الكفيل

الكفيل ١٢

#الكفيل ١٢
زينب الموسوي
تكررت اتصالات عمار ومااجاوب ظل يدز رسائل
شهد من عرفتج وانتي عذاب الي ليش متجاوبين
مو تريديني اعرف الحقيقه
عرفتها بعد اسبوعين من طلاكنا
اهل صادق اجوي للبيت وكالوا كانت تريد تصلح بينه وبين فاطمه وخبرته فاطمه موجوده بنفس المكان رادو يبرىون ابنهم
شهد انتي وين وين رحتي
تركت امي واخواتي من عرفت الي سونه
والسياره كانت صديقة فاطمه تنطيها  الوقت وتضرب الشباك
جاوبي شهد الله يخليج
دزيتله صورة اسلام وتاريخ التحليل مال الحمل كنت محتفظه بيه
گتله ابنك  اسلام وهذي التحليل اقرا التاريخ عشر دقايق ودز بصمة صوته يبجي
شهد ابني حرام عليج كولي انتي وين لج متريديني خليني اشوف ابني
سديت التلفون لو يتعب نفسه يسال بالجامع ويعرف زوجة الشيخ وصلتني
بس هو كان ماعنده وقت يجي يومين
بعدها بيوم فتحت التلفون داز رسائل وبصمه كلها تدل نادم وكنت بس افتح يراسلني
شهد اني بالباخره تتذكرين ايامنا هنا
لا مااتذكر تتذكر انت من گتلي بلا اصل والعرگ دساس هذا الي اتذكره
ليش سكتت عن فاطمه من عرفت مخططه تهجم بيتي مو هذي عدها اصل وفصل الي تجذب وتخطط  لخراب بيت اخوها كلشي تسوي
منو گلج سكتت خابري رقيه. وساليها شسويت لوما امي فاطمه ميته واني بالسجن
وخطيه امك خوش مره وتخاف الله هم  مجرمه مثل اختك وانت هم مثلهن ظالم
ماالومج بكلي التگوليه شهوده
لاتكول شهوده انت ماحبيتني ولا يوم كانت عندك رغبه بيه لو تحبني حسيت بيه
الي يشك بمرته معناه ماواثق من نفسه ورجولته ليش اخونك واني عروس وليش ويه واحد اكبر منك بعشر سنين ليش اخون ورجلي شاب
ويحبني احجي اكثر عمار لو فتهمت
لا كافي ترى جاوزتي هواي
ها انغثيت روح محد جابرك تراسلني  ومامحتاجتك عايشه بدونك
دز صور زواجنا
ماحتاج صور تذكرني انت شوف الصور زين شوفني الفرحه الي بعيوني لان عروس الك بس انت متستاهل
انطيني العنوان تعبت اريد ابني
تريد العنوان دورني مثل ماطردتني وابنك اخذه بالمحكمه
لج يامحكمه كولي العنوان كافي تعبيني
دزيت صورة القميص اله
مااگدر انام بدون قميصك بس ماارجعلك
بقيت منتظره نص ساعه اسمع البصمه الي دزها
والله احبج والله نفسي كارهه بدونج اذا اني ظلمتج ابنا ماله ذنب فدوه شهد كولي انتي وين
دورني عمار اسال وتعرف
اتصلت بيه رقيه ورادت الرقم لان اني احجي وياهم على المسنجر اذا انطي الرقم يعرفون الولايه مانطيتها الرقم وسالتني اشو مسالتيني عن امي
اعرف مريضه الله يشافيها بس گولليلها وراها حساب عظيم عد رب العالمين سكتت حتى تحمي بتها ومافكرت بعقاب الله وشوفي خالتي راح تضل سنين مريضه لحد متعترف بذنبها
كنت بالدوام وشفت اسلام وجهه احمر. ويتنفس بصعوبه ونايم على الارض اخذته بحضني المشرفه عرفت عنده حصبه ونصحتني اخذه للدكتور طلعت للدكتور عرفت عنده حصبه وعنده ربو حولني للمستشفى بقيت هناك يومين
المكان الي كنت ساكنه بيه بارد وهذا السبب الي سوا عنده ربو انتظرت عمار يتصل وخبرته
اسلام مريض وعنده ربو كنت بالمستشفى وياه صار يومين ماادري اني حظي شبيه كل الي صار بيه راح يصير بابني
شهد اسمعي زين احنا متذابحين متطلگين اسلام ماله علاقه اني ابوه هسه تنطيني العنوان واجي عليكم ليش متريديني اشوفكم منين خايفه ومتريديني اعرف
متزوجه انتي لچ اذا طلعتي متزوجه الا اذبحچ انتي وياه
بعد تشك عمار لو متزوجه مادورتك وراح انطيك العنوان وانت لو سال بالحامع تعرف لو سال صديقتي الاء تعرف بس ليش تعب روحك على وحده متسوا 
اخذ العنوان وقبل ليوصل اتصل بيه واگف بالباب شهد
اخاف افتح عمار يمكن من اشوفك اموت
فتحت الباب شفته نزلت دموعي وهو  هم ماتحمل بچى اخذ اديه بوسهن
اسف شهد سامحيني كنت غبي ماافتهم انت كل دنياي واسلام وينه لج اريد اشوف ابني
نايم جوا على كيفك مريض راح ركض للغرفه واخذه بحضنه بابا اسلام اني بابا گعد من النوم بس سمع كلمة بابا  اشر على الصوره انهار عمار من البچي
بعدها گلي يله حضري نفسج انروح للجامع ارجعچ شهد هيچ متبهذله انتي وابني ومتگولين
الله يجازي الي كان السبب
لاتهتمين الي صار انسيه هسه اخذج لشقتنا والله صورج بكل مكان بيها واثاث وسويتها جنه الج كان عندي امل نرجع
وليش مادورت عليه
دورت اتصلت بالعراق المطارات عبالي تركتي امريكا والاء گالت مادري وين
الشقه قريبه من امك واختك نفس الشي راح يتكرر
شهد هذي امي ومريضه انتي هم ام
انتي ابيتچ مالهم اي علاقه بيج وفاطمه اني حتى مااسلم عليها
اذا رجعت وياك مادخل لبيتهم ابد
على راحتج
واسلام لازم انقل ملف علاجه من الدكتور
هسه اروح للدكتور وانقله وكلي الي تريديه اني حاضر اموري الماديه زينه هسه
عمار اني مافد يوم شكيت من الماده بس اريد الثقه وكافي تشك بيه
شهد ترى اي شخص بمكاني يتصرف بحماقه مثلي رساىل وصور وسيارات واكفه بالليل گبال الشباك لو انتي بمكاني تشكين بيه
رجعنا سوا لنيويورك وطلب مني انسى الصار واني طلبت منه يثبتلي ثقته بيه وعلى مر السنين العشناها سوا مرينا بمواقف اثبتلي بيها ثقته بيه مثل دراستي يسمحلي اسوق اتصرف بامور بيتي بحريه وبالمقابل قدمت تنازلات اتجاه اهله وخاصة امه ازورها كل جمعه واخذ اولادي يشوفوها كوثر اعتمدت عليه في تربية اطفالها لان هي تشتغل واطفالها كبروا ويه اطفالي
زينب بيناتنا احترام وموده وبيتها قريب مني رقيه وسكينه يشتغلون وعايشين مع امهم وفاطمه بيت ملك عمار ويبقون عايشين بيه حتى لو  خالتي ماتت لاسامح الله وعمار موصيني حتى اذا هو اسم الله عليه توفى البيت يبقى سكن لااخواته بمافيهن فاطمه
بيبتي بالعراق توفت وكنت حاضره وفاتها وتمنيت اصحح اسمي واخبر والدي الحقيقي بوجودي واشيل اسم مرسي واكتب اسم حيدر والدي الحقيقي لكن معارضة الاهل كانت قويه في قانون بامريكا يحق للزوجه اخذ اسم زوجه ولقبه بعد الزواج واخذت اسم زوجي ولقبه بدل مرسي
ومثل ماعمار كفلني واني عمري١٣سنه وصار كفيل انطاني اسمه بالهويه وهذا دليل على ثقته واعتزازه بيه
بالنسبه لوالدتي اني ماعرفتها حتى احكم عليه سمعت عنها من ناس مروا بحياتي واتمنى من الله يغفرلها ويرحمها ويرحمنا جميعا لكن عتبي عليها من حست بالامومه كان لازم تتخلى عن احلامها وتفكر بالذنب الي ترتكبه اني راح اشيل وزره وادفع ثمنه كرامتي وحياتي
رعاكم الله