#الكفيل ١٠
زينب الموسوي
كانت الفرحه كبيره لعمار واليه لمن امه تلگته وباركت وهلهلت وفاطمه تصرفت بمحبه وباركت كان عمار يروح رحله عشر ايام اوسبعه برحله ويرجع يومين وقبل يوم السفر كل مره. فراقنا يكون صعب وكل ميسافر اخذ اخر قميص كان لابسه اضمه عندي ومن يسالني ليش اجاوبه
مااگدرانام بدون ريحتك
ويجاوبني صرتي مدمنه عليه
مره كان باجازه بالليل انضربت الشباك غرفتنا بحجر فز عمار باوع من الشباك
شهد الشباك انضرب وسياره سوده كانت واگفه گبال الغرفه
الليله سبت والناس السكرانه هواي نام لاتشغل بالك
تكررت نفس الحاله ثاني ليله نزل عمار يشوف السياره طلعت سريع ظال الليله الي بعدها منتظر
عمار شبيك شمنتظر
ليش شباك غرفتنا ينضرب ليليه منو هذا ومنين عرف هذي غرفتنا سالت البنات مافي احد ضرب غرفهم
شتقصد عمار الي ديضرب متقصد غرفتنا
اسالي نفسج منو الي يضرب
عبالك اني اعرف منو لو اعرف اصير شاطره واگله زوجي هنا لاتضرب
لج هو منو
عمار كافي لخاطر الله كلشي اتحمل الا الشك
مر الوقت نام بعد عشر دقايق انضربت الشباك
كومي باوعي من الشباك
عمار تخبلت ليش اباوع
كومي لاابتلي بيج
باوعت السياره موجوده واكفه رفع البرده عمار راسا تحركت السياره
باوعت بعينه كلها شك وظنون
شهد احجي الصراحه مااتحمل تلعبين بعقلي
كل هذا وتشك بحبي الك ونفرض اخون معقوله ورا شهر من الزواج مو هذا المرجي منك عمار روح نام وقبل لتسافر باجر خلي كامرات على غرفتي وعلى البيت اذا انضربت الشباك وانت ماموجود عاتبني
شنو تقصدين
هذي شغله مقصوده احد يريدك تشك بيه
تقصدين امي واخواتي مو
ماادري انت خلي كامرات وشوف
الصبح داحضر اغراضه للسفر
هذي جنطتك الله وياك
والقميص تريديه لولا
بكيفك اخاف هم اكلك انطيني قميصك تشك داسحرلك بيه
شهد اغار عليج ميصير يعني
هذي مو غيره شك لاتحكم على طرف واحد اليوم خلي تلفوناتنا مفتوحه صوت وصوره والله ماتنضرب الشباك راح اتصل بيك واثبتلك
طلع عمار وبليلتها مافي واحد ضرب الشباك ومن اتصل سالني
عمار احلفلك بيك وانت تدري غلاك عندي الشباك ماانضرب
الصبح فاطمه كانت گاعده تلعب ابنها
صباح الخير شهوده يله شدي حيلج حتى يصير عندج بيبي يلعب ويه علاوي
انشالله يارب
شهوده اريدج بموضوع وفدوه لاترديني. صدوگ چذب والله اتمنى اخدمج بعيوني بس گولي
اريد ارجع لصادق واريدچ تساعديني
والله تفتهمين صادق ابو ابنج مهما كان بينكم لازم ترجعون شهوده بس هو ميجاوب على تلفوني ابد وحضر رقمي انطيني تلفونج وادز رساله باسمج وگوليله عندي موضوع وياك
فاطمه صعب عمار يذبحني اذا عرف اودي رساىل وعمار شدراه ياعيني ساعديني فدوه. زين ندز رساله من تلفون خالتي مره چبيره وتحاجيه
حاولت هم حضر رقمها. بس انتي يكيف من تدزين جري بالحجي وبعدين كوليله علاوي يريدك وبدا يناغي ويكول بابا بلكي گلبه يحن
اكلج اني انطيج التلفون واكتبي انتي بس بعدين مسحيها فدوه
صار والله انتي اخت صدوك واني ظلمتج هواي انطيتها التلفون دزت رساله كتبت بيها اني شهد زوجة عمار ممكن احجي وياك
رد عليها
تفضلي شهوده
اگدر اتصل بيك
اتصلي
لا عفيه فاطمه شحجي وياه فدوه نسيتي الصار بينا
مصار شي ترى عباله اني بالمطبخ وتهجم عليج
ها هو گلج هيج
ئي خابريه وكوليله اريد اشوفك بمكان عام شنو اشوفه فاطمه عمار يذبحني وشحجي وياه الله يخليج
لج اني اروح وياج بس انتي بالبدايه فهميه فاطمه مريضه وتحبك وتموت عليك وابنك حرام يتربى بعيد عنك وبعدين اني اجي اگعد يمكم واحجي وياه وبلكي الله يهديه
ناخذ خالتي ويانا لو رقيه
ميقبلن يكولن ماعندج كرامه تتوسلين بيه اصلا مااريدهم يعرفون سر بيناتنا
منا بديت اشك بفاطمه اتصلت بصادق
السلام عليك ابو علي
وعليكم السلام شهوده تفضلي اني خادم
اريد اشوفك عندي موضوع وياك بس بمكان عام الله يخليك
تدللين في مقهى قريب من الشارع الرئيسي تعالي هناك اي وقت تجيبن
اليوم العصر
انتظرج
العصر قبل لااطلع شي بداخلي دفعني اكول لخالتي خاله العصر اني وفاطمه طالعين سوا بشغله ومن نرجع انشالله نگلج اخبار حلوه
شنو شهد تضمين عليه رايحه تحللين حمل
لا خاله بعد وكت رايحين بشغله تخص فاطمه وتفرحها وتفرح علاوي بس لاتتاخرين عمار ميقبل ادري مايقبل حبيبي والله رايحه لخاطر فاطمه بس اريدها ترضى عليه
طلعنا انطتني تلفوني شوفي مسحت المحادثه من تلفونج
وصلنا هناك گالت ادخلي انتي وبعدين اني اجي لاتتاخرين فاطمه
گعدت يم صادق شلونك ابوعلي
هلا شهوده شلونج مشتاقلج
خويه ابوعلي هي حجايه. وحده فاطمه وصتني احجي وياك حتى ترجعون هي تحبك وابنك حرام يتربى بعيد عنك
يافاطمه اني ماصدكت خلصت منها متسلطه السانها طويل كان بالي غير موضوع
هسه هي موجوده اصيحها تتفاهمون
لاتصيحيها ولااريد اشوفها اني رايح
طلع من المقهى ورحت على فاطمه ليش مادخلتي لج شنو هذا حظج بس سمع اسمج كام
خلي يولي انتي سويتي الي عليج
سوده عليه فاطمه مايستاهلج
يله نرجع ولاتحجين لاحد ابد مااحجي
باليل خابر عمار مگتله اي شي
شخبار الشباك
بله مو عيب مخابرني تسال على الشباك اسال عليه كلي شمسويه بفراگي شنو هالشك الي عندك
شدعوه عليج هذا الرد اني رجلج ومن حقي احاسب واسال
بس مو هيجي عمار تجرحني بهذا الشك
خلص لاتسويها زعله غنيلي
صار حبيبي
انا موتعبان انا
انا دنيا من التعب محتاجك ابيك
انه مو ولهان انه دنيا من الوله راحته اديك
ولاناگص حب ثاني انجرح منه وعاني
الله يرضالي عليك
الصبح فاطمه غيرت اسلوبها وياي
اگلچ اذا صار عندج طفل سميه مرسي على اسم ابوچ المصري
سكتت مجاوبتها البارحه شكل واليوم شكل
اكلج شهد صديقتي عدها حفله ليش متروحين ترگصين وتغنين مثل امج الكاوليه
بس اني مو كاوليه اني عشت بينكم ولو مو شريفه مااخذني اخوج وخمس سنين معاند الا اني واذا اريد اركص واغني ل رجلي احسن ميعوفني واظل اتوسل يرجعني
شنو قصدج
ماعندي قصد
بسيطه ياشهد راح تشوفين
رجع عمار من السفر كنت نايمه يمه بالليل انضرب الشباك فز من نومه وانتبه تلفونه دز صور ورسائل ماحسيت الا راسي يرگع بالسرير
بنت الكلب حقيره امي گالت حجايه تخونيني بسبعه العرس
عمار شبيك اش مااسمع صوتج اتحملت وگلت شكوك هذي رسائلچ لولا والصور ويه صادق لج الموت قليل عليج سنين احبج وانتظر اخذج والتالي طلعتي مثل امج عاهره
عمار راح تموتني كافي
موتي خلي اخلص من وهمج وعارج
كان يخنگني بثنين اديه من الصريخ وصوته ركضوا البنات يحاولون يفتحون الباب كان مقفول
خالتي كانت تصرخ الجيران راح يخابرون الشرطه يمه عمار عوفها ماتستاهل تضيع روحك عليها
افتح الباب خلي نشوف شمسويه
وخروا منا لاتدخلن بلحظه عركت اصابعه گدرت افلت ايديه مني بس كنت مقطوعه انفاسي ركضت اغمي عليه صحيت عمار منتظرني اصحه وخالتي يمه اول متحركت لزمني من شعري شوفي تحجين كلشي گدام امي حتى متكولين ظلمني
شحجي عمار مهما اكول مراح تصدك فاطمه اخذت تلفوني وكتبت الرسائل ورحت وياها حتى احجي ويه صادق
خالتي لا تدخلين بنتي بالنص تريدين اخوها يذبحها
خاله تذكري گتلج رايحه ويه فاطمه
عمار شلون طلعتي بدون علمي
گالت مااريد احد يعرف عمار والله ماعندي شي ويه صادق والله كانت نيتي اساعدها
خابر صادق واحجي وياه شوفه شيكول
اتصل بيه اضحكه عليه اكله مرتي شتسوي وياك والشباك الي ينضرب
فدوه عمار الي دز الرسائل وصورنا شنو غايته غير حتى تطلكني
الرساىل من تلفون فاطمه احد دازها الها وكاتب شوفي مرت اخوج ويامن ودزتها الي صديقتها شايفتكم
احلفلك فاطمه كانت وياي وداعتك انت
لاتحلفين بيه شهوده العرق دساس انتي امج منو ابوج منو بس اني ركضت ورا الجمال ومافكرت بالاصل
شهد انتي طالك وعمرج هسه ١٨وهاي امريكا تگدرين تعيشين بيها انتي وامثالج احسن عيشه بس بيتي ويه اخواتي متبقين
بتلك اللحظه صوت بداخلي يكلي كافي اطلعي من هذا البيت وعيشي مره وحده بحياتج بدون احد مايذلج ويتذكر اصلج وفصلج
حاضر عمار تريدني هسه اطلع لو الصبح
مايهمني
طلع هو حجيت ويه خالتي. وكتله لا تشهدين شهاده زور عندج بنات انتي
ورحت على فاطمه نفس الشي ورا ساعه اتصلت الشرطه يريدون احد يكفل عمار لان متهجم على بيت صادق ومتصل بالشرطه وماخذيه
سمعن ااخبر كلهن هجمن عليه طلعني من البيت بالليل كان عندي ١٦دولار وكردت لعمار منطينياه بيه ٤٠٠دولار وملابسي وقميص عمار اخذته بدون ميدرن
أنت تقرأ
الكفيل
Romanceكلمة الكفيل تطلق على الشخص الذي يتحمل مسوولية وصولك الى امريكا وفي القصه حب يعترضه بعض الصعوبات
