نساء في بلادي ٩
زينب الموسوي
وصلت الصبح هذا الاحساس الغريب مثل الكلبي طاير لا اكيد هاي الابره الخلط ماثره عليه دخلت للبيت فاضل كان بالحديقه اشو هنا ابو بنين ليش انتظرچ اريد اول وجه اشوفه الصبح انتي الله يخليك بس الجو بارد بعده. انتي عندچ هذا الجو بارد لو شايفه البرد بامريكا شتكولين
الله يساعدكم لعد بس الظهر تصير حاره هو شهر الثالث هيچ حتى احتار البنات شالبسهم
البنات صاروا يلبسون لوحدهن وهواي شغلات لاحظتها تعلموها
انشاالله بالعطله حتى طبخ اعلمهم
ياريت بناتي يطلعون مثلچ
والله هسه يصيرون احسن بنات وتفتخر بيهن
طلعوا البنات شفته مراح للشغل زين هاي مرته بس لا راح تشرب حبوب وتنام هاي تسويها بلا احساس
دخلت ام بنين للمطبخ ماادري شبيها
احلام اليوم فاضل ميريد يروح للشغل شلون. خليه ليروح بيش مضايقچ. لچ مااگدر اخذ حبوب انام ويعرفني لاتاخذين حبوب بدلي وگعدي يم رجلچ اخذيه واطلعي تونسي انتي والله بطرانه اذا للتسعه مااخذ الحبايه اتهستر افتهمتي والله شاكه بيچ مره انتي
احلام اني مدمنه تفتهمين شنو مدمنه مااريد اصحى وافكر واتعب راح اشوف اي عذر اخليه يطلع
اشو يوم ااجمعه ميصير بيچ هيچ من هو موجود هاي النوعيه جديده البارحه جربتها واريد اشرب شلون
اسويلج چاي گهوه بلكي تصيرين احسن. والله هسه مال اضربچ بالقوري مال الچاي خايبه كلشي متعرفين بس الطبخ والمواعظ
دخلت لغرفتها وبقيت بالمطبخ دخل فاضل وگعد يمي على الكرسي اسويلك شي ابوبنين تاكل
لا اذا اريد شي اني اسوي متعود
على راحتك ردت اطلع من المطبخ سالني وين رايحه اروح اشوف ام بنين اسالها شنو اسوي غدى ام بنين نامت عوفيها سوي الي يعجبچ واني اساعدچ
يعني انت مااخذ اليوم اجازه حتى ترتاح تريد تخلصه بالمطبخ روح اطلع اتونس بغداد حلوه
هاي والله طرده لا بس شعاجبك من المطبخ. عاجبني الي واگفه بالمطبخ منو الثلاجه لو المجمده لا الطباخ عاجبني واريد ابقى يمه عندچ اعتراض على راحتك بس يمكن ميصير ابو بنين شبيچ محرجه من گعدتي هنا بصراحه اي
خلص رايح بالصاله اذا احتاجيتي شي گولي انشاالله. لو باقي دقيقه بعد گلبي يوگف وظل كل شويه رايح جاي ويباوعني ويبتسم ويروح اتصلت بانسام حچيت الها الموقف
روحي گعدي زوجته العوبه
واذا ماگعدت شلون. ظلي يمها لحد متگعد اني مخايفه منه ابو بنين مؤدب بس احراج اذا تعرفيه واثقه منه خوش رجال انشغلي بالغرف ومعليچ بيه هسه يحس على نفسه ويثكل. اخاف يزعل شنو يمه يزعل يعني انتي عاجبچ الوضع ماادري لعد ليش خابرتچ خلص راح اروح اگعد زوجته. لچ هاي شنو من زوجه عايفه رجلها ويمه بنيه زغيره وحلوه ونايمه. لچ رادت ترگعني بالقوري بس اگلچ صدوگ اني حلوه
اي عيني حلوه اذا متصدگين روحي اسالي فاضل افندي
اگولچ كل نص ساعه اتصلي بيه
بعد ساعه واروح للمدرسه وعندي امتحان روحي گعدي ام الحبوب
دخلت عليها. ام بنين اگعدي ساعه ١١الظهر ماتريگتي انتي وابو بنين گاعد لوحده خطيه انتي مو تريدين ترجعيه هاي فرصتچ گومي اساليه ليش مرايح للشغل يله عيوني انتي
گعدت من نومها واخذت شاور وسويتلها ريوگ بقوا بالصاله اثنينهم واني بالمطبخ لحد الليل ردت اروح للبيت فاضل گال
اني اوديچ للبيت مااندل بيتكم واخذ البنات وياي يشوفون بغداد حلوه بالليل
وام بنين تعالي ويانا اهلي يريدون يشوفوچ مره الجايه ازوركم هسه مامستعده ونعسانه. طلعنا. گلت لبنين حبيبتي گعودي يم بابا
شنو تگعد بنين يمي شلون يصير انتي تعالي لاتعقدين الامور صعدت بالي سؤال نهاية هاي التصرفات شنو اول مگعدت باوعلي لايگ عليچ تگعدين يمي مارديت عليه البنات رادوا اغاني اطفال شغللهم سي دي وهو حافظ الاغاني اكثر منهن مقبل يوديني راسا للبيت افترينا واشترينا عصير كانوا هو وبناته فرحانين بس اني لا ادركت اخذت مكان مو الي هذا مكان زوجته مااريد اصير سارقه واهدم بيت انسانه مريضه بيوم من الايام رادت مساعدتي حسوا عليه بنين بدت تصير واعيه وتحچي عراقي قوي
خاله احلام ليش ضايجه
لا حبيبتي مضايجه بس تاخرت وامي متقبل تحچي عليه
خاله انتي شابه تگدرين تتاخرين براحتچ
لا خاله ميصير حتى لو عجوز اصير الام والاب لازم ناخذ رائيهم بكلشي ومنزعل منهم اذا حاسبونا لان يخافون علينا
لا صدوگ احلام اهلچ يحچوون
اي والله منطقتنا شعبيه والناس تحچي
لعد خابريها لامچ وگولليلها واحنا ننزل وياچ حتى متصيرين باحراج
خابرت انسام وفهمتها خطار حتى ترتب البيت وتعدله
وصلنا دخل سلم على امي والبنات ركضن على الدرج عبالهم عندي غرفه مثلهن خاله احلام نريد نشوف غرفتچ مرتبه مثل ماعلمتينا
حبايبي بيتنا مابيه غرف فوگ كلنا انام هنا من نبني بيت جديد اسوي غرفه وتعالوا شوفوها
طلعوا من البيت امي استلمتني تحقيق وليش وليش واهم سوال زوجته ليش مااجت وياه گتلها مريضه وتعبانه وانسام كملت بقية المقتل انفضحت المره باليل ظلينا نسولف انسام گالت احلام ترى اكو فد شي فاضل يسولف ويه امي وعينه عليچ والچاره شلون انسام زوجته خطيه. خطيه وين الخطيه حبيبتي زين وملفيها وباقي بلا زواج ولا علاقات هي المفروض يصير عدها احساس وتركه يعيش ابوها اشترى الها من كان طفل وسترها وردت خانته وحبوب عمى بعينها تعوفه على الاقل تطمئن على بناتها عنده ميضيعن والله ماادري انسام بس ضميري مامرتاح لا حبيبتي ضميرچ خليه على صفحه اصلا هو حتى الدين والشرع وياه وانتي تحبيه شمدريچ احبه مبين عليچ وهو الرجال ينحب. مو باالله صدوگ امداچ نرجس العوبه كل منچ
نرجس مرته اي عيني مرته عاگوله مو نرجس ثاني يوم الصبح لگيته هم بالحديقه ينتظر تاخرتي احلام ليش ازدحام تعرف وماتاخرت هواي عشر دقايق البنات گعدوا اي گعدوا ينتظروچ عرفت من طلعوا البنات ميريد يداوم ليش متداوم ابو بنين. بكيفي مااريد اداوم مليت من الشغل. ابو بنين امي مريضه مدام انت هنا اروح اني اليوم يم امي
ترى باچر هم مراح اداوم منو راح يتمرض عدكم باچر ليش باقي هنا زوجتك مريضه ونايمه اني ماعندي زوجه اكيد حچتلچ اذا مو هي ام مريم راح يصير سنه عدنا وشفتي وضع غريب زوج ينام بغرفه لوحده وزوجه نايمه طول اليوم سالتي وعرفتي اسفه مو قصدي ادخل بس فضول البشر. اهلي كلهم يعرفون وانتي صرتي وحده منه
بس الناس شتگول انت متداوم وزوجتك. نايمه واني لوحدي
والناس شمدريها شيصير بيتنا
بيت ابو مريم يدرون احنا لوحدنا
ابو مريم يعرف اخلاقچ ومن گتله اريد وحده تربي بناتي وتعلمهن گلي اعرف بنيه ضربت ولد بسچين لان تحارش بيها رغم هي زغيره وهسه هذا المطبخ مليان سچاچين اذا مضايقچ اضربيني
لا ابو بنين مو قصدي انت وين وذاك الحقير وين على راحتك خليك بيتك وبكيفك
تدرين شلون شنو رائيچ نسووي غدى لبيت ابو مريم ويتغدون عدنا زوجته ترجع من المدرسه ١٢ الظهر وهو اليوم مجاز اروح يمه فد ساعه وانتي اشتغلي
زين قبل لتروح احتاج شغلات اكتب ورقه وانت جيبهم الي
لا تعالي وياي اش لاتحچين ولاكلمه امشي هو سوگ قابل وين رايحين واخذي السچين وياچ
مااحتاج سچين اول سيطره تلاگيني اگلهم ارهابي
والله عمي سباعيه
طلعنا للسوك بالطريق ظلينا نسولف
احلام شتتمنين ماادري اكثر شي اتمناه ارجع للمدرسه لو امتحن خارجي سهله انطيني اوراقچ اقدملچ واخذي كتب سادس وامتحني عندي كتب اختي السنه سادس خلص لعد يوميه اقري وهسه تنجين من اول دور. بعد شنو امنياتچ. اخواتي يكملن دراسه واخوي يطلع عايش ونبني بيت النا
انشالله كلها تتحقق انت شنو امنياتك اطمئن على بناتي وميمشن بطريق غلط ويستقر العراق حتى يگدرن يعيشن بيه انشاالله تشوفهن احسن الناس ويستقرن هنا ويتخرجن ويتزوجن خلي ابوهن اول يتزوج وبعدين البنات
هنا سكتت وغيرت الموضوع ابو بنين استعجل حتى الحگ اطبخ اني اساعدچ لاتخافين ابو بنين لاتساعدني ولاتدخل المطبخ اني اعرف شغلي بكيفچ مو زين اساعدچ
رجعنا للبيت وبذلت كل جهدي حتى اطلع الاكل احسن مايكون وماخليت ڤيكه ماسويتها بالتزيين وحچايه اريد اتزوج ظلت بالي شنو قصده يعني شنو قصده يريد يتزوج مبينه
