يذهب جاسر الى البيت و هو فى قمة الغضب و عندما تجده زهرة هكذا لا تتحدث اليه و عندما يكون على وشك دخول المكتب تتذكر زهرة الخطة فيعلو صوتها و ترفض الاكل
جاسر : فيه ايه دادة مالها البنت
الدادة : مش عارفة جاسر بيه كانت كويس بس (تنادى عليها) زهرة
و عندما تاتى لتعنفها الدادة تبدا فى البكاء
جاسر : خلاص دادة (يهدا و يتذكر كلام الطبيب) مالك زهرة رفضه تاكلى ليه
زهرة : مش عايزة اكل و اكل ليه و مافيش حد بيحبنى و انت بابى طول النهار فى الشغل
جاسر : (يحاول ان يمسك اعصابه) خلاص زهرة انا هنا معاكى و مش حامشى ممكن تاكلى بقى
زهرة : (تمسح دموعها) يعنى حاتاكل معايا (ياتى ليتكلم فتبادره) لو مش اكلت معايا انا كمان مش حاكل
جاسر : (و قد وجد ان لا مخرج امامه) امرى لله حاضر
بعد الغداء تاتى زهرة بقلم رصاص وورقة لجاسر الذى كان يجلس فى الحديقة ياخذ قهوته
زهرة : بابى ممكن تعلمنى ازاى ارسم راجل و بنت
جاسر : (بتعجب مما قالت) اشمعنى راجل و بنت يعنى
زهرة : عايزة ارسمك و انتى ماسك ايدى ممكن تعرفنى ازاى ارسمهم بقى
جاسر : (يحس بمدى تقصيره فى حق ابنته فتدمع عينه) حاضر هاتى يا ستى
يمسك بالقلم الرصاص و يبدا يرسم . بعد انتهاء الرسم تركت زهرة الرسمة و صعدت لتنام امسك جاسر بالرسمة ولاول مرة يحس ماذا فقد فى تلك السنوات فهو فجاة احس بان ابنته قد كبرت فمنذ وفاة زوجته و هو لم يجلس مع زهرة لفترة طويلة على عكس ما كان يفعل من قبل اذ كل وقته كان يقضيه معها حتى خروجاته ايضا اذ ان علاقته بزوجته كانت كانها انتهت منذ ان انجبت .
فى تلك الاثناء كانت جيداء تجمع كل ما عرفت عن المصنع و كان لابد لها و ان تعرف ما الذى حدث بالظبط فيه ولذلك عليها ان تتحدث مع احد من داخل المصنع و لما عرفت ان جاسر يعرف رئيس العمال فكان عليها طلب مساعدته .
جاء اتصال جيداء ليخرج جاسر من ذكرياته
الدادة : جاسر بيه اتصال لحضرتك من الشغل
جاسر : الو سهى معقول انتى فى الشركة لحد الوقت ده ما تقوليليش ان البنت اللى عندك دى هى اللى مخلياكى تستنى
جيداء : استاذ جاسر مع الاسف انا مش سهى و بعدين اكيد مافيش حد حايشتغل للوقت ده انا جيداء
جاسر : (بصدمة) مين و انتى بتكلمينى ليه و جبتى رقمى منين و ..........
جيداء : (تقاطعه) ايه بس بس رقمك جبته من الشركة و بعدين انا طلبتك علشان الشغل عارفة انك مش طايقنى و بصراحة الشعور متبادل بس ريح نفسك حاخلص من مشكلة المصنع و حامشى حتى لو مش مضيتوا الاستقالة مش حارجع الشركة دى تانى بس دلوئتى مصلحتنا واحدة انت وعايز المصنع يفضل مفتوح و انا و لازم انجح فى المهمة دى على الاقل لشغلى بعد كده حاجة كويسة حاه حتساعدينى و لا لا.
أنت تقرأ
عزيزى الحب
ChickLitقصة اجتماعية رومانسية تحكى عن فتاة بسيطة وعادية تقابل العديد من المشكلات فى حياتها ومن ضمنها يكون هذا الشخص الذى تجبرها الظروف ان تعمل معه ولكن ماذا سيخبئ لها القدر وهل ستقع فى الحب وهى التى لا تعترف به
