#الكفيل ٥
زينب الموسوي
كانت حياتي تسير بامريكا بشكل حلو خالتي تطلعني بالسياره بنات خالتي يعلمني ويساعدني الدروس واني اساعد خالتي بكلشي بس البيت كان يفتقد وجود عمار كان مثل الاله الي تشتغل حتى يجيب فلوس لعائلته خالتي دائما تذكره وقت الغدا وقت الي نگعد نتفرج تلفزيون كل يوميه اسمعه تكول
سوده عليه يمه عموري شايل الحمل وكلشي ماشاف بدنياه كل همه اخواته ميحتاجن احد
كانت هاي الجمله تفطر گلبي ورغم حنية خالتي على ابنها لكن كانت مره جبيره تنام قبل ليجي وتخليله الاكل. هو يحميه وياكل يتفرج تلفزيون نص ساعه وينام
بيوم نهايه اسبوع قررت انتظره صارت الساعه ١١ دخل للبيت
الله يساعدك عمو
هلو شهوده گاعده اليوم
تابعت فلم (خجلت اگله منتظرتك )ومدام اجيت راح احضرلك اكل وناكل سوا
اوكي بس جيبيه هنا يم التلفزيون
حاضر عمو
جبت الاكل
عمو انت شتدرس
ادرس اصير بحار اقود سفن وبواخر كبيره تجاريه وسياحيه يعني من اتخرج اگدر اتعاقد ويه شركه واشتغل بالبحر والرحله تبقى ايام واسابيع يله توصل
واخواتك هنا وخالتي منو الهن
البنات كبار وامي موجوده وهنا امان حتى رمز حمايه مخلي للبيت للامان انتي شلونج بالمدرسه حبيتيها
حلوه كلش وبس نرسم ونعبر عن نفسنا واكو فريق تمثيل وغناء
واكيد سجلتي بيه
لا والله مااسوي شي غلط
منو گال غلط بس شهوده احنا الغنى والتمثيل مو ثوبنا خلي هوايه الچ لمناسباتنا بيتنا بس صعب تكونين على العام
صحيح اني احب الغنى بس لروحي لصاحباتي مااريد احد يسمعني والك همين مو انت گتلي غنيلي
ئي بس مو بهالليل اخواتي نايمات
محد نايمه بس بغرفهن خالتي نايمه
اذا گاعدات روحي صيحيهن خلي اشوفهن
حاضر عمو
بطلي كلمة عمو انتي هسه مو زغيره
مااعرف اكول غيرها
اجتمعوا كلهم وعمار كان يسال اخواته كل وحده شنو محتاجه اني عشت ويه بيت جدي كم سنه ماعرفت معنى العائله الا هنا وهذا المنظر اخ واخواته يضحكون ويسولفون بحياتي ماشفته
تعودت يوميه يرجع عمار يلكاني منتظرته ومحضره الاكل وابقى اسولف وياه ونضحك ونروح نام
سنين مشت وتزوجت فاطمه وزينب وفاطمه كانت علاقتها ويه زوجها. غير مستقره يوم عند زوجها صادق وعشره عدنا
صار عمري ١٧ دخلت اعداديه وكانت اخر سنه لعمار ويخلص وياخذ الشهاده ويرتاح من هذا التعب بليله كنت انتظره مثل كل يوم
عمو تاخرت اليوم ليش
صدوك تاخرت والله ماادري اني وصديقي سوالف
صديقك لو
اسكتي احسن وينه الوكت الي تصير عندي صديقه
السنه تتخرج ويصير عندك وكت
لج شهوده البنات هنا متاخذ واحد عنده اخوات اربعه بالبيت وام
تريد بيت واثاث ورجال يفتر بيها بالمولات وسفرات واذا اشتغلت راح تشوفني بالشهر مره وتبدي انت هاملني وانت مامهتم بيه وهاي السوالف
صدوك والله احنا البنات نذبح روحنا على الزواج وبعد الزواج نذبح روحنا حتى نهجج الرجال
بقينا نسولف احلى وقت بيومي كله من اكون اني وياه
عمار تدرين انتي شكد حلوه هنياله الياخدج
شكرا عمو
اني سامع كلمة انتي حلوه بس من گالها عمار شعوري كان بختلف يمكن الي ياخذ كاس العالم ويفوز بحائزه نوبل ميفرح بگد فرحتي بتلك اللحظه
عمو اريد اطلب طلب بالاعداديه اكو احتفال ويريدون اغني النشيد الوطني الامريكي تقبل لو لا
ليش لا بس مو صعب ويراد صوت عالي
دربت عليه وسمعتني المدرسه كالت حلوه
اوكي غنيه وراح اجيبلج تلفون حتى يصورونج بيه نجمه الرايه الخفاقه صعب شلون حفظتيه
لو ما ليل سمعتك النشيد كلش حلو اغنيه
هو انتي بس النشيد تغنيه حلو كلشي بيج حلو حتى الاكل الي توديه وياي اطيب اكل بالدنيا
بالعافيه عمو
كمت انام وصوته بالي مگدرت انام بس افكر بكلامه يارب يطلع الي بالي صحيح
جتي حفلة المدرسه كانت مسرحيه طويله واني طول الاحداث لازم اغني بس ماامثل
اخر لحظه قبل المسرحيه شفت الزي الي لازم البسه
مس هذا الزي مااگدر البسه اهلي ميقبلون
بس هذا يبين دور ج بالمسرحيه
مس الفستان مفتوح من الجوانب اذا البسه ابقى لابسه بنطرون جواها وتشيرت
سوي الي يعجبج وبدون توتر حتى تغنين حلو
اوكي مس كانت رقيه وياي بنفس الاعداديه جتي عليه
يله شوكت تغنين عمار موجود اليوم مداوم حتى يشوفج وراح نصورج
عمار هنا عزا شوفي الملابس والمكياج يذبحني اذا شافني واصلا اني مكتله طول المسرحيه اغني بس النشيد الوطني
كافي لاتخافين عمار حباب وبعدين ماكو وحده تصعد على المسرح بدون مكياج
صعدت المسرح واغني شفت عمار ورا عشر دقايق طلع كل التصفيق والمدح مافرحت بيه من رجعنا للبيت كانت فاطمه موجوده زعلانه وحامل اول مشافتني ظلت تسب وتغلط
تريدين تصيرين كاوليه وتفضحينه لا حبيبتي احنا منلفي مطربات هسه اتصل على الفوستر هوم يجوون ياخذوج
الفوستر هوم بيت حكومي لايواء الاطفال الي ماعدهم اهل اوتنقطع بيهم السبل بين مايجدون عائله تتكفلهم
انقهرت من حجيها بس المهم عمار شراح يكول انتظرت يرجع من الدوام بالليل فتح الباب وراد يصعد لغرفته لان يعرف اني انتظر
عمو وين رايح والله مماكله ومنتظرتك
باوعلي وكله غضب
ليش چذبتي وگلتي بس النشيد الوطني
والله ماچذبت بالبدايه كانت بس النشيد بعدين المدرسه گالت صوتج حلو كملي المسرحيه
والملابس والمكياج
انفرض عليه والله
شوفي شهد اني عندي ثقه بيج تريدين اشيل الثقه واظل اراقب
لا عمو والله بعد متتكرر ابد حتى اذا تريد ابطل من المدرسه
وليش تبجين
ماريدك تزعل مني
مازعلان بس اغاني بعد ماكو
صار عمو
وكافي عمو اريد اسمع تگولين اسمي
صار عمار
تدرين اليوم بالمكياج چنتي طالعه غير شكل ومن غيرتي عليچ تمنيت اخلي الناس تغمض عيونها وبس اني اشوفچ لذلك طلعت ماتحملت
عمار كان مرات يگول جمل تخليني حايره بس اسكت وماارد وانتظر الجاي
لحد يوم عيد ميلاده سالت خالتي عن الاغنيه الي كانت تغنيها اله وناسيها والصبح قررت اني اگعده واغنيله اغنيه انوار عبد الوهاب
عد وانا عد ونشوف ياكثر هموم
من عمري سبع سنين وگليبي مهموم
راحوا ويلي راحوا بعد ماردوا احبابي
شنو هاي شلون عرفت الاغنيه
سالت خالتي كل عام وانت بخير
وانتي بخير والله ناسي
طبعا تنسى اذا انت بس تركض اخذ اجازه اليوم وخلي نسويلك عيد ميلاد فدوه
صار هسه اخابرهم شهوده حلو واحد يگعد الصبح على صوتج وجهچ خلصي اعداديه حتى اگلج سر شايله من يوم شفتچ
شنو الشي گوله هسه
لا اشغلج عن الدراسه وبعدج زغيره
أنت تقرأ
الكفيل
Romantikكلمة الكفيل تطلق على الشخص الذي يتحمل مسوولية وصولك الى امريكا وفي القصه حب يعترضه بعض الصعوبات
