻛﻠﻬﻢ ﻳﺴﻜﻨﻮ ﺍﻣﻌﺎﻩ ﻭﻋﻴﺎﻝ ﺍﻋﻴﺎﻻ ﺣﺘﻲ
ﻫﻤﺎ ﻭﻣﺎﺣﺪ ﻳﻄﻠﻊ ﺑﺮﺍ
ﻭﻗﺎﻧﻮﻥ ﺍﻟﺘﺎﻧﻲ ﻫﻮ ﺍﻥ ﻛﻞ ﻳﻮﻡ ﺟﻤﻌﻪ ﻻﺯﻡ ﻳﺸﺘﻤﻌﻮ ﻛﻠﻬﻢ ﺭﺟﺎﻻ ﻭﺑﻨﺎﺕ
ﻳﺘﻐﺪﻭ ﻭﻳﻘﻌﺪﻭ ﻋﻨﺪ ﺍﻟﻠﻴﻞ
ﻭﻃﺒﻌﺎ ﻗﻮﺍﻧﻴﻦ ﺍﺧﺮﻩ ﻣﻊ ﺍﻟﺤﻠﻘﺎﺕ ﺗﻌﺮﻓﻮﻫﻦ
ﻭﻛﻠﻤﺘﺎ ﻟﻤﺎ ﻳﻘﻮﻟﻬﺎ ﺗﻤﺸﻲ ﻋﻠﻴﻬﻢ ﻛﻠﻬﻢ ﻛﺒﻴﺮﻫﻢ ﻭﺻﻐﻴﺮﻫﻢ ﻓﺎﻟﻤﺎ
ﻳﺤﻴﺮﻭ ﺍﻋﻴﺎﻻ ﻓﻲ ﺣﻞ ﻣﺸﺎﻛﻞ ﺍﻋﻴﺎﻟﻬﻢ ﻳﻠﺘﺠﺌﻮﻻ ﻫﻮ ﺑﻴﺶ ﻳﻨﻬﻲ
ﺍﻟﻤﻮﺿﻮﻉ
ﻭﻣﺎﻳﺤﺒﺶ ﻳﺪﺧﻞ ﻓﻲ ﺣﻴﺎﺓ ﺣﺪ ﻣﻦ ﺍﻋﻴﺎﻻ ﺍﻻ ﻟﻤﺎ ﻫﻤﺎ ﻳﻄﻠﺒﻮ ﻣﻨﺎ ﻭﻛﺎﻥ
ﺷﺎﻑ ﻏﻠﻂ ﻳﺤﻜﻲ ﻟﻌﻴﺎﻻ ﻋﻠﻴﻪ
ﻭﻫﺬﺍ ﻫﻮ ﺟﺪ ﻳﻮﺳﻒ
ﺍﻟﻲ ﻳﻮﺳﻒ ﺟﺎﻳﺐ ﻣﻦ ﺻﻔﺎﺗﺎ ﻭﺍﺟﺪ
~~~~~~~~~~~~~
ﻣﻨﺬﺭ: ﺍﻧﺖ ﻣﺎﻗﺘﻴﻠﻴﺶ ﻃﺎﻟﻌﺎ
ﻫﻨﺪ : ﺍﻧﺎ ﻭﺍﻟﻠﻪ ﻣﺎﻛﺎﻥ ﻋﻨﺪﻱ ﺭﺻﻴﺪ ﺑﻴﺶ ﺍﻧﻘﻮﻟﻚ ﻭﻣﺎﻋﺮﻓﺘﻴﺶ ﻛﻴﻒ
ﻧﺤﻜﻲ ﻣﻌﺎﻙ
ﻣﻨﺬﺭ: ﺻﺎﺭ ﻣﺎﻋﺮﻓﺘﻴﺶ ﻭﻣﻮﺑﺎﻳﻞ ﺍﻣﻚ ﺑﺎﺗﻚ ﺣﺘﻲ ﻫﻤﺎ ﻋﻨﺪﻫﻤﺶ ﺭﺻﻴﺪ
ﻫﻨﺪ : ﻭﺍﻟﻠﻪ ﻣﺎﺧﻄﺮﻭ ﻋﻠﻴﺎ ﻭﻻ ﺟﺎﻭ ﻓﻲ ﺑﺎﻟﻲ
ﻣﻨﺬﺭ: ﺑﺎﻫﻲ ﺑﻌﺪ ﻳﺨﻄﺮﻭ ﻋﻠﻴﻚ ﻭﻳﺠﻮ ﻓﻲ ﺑﺎﻟﻚ ﺭﻧﻲ ﻋﻠﻴﺎ ﻭﺍﺣﻜﻲ
ﻟﻠﺪﻳﺮﺗﻴﻪ ﺣﻨﻚ ﻟﻮﻃﺎﻧﻲ ﺍﻧﻚ ﻃﺎﻟﻌﺎ ﻳﺎﺃﺑﻠﻪ ﺑﺎﻫﻲ
ﻃﻮﻁ ﻃﻮﻁ ﻃﻮﻁ ﻃﻮﻁ
ﻫﻨﺪ : ﺗﻤﺖ ﺗﺒﻜﻲ
ﻭﻣﻨﺬﺭ ﺳﻜﺮ ﻭﻋﺰﻕ ﺍﻟﻔﻮﻥ ﺑﻜﻞ ﻗﻮﺗﺎ ﻓﻲ ﺳﺎﺱ ﻭﻛﺴﺮﺍ ﻭﻃﻠﻊ ﻣﻦ ﺩﺍﺭ
ﻟﻠﺠﻨﺎﻥ ﻭﻗﻌﻤﺰ ﻓﻲ ﺟﻴﻬﺔ ﺣﻮﺽ ﺍﻟﺴﺒﺎﺣﻪ ﻭﺗﻤﺎ ﻳﺪﺧﻦ
ﻭﻣﻨﺬﺭ ﻣﻘﻌﻤﺰ ﻭﻗﺎﺭﻥ ﺣﻮﺍﺟﺒﺎ ﻭﺭﻗﻴﺎﻻ ﻭﻳﺪﺧﻦ
ﻣﻊ ﺧﺸﺖ ﻳﻮﺳﻒ ﺑﺎﻟﺴﻴﺎﺭﻩ ﺩﺭﺳﻬﺎ ﻭﻧﺰﻝ
ﻭﻛﺎﻥ ﻳﻤﺸﻲ ﻭﺟﺎ ﺟﻴﻬﺔ ﻣﻨﺬﺭ
ﻳﻮﺳﻒ: ﺭﻓﻊ ﺣﻮﺍﺟﺒﺎ ﻟﻠﻤﻨﺬﺭ . ﺍﻭﻭﻱ
ﻣﻨﺬﺭ: ﻋﺰﻕ ﺍﻟﺴﺒﺴﻲ ﻭﻋﻔﺲ ﻋﻠﻴﻪ ﺑﻜﺮﻋﺎ . ﺷﻦ ﺟﻮ
ﻳﻮﺳﻒ: ﻭﻫﻮ ﻳﻘﺪﻡ ﻭﻗﻌﻤﺰ ﻣﻘﺎﺑﻞ ﻣﻨﺬﺭ ﻉ ﻛﺮﺳﻲ ﺩﺭﺟﺎﺣﺎ
ﺗﻤﺎﻡ ﻛﻨﺎ ﺭﻗﻴﺎﻟﻚ
ﻣﻨﺬﺭ: ﺷﻲ ﺣﺴﻨﻲ ﻣﺘﻤﺰﻁ ﻳﺎﺭﺍ
ﻳﻮﺳﻒ: ﺍﻛﻴﺪ ﻃﺒﻌﺎ ﺗﺎﻛﻬﺎ ﻣﻊ ﻣﺎﺩﺍﻡ
ﻣﻨﺬﺭ: ﻭﻓﻲ ﺣﺎﺟﻪ ﺍﺧﺮﻩ ﺍﺗﻤﺰﻁ ﻏﻴﺮﻫﻦ ﻳﻌﻨﻲ
ﻳﻮﺳﻒ: ﻭﺳﻊ ﺍﻋﺼﺎﺑﻚ ﻳﺎﺭﺍ ﻭﺍﻧﺖ ﻋﺼﺒﻲ ﻣﺎﺗﺤﻤﻞ ﺷﻲ
ﻣﻨﺬﺭ: ﺗﻲ ﻭﺍﻟﻠﻪ ﻋﺎﺩﻱ ﺑﺲ ﺍﺩﻳﺮ ﻓﻲ ﺣﺮﻛﺎﺕ ﻳﺮﻗﺎﻟﻲ ﻓﻴﻬﻦ
ﻳﻮﺳﻒ: ﺍﻟﺒﻨﺖ ﺍﻛﻴﺪ ﻃﺒﻴﻌﻴﻪ ﻏﻴﺮ ﺍﻧﺖ ﻋﺼﺒﻲ ﺯﻳﺪﺍ ﻋﺎﻟﺰﻭﻡ ﺑﺲ
ﻣﻨﺬﺭ: ﺑﺤﺖ ﻓﻲ ﻳﻮﺳﻒ ﺑﻨﺺ ﻋﻴﻦ
ﺍﻭﻛﻲ ﻗﺎﻟﻬﺎ ﺍﻟﻲ ﺩﻳﻤﺎ ﻣﺮﻭﻕ
ﻳﻮﺳﻒ: ﻧﻨﻜﺮﺵ ﺍﻧﻲ ﻋﺼﺒﻲ ﺑﺲ ﻋﺼﺒﻴﺘﻲ ﺑﻌﻘﻞ ﻭﺭﻛﺎﺣﺎ
ﻛﻼ ﺍﻧﺖ ﻋﺼﺒﻴﻪ ﻉ ﺍﻫﺒﺎﻝ ﻭﺗﺮ
ﻣﻨﺬﺭ: ﺑﺎﻫﻲ ﻳﺎﺩﻛﺘﻮﺭ ﻓﺎﻝ ﻓﻜﻨﻲ ﻣﻦ ﺗﺤﻠﻴﻞ ﺷﺨﺼﻴﺘﻲ ﻭﻗﻮﻟﻲ ﺍﻧﺖ ﺷﻦ
ﺟﻮﻙ
ﻳﻮﺳﻒ: ﺭﻓﻊ ﺍﻳﺪﻳﻪ ﺷﻦ ﺍﺗﺤﻖ ﻓﻴﺎ ﻗﺪﺍﻣﻚ ﺟﻮﻱ ﻣﻴﻪ ﺍﻟﻤﻴﻪ
ﻣﻨﺬﺭ: ﺍﻟﻠﻪ ﻳﺎﻋﻢ ﻭﻋﻠﻴﺶ ﺣﺮﻛﺔ ﺍﻟﻄﻴﺮﺍﻥ ﺍﻟﻲ ﺩﺭﺗﻬﺎ ﺗﻮﺍ
ﺷﻜﻠﻚ ﻣﺒﺴﻮﻁ
ﻳﻮﺳﻒ: ﻭﺍﻟﻠﻪ ﻋﺎﺩﻱ ﻛﻨﻚ ﺣﺴﺪﻧﻲ
ﻣﻨﺬﺭ: ﻧﻨﻘﻨﻲ ﺣﺴﺪﻙ ﻉ ﺣﺮﻳﻪ ﺍﻟﻲ ﻋﻨﺪﻙ ﺿﺮﺏ ﺍﻟﺤﻴﺎﻩ ﻓﻲ ﻋﺮﺽ
ﺍﻟﺤﺎﺋﻂ ﻭﻋﺎﻳﺶ ﺑﺠﻮﻙ
ﻳﻮﺳﻒ: ﻫﺬﺍ ﺍﻟﻲ ﻳﺨﻄﺎ ﺑﻨﺎﺕ ﻭﺳﺮﻳﺒﻬﻦ ﻣﻦ ﺑﻌﺪ ﺑﻨﺖ ﻋﻤﺘﻚ ﺳﻜﺮﺕ
ﻋﺎﻟﻤﻮﺿﻮﻉ ﻭﻗﺮﺭﺕ ﺍﻧﻬﻴﺞ ﺑﺮﻭﺣﻲ ﻣﺎﻟﻲ ﻭﻣﺎﻝ ﻭﺟﻊ ﺍﻟﺮﺍﺱ
ﻣﻨﺬﺭ: ﻭﺍﻟﻠﻪ ﺻﺪﻗﺖ ﺣﺘﻲ ﺍﻧﺎ ﺷﻜﻠﻲ ﺑﻨﺪﻳﺮ ﻫﻜﻲ
ﻳﻮﺳﻒ: ﻫﻬﻬﻬﻬﻪ
ﻣﻨﺬﺭ: ﻛﻨﻚ ﺗﻀﺤﻚ
ﻳﻮﺳﻒ: ﺍﺻﻠﻲ ﻋﺎﺭﻓﻚ ﺍﻛﺒﺮ ﻛﺬﺍﺏ ﺑﻌﺪ ﺗﻌﺎﺭﻙ ﻣﻊ ﻫﻨﺪ ﺍﺗﺠﻲ ﺗﺤﻜﻲ
ﻛﻼﻡ ﻫﻜﻲ ﻭﺑﻌﺪ ﺗﺼﺎﻟﺤﻮ ﺗﻘﻌﺪ ﻛﻴﻒ ﺍﻻﺭﻧﺐ
ﻣﻨﺬﺭ: ﺗﻲ ﻋﺪﻱ ﻳﺎ .....
ﻳﻮﺳﻒ: ﻛﻼﻡ ﺍﻟﺤﻖ ﻳﻮﺟﻊ ﻳﺎﻃﻴﺮﻱ
ﻣﻨﺬﺭ: ﺗﻲ ﺣﻞ ﻳﺎﺭﺍ ﺭﺍﻩ ﻧﻌﺰﻕ ﻓﻴﻚ ﺍﻟﻄﺎﻭﻟﻪ
ﻳﻮﺳﻒ: ﺑﺎﻫﻲ ﻳﺎﻋﺼﺒﻲ ﺍﻫﺪﺃ ﺑﻴﺶ ﺍﻧﺎ ﻣﺎﻧﻌﻄﻴﻜﺶ ﺣﻮﻻ ﻓﻲ ﺍﻟﺤﻮﺽ
ﻫﻨﺎ
ﻣﻌﺘﺼﻢ : ﻳﺎﻣﺮﺣﺒﺎ ﻳﺎﻣﺮﺣﺒﺎ
ﻳﻮﺳﻒ: ﺟﺎ ﺍﻟﻌﺼﺒﻲ ﺍﻟﺮﺍﺧﺮ
ﻣﻨﺬﺭ: ﻏﻤﺰ ﻟﻠﻴﻮﺳﻒ ..ﺭﻳﺖ ﺷﻜﻼ ﺍﻛﻴﺪ ﻛﺎﻥ ﻳﺪﺣﻨﺲ ﻉ ﺷﻲ ﺑﻨﺖ
ﺭﺍﻗﺪﺕ ﺭﻳﺢ
ﻳﻮﺳﻒ: ﻣﻦ ﻋﻨﺪ ﻭﺟﻪ ﺑﺎﻳﻦ ﺧﺰﻳﻪ ﻧﺴﻮﻧﺠﻲ
ﻣﻌﺘﺼﻢ : ﻏﻴﺮ ﺍﻫﺪﻭ ﺑﺲ ﺍﻧﺘﻢ ﺍﻻﺛﻨﻴﻦ ﻭﺍﻧﺘﻢ ﻣﺎﺻﺪﻗﺘﻮ ﺭﻛﺒﺘﻮ ﻓﻴﺎ ﻳﺎ ....
ﻳﻮﺳﻒ: ﺷﻦ ﻛﺬﺑﺖ ﺑﺎﻫﻲ ﻳﺎﻛﺬﺍﺏ
ﻣﻨﺬﺭ: ﺧﺰﻳﻪ ﻣﺮﺍﻫﻖ ﺍﻋﻘﻞ ﻳﺎ ....ﻭﺑﻼﺵ ﻟﻌﺐ ﻋﺎﻟﺒﻨﺎﺕ
ﻣﻌﺘﺼﻢ : ﻧﻨﻘﻨﺎ ﺑﺎﻟﺠﻮ ﻫﻜﻲ ﻓﻴﻜﻤﺶ ﺟﻮ ﺑﻜﻞ ﻳﺎﺷﻜﺎﺭﻩ ﺍﻧﺖ ﻭ ﻭﻳﺎﻩ
ﻭﻋﻦ ﺟﺪ ﺍﻟﻲ ﻳﻘﻌﻤﺰ ﻣﻌﺎﻛﻢ
ﻭﺟﺎ ﻣﻌﺘﺼﻢ ﺑﻴﻌﺪﻱ
ﻳﻮﺳﻒ: ﺗﻲ ﺗﻌﺎﻝ ﻛﻨﺖ ﺍﻧﺸﻔﻂ ﻋﻠﻴﻚ ﺍﻧﺎ ﻭﻣﻨﺬﺭ ﻭﻏﻤﺰﻧﺎ ﻟﺒﻌﻀﻨﺎ
ﻳﺎﻃﺮﻳﺒﻴﻘﺎ ﺗﻌﺎﻝ
ﻭﺗﺒﻌﺪ ﻣﻌﺘﺼﻢ ﻭﺳﻠﺢ ﺗﻴﺸﺮﺕ ﺍﻣﺘﺎﻋﺎ ﻭﺟﺎ ﻳﺠﺮﻱ ﻭﺯﻗﺐ ﺳﺎﻟﺘﻮ ﻓﻲ
ﺍﻟﺤﻮﺽ
ﻭﻗﺪﻡ ﺣﻂ ﺍﻳﺪﻳﻪ ﻉ ﻣﺎﺩﺕ ﺍﻟﺤﻮﺽ
ﺗﻲ ﻋﺎﺭﻑ ﺣﻨﺎﻃﺘﻜﻢ ﻭﺍﻧﺎ ﻋﺒﺮﺗﻜﻤﺶ ﺻﺒﻴﺖ ﻻﻥ ﺑﻨﺰﻗﺐ ﺳﺎﻟﺘﻮ ﺑﺲ
ﻳﻮﺳﻒ: ﻣﺼﻘﻊ
ﻣﻌﺘﺼﻢ : ﺍﺷﻮﻳﻪ
ﻣﻨﺬﺭ: ﺻﺒﺎ ﻭﺳﻠﺢ ﺗﻴﺸﺮﺕ ﻭﺯﻗﺐ
ﻣﻌﺘﺼﻢ : ﺧﺶ ﻫﻴﺎ
ﻳﻮﺳﻒ: ﺗﻲ ﺍﻧﺘﻢ ﻟﺒﺴﻴﻠﻲ ﺷﺮﺗﺎﺕ ﻭﺍﻧﺎ ﻟﺒﺲ ﺳﺮﻭﺍﻝ ﺍﻣﺮﻳﻜﻲ ﺍﻧﺨﺶ
ﺷﻨﻮ
ﻣﻨﺬﺭ: ﻋﺪﻱ ﻏﻴﺮ ﻭﺗﻌﺎﻝ ﺍﻧﻜﺴﺪﻭ
ﻳﻮﺳﻒ: ﺗﻮ ﺍﻧﻐﻴﺮ ﻭﻧﺠﻲ ﻧﻜﺴﺪ ﻫﻨﺎ ﻟﻜﻦ ﺍﻋﻮﺍﻣﺖ ﺍﻟﺤﻮﺽ ﻓﻴﻬﺶ ﺟﻮ
ﺑﻜﻞ
ﻣﻨﺬﺭ: ﻧﻨﻘﻨﻚ ﺻﺪﻗﺖ ﺗﺒﻴﻠﻨﺎ ﺑﺤﺮ ﻳﺎﺭﺍ
ﻳﻮﺳﻒ: ﻧﻨﻘﻨﺎ ﺗﺒﻴﻠﻨﺎ ﺗﻨﺴﻴﻘﺎ ﻓﻴﻬﺎ ﻭﻣﺸﻴﺎ ﺷﺒﺎﺑﻴﻪ
ﻣﻌﺘﺼﻢ : ﻧﺴﻘﻮ ﻭﻗﻮﻟﻮﻟﻲ ﻭﺍﻧﺎ ﺍﻭﻟﻜﻢ
ﻳﻮﺳﻒ: ﺍﻧﻐﻴﺮ ﻭﻧﺠﻴﻜﻢ
ﻭﻋﺪﺍ ﻳﻮﺳﻒ ﻭﻗﻌﺪﻭ ﻣﻨﺬﺭ ﻭﻣﻌﺘﺼﻢ ﻳﻬﺪﺭﺯﻭ ﻭﻳﻨﺎﺑﺸﻮ ﻓﻲ ﺑﻌﻀﻬﻢ
~~~~~~~~~~~~
ﺍﻧﺎ ﻃﻠﻌﺖ ﻣﻦ ﺍﻟﺤﻤﺎﻡ ﺑﻌﺪ ﻣﺎﺩﻭﺷﺖ ﻭﻟﻘﻴﺖ ﻓﺎﻃﻤﻪ ﺍﺗﺼﻠﻲ ﻭﻫﺪﻱ
ﺗﻤﺸﻂ ﻓﻲ ﺷﻌﺮﻫﺎ
ﺍﻧﺎ : ﺍﻟﻠﻪ ﺍﺣﻼ ﺷﻌﻮﺭ ﻟﻤﺎ ﺍﺩﻳﺮﻱ ﺩﻭﺵ ﻭﺗﻄﻠﻌﻲ ﺗﻤﺪﺩﻱ ﻉ ﺳﺮﻳﺮ
ﻭﺗﻈﺒﻄﻲ ﻣﺨﺪﺗﻚ ﻭﺗﺮﻗﺪﻱ
ﻫﺪﻱ: ﺧﺰﻳﻪ ﻓﻘﺮﻳﻪ ﻃﻮﻝ ﻋﻤﺮﻙ ﻭﻣﺶ ﺷﻮﺭﻙ ﺭﻭﻣﺎﻧﺴﻴﻪ ﺑﻜﻞ
ﺍﻧﺎ : ﻭﺷﻦ ﺗﺒﻴﻨﻲ ﺍﻧﻘﻮﻟﻚ ﺍﻧﺘﻲ ﻳﺎ ﺍﻡ ﺍﻟﺮﻭﻣﺎﻧﺴﻴﻪ
ﻫﺪﻱ: ﺑﺪﻝ ﻣﺎﺗﻘﻮﻟﻲ ﺍﺣﻼ ﺷﻌﻮﺭ ﺗﻄﻠﻌﻲ ﻣﻦ ﺩﻭﺵ ﻭﺗﺮﻗﺪﻱ ﻓﻲ ﺣﻀﻦ
ﺭﺍﺟﻠﻚ
ﺍﻧﺎ : ﻋﺪﺍ ﺍﻟﻠﻪ ﻏﺎﻟﺐ ﺑﻌﺪ ﻳﻘﻌﺪ ﻋﻨﺪﻱ ﺭﺍﺟﻞ ﺗﻮ ﺍﻧﻘﻮﻟﻬﺎ ﺗﻮﺍ ﻣﺎﻋﻨﺪﻱ ﻏﻴﺮ
ﺳﺮﻳﺮﻱ ﻭﻣﺨﻴﺪﺍﺗﻲ
ﻓﺎﻃﻤﻪ : ﺍﺳﺘﻐﻔﺮ ﺍﻟﻠﻪ ﻳﺎﺣﻴﻮﺍﻧﻪ ﻳﺎﻫﺪﻱ ﻟﺨﺒﻄﺘﻴﻨﻲ ﻓﻲ ﺻﻼﻩ ﻳﺎﺻﺎﻳﻌﺎ
ﻭﺻﺒﺖ ﻓﺎﻃﻤﻪ ﺗﺴﻠﺢ ﻓﻲ ﺩﺑﺶ ﺍﻟﺼﻼﻩ
ﺍﻧﺎ : ﻫﻬﻬﻬﻬﻪ ﻭﺍﻧﺘﻲ ﻛﻨﻚ ﻋﺰﻗﺎ ﻭﺫﺍﻧﻚ ﺭﻛﺰﻱ ﻓﻲ ﺻﻼﺗﻚ
ﻓﺎﻃﻤﻪ : ﺻﻮﺗﻬﺎ ﻋﺎﻟﻲ ﺍﺻﻠﻬﺎ
ﻫﺪﻱ: ﻻ ﻧﺤﻜﻲ ﻋﺎﺩﻱ ﻏﻴﺮ ﺍﻧﺘﻲ ﺍﻟﻲ ﻋﺰﻗﺎ ﻭﺫﻳﻨﺎﺗﻚ ﻫﻨﺎ ﻳﺎ ﻣﺆﺩﺑﻪ
ﻭﻋﺎﺟﺒﻚ ﺍﻟﻜﻼﻡ
ﺍﻧﺎ : ﻳﺎﺑﻨﺎﺕ ﺑﻨﻘﻮﻟﻠﻜﻦ ﺣﺎﺟﻪ
ﻓﺎﻃﻤﻪ ﻭﻫﺪﻱ : ﺷﻨﻮ
ﺍﻧﺎ : ﻣﺶ ﻣﺼﺪﻗﺎ ﺍﻟﻲ ﺷﻔﺘﺎ ﻓﻌﻼ ﺻﺎﺭ ﻭﻻ ﺍﻧﺎ ﺍﻧﺘﺨﺎﻳﻞ
ﻫﺪﻱ: ﺗﺤﻜﻲ ﻭﻓﻜﻴﻨﻲ ﻣﻦ ﻛﻼﻡ ﺍﻟﻤﺴﻠﺴﻼﺕ
ﺍﻧﺎ : ﺍﻣﺒﺪﺭﻱ ﻧﺄﺧﺬ ﻓﻲ ﻃﻮﺍﺳﻲ ﻭﻃﻠﻌﺘﻬﻦ ﻣﻦ ﻣﺨﺰﻥ ﻭﺍﻧﺎ ﻃﺎﻟﻌﺎ ﻳﺨﺶ
ﺷﺎﺏ
ﻭﻳﻄﻴﺤﻦ ﺍﻟﻄﻮﺍﺳﻲ ﻳﺘﻜﺴﺮ ﻣﻨﻬﻦ ﺑﺎﻛﻮ ﻭﻧﺒﺤﺖ ﻫﻮ ﻧﻔﺲ ﺍﻟﻄﺮﻑ ﺍﻟﻲ
ﺷﻔﺘﺎ ﻓﻲ ﻣﺴﺘﺸﻔﻲ
ﻫﺪﻱ : ﻫﻴﻴﻴﻴﻴﻴﻴﻲ ﻛﺬﺍﺑﻪ
ﻓﺎﻃﻤﻪ : ﺣﻲ ﻳﺎﺣﻲ ﺷﻦ ﻳﻌﺮﻓﻨﺎ
ﺍﻧﺎ : ﻫﺬﺍ ﺍﻟﻲ ﻣﺴﺘﻐﺮﺑﺘﺎ ﺷﻦ ﻳﻌﺮﻑ ﻣﻮﺳﻲ ﻭﻋﻠﻴﺶ ﻛﺎﻥ ﺟﺎﻳﻨﺎ ﻭﺷﻦ
ﻳﺒﻲ
ﻫﺪﻱ: ﻋﻠﻴﻚ ﺻﺪﻓﻪ
ﺍﻧﺎ : ﻣﺶ ﻏﻴﺮ ﺯﻋﻤﻚ ﻋﻠﻴﺶ ﺟﺎﻧﺎ
ﻫﺪﻱ: ﺑﻪ ﺷﺎﻓﻚ ﻭﺍﺣﺪ ﻣﻦ ﻟﻌﻴﺎﻝ
ﺍﻧﺎ : ﺗﻲ ﻛﺎﻥ ﺷﺎﻓﻨﻲ ﻭﺍﺣﺪ ﻣﻦ ﻟﻌﻴﺎﻝ ﺭﺍﻩ ﺍﺗﺤﻘﻲ ﻓﻴﺎ ﻣﺼﺎﺑﻴﺎ ﻳﺎﻻﻙ
ﻭﻧﺤﻜﻴﻠﻚ
ﻓﺎﻃﻤﻪ : ﻛﺎﻥ ﺷﻔﻮﻫﺎ ﺭﺍﻩ ﻋﺠﻨﻮﻫﺎ
ﺍﻧﺎ : ﺑﺤﺖ ﻓﻴﺎ ﻭﻋﻄﻨﻲ ﻧﻈﺮﻩ ﻓﻬﻤﺘﻬﺶ ﻭﺧﺶ ﻟﻠﻤﺮﺑﻮﻋﺎ
ﻭﺍﻧﺎ ﺗﻤﻴﺖ ﺍﻧﻠﻢ ﻓﻲ ﻃﻮﺍﺳﻲ ﻭﻣﺶ ﻣﺼﺪﻗﺎ ﻭﻓﺠﺄ ﻳﻄﺐ ﻋﻠﻴﺎ ﻣﻮﺳﻲ
ﻫﺪﻱ: ﻫﻴﻴﻴﻲ ﺑﺎﻫﻲ
ﻓﺎﻃﻤﻪ : ﺧﻼﺹ ﻭﺍﻧﺘﻲ ﺗﺸﻬﻘﻲ ﻳﺎﺣﻤﺎﺭﻩ
ﻫﺪﻱ: ﺍﺳﻜﺘﻲ ﻛﻤﻠﻲ ﻫﻴﺎ ﺑﺴﺮﻋﻪ ﺑﻨﻜﻠﻢ ﺍﻳﻤﻦ
ﺍﻧﺎ : ﺧﻼﺹ ﺟﺎﻧﻲ ﻗﺎﻟﻲ ﻓﻴﺶ ﺍﺩﻳﺮﻱ ﻗﺘﻼ ﺍﻧﻠﻢ ﻓﻲ ﻃﻮﺍﺳﻲ ﻣﻜﺴﻮﺭﻩ
ﺳﺄﻟﻨﻲ ﻗﺎﻟﻲ ﺣﻘﻚ ﺻﺎﺣﺒﻲ
ﺍﺷﻮﻳﻪ ﻛﺬﺑﺖ ﻋﻠﻴﻪ ﻭﻗﺘﻼ ﻻﻻ
ﻫﺪﻱ: ﻏﺮﻳﺒﻪ ﺑﺎﻟﻲ ﻛﺬﺑﺘﻲ ﻭﻣﺎﺑﺼﻴﺘﻲ ﻉ ﺭﻭﺣﻚ
ﺍﻧﺎ : ﻣﺶ ﻋﺎﺭﻑ ﺍﺻﻼ ﺍﻟﻮﻗﺖ ﻫﺬﺍﻛﻲ ﺍﻧﺎ ﺍﻟﻲ ﻧﺤﻜﻲ ﻭﻻ ﺣﺪ ﺗﺎﻧﻲ
ﻣﺶ ﻓﺎﻫﻤﺎ ﺷﻲ ﻭﻛﻞ ﺗﻔﻜﻴﺮﻱ ﻓﻲ ﺷﺎﺏ ﻭﺷﻦ ﻳﻌﺮﻓﻨﺎ ﻭﻋﻠﻴﺶ ﺟﺎ
ﻓﺎﻃﻤﻪ : ﺑﺎﻫﻲ ﺍﻓﺮﺿﻲ ﻗﺎﻝ ﻟﻤﻮﺳﻲ ﺷﻔﺖ ﺍﺧﺘﻚ
ﻫﺪﻱ: ﻋﻠﻴﻚ ﺫﻛﺎﺀ ﻛﺎﻥ ﻗﺎﻟﻬﺎ ﻟﻪ ﺗﺤﻘﻲ ﻣﻮﺳﻲ ﺭﺍﻩ ﺟﺎ ﺩﻗﺪﻗﻬﺎ ﻣﻦ
ﺑﺪﺭﻱ ﻭﺑﻌﺪﻳﻦ ﻋﻠﻴﺶ ﺑﻴﻘﻮﻟﻪ ﻟﻪ ﻳﻌﻨﻲ
ﻓﺎﻃﻤﻪ : ﺻﺎﺡ ﻭﺍﻟﻠﻪ
ﻫﺪﻱ: ﻳﺎﺭﻳﺖ ﻳﺎﻓﻄﻮﻣﺎ ﻣﻌﺶ ﺍﺗﺸﻐﻠﻴﻠﻨﺎ ﺩﻣﺎﻏﻚ ﺑﺎﻫﻲ
ﻓﺎﻃﻤﻪ : ﻫﻬﻬﻬﻪ ﺑﺎﻫﻲ
ﻫﺪﻱ: ﻭﺟﻮﻫﻜﻦ ﺍﻟﺤﺐ ﻳﺮﻥ
ﻓﺎﻃﻤﻪ : ﺯﻋﻤﻚ ﺷﻦ ﻳﻌﺮﻑ ﻣﻮﺳﻲ
ﺍﻧﺎ : ﻭﺍﻟﻠﻪ ﻣﺎﻧﻲ ﻋﺎﺭﻓﺎ ﻛﺎﻥ ﻧﻠﻘﻮ ﻃﺮﻳﻘﻪ ﻧﻌﺮﻓﻮ ﺑﻴﻬﺎ ﻛﻴﻒ
ﻓﺎﻃﻤﻪ : ﺳﺒﺤﺎﻥ ﺍﻟﻠﻪ ﻉ ﺻﺪﻓﻪ
ﺍﻧﺎ : ﻗﻠﺘﻴﺶ ﻟﺼﺒﻴﺘﻚ ﻉ ﺣﻠﻤﺎ
ﻓﺎﻃﻤﻪ : ﻳﺎﺍﺍﺍﻱ ﺧﻄﺮﺗﻴﻬﺎ ﻋﻠﻴﺎ ﺍﻧﺴﻴﺘﻬﺎ ﻣﻦ ﺑﺎﻟﻲ
ﺍﻧﺎ : ﺑﺎﻫﻲ ﻣﺶ ﻣﺸﻜﻠﻪ ﺣﺘﻲ ﺑﻜﺮﻩ ﻗﻮﻟﻴﻠﻬﺎ
ﻓﺎﻃﻤﻪ : ﺍﻥ ﺷﺎﺀ ﺍﻟﻠﻪ
ﺍﻧﺎ : ﺑﺎﻫﻲ ﺣﻮﻟﻲ ﺑﻨﻌﺪﻱ ﺍﻧﺼﻠﻲ ﻗﻴﺎﻡ ﺍﻟﻠﻴﻞ
ﻓﺎﻃﻤﻪ : ﻫﻜﻲ ﻣﺤﺮﻣﺔ ﺍﻟﺼﻼﻩ
ﻭﺍﻧﺎ ﺑﻨﻄﻠﻊ ﺍﻧﻘﻌﻤﺰ ﻳﺎﻻ ﺃﻣﻲ
ﺍﻧﺎ : ﺑﺎﻫﻲ
~~~~~~~~~~~~~~~
ﺍﺭﻭﻱ: ﻣﺶ ﻋﺎﺭﻑ ﺍﻧﺎ ﻛﻨﻬﺎ ﺗﻌﺒﺖ ﻣﻨﻬﺎ ﻭﻣﻦ ﺍﻋﻨﺎﺩﻫﺎ ﺍﻟﺒﻨﺖ ﻫﺬﻱ
ﻓﻴﺼﻞ : ﻭﺳﻌﻲ ﺑﺎﻟﻚ ﻳﺎﺣﺒﻴﺒﻲ ﻫﺎﺗﻴﻬﺎ ﻫﻨﺎ
ﺍﺭﻭﻱ: ﻫﺎﻙ ﺑﺎﻟﻜﻲ ﺗﺴﻜﺖ ﻭ ﺗﺮﻗﺪ
ﻓﻴﺼﻞ : ﺍﺳﺴﺲ ﺍﺳﺲ ﻳﺎﺣﺒﻴﺒﺖ ﺑﺎﺑﺎ ﻛﻨﻬﺎ ﺑﻨﺘﻲ ﺍﻟﻌﺴﻞ ﻣﺰﻋﻼ
ﻣﺎﻣﺘﻬﺎ ﺍﻫﺎ
ﺍﺭﻭﻱ: ﺣﻖ ﻛﻴﻒ ﺳﻜﺘﺖ
ﻓﻴﺼﻞ : ﺗﻲ ﻋﺎﺭﻓﻬﺎ ﻣﺮﺍﻳﻔﺎ ﻉ ﺑﺎﺗﻬﺎ ﺣﺒﻴﺒﺘﻲ
ﺍﺭﻭﻱ: ﻣﺘﺎﻋﺖ ﺍﻃﺮﻭﺡ ﺑﻨﺘﻚ ﻫﺬﻱ ﻣﺶ ﻋﺎﺭﻑ ﻟﻤﻦ ﻃﺎﻟﻌﺎ
ﻓﻴﺼﻞ : ﻃﻠﻌﺎ ﻻﻣﻬﺎ ﻭﻏﻤﺰ ﻻﺭﻭﻱ
ﺍﺭﻭﻱ: ﻫﻬﻬﻪ ﺷﻦ ﻗﺼﺪﻙ
ﻓﻴﺼﻞ : ﺍﻧﺘﻲ ﻋﺎﺭﻓﺎ
ﺍﺭﻭﻱ: ﺑﺎﻫﻲ ﺗﻮ ﺗﺸﻮﻑ
ﻭﺻﺒﺎ ﻓﻴﺼﻞ ﻗﺪﺍﻡ ﺍﻟﺮﻭﺷﻦ ﺍﻟﻲ ﻳﻄﻞ ﻉ ﺣﻮﺽ ﺍﻟﺴﺒﺎﺣﻪ ﻭﻳﺒﺤﺖ ﻓﻲ
ﺷﺒﺎﺏ ﻭﻛﺎﻧﺖ ﺗﺮﺗﻴﻞ ﺣﻄﺎ ﺭﺍﺳﻬﺎ ﻉ ﻛﺘﻒ ﻓﻴﺼﻞ ﻭﻫﻮ ﺣﺎﻁ ﺍﻳﺪﻳﻪ ﻉ
ﻇﻬﺮﻫﺎ
ﻓﻴﺼﻞ : ﻫﻮ ﻳﺮﺩ ﻉ ﻛﻼﻡ ﺍﺭﻭﻱ ﻭﻳﺒﺤﺖ ﻓﻲ ﺷﺒﺎﺏ . ﻳﺎﺭﻳﺘﻨﻲ ﺍﻧﺸﻮﻑ
ﺍﺭﻭﻱ: ﺷﻦ ﺑﺘﺸﻮﻑ
ﻓﻴﺼﻞ : ﺟﻔﺎﻑ ﻟﻴﺎ ﻳﻮﻣﻴﻦ
ﺍﺭﻭﻱ: ﻫﻬﻬﻬﻬﻪ ﻛﻼ ﺍﻧﺖ ﻭﺍﺣﺪ ﺑﻠﻌﻮﻁ
ﻓﻴﺼﻞ : ﻭﺧﺮ ﻣﻦ ﺭﻭﺷﻦ ﻭﻋﺪﺍ ﺟﻴﻬﺔ ﺍﻟﺒﺎﺏ
ﺗﻮ ﻧﺮﻗﺪ ﺑﻨﺘﻚ ﻟﻮﻃﺎ ﻭﻧﻜﺴﺪ ﻣﻊ ﺷﺒﺎﺏ ﻭﻧﺮﻛﺐ ﻧﻮﺭﻳﻚ ﺍﻟﺒﻠﻌﻮﻁ ﻛﻴﻒ
ﻳﻜﻮﻥ ﻭﻏﻤﺰﻟﻬﺎ ﻭﻃﻠﻊ
ﺍﺭﻭﻱ : ﺿﺤﻜﺖ ﻭﺧﺸﺖ ﺍﺗﻮﺗﻲ ﻓﻲ ﺭﻭﺣﻬﺎ
ﻭﻧﺰﻝ ﻓﻴﺼﻞ ﻭﻫﻮ ﻣﺎﺳﻚ ﺗﺮﺗﻴﻞ ﻭﺷﺒﺎﺏ ﻛﺎﻧﻮ ﻳﻌﻮﻣﻮ ﻭﻳﻮﺳﻒ ﻛﺎﻥ ﻣﻘﻌﻤﺰ
ﻭﻳﺤﻜﻲ ﻣﻌﺎﻫﻢ
ﻓﻴﺼﻞ : ﺧﻴﺮ ﻳﺎﻣﻄﺮﺷﻘﻴﻦ
ﻣﻨﺬﺭ ﻭﻣﻌﺘﺼﻢ : ﺗﺎﺗﻲ ﺗﻌﺎﻟﻲ ﻋﻮﻣﻲ ﻣﻌﺎﻧﺎ
ﻓﻴﺼﻞ : ﺗﻲ ﺍﺳﻜﺖ ﺍﻧﺖ ﻭﻳﺎﻩ ﻗﻌﺪﺍ ﺗﺼﺎﺭﻉ ﻓﻲ ﻧﻮﻡ ﻏﻴﺮ ﻗﺎﻟﻘﺎ
ﻭﻗﻌﻤﺰ ﻓﻴﺼﻞ ﻗﺎﺑﻞ ﻳﻮﺳﻒ
ﻓﻴﺼﻞ : ﻣﺎﺯﺍﻝ ﺭﻗﻴﻠﻚ ﻣﻦ ﻛﻼﻣﻲ
ﻳﻮﺳﻒ: ﻻ ﻭﺍﻟﻠﻪ ﻋﻠﻴﺶ ﺑﺘﺮﻗﺎﻟﻲ ﺟﻮ ﺗﻤﺎﻡ
ﻓﻴﺼﻞ : ﺑﺎﻫﻲ ﺍﻥ ﺷﺎﺀ ﺍﻟﻠﻪ
ﻭﻗﻌﺪ ﻓﻴﺼﻞ ﻳﻬﺪﺭﺯ ﻣﻊ ﺷﺒﺎﺏ ﻟﻌﻨﺪ ﻣﺎﺗﺮﺗﻴﻞ ﺭﻗﺪﺕ
ﻓﻴﺼﻞ : ﺧﻼﺹ ﺭﻗﺪﺕ ﻭﺣﺴﻴﺖ ﺗﻤﺖ ﻓﻲ ﻧﺴﻤﺔ ﺻﻘﻊ ﺗﻨﺰﻝ
ﻳﻮﺳﻒ: ﺍﻫﺎ ﺧﺶ ﺑﻴﻬﺎ ﺭﺍﻩ ﺗﻤﺮﺽ
ﻓﻴﺼﻞ : ﻫﻴﺎ ﻳﺎﺟﻤﺎﻋﺎ ﺗﺼﺒﺤﻮ ﻉ ﺧﻴﺮ
ﺷﺒﺎﺏ : ﻗﺪﺍﻣﻚ ﺍﻟﺨﻴﺮ
ﻭﺭﻛﺐ ﻓﻴﺼﻞ ﺑﺘﺮﺗﻴﻞ ﻭﺣﻄﻬﺎ ﻓﻲ ﺳﺮﻳﺮﻫﺎ ﻭﻏﻄﻬﺎ ﻭﻏﻄﺎ ﺍﺧﺘﻬﺎ ﺗﻴﻤﺎﺀ
ﻭﻃﻔﺎ ﺿﻲ ﺍﻟﺪﺍﺭ ﻭ ﻭﻟﻊ ﺍﻟﻮﻧﺎﺳﺎ ﻭﺭﺩ ﻋﻠﻴﻬﻦ ﺍﻟﺒﺎﺏ
ﻭﻃﻠﻊ ﺧﺶ ﻟﻠﺪﺍﺭ ﻟﻘﺎ ﺍﺭﻭﻱ ﻣﺶ ﻓﻴﻬﺎ
ﺍﺗﻜﺎ ﻋﺎﻟﺴﺮﻳﺮ ﻭﺩﺍﺭ ﺭﻭﺣﺎ ﺭﺍﻗﺪ
ﻃﻠﻌﺖ ﺍﺭﻭﻱ ﻭﻫﻴﺎ ﻟﺒﺴﺎ ﺷﺮﺕ ﻗﺼﻴﺮ ﻭﻛﺖ ﻟﻮﻧﻬﻦ ﺍﺳﻮﺩ ﺳﺘﺎﻥ ﻭﻃﺎﻟﻘﺎ
ﺷﻌﺮﻫﺎ
ﺧﺸﺖ ﻟﻠﺪﺍﺭ ﻟﻘﺖ ﻓﻴﺼﻞ ﺭﺍﻗﺪ
ﺧﺸﺖ ﻟﻠﺴﺮﻳﺮ ﻭﺟﺘﺎ ﻣﻦ ﻟﻮﺭﺍ
ﻭﺗﺤﻜﻴﻼ ﻭﺗﻮﺷﻮﺵ
ﺣﺒﻴﺒﻲ ﺭﻗﺪﺕ
ﻓﻴﺼﻞ ﺳﺎﻛﺖ ﻣﺎﺑﺶ ﻳﺮﺩ
ﺍﺭﻭﻱ ﻳﺎﻋﻴﻮﻧﻲ ﺍﻛﻴﺪ ﺗﻌﺒﺎﻥ ﻭﻧﺰﻟﺖ ﻋﻠﻴﻪ ﻭﺑﺎﺳﺘﺎ ﺑﻮﺳﻪ ﺧﻔﻴﻔﻪ ﻉ ﺧﺪﺍ
ﻭﻟﻔﺖ ﻋﻄﺘﺎ ﺑﺎﻟﻈﻬﺮ ﻭﺭﻗﺪﺕ
ﻭﻓﺠﺄ ﻳﻨﻂ ﻋﻠﻴﻬﺎ ﻓﻴﺼﻞ
ﺻﺎﺭ ﺑﻠﻌﻮﻁ ﺍﻫﺎ
ﺍﺭﻭﻱ : ﻫﻬﻬﻬﻬﻬﻪ ﻓﺠﻌﺘﻨﻲ ﻧﺤﺴﺎﺑﻚ ﺭﻗﺪﺕ
ﻓﻴﺼﻞ : ﻧﺮﻗﺪ ﻛﻴﻒ ﻭﻧﺴﻴﺐ ﺣﺒﻴﺒﻲ ﻭﺍﻋﻲ ﻭﺭﺍﻳﺎ
ﺍﺭﻭﻱ: ﺍﻣﻤﻤﻢ ﺻﺪﻗﺘﻚ
ﻓﻴﺼﻞ : ﻃﺒﺲ ﻉ ﺍﺭﻭﻱ ﺗﻮ ﺣﺘﺼﺪﻗﻲ ﻏﺼﺒﻦ ﻋﻨﻚ ﻭﻧﺰﻝ ﻋﻠﻲ ﺍﺭﻭﻱ
ﻭﺗﻤﺎ ﻳﺒﻮﺱ ﻓﻴﻬﺎ ..........
ﻟﻴﻤﻮﻥ ﻳﺎﻣﻨﺠﻮﻫﺎﺕ ﺷﻜﻼ ﺍﻟﺪﻛﺘﻮﺭ ﻓﻴﺼﻞ ﺑﻴﺴﺒﺒﻠﻨﺎ ﺟﻔﺎﻑ ﻋﺎﻃﻔﻲ
~~~~~~~~~~
ﻭﻋﻴﺖ ﺍﻟﺼﺒﺢ ﺑﻌﺪ ﻣﺎﺻﻠﻴﺖ ﻭﻓﻄﺮﺕ ﺍﻧﺎ ﻭﺍﺟﺪﻳﺪﻩ ﻭﻣﺒﺮﻭﻛﻪ ﻭﻓﺎﻃﻤﻪ ﻓﻲ
ﺟﻨﺎﻥ
ﻭﻛﻨﺎ ﻃﺎﺭﺣﻴﻦ ﺣﺼﻴﺮ ﻭﺷﻠﺘﺎﺕ ﻭﻣﻘﻌﻤﺰﺍﺕ ﻧﻬﺪﺭﺯﻭ
ﻭﺟﺎﻧﺎ ﺑﺎﺗﻲ ﺟﺎﻳﺐ ﺍﻣﻌﺎﻩ ﺧﺒﺰﻩ ﻭﺧﻀﺮﻩ
ﺑﺎﺗﻲ : ﺳﻼﻡ ﻋﻠﻴﻜﻢ
ﻧﺤﻨﺎ : ﻭﻋﻠﻴﻜﻢ ﺍﻟﺴﻼﻡ
ﺑﺎﺗﻲ : ﻫﻜﻮ ﺷﻮﻓﻮ ﻫﺬﻱ ﺍﻟﺨﻀﺮﻩ ﺍﻟﻲ ﻃﻠﺒﺘﻮﻫﺎ
ﺍﻧﺎ : ﻫﻴﺖ ﻳﺎﺑﺎﺗﻲ
ﻭﺧﺬﻳﺖ ﺍﻟﺨﻀﺮﻩ ﻭﺧﺸﺸﺘﻬﺎ ﻟﻠﻤﻄﺒﺦ
ﻭﻃﻠﻌﺖ ﺍﻟﻘﺮﻣﻪ ﻭﺑﺪﻳﺖ ﻓﻲ ﻏﺪﺍﺀ ﻻﻥ ﺟﻤﻌﻪ ﻭﺑﻨﺪﻳﺮﻭ ﻣﺤﺸﻲ ﻭﻓﺎﺻﻮﻟﻴﺎ
ﻭﺍﻧﺎ ﺍﻧﻘﺮﺽ ﻭﺟﺖ ﻓﺎﻃﻤﻪ ﺟﻨﺒﻲ ﺗﻐﺴﻞ ﻓﻲ ﻣﻮﺍﻋﻴﻦ ﺍﻟﻔﻄﻮﺭ
ﻭﺑﺎﺗﻲ ﻭﻣﺒﺮﻭﻛﻪ ﻭﺃﻣﻲ ﺍﻟﻲ ﻫﻴﺎ ﺃﺟﺪﻳﺪﻩ
ﻣﻘﺒﻠﻴﻨﺎ ﻭﻳﻬﺪﺭﺯﻭ ﻻﻥ ﻧﺤﻨﺎ ﻣﻘﻌﻤﺰﻳﻦ ﻣﻦ ﺟﻴﻬﺔ ﺍﻟﻤﻄﺒﺦ ﻭﻓﺘﺤﻴﻦ ﺑﺎﺏ
ﺍﻟﻤﻄﺒﺦ
ﻣﻮﺳﻲ : ﻧﺰﻝ ﺧﻴﻴﺮ
ﻧﺤﻨﺎ : ﺧﻴﺮ
ﻣﻮﺳﻲ : ﻓﺎﻃﻤﻪ ﺻﺒﻴﻠﻲ ﻃﺎﺳﺔ ﺷﺎﻫﻲ
ﻓﺎﻃﻤﻪ : ﺣﺎﻇﺮ
ﻭﻗﻌﻤﺰ ﻣﻮﺳﻲ ﺟﻨﺐ ﺑﺎﺗﻲ
ﻣﻮﺳﻲ : ﻳﺎﺣﺎﺝ ﻗﺘﻠﻚ ﺟﺎﻧﻲ ﺍﻣﺲ ﺻﺎﺣﺒﻲ
ﺍﻧﺎ : ﻟﻤﺎ ﺳﻤﻌﺘﺎ ﻳﺤﻜﻲ ﻋﺮﻓﺘﺎ ﻳﺤﻜﻲ ﻉ ﻧﻔﺲ ﺍﻟﺸﺎﺏ ﺍﻟﻲ ﻓﻲ
ﻣﺴﺘﺸﻔﻲ ﻭﻗﻔﺖ ﺍﻟﺘﻘﺮﻳﺾ ﻭﺗﻤﻴﺖ ﻧﺴﻤﻊ ﻓﻴﻬﻢ ﻭﻓﺎﻃﻤﻪ ﻃﻔﺖ
ﺍﻟﺸﻴﺸﻤﺎ ﺣﺘﻲ ﻫﻴﺎ ﺗﺴﻤﻊ
ﺑﺎﺗﻲ : ﺑﺎﻫﻲ
ﻣﻮﺳﻲ : ﻫﺬﺍ ﺻﺎﺣﺒﻲ ﺍﻟﻲ ﻋﻨﺪﺍ ﺧﻮﻩ ﺩﻛﺘﻮﺭ ﻓﻲ ﻟﺠﻨﺔ ﺍﻟﻄﺒﻴﻪ ﺍﻣﺘﺎﻉ
ﺍﻟﻌﻼﺝ ﻓﻲ ﺍﻟﺨﺎﺭﺝ
ﻭﻃﺒﻌﺎ ﺍﻧﺎ ﻣﺮﺍ ﻣﺼﺒﻲ ﺍﻣﻌﺎﻩ ﻓﻲ ﻣﻮﺿﻮﻉ ﻭﻟﻤﺎ ﻋﺮﻓﺖ ﺍﻥ ﺧﻮﻩ ﺩﻛﺘﻮﺭ
ﻃﻠﺒﺖ ﻣﻨﺎ ﺍﻥ ﻳﺴﻔﺮﻙ ﺑﺮﺍ ﺑﻴﺶ ﺍﻧﺪﻳﺮﻭﻟﻚ ﻋﻤﻠﻴﻪ ﺑﺮﺍ ﻭﺻﺮﺍﺣﺎ
ﻣﺎﻗﺼﺮﺵ ﻳﻮﻣﻴﻦ
ﻭﺟﺎﻧﻲ ﺍﻣﺲ ﻭﻗﺎﻟﻲ 3 ﺍﺳﺎﺑﻴﻊ ﻭﺗﺴﺎﻓﺮ ﻟﻠﺘﻮﻧﺲ ﺍﺩﻳﺮ ﻋﻤﻠﻴﺘﻚ
ﺑﺎﺗﻲ : ﺑﻪ ﺑﺎﺭﻙ ﺍﻟﻠﻪ ﻓﻴﻪ ﺍﻟﻠﻪ ﻳﻔﺘﺤﻪ ﻋﻠﻴﻪ
ﺍﺟﺪﻳﺪﻩ : ﻭﻟﺪ ﻧﺎﺱ ﺍﻟﻠﻪ ﻳﺮﺑﺤﺎ ﻭﻳﺒﺎﺭﻙ ﻓﻴﻪ ﻭﻳﺤﻔﻈﺎ ﻟﻤﺮﺍﺕ ﻭﻋﻮﻳﻠﺘﺎ
ﻣﻮﺳﻲ : ﻳﺤﻔﻈﺎ ﻟﻬﻼ ﻣﺶ ﻣﺘﺠﻮﺯ
ﺍﺟﺪﻳﺪﻩ : ﺭﺑﻲ ﻳﺤﻔﻈﺎ ﻟﻤﻴﻨﺘﺎ ﺍﻥ ﺷﺎﺀ ﺍﻟﻠﻪ
ﺑﺎﺗﻲ : ﻟﻌﻴﺖ ﻣﻦ ﻫﻮ
ﻣﻮﺳﻲ : ﺍﻟﺤﺎﺝ ﻋﻠﻲ ﻋﻤﺮ ﺍﻟﻔﻼﻧﻲ ﻳﺒﻘﺎ ﺟﺪﺍ
ﺑﺎﺗﻲ : ﺍﻫﺎ ﻧﺎﺱ ﻣﻌﺮﻭﻓﻴﻦ ﻭﺟﺪﺍ ﺭﺍﺟﻞ ﻣﺼﻨﻊ ﻭﻣﺘﺎﻉ ﺣﻖ ﻭﺻﺎﺣﺐ ﺧﻴﺮ
ﻣﻮﺳﻲ : ﺍﻫﺎ ﻣﻌﺮﻭﻓﻴﻦ ﻫﻤﺎ
ﺑﺎﺗﻲ : ﻃﺎﻟﻊ ﻟﺠﺪﺍ ﺍﻟﻮﻟﻴﺪ
ﻣﻮﺳﻲ : ﺗﻲ ﺗﺤﻘﺎ ﻣﺎﺗﻘﻮﻟﺶ ﻋﻠﻴﻪ ﻋﺎﻳﻠﺘﺎ ﻫﻜﻲ ﻣﺘﻮﺍﺿﻊ ﺑﻜﻞ ﻭﻣﺶ
ﻓﺸﺨﺎﺭ
ﺑﺎﺗﻲ : ﺷﻦ ﺍﺳﻢ ﺑﺎﺗﺎ ﻳﻘﻌﺪ ﻭﻟﺪ ﻣﻦ ﺟﻤﺎﻝ ﻭﻻ ﻭﻟﺪ ﺍﺑﺮﺍﻫﻴﻢ
ﻣﻮﺳﻲ : ﻫﻮ ﺍﺳﻤﺎ ﻳﻮﺳﻒ ﺍﺑﺮﺍﻫﻴﻢ
ﺍﻧﺎ : ﺧﻼﺹ ﻟﻤﺎ ﻗﺎﻝ ﺍﺳﻢ ﻳﻮﺳﻒ ﺿﺤﻜﺖ
ﻓﺎﻃﻤﻪ : ﺷﻜﻼ ﻳﻮﺳﻒ ﻃﺮﻑ ﻣﻦ ﺟﻤﻴﻊ ﺍﻟﻨﻮﺍﺣﻲ
ﺍﻧﺎ : ﻣﺶ ﻏﻴﻴﺮ
ﻫﺪﻱ: ﺧﻴﻴﺮ
ﺍﻧﺎ ﻭﻓﺎﻃﻤﻪ : ﺧﻴﺮﺍﺕ ﺗﻌﺎﻟﻲ ﺍﺳﻤﻌﻲ
~~~~~~~~~~
ﺍﺑﺮﺍﻫﻴﻢ : ﻭﻫﺬﺍ ﺍﻟﻲ ﺻﺎﻳﺮ ﻳﺎﺣﺎﺝ
ﻋﻠﻲ ﺟﺪ ﻳﻮﺳﻒ : ﻣﺎﻋﻠﻴﻚ ﻓﻴﻪ ﺗﻮ ﻧﻜﻠﻤﺎ ﺗﻮﺍ ﻭﻧﻨﻬﻲ ﻣﻌﺎﻩ ﺍﻟﻤﻮﺿﻮﻉ
ﻭﺭﻥ ﻋﻠﻲ ﺟﺪ ﻳﻮﺳﻒ ﻉ ﻳﻮﺳﻒ
ﻳﻮﺳﻒ: ﺳﻼﻡ ﻋﻠﻴﻜﻢ ﻳﺎ ﺣﺎﺝ
ﺟﺪﻩ : ﻭﻋﻠﻴﻜﻢ ﺳﻼﻡ ﻭﻳﻦ ﻗﺎﻋﺪ
ﻳﻮﺳﻒ: ﻓﻲ ﺣﻮﺵ
ﺟﺪﻩ : ﺑﺎﻫﻲ ﺍﻟﺒﺲ ﻭﺗﻌﺎﻟﻲ ﻧﺒﻴﻚ ﻓﻲ ﻣﻮﺿﻮﻉ ﺿﺮﻭﺭﻱ
ﻳﻮﺳﻒ: ﻭﻳﻦ ﺍﻧﺠﻴﻚ
ﺟﺪﻩ : ﻓﻲ ﺣﻮﺵ ﺗﻠﻘﺎﻧﻲ ﺑﺴﺮﻋﻪ
ﻳﻮﺳﻒ: ﻫﻴﺎ ﻫﻴﺎ
ﻭﺳﻜﺮ ﻳﻮﺳﻒ ﻭﻫﻮ ﻓﻲ ﺭﺍﺳﺎ ﻣﻴﺔ ﺣﺎﺟﻪ ﺟﺪﻩ ﺷﻦ ﻳﺒﻲ ﻓﻴﻪ ﻟﺒﺲ ﻭﻧﺰﻝ
ﻳﺠﺮﻱ ﻭﻋﺪﺍ ﺍﻟﺤﻮﺵ ﺟﺪﻩ
ﻭﺧﺶ ﻟﻠﺪﺍﺭ ﻣﻘﻌﺪ ﺍﻣﺘﺎﻉ ﺟﺪﻩ
ﺟﺪﻩ : ﺧﺶ ﺧﺶ
ﻳﻮﺳﻒ: ﻛﻨﻚ ﻳﺎﺣﺎﺝ ﺷﻐﻠﺘﻨﻲ ﺷﻦ ﻓﻲ
ﺟﺪﻩ : ﻛﻨﻚ
.
.
.
.
.
.
.
.
.
.
.
# ﻳﺘﺒﻊ
