ينزل الموظفون الى الارشيف يتفاجؤا من ترتيب جيداء للارشيف
احد الموظفين : لو سمحتى عايزين ملفات الديون المعدومة و الشيكات المستحقة للصرف .
جيداء : حاضر (و فى دقائق تاتى بمجموعة من الملفات ) دى كل اللى قدرت ارتبه لحد دلوئتى .
فى قسم الحسابات يبدا جرد الديون و مراجعة الميزانية السابقة و مقارنة الديون بها و كذلك وضع تصور مبدئ لحجم الديون الامر الذى استغرق كامل قسم الحسابات
اتى اليوم الذى سيسلم فيه الملفات سريعا على جاسر و بطيئا على موظفو قسم الحسابات الذين اجهدوا كثيرا طوال يومان فى تجهيز كل تلك الملفات و كان فى ذلك اليوم يوجد اجتماع عام لمدير الحسابات و موظفين القسم مع جاسر , و كان هذا اول اجتماع يضم موظفى قسم الحسابات
جاسر : افتكر ان الملفات اللى طلبتها جهزت و لا لا .
مدير الحسابات : طبعا يا فندم بس احنا حطينا تصور مبدئ لحجم الديون و تاثيرها علينا و هو مش كبير .
جاسر : تصور مبدئ انا كلامى كان واضح .
مدير الحسابات : يا فندم الناس دى منامتش من اول امبارح و معظمهم اخد معاه الملفات يخلصوها فى بيوتهم و ده تصور مبدئ لان الوقت اللى حضرتك ادتهولنا ضيق اوى و بعدين مش حايفرق كتير الارقام من التصور المبدئ للتصور الفعلى و ان شاء الله على الاسبوع الجاى حايكون التصور الفعلى على مكتبك .
استمر الاجتماع حوالى الساعتين فى مناقشات محتدمة بين موظفى الحسابات و جاسر
كانت جيداء فى طريقها الى البوفيه لتاخذ كوب قهوة اذ ان ماكينة القهوة لديها تعطلت عندما قابلت سكرتيرة جاسر .
جيداء : ازيك عاملة ايه ؟
سهى السكرتيرة : انا الحمد لله بخير سمعت انك نظمتى الارشيف بشكل كويس اوى انتى عارفة مكتبك ده اللى كان بينزل علشان ياخد منه ملف كنا بنعتبره مفقود و الارشيف كنا بنسميه البعبع ( تضحك عاليا ) هههههههههه
جيداء : لا خلاص ما بقاش فيه بعبع (تضحك هى الاخرى) ههههه .
سهى : معلش جيداء انا مضطره اروح مكتبى لان مستر جاسر اليومين دول شايط على الاخر يا عينى مطلع عين قسم الحسابات معاه .
جيداء : ليه هو فيه ايه ؟
سهى : انتى ماتعرفيش يابنتى دى الشركة بقالها 3 ايام واقفة على رجل , اه مهو انتى فى مكتبك بعيد ومريحة دماغك بس تعالى هنا ازاى متعرفيش و المفروض ان الملفات اتخدت من عندك .
جيداء : لا معرفش انتى بتتكلمى عن ايه .
سهى : يابنتى ملفات الديون المعدومة ال ايه مستر جاسر فاق فجأة على ان فيه عندنا ديون معدومة و انها ممكن تسبب خسارة كبيرة للشركة و مطلع عينى و عين قسم الحسابات كله انتى عارفة بقالهم ساعتين فى الاجتماع و لسه ماخلصوش لا و كمان مستر جاسر مهدد مدير الحسابات بالطرد لو ملقاش حل للموضوع .
أنت تقرأ
عزيزى الحب
ChickLitقصة اجتماعية رومانسية تحكى عن فتاة بسيطة وعادية تقابل العديد من المشكلات فى حياتها ومن ضمنها يكون هذا الشخص الذى تجبرها الظروف ان تعمل معه ولكن ماذا سيخبئ لها القدر وهل ستقع فى الحب وهى التى لا تعترف به