التوبه
بارت1
الحياة علمتني ان الله سبحانه وتعالى لايظلم عبده مهما أخطأنا واذنبنا ربنا دائما أبوابه مفتوحه ومن كثرة الياس الي نمر بيه نسأل يارب ليش بس الله سبحانه وتعالى عادل بحكمه ومشيئته
السلام عليكم اني هاله عراقيه انولدت بغداد من عائله ثريه اخ واحد ماجد وتلث بنات ميادة الكبيرة واني هاله ومي الصغيرة بابا عنده معارض سيارات وعمارات وكراجات وهواي أمور ومن تغير الحكم بالعراق فتح شركه لمقاولات حاله حال بقية المقاولين وشريكه رجال عراقي عايش بالخارج واهله كانوا بالخارج ورجعوا هنا وهو بين هنا وهناك
ماما توفت من كان عمر مي تلث سنوات ماتت بالسرطان وبعد وفاتها بابا اتزوج اختها. كبيرةبالعمر وتزوجت مرة ومصار عدها جهال اتطلگت وبابا راد وحده تدارينا وتخاف علينا وبنفس الوقت تريد تعيش وتتحمل حياة بابا الي، كلها سكر وسهر ونسوان وقمار لعد ماما منين اجاها المرض من القهر غير خالتي اسمها فوزيه كانت مرآة ورجال بنفس الوقت ام بيت رغم عيشتنا علمتنا نسوي شغلنا بادينا نظف نغسل ملابس وعمرها ماتعاجزت من شي بيتنا دائما بيه اكل حاضر خبز حار كليچه عصير طبيعي نادرة بمعنى الكلمه كنا نحبها بس اخوي ماجد كان يكرهه ويسميها بت الفگر ماشايفه اكل اربعه وعشرين ساعه تطبخ وين لاگيتها بيت اهلها ناسي اهلها يصيرون أجداده دمرت السنين منعرف ام واب غير فوزيه هي الي واگفه بمتحاناتنا مرضنا صلاتنا حجابنا كبرنا مياده صارت سادس اعدادي بالعطله. الصيف اعترفتلي تحب ولد من المنطقه اسمه سمير اني شايفته ولاحظت دزله رصيد وفلوس وتشتري هدايا خفت منه وظليت اراقبهاونصحها تعوفه أو تخليه يتقدملها اني وميادة اثنينه رسبنا سنه من جنا بالابتدائيه....يتبع
