لست عاهرة - الكاتب محمود زغلول (الروايه بعد التعديل)

الفصل الثاني

آنسة دنيا ممكن كلمة لو سمحتي ؟؟
نفس الشاب اللي في الكلية بينادي عليا...!!
طب ارد ولا لأ..؟؟

بصراحة رديت بإستنكار وقولتله ...؟؟
حضرتك بتنادي عليا انا ..؟؟

رد عليا برعشه في كلامه وقال ..؟
ايوه بناديلك ممكن كلمة لو تسمحي ..؟؟

بعصبية وصوتي ارتفع قليلا ..؟
وحضرتك تعرفني منين عشان أقف اتكلم معاك ..؟
وعرفت اسمي منين اصلا هاه رد ..؟؟

نظر حوله مرتبكا وبدأ يتهته في الكلام ..
ااانا انا اااااانا
انا زميلك في الكلية وسمعت صحابك بيقولولك يا دنيا هو مش مش مش دنيا برده اسمك ..؟؟

كادت الضحكةان تنفجر مني ولكني تماسكت وحافظت علي لهجتي الغالب عليها الغضب والعصبية ورديت عليه وقولتله ..؟؟
وافرض يا أخي زميلي في الكلية توقفني كده في الشارع وتتكلم معايا كده قدام اللي رايح واللي جاي هاه ينفع ..؟؟
دي مش طريقة يا دكتور هاه مش طريقة عيب كده والله عيب ..!!

نظر يسارا ويمينا للمره الثانيه واحكم نظارته علي عينيه وهو في قمة الارتباك ثم مسح عرقه وقال ..؟
اااانا اسف والله العظيم اسف حضرتك ياريت متضايقيش مني بس بس بس انا كنت عاوز ...

قاطعته وقولتله..؟؟
انت لسه هتبسبس ..؟؟
هتعوز مني ايه يا دكتور ..؟؟
يلا سلام وسيبته واديته ضهري وكتمت ضحكتي من منظره وهوه بيشر عرق وواقف ملبوخ مش عارف يعمل ايه ...!!

اوقفت ميكروباص وركبت وأخذت طريق العوده للمنزل وطيلة الطريق وانا اضحك وحدي ..!
كلما تذكرت هيئته وهو يتهته في كلامه ومرتبك وعرقه يتساقط كلما ازدات ضحكاتي ..!!
حتي ظن من بجانبي في الباص اني بلهاء او مجنونه وقد أكدت لهم هذا الظن عندما أخرجت لهم لساني وبرأت لهم بعيوني وانا ازداد ضحكا حتي أضحكت جميع من بالباص ..!!

كنت حينها اُحب الضحك والحياة ..!!!!
كنت حينها اُحب الحياة ...!!!
كنت حينها اُحب ...!!
كنت حينها...!!
كنت .!

عودت الي منزلي وانا في قمة سعادتي هذا اليوم ولا ادري لماذاكل هذه السعادة وكل هذا الضحك فهذا مجرد يوم عادي وشاب اخر يعجب بي ..!!
فهذه ليست المره الأولي التي اري في عيون احدهم الإعجاب الشديد بي ، ولكنه مختلف ..؟في هيئته ، في كلامه ، في طريقته ، حتي في نظارته الدائم اللعب بها، مختلف ..!!!

ضغط علي جرس الباب وفتحت لي عبير ..

دنيا : ايوه بقا يا ست بيرو كنتي مع كريم (خطيبها)النهارده وخلاص هتتجوزي وهخلص منك وتجبيلي نونو صغنن العب بيه ويقولي يا خالتوا ..!!

عبير ويبدو عليها الحزن والاستياء :اسكتي بقا يا دنيا دي مش باينلها جواز ولا نيلة ..؟؟

دنيا :ليه كده يخربيتك يا فقرية ايه اللي حصل يا حبيبتي ..؟؟

عبير :مفيش ..؟؟ القاعات غالية جدا وفلوس كريم خلصت كلها علي الشقة ومش عارفين نعمل ايه خلاص انا زهقت ..؟؟
شكلنا هنأجل شويه ..!!!