التوبه
بارت2
شريك بابا اسمه شهاب رجال اقدر عمره بين ٣٢او ٣٤
عايش بامريكا ومن تغير الحكم رجع يشتغل يستثمر فلوسه وشارك ابوي بعدة أمور مااعرفها كلها اني واخواني كنا نسميه ابو لهب لان نفس ابوي سكر ونسوان والدين عنده تخلف لذلك استحق هذا اللقب بجدارة هو على طول يجي علينا وحتى امه واخواته بيوم جمعه بابا عزمهم على سمچ وخاله فوزيه احسن وحده تسوي سمچ بالتنور وگعدتنا من الصبح نساعدها خطيه چانت مطيعه لبابا بشكل وعلى طول تدعيله من تصلي مياده كانت عدها دورات وصلها اخوي ماجد هو الكبير عمره٢٢سنه سنه متخرج معهد إدارة بهذا اليوم عرفت ابو لهب حاطني باله عينه عليه من داخلي الاكل سألني هاله عندچ موبايل جاوبته اي عندي قديم لو حديث حديث ليش عمو تريد تشتريه لا بس البارحه وصلني تلفون حديث گلت انطيه الچ نوعيه ماموجوده بالعراق
عمو اني متعوده على تلفوني واذا اريد جديد بابا يجيبلي شنو سالفة عمو ترى اني مو چبير العفو موقصدي
اني جنت خامس علمي بس مو غبيه وهذا ابو لهب اعرفه واحد أفكاره وصخه ينطيني تلفون وشنو المناسبه ظل طول الگعدة عينه عليه وبس احچي شي حتى لو ويه اخواتي يدخل مسوي نفسه زغير اصلا حرام واحد يگعد وياهم يأكل خاله هيچ تگول بس مجبورين ام ابو لهب من شافتنانغسل المواعين گالت لخالتي خطيه مخليتهن يغسلن مواعين جيبي خدامه خالتي جاوبتها ليش خدامه والبيت بيه اربع نسوان يتعلمن على النظافه والندارة دلال ابوهن مادايم الهن
اندارت عليه امه وگالتلي هاله ليش متضعفين كل مااشوفچ سمنانه
خاله هسه انجح السادس واصير عوده ميادة هم چانت مثلي واني ترى مو سمينه
كان الموبايل بيدي وصاحني بابا دخلت كلي اخذي الصينيه وجيبي چاي خليت الموبايل على الميز أخذه ابو لهب تعجبت من تصرفه شيدور بتلفوني عندي صور ملابسه حجاب رجعت انطاني الجهاز گلي دگيت على تلفوني من جهازچ وخزنت الرقم مالتي عندچ انتي احلى بدون حجاب
ماعرفت ليش هيچ ديسوي هذا من كل عقله رجال شگده شكبره اتصل الساعه تلاثه الفجر نايمه مشفت الرقم بس خفت من يتصل ب٣الفجر جاوبت همزين جاوبتي هاله حتى اسمچ يموت
منو انت اني الي موتيه وبيدچ تحييه گوليلي كم واحد غيري ميتين عليچ انت شهاب مو ياعيون شهاب تدرين شگد اعرف نسوان بس ولاوحدة مثلچ يروحلچ فدوة
لك متستحي صلاة الفجر راح تصير وانت سكران وتخابر وطفله بگد بنتك امداك موت الكرفك اذا مااگل لبابا خلي يذبحك والله خوفتيني بابا لچ ابوچ اطلب فلوس اكثر من سعر بيتكم ويتمنى اخذچ هو الي خطط للعزيمه مال اليوم وگلي احچي وياها من شفتچ اول موصلت للعراق قبل سنه اجيتي عدنا ردت اشيلچ من بالي گلت هسه انساها وحچيت ويه ابوچ گال اقنعها واخذها
اخذك انت ابو العرگ ابو النسوان عوع والله اخذ چلب ولااخذك لك روح للساقطات امثالك
سديت التلفون وحضرته انتظرت يطلع الصبح حتى احچي لخالتي وگتلها المكالمه عندي اسمعيها گالت خلي يولي سكران وديلغي
مابقى الا ابو لهب خلصت الزلم...يتبع
