التوبه
بارت4
ايام العزا كانت صعبه ميادة كانت ضحيه لحظه ثقه وصدگت شي اسمه حب افتقدتها واول مرة احس بمعنى الاخت الكبيره اني ومي مانزلنا لعزا النسوان بقينا بغرفة ميادة ختمنا القران ونبچي وندعي اخر يوم العزا صاحتني خالتي رحت چانت ام شهاب رايدتني اخذتني للمطبخ وگلتلي شنو قصتچ ويه ابني عوفيه لاتصيرين لزگه هو رايد بنت اختي وانتي شوفيلچ واحد يرضى بيچ وبفضايحكم وطلعت
بعد وفاة مياده والمشاكل الي صارت بينا وبين أهل سمير تغيرت حياتنا كليا بطلوني من المدرسه وأخذوا الموبايلات ماجد ظل يسير حياتنا وخسرنا ثقته بينه اني وخالتي خلا حياتها عذاب حتى يضربها يتصور كانت تعرف بعلاقة ميادة وسمير وكل شويه يگلها كله منچ ملتهيه تطبخين وتاكلين بابا دفن نفسه بالشرب والقمار اكثر حتى ينسى اختي مي بس الي خلوها تداوم لان زغيره وكل متروح للمدرسه تجي تبچي البنات يگولون اختچ انهزمت اختچ الثانية بطلوها لان حامل خالتچ ويه العصابه صار لازم نتحول لمنطقه ثانيه بابا عنده بيت ثاني تحولنا بيه كبرت مشاكل بابا الماديه خاصة من استلم الشغل ماجد ميعرف يتصرف ودخل مشاريع فاشله لحد ما وصل بينا الحال نبيع البيت القديم والسيارة مال ابوي بساعة مااگدر انساها دخل بابا للبيت گل لخالتي وين ذهبچ وذهب البنات جيبيه احنا ذهبنه كله عدها سالته ليش شتسوي بيه
جيبيه بنت الكلب جايبته من بيت الخلفوچ راحت تركض انطته الذهب وطلع مارجع الا ثاني يوم الذهب باعه علمود القمار مرت سنه واحنا نحاول نصلح الأمور بينا وبين ماجد مفاد بدت المشاكل بين بابا وابو لهب لان ماجد أخذ فلوس من الشركه وفتح بيها مشروع وبابا اخذ فلوس مناقصه بدون علم ابو لهب بيوم الظهر تلفون بابا مابطل يرن ويجاوب وصوته عالي للعصر اجى ماجد وياه ابو لهب صوتهم كان صياح ظلينا اني وخالتي نريد نفتهم شي ماكو يحچون بالدفاتر والشدات وبعدين طلع ابو لهب ثاني يوم صاحلي ماجد وياه بابا من هاي اللحظه بدت حياتي تتجه لطريق ماحاسبه احسابه ماجد صار اكثر من سنه ماحاچي وياي واذا حچى غلط واهانه گلي گعدي هاله شگد عمرچ هسه ١٩سنه ليش تسال
جايچ خطابه ولد غني وعايش بالخارج وانتي دتشوفين حياتنا شلون صارت واشغالنا وفلوسنا كلها راحت فتزوجي احسن
اني مااريد اتزوج اريد ارجع للمدرسه
موبكيفچ انطينا الثقة مرة وخنتنها
اني مالي ذنب ومنو هذا الي يريد يتزوجني
من حقچ تعرفيه بس مو من حقچ ترفضين لاتنسين سمعتنا راحت من ورا ميادة والفلوس راحت يعني شهاب زين وفكر بيچ
شهاب ابو لهب السكير ابو النسوان هذا مو حچيك عنه هذا يتزوجني شگد عمره تدري لامستحيل
لچ هذا الماعجبچ يطلبنا ملايين وصار شهر نتوسل بيه لحد ماقبل ياجل الطلب ميوديه للمحكمه والمقابل رادج زوجه ماكو اني وابوچ نروح للسجن لان اخذنا فلوس الشركه بدون علمه يعني اختلاس
بابا صدوگ هذا الحچي ابو لهب يطلبك ويدخلك السجن اذا مااقبل
اسمه شهاب بابا تعلمي على الاسم زين عيب وليش ترفضيه غني شاب عايش بالخارج فكري بابا
ماكو تفكر باچر يجي شهاب ونتفق
يعني ترهنوني عنده لحد متوفون الدين معقوله بابا تقبل بهيچ زواج
بنتي هاله الولد رايدچ من زمان وموت ميادة أجل الموضوع
طلعت من الغرفه على خالتي اعرف خالتي مابيده شي بس فكرت تهزمني يم بيت جدي
فدوة خاله وديني لبيت جدي يريدون يزوجوني ابو لهب
ادري ابوچ البارحه گلي وبيت جدچ منو بيه ميگدرون على ابوچ
شلون يعني اتزوج سكير وسافل واتحمل الى أن اتمرض من القهر واموت مثل امي
والله خاله اني لاحول ولاقوة وماادري شجانه البيت انهار وانتن دمرتن وابوچ ملتهي بالسكر والقمار
كل البچي والتوسل مافاد وفكرة انهزم وين اروح هو الرياجيل بغداد يخافون على روحهم انوب بنيه ومهزومه ثاني يوم الصبح ماجد حچى وياي بهدوء اني صار اكثر من سنه اتمنى علاقتي بيه تتحسن ويرجع مثل قبل اخوي الي ماعندي غيره گلي ادري صعبه عليچ بس لخاطرنا اتحملي لحد منسدد دينه بابا عنده املاك يبيعهن وينطي فلوس وذاك الوكت عود عوفيه
شلون اعوفه يعني اطلگ واني بهذا العمر ولاشهاده وحتى انتم اذا طلگت متتحملوني ماجد شهاب انت اعرف مني بيه شلون اتحمله
والله حاولت وياه بس مصر عليچ بشكل غريب هو حاچي وياچ قبل ملمح يحبچ
هذا حضي ابو لهب يحبني
لاتصعبين الأمور هسه هو لو يتقدم اي وحده تكيف لخاطرنا اقبلي
گام وباسني براسي وگفت وحضنته گتله لعيونكم انت وبابا بس اريدك ترجع اخوي تخابرني من اتزوج وتسأل عليه اريد اگول عندي اخ ميعوفني
اني اخوچ انتي تدرين الي سويته ورا وفاة ميادة من حرصي وخوفي عليچن
العصر اجى شهاب وامه وأخوه الكبير مؤيد وجابوا شيخ عقد النه شهاب گايللهم اريد اشوفها من الفاتحه مشايفها لبست حجاب ماجد گلي ذبيه صار زوجچ الكلمه كلش مراهمه دخلت ابو لهب لاحياء ولا مستحى ديفحص البضاعه المشتريها من طلعوا عرفت اسبوع الجاي الزواج بس گرايبهم يحضرون ابيتهم
الناس عادة تسأل عن العريس يله يوافقون اهلي وافقوا وهمه يعرفونه ويعرفون سوالفه المكسره ظليت الأسبوع كله خالتي توصيني وتصبرني بس من افكر ابو لهب راح يصير رجلي جلدي أحسه يريد ينهزم من جسمي ياربي ابو لهب مو غيره امرك وحكمك يارب رحنا للعقد بالمحكمة واخذني القنصليه قدم العقد خالتي وماجد كانوا وياي گتلهم اذا تعوفوني لوحدي وياه اكتل نفسي من دنطلع من القنصليه گلي محضرلچ مفاجأة بيوم العرس متتوقعيها لارديت عليه ولا باوعت بوجهه...يتبع
