لست عاهرة - الكاتب محمود زغلول (الروايه بعد التعديل)

الفصل العاشر

حالة من الذهول سيطرت علي دنيا وجفت دموعها في لحظة عندما رأت الذي دخل عليها الشقة ...؟

لا يمكن ان تكون انت هنا ..؟؟
كيف ..؟؟ ولماذا ؟
هل من الممكن ان تكون مشارك في هذا ..؟؟
انه أشهد ......؟؟؟؟

ولكن لا من المستحيل ان يكون أشهد قد شارك في هذه الجريمة ...!!
وبالتأكيد كل هذا من تخطيط الشيطان "صالح .!

دخل اشهد الشقة وجد دنيا ملقاه علي أريكة في حالة عدم إتزان وبجوارها طاولة عليها بعض زجاجات الخمر وجسدها شبة عاري ...!!

نظرت اليه وهي مصدومة وتحاول ان تُخفي جسدها بأي شئ حتي وصلت بصعوبة لاحد المفارش الموجوده علي الطاوله التي بجوارها وحاولت ستر نفسها ولكن دون جدوي ..!!

اقترب أكثر منها وهو لا يصدق ما تراه عيونه ..!!
مصدوم .. يقول بين نفسـه هذه بالتأكيد ليست هي "دنيا" إنما شبيهةً لها فدنيا ليست هكذا ..؟
"ليست عاهرة " .....!!

يتمني ان يكون هذا مجرد حلم او حتي كابوس وليس واقع ، وليس حقيقة ، ان يكون حتي قد مات وهذا حدث بعد موته ، نعم تمني الموت علي ان يري حبيبته او من كانت حبيبته في هذا الوضع المخزي ،الوضع الرخيص

اقترب اكثر وأكثر حتي وقف اماها مباشرةً وفي هذه اللحظه كان قد جن جنونه وقال :
وكمان سكرانه ...؟؟
هههههههه وضحك بسخرية
عشان كده كنتي بتتهربي مني ومبترديش عليا وبتقولي انك عاوزه ترتاحي شويه ..؟؟
يا تري بقا اللي كانوا نازلين علي السلم دول هما اللي ...؟؟؟
ارتحتي دلوقتي ...؟؟

عارفه لما صالح قالي اجي هنا وهلاقيكي ...؟؟؟
كنت هضربه بالنار ..!!!
لمجرد بس انه نطق اسمك بكلمة وحشة ...!!!
من غير حتي مفكر لحظة انه ممكن يكون بيقول الحقيقة ومش بيكدب ...!!
لآني عمري ولو للحظة كنت ممكن أشك انك بالقذارة دي اتفووو ...!!!!

لولا انه اثبتلي انه مش كداب و وراني صورك وانتي في حضن ناس زباله زيك كنت قولت عليه كداب وقتلته ..!!!!

واديني اتأكدت وشوفت بعيوني اهوه ...!!
وصاح وصوته ارتفع بجنون:
يا ريتني كنت عميت قبل مشوفك وانتي كده ..!!!

دنيا تهز رأسها نافيةً ما يقوله وتحاول ان تتكلم حتي تدافع عن نفسها وإن كانت غير قادرة علي الكلام فهيا مازالت تحت تأثير المخدر والتأثير الأكبر الا وهو تأثير الصدمة مما يحدث لها ..

وقبل ان تنطق بكلمة صرخ عليها وقال لها بكل قسوة وغضب وعنف :
اسكتي خالص متنطقيش ..!! هتقولي ايه ولا هتبرري بايه ؟؟ دانتي لو كنتي طلبتي عيني كنت اديتهالك ..!!

وأكمل كلامه وقد انخفض صوته وسالت دموعه علي وجنتيه :
ليه كده ؟؟ هاه ؟؟ ليه كده يا دنيا ..؟؟
مكنتيش هتلاقي حد يحبك ولا يسعدك زيي انا !!
انا كنت بتمني بس اشوفك مبسوطه كنت انا كمان بكون مبسوط ..!!
اليوم اللي كانت ايدي بتلمس فيه ايدك بالصدفه ومن غير قصد كان بيبقا من احلي ايام حياتي لمجرد اني لمست ايدك بس ...!!!
كنتي بالنسبالي ملاك نازل من السما ..!!
هديه ...ربنا بعتهالي عشان يعوضني بيها ..!!
كنتي أطهر حاجة في حياتي ..!!