نساء في بلادي ١١
زينب الموسوي
الفجر خابر گتله موافقه بس خايفه والله ابو بنين وزوجتك خطيه. لاتكولين زوجتك انتي الجمعه تصيرين زوجتي. ابو بنين اليوم اربعاء باقي يومين للجمعه ميصير ليش نستعجل خلينا شويه مخطوبين احلام راح يصير سنه گبالي تعرفيني واعرفچ اليوم لتجيين خليچ بالبيت اراح نجي اني وابو مريم وام مريم على الوالده واخذي اجازه حتى يوم العرس محد يشك بشي بس ابو بنين كلشي مفتهمت وامي متدري واخواتي محد. تدري. الصبح گوليلهم وبحدود العشره نجي عليكم شبيچ خايفه ترى اني ممتزوج حتى تخافين وبناتي صح من عدها بس والله انتي احن منها عليهن يعني انت راح تتزوجني علمود بناتك. لو هذا ااحجي صدوك تزوجتچ من اول شهر عرفتچ بيه حبابه وبنت اوادم لچ احبچ وصدگي انتي اول حب بحياتي اني تزوجت زغير حتى سنه مصارلي من دخلت امريكا والكفيل الي دخلني لامريكا ابوها وهددنا واغرانه وكلشي سوا حتى اخذها. بس ابوها ممقصر وياكم ميصير هيچ تسوي بنته. انتي ليش تسمعين نص الحقيقه وتعوفين النص الثاني احلام اني ماقصرت ويه بنته اتزوجتها واخلصت وياها وطلعتها من اهلي تدرين اني لو رافع عليها قضيه وعندي بوكتها اثبات الخيانه مالتها كان اخذت البنات واهلها انفضحوا بس تحملت النار اخاطر ابوها وبناتي مااريد الناس يكولون امهن سافله. الله يساعدك ابو بنين والله اني من يمي ماتحمل عفيه گلبك متحمل اسفه ضوجتك. لا ماضجت بس صدگي نهايتها راح تكون سوده وهسه تشوفين. المهم البنات متتاذه هي راشده وهي الي ضيعت نفسها بتصرفاتها. احلام من اليوم من نكون سوا لا تجيبن طاريها الله يخليچ. صار ابو بنين
صار الصبح حجيت لامي يمه انتي تعرفين قصه زوجة ابو بنين اي ليش شكو ماتت. لا يمه يريد هو وابو مريم بجوون يخطبوني اله. وزوجته راضيه. هاي المشكله زوجته متدري يريد الزواج بينا وبين اخوه بس محد يدري وحچيتلها بقية الاسباب وضع بناته امي ماقتنعت بس لمن وصلوا فهموها وضع مؤقت وانتي راح تعمرين متخربين بيت واحلام تدري هو ماعنده زوجه وافقت امي ام مريم هلهلت وانطوني ذهب ومهر وكل الي رادته امي وراح ابو مريم جاب شيخ وعقد النا كنت خايفه اكثر مافرحانه فاضل كان عمره ٣٦ سنه واني عشرين سنه
حددوا زواجنا بعد يومين وامي وانسام جهزوني وفهموا ام بنين امي مريضه وراح اغيب حتى هو الجمعه يگول مسافر وزوجته وبناته يباتون بيت ابو مريم وكل شويه البنات يخابروني ويكولون نريد نجي نشوف بيبي واگلهم هسه تصير زينه وتعالوا شوفوها كان عدهم صديق عنده بيت فارغ قريب على بيته كان عرسنا بيه بس سياره ابو مريم اجتي حتى نروح للبيت ومكانت في زفه وهوسه حتى الجوارين ميدرون كل البنات تتمنى بهذا اليوم زفه وهوسه وبدله وسيارات تخبص الشارع بس ممكن نتنازل عن بعض التفاصيل اذا كان الشخص يستحق التنازل
فاضل بليلتنا الاولى كان مرتبك اكثر مني وظلينا نسولف گلي مقدر الي سويتيه علمودي واتزوجتي بدون عرس وبدله بس والله ظرف مؤقت وانشاالله اعوضچ بكل الي تريديه والله مااريد شي بس مااريد اندم. ليش تندمين اخاف اذا زوجتك تعرف فد يوم. منين تعرف هي بناتها متعرف عنهن شي وبس نايمه اصلا لو اتزوج اربعه متدري. لا والله من اول يوم تريد تتزوج اربعه واني شنو. انتي تصيرين الچبيره ام البيت لافدوه لاتحچي هيچ اضوج. تضوجين لو تغارين. اثنينهن قابل حرام اذا اغار عليك. هو اني وين لاگي وحده تغار عليه وچماله حلوه وزغيره وحبابه بقينا نسولف والسوالف صارت شقى وضحك. والشقىً والضحك اخذنا لنهاية كل ليلة عرس بنهاية الليله حبيت فاضل اكثر واتمنيت لو كل العالم يعرف اني زوجته بس اكيد راح يجي يوم والكل يعرف الصبح اتصل بالبنات وام مريم مگدروا يحچون وياي او يباركون اخاف تعرف زوجته ظلينا سوا للعصر وكلي اني اوصلچ للبيت ناخذ تكسي وبعدين اروح للبيت
ابو بنين مااريد اروح لبيت اهلي استحي من امي واخواتي خليني هنا يومين وبعدين اجي لبيتكم مثل كل يوم شلون اعوفچ لوحدچ گلبي مينطيني عادي الباب مقفوله واتصل بيه ادري ضايجه ومو اصول اعوفچ بس انتي ادرى البنات لوحدهن وميرتاحن اذا مو بمكانهن
اعرف روح الله وياك بس خليني هنا مااگدر ارجع ثاني يوم لاهلي على راحتچ حبيبتي تدرين شگد احبچ بگد سنين عمري الضاعت اسم الله على عمرك وانشالله سنينك بدت وياي والله يعوضك ببناتك
ميهون عليه اروح اعذريني
الله وياك اتصل من توصل
اول مطلع خابرت امي واخواتي وطمنتهم عليه باليل اتصل فاضل گلي باچر تعالي هنا على الاقل يمي واشوفچ وفعلا ثاني يوم رحت لبيتهم شفت ام بنين كانت مدده بالصاله وفاضل بالمطبخ اول مشافتني اشو نازعه الاسود وحافه ولابسه حلقه انخطبتي بلي انخطبت وليش مكلتي نحسدچ شنو. لا بس الموضوع اجى بسرعه. زين ابو بنين موجود گدامه لاتخلين مكياج عبالها بكيفها ماخلي مكياج دخلت للمطبخ شتسوي هنا بالمطبخ دانتظرچ اقترب مني وحضني فاضل زوجتك بالصاله. لاتكولين زوجتك اني عندي زوجه وحده انتي شنو اليوم مراح تروح للدوام وشعندي رايح هي تريلات نفط شايفها ومليت منها ابقى يمچ احسن دخلت ام بنين تنام گلي تعالي لغرفتي. اخاف ابو بنين ميصير منين تخافين فد يوم شفتيها گعدت من النوم لاتصيرين خوافه
بقينا ايام هي تروح تنام واروح وياه للغرفه بدت مراجعه بنين للبكلوريا گلي ابقى هنا بحجة تدرسين بنين واهلچ يدرون انتي زوجتي ليش رايحه جايه منو گال ام بنين توافق
هو بكيفها متوافق گوليلها فاضل گلي ابقي هنا بس انت لازم تروح للشغل ميصير تبقى بعدين تحس ومن تشوفها گاعده بالصاله لتبقى يمها فوت لغرفتك مو مكيف مگابلها
اشو الا اگابلها حتى تغارين ترى اخذ بنين لبيتنا اقريها وماارجع
تريديني اموت هم انتي وهم بنين تروحون
ظليت عدهم وانام يم بنين خلصت امتحانات البنات ونجحوا بقت بس البكلوريا تركت التنظيف والبيت وفاضل حتى ادرسها ردتها تتفوق حتى تشوف قيمة التفوق وتتمسك بالدراسه ظلت تمر ساعات گاعده الخص واقري اسئلة البكلوريا باليوم الثالث للامتحان كان فاضل الصبح موجود وينتظر يوصل بنين هو يوميه يوصلها ويجيبها حتى يشجعها بهاي الاثناء طلعت ام بنين تصيح ذهبي ماكو واحد ماخذ ذهبي فاضل مااهتم الها گلها شوفي وين البيت مداخله واحد غريب ردت
لا اشيائي گامت تختفي من يوم الي احلام گامت تبات هنا رد عليها. احترمي نفسچ وفوتي دوري اغراضچ احلام صارلها سنه بهذا البيت اعرفها واعرف اخلاقها. وليش محروگ گلبك عليها لان اعرف چذابه وتريدين اطردها بس هذا ميصير اطردچ انتي ومااطردها بله راويني شلون تطردني بتلفون واحد اخلي ابوي ياخذ روحك وانت هنا بمكانك والله عندي اموت اهون ماابقى وياچ بس انتي ماعندچ كرامه كان المفروض تحترمين نفسچ وتركين البنات يعيشن حياتهن بعيد عن عارچ وتروحين لابوچ يزوجچ واحد ثاني يسترچ وهم تخونيه
كنت اشوف الي يصير واسمع اقتربت من فاضل دفعها ودخل لغرفتها وصاحني احلام رحت عليه وهي هم دخلت گلي دوري بغرفتها وين الذهب ضامته اريد اطلعها چذابه گدامج. ابو بنين ماكو داعي لتصير عصبي والبنيه عدها امتحان ودتسمع الحچي واگفه على الدرج وتبچي خطيه فدوه لعينك عوف الموضوع لخاطر بنين ماسمعني وبقى هو يدور وهي تحچي عليه
انتي شلون تكمشين ايد رجلي وشنو هالمكياج متستحين وينه هذا الخاطبچ شلون يقبل تباتين بيت غريب عرفت هاي گامت تغار وتريد تسوي مشكله عفتهم بالغرفه عرك وصياح اخذت بنين وطلعت وصلني السايق نونه حبيبتي لاتخافين انتي شاطره معليچ بالي صار هاي عادي مشاكل تصير باي بيت هسه يتصالحون فوتي للامتحان واني راح انتظرچ دخلت للامتحان وبقيت انتظر عشر دقايق اجى فاضل وراي بسيارته السايق راح وگلي تعاي انتظري بالسياره ليش هنا گاعده رحت وياه شفته بعده عصبي اول مره اشوفك عصبي لايگ عليك
من طلعتي ضربتها وطلعت الذهب
يمه وتضرب همين خوفتني قابل اضربچ الچ افرض فد يوم سويتك عصبي تضربني انتي من اشوفچ اتذكر بيت شعر قديم شنو الشعر گول يگول فقبلتها تسع وتسعين قبله وواحده اخرى كنت على عجل
زين هذا الشاعر ليش كان على عجل اخاف هم متزوج ويخاف مرته تشوفه لا يخاف الكهرباء الوطني تنگطع ضلينا نسولف لحد منسينا الصار وطلعت بنين مجاوبه
تعجبنا تعليقاتكم كلكم ذوق
