الكفيل

الكفيل ٩

#الكفيل ٩
زينب الموسوي
عرسي مكان زفه وبدله ومابيه اي مظاهر العرس لكن بيه عروس وعريس يحبون بعض وصار سنين منتظرين يوم يجمعهم  انفتحت الباب ودخل عمار

هلو شهوده حبيبتي
فدوه عمار لا تكول حبيبتي گلبي يوگف من تكولها
اني الي گلبي وعقلي وگفوا صار ٥سنين احبج وساكت
الله لاينطيك لا اسم عليك ٥سنين وحارمني منك الله يسامحك تتذكر من خوفتني بالليل  واخذتني بحضنك والله من يومها حلفت محد ياخذني غيرك
لج جنتي زغيره شعلمج بااحب وهاي السوالف
ماادري والله احبك اموت عليك
على كيفج المفروض تكونين خجلانه اليوم
مااريد اخجل منك ولا اخاف
شهوده تعذبت هواي حتى اخذج حبيتج زغيره وانتظرتج تكبرين وحاولت اداري وماخليج تحسين بيه
ومن كنت ارجع بالليل وانتي منتظره يوميه اكول راح اكوللها وتردد لان زغيره وجمالج صار مصدر تعذيب الي

والله  كل الي عندي من حسن وجمال اريديكون الك ولسعادتك وراحتك فدوه اروحلك
مبقى حجي اگوله كله گلتي تعالي خلي اشوفج صدوك متخافين
والله ماخاف لو اعرف موتي وياك
ياحبيبتي شهوده بگد متحبيني اني احبج واكثر وممصدك صرتي مرتي
اخذ اديه وضمني لصدره كنت فرحانه بكل لمسه من عنده وسعيده شايفين من تحلمون حلم ومن تفزون تتمنون لو كان حقيقه اني حلمت بعمار الف مره من كنت بسوريا حلمت بيه مو زوج حلمت بيه امان وملجا من الخوف واليتم كنت اشوف حنيته على اخواته واتمناه اخ الي وكبرت واني انتظر ليليه دخلته للبيت ويه دگات كلبي عرفت احبه
وتلك الليله كنت خايفه اغمض  عيني لتطلع الليله حلم
شهوده ليش متنامين صار الفجر
اخاف انام يطلع حلم
لج ياحلم هسه اضر بج راشدي حتى تصدكين مو حلم صرتي مرتي نامي
عمار اريد اگولك شي انت مو بس رجلي اني ماعندي غيرك وبحياتي ماعرفت اب ولاام ولااخ حتى احبه حبيتك بدالهم كلهم عمو الكفيل
حبيبتي اني هم ماعندي غيرج شبيج خايفه منين
اوعدني متعوفني ابد مهما صار
وليش اعوفج شنو تخبلت اعوف كل هذا الحب هو اني ماصدكت اخذتج اطمئني ماكو شي يفرقنا
يمكن بيوم تخجل من اصلي
شبيج تخرفين احنا بامريكا كلها ضايع اصلها وفصلها
گعدت الصبح على صوته
شهوده اگعدي ترى هذا حلم واحنا ممزوجين
اذا ممزوجين شكو نايم يمي وحاضني اذا ممزوجين ليش وجهك اصبح بيه احلى صبح
شهوده ترى اني هنا قائد الباخره والولد المساعد من البارحه بمكاني ترى مدا يدفعولي فلوس حتى اخلصها حب وغرام كومي بدلي ونص ساعه تجي بنيه من الطاقم تاخذج تعالي يمي
ليش انتم وياكم بنات تسافر
اكيد اكو بنات ليش شنو تريدين نسوي بالباخره فصل بين النساء والرجال
يصير تسوون
ليش احنا وين عايشين هاي رحله بحريه سياحيه والباخره بيها مطاعم ومحلات وملاهي واقمار وكلشي
لا ربحت شهد ملگيت غير هاي الباخره
ورا نص ساعه ودتني البنيه يمه
هلو عمار اكلت حبيبي
بلي وانتي    اكلت وافتريت بالباخره تجنن احلى مكان واحد يتزوج بيه بس انتبه على الباخره لانخرگ ونصير تيتانك ثانيه
شهوده صار هواي ممغنيه الي
اغنيلك انت وبس
تدري ليش ازعل عليك
اعشكك واموت فيك
تكسر الخاطر بدوني
وينكسر گلبي واجيك

كان عمار النهار كله بقيادة الباخره وبالليل يجي عندي ليله ختلت ورا الباب ومن دخل صحت بووو
تذكر عمار كانت احلى لحظة بعمري احضني عمار حضنك والجنه سوا
شهوده حبيبتي كل الي حلمت بيه وتمنيته هسه بين اديه انتي
لج والله زين مامتت هالگد ماحلمت بيج ليليه من ناكل سوا ونروح كل واحد لغرفته تبقى ملامحج گبالي وشعرج وصوتج
اووووف عمار واني نفسك والله

مرت ايام الرحله بهنا وسعاده ماتعودت عليها بحياتي ويوم الي رجعنا گلي
عاهديني تتحملين وياي وتظلين على طبعج هادئه ومتردين على امي ترى امي متكرهج بس تريد تفرغ قهرها بفشل زواج فاطمه خلتج انتي السبب
عمار اني هم احب خالتي واحبكم كلكم وراح اسوي المستحيل حتى ارضيها ومخاليك بموقف حيره بيني وبينها