Don't Wanna Love You

PART 3

DON'T WANNA LOVE YOU...
PART 3

#dontwannaloveyou
#lunarose

Aduiii mcm mau satu jam sudah kami sangkut dalam jem ni. Ini yg sa benci betul driving di KK ni. Sdhlah kereta sa Myvi saja... 5 tahun sdh sa pakai ni Myvi, sejak sa beranak bah tu Aaron kasi pakai ni Myvi dia, time tu baru juga 2 tahun dia pakai, dia beli Toyota Swift mau kasi pakai sa kunun, tapi sa takuuut mau bawa kereta baru, nanti calar.. 😂

Masa tu baru dapat lesen kan... belum campin. Hjg2 sa selesa sdh bawa ni Myvi jadi malas sdh sa mau tukar2... Tapi itulah, bulih haus brek oh gara2 jem saja... Kalaulah bulih kasi terabang ni kereta..

Sa tingu si Bella, mau tertidur2 sdh dia inda pandai sampai2 sekolah dia ni.. Dia tadika bah ni sana Smart Reader Kids di ***, mainkah mahal tu yuran, si Aaron la tu mau the best kunun utk Bella. Nasib dia yg keluar duit bayar yuran ah. Eee mcm malas sdh sa mau pigi hantar dia ow lewat begini.. malu sdh sa mau pigi...

"Bella.. Tidak payah la pigi school today ah? Lambat sdh kita ni.."
Tarik muka sdh si Bella. Yui padahal sa tau bah tu yg dia suka pigi skul tu mau main saja sama kwn2. Bukan jg pasal mau belajar 😂

"Mommy bawa Bella pigi main sana Kidzoona la.. lepas tu Bella kasi kwn mommy beli kasut. Nanti mommy hantar  Bella pigi rumah Omma. Main sama dorang Chloe, Apple.. ah?"

Apalagi terus bercahaya tu muka. Mata dia blink2 saja. Kepala angguk2 mcm tu burung woodpecker sdh. Kan sa bilang pok main saja..

Chloe sama Apple tu anak kakak si Aaron, mama dia yg jaga.. mama dia ni housewife, bapa mentua sa pula sdh pencen.. Kesian dorg sunyi kan dua org saja, selalu dih dorg panggil kami hantar cucu sana, hjg2 kakak Aaron mengantar anak2 dia sana hari2. Nsb adik-beradik Aaron yg lain jauh2. Klu nda jadi nursery la tu rumah mentua sa.

Sa sj yg malas sikit hantar Bella sana, psl dorg terlampau kasi manja bah. Apa tu cucu mau semua dorg kasi, gula2 jangan ckp la, full blast. Penuh tu almari dorg dgn biskut, coklat, gula2. No limit lagi tu. Rusak anak sa ow.. 😂 Tapi bagi si Bella mcm syurga la tu di sana. Klu di rumah kami mana ada makanan gitu, ada cereal saja.

"Tapi... kita pigi sana doktor ensem dulu. Mommy mau ambik MC. Nanti boss mommy marah mommy tidak pigi kerja. Bella pura2 sakit, bulih? Sakit kerongkong bilang.."
Punya tiada guna kan ni mama, mengajar anak menipu lagi tu 😂.

Bah jadi takkan sa yg mau bilang sakit. Nt tu doctor check2, sa pandai nebes kalau tedakat tu doc. Terlampau hensem bah. Tagap lagi tu tgn dia. Pandai terimagine yg naughty2 😂

"Ala... Beyya lagi yg mau bilang sakit.. Nanti doctor check kerongkong Beyya pakai itu stick.. I don't like.. mau temuntah.. Mommy la yg bilang sakit"

Eee pandai2 ow ini anak.. org suruh dia, dia mengajar kita balik. Bercakap bukan main pintar tapi masih belum lurus tu L sama R dia.. nama dia pun jadi Beyya. 😂

"Ah.. Bella la. Ikut ja ckp mommy. Mau pigi main kan sama pigi sana Omma? Doctor tidak cucuk stick juga tu.."

Mcm terpaksa sj si Bella angguk. Paduli dia. Sampai sdh kami depan clinic. Besar clinic ni doc, selesa lagi tu. Sa suka pigi sini, tambah lagi tu doc hensem & friendly. Senang dpt MC lagi tu.. 😂

Tidak lama turn kami sdh. Cpt2 sa tarik si Bella, masuk sj sa hai tu doc terus sa surung si Bella duduk tepi dia, sa jauh sikit tu kerusi dpn dia.

"Hai Arianna.." dia bilang. Senyum2 dia tingu sa. Sa tersengih2 saja. Mcm ni doc dpt agak sdh ni trick sa mau minta MC tau..

Nama ni doc, Dexter T. Johnson. Inda taulah T stands for what. Busy body pula kalau sa menanya. Sa tingu dia punya scroll sana dinding, graduated from Uni of Moscow. Bulih tahan. Jangan bah ko senyum2 sana doc, sdhlah ko tu terlampau hensem. (Kalau kamu mau tau muka dia mcm mana, mcm tu na cover photo yg sa guna utk ini story).