التوبه
بارت8
رغم مخاوفي من شهاب ممكن باي لحظه يدخل عليه وهو سكران أو راجع من ملهى مشاعري انجرفت ورا وكل دگه بگلبي صارت ملكه الاسبوع صار شهر بقينا سوا وكل يوم اغير شي بيه شهاب مو بس ماعنده علاقة حب قبل لا همينه يعتبره ضعف بالرجال كان صعب عليه يعترف هو يحبني بس اعترف ومقابل اعترافه كنت احوط بالحب والاهتمام وين ميروح رسائل ومرات رسائل بيها ايات صممت صورة لزواجنا وكتبت عليها ايه ولسوف يعطيك ربك فترضى
اتعمد اشغل قران العصر حتى يسمع ويتعود ويتعالج نفسيا
رجعنا لبيت أهله بدت العصبيه بتعامله وتدرون ليش شهاب متعود على السكر وصار اكثر من شهر تاركه تحملت واني اشوفه يفتعل حجج حتى يصير عصبي والغيره الي عنده لاتطاق حتى اخوه مؤيد ميقبل احچي وياه زايد يگلي سلمي وبس ماكو داعي تسولفين وياه
الشي الي قلقني وفعلا حسيت بيه مشكله هو ثائر دائما من شهاب ماموجود يضايقني يظل كل شويه داخل للمطبخ ويگعد يمنا ونظراته مو مريحه ام شهاب حست گلتلي لاتنزلين بعد من غرفتچ لحد ميجي رجلچ افتح التلفون الگه ارقام غريبه تدگ عليه ماجاوب الكه رسائل وصور حقيره راسليها الي امسح وأحضر وكل رساله مكتوب بيها اسمي ظليت اقفل التلفون شهاب ميقبل يسألني ليش تقفلين تلفونچ منين خايفة اجاوبه انساه بدون شحن مليت واني اداري اخذت تلفوني ورحت على سلمى گتله شوفي الي كاتب الرساله ديوصفني كلشي بيه گالت هذا شهاب يريد يجربچ لاتردين وگليله احسن ماصدگت حچيها شهاب ميسويها ابنها ثائر معقوله شهاب ينطي رقمي لولد تخابرني واخاف اگله
اني الظهر اخابره شهاب اذكره يصلي ويحلف والله صليت گتله اريد اغير رقم تلفوني دخل وياي تحقيق ليش ومنو مضوجچ ومية سؤال عرفت مو هو وجاوبته رقمي قديم واريداني وياك نشترك بارقام مال عائله وحده تكون المكالمات ارخص
ديله يله لاتبيعين فگريات براسي
خابرت ماجد وحچيتله اخذ الارقام وتصل بيهم محد يجاوب حاول يروح الشركه يعرف المن الخط رادين عليه إلا طلب من مركز الشرطه وبلاغ الرسائل حتى الفجر تجي وشهاب ميقبل اقفل تلفوني يگلي منين خايفة واحلف ماعندي شي
مليت حچيت لام شهاب گلبت الدنيا عليه وعيرتني بميادة اختي. بقى احچي ويه شهاب اعرف ميتفاهم بس مابيدي حيله كان يوم جمعه شهاب صلى الظهر اجتي رساله بيها شعر وسخافة انطيته التلفون گتله اقراها قراها گام عيونه جهنم حمرة دگي على الرقم وحچي وياه مااعرفه والله شلون احچي وياه متعرفيه شنو كل حرف باسمچ مسويه عليه بيت شعر دگي گدامي اتصلت ارجف وخايفة بس يگول اسمي هذا راح يتخبل گلت الو الي جاوب اتحسر وگال حني عليه عاد مو كافي دلال ذبيت التلفون أخذه شهاب وصار الغلط وفشار الولد سد التلفون وحضر رقمي اخذني شهاب من شعري على المرايه ضرب وجهي بيها الى أن تكسرت كلها گصتي دخلت زجاجه وخشمي من الضرب ينزف وصدري انملى زجاج كل المرايه صارت قطع زجاج على جسمي من رأسي بوجهي لصدري من شاف الدم ملى وجهي ظل ميعرف شيسوي عبالك صحى ملابسي مكانت مستورة صاح أخته ومرت اخوه ويغطي بيه ميريدهن يشوفن جسمي ماهمه الدم الي بوجهي وصدري سلمى وحنان شافن زجاج داخل بالجلد وخافن يطلعنه ظل يصيح عليهن وگفن الدم لاابتلي بيجن سلمى گلتله اخذها للمستشفى نخاف نطلع شبيك تخبلت ليش هيچي وياها شنو فصليه اخذها للمستشفى لو اصيح مؤيد خلي يتفرج على عمايلك م
متروح للمستشفى اطباء يتفرجون عليها
دروح مسوي روحه يغار عليه گول خايف من التحقيق ظلوا يتعاركون والدم تمسح بيه حنان وكل ما تلمسني الزجاج ياذيني اخذوني للمستشفى مؤيد وسلمى گتلهم انظف ونكسر ت المرايه المستشفى اهلي سكتوا الجرح الي بگصتي وصدري بس اذاني ودوني للبيت مؤيدمقبل ياخذني على بيت اهلي گلي اصبري وياه شويه هسه بدا يتغير ويصلي مو سهله الشرب من هو مراهق بدمه حچيتله على التلفونات وسلمى كالت صحيح گالتلي قبل اسبوع كتلها شهاب ديختبرچ رجعت للبيت نمت كانت عصر تعبانه بعمري ممضروبه مثل اليوم صوته باذني وهو يضربني ويگلي منو هذا ولچ تلعبين عليه صايرة شريفة براسي صارت نص الليل دخل شهاب دربه ميندله من السكر گعد على السرير وگلي كافي بعد مااگدر انتي طالگ اني ميصيرلي چارة شنو ذنبچ تتحملين وياي روحي وخليني اسكر وانساچ...يتبع
