الكفيل

الكفيل ٨

#الكفيل ٨
زينب الموسوي
صارت ايامي بيت خالتي غلط واهانه وعارات وحتى عمار خالتي متخليني احجي وياه
تخرج وبدا يقدم على شغل بهاي الفتره فاطمه تطلكت من رجلها
عمار انطاني تلفون  حتى يتصل بيه ونسولف طلاك فاطمه انقلب نقمه عليه اكثر ورغم المشاكل بينها وبين زوجها كان من بدايه زواجهم وقبل الحادث كانت هي وخالتي يكولن اني السبب وعمار مكان يگدر يتزوجني لان خالتي تهدده تترك البيت ومره گاللها ااجر بيت قريب واطلع بيها ضلت تبجي وتكله تبيعني علمود شهد 
اتصل عمار عليه بليله
شهد تعاقدت ويه شركه سياحيه ويومين اطلع اول رحله
وشگد تبقى وياهم يمكن عشر ايام لاتخافين ارجع ونتزوج
عمار يوميه تگلي نتزوج ويوميه خالتي تخليك تاجل وحتى ماظليت اشوفك خايفه عمري وعمرك يضيع واحنا ننتظر
لا شهوده لاتايسين امي گلبها طيب هسه تلين وتوافق من اغيب عن اابيت راح تحس بصعوبة غيابي وتقبل
انشاالله يارب
الصبح عمار خبر خالتي رايح رحله ويرجع بعد عشر ايام وگلها بس تستقر اموري نشتري بيت واتزوج
جاوبته يوم عيد يمه تتزوج شلون مختارتلك بنيه
يمه تدرين احب شهد ومااتزوج غيرها
يمه والله اذا اخذتها تندم وتشوف تخونك بسبعه العرس
متشوفين البنيه منتظرتني يعني لو تريد تلعب تزوجت وطلعت من هاي الحبسه واخذت راحتها بيت رجلها متحمله لخاطري
شمتحمله ليش كانت خاتون عد خوالها بس كله من بيبتك ورطتني بيها
يمه اني يومين رايح فكر بالموضوع ترى ابقى بدون زواج طول عمري
سافر عمار وخالتي گالت لفاطمه عمار مصمم يتزوج شهد دخلت عليه للمطبخ
كومي لمي هدومج وتعالي وياي
وين اروح
لجهنم ليش هو بيت الخلفج
مااطلع اذا مااتصل بعمار
جيبي التلفون ويله نص ساعه تطلعين اوديج على فوستر هوم وبعد منشوف خلقتج
خالتي فاطمه عمار اذا عرف يكلب الدنيا على روسنا
لاتخافين ميعرف بين ميرجع هي منسق امورها ويه امريكي اسود يبيع مخدرات
خالتي اذا اتصل عمار شگله
گوليله انهزمت ولت مثل امها وهو بنص البحر شيجيبه
اخذت ملابسي رقيه كالت شهد اخذي تلفوني وياج ودگي على عمار وخليه. يعرف
نزلت توسلت بخالتي  ماحجت
وصلتني على البيت وگلتلهم
هاي جتي من العراق اخوي كفلها ودنعاني مشاكل وياه تسرق وتسهر ومنگدرنسيطر عليها
وين كفيلها
ماموجود بالبيت وبعد منتحملها
تركتني بالبيت وراحت اخذوا اسمي ودخلوني على الباحثه الاجتماعيه تسالني ومن البجي مااگدر اجاوب
دخلتني غرفه بيها بنات اثنين مدمنات ومحاولات ينتحرن وفي ولد مدمنين ومتهمين بعنف من الخوف ماتحركت من مكاني ردت اتصل بعمار بس مهانت عليه روحي لكن لازم يعرف اتصلت
عمار اني شهد
شهد شبيج ليش تبجين وليش تخابرين من رقم رقيه
تدري اني وين فاطمه ودتني للفوستر هوم واخذت تلفوني
شنو شتحجين انتي شكد صارلج هنا
ساعه من جابتني
كافي تبجين هسه اتصل بيها وترجع تاخذج
عمار تعبت بعد مااريد ارجع للبيت اروح عد زينب اختك بين متجي زوجها حباب واهله ناس طيبه
لا شهد انتظريني ارجع واجر شقه
عمار مااگدر اشوف فاطمه اكرهه ومااتحمل بعد ذل ياريت باقيه بالعراق خليني اروح عند زينب
بسيطه روحي هسه اخابر زينب تجي تاخذج واعرف شغلي ويه فاطمه
بعد ساعه اجتي زينب اخذتني
زينب هم مكانت تحبني بس ارحم من فاطمه وفهمتني اگول گدام اهل زوجها مريضه وزينب تداريني لان كانت مساعد دكتور ومن وصلنا ام زوجها گالت تنامين عندي بغرفتي
وظلت الليل كله تحجي وياي قصص زواجها وخلفتها وسالتني اذا نخطبج خالتج تقبل
اني مخطوبه لعمار وبس يرجع نتزوج
اذا تريدين تتزوجين لاتگولين مريضه ترى يبطل المثل يكول رجلج يريدج عفيه واخوج يريدج غنيه
خاله عمار ميعوفني  صار سنين يحبني بس كان يدرس هسه اشتغل ويرجع يتزوجني
انشاالله يمه دنامي واني اظل اسولفلج على ليلة عرسي اني والحجي
ظليت بيتهم عشر ايام يوميه يخابرني عمار وعرفت متعارك ويه امه وفاطمه باليوم العاشر اتصل بيه
شهد راح اجي اخذج من بيت زينب
هلا بيك بس عمار ماارجع لبيتكم
شهد مو وكتها هسه انتي بيت العالم اطلعي ونتفاهم
رحت وياه  شهد بعد يومين ارجع برحله قصيره سبع ايام نعقد واخذج وياي للرحله ونتزوج هناك مااگدر اسوي عرس وحفله لان امي مراضيه
ومن نرجع من الرحله وين اروح
اذا امي مقبلت بزواجنا ناجر قريب منهم واذا رضت تبقين ويه امي واخواتي
بس وين تگدر على كل هاي المصاريف عمار
لاتفكرين بالمصاريف  الراتب الي اخذه منهم سنه يغير احوالنا بس هسه افرحي وياي ولاتخلين مسالة زواجنا بدون حفله وغيرها تضوجج
اني اعوضج من تتغير الظروف
والله مااريد شي بس انت وياي كافي
رحنا على بيت خالتي فهم امه
يمه اني ابنج الوحيد تقبلين عرسي يصير بخاره وانتي مابيه. ولا اخواتي انتي الي حطيتي شهد بطريقي وحبيتها من عمرها ١٣
مااريد افرح بدونج وانتي بكيفج
ماردت عليه
كوثر ورقيه ورباب وسكينه وگفن وياي وباركن لعمار  واخذن وياه صور ونزلن منشورات بيه خبر زواجه واصدقائه اتصلوا بيه باركوله ورحنا للجامع عقدنا وكوثر كانت تشتغل وساعدت بالتجهيز وصلونوا اصدقاء عمار لحد الباخره ودخلن اخواته وياي وقبل لاتبحر السفينه اخذن صور ويانا وراحوا

شكرا  على المتابعه